← Book details Kurman Kaddara Book 1 Complete Hausa Novel Local reading mode
READING PART 40 OF 110

Sashe 40

Kurman Kaddara Book 1 Complete Hausa Novel · about 8 min read

Sai da duk suka Zazzauna masu zaman gurin yan fadar sa sannann aka fara jawabin godiya tare da fito musu da ƙwaryan Nono mai kyau,da zuma da duk wani kalar abu da ake samu a ƙauye,Zuma ta fito daga wajen Baffa na ne saboda ya san inda ake samun zuma dan haka ana samun mai kyau a wajensa saboda haka mai gari ya masa magana da wuri dan haka aka tana de ta mai kyau da ita da uwar saƙar ta babu haɗi.Haka aka jere Musu su cikin boat ɗin motar da Abbu yake ciki.
Ganin irin kayan da aka fito da su ne ya sa Abbu fitowa daga cikin danƙararriyar motar ta sa da ya ke hakimce a bayan ta.Cikin wata dakakkiyar shaddar sa fara da ta ƙara fallasa asalin kalar fatar sa,Shaddar sa sai maiƙo take yi, ya fito yana zuba ƙamshi fuskar sa cike da murmushin da ke nuna farin cikin sa da kuma kasancewar sa mutun mai sanin darajar ɗan Adam da girmama sa bai ji Dar ba ya nemi waje tare da gyaran babbar rigar sa ya zauna hakan sai ya ƙara masa ƙima a idon al ummar garin.
Godiya ya fara yi musu da karamci su cike da farin ciki.
Sai dai me kamar Shatou jira take yi ya sauke zancen sa,dan bata tsaya tantance mai maganar ba ma ta ce " Baba Mai gari ina da magana ".Tsit wajen yayi jin yar ƙaramar Muryan ta dan babu wanda ya lura da ita a wajen dan har Baffa na na wajen saboda suna cikin manyan ƙauyen.
Zuba mata idanu yayi kasancewar bai san da ita wajen ba dan mutane sun rufe ta saboda taron harda ƙananan yara da suka biyo motocin cike da burge wa.
Kallon ta mai gari yayi jin yau har da Baba mai gari ake kiran sa dan haka yayi murmushi yana fatan ba rigima ta kawo ta ba.
" Ina jin ki SHATOU "
Magana ta fara " wallahi su iro ne suka ci zarafi na shida abokan sa kuma ban musu komai ba,kuma wallahi sai an rama mun idan ba haka ba kuma wallahi ban yafe musu ba wuta balbal" Kuka ne ya ci ƙarfin ta hawaye suka wanke mata fuska kowa dake wajen kallon ta yake yi kowa na son tofa albarkacin bakin sa sai dai mai gari bai bada damar hakan ba.
Babu wanda ya dakatar da ita daga kukan har sai da ta dakatar da abun ta sannan ta yi shiru.
" Ikon Allah ke ko Shatou bugu dai,dame suka buge ki,sannan dawa dawa aka yi aikin,faÉ—a mini su yan zu su ji hukunci,dan lalle tabbas basu kyauta ba "
Mai gari yayi zancen cike da nuna alhini sai dai a kasan zuciyar sa dariya abun yake bashi shi har ya gaji da case É—in ta.
" Kamalu ne sauran kuwa dariya suka dinga yi mini kuma bai bani haƙuri ba dan haka bulalar zasu nemo Nima na rama,dan da bulala ya dake ni,kama ga inda suka buge ni nan har an fasa mini naman jiki na,harda jini gashi jini na litre kusan biyar ya ƙare kwanan baya,duk ya tafi saura kaɗan gashi kuma sun ƙara zubar mini da abu na ".Ta kai ƙarshen zancen tana sakin kukan sangarta.Dariya wasu daga wajen suka fara dan abun ma na dariya ne,wai sun ƙarar.mata da jini.Mai gari murmushi ya saki cike da basar da dariyar da yake son yi ya ce " Subhanah har da jini suka zubar miki muga inda ya zuba ".

