CHAPTER 1️⃣3️⃣
Masarautar Alhamra Part 1 Complete Hausa Novel · about 13 min read
*بِسْمِ اللَّهِ الرَّحْمَٰنِ الرَّحِيمِ*
Gari ya waye garau, hasken rana ya fito. Master Ibrahim yana tsaye a bakin kofar daƙin dawakai, fuskarsa a murtuƙe, idanunsa sun yi jawur saboda rashin baccin daren da ya yi yana neman Inuwa. Zuciyarsa tana tafasa yadda yake jin Inuwa a ransa ya wuce kima har ma yana mamakin yadda damuwar namiji ɗan uwansa take neman mayar da shi tamkar wanda ya rasa budurwa...
Yana nan tsaye, sai ya hango dokin Inuwa yana tunkaro fadar. Inuwa ya ƙaraso yana sauka daga kan dokin, ya sauke numfashi yayin da ta ci karo da firgittaccen kallon Master Ibrahim..
Ibrahim ya tako cikin sauri, ya tsaya a gabanta, muryarsa tana rawa tsakanin fushi da sauƙaƙawa..
"Inuwa! Daga ina kake? Tun jiya nake nemanka a kowane lungu na fadar nan! Na je har bakin kogi amma ban gan ka ba. Me ya faru da kai?"..
Ayat ta sunkuyar da kanta, tana ƙoƙarin saita muryarta ta Inuwa domin ta kare kanta. Ta san dole ne ta bayar da ƙwaƙƙwarar ƙarya..
"Gafara nake nema Master," ta faɗa cikin murya mai nuna gajiya. "A daren jiya lokacin da nake kan hanyata ta dawowa, na ci karo da wata mata wadda ta samu hatsari mai tsanani a kan titi. Jini yake zuba daga jikinta babu kowa a kusa. Dole ta sa na ɗauke ta zuwa asibitin gari dake wajen fada, na zauna a can ina jiran likitoci har na tabbatar ta farfaɗo. Shi ya sa na kwana a asibitin har gari ya waye."..
Jin kalmar Na kwana a wurinta, sai Master Ibrahim ya ji wani abu ya soke shi a ƙirji. Wani irin azababben kishi ne ya turnuƙe shi, kodayake a zahiri yana kallon Inuwa ne a matsayin namiji, amma jin cewa ya sadaukar da daren sa ga wata mace ya sanya shi jin zafi..
Ibrahim ya haɗe rai, ya kawar da kansa gefe yana huci kafin ya sake duban Inuwa..
"Hatsari? Kuma sai ka kwana a wurinta? Inuwa, ashe kai jarumi ne har a fagen soyayya da taimakon mata?". Ibrahim ya faɗa cikin sautin izgilanci dake nuna ɓacin ransa..
Inuwa ta ɗan firgita da yadda muryarsa ta sauya..
"A'a Master, taimako ne kawai na yi..."
Ibrahim ya katse ta, ya matso kusa da ita sosai har tana jin ɗumin numfashinsa...
"Kayi ƙoƙari, hakan yana da kyau. Amma daga yau, ko da tsuntsu ne ya samu hatsari, dole ka sanar da ni inda za ka je! Masarautar nan cike take da maƙiya, kuma ba zan iya jure rashin ganinka na tsawon sa'o'i biyar ba, balle har gari ya waye."
Ya sake jaddada maganar cikin nuna iko
"Karka sake kwana a wajen masarauta ba tare da izinina ba. Yanzu maza ka je ka huta, ka wanke jikinka. Amma ka sani, wannan matar da ka taimaka, kada hakan ya zama silar shagala daga ayyukanka."..
Ibrahim ya juya ya fice daga wurin cikin takun fushi, ya bar Ayat a tsaye tana mamakin irin wannan damuwar da Master Ibrahim yake nuna mata. Ba ta sani ba cewa, a cikin zuciyar Master, rami ne aka haƙa wanda ba na abota ba ne kaɗai...
