Sashe 246

Yakaka wacce ta cika da mamaki da tsoro ta É—ago kan ta fuskar ta É—auke da mamakin makircin Sofi da bata saba da irin sa ba tayi rau-rau da ido tana kallon Doctor Hamza wanda shi ma ita yake kallon fuskar sa a É—aure , ta juya ga Sofia tace "ki ji tsoron Allah ni na zage ki ? Ba ke kika zage ni ba ? Ina ke ce kika shigo kawai kika fara zagi na har da Babana ?

Sofia ta zaburo zata yi magana Doctor Hamza ya dakatar da ita da cewa "saurara Sofia wai me yake damun ki ne ? Ya za ki shigowa mutane É—aki haka da sassafe ?

Zata yi magana ya sake katse ta wannan karon muryar sa a kaurare yace "Sofia bana son tashin hankali da fitina , ran ki zai yi mummunan É“aci muddin kika ce ...

Sofia wacce take jin zuciyar ta kamar zata fashe ganin Doctor Hamza yana shirin birkice mata kuma a gaban Yakaka .

Nan take ta haÉ—iye kukan kissar ta ta murje ido cikin salon ta na goggagun matan da suka raina mazajen su kunya kuma ta mata nawin É—auka ta gatsina fuska da buÉ—aÉ—É—iyar murya tace

"Wannan wane irin rashin adalci ne kake fara rabawa a tsakanin mu tun yanzu ? Kenan dan tana É—akin bani da ikon shigowa É—akin ka a duk lokacin da na so ?

"Sofia ki wuce ki koma É—akin ki kar ki É“ata min rai ki É“ata min lokaci .

Buɗe baki tayi kamar zata ce wani abu sai kuma ta fasa tana mayar da ganin ta kan Yakaka wacce ita ma ita take kallo , da haƙoran ta ta cije leɓen ta na ƙasa tana yiwa Yakaka wani irin mugun kallo tayi ƙwafa kafin ta juya a fusace ta fita a ɗakin tana wani irin bugo ƙofar da har sai da Yakaka ta firgita .

Tsoron Sofi da ya ɗan yi ƙaura saboda zuciya da tayi da ta zagi Baban ta taji yana dawowa sabo fil ,ta tuno da zaɓin da tace ta bata kan ta zauna ta yini da kare a ɗaki irin na jiya ko kuma ta fita ta bar gidan to ta tafi ina ?? Yaya dacta ma ai ba zai bari ta fita ko da ƙofar gida bane kuma a can ma an mata nasiha kan fita ba mutumcin matar aure bane a dunga ganin ta a titi haka siƙau muddin ba lamarin zumunci mai ƙarfi ko aiki ko kasuwanci zata fita yi ba .

Hannun sa da ta ji a ƙugun ta shi yasa ta sauƙe ajiyar zuciya , tana jin lokacin da ya sako fuskar sa ta gefen wuyan ta ƙamshin turaren sa na game mata hanci , muryar sa kamar ba shi ya gama kurara Sofi yanzu ba yace "tunanin me kike yi Wafaa ? Bana son kina yawan tunani na faɗa miki .

A hankali ta juyo ba tare da ta fita a tsakanin hannuwan sa da ya kewaye ta da su ba tana yin ƙasa da murya tace "Yaya Dacta wallahi ban zage ta ba ku....

"Shitt yace yana ɗaura hannun sa akan laɓɓan ta da yasa ta ɗago kan ta tana kallon ƙwarar idanun sa da suke cike da tausayin ta

"Ba sai kin min bayani ba Wafaa na san halin Sofia , kiyi haƙuri zan ɗauki mataki ba zan bari ta ci zarafin ki ba da ke da ita duk matan Aure na ne kiyi haƙuri kin ji ko ?

Wata sassanyar ajiyar zuciya tayi jin daɗin bai yarda da sharrin da ta so ƙulla mata ba " Nagode Yaya Dacta .

Murmushi ya yi mata kafin ya sake matso da ita jikin sa kamar mai raÉ—a yace "mu je mu kwanta kafin lokacin tafiya ta aiki .

Da sauri ta girgiza kai kafin tace "Yaya Dacta kitchen zan tafi na yi girkin abin karyawa kafin ka tashi bacci.

Zama yayi a bakin gado yana zaunar da ita a cinyar sa yace "No Amarya ce ke Wafaa bai ma kamata kina shiga kitchen ba har sai mun gama amarcin mu ko ?
Ya ƙarasa da sigar tsokana yana ɗaga mata gira .

Ɗan murmushi tayi tana miƙewa tsaye "zan tafi kitchen Yaya Dacta bana so ka tafi office baka yi breakfast ba .

Da gama faÉ—in haka ta taka tana barin É—akin , fuskar sa É—auke tattausan murmushi ya bi ta da kallo salon kulawar da ta gwada masa ya burge shi daban da na Sofi wacce bata iya kula da duk wasu lamuran nasa ba sai fa gwada haukar So a sarari .

Bai kwanta ba sai ya jawo littatanfan sa na addini ya shiga karatu.

A kitchen cike da azama irin na matan da suka gogu da aiki Yakaka ta ɗora ruwa kafin ya tafasa ta kwaɓa fulawa da baking powder sai 'yar zuma da ta sa a madadin sugar .

Lokacin da ruwan ya tafasa ta wanke shinkafa fara ƙal ta tuwo ta zuba tare da Sugar sannan ta zuba spices da ake amfani da su wajen haɗa shayi .

