← Book details A Sanadin Kama Book 1 Complete Hausa Novel Local reading mode
READING PART 1 OF 36

Sashe 1

A Sanadin Kama Book 1 Complete Hausa Novel · about 8 min read

An dauko wannan littafi daga shafin https://taskarnovels.com.ng ku ziyarci shafin na https://taskarnovels.com.ng domin samun kayatattun littatafan hausa kama daga kan na yake yake dana soyayya

Marubuci ko marubuciya zasu iya turo mana da littatafansu mu dora masu a shafinmu kyauta don masoyansu su rika Downloading a online,

Sannan marubuta zasu iya turo mana da tarihin rahuwarsu da tarihin rubutunsu, dama sharhin littatafansu don masoyansu su gani kuma su karu da hakan

Domin turo mana da littafi ko tarihin rayuwar marubuci ko marubuciya sai ayi mana magana ta whatssap da wannan nambar +2348140419490

A lura dakyau - kyauta muke saka littafi a shafinmu bama amsan ko sisin marubuci, duk wanda ya amshi kudinku da sunanmu babu ruwanmu,

Alura dakyau - manazarta bama tura littafi ta private ku dena binmu private kuna neman mu tura maku littafi, duk mai bukatar littafi yaje website namu

Alura da kyau - Littatfanmu suna fitowa cikin manhajoji uku ne PDF,TXT da DOC amman munfi amfani da PDF da TXT masu amfani da wayar android ko tablet ko computer zai fi kyau ku riga dauko PDF da DOC

Masu amfani da kananan wayoyi java ko mara java TXT zakuna zaba don shine daidai wayarku

This hausa novel was uploaded and downloaded from https://taskarnovels.com.ng

You can download more hausa novels there

Also you can send us your novel to upload it in our website for your fans to download it online

It is free we do not charge for uploading novel

Also if you are an Author be it online or Non online you can send us your biography including your book summary,commentary and others via this number +2348140419490 its free we do not charge for our services

Note that - we do not charge for our services we uploaded novels and posted biography free, any person that collect your money in our name is your fault do not blame us

Note that - pls readers stop calling us and be asking us to send you a novels we are not sending novels through whatssap or private our novels is public at any day, any time you can visits our site and download it

Note that - our ebooks came as PDF,TXT or DOC format but the popular format are PDF or TXT, those with android or tablet or pc we suggest you to download PDF or DOC
those with java phone or non-java phone we recommend you to download TXT

This Novel is downloaded from https://taskarnovels.com.ng
to download more hausa novels visits our site at www.taskarnovels.com.ng

For feedback and support

Facebook : https://facebook.com/taskarnovels

Twitter : https://twitter.com/taskarnovels

Telegram : https://t.me/taskarnovels

👰🏻👰🏻👰🏻👰🏻👰🏻

*A SANADIN KAMA*

👰🏻👰🏻👰🏻👰🏻👰🏻

*DAGA ALƘALAMIN:*
*RUKAYYA IBRAHIM LAWAL (UMMU INTEESAR)*

*MARUBUCIYAR: SOYAYYAR MEERAH*
*Y'AR GANTALI*
*RIKICIN MASOYA*

*DA KUMA*
*A SANADIN KAMA*

Wannan littafin na kuɗi ne akan nera 200 kacal duk mai buƙata sai ya mun magana ta wannan layin 👇🏼
_08109634202_

Domin na sanar da shi yanda zai biya kuɗin.

KADA KU MANTA KUMA ZAFAFA BIYU DAGA ƘAWAYE BIYU NE, IDAN DUKA BIYUN KA KE SO *A SANADIN KAMA* DA KUMA *ƘURUCIYAR SAPNAH* TO N300 KACAL, IDAN KUMA WANNAN KAƊAI KA KE SO N200 KACAL.

________________________
________

*AREWA WRITER'S ASSOCIATION*
_________________________________
*💦{Arewa ginshiƙin al'ummah}💦*
_________________________________
https://www.facebook.com/104534761033461/posts
[email protected]

GODIYA: Dukkan godiya ta tabbata ga Ubangijin talikai buwayi babban sarki, wanda ya bani dama da iko na rubuta wannan littafin domin fadakarwa, cikin hikimarsa da iyawarsa.

