← Book details Bakar Kauna Book 1 Complete Hausa Novel Local reading mode
READING PART 24 OF 39

Sashe 24

Bakar Kauna Book 1 Complete Hausa Novel · about 8 min read

Numfashi Inna ta sauke ta ce. “ Wata daya baya wata yarinya Baffa ya tsinto, mun zauna da ita cikin annushuwa, dan yarinyar bata da damuwa, zakuyi sa’a ma. Jiya sai Baffanki yazo da mutane wai ana neman ta, kuma duk wanda ya samo ta za’a bashi kudi da gida da kaishi umura; shine fa Baffanki yayi yayi aka komar da ita aka bashi kudin da mota, duk da kuwa ranta bai so ba.”

Cikin sanyin jiki Jannah ta ce. “ Allah Sarki, har naji tausayinta Wallahi Allah yasa tana hannu me kyau, dan shi Baffa babu ruwansa da inda take idan za’a bashi kudi babu abunda bazai aikata ba.”

“ Hmm!! Amen Jannah, lamarin Baffanki kam sai shi, Allah Sarki Safeera baiwar Allah.”

A furgice Jannah ta ce. “ Safeera!!!.

*Idan ba’ayi comments da like dayawa ba zan huta irin yanda nayi kwanakin baya😒*

~*SAHIBA CE✍🏼*~

💔*BAƘAR ƘAUNA*💔

*Na*

*FATIMA ISA MANU🦚*
_DR. TEEMAH ( SAHIBAR JAJIRTATTU )✍🏼🦋_

🥀🥀🥀🥀🥀🥀🥀🥀🥀🥀🥀🥀🥀

Comments section

🥀🥀🥀🥀🥀🥀🥀🥀🥀🥀🥀🥀🥀

Masu neman littafin *BAƘAR ƘAUNA* daga farko tare da sauran littafina zaku iya following channel ɗi na dan samu👇https://whatsapp.com/channel/0029Vaf6CpQDuMRYD1FMD92T

🥀🥀🥀🥀🥀🥀🥀🥀🥀🥀🥀🥀🥀

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v
💪 *JAJIRTATTU WRITER'S ASSOCIATION*💪 ✍️
(J.W.A)
_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️*

🥀🥀🥀🥀🥀🥀🥀🥀🥀🥀🥀🥀🥀

*TWO DIAMOND STAR LADIES🧝‍♀️🧝‍♀️🧝‍♀️*
*(We stand together)*
🤝🤝🤝

*Page 25*

“ Hmm!! Amen Jannah, lamarin Baffanki kam sai shi, Allah Sarki Safeera baiwar Allah.”

A furgice Jannah ta ce. “ Safeera!!!.”

Inna na faɗin. “ Ya naga kin furgita? Kin santa ne?.”

Jinjina kai Jannah ta fara. “ Eh nasan sunan dai.”

“ Ayya, dama sunan mutane yana zama daya ai, sai kiga kuma ba mutum daya bane.” Cewan Inna tana tashi ta shiga ciki.

Shuru Jannah tayi tana tafiya duniyar tunani, lokaci daya kuma hankalinta ya koma kan Safeera, tana son ta sake ganin ta ko sau daya ne, dan tabbas Safeera tasha wahala, wasu kwalla ne taji suna zubo mata, hannu tasa ta goge a fili ta ce. “ Allah yasa kina cikin farin ciki Safeera.”

*SAFEERA POV*

Tun bayan da ta shiga ɗaki, wani wahalallan bacci ya ɗauke ta, dan jiyan ba wani bacci tayi ba kuka kawai tayi.

Ba ita ta farka ba sai guraren ƙarfe goma da minti ashirin da uku na safe, a hankali ta soma buɗe manyan idanunta waɗan da suka gaji da bacci tana sauƙewa akan shi.

Da sauri ta janyo bargo ta rufe jikinta dan daga kan cibiyarta har ƙasa ba kaya, ta kafe shi da ido. “ Me ya kawo ka ɗakina?.” Ta mayar da ido kan akwatinan da suke jere guda sha biyu, ta juyo ta ce. “ Aure zaka ƙara ne?.”

Dariyar da bai shirya ba yayi ya zauna kusa da ita yana rike hannunta ya fara murzawa. “ Ai ko auren zanyi ke zan sake aura.”

Kallon tuhuma take bin shi dashi. “ Naga akwati har sha biyu, sannan kace wani wai ba aure zaka yi ba?.”

