← Book details Bakar Kauna Book 1 Complete Hausa Novel Local reading mode
READING PART 37 OF 39

Sashe 37

Bakar Kauna Book 1 Complete Hausa Novel · about 8 min read

Numfashi Falmata ta sauke sannan ta ce, “ To Mama idan ya kwanta miki kuma kinji zaki iya zama dashi ko yana dashi ko bayi dashi, sannan kin yarda dashi ina ga mu bamu da matsala, dan inaga Allah ne ya turo mana da sauki”

“ Falmata matsalan shi ne bansan ko zai iya rike min ku ba, kuma a halin da ake ciki yanzu duk wanda bazai iya rike min ku ba banga amfanin auren ba, dan yanzu ku zan aurar ba ni zanyi aure ba, duk da auren yanzu ya zama abun tsoro, ki dauki misali da Raudah har yau babu ita babu labarin ta”

Falmata tayi shuru jikinta yayi sanyi, ta dubi Mahaifiyar nata da matsayin Kawa wanda zasu iya zama suyi hira ta ce, “ Ki tambaye shi gobe idan yazo din, idan ya yarda zai rike mu shikenan, ni nafiso ma kiyi auren Mama ko su Ammi da Nabila zasu samu rayuwa mekyau”

Ta jinjina kai sannan ta ce, “ To Falmata Allah ya kaimu goben,” ta karashe tana kallon Nabila da ta shigo da ludayi a hannunta, Falmata ta amsa da Amen tana kallon su Ammi da Umar ta ce, “ Ku zauna mu sha”

*BAFFA*

Ko da ya dawo gida bai dubi inda suke ba yace su hada kayansu anjima zasu tafi sabon gidan.

Hakan kuwa akayi, ko chokali basu bari ba kaf suka tattari kayan su dan Baffa rufe ido yayi yace babu abunda zai siya musu gwara su tattari kayansu su tafi dashi.

Hadaddan gida ne me dauke da apartment guda uku, kuma ko wani bangare da kayaki a ciki, abunda yayi mugun birge Baffa kenan, dan har kayan kitchen akwai komai da komai, ga ruwa available.

Inna ta dauki na gefe, Baffa ya ce shi yanzu a na tsakiya zai zauna dan zaiyi aure, Inna da Jannah suka bishi da Allah ya bada zaman lafiya.

*SAHIBA CE✍🏼*

*BAƘAR ƘAUNA❤️‍🩹*

*Na*

*FATIMA ISA MANU🦚*
_DR. TEEMAH ( SAHIBAR JAJIRTATTU )✍🏼🦋_

🥀🥀🥀🥀🥀🥀🥀🥀🥀🥀🥀🥀🥀

Masu neman littafin *BAƘAR ƘAUNA* daga farko tare da sauran littafina zaku iya following channel ɗi na dan samu👇 https://whatsapp.com/channel/0029VbAnyqU05MUeZnXKtP1z

🥀🥀🥀🥀🥀🥀🥀🥀🥀🥀🥀🥀🥀

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v
💪 *JAJIRTATTU WRITER'S ASSOCIATION*💪 ✍️
(J.W.A)
_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️*

🥀🥀🥀🥀🥀🥀🥀🥀🥀🥀🥀🥀🥀

*TWO DIAMOND STAR LADIES🧝‍♀️🧝‍♀️🧝‍♀️*
*(We stand together)*
🤝🤝🤝

*GARGAƊI*

Wannan littafin ƙagaggen labari ne, ban yarda wani ko wata ya sauya min shi ba ta kowace siga, sannan kuma ban amince a dauramin shi a youtube ba tare da izini na ba.

*BISMILLAHI RAHAMANIN RAHIM 🙏💫*

*Page 42&43*

*BOOK TWO*

Inna ta d’auki na gefe, Baffa ya ce shi yanzu a na tsakiya zai zauna dan zaiyi aure, Inna da Jannah suka bishi da Allah ya bada zaman lafiya, ba kunya ba tsoron Allah ya amsa da, “ Amen idan da gaske kuke”

*SAFEERA POV*

Sai guraren mangarib kafin ta farka daga baccin da ya dauke ta, rama sallan da ake binta tayi sannan ta gyara d’akin ta shiga tayi wanka, riga da wando ta saka na sanyi, ta saka gashinta cikin hulan, sannan ta feshe jikinta da turarensa masu kamshi ta sauko falo.