Tsira da aminci su ƙara tabbata ga Manzon tsira Annabi Muhammad (saw), da iyalan gidansa da sahabbansa.

GARGAƊI: wannan labari ƙirƙirarren labari ne, na rubuta shi domin faɗakarwa da kuma nishaɗantarwa, ban yadda wani/wata ya juyamun labari ta kowacce fuska ba.

Dafatar Allah ya sa wannan rubutun ya amfani al'umma.

BISMILLAHIR RAHMANIR-RAHIM

Free Page 1️⃣ ↪️ 2️⃣

Y'an mata ne guda biyu a tsakar gidan, dambe su ke Sosai, hayaniyarsu ce ta fito da ita daga ɗakinta, kai tsaye gunsu ta je domin ta raba faɗan, a lokacin har kowaccen su ta ja da baya sun yi carko-carko kamar zakaru sai haƙi su ke.

Tsayawa ta yi a gabansu ta na faɗar "Don Allah ku yi haƙuri." Mai da dubanta ta yi ga Babbar ta ce "Habah! Ke kuwa shamsiyya kiyi haƙuri mana, ke da ƙanwarki bai kamata ki bari aji kanku ba, don kawai ta saka kayanki ai...."

Bata ƙarasa maganar ba saboda saukar wani gigitaccen mari da ta ji a kuncinta.

A firgice ta ɗago don ganin waya aikata mata hakan.

Idonta ne su ka sauka akan Shamsiyya ta na huci ta fara magana kamar haka "Ke Malama ki hita harkata ban kasa da ke balle ki ce za ki kwasa, banza y'ar matsiyata, da ba a san asalin balbela ba sai ta ce daga Makka ta ke, mun san komai da ki ke cewa bai kamata na yi faɗa akan ta sa kayana ba, na ga ai ba ubanki ne ya siya ba, da kuɗin yayana ne balle amin gori."

Har ta juya za ta tafi, Shamsiyya ta yi saurin riƙe hannunta ta na faɗar "ina za ki tahiya? Ai ban gama ba takwan, na san dai da wannan Baban bugin na ki ki ke taƙama, wassani ma ko zaman dadiro kin ka yi gidansa a Abuja anzo an cuci yayanmu wai *A sanadin kama* aka samu wannan arziƙin..."

Fincike hannunta ta yi daga riƙon da ta mata don zuwa lokacin ji ta ke kamar ta maƙure ta, kalaman sun mata zafi matuƙa, tabbas idan ta ƙara ko da mintuna biyu ne a gurin za'ayi ɓarna don a yanda ta ke ji za ta iya shaƙeta ko ta mata dukan Kawo wuƙa, sai dai wannan ya zama ƙarshen zamanta a gidan.

Babban baƙin cikinta shine Innarmu ta na zaune a gurin tun lokacin da Shamsiyya ta fara mata ɗibar albarka, amma ko motsawa bata yi da zimmar hanata ba.

Da gudu Mimie ta ƙarasa ɗakinta ta na matsar ƙwalla, har ta shige ƙaramin falonta mai kama da kurkuku saboda zaman sa ƙarami, ta na jiyo ihunsu su na mata dariya da izgili kala-kala.

Mijinta ta tarar a zaune kan kujerar falo ya na danna wayarsa, ya ɗage labulen kofar domin ɗakin akwai zafi, da alama ya ji komai da ya ke faruwa a wajen.

Guri ta nema ta zauna akan ɗayar kujera da ya ke kujera uku kawai ce a falon.

Kifa kanta ta yi akan hannun kujerar a hankali ta fara rera kuka mai tsuma zuciyar mai sauraro.

Har izuwa lokacin ko ɗago kansa bai yi ba bare ta saka ran zai kulata har ya bata haƙuri, sai danna wayarsa ya ke abunsa.

Da ya ga za ta dame shi da kukanta kawai sai ya miƙe yabar mata ɗakin gaba ɗaya.

