Sashe 4

Ba'iya maqotanta ne suka futo domin yimata rakiya ba,harda matar maigari da sauran 'yan unguwa duk suka futo qwansu da qwarqwatarsu domin yin sallama dame gwanjo,bayan tayi sallama da Megari tasake yimasa godia tajuya ta kalli gidansu,ta tuna irin rayuwar dasukai itada Sulaimanu,taji hawaye yanason taruwa a'idon ta amma ta daure batayi kuka ba,tasake tuna lokacin da iyayenta suke raye,suka damqa amanarta a hannun Manu,ashe Manu talauci zaisa ya gujeta,a wannan lokacin kam saida ta zubar da hawaye,tana kuka mutanan arziqin qauyen suna kuka haka tahau mashin suka tafi.

Bayan sun futo daga Garin Malam, suka wuce Garin Galadima, sannan suka dauki hanya har zuwa cikin garin Hadejia, a Hadeja tahau motar Maigatari,bayan mota tacika,direba yaja Mota sukabi ta hanyar malam madori,tacikin Gumel suka shiga garin Maigatari daga nan suka d'auki hanyar bodar dazata kaisu cikin qasar Niger.

*** *** ***

Lagos Nigeria

Alhaji ALIYU MEKU'DI yana tsaye agaban matarsa tana shirya shi,gefe guda kuma yana qare mata kallo yanajin tsananin qaunarta duba da yanda bata ta6a gajiyawa wajan yimasa hidima tun bayan da'aka d'aura musu aure tsawon wasu shekaru masu yawa.
Wani tsadaddan turare ta d'auka mai mutuqar tsada tafara fesa masa ajikin d'anyar shaddar sa wadda kallo d'aya zaka yiwa shaddar kasan cewa ba shaddar yara bace saide manyan attajirai,cikin murmushi ta kalleshi cikeda soyaiya tace"yau ina cikin farinciki mijina abin Alfahri na zai sake bud'e sabon Company aqasar Niger,ina Addu'ah Allah yadawo min dakai lafiya Alhaji,ubangiji Allah yabaka nasara akan wannan sabon company dazaka bud'e,Allah ya kauda ma idon maqiya"

Cikin jin dad'in addu'ar ta yasaka hannunsa yajata jikinsa ya rungume ta,hannayen sa duka biyun suna kan bajajjen hips d'inta,cikin tsantsar soyaiya yace"Amin My Dear,kema Allah yabaki abinda kikeso"

Ahankali tazame jikinta daga nashi,tasaka hannayen ta duka biyun ta riqe fuskarsa dashi sannan tace"Haihuwa....,Fatana na haihu dakai,nima inga 'yata ko d'ana suna amfani da sunan ALIYU MEKU'DI,kyakykywar nasaba,kyakykywan tushe, wannan kad'ai zai zama abun Alfahri agareni"

Murmushi yayi yakai hannunsa ya d'ora akan qugunta,yayinda hannayenta suke kan fuskarsa har yanzu,cikin jin dad'i yace"ZALIHA muci gaba da Addu'ah,Allah yana sane damu"

Qwalla ce tacika idon matar tasa wadda yakira da suna Zaliha...kafin yabata amsa landlines phone d'in dake d'akin irin tada can tafara qara,saida ya sunkuya yayi kissing fuskarta sannan yaje yad'auki wayar.

Tsawon mintuna biyu yana magana a wayar sannan yakashe yadawo wajanta yace"Aminina Alhaji Auwal yakirani,ya fad'amin already angama komai nikadai suke jira,ki kula da kanki Zaliha,banaso kisa damuwa aranki kinji ko?"

Zaliha tatashi tsaye ta fuskanci mijin nata sarqar gwal din dake wuyanta sai walwali take, ahankali kuma cikin kissa tace"idan bakaso nasa damuwa araina to kada ka saurari matan qasar Nijar,ina tsoro kada wata buzuwar ta qwace min mijina....,sannan inaso kabani dama idan kadawo inje in dauko yaro ko yarinya agidan Marayu,ina son Baby Alhaji"

Murmushi yayi sannan yace"inde hakan kikeso zamuje ki za6i duk yaron daya miki Zaliha,please ki kula da kanki banda sa damuwa"

Yana fad'ar haka bai saurari amsar taba yajuya yafice daga falon nasu.

Yana futowa babbar harabar gidan nasa wadda tayi kama data shugaban qasa,guard's d'insa suka taso suka rufa masa baya har zuwa wajanda aka adana motocinsa domin yimasa rakiya Airport,briefcase d'in hannunsa wani guard ya kar6a sannan aka bud'e masa mota yashiga suka futo daga gidan dawani irin gudu.
Adede lokacin SULAIMANU mijin Bilkisu wanda yazo garin tun kwanaki hud'u dasuka wuce, yazo wucewa zai tsallaka titi,lokaci d'aya motar da'akejan Alhaji Aliyu Mekud'i tabigeshi.