Nan ma murmushi yayi. “ Kayan lefenki ne, na saka an haɗa maki duk abunda ake buk’ata tun jiya, shine yau naje na ɗauko, amma ba aure zan ƙara ba.”

Sauƙowa tayi daga kan gadon ta cire hannunta daga nashi ta isa gurin akwatin, ƙare musu kallo tayi kafin taja na duk ta buɗe, mamaki ne ya kamata lokacin da taga tilin Abaya, ta ɗaga kai ta kalle shi ta ce. “ Kuma nawa ni kaɗai?.”

Jinjina mata kai yayi yana murmushi, ya harɗe hannu a kirji yana kallon yanda zallan murna ya cika ta.

Wani ash ta ɗaga ta ce. “ Yaya Saif wannan zai yiwa Jannah kyau Wallahi.”

Dan murmusawa yayi ya ce. “ Nikam ko zamu je gurin Jannah din kin nan ne?.”

Da sauri ta juyo ta ce. “ Eh Wallahi.”

Murmushi yayi ya ce. “ Amma da alkawari?.”

Tasowa tayi ta koma wurin sa ta zauna dab dashi ta ce. “ Inaji Yaya.”

Murmushi yayi yana kallon lips nata kafin ya ce. “ 2 rounds.”

Turo baki tayi gaba tana ta fara kunkuni, tabe baki yayi yana k’ok’arin tashi tsaye, da sauri ta rike hannunsa ta shagwabe fuska ta ce. “ To naji amma sai mun je.”

Dan sosa kai yayi ya ce. “ To yanzu tashi kiyi wanka ki shirya, muje gurin Ummah ki gaishe ta sai muje.”

Bai ƙara faɗa ba ta wuce toilet tana dariya. “ Yanzu zaka ga na gama.”

“ Bari nazo na tayaki mana.”

Da sauri ta rufe toilet din tana dariya ta ciki, shima murmushi yayi ya dawo ya zauna yana tunanin kadde Jannan da yake tunani ne.

Yana zaune a wurin har ta fito, yana kallonta yanda ta cika tayi haske, amma wuyanta ya dan faɗa alamun akwai damuwa, gaban dressing mirror taje ta shafa mai ta shafa turarukan da ta gani, kafin ta je ta ciro wata shadda ash dinkin doguwar riga bubu, wanda yasha ruwan stones, ta ciro bra da pant da underwear.

Ta juya ta saci kallon shi taga ba ita yake kallo ba, da sauri ta saka kayan.

Murmushin gefen baki yayi dan duk abunda take yana kallon ta kawai yayi shuru ne yana tunani.

Gabansa ta iso ta miƙa masa dankwalin ta turo baki, bin ɗankwalin yayi da kallo yana karba ya ce. “ Me zanyi Wife?.”

“ Ɗaura min zaka yi.”

Sake baki yayi yana bin dankwalin da kallo, kafin ya ce. “ Wife ina na iya ɗaurawa?.”

Haɗe fuska tayi tana shirin fara kukan shagwaba ta fara bubbuga ƙafa. “ Ni kai zaka daura min ko na fasa.”

Ji yayi jinin jikinsa ya fara charkewa, yaji wani zirr tun daga saman kansa zuwa babban yatsarsa, saurin saita nutsuwarsa yayi. “ Shikenan zan ɗaura miki.”

Zama tayi akan cinyarsa tana sakalo hannunta ta wuyansa, ya zuba mata ido yana mamakin yanda yau ta koma wata karamar yarinya.

Cinno baki gaba tayi ganin ya zuba mata ido bai ɗaura ba, kafin tayi magana yayi saurin fara daura mata, sai ya jawo ta nan sai ya komar ta nan haka yata fama har ya gaji, ita kuma taki tayi magana sai dariya take masa.

Numfashi ya sauke ya ce. “ Madam na kasa fa.”

Dariya tayi tana karban dankwalin ta mike tsaye, jawo kujeran gaban mirror tayi ta zauna, fara daurawa tayi yana kallon ta har ta gama.

Ya zuba mata ido ya ce. “ Amma kinyi kyau.”

Dariya ta masa tana cewa. “ Next time kai zaka ɗaura min.”

Farin gyale ta ɗauko ta yafa ta saka flat shoe ta tsaya a gabansa ta masa sigina.

Shafa gemunsa yayi ya mike suka fito hannunsa sarke cikin nata har part din Ummah.

