← Book details Kurman Kaddara Book 1 Complete Hausa Novel Local reading mode
READING PART 1 OF 110

Sashe 1

Kurman Kaddara Book 1 Complete Hausa Novel · about 8 min read

*💋KURMAN ƘADDARA💋*

©®Fa'iza Almustapha Murai

Daga Alkalamin✏

👄FA'EEH BG👄

💎Sadaukarwa ne ga class mate ɗina ɗalibban GGC T/MAFARA,ZAMFARA STATE SET 2K18💎A duk inda kuke Alkhairin Allah ya kai muku.🤲💎

*BISMILLAHIR RAHMANIR RAHIM*
Da sunan Allah mai rahama mai jinƙai
ya Allah ina tawassali da sunayenka tsalkaka Allahu,Arrahmani,Alwadudu Yaa ubangiji kabani ikon kammala kk story lafiya kamar yadda kabani ikon wallafa shi cikin kuzarin jikina da ƙwaƙwalwalta.

_______________________________________

💋KK💋Story ƙirƙiraren labari ne,duk wani abun da ke cikin labarin ƙirƙira ne, Idan kuma yayi shige da rayuwar ki kiyi haƙuri a kasine ,banyi rubutuna dan cutar da kowa ba,sai dai nayi ne dan kawo Sauyi ga alumma da cigaba......

*TASKIRA WRITERS ASSOCIATION*

👄FA'EEH BG👄

*(FirstLady🙌)*
--------------------------------------------------------------------

Littafan marubuciya
A MAFARKI NASANTA
RAYUWAR MU A YAU

------------------

*BOOK ONE*

Free pages👌

P.0️⃣1️⃣

The story is all about ........

*# Destined*
*# Jeoleus*
*# Arrogant*
*# Love and romance*
*# Hatred*
*# Politics*
*# Sympathy*

*_THE BEGINNING_*

*SULEJA*

Daji ne dake cikin garin suleja wanda ake kira ƙare kukan ka.
Babu abun da ke tashi sai kukan tsuntsaye kala kala sai kuma yana yin yadda itatuwa ke kaÉ—awa suna bada iskan hunturu mai daÉ—i kasancewar lokacin sanyin da ake ciki.

Matashiyar budurwa ce ke tafiya cikin dajin a hankali da wani irin tulelen ciki a jikin ta da alama cikin zai kai kamar wata shida haka ko bakwai.Hawaye ne jage jage a kan fuskar ta ga idanun ta sunyi wani irin jaaa tafiya ce ta ke yi wadda bata san inda take jefa ƙafafun ta ba.Yadda take tafiyar kai kan ka zaka shaida a gajiye take kuma a galabaice.Kukan karnuka da taji a bayan ta ne hakan ya sa ta fara sauri tana ƙarawa tafiyar ta sauri kafin ta haɗa da gudu domin kuwa ko ba,a faɗa mata ba ta san ko suwaye kuma suka cimma ta rayuwar ta na cikin galalari domin kuwa kisa ne mai zafi zasu aiwatar akan ta domin yadda suka yi neman ta a chan nan ma hakan ne zai kasance.Cikin wani irin gudu haka take kutsa ƙafafun ta cikin ramukkan dake gaban ta da tulelen cikin na ta ga wata irin Hajijiya da ke kama ta wadda ba ta san mafitar ta ba.Sai dai tana fatan da irin wannan yanayi gwara mutuwar ta domin kuwa wata irin azaba ce ke ta so mata na gudun da take yi dan gudu ne bana wasa ba.Tana kawowa dai dai bakin wani ƙaton rame mai kama da kogo ta faɗa nan domin tsira da rayuwar ta da abinda ke cikin na ta tana sauke haki kafin kuma kan ta ya buge da wani irin ice da bata lura dashi ba A cikin kogon wanda hakan ya sanya ta fara ganin dishi dishi kafin kuma Numfashin ta ya ɗauke ɗiif.

***

*A WALA*

Sararin samaniya ne da ya ke bada wani irin kala mai kyau da ke ƙara Haska gari tare da ranar da take Kutsowa a lokacin wanda a lokacin ne kowannenn mai fita nema yake fita dan samar wa kan sa abun saka wa a bakin salati,fita irin ta yau da kullum.

