Sashe 20

Najeeb ne ya ɗago kansa tare da kallon Maleek ɗin, na ƴan wasu sakanni, dawo da kallonsa ga Laylerh yayi, wacce ta duƙar da kanta ƙasa, har yanzu wasa take da yatsun hannunta, yayinda idanunta ke cike da ƙwalla, duk da cewar bata yarda ta ɗago kanta kowa ya ga hakan ba.
Tsura mata ido yayi, lokaci É—aya yaji ba daÉ—i acikin ransa.
Plate ɗin soyayyan dankali da ketchup ɗin dake gabansa ya tura mata, cikin wani irin yanayin dake bayyana zallar abun dake cikin zuciyarsa yace. 
"7:30 am ya kusa, kiyi sauri idan bahaka ba zakiyi latti!."
Jin abun daya faɗane yasa ta ɗan ɗago kai ta saci kallonsa, lokaci ɗaya ta soma ƙoƙarin shanye hawayen dake kwance acikin idonta, saidai duk yanda zata kai ga ɓoye hawayen nata dole idan mutum ya kalleta saiya gane.
Sanin haka yasa bata yarda ta haɗa idanu da Najeeb ɗin ba, bakuma zata iya ƙauracewa tayin abincinsa da yayi mata ba, domin gaba ɗaya zuciyarta tayi rauni, haka zalika tunaninta na ƙoƙarin tafiya ne wani waje daban.
A al'adarta bata fiye cin abinci da spoon ba hakan yasa ta sanya hannunta asanyaye ta soma cin abincin.
Lumshe idanu Najeeb yayi haka yakejin kaman ya sata ajikinsa ya bata abincin abaki, wani irin shauƙinta yakeji.
Maleek da haryanzu kansa ke ƙasa miƙewa tsaye yayi, batare daya sanya ko loman abincin dake gabansa abakinsa ba, ya soma ƙoƙarin barin dining area'n.
Hakanne yasa Abbu dasu Najeeb É—agowa duka suka kalleshi.
Cikin yanayin mamaki Abbu Jaheed yace.
"Aa Maleek ina zakaje kuma bayan bakaci abincin ba?."
Tsayawa daga tafiyan da yakeyi yayi, batare daya juyo ya kalli kowannensu ba yace.
"Naƙoshi."
Baijira me Abbun zaice ba yasa kai ya bar wajen, kaitsaye ya nufi É—akinsa.
Da idanu duk su Abbun suka bishi, banda Laylerh wanda takasa É—ago kanta.
Kai Kawai Abbu ya girgiza tare da cigaba da cin abincinsa.
Tanajin motsin rufe ƙofarsa alaman ya shiga part ɗinsa ne, ta ture plate din abincin dake gabanta, tare da miƙewa tsaye school bag ɗinta ta ɗauka ta rataya.
Abbu ne ya ɗago kai ya dubeta, cikin kulawa yace. 
"Kema kin ƙoshi ko?."     
Kai ta jinjina masa alaman "Eh."    Kallon plate ɗin abincin nata Abbu yayi wanda ko rabin rabi bataci ba.
Kansa kawai ya girgiza tare daɗan sakin mumushi, dama yasan hakan zata faru, ya jima da fahimtar cewa LAYLERH da MALEEK abu ɗaya ne, zuciya da ruhinsu duk iri ɗaya ne. Gyara zamansa yayi kana yace.   "Kije driver ya kaiki."
Kamar daman jiran hakan take cikin sauri  tace "To." ahanzarce ta juya ta nufi hanyar fita daga falon.
Miƙewa Najeeb yayi cikin kulawa yace.
"Nima fita zanyi zan sauƙeta amakarantar idan yaso sai driver ya ɗauko ta."
Jinjina masa kai su Abbu sukayi tare da ci gaba da cin abincinsu.