Da sallama suka shigo, Asabe dake goge tv stand ta amsa tana kallon Safeera, itama ita take kallo tana mamakin yanda kullum idan ta shigo take kallon ta, Saif ya lura da kallon ya daka mata tsawa. “ Uban me kike kallon ta haka? Cinye ta zakiyi ne?.”

Girgiza kai tayi. “ Ayi hakuri Yallabai.”

Wani tsawan ya daka mata wanda yasa ta tashi ba shiri ta fita, ya dubi Safeera wacce jikinta yayi sanyi ya ce. “ Wifely kin santa ne?.”

“ A’a.” Ta fada a takaice tana kallon hanyar da Asabe tabi.

Muryan Ummah suka ji tana faɗin. “ Lafiya Saifullahi kake wannan tsawan?.” Ta zauna a gujera mai zaman mutum biyu.

Har ƙasa Safeera ta ɗurkusa ta ce. “ Ummah ina kwana? An tashi lafiya?.”

“ Lafiya Alhamdulillah Amarya gajiya?.” Cewan Ummah cikin sakin fuska.

Murmushi kawai tayi tana mikewa, isa sukayi suka zauna a gujera mai zaman mutum uku Saifullahi na cewa. “ Ummah wannan yar aikin naki nake tunanin ta kusa tafiya.”

“ Me ta maka kuma?.”

“ Idan ta fara kallo kamar mayya, ko gifta ido fa bata yi sai kace mayya anya ma Ummah ba mayya ba ce.” Yayi maganar iya gaskiyarsa dan shi bai yarda da ita ba.

Ummah ta danyi shuru kafin ta ce. “ Ba kyau zargi fa Saif.”

“ A’a Ummah Nifah da gaske nake.”

“ Ai shikenan kuma amma bazaka kora min yar aiki ba, ita ce mai dibe min kewa kusan shekaru goma da baka kulani.”

Shuru yayi bai kuma yin magana ba, Safeera ta saci kallon shi taga yanayinsa ya sauya, cikin ranta ta furta. ‘ Shi kuma ko wani dalili yasa har shekaru goma baya kula mahaifiyarsa?.’ Sanin babu mai bata amsa ne yasa tayi shuru ta zuba musu ido.

Katsai shurun Saif yayi ta hanyar cewa. “ Ummah mu zamu wuce sai anjima.”

Ummah ta dubi Safeera ta ce. “ Daughter sai anjima ko, za kizo tayani hira ai ko?.”

Murmushi tayi tana gyada kai, kafin suka fita daga falon.

A compound din ya tsaya yana kallon wanda zai tuk’asa, kafin ya nuna Jon da hannu, da sauri Jon ya dauko mota, isa gurin suka yi ya bude mata baya ta shiga ya zagaya ya shiga, kafin suka fice daga gidan.

Suna tafiya ya ce. “ Wifely!.”

Ta juyo ta ganshi tana furta. “ Na’am.”

“ Tunanin me kike yi haka?.” Ya zuba mata ido.

Dan murmusawa tayi tana cewa. “ Tunanin komai.”

“ Kamar me kenan?.”

“ Ina tunanin ranar da zakazo kace ka rabu dani ne.” Yaji maganar kamar saukar aradu, ba shiri ya ce. “ Wani irin banzan tunani ne haka? Bazan taba barinki ba har abada.” Ya rike hannunta.

Bin hannun tayi da ido kafin ta kalle shi. “ Hmm, Allah ya sa.”

“ Amen.” Ya sumbaci hannun yana cigaba da murzawa.

Mayar da hankalinta tayi kan titin tana kallon yanda mutane suke bara da kuma yanda suke talla, tayi murmushi a ranta ta ce. ‘ Komai lokaci ne, tabbas akwai kaddara a rayuwa dan nikam na gani.’

Idanunta ne suka sauƙa akan wani namiji yana tsaye a gefen titin yana masifa, ta sake zuba masa ido tana kallon shi tana k’ok’arin tunawa da inda taga fuskar, nan da nan kuwa ta tuna da sauri ta damke Saif ba shiri tana nuna hanyar da hannu ta furta. “ Shi neeeee!..”

*Kuna min uzuri exams nake, zaku na samun posting jifa jifa ne*

*SAHIBA CE✍🏼*

💔*BAƘAR ƘAUNA*💔

*Na*

*FATIMA ISA MANU🦚*
_DR. TEEMAH ( SAHIBAR JAJIRTATTU )✍🏼🦋_

🥀🥀🥀🥀🥀🥀🥀🥀🥀🥀🥀🥀🥀
Chapter 24 · 0% Book details