Tana isa ɗakinta, ta tarar da shi tsit, sai ƙamshin turare dake tashi...
Ta garzaya zuwa gaban madubin da aka mayar mata da sabo, ta cire sajen da gemun fuskarta, sannan ta cire rawanin dake kanta...
Gashinta ya zubo ya rufe mata baya.
Ta tsaya tana kallon kanta. Duk da cewa Master Ibrahim ya nuna mata damuwa da kishi, amma ba ta ko tuna maganarsa ba. Abin da yake dawo mata a kunne shi ne muryar King Diamond dake cewa.
"Ni naki ne, ke tawa ce."
Ta ɗaga hannunta ta kalli tafin hannunta inda sumbatar nan ta warkar da shi. Babu ko alamar ciwo, amma tana jin wani irin ɗumi dake yawo a jikinta, ɗumin da ya samo asali daga wannan sumbatar da ta canza mata rayuwa...
"Mugu..." ta raɗa a hankali, tana shafar leɓunanta..
"Ta yaya ya shiga rayuwata haka? Ta yaya kaddararmu ta sarƙe a cikin dare ɗaya?"
Wani irin tsoro mai haɗe da shauƙi ya ziyarce ta. Ta tuna yadda ya amshi sharaɗan ta. Ko da yake ta tsane shi a farko, amma yanzu tana jin wani irin haɗi dake tsakaninsu wanda ko da tana so, ba za ta iya tsinkewa ba...
Ta matsa kusa da madubin tana kallon kwayar idonta. Tana neman ko za ta ga inuwar King Diamond a ciki, kamar yadda ya ce yana tare da ita..
"Karka ɗauka kayi nasara...."
Ta maimaita maganar da ta gaya masa, amma a ranta tana jin cewa ita kanta ba ta san waye ya yi nasara a tsakaninsu ba...
Tana cikin wannan tunanin sai ta ji an buga ƙofar ɗakin..
"Gimbiya! Gimbiya Ayat kina ciki?!" Muryar Saratu ce ta katse mata tunani.
Ayat ta firgita, ta goge fuskarta da sauri. Dole ne ta saita kanta, ta dawo Gimbiya Ayat mai natsuwa, ko da kuwa zuciyarta tana can bakin kogi tare da sarkin aljanu...
✨✨✨
A yau ba tare da kowa ya sani ba..
Da misalin ƙarfe huɗun asuba, lokacin da kowa yake nannaɗe cikin bargo, Sarki Nourdeen ya fito sanye da manyan kayan sarauta fuskarsa cike da damuwa..
Baya son gimbiyoyinsa su sani, don haka ya ba da umarnin a shirya babbar Helicopter ɗinsa ta alfarma a filin jirgi na sirri dake bayan fada...
Koda Master Ibrahim bai san da wannan tafiyar ba har sai da aka buga musu ƙofa. Sarki ya zaɓi dakarun tsaro guda biyar kacal, waɗanda ya amince da su, ciki har da jami’an tsaro na musamman da za su raka shi...
"Ba ma neman yaƙi," sarki ya faɗa wa shugaban masu tsaron nasa. "Zamu je ne don mu cika alƙawarin da aka daɗe da yi. Amma ku kasance a shirye da kowane irin yanayi."..
Ƙarar injin Helicopter ta mamaye sararin samaniyar fadar.
Sarki Nourdeen ya shiga ciki, ya zauna a mazauninsa na alfarma ya zuba wa masarautar Alhamra ido ta taga yayin da jirgin yake shawagi sama...
A ransa yana addu'ar wannan tafiyar ta zama silar zaman lafiya, ba silar rugujewar mulkinsa ba..
Tafiyar ba ta da tsawo sosai ta sama, amma ga sarki, kowane minti ɗaya tamkar shekara yake...
Suna isa ƙasar da suka nufa, daga sama ya fara hango wani babban birni dake kewaye da baƙaƙen ganuwa da hasken fitilu masu launin purple...
Wannan ita ce daular Pavilion...
