Sashe 8

A Ɓangaren Laylerh kuwa tana barin kitchine ɗin kaitsaye ɗakinta ta wuce, kwanciya tayi akan ɗan gadonta tare da jawo wani text book ta soma karantawa,  ta jima tana karatun bayan tayi sallan azahar ne bacci ɓarawo ya ɗauketa ko tashi daga kan sallayan da tayi sallah batayi ba, ba ita kuwa ta farka ba sai ƙarfe 4.
Toilet ta wuce ta sake ɗauro sabon alwala sannan tazo ta tada sallah, bayan ta idar da sallan la'asar ɗinne ta fita zuwa falo, dan ita kwata kwata bata masan Abbun nasu ya dawo ba.        
Acikin falon kuwa Abbu ne da Momy zaune suna ɗan taɓa hira,   fitowarta daga cikin ɗakin kuwa, yayi daidai da kai duban Abbu ƙofar ɗakin nata,  ganin Abbu'n ne yasa ta ɗan waro manyan idanunta, cikin zumuɗi da kuma mamakin ganinsa tace.   "Abbu."  
Murmushi Abbu Ya sakar mata tare da buɗe mata hannayensa, cikin  kulawa  yace.  "Oyoyo Mamana."   da ɗan sassarfa ta ƙaraso, durƙusawa agabansa tayi, tana murmushi, hannayenta Abbu ya kamo, cike da kulawa yace. 
"Ƴan matana anata girma, ya school ɗin dai, hope kina karatu sosai?."        

Murmushin daya bayyana zallan kyawunta tayi, cikin ƙaunar Abbu'n tace.  
"Ina karatu sosai Abbu, next week ma insha Allah Zamu fara exam ɗin second term."  
Kai Abbu ya jinjina tare da cewa.    

"Masha Allah, Gaskiya naji daɗin hakan, fatan dai baki da wata matsala a school ɗin naku ko?."   

Ɗan murmushi tayi tare da jinjina masa kai,  alaman "Eh." sai alokacin ta ɗago da kai ta kalli Momy wadda ta tsura mata ido,  sauƙe kanta ƙasa tayi tare da soma wasa da ƴan yatsun hannunta.   
Shafa kanta Abbu yayi, tare da cewa.   "Naga result ɗinki na firts time yayi kyau sosai, Allah Ya miki albarka."     da "Ameen" ta amsa, ganin irin kallon da Momy ke mata ne yasa ta miƙewa  tare da cewa.  
"Abbu bari naje na haɗa maka apple drinks da jallop rice."   
Murmushi Abbu Yayi tare da cewa.  "To ƴar gidan Abbu."  
Kasancewar dama matuƙar yana gari, itace  meyi masa girki.

Kaitsaye kitchine ta wuce, inda ta samu Larai me aikinsu nata aikin ɗaurawa da sauƙewa,    matsawa can gefe tayi, cikin nutsuwa ta shiga haɗa abubuwan da zata buƙata wajen haɗa apple drinks, tana kammala wa kuwa, ta ɗaura masa jallop rice me rai da lafiya.       
haka tayita gudanar da aikinta cikin nutsuwa harta kammala, koda ta gama tuni an soma ƙiraye ƙirayen sallan Magriba,  akan dining table ta jera duka abincin da ta girka, har dama wanda Larai ta girka, saida ta gama komai sannan ta wuce ɗakinta, wanka tayi tare da ɗauro alwala,   koda ta fito daga toilet wata jar doguwar riga ƙiran turkish ta saka, wanda yake Abbu'n nata ne ya taɓa kawo mata tsarabar ta, sosai rigan tayi mata kyau, hijab tasanya sannan ta tada sallah.  Koda ta idar da sallahn bata tashi akan sallayan ba saida tayi sallan Isha.        

Aɓangaren Maleek kuwa, tun fitansa sai yanzu yake shigowa cikin gidan.      Koda ya shigo kaitsaye part ɗinsa ya wuce, kasancewar yana da abubuwan da zaiyi masu yawa.                       

