← Book details Kurman Kaddara Book 1 Complete Hausa Novel Local reading mode
READING PART 35 OF 110

Sashe 35

Kurman Kaddara Book 1 Complete Hausa Novel · about 8 min read

Ƙara ƙankame jikin ta tayi waje ɗaya tana rufe Kunnuwan ta da take jin wani irin sauti a cikin su kamar na kukan jarirai da wasu halittu.Cike da tashin hankali suka yi kan ta ganin idanun ta na lumshe wa alamar suma zata yi kamar kullum idan abun ya motsa.Sai dai kafin suyi wani abu Numfashin ta ya ɗauke ɗaff da sauri cikin wasu irin hawaye da suka silalo ma Suhaila ta nemi wayar ta dan muddin babu wani namiji a kusa tana farfaɗowa zata ji ma kan ta ciwo ta hargitsa ko ina kuma ta riƙa neman guduwa.

Cike da tashin hankali tayi masa bayani wanda ko jin ƙarshen zancen ta bai yi ya damƙa aikin duba marasa lafiya ga colleques na sa dan suna da ɗan yawa kar ya bar su zaman jiran sa.Bai san ranar Dawowar sa ba suma cike da tausayin sa suka yi masa a dawo lafiya sanin abun da ke faruwa dan muddin ciwon ƙanwar ta sa ya tashi dole sai ya je gidan.

A chan kuwa koda suka yayyafa mata ruwa a fisge ta miƙe tana faman yin wani irin gurnani tana watse komai dake kan madubin babu abin da ke tashi da ke ƙara juyar da ƙwaƙwalwar ta face ƙarar kwalabe. Da Inna ilaiihi wa Inna ilaiihi raji'un da su Amoh ke ambata da sunayen Allah.A lokacin kuma wani ƙarfi ke ƙara tarar mata a jiki kamar wani ƙato dan haka bayan ta gama watse komai na kan madubin ta koma kan jikin ta gaba ɗaya ta yaga kayan jikin ta duk yadda suke ƙoƙarin hana ta amma abun yaci tura Saboda tafi ƙarfin su ƙarshe ma kan Suhaila ta koma tana jibgar ta kamar Allah ya aiko ta tana sakin wata irin dariya dake nuna bata lafiya bace dan mai cikkakken hankali ba zai yi ta ba.Dai dai lokacin Nurse ɗin ta ta shigo kasancewar wani uzuri ya riƙe ta dan ita ke kula da komai na ta har wankan ta,sai kuma wadda take kula da ita idan bata nan itace Nana itama tun da ta ga alamar yanayin na ta yau ta ɗauki uzuri tayi gaba bayan shirya ta.
Rasa abun yi tayi dan abun yafi karfin ta saboda tana da ɗan tsoro Ta juya da sauri kenan dan kiran security sai ta yi kici ɓus dashi fuskar nan tashi tayi Jawur kamar jan tumatir Matashin saurayi ne tsaye da aƙalla zai kai Shekara Ishirin da uku ko da Huɗu a duniya sai dai yana da cikar jiki dan haka zaka iya cewa ma ya wuce shekarun sa,ko zai kai da biyar.Fari ne tass irin farin nan na Fulani kamar sa dai sak irin ta Suhaila da Amoh dan ita suka biyo Rayyan ne ma ya ɗebo mahaifinsu,dan shi bai yi farin su ba.Fatar sa dai kamar ta wadda ke a cikin halin haukar.
Idanun sa ya runste da ƙarfi cike da ƙunar rai bayan ya haɗa ido da ita a lokacin da take ƙoƙarin yaga rigar Suhaila dake ta dambe ta ƙwace kan ta.Ta shammace ta ta cije rigar a bakin ta da haƙoranta wanda kuma babu alamar zata sake su.Zuba masa idanu tayi jin ƙamshin turaren sa da ya garwaye ɗakin wanda ya hana mata yaga rigar sai ma ɗago kan ta dan ganin inda zata gan sa.Murmushi tayi mai kyau kamar yadda ta saba sauka daga yanayin wasu lokuttan cikin ruwan sanyi.A hankali ta zare rigar daga bakin ta tana ɗagawa kan Suhaila tana komawa gefe ta takure waje ɗaya kafin kuma ta saki wani irin mahaukacin kuka mai tsuma zuciya mai cike da sambatu.
Amoh dake jin kan ta na sarawa ne saboda damuwa ta raɓa Suhail ɗin ta wuce haka ma Suhaila cike da wani irin kuka na Tausayin da yar uwar ta ke ciki ta yi anyi magani abu sai gaba yake yi kullum sai zagayen asibiti ake bincikar ƙwaƙwalwar ta da hotuna dan ita yanzu ba likita bace amma har ta haddace yadda hoton kan ɗan adam yake.

Nurse ɗin ta itama jiki mace ta fara ƙoƙarin gyara wajen a dubarance dan cikin kwalaben ta koma ta zauna sai anyi da dabara sannan yanzu za,a chan za mata waje tare da kayan jikin ta.
Numfashi ya sauke mai nauyi kafin ya raɓa ya shige wata ƙofa wadda take haɗe da hanyar da zata sadaka da part ɗin sa.Bai daɗe ba ya fito yana fitowa da syringe a hannun sa wanda yake ɗauke da ruwan Allurar ta dan haka cike da dabara ya shammace ta ya soka mata a damtse cikin kukan azaba ta saki wani marayan kuka mai tsayawa a zuciya.Kafin ta fara fisge fisge tana son ƙwace jikin ta saboda ya bata yar runguma yadda zata natsu kafin ya mai da ita kan gado.A haka bacci ya kwashe ta mai nauyi dan haka chak ya ɗauke ta ya mayar kan gado tare da gyara mata kwanciya.Sannan ya kunna haske dan ya taimaka ma Nurse ɗin ta kula da komai yadda ya dace.

