Sashe 13

Wasu kyawawan ƴan matasan ƴan'mata ne su biyu suke tafiya, jikinsu na sanye da uniform na islamiyya launin sky blue, wando ce doguwa da riga zuwa gwiwa, sai farar hijabi har ƙasa.

Babbar ba zata wuce 7 years ba, karamar kuma 5 years, kamanninsu kusan É—aya, sai dai karamar fara ce sosai, babbar kuma ta É—an yi duhu, ma'ana wankar tarwaÉ—a, amma da kallo É—aya zaka yi masu ka fahimci iyayensu guda ne, dan fa ga kamar jinin karara a saman fuskokinsu.

Daga islamiya suke, suna tafiya cikin nutsuwa sosai saɓanin sauran yaran da zaka gansu idan an taso daga islamiya ko makarantar boko suna tafiya a kan hanya suna wasa, wasu ma ka gansu suna guje guje a kan hanya. Su waɗan nan a nutse sosai suke tafiya, bare ma ƴar babban cikin nasu, tana da nutsuwa sosai, da alama sun fito ne daga gidan tarbiya.

Suna rike da wata ƴar ƙaramar jaka na zuba litattafai, jaka ce dai ta ƴaƴan dai'dai mai rufin asiri, uniform ɗin jikinsu ya sha guga sosai, har wani kyalli yake yi, ga karin gugur nan ta zauna sosai a jikin uniform ɗin, da alama mahaifiyarsu jajirtatciya ce wajen iya wanki da guga wa yaran nata, da alama suna samun kulawa sosai, dan daga jikin yara ake gane tsabtar uwa, to gaskiya ita dai wannan uwar ba karya, akwai tsabtar.

Karamar ce ta rike masu jakar, da alama jakar babban ce, karamar ta yi karama da abata Alqur'ani mai girma da sauran litattafan addini, bata da wayo sosai.

Ita kuma babbar hannunta na rike da wata bakar leda, da alama aika ne a ciki. Sai magana ƴan yaran cikin unguwar suke yi wa karamar, amma bata kula kowa ba, ko ɗaga idanu bata yi ta kalli in da suke ba, kasancewar yanzu aka taso daga islamiyar, yaran dayawa ne suke shawagi a sararin unguwar, kowa yana ƙoƙarin nufar gidansu, saboda mangariba ta kawo kai.

Wani É—an madaidaicin gida waÉ—an nan matasan Æ´an'mata suka shiga, gida ne dai'dai na masu rufin asiri, daga kan kofar gidan har izuwa fentin gidan dukka sun nuna alamun mai gidan mutun ne mai zuciyar yi, kun san ba neman kuÉ—in ba, zuciyar yi ita ce, akwai masu kuÉ—in da kuÉ—insu bata ciwuwa, akwai kuma wadda zaku gani talaka ne, amma mai zuciyar yi, baya samu sosai kamar sauran mutane, amma da yake akwai zuciyar yi É—in, sai ku ga Æ´aÆ´ansa da gidansa duk kusan dai'dai da na wani mai kuÉ—in, komai mai kyau zaku ga ya sayawa Æ´aÆ´ansa da matarsa gwanin birgewa.

Ko'ina na cikin wannan gida siminti ne, babu kasa, an wanke ko'ina fes babu alamar datti ko kaÉ—an, kana sako kafarka a cikin gidan ma wani daddaÉ—ar kamshin turaren wuta ne zai daki kofofin hancinka, gwanin burgewa gidan.

Babbar parlour ce a tsakiya mai É—auke da É—akuna uku a cikinta, kowace É—aki da toilet a cikinta, sai wata É—aki irin ta matasan nan ta wajen tsakar gidan, filin tsakar gidan tana da girma ba laifi, akwai kitchen a tsakar harabar gidan sai toilet É—aya da ake yi a ta karshen ginin É—akuna haka.

Wannan mai gida yana da ƙoƙari sosai, har da bohol suke da shi a cikin gidan nasu, suna da ruwa available, ruwa abokin aiki kenan.