Cikin sauri suka ja wani irin birki,Alhaji Mekud'i yabude motar da kansa ya futo yadafa Malam Manu yace"bawan Allah bakaji ciwo bade ko?"

Malam Manu daya gama galabaita duk kamanninsa sun fara sauyawa saboda damuwa dakuma yunwa,ya dubi Alhaji Mekudi yace"Alhaji karka damu,banji ciwo ba"

Alhaji Mekudi yad'aga kansa ya kalli direban sa yace"kadinga driving da nutsuwa mana"

Cikin rawar jiki driver yace"to Alhaji tuba nake,kayi haquri"

Alhaji Mekudi baice komai ba yasake kallon guards dinsa dasuka furfuto daga Mota sai zare ido suke suna gyara bindigar hannunsu yace"ku kaishi gida a bashi abinci da masauqi naga kamar yana cikin damuwa,idan nadawo daga Niger zan ganshi"

Yana fad'ar haka bai saurari amsar su ba yaduba tsadaddan agogon dake daure a tsintsiyar hannunsa yakoma cikin Mota aka rufe masa murfin motar sukaci gaba da tafiya.
Yayinda d'aya daga cikin guard yayi sauri yakama hannun Malam Manu sukai cikin katafaren gidan Alhaji Mekudi dashi.

(Ina labarin Bilkisu me gwanjo a Hanyar tafiya qasar nijar?🤔)

*** *** ***

Bayan sun bar cikin Maigatari suka wuce boda suka fice daga Nigeria gaba d'aya suka shiga cikin qasar Niger, a qasar Niger sun wuce 'Garin Isah',suka wuce 'Katurje',sunyi nisa sosai da barin 'Katurje' acikin daji motarsu ta lalace sakamakon fashewar taya,dole sai futowa sukayi suka nemi wata bishiya suka zazzauna,bayan Bilkisu dawata tsohuwa gaba d'aya motar duk maza ne,hakan yasa itada wannan tsohuwar suka koma gefe,nesa da maza kad'an sukai zaman su suna zancensu kad'an kad'an.
Kafin asamu masu gyara suzo an d'auki tsawon lokaci sosai daga baya aka sabunta musu wata tayar sukaci gaba da tafiya.

Kasancewar bata futo da wuri ba kuma ga yanayin jiran fasinjoji kafin sutaru mota tacika hakan yasa dare yayi musu ahanya,har wasu daga cikin fasinjoji sun kama bacci amma idon Bilkisu biyu,akan idonta suka shiga cikin garin 'Washawa' suka wuce garin,jaririn hannunta ne yafara kuka kamar wanda take mintsininsa,tsohuwar datake gefenta wadda take d'an gyangyadi kad'an-kad'an tabud'e idonta tace"bashi yasha mana"

Cikin sauri Bilkisu tagyara mayafin jikinta tasaka masa nono a bakinsa amma kwata-kwata yaqi kamawa,saima wani sabon kuka dayasake fashewa dashi duk ya gigitata,hawaye ne yacika idonta cikin ranta take tunanin tome yakeso?
haka ta d'auke shi daga kan cinyarta tamaida shi kafad'arta tana jijjigashi amma yaro yaqiyin shiru.

Suna gab da shiga cikin garin 'Dungas' Direban motar yataka wani irin mahaukacin birki sakamakon ganin wasu d'irka d'irkan 'yanfashi agabansa,yana taka birkin mota 'yan fashin suka yiwa motar su Bilkisu qawanya,wani babba daga cikinsu da muryar sa ta 'yan daba marar dad'in ji yace"qananun 'yan'iska kowa yafuto yazube aqasa"
Ya kalli yaransa yace"aje a futo dakomai na guzurin su akawo min shi nan"

Lokaci d'aya mutanan Mota suka fara salati,masu bacci idonsu yabud'e ras, yayinda gaban Bilkisu yayi wata irin bugawa,tasake qanqame Muhammad ajikinta,gaba d'aya ilahirin jikinta yad'auki rawa,batayi qoqarin 6oye kud'in hannunta ba,sai photunan da'aka yiwa Muhammad tayi sauri ta 6oye su acikin bujen siket d'inta naciki wanda yakeda aljihunsa irin wanda mutanan da suke sakawa domin 6oye kud'in su.
Gaba d'aya motar aka futo dasu kan titi, yanda taga suna gabzawa maza bindiga akansu kai yana fashewa da jini hakan ne yasake tsoratata tasake qanqame d'anta suka dunqule waje daya ita da wannan tsohuwar, ga Muhammad sai tsala wani irin kuka yake kamar tana dukansa,maza biyu ne suka shiga cikin motar suka kwashe komai da komai na guzurin matafiya,suka zube shi agaban ogansu.