" Mira Komai na hannun ki a gyarata idan ta farka ki sanar dani,Ta samu ta yi lunch ".
Kai Nurse mira ta gyaÉ—a cike da murmushi tana mugun kaunar yadda Suhail da sauran yan uwan sa da mahaifiyar su suke bawa Yar uwar su kulawa da wasu ne irin yadda take dukan nan ko inda take ba zasu iya matsawa ba.
Amma su koda yaushe cikin bata kulawa suke kuma sun kasa haƙura da kashe mata maƙudan kudade dan an rasa gano abinda ke cikin ƙwaƙwalwar ta ta tun fara ciwon na ta dan tun tana da ƙanana shekarun ta aka fara ganin sauyin yadda yara suke abubuwan su wata rana zaka ga tana Harare harare ita kaɗai ko kaga tana huci ko magana ita kaɗai Tun abun bai damun su har ya fara damun su dan harda dariya ta fara yi ita kaɗai nan suka fara bincike asibiti aka tabbatar musu da lafiyar ta ƙalau kuma an kira mai raƙiyya shima babu Aljannu,dan har yanzu kuwa babu wani cigaba na asalin abun da ke damun ta,Kuma hakan bai hana da Anji wani sabon consultant ba mai kula da sashen ƙwaƙwalwa su mata booking aje a duba ta koda kuwa ba ƙasar nan bane...

Tsafff ta gyara É—akin da sauri saboda kowane irin lokaci tana iya farkawa saboda Alluran ba su wani tasiri a jikin ta.
Dan haka tayi sauri ta gyara komai ta chanza mata kaya tare da gyara mata gashin ta da yaƙara hargitsewa saboda bata bari a taɓa shi ko wankin kan da dambe suke ƙare sa da ita,ita kan ta bata son taɓa kan na ta,bare wani.
Kashe hasken tayi bayan ta gama kimtsa ta.Sannan ta nemi waje ta zauna tana sauke numfashi.Nurse Mira wajen aikin su ɗaya da Suhail shima ya nemi alfarmar ta dan ta riƙa kula da lafiyar ƙanwar ta sa dan tayo special course under sashen brain da kuma abinda ya shafi psycho haka ya roƙe ta tare da albishirin linka mata albashin ta dan haka take ta amsa masa koba komai ai aljihun ta ya ƙara cika,Sannan ta samu shiga Babban gida irin wannan gida na Babban minister.

Cike da wani irin sanyi ta tashi kasala mai nauyi na saukar mata dama haka Allurar ke mata dan haka a hankali ta sauko daga kan gadon tana rakuɓewa a inda ta saba zama.Cikin ɗan hasken da ke akwai a ɗakin wanda ita kan ta Nurse Mira ta saba dashi dan haka ta hango ta dama idanun ta kan ta suke bata motsa ba ko hana ta saukowa sai ma jiran ta zama dai dai ta matso mata da abincin ta.Wanda mafi yawan sa madara ne ko shinkafa da tea.
Su tafi karɓa...

Cike da dabara ta matso kusa da ita tare da kayan shayin da ta haÉ—a mata mai kauri wanda ya É—an huce kaÉ—an.
Zama tayi kusa da ita kamar yadda ta zauna,ta fuskance ta.ÆŠago idanun ta tayi ta zuba mata idanu kafin ta É—auke su kan ta tana sakatar akaifar ta É—aya daya da É—aya wanda take tsaftace kuma ba mai yawa ba.
Murmushi Nurse Mira ta saki kafin ta kamo hannun ta.Sai dai da ƙarfi ta ƙwace sa tana zabura tana neman miƙewa tsaye dan ganin ta tayi ta koma mata wata halitta musamman murmushin da ta yi mata yanzu.
Ganin haka ya sa Nurse Mira miƙewa tana jaaa baya.Hakan da tayi ya bata damar komawa ta zauna mazaunin ta.

" Ni ce ko Isha" Bata Kalle ta ba sai ma haɗe ƙafafun ta da tayi waje ɗaya tana saka kan ta ciki alamar bata son ko kallon ta.
Nurse Mira kuwa da ta gane abinda take nufi hakan ya sa ta ɗau wayar ta ta danna ma ñumban da tayi Saving da Dr.Suhail kira.
Ba,a daga ba har ta gama ringing sai dai ba,a wuce minti biyu da gama kiran ba sai gashi ya ɓullo ta ƙofar da ya bi ɗazu yana sanye da kaya marasa nauyi na shan iska.
Cup ɗin ta miƙa masa dan dama ta san tunda ta ga bai ɗaga kiran ba ta san cewa yana hanya.Dan wasu lokuttan haka yake yi.

Karɓa yayi cike da natsuwa ya matsa kusa da ita ɗago kan ta ta ke son yi amma saboda ta tuna zafin allurar da ta san shi yake mata ita hakan ya sa ta ƙi ɗagowa ɗin wanda ke nuna alamar fushi take yi dashi.

Murmushi ya saki a hankali sannan ya riƙo hannun ta ɗaya.
Chapter 35 · 0% Book details