← Book details Kurman Kaddara Book 1 Complete Hausa Novel Local reading mode
READING PART 17 OF 110

Sashe 17

Kurman Kaddara Book 1 Complete Hausa Novel · about 8 min read

A haka suka jin gine karatun su suka cigaba da shiga kasuwa suna yin dako da dai duk wani aikin ƙarfi,tun basu iya jurewa har takai ta kawo suna iya yin aikin su babu tsoro zuciyoyin su sun riga sun bushe da neman na kai da abun da zasu rufawa kan su asiri da mahaifiyar su da yar uwar su Abar son su.
Sada da yake babba shine mai ƙoƙarin sauke nauyin gidan duk da shima Usman yana yi amma saboda ba hankalin su ɗaya ba a lokacin.Cikin ikon ubangiji Allah ya fara buɗawa Sada yana samu gwargwado har ya buɗe yar ƙaramar kwntena ta kayan wasan yara cikin hakan ya samu ya saya musu kayan amfani masu yawa tare da yan kayan abincin da zasu iya kai su yan kwanakki.
Sannan ya saka Sakina makaranta tare da mayar da Usman makaranta,sai dai dukkanin su ta gwamnati ya mayar da su.Shi ya jingine ta sa a haka rayuwa ta cigaba da tafiya cike da gwagwarmaya Har Allah ya sa suka fara tsallake wani mataki na cigaba ya ƙara gyara musu gidan su kafin ma gaba ɗaya suka bar unguwar saboda shima Usman yana samu a wajen yan buge bugen sa shima take Allah ya fara buɗe ma sa.A tare suka wuce makarantar gaba da jami'a.Ita kuma Sakina Alokacin tana aji shidda cikin ikon ubangiji suka gama,suka karɓi kwalin su da suka ci gwagwarmaya a fannin business Administration dukkanin su shi suka yi.Ga kasuwan cin su komai dai dai yadda suke so.A haka rayuwa tayi ta tafiya Har Allah ya ƙara sakawa Kasuwancin na su Albarka ya faɗaɗa sosai nan ne suka yanke shawarar sayen ƙaton fili suka yi ginin da bai wuce sashe biyu ba na su wanda kowannen su zai zauna da iyalan sa sai kuma na mahaifiyar su da take tare da Sakina.Ba,a shanye shekara ba dukkanin su suka yi Aure dan babu tserewa a tsakanin su saboda yadda Mama ta sha musu kai.Sada ya auro wata bafillatana yar Borno shi ko Usman ya Auro yar garin Adamawa a lokacin dukkanin su sun haɗu ne da su a wajen yawon kasuwan cin su.Anan ƙasar mu.
Shekara na zagayowa Allah ya albarka ci matar Sada ta samu namiji inda aka saka masa suna Sadam.Yaro ya taso cikin Gata da kulawa ta ko wane gefe musamman ta gefen Sakina da matar Usman yana shan kulawa sosai.Matar babu ruwan ta tana da kulawa sosai sai dai har Sadam ya girma ita bata da komai.Mama mace ce mai saurin fahimta hakan ya sa bata taɓa nuna wa sarakuwar ta ta komai ba ta san Allah ne mai bada wa Alokacin da ya so.Ana haka sai ga wani cikin a gun Matar Sada mai Suna Hajara suna kiran ta hajo haka suka yi ta renon cikin gaba ɗayan su cikin yardar Ubangiji ciki ya taso har ya kai lokacin haihuwar sa.Cikin ikon Allah tana haihuwa sai ga wani santatelelen Namiji Wanda ya kwaso kamar sakina sak yaro ya zo cikin gata ranar suna yaro ya ci sunan sa Saleh.
Haka suka cigaba rainon yaron cikin kulawa.Har zuwa lokacin da yaron yayi wayau Allah bai kawo wa matar Usman mai suna Ramlat ba suna kiran ta Uwani saboda haka dangin ta ke kiran ta dan ta ci sunan mahaifiyar mahaifin ta.