Kafin shinkafar ta nuna , ta É—ora mai ta fara soya pancake da har ya fara tashi saboda É—umin wajen '

kafin ta gama shinkafar ta tayi ligib dan haka ta dama madarar gari mai yawa ta juye akan shinkafar ta da tayi ligib tana juyawa yayi kauri kamar talge shinkafar kuwa tabi cikin madarar, É—an manshanu kaÉ—an ta zuba aiki ta kashe Sugar ta bari.

Da ta gama soya pancake bata bar kitchen É—in ba sai da wanke kwanukan ta goge ko'ina tsaf .

Sannan ta buɗe fridge ta ɗauko Strawberry ta wanke shi tsaf ta yanka shi a tsai-tsaye bowl ta ɗauko mai kyau tazuba basisen da yayi nar-nar da shi ya kwanta fari ƙal , sai ƙamshin man shanu da kayan ƙamshi yake yana ɗaukar Ido .

Bayan ta zuba iya adadin yadda ta ke ganin yayi sai ta jera Strawberry É—in a kai , ta rufe , ta É—au wani bowl daban kuma ta zuba pancake .

Bata juya ba amma jikin ta ya bata da tsayuwar mutum a bayan ta dan haka ta juya da sauri ,

Ajiyar zuciya tayi ganin Doctor Hamza ne shirye yake tsaf cikin shirin sa na zuwa wajen aiki a hankali ya tako har inda take yana bin fuskar ta da kallo da ita ma shi take ta kallo cike da burge ta da yayi kamar wani bature ya tsuke cikin lounge suit launin shuÉ—i Mai duhu .

Yana mata murmushi ya shafa kumatun ta , "Wafaa wannan kallon fa ? Yace da sautin da yake tsakanin maƙoron sa .

Sunkuyar da kai tayi a dan kunyace da 'yar ƙaramar murya tace "ba kome har ka shirya ? Nima na gama girkin .

"Naso na makara ma wafaa , me kika girka mana ? Ya furta hakan yana zarcewa da hannun sa ya buÉ—e abincin da ta haÉ—a , da kallo ta bi fuskar sa cike da son ganin yanayin da zai nuna .

BuÉ—e baki yayi cike da jin daÉ—i sai kuma yayi murmushi "Basisee ? Wow Wafaa ashe kin iya girki ? Kamar kin san na daÉ—e rabo na da na ci Basisee .

Murmushin jin daÉ—i tayi tana É—aukar farantin da abincin ke kai tace "Yaya Dacta to muje ka ci tunda ka ga har ka makara .

Bayan ya zauna a kujera ta Zuba masa basise a Plate ta É—eba masa pancake É—in ta zuba a gefe.

Duk abunda take yana bin ta da kallo cike da so da sha'awa komen ta a tsaftace dai-dai da yadda yake so .

Bayan ta zuba masa yayi bismillah ya É—au pankcake ya dangwali Basisen ya kai bakin sa ya gutsura

Daɗi da ƙamshin girkin ya ratsa shi , a karo na biyu Yakaka bata tsammata ba ta ga ya nufo bakin ta da Pancake ,

Noƙewa tayi tana kallon shi tace "idan ka gama nima zan ci ,

"Buɗe bakin ki Wafaa, yace muryar sa da sanyi amma ƙwarar idanun sa na mata umarni .

A hankali ta buɗe baki ya saka mata yana bin ɗan ƙaramin bakin ta da kallo yadda take cin abincin a kunyace ya so ba shi dariya "yarinya za ma ki sauƙe wannan kunyar ta ki ne a hankali "

sannu kan hankali ya ciyar da su iya cin su da su duk biyun sun yi mamaki domin kusan duk suka cinye sai fa kaÉ—an suka bari da bai wuce cin É—an yaro ba .

Sauƙowar Sofia ya ɗau hankalin Yakaka da ta hango ta sai ta ji wani abu ya ɗan taɓa ran ta da bata san mene ne ba , ta sai ji kamar ta muzanta ganin irin kwalliyar da Sofia tayi cikin wani yadi da aka yiwa kyakkyawan ɗinkin Riga da Siket da suka kama ta ɗam.

Tayi ɗaurin ɗankwalin zamani ƙamshi turaren ta ya riga ta isowa .

A hankali Yakaka ta saci kallon Doctor Hamza ta ga yadda yake bin Sofia da kallo da alamun kwalliyar ta ta ɗau hankalin sa , ganin ta ta mayar kan ta , ta ga tun atamfar jiya da daren nan ce a jikin ta sannan ba wata kwalliya a tare da ita , duk sai ta fara ganin laifin kan ta "Amnee cewa tayi kullum ki dunga ƙwalliyar Safe daban ta rana daban ta dare daban ta kwanciyar bacci daban . Zuciyar ta ta tunasar da ita .

Hakan yasa tayi saurin miƙewa kunnen ta na toshewa daga jin zantukan Doctor Hamza da Sofia da suka fara sabuwar gaisuwa ba'a ce sune ɗazu suke hayaniya ba .

Sofia ta shafe fushin ta kamar kome bai faru ba .

Taku biyu tayi ta ji hannu Doctor Hamza cikin nata ɗayan hannun sa kuwa riƙe da briefcase .

"Wafaa ni zan tafi ba za ki min rakiya ba ?

Murmushin yaƙe tayi tana ɗan kallon Sofia tace "zan tafi nayi wanka ne .

Wata 'yar dariya Sofia tayi kafin tace "anya kya yi wanka yanzu ? Ko da ...