Parlourn nasu tamkar sauran kowani parlourn na masu rufin asiri ne, kujeru ne set É—aya manya manya masu laushi, launin ash da baki, sai Æ´ar madaidaiciyar TV plasmarsu 32 inches, akwai Æ´ar karamar freezer a ciki ta kusa da TV, sai wasu kyawawan jeren flowers da aka kawata parlourn da su, fanka ke garesu ba A.c ba, haka zalika ceiling garesu ba P.O.P ba, sai dai kasan parlourn nasu fa tiles ne mai kyau da zanen flowers a jikinsa, launin sky blue, ya sha mopping sosai, sam babu alamar datti, ga karamar welcome carpet a bakin kofa, abin dai gwanin birgewa da ban sha'awa, sai tashin kamshi wannan parlourn yake yi, ko'ina tsab kamar ba'a amfani da abubuwan ciki.

Tsabta akwai daÉ—i, kai da kanka idan ka tsabtace waje sai kaga ya yi wani irin masifar kyan gani, komai talaucin mutun idan yana da tsabta yana da sha'awar kallo a ido wlh.

Bakinsu É—auke da cikakkiyar sallama irin ta addinin Musulunci waÉ—an nan yara suka shigo cikin gidan nasu.

Dayawan mutane ba kowa ne yake yin cikakkiyar sallama ko ya amsa sallamar a cikenta ba, dayawa mutane suna yanketa wanda hakan kuma ba dai'dai bane, domin kamar yadda kuka yanketa haka ma'anarta ta yanke.

Dayawan mutane zaka ji suna cewa Salamu alaikum, masu amsata kuma suna cewa Alaikumussalam, wanda hakan sam ba dai'dai bane, nasan dayawanku baku san kuskure kuke yi ba, to tabbas kuskure ne yanke sallama da kuke yi, kuna yanke ma'anarta.

Masu shigowa zasu ce Assalamu alaikum, Mala'ikun Rahma suna amsata da Amin wa'alailumussalam, idan ku dayawa ne kuka shi go kenan, idan kai É—aya ne, Amin wa'alaikassalam, shi ne cikakkiyar sallama ta addinin musulunci, Allah ka yafe mana kura kuranmu.

Masu cewa in rinƙa rubuta addu'a ko wata tunatarwa kamar dai sallama dana gyara maku yanzu, masu cewa na rinƙa rubutawa da hausa ba da larabci ba, dan basu iya karantawa ba, zan yi ƙoƙarin yin hakan In Sha Allah, amma wani lokaci dole ne na rubuta da larabcin kun gane ai?.

Daga cikin ɗaki aka amsa masu cikakkiyar sallamar tasu tare da cewa. "Ƴan mata na an dawo?".

Babban cikinsu ne ta amsa da. "E mama mun dawo".

Tana magana tana cire hijabin jikinta, sannan ta ajiye wannan ledar dake a hannun nata a tsakar gidan, kafin ta wuce izuwa cikin parlourn.

Ita kam karamar dama tun shigowarsu ta sanya kai izuwa cikin parlourn da sauri abinta tana faÉ—in. "Mama baba ya aiko mun da lemun?.......".

Turus ta ja birki a tsakiyar parlourn lokacin da idanuwanta suka sauka a kan maman nata tare da wata bakuwar mata suna zaune a saman sofa suna hira. Mama ta sha kwalliya cikin wani haÉ—aÉ—É—en lace mai tsada da ya sha É—inkin doguwar riga, ta yi kyau sosai, launin black color ne lace É—in da ratsin milk, hakan ya kara mata kyau sosai kasancewarta farar fata, ta sha É—aurin É—an'kwalinta É—as da shi. Ita kuma wannan bakuwa tana sanye da abaya launin ash color, ta yafa mayafin abayar a kanta.

Nan take yarinyar ta É—aure fuska sosai kamar ba ita ba, duk da cewa dama can fuskar tata ba wani murmushi ne a samansa ba, daga ita har babban yayar tata babu alamar murmushi a saman fuskarsu, da alama basu da yawan fara'a, shi ne ma yasa da suna dawowa daga islamiya sai magana yara sa'anninsu suke yi masu, amma sun ki kula kowa.

