Sashe 16

Mummy tace"Amin ya Allah Alhaji,nasan shima Jawad zaiji dadin zama da'ita inde anyi auren,zai yaba da kyawawan dabi'un ta,lokaci daya zai sota"

Fuska babu walwala Jawad yace"no Mummy,zan aure ta ne saboda ke,Mummy niban ta6a soyaiya ba,ban'iyaba,abinda nasani kawai shine kasuwanci,babu yarinyar danake tunanin zanso ta"

Mummy tayi ajiyar zuciya ta kalli Jawad tana girgiza kai jikinta duk a sanyaye,taga alama rigima kawai yakeji.

P.a ne yashigo falon bakinsa dauke da sallama ya rissina awajan Jawad yace"yalla6ai,shugaban babban kamfanin taliya na qasar Masar Sheik shamiy,yaji labarin kashigo Africa yaturo maka da saqon gayyatar shan shayi,zan'iya duba jadawalin lokutan dakake free sai a afada masa ranar da zakaje?"

Ba tareda ya kalli P.a ba,cikin 6acin rai yace"Shan shayi ko maganar kasuwanci? P.a bakasan hutu nazo bane?"
Cikin fishi yamiqe yabar dining din yanufi hanyar zuwa dakinsa ransa fal qunci dama ga maganar auren nan da'aka masa.
baiyi nisa da tafiya ba,wayarsa tafara qara,cikin sauri p.a yasake cewa"yalla6ai ana..."

Kafin ya qarasa cewa ana kira,cikin jin haushi yajuyo yace"waye kuma? ko Sheik Shamiy dinne?"

P.a daya lura yau Yalla6ai akusa yake ya sassauta murya yace"daga qasar Niger ne"

Kai tsaye yace"kashe waya"

Daga nan yayi dakinsa bai sake futowa falon ba sai dare,kuma babu wanda ya nemeshi saboda sun San cewa akusa yake,da alama kadan yake jira yace yafasa auren, sukuma suna so yayi auren.

Da daddaren ma ransa babu dadi fuskar nan a murtuke haka yake zaune afalo yayi shiru duk abun duniya yataru yamasa yawa.
p.a yashigo falon yace"yalla6ai ana waya daga Niger,number d'azu ce aka sake kira"

Babu musu Jawad ya kar6a,sannan yad'auka bakinsa d'auke da sallama,daga can 6angaren Alhaji Auwal yace"Jawad nakiraka da safe zan baka Baby itace ta dameni saina kira mata kai batajin dadi ne sai maganar ka take"

Cikin sanyin jiki Jawad yace"Ya Salam nayi busy ne da safe, please Papa bata wayar"

Cikin sanyin jiki Alhaji Auwal yace"Jawad saide kayiwa Baby Addu'ah Allah yamata rasuwa yanzu-yanzun nan,ka fad'awa mahaifinka kace nakira wayarsa bata shiga ba"

Lokaci d'aya Jawad yaji kansa yayi masa wani iri dummm!, Baby tarasu? lokaci daya yafara fadin"innalillahi wa'inna ilaihirraji'un,please Papa inaso inzo suturar ta qarfe nawa za'a yi?"

Alhaji Auwal yace"sai gobe dasafe insha Allah kamar qarfe takwas"

Jawad yakashe wayar yadafe kansa yana tuna irin alqawarin dayayi wa yarinyar baicika ba,gashi de baisan taba,bai ta6a ganin taba amma mutuwar ta tadakeshi.

Mummy ta kalleshi tace"waye yarasu?"

Jawad yad'ago kansa yace"jikar Alhaji Auwal ce,abokin Daddy na Niger"

Daddy yace"ayya, to ainima bazan zauna ba,saimu shirya muje goben"

Jawad yace"Daddy zaka Iya ne? jikinka yagama warware wa?"

Daddy yace"a a karka damu, na warke sosai Jawad"

Jawad yayi ajiyar zuciya yabawa p.a wayar sannan yace"ashirya mana tafiya zuwa qasar Niger gobe da sassafe"

P.a ya kar6i wayar sannan yajuya yafita.

****

Washegari sassafe ya shirya cikin shadda milk color harda babbar riga yayi bala'in yin kyau kamar ka saceshi ka gudu,yana sakkowa falo yaci karo da Hajiya Mariya yayar Daddy.

Mamaki ya kama Jawad me yakawo Mama gida da sassafen nan,itada sai an dad'e ma kafin a ganta agidan,saide in wani muhinmin abu ne yafaru,cikin sauri ya qarasa wajanta tun kafin yagaida ta tana ganinsa tace"ina uwar taka?"

