← Book details Kurman Kaddara Book 1 Complete Hausa Novel Local reading mode
READING PART 9 OF 110

Sashe 9

Kurman Kaddara Book 1 Complete Hausa Novel · about 8 min read

A tsakiyar gida kuwa Bayàn Tabbatar Da Shatou ta shige ɗakin ta ne Baffa na ya kira sunan Inna ni a hankali. Sannan ya ce " Kiyi Haƙuri A'ie ban matsa Miki ba ki faɗa mini abinda yake damun ki yake yawan saka ki kuka ba,Duk da na san raba ki da kuka yana da wahala a wannan lokaci amma ina son ki sani Komai yana da lokacin sa ki cigaba da Addu,a Allah zaiyi mafita a duk abunda ya tsananta a gare mu,Kuka ba shine maganin matsalar mu ba,Sannan ba zan gaji da faɗa Miki ki faɗi wata alama da zata iya bamu mafita ba,ina son sanin komai da yake faruwa kin ƙi bani dama bare a samu mafita,Àmma duk da haka bazan matsa Miki ba zan bar ki sai ranar da kika buƙaci hakan,Sannan na roƙe ki kar ki taɓa bari Shatou ta san wani abu shekarun ta basu kai na lokacin da zata iya sanin abin da ba zata ji daɗin sa ba,".
Yana gama furucin sa ya shige ɗakin sa ya bar Inna ni dake zaune jikin ta ya mutu mutus domin ta san ba tun yau ba,yake son tace wani abu amma ta kasa sannan duk wasu zantukan da shatou ke yi a lokacin da iskan ta suke tashi bata taɓa faɗa masa ba,tun tana farkon samun ciwon dan sun fi tashi a lokacin da suke daga ita sai ita a gidan.Shin ta ina zata fara ita kan ta ba ta san ta ina zata fara ba bata san komai ba duk yana yin da take ciki tsintar kan ta kawai tayi,wasu lokuttan ta kan rasa tunanin da zata yi amma ta san tabbas duk abinda Mutantanin Shatou suke yawan faɗa mata basu yi mata ƙarya ba,duk wani lokaci sukan faɗi ƙarya,zancen su shine kawai abinda ke natsar da zuciyar ta yake kwantar mata da hankali kuma yake tayar mata da hankali.Numfashi ta sauke mai Nauyi cike da nauyin da ya maƙare zuciyar ta wanda bata san ranar da zai gushe ba.

Shatou Kuwa bayan ta gama sallah sai tayi ajiyar zuciya tuno yadda ta ga fuskar mahaifiyar ta amma kan ta bai iya kawo komai ba sai ma murmushi da ta ƙara saukewa tana jin daɗin wai Inna ni na son ta sosai ashe faɗan ne kawai take mata tana son ta.Sai ta ji zata rage ɓata mata rai ta daina abinda bata so amma fa muddin wani ya taɓa ta sai ta nuna masa ya taɓa ta.dan bata yarda a raina ta kamar yadda aka raina Amina ba.

Miƙewa tayi tana sakin murmushi jin muryoyin su Amina da su Ramata suna sallama duk sun cika gidan ai ko burumm sai gata tsakar gida tana washe baki har ta manta abun da ya faru jiya sai dai tana haɗa idanun ta da su sai ta wani irin shan kunu kamar taga kashi tana bin su da kallo ɗai ɗai sai ta kama Hanyar ɗakin ta tana neman komawa ɗakin ta tino yadda suka kunya ta ta jiyan ƙiri ƙiri suka goyi bayan ƙarya wanda ko da asuba sai da tayi hawaye na baƙin cikin abun.

" Yau na ga shegan taka Shatou ba gurin ki suka zo ba kika kare musu kallo kuma kika shige É—aki,Kamar ba su Aishan ki ba,wata sabuwar tsirfa ce haka ko me?"

Inna ni tayi furucin bayan tagama ansa gaisuwan da suke mata suma bakunan su washe kafin kowaccen su ta sauke idanun ta ƙasa na rashin gaskiya dama da ƙyar suka zo saboda cike suke da tsoro ko yanzu dan ta kama dole ne rashin lafiya ne da Bazasu iya tunkarar ta ba saboda yadda kowaccen su ke cike da tsoron ta.

Baki ta turo gaba tana zama Kusa da shinfiÉ—ar tabarmar da Inna ni ta musu.
" SHATOU Ya jikin ki,Bibu yace baki ji daÉ—i ba ".
Kai ta gyaɗa musu kawai tana shan ƙamshi.

" Allah ya baki lafiya,yasa ki ji sauƙi ƙwarai " suka haɗa baki wajen faɗa suma cikin rashin sakewa ganin yadda duk ta haɗe rai sai bai musu daɗi ba sun zo baki washe amma fuska ta sauya saboda yadda ta sha fuska.

" Amin " Inna ni ta amsa cikin murmushi tana bin su da kallo haka ma Baffa na da ya shiryo har ya chan za kaya shima murmushi yayi yana furta " A yafe musu haka Manya, sun ji gata kin ga suma sun san basu kyauta ba ai ".Yayi furucin yana kallon Amina da ta ƙara yin ƙasa da kan ta cike da nadama ga kuma sanyin da jikin ta yayi dan ta tsani ɓacin ran aminiyar ta ta dukkanin su ma haka suke dan ko rigima suka taro itace mai tare musu ko wanda yafi karfin ta ne tana tare wa,dan shi suke mugun ji da ita a tsakanin su,amma kuma idan faɗan su ya tashi a tsakanin su ba,a mai kyau dan shatou bata raga musu.