Ido hudu suka yi da shi yana zaune akan two seater yana danna wayansa, ya sakar mata murmushi yana karewa jikinta kallo ya ce, “ Irin kyau haka”

Ta iso tana cewa, “ Kawai dai ka fada ne, riga ce fa da wando” ta samu guri ta zauna kusa da shi, ya ajiye wayan a gefe yana mayar da hankalinsa gareta, ya daura hannu akan cikinta da yake kwance luf ya ce, “ Kinyi kyau fa”

Murmushi tayi wanda ya saka kyau dinta sake fitowa, “ Duk daga gare ka ne kyau din”

“ Anya ma kinci abinci kuwa?”

“ Bansan inda kitchen yake bane, kuma bansan ko akwai kayan abinci ba shiyasa ban girka ba”

Hararan wasa ya mata sannan ya ce, “ Sai kace kin iya”

Turo baki gaba tayi tana kawar da kai gefe ta hade rai, “ Na iya mana, lokacin da nake gida ni da Raudah muke girki”

“ Oh kawai ki ce kwararriyar mai girki nake zaune da ita ban sani ba”

Ta saki murmushi tana kallon gemun shi da yake dauke mata hankali ta ce, “ Eh fa, idan na maka girki kamar ka cinye hannunka”

Ya kama hannunta yana daura akan gemun ya ce, “ Alamu sun nuna dai birgeki yake”

Kunya taji sai ta cire hannunta tana cewa, “ Kyau kawai yake min”

“ Ban yarda ba, sha’awar shi kike ko?” Ya kashe mata ido daya.

Saurin sauke idanunta tayi daga gare shi tana girgiza kai, ya matso daf da ita har numfashin su yana haduwa, ya hura mata iska cikin kunne ta yana sauke numfashi, da sauri ta matsa ta soma wasa da yatsunta, ya kalle ta yana murmushi ya ce, “ Tashi muje kiyi abincin inga ko zan iya cin jagwalgwalen naki”

Kamar jira take a ce tashi, ta mike da sauri tana nufan hanyar da tasan shi ne kitchen din, ya girgiza kai yana damke cikinsa da yaji yana son fara masa ciwo sannan ya taso ya biyo bayanta.

Karewa kitchen din kallo tayi tana bud’e fridge na farkon, duk wasu abunda suka shafi kayan miya ne a ciki, daga kan nama, kifi, har zuwa su tomatoes komai akwai, gurin da taga roba taje ta d’auko yana kallon ta, kifin ta diba tana sakawa a cikin robar, sannan ta d’auki naman ta juya ta kalle shi ta ce, “ Kana cin nama?”

“ Eh”

Shi ma ta saka tana ajiyewa a wurin wankewa ta fara wanke shi, ya tako zuwa inda take ya tsaya ta bayanta ya ce, “ Na taya ki?”

“ Idan zaka yanka min albasa inaso, idan bashi ba banason tayin”

Yayi murmushi yana sako hannunsa ta cikinta ya mannata da jikinsa, tayi saurin sakin naman dake hannunta ta ce, “ Albasan fa yana fridge”

Shinshinar wuyanta ya fara yana manna bayanta dai-dai wajen maransa ya ce, “ Uhm nasani” jin be sake ta bane kuma bai dena yin abunda yake bane ta ce, “ Ni kaje ma na yafe tayani aikin”

“ Uhm uhm zan tayaki” ya sakar mata kiss a wuyanta yana yawo da hannunsa cikin rigarta, kamar zatayi kuka dan tasan karshen labarin ba barinta zaiyi ba, “ Ka bari na gama girkin to”

Numfashi ya sauke yana cire hannunsa daga rigarta ya ce, “ Nasan guduwa zakiyi idan kika gama”

Tayi saurin matsawa daga jikinsa tana sunkuyar da kai ta turo baki gaba, da idanunsa da suka canja zuwa ja ya matso ya ce, “ Haka mijin naki yake sai jarabar masifa da rashin hakuri, daurewa zaki yi”

Bata kalle shi ba tayi murmushi kawai tana cigaba da wanke naman, kujeran da yake kitchen din yaja ya zauna yana binta da kallo yanda take aikinta cikin nutsuwa, shi ya yanka mata albasan ya kunna gas, suna dan taba hira wanda yawancin hiran duk shi yake sakowa, da haka har ta kammala girka shinkafa da miya.