Ƙauye ne mai tarin hikima kowane irin yare ya haɗa Fulani,Fulani Hausa, wuri,sai dai Fulani sun fi yawa.ƙauye ne wanda ke ɗauke da manyan mutane masu al'adu da ban daban masu hikima,Sannan ƙauye ne da mutanen cikin sa suke yin ta ka tsan tsan da tarbiyyar yan matan su kuma suke ƙoƙarin bawa ya yan su ilmi na Addini da na boko gwargwado...

***

Gudu take a hankali kamar wata zakanya a cikin dajin har da wani irin tsalle kamar wadda ke gurin yaƙi yanayin yadda take tsallakar itatuwan da suka yi mata kawanya da abun harin ta.Ba,a iya ganin fuskar ta sai dai bayan ta da yake ɗauke da dogon gashin ta.Dai dai ta isa inda zata ɗana kibiyar ta kenan taji ana furta..

" Adda shatu,Kiyi Sauri ki kama kar ki bari Baffa na ya riga ki " .

Saboda yadda suka hango abin farauta yana ta ƙara falla gudu.

Da jin wannan furuci na wannan yaro aiko ta ƙara ƙaimi wurin saita abun harin ta wanda ke gudu daga nesa domin tsira da ransa.
Ganin kamar tayi gaba da yawa hakan ya sa ta dawo baya da sauri inda ta ja da baya kamar yadda kuka san Actors na yi a film irin na farau ta haka ta ja daaga ta ƙara saita abun harin ta inda ta juya a hankali ta kalli gefen ta tana kallon mutumin da nake tunanin shine Baffa na ganin da tayi yana shirin sakin ta sa kibiyar hakan ya sa ta sakin murmushi kafin a hankali ta saki nata a tare kibiyoyin nasu suka kama hanya suna bin abun harin na sua jere.Wani irin tsalle ta buga tana ɗaga hannayen ta sama tana furta.

" Baffa na ka riga ni zuwa kuma ina ga na cinye ka ta wa ta fara isa ".

Juyowa tayi tana tare yaron da ya kawo kusa da ita wanda kamar ba zasu wuce sa,anni ba sai dai da ka gani zaka iya tantance wanda ke babba a cikin su.inda ya rungume ta cikin farin ciki, ita ma Rungume shi tayi kamar yadda ya rungume ta sannan suka saki juna suka fara gudu a tare cikin nishaɗi sai dai basu wuce mintuna biyar ba suka isa inda dabbar take domin kuwa ƙatuwar dabba ce suka samo yau kamar yadda suka saba fita farautar su itadah mahaifin ta da ɗan uwan ta wani lokacin ma ita ke fita ita kaɗai duk da yadda take shan magana akan fitar ta ita kaɗai,ko kuma da wannan yaron wanda da alama shi ne ƙane sai dai duk da hakan da gani ka san babu wata tazara tsakanin su dan sai ka yi zaton Yan biyu ne ma.

Suna zuwa bakin ƙatuwar Dabbar da ke kwance yashe,Tsalle suka fara wanda yayi dai dai da zuwan wani dattijon mutun kamar bafulani domin fari ne tass wanda kamar su ke sak da yaron.Wata uwar zabira ya Fiddo daga cikin wata yar jaka tashi Sannan ya sai ta wuƙar sa mai kaifi a Wuyan kurar ya yi Bismillah ya yanka inda take jini ya ƙara ɓalle wa a wuyan ta, 'yan murje murjen da take yi take ya tsaya Chak.Bata ƙara shurawa ba.
Yana gamawa ya ɗago ya kalli Yar Matashiyar yarinyar da aka kira Adda Shatu wadda a ƙiyasi shekarar ta bata wuce goma sha biyu ba ko sha uku ba sai kuma shi yaron bazai wuce goma ba ko sha ɗaya ba kamar dai saanni suke.