Jawad yayi saurin yin qasa da idonsa ganin akusa take,tuni ya rissina qasa cikin nutsuwa yad'an motsa lips dinsa sannan yace"Hajiya Mama ina Kwana?"

Hajiya Mariya bata amsa gaisuwar tasaba cikin masifa tace"Uwar taka tana gani da idonta za'a baka wannan yarinyar?"

Tafad'i hakan tana nuna masa photon Amal dake screen d'in wayarta,saide kansa aqasa baima dago ba bare ya kalleta.

Cikin Masifa Hajiya Mariya tasake daga murya tace"yarinyar da batada tarbiya?,kullum tana cikin yin raye-raye a tik tok yara suna nunamin rawar datake tana nunawa duniya jiki shine za'a dauko a liqa maka?"
Shide Jawad yayi shiru baice komai ba,har lokacin kansa yana qasa baice da'ita uffan ba kasancewar yasan halin ta masifaffiya ce.

Adede lokacin Mummy tafuto daga daki itada Daddy wanda yagama shiryawa zasu wuce Niger,Hajiya Mariya ta kalli Mummy tasan sarai tanada nasaba da Amal amma sai tace"da ke kinsan yarinyar ne kokuma asama-sama kika santa da zaku bashi ita?"

Mummy ta sunkuyar da kanta,tarasa a'ina Yaya Mariya taji wannan maganar.
yayinda Hajiya Mariya ta kalli Daddy tace"ban yarda da wannan hadin ba,aje asake bincike akan yarinyar tukunna"

Tajuya ta kalli Jawad dahar yanzu kansa yake qasa ta tsatstsare shi da'ido tace"kokaine kaganota ahakan kaji kagani kana sonta harka kawo ta gida?"

Jawad yayi shiru kansa yana qasa saboda babu ladabi babba yana fada kayi magana,musanman ma ita datake gaba da mahaifin sa,shi baisan dalili ba,amma yarasa meyasa koda yaushe Hajiya Mariya take nunawa kamar tafi kowa sonsa,wani lokacin qiri-qiri zata dinga yin abu kamar tafi Mummy sonsa.

Kafin wani daga cikinsu yasake yin magana p.a yashigo yace"yalla6ai mungama shirya komai kai muke jira,sannan akwai baqin manoman dakace asanar dasu suzo yau zaka gansu sunyi magana zasu taso yanzu"

Sai alokacin Jawad yadago kansa yace"kafad'a musu nadage ranar dazan zauna dasu,saika basu wani lokacin daya dace"

Daddy yayi ajiyar zuciya ya zauna sannan ya kalli Jawad yace"tashi kuje Jawad,kayimin ta'aziyya awajan Alhaji Auwal d'in tunda Yaya tazo zan zauna zamuyi magana da'ita,nina haqura dazuwa"

Babu musu Jawad yamiqe,ya kalli Hajiya Mariya cikin ladabi yad'an motsa lips dinsa sannan yace"Kihuta lafiya Mama"
Daganan yabi p.a suka wuce.

Daddy ya kalli yayar tasa ya sassauta murya yace"yaya zauna muyi magana,abun duk bana zafi bane"

Cikin fishi Hajiya Mariya ta nemi waje ta zauna bayan tagama yiwa Hajiya Zaliha wani irin kallo.

*** *** ***

Yana futowa zuwa Compound guard's dinsa suka fara take masa baya har zuwa wajanda aka a dana motoci domin kaishi Airport,d'aya daga cikin guard yabude masa motar yashiga,Man Sulaiman yaja motar suka tafi,Jawad yayi shiru ya lumshe idonsa yana zaune abaya,kwata-kwata yakasa sakewa ganin wanda yadauko shi,kokadan bayason ganin mutumin yana aiki bare kuma ace shine wanda zaijashi amota,haka nan yake jin qimar mutumin aransa,saide labarin sa da Daddy yabasu na gudun iyalinsa kwata-kwata baima sa dadi ba.

Har suka je Airport shide Jawad baisaki jikinsa sosai ba,har saida jirginsu yatashi.

Bayan wani lokaci jirgin su ya sauka a Aeroport International Diori Hamani Niamey Niger Airport,kamar ansan da zuwansa nan da nan 'yan jarida sukai masa caaaa, sai hasken camera ne yake tashi ta ko'ina ana masa photo, yayinda guard's d'insa suke hana mutane tunkarar inda yake,bai saurari yan jaridar ba kasancewar jana'iza ce takawo shi idan yayi wasa kuma bazai samu ba.
Yanajin yanda wasu mutane suke tambayar sa ko zasu iyayin salfie? amma Jawad ko juyowa baiyi ba.

