← Book details Kurman Kaddara Book 1 Complete Hausa Novel Local reading mode
READING PART 90 OF 110

Sashe 90

Kurman Kaddara Book 1 Complete Hausa Novel · about 5 min read

fara ƙoƙarin buɗe murfin sai kuma ya dakata tuna lafiyar sa da yanzu in ciwon sa ya tashi Abbu ne mai shiga damuwa matuƙa dan haka ya ajiye shi gefe har ya sha iska,ya rage sanyi. Jingina ya ƙara yi da seat ɗin yana ɗan kallon gefen damar sa sai kuma ya juyo a hankali ya ƙara ɗaga wani abun sai ga wannan yar kwalbar da take ɗauke da shishan sa. Zuƙa ya fara yi a hankali yana lumshe idanun sa yana fitar da hayaƙin da wani irin style na ƙwarewa. Idanun sa ya ɗan ɗaga ya kalli gaban motar. A ɓangaren Muby kuwa dariya yayi wadda tun ɗazu yake riƙewa sai dai yar ƙarama kafin ya matsa wajen Baffa na ya miƙa masa hannu cike da girmamawa suka gaisa. Baffa na haƙuri ya basa na aika aikar da shatou tayi na ɓata musu lokaci. Ya ƙara da furta " Ƙuruciya ce ita Tata haka take sai haƙuri Shatou kuma in sha ALLAH zata daina wata rana ka bashi hakuri ". " Babu komai Baba ai mun ga alama kamm Shatou Badai rigima ba,Zata daina in sha ai komai lokaci gare sa " Baffa na ya ji ɗan sanyi a ransa duk da har yanzu yana jin wani iri a ransa na ganin MAHAJ ɗin da yake fuska babu annuri. Kuɗi Muby ya zaro daga aljihun sa ya damƙa ma Baffa na sai dai yaƙi karɓa,kuma a dai dai lokacin ne Mahaj ya sauke idanun sa kan su daga cikin motar kallon su yayi na yan seconni kafin ya ɗauke idanun sa kan su yana cigaba da jan shishar sa,yana ƙara shanye idanun sa tare da kumshe su kamar mai jin bacci,duk da akwai bacci a idanun sa amma hakan Halittar Mazan take nature na sa ne. Duk yadda Muby yayi Baffa na ƙin karɓan kuɗin yayi wanda kafin ma su lura Shatou sun yi gaba ita da Bibu da gudu suna dariya saboda tace ayi yar rigen gen kuma akan idanun Mahaj suka yanka a Guje. " Runner girl " Shine furucin da ya fito daga bakin sa a hankali ba tare da ya shirya wa hakan ba wanda ya fita a iya laɓɓan daga bakin wanda ba kowa zai ji ba koda yana kusa da shi ne kuwa, sai kuma ya ja tsaki na bayyane wanda ya sauka a kunnen Muby da ya riga yayi sallama da Baffa na yana ƙara jin jina ƙuruciya da rigimar Shatou yana sakin murmushi. Zama yayi da kyau kafin ya kunna motar bayan ya saci kallon MAHAJ ɗin da har yanzu yake zuƙar hayaƙin dan har motar ta fara turneƙewa ga hayaƙi da illa ko wani yake zuƙan taba ko wani abun hayaƙi zai iya cutar kai.Dan haka ya kunna abun hurar da hayaƙin da sauri,wanda ke zuƙe sa take. A ɓangaren MAHAJ kuwa tari ya fara kafin ya ajiye shishan yana rufe ta ya ajiye gefen sa tare da ƙara shigewa seat na motar yana sauke numfashi jin yadda awazzun sa suka fara riƙe masa. Tafiya motocin suka yi suna barin wajen ajere gwanin burgewa. Baffa na bai ɗaga daga wajen ba sai da ya daina ganin su sannan ya sauke ajiyar zuciya mai ƙarfi yana kama hanyar gida. Su Shatou kuwa koda suka isa gida kowannen su na dariya da sauke numfashi kasancewar a tare suka shiga.Inna ni dake saƙar kaba ce ta ɗago ta kalle su kafin ta ce " lafiya kuka faɗo muna haka yau har da kai Bibu da nake gani mai hankali ". Yar ƙaramar dariya yayi yana furta " Inna ni mun gaji " " To dan kun gaji sai aka ce ku ƙi yin sallama mai ya haɗa gajiya da sallama " " Kai ku koma kuyi Sallama ko na saɓa muku " Baki Shatou ta tura tana sauke nishin gajiya kafin ta juya ta bi bayan Bibu. Sallama suka yi suka shigo bayan Inna ni ta amsa musu. " Me ya faru yanzu a bani amsa Bibu " ? Ta ƙara tambaya kasancewar bata san komai ba domin A kan hanya ya haɗu da Baffa na ya fito daga gidan, Zashi fadar mai gari. " Wai fa Shatou ce Inna ni ta tare wa yan birni hanya da sun ture ta sun take ta da mota da ace ban kira Baffa na ba da sun kashe mana ita,kuma har da rashin kunya ta yi ta musu har da wani ƙato ta so yin faɗa ". Sai da ya kai ƙarshe ayar zancen sannan ya daɗe bakin sa da sauri yana zare idanu kamar wanda yayi ƙarya domin kuwa ya san halin Inna ni yanzu sai ta zane Shatou,tana dadewa bata buga ba amma duk ta Hasala sai ta buge ta take jin sanyi in ta kai ta ƙul bare ma ta sha mata faɗa akan rashin kunya wanda kuma ba kowa take yi wa ba sai wanda Allah ya jefa komar ta kan sa,ta samu waje wanda kuma ma ita bata ɗauke sa komai ba a ta ta ƙuruciyar. Shiru Inna ni tayi ta zuba ma Shatou idanu ƙirjin ta na bugawa da wani irin sauri jin zancen mutanen birni ga maganar Bibu ta tsakiya da ta ƙara sanya ta kiɗima da yace da sun ture ta sun take ta da mota,sun kashe mana ita. Ganin kallon da Inna ni take bin ta da shi ne daga sama har ƙasa ya sa Shatou ɗan shan jinin jikin ta. Ta sowar Inna ni ce daga zaunen da take ta kaɗa hanjin Shatou take ido ya raina fata rashin gaskiya ya bayyana ƙara rara gare ta, ganin Inna ni na tun karo ta ne ....✍️
Chapter 90 · 0% Book details