Ya taso ya kashe mata gas, sannan ya wanko plate ya tsaya kamar wani mabaraci, ta yi murmushi ta karbi plate din ta zuba masa, ya koma wajen kujeran ya zauna ya fara ci, wanke kwanukan da ta bata tayi sannan ta zauna tana kallon shi.

Sai da yayi rabi ya d’ago ya ce, “ Abincin yayi dadi sosai” ta lumshe ido tana bud’ewa, ya bata rai ya ce, “Me yasa bakya ci”

“ Bazan iya ci bane, bai min ba”

Ajiye chokalin hannunsa yayi ya rike hannunta ya ce, “ Me za ki ci?”

“ Kalaba nake kwadayin sha”

“ Me kalaba kuma?” Dan shi har ga Allah bai san wani abu wai shi kalaba ba, “ Wani zaka gan shi kamar k’asa haka a mulmule”

“ Ni ban taba ganin shi ba, sai yau ma naji sunan”

“ Shikenan kawai” ta cire hannunta daga nashi tana shirin mikewa, da sauri ya riketa yana fad’in, “ Wifey kimin bayanin yanda yake sai na nemo miki”

“ Na fada maka yanda yake a mulmule kamar tabo, akwai kuma na cimintin shi, masu ciki suna yawan shan irinsa”

“ Ohhh ki ce min farin qasa” ya fada yana dariya, ta bata rai ganin yanda yake mata dariyan ta ce, “ To me na min dariyan?”

Tafin hannunsa yasa yana rufe bakinsa, ya ciro wayansa ya lalubo number Jon ya kira, yana dauka ya ce, “ Farin k’asa zaka siyomin a bakin general hospital na dubu biyu”

“ Ok Sir”

Ya mayar da wayansa cikin aljuhu yana mai cigaba da cin abincin dan ya kai masa yanda yake so, duk loma dayan da zai kai sai ya kalle ta, haka har ya kammala cin abincin ya tashi suka fito falo.

*BAFFA POV*

A bakin kangon ya paka motansa, sannan ya fito yana sanye da wata shadda blue wanda yasha dinkin zamani, ya saka takalmi sahu ciki baki, ya mayar da wayansa wanda ke nade da lobari cikin aljuhu sannan ya doka sallama.

Nabila da ta fito fitsari ne ta leko ta ganshi tsaye, tayi saurin komawa ta samu Mama da Falmata suna zaune ta ce, “ Mama mutumin jiya ne yazo”

Suka kalli juna kamar wasu kawaye,” Je ki ce tana zuwa” Falmata ta fada tana tashi da sauri fuskarta dauke da farin ciki.

Nabila ta juya dan cika aiken da aka bata, Falmata ta d’auko hijab dinta milk colour ta mik’awa Mama dan shine me dama-dama a ciki, ta ce, “ Mama ki saka” Mama ta karba ta saka tana cewa, “ Naga farin ciki kike fa Falmata”

“ Allah ya aiko mana da sauki taya bazanyi murna ba, yanzu matsalan ma shine babu turare, da kin saka mun dan tashi kanshi da kamshi”

Tayi murmushi tana girgiza kai, ta fara tafiya Falmata tayi saurin dakatar da ita ta ce, “ Tsaya na gyara miki fuskar” bayan ta gama ne ta saki murmushi, “ Mamana kinyi kyau,”

“ Bana son shirme fa” ta mata dariya tana matsa mata ta wuce.

Ta koma ta zauna tana fatan Allah yasa ya taimake su dan suna halin matsin rayuwa.
Chapter 37 · 0% Book details