'Daya daga cikin yaran ne yakalli inda su Bilkisu suka dunqule itada tsohuwa yace"ke dan uwarki ki rufewa yaron nan baki komu tattakaki anan wajan"

Lokaci d'aya itama tafashe da kuka,ganata gana Muhammad,tasaka hannunta tarufe masa baki,numfashin yaro yafara sama-sama kamar zai mutu cikin sauri tabud'e masa bakinsa.
d'an fashin daya ga taqi bin umarninsa cikin 6acin rai ya hasketa dawata fitilarsu me shegen haske,adede lokacin Bilkisu ta sunkuyar da kanta qasa tana jijjiga yaronta,mayafin kanta yad'an zame yayi baya kad'an sakamakon sunkuyar da kannata datayi,hakanne yasa d'an fashin yayi tozali da gashinta wanda yake sheqi da qyalli,yadawo da fitilar kan fuskarta ya haska kyakykywar fuskarta,lokaci d'aya yasaki murmushi yace"oga gawata zazzafa fa..."

Ogan su dayake zaune akan wani qaton itace,yadaka mata tsawa yace"Ke!! ajiye yaron nan kizo nan"

Bilkisu ta kalli qasa taga rairayin qasa tayaya zata kwantar da yaronta aqasa?
batayi musu dasu ba tatashi ta nufi inda Ogan yake,saide yaronta yana hannunta saima sake qanqameshi da tayi,sai jan zuciya yaron yake saboda kukan dayasha.

Agabansu ta tsugunna,Ogan ya kalleta yayi wani irin hadiyar yawu, cikin tsananin sha'awa yace"yaronki yana kuka futo da nono kibashi yasha,inkin gama dashi nima kibani"

Yafad'i haka yana kwashewa dawata irin mahaukaciyar dariya,yaransa ma suka fara tayashi.

Hawaye ne yafara zarya a'idon ta,bakinta yafara karkarwa takasa yin magana.

Wannan tsohuwar dasuka taho tare tad'aga murya tace"yaro kayi haquri karka cutar da'ita,ku kar6i duk abinda kuke so a wajanta dan Allah karku cutar da'ita"

Oga yanajin haka yadaga bindigarsa baiyi wata-wata ba ya harbi tsohuwar nan,lokaci d'aya rai yayi halinsa(😭)
Bilkisu tana ganin haka tasaki kuka me sauti,shima Muhammad dayake hannunta yaci gaba da kuka,yayinda mazan dasuke qwance aqasa jikinsu yasake d'aukar rawa ganin yanda akai kisan kai awajan amma kamar sun kashe kiyashi.

Muryarta tana rawa tahad'a hannunta biyu waje d'aya tace"dan darajar Allah kuyi haquri,kuyi haquri ku qyalemu mutafi karku kashemu"

Ogansu yayi wata irin dariya yabuga qafarsa aqasa yace"kibamu wani abun,saimu qyale ku kutafi"
Cikin sauri tace"kun qwace mana komai,banida abinda zan baku,dan Allah kuyi haquri"

'Daya daga cikin yaran Ogan nasu dayake zaune akusa dashi da alama shine na hannun daman oga ya kwashe dawata irin dariya yace"kaji fa,wai batada abinda zata bawa oga,baki ji abinda matacciyar tsohuwar can tafad'a ba? mu kar6i komai a wajanki amma kada mu cutar dake,yanzu oga na zai kar6i komai kuwa"

Yana fad'ar haka ya fuzge mayafin jikinta,dogon gashinta ya bayyana,Bilkisu tasake qanqame Muhammad a hannunta na dama,yayinda takai hannunta na hagu tacikashi da rairayin qasar wajan,ogansu baiga abinda tayi ba ya sunkuya yakai hannu zai ta6a gashin kanta tafaki idonsa ta watsa masa wannan rairayin qasar a'idon sa, sannan ta kwasa aguje tafara wani irin mahaukacin gudu kamar wanda tashiga gasar tseren gudu,lokaci d'aya suma yan fashin suka mara mata baya suka bita da mahaukacin gudu.

Gudun datake ne yasa dogon gashinta yabazu a bayanta, yayinda wani ya rufe mata fuska amma bata damu ba haka taci gaba da gudu ko sanin inda zatasa qafarta batayi,wahalar da Muhammad yaji hakan yasa yaci gaba da kuka,yayinda kukan yaron yasa 'yan fashin suke binta duk inda tayi,dole qanwar naqi,dole Bilkisu tasa hannunta tarufe masa baki ganin kukan nasa shine yasa suke gane inda take,taci gudu sosai harta 6acewa ganinsu,tasamu bayan wata bishiya ta 6uya,adede lokacin suma 'yan fashin sukazo wajan sunata dube-dube,Bilkisu tana ganinsu tasake rufewa Muhammad baki yayinda wahala tasa yaron nan take ya suma(🙆🏻‍♀️😥)