Hijab ɗin dake jikinta ta cire, sannan ta saka wani jan hula akanta, wanda shi ya ƙara bayyana kyawun shigar tata, sanincewa Idan Abbu na gida, doka ne kuma ƙa'ida gaba ɗaya gidan atare suke cin abinci, hakanne yasa ta nufi falo kaitsaye, aikuwa tana zuwa ta samu Abbu da Momy akan dining,  Abbu na ganinta yace.  
"Yauwa Laylerh zo maza kiyi serving ɗinmu, dama ke muke jira."   
Ɗan murmushi tayi, tare da ƙarasowa, saida tayi serving ɗinsu, sannan taja kujera ta zauna.
Abbune ya zaro wayarsa daga aljihu tare da dannawa lambar MALEEK ƙira, wanda fitowarsa daga wanka kenan, ganin ƙiran Abbu ne ya sashi ɗagawa.   
"Kazo dining kayi dinner."  Abbu ya faɗa ataƙaice, tare da katse ƙiran.         
Jin Abbu ya datse ƙiranne yasa shi cilla wayartasa kan gado, cikin nutsuwa ya cigaba da shirya kansa, wasu irin tarin tunani ne kwance aƙasan zuciyarsa.
                        
Acan falo kuwa gaba ɗaya Laylerh ta kasa sakewa taci abincin, saboda yanda Momy ke ta jifanta da wani kallo me ɗauke da ma'anoni guda biyu, idan taga Abbu na kallonsu kusa, saita ta ƙoƙari wajen ganin taja Layler'n da hira.                   

Shigowansa cikin falon ne yasa gaba ɗaya ko ina na ya gauraye da daddaɗan ƙamshin dake tashi ajikinsa,  hakanne kuwa yasa tun kafun ƙarasowarsa dinning area'n ƙamshinsa yaje musu,    
Laylerh da takai loman farko na abinci bakinta, samun kanta tayi da kasa haɗiye abincin, saboda yanda ni'imtaccen ƙamshinsa ya ratsa hancinta.
Idanunta ta lumshe tare da jan dogon numfashi, sam bata kawo aranta cewar shi bane, hakan yasa ta ɗago kanta dan ganin daga ina ƙamshin ke fitowa, sauƙe idanunta akansa ne yasa batare da ta shirya ba ta soma ƙoƙatin haɗiye abincin dake bakinta batare da ta tauna ba,  wani irin mummunan ƙwarewa tayi, wanda yasa nan take ta fara tari , Abbu ne yaɗan sa hannu ya bubbuga bayanta, cike da kulawa yace.  "Sorry."  Cup ɗin ruwa ya miƙa mata, karɓa tayi hannunta na rawa takai cup ɗin bakinta, koda tasha ruwan kuwa ta ɗanji dama dama,     kasancewar babu yawan kujeru a dining arean ne yasa dole akujeran dake kusa da na Laylerh ya zauna,  zamansa yayi daidai da sakin ajiyar zuciyarta,    Abbu ne ya dubeta tare da cewa.  "Kiyi serving ɗinsa."    Jitayi kaman ta ruga da gudu, wani irin fitinannen tsoronsa takeji,  ga kuma zamansa akusa da ita, daya sa gaba ɗaya kwarjininsa ya lulluɓeta, hannunta na rawa haka tayi serving ɗinsa, komawa tayi ta zauna tare da ƙurawa plate ɗin abincin dake gabanta idanu.  
Duk wannan abun da akeyi, koda sau É—aya ne Maleek bai É—ago kansa ya kalli kowa ba, wayarsa ce a hannunsa yana dannawa.
Har kusan sama da 4 minute.
Ahankali ya ɗago kansa tare da jawo plate ɗin abincin gabansa,   cike da nutsuwa ya soma cin abincin nasa, time to time yakan ɗan lumshe sexy eyes ɗinsa.
Laylerh kam gaba ɗaya ta kasa sake kai loman abinci bakinta, juya spoon ɗin hannunta kawai takeyi acikin abincin, ahankali bugun zuciyarta ke tsananta,  hakan yasa taji maƙoshinta na ƙoƙarin bushewa, hannunta takai da niyar ɗaukan cup ɗin juice, daidai lokacin kuwa yaɗaura hannunsa dake riƙe da wayarsa akan saman table ɗin, da niyar ajiye wayan nasa, batare da Laylerh ta sani ba ta sauƙe lallausan tafin hannunta akan nasa hannun, wani irin schock sukaji atare su dukansu, ahankali ya lumshe idanunsa,  Laylerh kuwa da sauri ta cire hannunta daga kan nasa, ƙirjinta na bugawa.
Ɗan buɗe rikitattun idanunsa yayi, karon farko tun zamansa awajen daya ɗago idanunsa masu ɗaukar hankali ya kalleta, da sauri ta rumtse idanunta, tare da soma motsa laɓɓan bakinta, kalmar "Haƙuri." take ƙoƙarin haɗawa amma takasa.
Yanayin yanda take yi da laɓɓanta ne ya sashi sake zuba mata narkakkun idanunsa, ahankali yakai hannunsa daidai saitin fuskarta.