M.Jay
Yana shiga part É—in nasa kaitsaye bedroom É—insa ya wuce.
Maida ƙofar yayi ya rufe, ahankali ya ƙarasa jikin window'n dake cikin ɗakin nasa, wanda daga nan wajen kana iya hango duk abun da ke faruwa a compound ɗin gidan.
Idanunsa wanda suka sanja launi daga farare zuwa jajaye ya ware, tare da fesar da wani irin numfashi me zafi, duka hannayensa biyu ya zura acikin aljihun wandonsa, tare da maida ganinsa zuwa ga compound É—in gidan, daidai lokacin ne kuma Laylerh ta fito.
Najeeb na biye da ita abaya.
Ganin Laylerh da Najeeb ne ya sashi dunƙule hannunsa dake cikin aljihun wandonsa.
Idanu ya tsurawa Laylerh'n, yanajin abubuwa da yawa na yawo acikin jikinsa, tabbas LAYLERH ƙaddarar sa ce, wacce akullum akuma koda yaushe take yawo acikin jininsa, ako da yaushe akuma kowacce rana wani abu na SIRRI daya ɓoye ƙoƙarin bayyanar da kansa yake, tabbas yanaji ajikinsa cewa acikin BIYU za ayi ƊAYA.

Laylerh da jin takun mutum abayanta  yasata juyawa,  ganin Najeeb agab da ita ne yasa ta ɗan  tsaya tare da matsawa gefe, kana ta sadda kanta ƙasa.
Wucewa gaba yayi tare da cewa.  "Kibiyoni mota na sauƙeki a school."
Bin bayansa tayi da ido har ya ƙarasa jikin motarsa.
Sai alokocin ta lura da shigan dake jikinsa, na wani haÉ—aÉ—É—en yadi me kalan coffee wanda hakan yasa farar fatarsa bayayyana, duk da cewa ma bashi da haske sosai, saidai kuma white colour É—insa is a natural.
Ayanayin da takejin kanta aciki yasa bata tunanin zata iya yi masa musu, asanyaye ta nufi wajen da motar tasa take.
Murfin motar ta buÉ—e, nan gefen me zaman banza ta shiga tare da jawo murfin motar ta rufe.
Ƙamshin turarensa daya cika motar ne yasata lumshe idanunta, tare da kwantar da kanta ajikin kujeran da take kai.
Key Najeeb yayiwa motar yayinda me gadi ya wangale musu gate É—in gidan suka fice.
Ganin ficewarsu daga gidan ne ya sashi juya baya, dan yaga komai da ya faru.
Wani irin abu me ɗacine yaji ya ziyarci maƙoshinsa, yayinda har yanzu hannayensa ke dunƙule.
Hakanan yakejin zuciyarsa na tafasa, lokaci É—aya mood É—insa ya sauya, idanunsa ne suka sakeyin ja. Cikin wani irin yanayi haka ya nufi hanyar fita daga É—akin.
Koda ya fito compound ɗin gidan ganinsa da full uniform yasa duk sojojinsa shiga hayyacinsu,  yana shiga mota kuwa suma suka shiga tasu motar.
Yanayin yanda Abdoul yaga fuskar ogan nasu a murtuƙe ne yasashi jan motar a 360 suka fice daga cikin gidan, domin haka nan Abdul ya saba matuƙar yaga ran Captain ɗin aɓace to yasan abun zai iya shafansa matuƙar yayi tuƙi ahankali.
Gudu suke shararawa sosai akan titin hakanne yasa cutie É—insa dake bacci ta tashi, ganinsa da tayi ne yasa ta hayewa saman jikinsa.
Ɗago idanunsa da suka yi jajur yayi batare daya kalli cutie ɗin nasa ba ya hankaɗata gefe har saida ta buge da murfin motar, wani ƴar siririn ƙara ta saki tare da faɗuwa awajen.
Jin kukan magen ne yasa Abdul ƙara gudun motar, saboda yasan ba abu me sauƙi bane zaisa Captain ya yi wurgi da magensa, yasan M.J ɗin sarai kwata kwata bai iya ɓacin rai da hasala ba.

Ɓangaren Laylerh kuwa tun da suka kama hanyar makarantar koda sau ɗaya ne bata buɗe idanunta ba, gaba ɗaya zuciyarta tayi nisa awajen tunanin Maleek.
Batasan meyasa take yawan jin rauni da kasala akan duk lamarin daya shafesa ba.
AÉ“angaren Najeeb ma kuwa hakanne ya kasance kamar yanda zuciyarta tayi nisa atunanin wani abu daban, haka shima tasa zuciyar, saidai tunanin nasu ya kasance mabanbantan juna, saboda izuwa yanzu tunaninsa ya fara karkata ga abun da zuciyarsa ke raya masa akan Laylerh'n.
Ahaka suka ƙaraso bakin tamfatsetsen gate ɗin makarantar tasu.
Jin motar ta tsaya ne yasa ta bude idanunta ganin sun iso bakin makarantar ne yasa ta buÉ—e murfin motar ta fita.
Sam manta da cewar Najeeb É—inne ya kawota shiyasa ko waiwayowa batayi ta masa godiya ba.
Idanunsa ya zuba mata harta shige cikin makarantar.
Wani murmushi me ɗauke da ma'anoni daban daban yayi, tabbas ya hango abubuwa da yawa acikin idanun Laylerh, abu mafi girma daya gani acikin idanun nata kuwa shine RAUNI lallai dole da wannan raunin nata zaiyi amfani wajen biyan buƙata da kuma isar da shawarar zuciyarsa.
Cike da yiwa kansa fatan samun nasara yayiwa motarsa key kaitsaye yabar arean makarantar.