Ganin tsarin gine-ginen wurin kaɗai ya isa ya nuna maka cewa wannan ƙasa ce dake da ƙarfin da ya zarce na kowace masarauta...
Yayin da Helicopter ɗin take neman gurbin sauƙa a katafaren filin jirgin Pavilion, sarki ya hango dakarun Pavilion sanye da baƙaƙen kaya sun jera layi tamkar bango. Babu wani rurrusunawa, babu wata gaisuwa ta girma sai kallo mai cike da kwarjini...
Sarki Nourdeen ya ja numfashi, ya gyara kambunsa...
"Lokaci ya yi," ya raɗa wa kansa yayin da matattalar jirgin ta sauƙa..
Sarki Nourdeen ya fito daga helicopter ɗin, kansa a ɗage amma zuciyarsa tana bugawa. Innalillahi wa inna’ilaihi raju’un! Abin da ya gani ya wuce misali...
Girman gine-ginen Pavilion kawai ya isa ya sanyaya wa mutum jiki. Ko’ina ka kalla dakarun Pavilion ne sanye da baƙaƙen kaya, tsaye daram ba sa motsi tamkar gumaka, idanunsu ƙafe a kan kowane taku na baƙin..
Sauran jami’an tsaron sarki da suka biyo shi, suka tsaya a tsakiyar katafaren harabar fadar, fuskokinsu cike da tsoro da mamaki. Sun ji kansu ƙanana a cikin wannan makeken fili wanda aka ƙawata da dutsen marmara mai sheƙi.
Wani babban jami'in Pavilion wanda kwarjininsa ya kusan zarce na sarki kansa, ya tako a hankali ya yi wa sarki nuni da hannu...
Ya fara yi wa sarki jagora ta cikin sashe-sashe mabanbanta..
Sarki ya ga jerin motocin yaƙi da na alfarma waɗanda ba a taɓa ƙera irinsu ba a duniya..
Dawakai ne baƙaƙe, manya masu sheƙin fata, waɗanda kowane ɗaya ana masa hidima ta musamman...
Kowace kusurwa akwai jami'ai, wasu a sama wasu a ƙasa, dukansu idanunsu ba ya kiftawa.
Sarki Nourdeen yana tafiya ne kamar a mafarki. Wurin ya kasu Part part, kowane sashe da abin da ake gudanarwa a ciki, tun daga tsaro har zuwa na'urorin zamani da suke ta faman aiki...
Daga ƙarshe, jami'in ya kai sarki zuwa wani babban falo da ya fi kowane falo da sarki ya taɓa gani a rayuwarsa. Kujerun wurin an ƙera su da wani irin fata mai taushi da launin zinare..
Suka zaunar da sarki a can, aka bar shi shi kaɗai a cikin wannan faffaɗan ɗakin..
Ba a daɗe ba, wasu ma'aikata mata waɗanda kyan fuskarsu kaɗai ya isa ya saka mutum cikin damuwa, suka shigo ɗauke da tire-tire na zinare. Suka shimfiɗa masa kayan ciye-ciye da abubuwan sha na alfarma, waɗanda ƙamshinsu kaɗai ya isa ya nuna tsadar su.
Sai dai waɗannan ƴan mata ma'aikata duk ba mutane bane, su ɗin robots ne masu amfani da na'ura...
Sarki ya zauna a kan kujerar, amma ya kasa ko taɓa ruwan dake gabansa. Idanunsa suna ta kai-komo, kowane motsin labule ko ƙofa sai ya tsorata shi. Yana nan zaune yana jiran jin takun tafiyar da zata sanar da isowar mutumin da ya sanya shi barin masarautarsa a lokaci guda...
Falon ya yi shiru sai ƙarar sanyin na'urorin sanyaya ɗaki kawai ke tashi. Sarki ya duƙar da kansa, yana tambayar kansa..
"Me zai faru idan wannan mutumin ya fito? Shin yarjejeniyar da muka yi tsawon shekaru da suka wuce, yau ce ranar da zan biya ta?"..
