Sashe 96

**********A nutse ta ajiye wayarta data gama karatun qur'ani ta ciki saboda rashin hado mata da qur'aninta da ba'a yiba ta mige tana kallon agogon dake manne a bangon dakin daidai algiblar sallarta. Qarfe shida da mintuna talatin,tana da buqatar ruwan dumin da ta saba sha a kowacce safiya,bata qaunar fita sam sam saboda batason koda tsautsayi yasa su hadu dashi,duk da bata tunanin a dai dai wannan lokacin akwai wanda ya farka cikin gidan. A nutse ta ninke abun sallar tayi masa guri,sannan ta zura lausasan slippers din da suke set da kayan jikinta,wanda couple prayer set ne,ta zari nata ta saka. Blur black ne masu taushi,kala ce ta farare, don haka ta fidda hasken fatarta da kyau wani irin haske dake cakude da amarci da kuma zallar gyaran da tasha daga hannun me gyaran jikin da maii ta ajjiye mata.

Duk yadda taso dauke idanunta daga kallon yadda aka tsara hallway din hakan ya gagareta. Wani irin kyakkyawan tsari aka yiwa gurin wanda hatta weather da qamshin da yanayin iskar dake kai kawo a gurin na musamman ne. Fitilunsa na musamman, kamar yadda kome da akayi amfani dashi wajen qawata gurin ya zama favourite colour dinta ne,zaka rantse da Allah ita ta zauna ta rubuta yadda takeson a shirya komai din. Qafafunta na nutsewa sosai cikin
Tallausan carfet din da aka malale gun dashi har zuwa sanda ta sada kanta da falon.
Hallway din yafi burgeta, amma kuma yadda falon ya tsaru da wasu irin kujeru curtains da carfet carfet sai ta rasa wanne guri ne yafi wani?,nan dinma komai dake dake cikinsa zabin kalolinta ne,kamar tana gurin aka shirya komai. Duk qoqarinta da son ganin abun sam bai burgeta ba hakan ya faskara,ta dinga ratsa falon tana laluben inda kitchen yake,lallausan qamshi me kwantar da zukata yana yawo a hancinta har zuwa zuciyarta. Bata jima ba ta hangi hanyar da zata sadata da falon wanda ke daura da waje na musamman da aka tanada aka kuma qawatashi da dining na alfarma.

Bata fahimci da mutum a ciki ba saboda girman kitchen din har sai data kammala shiga

"Good morning madam" jacob daketa aikin
kintsa kitchen din don shirya abinci na
musamman da zai burge matar ogansa ya fadi
a ladabce.

Turus ta danyi tana dubansa, ya afron
da zungureriyar hular kansa kadai ta isa yi
mata bayanin waye shi,saidai duk da hakan
baiyi qasa a gwiwa ba wajen gabatar mata da
kansa

"'Sunana Jacob,nine cook din sir,akwai wani
abu da kike bugata ne yanzu?" Mamaki ya
saukar mata,shi komai nasa ya banbanta dana
kowa?,ya kawo qatoton gardi kuma arne ya
ajjiye cikin gidansa yana dafa masa abinci
yana ci?, iyakacin zamanta a gidan ma bata
taba ganinsa ba,ko don ita din bata fiya zurfafa
kanta a lamuran da basu shafeta bane?. Ta
yaya zata zauna itakam wannan qaton yana
mata girki tana ci?.

"Bana buqatar komai, just warm water zan diba,and i can handle it" ta furta tana matsawa sashen da aka jere glass mug cikin tsafta da burgewa ta cire guda daya,ta taka a hankali ta isa ga dispenser ta debi ruwan. Saidai yayi mata zafi da yawa,batason kuma sirkashi, wannan ya sanya ta jingina bayanta da kitchen cabinet tana motsa ruwan a hankali,tana so ya rage zafi tasha tabar masa cup din a wajen.

Cikin kamewa tare da tarin nutsuwar
da sallar asuba ke haifarwa ga zuciya da ruhin kowanne musulmi yayi sallama a kitchen din. Wannan al'adarsa ce,yakan manta da cewa jacob ba musulmi bane,shima Jacob din tsabar sabo da hakan ya sanyashi ya koyi cikakkiyar amsa sallama.