Kuka ta ke sha sosai zuciyarta cunkushe da baƙin ciki kala-kala, haƙiƙa ta riga ta saba da irin wannan cin mutuncin da mutanen gidan su ke yi mata, sai dai na yau yafi baƙanta mata rai, Daddynta wanda ta ke matuƙar girmamashi da sonsa a ranta, wanda duk duniya banda iyayenta a yanzu ba ta da tamkarsa, wanda ya kyautata rayuwarta, shi ne yau ake alaƙantata da shi ta hanyar alfasha gaskiya ba za ta iya jura ba.

Abunda yafi yi mata ciwo ma shi ne Uncle ya na Zaune ya na ji amma bai yi yunƙurin ɗaukar mataki ba hasalima ko rarrashin ta bai ba, to ina ƙaunar da ya ke mata ina son da ya ke iƙirarin ya na yi mata.

Shine fa wanda ta bijirewa shawara iyayenta saboda shi domin ta na ganin cewa ya fi kowa sonta, amma yau shine ya ke wulaƙanta ta.

Haƙiƙa ta yi nadamar bijirewa iyayenta da ta yi a shekarun baya.

Ta na kawowa nan a tunaninta ta kuma rushewa da wani matsanancin kuka.

Kukanta ta ke sha sosai babu mai rarrashi, ta na cikin wannan halin ne kiran Daddy ya shigo wayarta.

Dakatar da kukan ta yi tare da ƙoƙarin sai-saita nutsuwarta kafin ta ɗaga kiran.

Cike da fara'ar ƙarfin hali su ka gaisa, anan ta ke tambayarsa "Ya su Momy da yaya Saheen? Na yi missing ɗin su da yawa"

"Su na qlau." Ya karɓa mata, sai dai ya fahimci da akwai yanayin damuwa a muryarta duk iya ƙoƙarin ɓoye hakan da ta yi kuwa.

Saboda haka ya ce "Mimiena meke damunki ne?"

Cikin in.. ina ta ce "Bakomai Daddyna me ka gani ne?."

"Bakomai kawai dai ina ji a jikina cewa da akwai wani abun da ki ke ɓoye mun, amma dai shikenan tunda kince bakomai, fatana shine ko da yaushe ki kasance cikin farin ciki."

"Lah! Daddyna ba fa komai, ta ya ka ke tunanin zan ɓoye maka wani abu?." Ta faɗa ta na y'ar dariya kai da gani ka san ƙarfin hali kawai ta ke.

"Shikenan ina Bassam, ki ba shi mugaisa."

"Yanzun nan ya fita Daddy, sai dai idan ya shigo zan sanar masa."

"Ok idan ya zo ki ce ya kirani, ina son magana da shi, ki kula da kanki Mimiena sai anjima."

"Ok Daddyna bye, ka gaida mutan gidan."

Daga haka ya kashe wayar, kamar jira ta ke ta na ganin tsinkewar wayar ta kuma rushewa da wani kukan ta na faɗar "Allah sarki Daddyna mai yawan ƙaunata, ka yi haƙuri ba zan iya sanar da kai halin da na ke ciki ba, ina tsananin jin kunyarka na ƙin jininka da na yi, ta yaya zan gaya maka cewa wanda na ƙi ɗanka akansa ya na wulaƙanta ni yanzun? Inah! Bazan iya ba."

Wata doguwar ajiyar zuciya ta ja ta sauƙe sannan ta ci gaba da cewa "Allah sarki! Yaya Sameer Allah ya baka lafiya, ka gafartamin na saka rayuwarka acikin garari da na yi saboda son zuciyata, ga shi yau wanda na guje ka a kansa ya juya min baya, rayuwa ta mun ƙunci ba shakka alhakinku ne ke bibiya ta na butulce maku.."

A haka ta wanzu ta na waɗannan sambatu cikin kuka har zuwa wani lokaci mai tsawo.

®®®®®®®®®®®

Bassam ne ya shigo ɗakin a kufule, inda ya barta anan ya same ta sai dai zuwa lokacin ta daina kukan sai dai sheshsheƙa, ta yi zurfi a tunaninta ta tsinto muryarsa ya na faɗar
"Ke! Ke!! Ke!!!." Cikin tsawa.

Firgigit! Ta yi ta na kallonsa a tsorace.
Chapter 1 · 0% Book details