" Shatu na ta kashe kura,gaskiya ya kamata a baki kambun girma,maza da yawa ba su iya samun abun harin su kai tsaye amma shatu na take ta ke bin shi da kibiya na jinjinawa Yar Inna Adda ta,Kuma Adda Shatou bace wa Baffa ya yi ki zauna gida ki huta ba shine kika fito,ya ma akayi Inna ni tabar ki kika fito ne?? "....Matashin yaron ya kai ƙarshen furucin yana kallon ta yana ƙara tsalle cikin murna Haka ma Baffa na murmushi yake yi kawai yana kallon ta bayan zare kibiyar ta da ta ture ta sa.........

* A gajiye take saboda ta aikatu yau matuƙa duk sai da suka cika komai na gidan gashi daga gurin jidar ruwan akwai nisa,Sannan tare da mahaifiyar ta suka yi ayyukan gidan har aikin gyaran gefen dabbobin su Baffa na da Bibu ke yi.Kafin kuma ta bi bayan mahaifin ta da suka fice tun ɗazu bayan yin karin kumallon su,duk yadda ta so hana ta haka ta barta saboda kukan da ta sanya mata har da murje murje.Tunda ta fito take gudu kamar bazata daina ba saboda nisan wajen da zata isa a cikin ƙungurmin dajin da suka saba farauta ita da mahaifin na ta.
Duk wani mai kiran sunan ta bata ko sauraren sa babu abinda ta ke son gani face ta isa inda ta san zata same su.Wasu kai tsaye suke kiran ta da mara kamun kai saboda yadda take tsalle tsallen ta dan ta ɗebo gadon mahaifinta takan saci hanya ta fice ita kaɗai basu ko duba ƙarancin shekarun ta,sai dai a sanar da mahaifin ta an ganta ita kaɗai ta fice farauta,wanda hakan mutanen ƙauyen sai suke faɗe faɗe akan ta wasu har mahaifin ta suna yiwa magana kan yadda ya ke barin ta shiga daji farauta duk iya ƙoƙarin sa shida mahaifiyar ta ga ƙarancin shekarun ta kuma da alama bata tsoron kowa duk da bata shiga harkar kowa,sai an Jata. Bata samu jin ta dai dai ba sai da ta isa dai dai inda zata same su sannan ta dakata.Dukkanin su da suka gan ta Murmushi kawai suka yi dama sun san za,a rina,Saboda yau weekend ce babu makaranta,ta allon ma ta su yau ba,a zuwa.Shiru tayi bayan tuno yadda ta fito kafin ta ƙara sakin murmushi ba tare da ta bashi amsar tambayar sa ba ganin yadda yake ta murna kafin ta ƙara ɗana wani mashin ta jefi tsuntsuwa da tayi fira daga kan iccen Mangwaro a yanzu aiko cikin sa,a sai gata ƙasa tana bille bille da sauri Baffa ya yanke wuyan yar kurciyar yana murmushi ganin yadda ta ƙara cilla ta ya san shatu da namiji ce anan gaba da tafi shi ƙwarewa akan harbi duk da ko yanzu tana nuna masa iyawar ta duk da tana da ƙananan shekarun ta.
Tsalle ta daka " Na ƙara samun sa,a Bibu " tayi furucin tana kallon yaron. murmushin farin ciki yaron ya saki yana tsallen murna shima a karo na biyu.
Murmushi mutumin da suke kira Baffa na yayi wanda yake matsayin mahaifin su.

A haka suka haɗa komai na su na farauta sannan suka doshi wani ƙaton rafi aka gyaran naman tsafff sannan suka kama hanyar gida kai tsaye kasancewar sun yi sa,ar fita yau lokaci ɗaya sun yo farautar Babban Kamu.

Sai da suka yi tafiya mai tsawo daga cikin jejin sannan suka iso dai dai wani ɗan madaidaicin gida na ƙasa da ya ji fenti fari sai kuma wasu yan bukkoki dake cikin sa tare da wasu ginukan ƙasa da ake iya hangowa ta ciki saboda rashin girman katangar.

Da sallama É—auke a bakunan su suka shiga cikin gidan.
Chapter 1 · 0% Book details