Hannu ta miƙa masa inda shatin bulalar ya zauna kaɗan shima sai ka matsa ne sosai zaka iya gane shatin dan ma tana fara ne shi ya sa wajen yayi jaa kaɗan.
Kai mai gari ya jinjina cike da alhini harda É—an rufe ido kamar irin ya ga inda jinin ya zuba alhalin babu alamar gurin ya zubar da jini.
" Ka gani ko,Wallahi sun zalince ni matuƙa dan haka nake son ka bi mini haƙƙi na ".
Ta kai ƙarshen maganar tana share ƙwalla .
Baffa na da ke zaune a nan kaÉ—an da ita ya sauke numfashi yana É—auke idanun sa akan ta cike da wani irin Tausayin ta dan ya san tunda tace an dake ta yi anyi É—in.
A yanzu mai gari Baffa na ya É—an kalla kafin ya ce " Kamalu me ta yi maka " Bayan ya kallo gefen da suke cirko cirko.
Tsaf suka kwashe komai suka faɗa masa,har kasar da ta musu wanka da ita wanda ga alama nan kowannen su bususu babu ma kamar Iro da kamalu da idanun sa suka yi jajizir saboda ƙasar da ta shiga cikin su dan har yanzu yana jin ta sai zuji suke masa yana jin ƙasa na ɗawafi a cikin idanun.Ƙare musu kallo yayi ga dariya babu halin yi.
Kanta ya dawo tambayar Dalilin da ya sa tayi musu hakan cike da wani irin mugun Haushin su har mai gari ta zayyane masa komai ƙarshe ta kasa faɗin sunan da ya saka mata aka yi aka yi ta faɗa ta kasa faɗa.
Sai Amina ce aka tambaya da suka zo wajen ba da daɗe wa ba ta sanar da mai gari.Nan take da wasu suka dinga dariya shi kan shi mai gari yayi dariyar sunan babu halin fitar da dariyar sa,dama kowa yana son darawa su Iro da ita kan ta uwar kawo ƙaran.
" Yanzu kin san abun da za,ayi zan hukunta su da hannu na,tun da har kin rama Kinga ko hakan nan ai kin rama abun da suka Miki,duba yadda kika mai da su kamar kuran daji, ".Ya kai zancen ƙarshe fuskar shi da ɗan murmushin " kar ki damu,na fahimci gaba ɗaya laifin Iro ne dan haka da kaina zan rama Miki bugun da suka miki,ba sai kin wahala ba har ki ƙara zubar da jinin ki,ayi haƙuri Hajiya Shatou,ƙasar nan ma hukuncin ta yayi "
Ya kai ƙarshen zancen yana sakin ɗan murmushi.
Ita kuwa SHATOU wani gingiririm kan ta yayi mata cike da jin daɗin har da Hajiya yau ta samu sunan da ake kiran yan birni da shi dan haka ta ce " A ƙara masa kashe di da zugar abokan hi dan Wallahi suka ƙara shiga gona ta sun san sauran sai na musu abun da basu zata ba " Dai dai ta gama furucin idanun ta suka faɗa a cikin na Baffa na.Baki ta tura gaba tana ƙyafƙyafta idanun ta.Alamar rashin gaskiya da kuma mamaki.A hankali ta fara bin sauran jama'ar dake wajen.Dai dai ta tsaida kallon ta kan Abbu da yake ta sakin murmushi tun lokacin da ta fara magana ya zuba mata idanu kamar ya samu tv wani irin lamari mai girma na ɗarsuwa a cikin zuciyar sa akan SHATOU.
Murmushi ya sakar mata mai sanyi ganin yadda ta zuba masa idanu kafin ta sauke kallon ta kan Mubarak da ke ta sakin murmushi shima dama ya hango ta ɗazu da suka shigo sai dai bai yi zaton faɗa ake yi wajen ba yayi zaton ma taɗi ne suke yi irin na ƙauye tunda ya san da wuri suke yi wa ya yan su Aure daga Mazan har mata.Samun kan ta tayi da mayar masa da murmushin,tana mayar da idanun ta kan Mubarak karo na biyu kafin ta galla masa harara dan tsaf ta gane sa, idanu ta ɗan ƙara warewa ko zata hango uban gidan na sa da ta tara kalolin masifar da zata masa sai dai babu alamar sa a gurin fahimtar hakan ya sa Mubarak Shafa kan sa cike da murmushi ya girgiza mata kai.Harara ta ƙara jefa masa duk da cewa ta fahimci abinda yake nufi ɗin.Ita koda ta ga manyan motocin bata san sune suka dawo ba.A zaton ta wasu baƙin aka yi daban dan bata ji zancen ba ko ga su Baffa na ne saboda kwana biyu tana samun yawan bacci tun fara yin al'adar ta dan ko fita rage yi tayi.Koda taji Iro na maganar baƙi sun zo ta yi zaton sababbi ne ashe sune dan sai yanzu ma da ta ga Mubarak ta ƙara tuna cin kashin da take faɗa ya mata,dan kwana biyu ta watsar da shi da lamarin sa,sai dai ta daɗe tana tsara irin abun da zata masa na ramuwa a,a chan farko har bacci ranar da aka yi abun bata yi ba,kusan kwana uku,a cewar ta ai ko Dagaske shi ɗan gidan elibabeth ne sai ta rama sai dai ya tarkato dangin sa turawa ayi faɗa dan ita da Bibu da Baffa na sun ishe su.

___________Hoo uwayen rigima🤭🤣

_FA'EEH BG✍️_
~👑GTW👑~

________Kallon ta yake ƙarayi ganin ta yar cukur da ita kamar ka hura iska ya kwashe ta,gata ba wani tsawo ba.
Hannun rigar ta sai faɗuwa yake tana mayar da abun ta dan mayafi ne hannun a jikin ta,dan haka aka dawo dashi a hannu kun san dai irin shigar mu ta ƙauye duk da haka dai ita taɗan banban ta dasu dan babu ruwan ta da wannan damɓare damɓaren powder da su Ramata suke yi da Sauran ƙawayen su dan itama Amina tana shafawa sai dai ba kullum ba.
" Daga yau Iro,Kamalu,Rabilu,Saminu,Dauda .... Babu ruwan ku da shiga sabgar Shatou kun ji na na faɗa muku ko,dan na fahimci cewa kune baku da gaskiya,kun ji ko,maganar wankan ƙasa da tayi muku kuyi haƙuri kun Kaita ƙul kar wanda ya ƙara saka mata hannu da sunan bugu ko ba ita ma ba kar ku ƙara bugun wata a ƙauyen nan."
Maganar mai gari ta dawo da hankalin ta kan sa tana cire idanun ta daga Mubarak da take ta aikawa da harara kamar taga uban gidan na sa shiko sai murmushi yake saki abun sa.
Haka ma Abbu sai kallon ta yake yi ya kasa miƙewa su wuce har yanzu mamakin ta bai bar sa ba na yadda take ta zance haka kamar wata babba kuma.dudu shi gani yake Bama zata wuce shekara goma ba,idan ma ta kai su.

Allah Abbu idan ta jika kana kiran ta Yar goma zaku yi rigima,da ka san rigimar da ke tsakanin ta da ɗan ka hm🚶🤣
Chapter 40 · 0% Book details