Murmushi ta saki tana cunno baki gaba.Hararar su tayi musamman Amina da ta zuba mata idanun ta tana jiran jin amsar ta dan ƙirjin ta har bugawa yake yi dan tana azabtuwa matuƙa jiya ko bacci. Kirki bata yi ba har da kuka ta saka wa mahaifiyar ta yau da safe wai shatou fushi take da ita,mahaifiyar ta ta ce taje gidan su ta ka sa,tace sai dai ita taje, ta ce bazata je ba,haka dai ta shirya tayi makaranta tayi shiri da wuri dan ta samu ta haɗu da shatou sai dai cikin rashin sa,a Bibu kawai ta gani wanda ya sanar mata da rashin lafiyar ta Shatou.

" Na yafe musu badan halin su ba saboda Kai Baffa na " Tayi furucin tana jefe ma Ramata Harara,dake washe bakin ta da duk yayi datti dattin da shatou take addabar ta da bakin ta wari yake yi,sai ta gyara ta fara wanke sa yanzu kuwa saboda kwana biyu bata sako ta gaba ba cikin ƙawayen su sai ta koma yar gidan jiya dan yanzu haka bakun yellow yake.

" A'a Shatou ki ya fe musu Saboda Allah kin ji sai ki samu lada,ki riƙa yin abu saboda Allah shine wanda ake yi dan shi a bari dan sa ".
Baffa na yayi furucin yana murmushi.

Kai ta gyaÉ—a masa na zancen ya shiga kunnen ta da zuciyar ta.

Haka su ma su Amina kai suka gyaÉ—a kamar da su yake magana.

" Na yafe muku saboda Allah,amma wallahi kuka koma sai na chan za ƙawaye ,kun yarda".Tayi furucin kamar irin Dagaske.

Inna ni kai kawai ta girgiza tana sakin murmushi ganin yadda duk suka haɗa baki waje furta eh suna gyaɗa kai kamar ƙadangarru.Addu,ar shiriya ta musu baki ɗayan su tana sauke numfashi tana kallon su tana jin wani abu a ranta mai girma da raɗaɗi musamman da su ka rage su huɗu kawai a wajen saboda sauran su sun wuce manyan ƙawayen ne suka zo jinya.Hawayen da ta ji suna neman silalo mata ne ya sa ta shige ɗakin ta da sauri ta bar su kan tabarmar suna bawa Shatou labarin karatun da aka yi musu a yau.Na Al'ada wanda malamin ya sanar musu da duk wacce ta fara ganin jini zata iya ɗaukar ciki su riƙa kama kan su dan daga lokacin sun girma zasu iya haihuwa.Haka dai suke bata labarin tana sauraren su tana dariya kafin ta furta '' Wai Jini to ai mu ba zamu taɓa yin sa ba ma har yanzu yara muke,kuma ma taya ciki zai zauna a wannan shafaffen cikin na wa ".Ta kai ƙarshen zancen tana shafa shafaffen cikin ta.Sannan ta ƙara furta " Ai Babu ruwan mu da maza mun san halin mutanen ƙauyen nan ba zan manta abinda aka yiwa yar gidan malam Shehu ba ".Tayi zancen cikin yarinta.
Kai suka gyaÉ—a mata suma kafin suka yi shiru Baffa na ne ya fito daga É—akin sa bayan gama cin abinci yana furta " A'i na fita sai na dawo " adawo lafiya ta masa duk da tafiyar bata wuce majalisar su ce zai je.

Amina ce ta riƙo hannun Shatou jikin ta a sanyaye bayan sun yi ma Baffa na a dawo lafiya, tana furta " Dan Allah shatou karki daina ƙawan ce damu kin ji bazamu ƙara ba ".Ta kai ƙarshen zancen kamar zata yi kuka.

" Ai naji kunya ƙwarai da kuka ƙarya ta ni gashi malam Habu yace ƙarya haramun ce,amma kuka rufe ido kuka tozarta ni da girma na " Ta kai ƙarshen zancen da ya sanya Inna ni dariya dake zaune tana cigaba da yan ka naman da Baffa na yayi farauta.Saboda Bata da R sai yana yin furucin na ta na ƙarshe da ta furta ya ƙara bayyanar da rashin R ɗin ta fili.Ƙara jinjina kalmar Inna ni tayi wai da girma na hakan ya sa ta ƙara sakin murmushi tana kallon yar ta ta yar firit da ita amma ita ke zancen da girman ta kamar wata babba.
Ai kin ta cigaba da yi tana sauraren su suna ƙara ba shatou haƙuri wanda bata san abin da ya faru ba sai yanzu dan har yanzu Baffa na bai sanar da ita yadda komai ya wakana ba.Ajiyar zuciya kawai ta sauke bata shiga zancen su ba har suka gama suka chan za firar ta bikin gidan su maraƙisiya da zasu je mamarta ta haihu kuma bikin jibi ne dan yau jiye ne ta haihu da dare.Murna Shatou tayi ta yi dan dama bata gan ta ba cikin su ashe mamar ta ce ta haihu, farin ciki ne ya kama shatou matuƙa wanda har ya bawa Inna ni mamaki dan sosai ta yi murna musamman da ta ji mace aka samu sai ta ji ina ma Inna ni ce ta haihu.Tana cikin wannan mamaki ne ta tsinkayi SHATOU na furta " Ni Inna ni wai yaushe zaki haifa mini Yar ƙanwa Allah ina son samun yar ƙanwa Nida Bibu,kin ga da kin haifa muna ita Allah na daina fita wasa sai muyi Wasar mu cikin gida anan tare ".
Chapter 9 · 0% Book details