  *Vote nd Comment*

    *fatymasardauna*
1/19/21, 8:10 PM - Ummi Tandama: 🍇🍇🍇🍇🍇🍇🍇🍇🍇🍇
         
     *LAYLERH MALEEK*

    *Writting by*
Phatymasardauna

                   *Wattpad*
            @fatymasardauna

#Arrogant

                *Chapter 5*

Hannunsa ya kai daidai saitin fuskarta, kallon ƙwayar shinkafan dake manne agefen bakinta yayi, haka  yayi kaman zai cire mata  sai kuma ya fasa, tare da saurin ɗauke kansa daga gareta, lokaci ɗaya ya haɗe fuska kaman bai taɓa dariya ba arayuwarsa.
Tuno wani abu da yayi ne, ya sashi rumtse idanunsa tare da ɗan cizan jajayen lips ɗinsa,  ahankali ya soma girgiza kansa,  haka yakejin zuciyarsa ba daɗi,  wani irin abune yaji yana yi masa yawo acikin jikinsa.
Laylerh kuwa har zuwa yanzu bata buɗe idanunta ba, bugun zuciyarta ne ke ƙara tsananta, yayinda ƙirjinta ke   harbawa da sauri.     
Ahankali taɗan buɗe idanunta wanda  cikinsu ya cika da ruwan hawaye, ɓoyayyar ajiyar zuciya ta saki, tare da ƙoƙarin shanye ruwan hawayen nata, dan batajin zata iya barinsu  sukai ga sauƙa akan fuskarta,  ɗan satan kallonsu tayi,  ganin cewa dukkaninsu hankalinsu ba'a wajenta yake ba ne  yasa ta ɗan matsar da kujeranta gefe, wanda hakan yasa ta ɗanyi nesa dashi,  spoon ɗin dake hannunta  tasa tare da ɗiban abincin ta kai bakinta, ahankali take  tauna abincin, dan hakanan taji duk batajin yunwa,  gefe guda kuwa  zuciyarta ne  ke saƙa mata abubuwa da yawa, azahirance  kuwa so take ta ɗan saci kallon gefen da yake, amma kuma kwata kwata tsoro da fargaban da takeji sun hanata.                      

Ajiye spoon ɗin dake hannunsa yayi,  tare da miƙewa tsaye, baice da kowannensu ƙala ba, ya juya kai tsaye ya nufi bedroom ɗinsa.

Da kallo  Abbu ya bisa  tare da girgiza kai, yasani dama har abada Maleek bazai taɓa sanjawa ba,  tuntuni ya riga daya bari miskilanci da zurfin ciki sun zame masa ɗabi'a,  gashi yanayin aikinsa ya ƙara sanja masa halayya, bazai taɓa faɗin damuwarsa ba komin girmanta, haka zalika koda yaushe fuskarsa babu wadataccen murmushi, then bakomai ke sashi dariya ba, koda kuwa abun yakai na dariya saidai kawai yayi murmushi.
 Ajiyar zuciya Abbu ya sauƙe tare da ci gaba dacin abincinsa, dan baisan sai yaushe ne Maleek ɗin zai sanja ba.

Tashin da yayi ne yasa Laylerh sakin ɓoyayyar ajiyar zuciya, tabbas yana da kwarjini mai tarin yawa, wanda shi yake sawa duk takejin kanta wata iri, bata da wani ƙwarin guiwa agabansa, ɗan lumshe idanunta tayi tare da haɗiye abincin dake maƙale amaƙoshinta, tashinsa shi ya sa taɗan saki jikinta, da kaɗan kaɗan ta dinga tsakuran abinci tana kaiwa bakinta.