"Zinarun babanta ya kika tsaya haka? Ki ƙariso ciki mana". Cewar matar dake hira da mamar tasu.

Kara É—aure fuska sosai Zainab ta yi, da alama bata kaunar matar ko kaÉ—an. Daidai lokacin ita ma babbar ta shigo cikin parlourn tana faÉ—in.

"Mama ga can kayan miyar nan na kawo maki, amma mama wai fa babu attarugun É—ari biyu, shi ne na saya maki ta É—ari biyar kawai, shi ma baki gansa ba É—an kaÉ—an da shi........"

Bata kai karshen maganar ba ita ma idanuwanta suka sauka a kan wannan matar, É—aure fuska sosai ita ma ta yi tare da wucewa zata nufi É—aya daga cikin É—akunan dake a cikin parlourn.

"Khadija baku ga Auntynku bane? Aunty Hauwa ce fa, ba zaku gaisheta bane". Cewar maman tasu.

Wucewa Zainab ma ta yi ta rufawa Khadijah É—in baya, dan su shiga cikin É—akinsu.

"Sannunki da zuwa Aunty Hauwa". Cewar Khadijah, ta yi maganar tana wani irin kunbura kumatu, alamar sam bata ji daÉ—in sakata gaisheta da aka yi ba.

Washe baki Aunty Hauwar ta yi tana faÉ—in. "Hadiza bage maganin maza, wai ni kam duk masu suna Khadijah haka suke ko? Haka kanwata ma take sam bata son baki".

Wata uwar harara Zainab ta wurga mata ba tare da sun lura ba, cikin É—aki ta wuce abinta, har ga Allah ta tsani wannan Aunty Hauwa É—in, ko me dalili?.

Turɓune fuska Khadijah ɗin ma ta yi kamar wadda aka aikowa da sakon mutuwa, yara kanana da su sun san kin abu, kome dalilinsu oho.

Uniform É—in jikinsu suka cire, suka sanya kayan gida, wasu dogayen riguna bakake, iri É—aya kayan, sai dai na Khadijah mai kwalliyar flowers ja ne, na Zainab kuma mai kwalliya pink color, shi ne kawai banbancin kayan nasu.

Fitowa suka yi suka sake wuce maman tasu da Aunty Hauwa, waje suka nufa, a lokacin sai kiraye kirayen sallar mangariba ake yi.

Famfo tsakar gidan suka je suka kunnna, Khadijah ce ta fara gabatar da alwala kafin ta bawa Zainab waje ita ma ta É—auro nata alwalar, da alama mamansu ta saba masu da yin komai cikin tsari, dan daga yanayin yanda suka shigo suka je suna cire uniform suka fito suka É—auro alwalar nan, alama ya nuna cewa tabbas an sabar masu da hakan ne.

Ciki suka koma, dai'dai lokacin aka kawo wutar nepa, sallah suka je cikin bedroom nasu da yake tsab tsab suka gabatar, ita kuma mamar tasu tana zaune ta biyewa Aunty Hauwa sai zuba hira suke yi har yaran suka idar da sallarsu.

Abin mamaki cikin nutsuwa suke gabatar da sallar nan tasu tamkar wasu manya.

Bayan sun idar ne suka fito parlourn, a yadda suka bar mamarsu haka suka fito suka sameta.

Khadijah ce ta ce. "Mama yau kin manta baki yi sallah da wuri ba".

"Ban manta ba Khadijah, ai ba'a mantuwa da ibada, yanzu nake son tashi na yi".

Da gudu Zainab ta nufi kofar fita daga parlourn jin an taɓa kofar gida, faɗi take yi oyoyo baba oyoyo Yah Haidar. Da sauri Khadijah ma ta rufa mata baya, tamkar basu ne masu ɗaure fuska yanzun nan ba, a take suka fara zuba murmushi na ganin mahaifin nasu da kuma yayansu, ashe dai suna dariya, amma da alama ƴan gidansu kawai suke yi wa dariyar.