Sashe 13

Murmushi ta yi tana mai jin wani tsananin farin ciki yana lullub’eta dan suna waya da hajiya mama kuma suna shiri sosai shiyasa ko gama abunda take yi ba tai ba haka ta cika ta kira gwaggwo ta bata daga nan ita ta fita ita da Munirat da murna kwance akan fuskarta.

Daddy ya ji dad’in yadda Ummin ta yi farin ciki da zuwan mahaifiyar tasa,ya san Hajiya Mama ba sa shiri kwata kwata da Mommy kamar ba y’ar aminiyarta a farko ba haka take rufe ido ta tsigale ta tass!sannan ya ji abunda ta yi mata yanzu amma dukda haka yadda Mommy ta nuna tashin hankalinta har ta kai ta gagara sauk’owa a yi breakfast da ita hakan ba kad’an ba ya sosa masa rai dan ya san daga ita har su Yasmeen da suka k’i zama duk saboda
Hajiya maman ne,amma zai ci ubansu in ya samu lokacinsu dan uwa ba ta fi uwa ba.

Faram faram kamar su Ummi da Hajiya Mama za su cinye juna haka aka shiga gaisawa ana murnar had’uwa har ma
da Sameeha dan Itanma suna waya suna chatting da Ummin,kamar yadda suka yiwa Ummi haka suka yi wa Munirat Itama ta ji dad’i kuwa
matuk’a dan atleast ta san ba duka aka taru aka zama d’aya ba kuma yanzu ta tabbatar Ummin ta za ta d’an rage zafi tunda ga oga kwata kwata ta gani da idanunta ba wai a waya ba
ta na sonta kuma tana ji da ita.

Su kad’ai sai Daddy da Abhi ne aka yi break fast d’in yau dan ko Ya’isha ma k’in zama ta yi tace za ta makara depending project d’inta na masters da take yi.

Tana fita Hajiya Mama ta kalli Daddy tace ‘’Saboda shegiya!
da kai da matarka kun janyo wa y’ay’anku karatu a Nigeria’’

Kallon Ummi tayi sai kuma ta kalli Daddy kafin ta ci gaba da cewa’’ai ni ban san irin power da wannan shegiyar Yarinyar take da ita a cikin gidan nan ba ,Saddik’a saboda fa ni da Daddy mun ce ‘idan kausar ta fita k’asar waje karatu za ta sake lalacewa a barta ta yi
karatu anan gida Nigeria’shine
ita uwar Yaran tace’tunda Kausar ba ta fita waje ba to babu wanda zai sake yin karatu a waje’.Duk dan kar ran y’ar gwal d’in ya b’aci!akan
ranta ya b’aci gara na ya’yan ta ya b’aci kuma shima Imam din ya zuba mata ido ya k’i tab’uka komai akai shiyasa ka kaf cikinsu Yassira ce kawai ta zo ta yi karatunta
Itanma dan ta riga Kausar d’in farawa ne da wata d’aya shiyasa aka barta ta kammala Oxford sai Yash da Yassir da Yahanasu tunda su sun riga ta yi’’
Hajiya Mama ta faiyyace hakan cikin d’an b’acin rai.

Shiruu Ummi ta yi ta rasa abin cewa dan haka kawai sai ta sunkuyar da kanta.

Cikin b’acin rai still Hajiya Mama tace ‘’Kuma ai gaskiya aka fad’a tun kafin fa ta tafi makarantar k’asar wajen ta yi ciki ta haihu d’an ba rai,lokacin tana gama secondary school.
Me kike tunanin zai faru inda an barta ta je wata k’asar..?’’

Ahankali Abhi yace’’Maaamaaa’’
Ya d’an jaaa maganar.
Sai a lokacin Hajiya Mama ta lura da yadda gaba d’aya ita kanta Ummin she’s not comfortable da zancen dan haka ta yi shiruu kawai tana mai sake tabbatar da innocence d’in Ummin a ranta tace’’tabbas ban ga ta zama ba dan matar nan ba ta san komai ba
sannan ba ta san wacece mommy ba,ya kamata a yi wani abun tun kafin ta cutar ta ita
that is
idan ta kasa cireta a gidan kenan…’’

Shiruu dining d’in ya yi ba ka jin k’arar komai sai cokula sai
kuma albarkar da Hajiya Mama taketa sakawa Ummi dan ta ji dad’in girkin da ta tarar Ummin ta yi da kanta kuma ya yi mata dad’i sosai.

Ummi kuwa baki har kunne dan ba kad’an ba take jin dad’in addu’o’in da Hajiya Mama take ta zuba mata.
Sosai Daddy ya ji dad’in yadda Ummi da Hajiya Mama suka fahimci juna suke shiri da kuma yadda Ummin take girmama Hajiya Mama
shiyasa ya yanke shawarar zai sake tuntub’ar ta maybe zuwa yanzu ya san ta huce..shi dai ba zai bata hak’uri ba no matter what dukda zuwa yanzu shi kansa ya san ya garu!Ummi ba yaji ta yi ba tana cikin gidan shi amman fushin ta gareshi ya fara illata shi matuk’a…..

Ganinta a tsakiyar manya yasa gaba d’aya ta ke ta jinta unconfortable shiyasa ta yi sauri ta kammala daga haka ta mik’e tace musu’’ta k’oshi’’ta yi musu sai anjima kafin ta
nufi sama.