Sarki Nourdeen yana tsaka da fargabar jiran abin da zai faru, sai ya ji iskar falon ta canza launi. Ba tare da an ji takun tafiya ba, da motsin ƙofa ba, kawai sai ga Chief Onyx ya bayyana a tsakiyar falon tamkar iska ce ta huro shi...
Tsayuwar sa kawai ta isa ta nuna cewa shi ba mutum ba ne irin na wannan zamanin, ƙirar jikinsa irin ta magabata ne, samudawan farko masu girman jiki da ƙasusuwa ƙusassu...
Tsayinsa ya zarce tunanin mai kallo, faffaɗen ƙirjinsa kuma ya nuna irin ƙarfin dake ɓoye a jikinsa...
Sanyi ya ratsa falon kamar wani abu mai rai ya shigo, fitilun suka ɗan fara rawa..
Kamar yadda iska ke bayyana ba tare da izini ba haka Chief Onyx ya bayyano a tsakiyar falon...
Dogon baƙin rigarsa tana ja har ƙasi, amma rigar ta gaba a buɗe take tana bayyana faɗaɗen farin ƙirjinsa kamar an sassaƙa shi da ƙarfe...
Farin ƙirjinsa, wanda ya yi fari ƙal tamkar madara ya fito fili, tare da wasu kwantattun gashi dake kwance a kan faffaɗen ƙirjin nasa, wanda ya ƙara fito da jarumtarsa...
Manyan nonuwansa sun tsaya daram, irin ƙirar namiji tsantsa wanda kallo ɗaya zai sa zuciya ta manta bugawa...
Wasu sarƙoƙi na musamman masu tsada na azurfa sun zubo daga wuyansa har zuwa kan faffaden ƙirjinsa, suna walkiya a ƙarƙashin hasken fitilun falon...
Dogon baƙin gashinsa mai santsi da sheƙi yana sauƙa har kafaɗunsa, yana kaɗawa a hankali cikin sanyin AC...
Gefen fuskarsa guda na rufe da wani ƙarfen azurfa mai sarƙaƙƙiyar ƙira, wanda ya ƙara wa idanunsa kwarjini..
Idan ka kalle shi, ba wai ka ga kyau kawai bane har da tsantsar barazana...
Idan ka tsinci kanka kana kallonsa tsawon daƙiƙu to jikinka zai daskare.
Zuciyarka zata buga da sauri ba tare da dalili ba..
Takalmansa baƙaƙe, masu nauyi kamar na soja suna sauƙa ƙasa da ƙasa ba tare da amo ba, amma kowane taku yana da nauyin da yake sa ƙasa ta tuna da shi...
Kana kallonsa zaka ce..
“Wannan ba musulmi bane.”
Amma shi musulmi ne cikakke mai bautar Allah cikin sirri, mai tsananin tsoronSa, kuma mai tsananin hukunci ga wanda ya karya doka...
A bayansa, tana taku cikin natsuwa da izza tamkar ɗawisu, wata zafaffiyar budurwa ce kyakkyawa dake sanye da baƙaƙen kaya matsattsu. Gashinta a kwance yake har gadon bayanta, idanunta kuwa suna fitar da wani irin haske na musamman...
Wannan budurwa ba mutum ba ce, ita ce ƙololuwar fasahar Pavilion. Robot ce ta musamman, wacce aka ƙera ta don kariya da aiwatar da ayyukan da mutum ba zai iya ba. Ita ce babban makamin Chief Onyx...
Halitta ce da aka ƙera domin yaƙi, tsaro, da aiwatar da umarni ba tare da tambaya ba.
Ita ce hannun damar Chief Onyx.
Ita ce garkuwarsa da takobinsa...
Chief Onyx ya zauna a kan kujerarsa ta alfarma, ya ɗora hannuwansa a kan madafan kujerar, idanunsa suka sarƙe da na Sarki Nourdeen. Robot ɗinsa tana tsaye a gefensa tamkar mutum, idanunta suna nazarin kowane motsi na baƙon da yake gabansu...