Ana haka sai ga wani ciki ya bayyana ga Hajo kasancewar Saleh yayi shekara ɗaya sai bata damu ba ta cire shi ta cigaba da rainon cikin ta.Lokacin haihuwar sa na yi ta haifi ɗan ta santatelele namiji mai suna Ibrahim tunda ta haifi Ibrahim kuma sai komai ya tsaya chak dama kuma a lokacin tana neman hanyar da zata dakatar.Sunyi farin ciki sosai da samun ƙaruwar haka yaro ya tashi cikin gata kamar sauran yan uwan sa.Hajo dake cike da tausayin Uwani tayi magana da Sada dan ya amince mata ta basu sadam tun da ta ga yadda suka shaƙu da Uwanin shima kasancewar yana Tausayin matar ɗan uwan na sa da ɗan uwan na sa ya amince Sadam ya koma sashen su baki ɗaya.Farin cikin Usman a wannan rana bai da adadi shida Uwani har kukan farin ciki sai da suka yi haka suka rungumi Sadam da ya fara tasawa suka fara mishi gata.A lokacin itama Sakina anyi nata bikin tana gidan ta.Inda ta Auri wani Babban ɗan kasuwa kuma ɗan siyasa mai suna Aliyu Bukar mai Billions haka ne laƙanin familyn sa yake.Ya ga Sakina daɗewa ne tun a wani taro da suka zo na ganawa tsakanin manyan yan kasuwa anan gidan tare da su Sada ta zo kawo musu abun sha ne tare da Ma,aikata tun da ya ƙyalla ido ya sa a ransa har yayi yadda yayi ya samu shigowa tun da abun ba mai wahala bane sun san juna.tunda ya zo da zancen aka sanar da sakina take ta murmushi,wanda koda bata ce komai ba sun san abun da murmushin na ta yake nufi dan sun san ta da kunya hamdala suka yi cike da farin ciki sannan aka fara shirye shiryen biki ba a ɗau lokaci ba aka yi bikin aka kai Amarya cikin katafaren gidan ta dake cikin Ƙaton gidan na su dan A Bukar mai Billions babban family ne mai ji da kuɗaɗe suma ya samo asali tun da ga ka kan su ne har zuwa mahaifin su Bukar mai Billions,dan Alokacin ma sun fi su SS family yan chanji duk da suma sun tara sosai dan har sai da ya kai ko ina an gine a ƙaton filin na su anyi gini na alfarma da koda yaushe ake cikin sake gyara sa.
Amarya ta shiga cikin dangin ango babu tsangwama ko ƙyara.Sai da ta share shekara biyar zuwa shidda sannan ta samu ciki inda haihuwar farko ta haifi yar ta mace ta ci suna Barirah sunan mahaifiiyar Aliyu.Kafin samuwar cikin kuwa ta fara ganin sauye sauye acikin dangin na mijin ta dan maganganu sunyi ta dawowa kunnen ta akan rashin haihuwar ta,bata ta ɓa faɗawa Aliyu ba sai dai ta sha kukan ta ita kaɗai,sannan ta kan sanar da Uwani saboda itace ta san raɗaɗin da take ji,Uwani sai dai ta rarrashe ta,dan har zuwa lokacin bata samu komai ba duk da sun yi yawo asibiti amma an nuna musu babu komai kawai Allah ne bai kawo ba sai maganukkan da ake bata da zasu iya taimakawa.
Kowa yayi farin ciki da samuwar Barirah yarinya ta samu gata ta ko kowane ɓangare,cike da kulawa.Yarinya bata ko haura shekara da watanni ba sai ga wani sabon cikin wanda ya ƙara sanya zuri'ar Bukar mai Billions farin ciki dan kamar tare ma suka cigaba da rainon cikin Sakina ta samu farin ciki matuƙa ita kan ta kuma ta gode Allah da Ni,imar da yayi mata dan cikin yardar Ubangiji duk wani da ya fara mata magana mara daɗi da barin gefen ta sun dawo Gata da son mutane.Aliyu yayi farin ciki sosai haka ma Mama tayi farin ciki ita da Su Sada.Lokacin haihuwa nayi Aka kwashe ta aka yi asibiti da ita saboda jaririn da yaƙi fitowa, dan wancan haihuwar gida ce,da kan ta ta haihu kuma bata wahala ba kamar wannan.