Laylerh.
Gaba ɗaya yau haka ta ƙare wuninta acikin school ɗin cikin rashin jin daɗin yanayin, abun da yafi damunta ma shine yanda take yawan jin faɗuwar gaba.
Duk yanda Teemah taso jan Laylerh'n ajiki hakan baisamu ba, dole ta ƙyaleta, dan yanayin damuwa ya bayyana ƙarara akan fuskarta.
Haka Teemah taje tayiyo tsokanar ta aka biyota har cikin aji aka dinga dambe da ita, yayinda ta kafe kai da fata cewar itace me gaskiya bayan kuma itace da tsokana, Laylerh kam kallonsu kawai takeyi, dan idan da sabo ta saba da neman faɗan Teemah kuma bata taro daidai da ita ƴan SS 3 take tsokanowa suzo ayitayi da ita gashi sam bakinta baya taɓa mutuwa koda kuwa za a dakata, to awannan karan ɗin ma dai Teemah taji ajikinta, saida waƴanda ta tsokano ɗin suka gaji da faɗan dan kansu suka tafi, kasancewar bakin Teemah'n kwata kwata yaƙi mutuwa.

Koda aka tashesu daga makarantar atare suka jero su dukansu suka fito bakin makarantar, Teemah sai masifa takewa Laylerh wae ae tana gani akazo har aji akaci zalinta bata kula ba, ita dai batace mata komai ba, dan tasan koda ma tafaɗa Teemah bazata taɓa sanja halinta ba.
Driver'n Abbu ne yafara zuwa É—aukar
Laylerh, kafun itama Teemah daga baya akazo aka É—auketa.

Har sukayi nisa a tafiyar tasu ta kasa daidaita nutsuwarta, still haka takejin heart ɗinta na bugawa da sauri. kwantar da bayanta tayi ajikin kujeran motar tare da ɗan lumshe idanunta, yayinda take saƙa abubuwa da yawa acikin ranta.
Ahaka har suka iso gida.
Tana fita a motar kaitsaye É—akinta ta wuce, yanayin yanda ake É—an busa sassanyar isaka agarin ne yasa koda ta cire uniform É—inta, wani kakkauran doguwar riga ta saka, yunwa takeji sosai shiyasa kaitsaye ta nufi kitchine dan samawa kanta abun da zataci.

Momy.
Zaune take abakin gado yayinda gaba ɗaya fari'a da kuma annurin fuskarta suka kau, gefenta kuwa Aunty Aina'u ce dake ta faman taunar cheewing gum, tana me karkaɗa ƙafanta.
Cikin yanayin fushi Momy tace.   "Banason Laylerh Aina'u, banason yarinyar nan, ban kuma taɓa jin tsanarta me tsanani acikin raina ba kamar yau danaji ƙudirin Alhaji akanta, ki bani mafita Aina'u dan narantse bazan taɓa bari abun dake zuciyar Alhaji ya bayyana har ya aiwatar da abun da yake so ba."

Murmushi Aunty Aina'u tayi tare da gyara zamanta cikin halin ko in kula da kuma bayyanar da zallan abun dake cikin zuciyarta tace.  
"Dole saikin kashe Laylerh kafun ki samu ainihin haƙiƙanin abun da kikeso, saboda haka ki kasheta kawai!."
Murmushi Momy tayi tare da miƙewa tsaye, cike dajin daɗin shawarar da Aina'un ta bata tace.
"Tabbas zan kashe Laylerh Aina'u amma bada hannu na ba, Zan kashe Laylerh ne ta hanyar Captain M.J, najima da wani buri araina wanda nake buri da fatan cimmasa, tabbas Captain da kansa zai ruguza rayuwar Laylerh."
Murmushi sukayi su dukansu domin kowacce da abun da take saƙawa acikin ranta.