Lallausar muryarsa da bacci yasa ta qara zama husky and deep voice ta ratsa kunnuwanta,idanunsa ya fara sauka a kanta,zagayayyar fuskarta dake tsakiyar hijabi tayi fayau da wani irin haske. Zare idanun nasa yayi daga kanta yaci gaba da takowa ciki a hankali, daura da ita ya tsaya shima yana daukar glass mug din ba tare daya sake duban sashen da take ba

"Good morning sir" jacob ya gaidashi cikin tsantsar girmama

"Morning Jacob"

"Kana bugatar wani abune sir?"

"Warm water" shima ya fadi a taqaice yana sake cirar spoon bayan mug din. Wani mugun kusa taji sunyi ita dashi, duk da kuwa akwai tazara a tsakaninsu,yadda ya ganta a jiya ke dawo mata fes cikin kanta,a hankali haushinsa ya soma sauka saman zuciyarta,tanason ta matsa daga gurin amma ta gaza,wani irin kwarjininsa da bata taba ji ba ya mamayeta. Ta lumshe ido tana kai cup din bakinta duk cikin son nuna bata ganshi a kitchen din ba gaba daya,gefe guda na zuciyarta yana mata bitar abinda afifa ta taba gaya mata

"Aure yana da wata irin daraja,yana garawa namiji kwarjini a idanun macen daya aura din albarkacin wanann igiyoyin guda uku, kibi a sannu bestie, toufeeq ba irin kalar mazan kike kalla bane ba irin adam bane,yadda banbaci da tazara yake a bayyane muraran tsakanin sama da qasa,haka yake tsakanin adamu da toufeed" a lokacin tsaki taja,akwai abinda take son saurara amma gaba daya afifa ta hanata sakat,motsi kadan ta fara mata wa'azin aure

"Kina tsammanin don kawai ya biya sadakina sai yayimin kwarjini afifa?"

"Bestie" bata barta ta gama magana ta dakatar da ita

"Bestie, idan akwai mutumin da ya cancani a duniva nayi masa kara na aureshi ma to mahmud ne,amma saboda har yanzun zucivata bataii akwai wani amintaccen namiji a duniya ba na gwammace na kawoshi,izzarsa dagawa da tsantsar jin kansa ba zasu taba razanani ba,zai kuma ci gaba da tabbata ne a mijin AUREN MANUFA, yayi rayuwarsa nima nayi irin rayuwar da nakeso" a lokacin murmushi afifa tayi ta miqe tana cewa

"Ba zaki gane ba"

"Ke kai ba zaki taba ganewa ba".

*HUGUMA*

* TABARMAR KASHI_*

Book 02 Page 14

Lokacin da yake amsar ruwan dumin daga hannun Jacob sai ta juya tana fita a kitchen din. Bai waiwaya ya dubeta ba,amma yana iya tsinkayar adadin takunta har zuwa sanda ta kammala fita. Zare cup din yayi daga bakinsa yana jin zuciyarsa na motsuwa da abinda tayi. Idan abaya shi din bai hada komai da ita ba,a yanzun musulunci ya danqa masa igiyoyi ukunta bayan an zarga mata su aka bashi ragamarta,ko ba komai a yanzun akwai suna me girma nashi a kanta wato MIJI, zai dauki kuwa wannan dabi'ar?,a gaban wadanda ke martabashi tare da ganin girmansa?.

"He deserve respect from her" ya gayawa kansa yana jin gamsuwa da hakan har qasan ransa.

Saman sofa bed ta yiwa kanta mazauni tana kurbar ruwan dumin nata a nutse,bangarori biyu na zuciyarta kowanne akwai sagon da yake qoqarin kai mata. Sashe guda na zuciyarta na gaya mata rashin dacewar abinda tayi na wuceshi ba tare data gaidashi ba,saboda hakan sam baya cikin tarbiyyar gidansu. Fuska ta yamutse tanason amintar da kanta rashin aibun abinda ta aikata din. Gefe guda na zuciyarta na hasaso mata yadda ya shigo da wanann murtukakkiyar miskilar fuskar tasa,tana iya tuna yadda yake takowa da jin izzar nan tasa,sannan kuma ya dauke kansa tamkar baisan tana a kitchen din ba.