Ana zuwa a asibiti cikin yardar Ubangiji ta haifi yar ta mace kyakkyawa mai kama da ita sak yarinya mai shiga rai kowa ya gan ta sai yayi Masha ALLAH.Gaba ɗayan familyn biyu sun tsincin kan su cikin farin ciki.Yarinya an mata zanen suna da A'isha taci sunan mama mahaifiyar su sada.Sai dai wani irin tashin hankali ne ya same su suna shirin barin asibiti sai ga ɓallewar jini ta samu Sakina.Cike da tashin hankali kowannen su yake su kan su likitotan ma dan sun kasa tsayar dashi gashi basu samo silar shi ba.Da ƙyar suka gama binciken suka tsayar da jinin ta da rasa sosai dan idan har ba,a yi gaggawar saka mata wani ba zata iya rasa ran ta.Cikin ikon ubangiji aka sanar da su an samu tsaida jinin da doguwar naƙuda ta jawo mata zubar shi.
A Bukar dake zaune ya haɗa zufa farin ciki ne ya mamaye sa shida su Sada da suke zaune a wajen jugum mama ma da ƙyar suka samu ta yarda aka mayar da ita gida.Haka ma Hajiya Barirah mahaifiyar su A bukar.Jini aka saka mata da aka ɗiba ga mijin ta da ɗan uwan ta Usman dan na su ne iri ɗaya.Sai dai duk da haka abin da aka gujewa shine ya auku idan lokaci yayi babu makawa babu maɓoya sai an tafi dan ba,a fi mintuna goma da saka mata jinin ba sai ta fara fisge fisge.
A bukar da ke waje dafe da kai ne hawaye suka silalo masa saboda kalmar da ta faÉ—a masa yanzu kafin fitowar sa wajen na ta da ta kasa barin tunanin sa.
" Kamin alƙawari idan na bar duniya zaka bawa Yaya Usman riƙon Barirah da A'isha,yanzu ko wata rana zuwa lokacin girman su " idanu ya zuba mata cike da faɗuwar gaba yana niyyar yin magana kawai ya lura tayi bacci kuma da alama ya mata daɗi.Hakan ya sa ya baro ɗakin bisa umurnin likita.
Sai dai kwatsam yanzu Kunnuwan sa suka jiye masa abun da Likitan da ya baro wanda yake shine Babba a team da suke kula da ita yana furta " Allah yayi wa Sakina Saleh Rasuwa " inda ya sanar musu da samun tsinkau tsinkau ɗin da yayi ajalin ta tare da basu haƙuri.
Riff haka suka ji faɗuwar a bu a ƙasa bakowa bane face A bukar.Kan shi suka yi cike da koke koke kowanne su zuciya a ruɗe wasun su ma basu yadda da rashin na Sakina ba...✍️

ALLAH YA JIƘAN WAYEN DA SUKA RIGAMU GIDAN GASKIYA.😭😭

Wanda bai gane bayanin ba ya samu rufaida yogurt ya sha mai sanyi zai fahimci bayanin🚶🚶🤭😅Ni kaina wani wajen ba fahimtar sa nake yi 😬😁

Dan Allah,kuyi,sharing da comment shine ƙarfin rubutun mu. 🙏
A Wasu lokutan shike sagewa marubuci gwiwa ya kasa iya baku page a kullum.

Wannan littafi na kuÉ—i ne.
Amma in sha Allah Zan baku page goma sha biyu free kamar yadda nayi niyya..
Masu son fara yin payment zaku iya farawa ga details a ƙasa👇
*PAID BOOK 1k*
8069059746
Opay
Faiza Almustapha
Payment receipt
08069059746
Chapter 17 · 0% Book details