Clashing suka yi da Yassir wanda yake sauk’owa k’asan sanye da suite har da brieficase ya yi masifar yin kyau kana ganinsa kasan office zai tafi.
Sarai ya lura da ita amman sai ya d’auke kai kawai ya wuce wanda hakan kuwa ba k’aramin gigita Munirat yayi ba
dan ba ta yi tunanin zai iya yi mata haka ba..tun jiya take jiran kiranshi bai kira ta ba sannan yanzu kalli abunda ya yi mata duk dan shekaran jiya ya ce ‘’su had’u a gidan Abokinsa’’ta k’i yarda ta yi fushi tace ‘’ita ya ma daina yi mata irin maganar nan bata so’’dga haka ta kashe wayar to ashe shima ya d’au zafi da gaske tunda gashi ya d’auke mata d’iff…anya kuwa ba za ta sauk’ar da kai tun wuri ba su shirya ta nuni masa komai ba komai ba dan tana jin tsoro kar ta je ta taro match d’in da ba za ta iya ba dan wllahi ba za ta iya rayuwa babu Yassir ba….

Ya yi mamakin ganin Hajiya Mama dan haka ya yi saurin k’arasawa suka gaisa ba yabo ba fallasa kafin ya tambayesu Junior,ya kuwa ji dad’i kwarai da ya ji Junior ya zo,bai wani damu ba da aka ce mishi Na’ima ba za ta zo ba dan bai damu da Yarinyar ba
muguwar gidahumace
kamar ba a uk aka haifeta ta girma ba ga shegiyar rowa sannan tun ranar da ta fito mishi a mutum ta gaya mishi Yash take so ko chatting d’in kirki ba sa yi
shi manta wa ma yakeyi da ita in ba a family group ya ga ta yi magana ba.

Kad’an ya d’an chakali abinchin kafin ya mik’e ya yi musu sallama yace ‘’bara ya je office’’kai kana ganin Daddy ka san yana cikin tsananin farin ciki sai murmushi yake ta zubawa sakamokon ganin Yassir da ya yi a shirye caff!zai tafi office kuma da wurwuri haka,a ranshi ya godewa Allah ya shiga addu’a Allah ya sa fad’an da aka yiwa Yassir ya shige sa kenan Allah ya sa ya shiryu kenan har abada’’. Kasa hak’ura Daddy ya yi sai da ya mik’e har bakin k’ofa ya je ya shafa kan sa ya yi masa addu’o’i tare da fatan nasara tukunna ya koma ya zauna yana ta zuba murmushi.
Tunda Yassir yake a rayuwar sa bai tab’a jin guilty conscious irin na yau ba,ya san saboda ya ga zai je aiki ne ya sa yaketa wannan murnar alhalin a asalin gaskiya shi ba aiki ne zai kaisa ba..wani Abokin sa ne ya had’a sa da wata yarinya yarinyar ta had’u matuk’a mahaifinsu ya rasu kuma itace babba shine take neman aiki,shiyasa aka had’ata da shi shi kuma yace su had’u yau yaga ko za su daidaita……

‘’Tunanin mai kake yi??’’muryar Daddy ta katse masa tunani,murmushi kawai ya yi bayan ya kallesa daga haka ya yi waving d’insu ya sa kai ya fice.

Dukda uwar suite d’in da ya ci kuwa yana fara magana Yarinyar ta fahimci inda ya dosa ta kuma
fahimci ba aiki ake son ba ta ba dan haka ta mik’e tsulum ta fice ta bar sa cikin tsananin mamakin ta,dan ko irin sallamar nan ba ta yi masa ba hakanan ta mik’e ba um ba um um ta fice ta bar masa office d’insa…..ko minti uku bai k’ara ba shima ya fice daga company d’in ransa a mugun b’ace yana mmakin yadda sam ya daina cin galaba a kan y’an mata anyhow kamar wanda aka yiwa asiri,duk wani abu mai kyau na gidan Daddy Yashjub ya d’auke harma da farin jinin y’an mata……

Ko da ya dawo gida direct side d’in Yash ya nufa wajen Junior aikuwa kafin awa d’aya ya ware war suka ta hira abunsu
dan kusan Junior shine best friend d’in Yassir,halin su kusan d’aya ne dan indai aka zo batun mata to kowannen su sai a hankali sai dai unlike Yassir shi Junior ya san class d’insa sannan shi he’s very hardworking yanzu haka Doctor ne shi looking forward into becoming a consultant.

Junior ya yi mamaki da ya ce mishi ‘’ya zo su je su gaida antynsu matar Yashjub but sai ya ji Yassir yace ‘’shi bai ma tab’a ganinta ba’’amma kuma
Junior d’in da ya tuna waye Yashjub sai ya ga hakan a wajenshi ba komai bane dan haka ya kawar da zancen su ka fad’a wata hirar.
….
Mommy tana shiga cikin d’akinta ta fashe da wani irin kuka mai hawaye wiwi kamar wata yarinya,ta kasa tsaye ta kasa zaune sai faman safa da marwa take yi tana hawaye
tunda ta shigo cikin d’akin.A haka Baaba Larai ta turo k’ofar d’akin ta shigo dan d’azu tana parlourn Kausar wadda itama damuwa ta sauk’ar wa da zazzab’i ta fara jiyo
Hajiya Mama da Mommy shiyasa ta bari sai da suka wuce tukunna ta biyo ta ga halin da y’ar uwartata take a ciki.Da mugun sauri ta rufe k’ofar ta k’arasa kusa da ita ta rik’eta tace’’subhanallah Mommy….’’