Tsaki taja ta dire cup din abinta,bata jin tayi ba dai dai ba,don har abada ba zata dauki duk wani izza tasa da tsarinsa ba,don aure sukayi na yarjejeniya da biyan buqatar kowannensu,ba batun boos ko oga.
Kiran da ya shigo wayarta ya dauki
hankalinta,mamaki sosai ya cikata sanda taga
sunan anty farheen,sai ta nutsu da kyau tana
amsa kiran tare da fatan jin lafiya?.

A galla akwa biyu suka kashe
suna maganata cikin wayar,sanda sukayi
sallama jikinta a sanyaye ta ajjiye wayar a
gefanta,tabbas wannan dai tasan agenda ce
afifa ta shirya mata,don dukka maganganun
da anty sukayi da anty farheen din sai tga
sunayi mata kama da mutumin da yasan
AUREN MAFAKA tayi.

Duban lokaci ta sakeyi bayan ta gaji da
zaman tunanun,ta shafa cikinta plate tummy
dinta da babu komai a ciki sai ruwan dumin
dazu rabonta data zauna taci cikakken abinci
har ta manta,tana ta kasa kunne taji motsin
fadde ko nadeeya amma shuru,sai ta mige da
mug din don maidashi kitchen ta hada coffee ta sha.

Sanye yake cikin gym wear na company track Smith dan gasar england,qaramin hannu ke da rigar daya tsaya a damtsensa ya kamashi tsam tare da fidda qirar jikinsa data jiqe da zufa har tana nunawa a jikin rigar,hakan ya sanya rigar ta sake manne masa,shafaffen cikinsa dake lullube da wasu muscles ya fita ta cikin rigar,dogo wando ne da kayan sai qafarsa dake sanye da wani irin takalmi dava dace da shigar tasa. Yadda fuskarsa da jikinsa suka hada zufa hakan ya bawa gashin kansa damar kwanciva sosai daga goshinsa zuwa qeyarsa,jikinsa sai fidda sassanyan qamshin turarensa yakeyi, yana rige da qaramin towel a hannunsa yana sake goge zufar hannunsa zuwa wuyansa. Kai tsaye ya doshi kitchen don yasha mutumin nasa wato coffee,duk da cewa tun wancan ranar bai sake samun dandanon da yayi dai dai da nata ba.

Kamar dai dazun jacob da ya kammala hada breakfast yana tsaftace gurin ta shigo. Batayi zaton ganinsa ba shi yasa a yanzun Vail ne kawai saman kanta wanda santsin gashinta duk da cewa a kitse yake yake haduwa da santsinsa yake zamewa daga kan nata lokaci lokaci

"No,ci gaba da aikinka" ta sake cewa wannan karon,sai yaci gaba da gyaran gurin,ita kuma ta matsa gaba kadan wajen coffee maker machine ta soma hadawa.

Yana zare safar hannunsa da yakanyi amfani da ita saboda daga qarfe yana sako gafarsa kitchen din,dukkansu sun bawa gofa baya ita tana nata aikin shima yana nasa. Daga inda yake tsayen yana iya hangen doguwar jelar kitsonta ta cikin mayafin nata wandda ta hadesu cikin wani siririn band,ya janye idanunsa a hankali ya dora kan jacob dake aikinsa,wani abu yana dan taba zuciyarsa

"Jacob" yayi kiransa with husky voice dinsa,sarai ta jishi,amma hakan bai sanya koda motsi tayi ba,sai Suger cubes da take qoqarin dauka ta jefa a hadin coffee din nata

"Sir" ya fada da sauri yana waiwayowa. Da ido kadai yayi masa nuni da ya fita,sai ya ajiiye cups din da yayi nufin shiryawa ma'adanar kwanukan kitchen din dake ajiye daura da saahar din.
Da ido yabi Jacob har ya kammala fita daga kitchen din,a nutse yaci gaba da takowa ciki yana ajjiye hand socks din nasa saman fridge.