Motocin gidan Alhaji Auwal ne suka zo suka daukeshi zuwa gidan,yana zuwa kuwa babu dadewa akayiwa Baby jana'iza aka kaita gidanta na gaskiya,sannan suka dawo suna kar6ar gaisuwa, manyan mutane wanda sukasan Jawad d'in sai zuwa suke suna gaidashi,shi kuwa yaci wannan babbar riga ya hakimce kamar wani magidanci.

Gidan rasuwar yacika sosai da mutane kai kace shi kansa Alhaji Auwal d'in ne yarasu,ma'aikatan gidan sai futo da katan-katan d'in ruwan gorar DALLOL suke,ana rabawa mutane masu zuwa gaisuwa.
Farouq Abban Inaas shima yana zaune daga can gefe tare da wasu mutanan suna kar6ar gaisuwa,abakin nakusa dashi yaji suna qus-qus suna cewa wannan matashin nakusa da Alhaji Auwal wanda mutane suke zuwa suna gaidashi shine mamallakin kamfanin Mekudi Oil na qasar,shine Babban d'an Alhaji Mekudi abokin Alhaji Auwal.

Abban Inaas yakai dubansa inda su Jawad da Alhaji Auwal suke zaune,yaga yanda manyan mutane suke zuwa gabansa su tsugunna su bashi hannu su gaisa mamaki yasake kamashi,dama wannan matashin yaron shine shugaban kamfanin Mekudi oil? dama tun lokacin da Jawad d'in yazo gidan ya ganshi tareda wasu gabza gabzan muqarrabai dasuke take masa baya anan yasake tabbatar wa koma waye wannan yaron to tabbas wani babban mutumin ne.
Bashida damar zuwa rumfar dasu Jawad d'in suke zaune ta manyan mutane,aida ya matsa kusa ya ganshi sosai a zahiri,ko watarana a tarihi zaice shima yaga me kamfani Mekudi Oil, amma yanzu saide gani daga nesa.

Har dare Jawad yana tareda Alhaji Auwal,yaso sukoma Nigeria a ranar saboda kwata-kwata bayajin dad'in jikinsa tunda yashigo qasar,masifar fad'uwa gabansa yakeyi kamar ana doka masa wani abu a gefen zuciyarsa,hakan yasa yace zai tafi,to amma Alhaji Auwal ya hanashi tafiya,shikuma bazai iya musu dashi ba saboda shima kamar Daddynsa ne.

Washegari yana tashi da safe aka aiko masa da kayan sakawa wata suit ruwan toka mai mutuqar kyau,cikin sauri yake shiryawa yanaso yabar qasar saboda har yanzu bai daina jin wannan fad'uwar gaban irinta jiyaba,yayi Addu'ah yayi Addu'ah amma abu shiru yaqi yadena.

Duk da cikin sauri ya shirya,hakan bai hanashi yin wani irin kyau me masifar daukan hankali ba,iya ruwan tea kawai yasha yamiqe zasu wuce,Alhaji Auwal ya kalleshi dakyau sannan cikin bada umarni yace"Jawad kafin ka wuce ya kamata kashiga kaga kamfaninka na Mekudi Oil kaga abubuwan dasuke faruwa,nadad'e ban kaiwa kamfanin ziyara ba,amma tunda kashigo qasar yanzu,saika shiga kaga meyake wakana,inyaso saika dawo kuyi sallama da sister's dinka saiku wuce okay?"

Ya qarasa zancen yana nuna masa yaransa 'yanmata guda biyu wanda suka ta6a yin waya da Jawad din tun kafin yazo Nigeria.

Kansa aqasa cikin nutsuwa da kamewa irin tasa yace"to Papa"

Sannan yamiqe yafice,yana fita yaga motoci guda uku ajere suna jiran futowar sa da alamu Alhaji Auwal yariga yafad'a musu,tun kafin ya qarasa suka bud'e masa mota,sannan yashiga suka fice daga gidan.
suna tafiya ahanya yana kallon Agogon dake d'aure a farar fatar hannunsa wadda tacika da gargasa,yasaki d'an qaramin tsaki gaba d'aya ransa adagule yake saboda yaso yanda yatashi sassafen nan kawai yawuce Nigeria, yajuya gefensa ya kalli window yana ganin yanayin garin gwanin birgewa,duk yanda yake yawon zagaya kamfanin nikan nasu shi bai ta6a tunanin zuwa na Niger ba.

Qarfe bakwai da rabi daidai suka iso kamfanin,aka bude masa ya futo hannunsa guda daya zube cikin aljihun wandonsa yana tafiya yana qarewa kamfanin kallo, yayinda guard's d'in dasuka rakosu suke tafiya cikin sauri suna masa nuni da hanyar dazaibi.