Sarki Nourdeen ya tsinci kansa da kasa magana. Duk wani iko da yake takama da shi a Alhamra, ya neme shi ya rasa a gaban Chief Onyx..
Muryar Chief Onyx ta fito da zurfi da amo tamkar ana hura busa..
"Barka da zuwa, Sarki Nourdeen. Na san ka daɗe kana jiran wannan ranar. Amma tambayar ita ce... shin kana shirye da farashin da za ka biya?"...
Chief Onyx ya karkata kansa gefe guda, yana kallon Sarki Nourdeen da idanunsa dake fitar da wani irin kwarjini na daban..
Robot ɗinsa dake tsaye a gefe ta lura da yadda bugun zuciyar sarki ya tsananta..
"Nourdeen," Chief Onyx ya ƙira sunansa ba tare da lakabin sarauta ba, muryarsa tana amo a cikin falon.
"Shekaru goma sha biyar sun shuɗe tun ranar da kuka kawo min yaƙi tare da taimakon dakarun turawan matar ka Ruma. Ranar da kuka so ku raba ni da gadon mahaifina. Na bar maka Alhamra ba don tsoro ba, sai don umarnin kotun duniya da kuma buƙatar kwanciyar hankali."..
Chief Onyx ya miƙe tsaye, tsayinsa ya sa sarki ya ji tamkar shi wani ƙaramin yaro ne. Ya fara takawa a hankali yana zagaye Sarki Nourdeen, yayin da takalmansa suke bada sauti a kan lallausar carpet..
"Na bar maka Alhamra a matsayin aro, amma da sharaɗi guda ɗaya. Ka amince za ka mallaka min ɗaya daga cikin 'ya'yanka don ta zama Personal Maid ɗina wato ƴar aikina. Ka yarda da hakan don kawai ka riƙe mulkin da ba naka ba. To yanzu lokaci ya yi. Na zo karɓar abin da yake nawa ne."..
Cikin Ruɗani Da Takaici
Sarki Nourdeen ya duƙar da kansa, gumi na keto masa. Ya tuna lokacin da ya yi wannan yarjejeniyar, a ransa ya ɗauka lokacin ba zai taɓa zuwa ba. Amma yau, ga Chief Onyx nan a raye cikin ƙarfi da mulki fiye da kowane lokaci...
"Ina buƙatar mace mai tarbiyya, jajirtacciya, kuma wacce za ta san darajar Pavilion,"
Chief Onyx ya ci gaba da magana yayin da ya tsaya a gaban sarki..
"Ban san ko su wane ne 'ya'yanka ba, kuma hakan bai dame ni ba. Abin da nake so shi ne ɗaya daga cikinsu ta zama ƴar aikin pavilion kingdom."..
A idon Sarki Nourdeen, fuskokin 'ya'yansa suka fara giftawa...
Zayana wacce take jinin Ruma ce, matar da ta janyo wannan yaƙin. Shin zai iya bayar da ita? Amma kuma Ruma ta kasance mata mai ƙarfin iko fiye da tunanin mutum, kuma jinin turawa wacce a yanzu take mulkan ƙasar Canberra babban birnin Australia...
Aayat wacce take amintacciyarsa kuma take kare shi?
Ya girgiza kai alamun rashin amincewa..
Maayah wacce take cikin jinya yanzu?...
Chingching wacce ba ta san zafin rayuwa ba?
Duk wadda ya bayar ya sani cewa ya tura ta ne zuwa bauta a gidan mutumin da yake ƙin jinin mahaifinsu.. Amma idan bai bayar ba, ya san Chief Onyx zai iya murƙushe Alhamra a cikin sa'o'i kalilan...
Chief Onyx ya yi wa Robot ɗinsa nuni da hannu. Robot ɗin ta matso kusa da sarki, ta miƙa masa wata na'ura mai nuna hotuna..
"Zaka ba ni sunan wadda ka zaɓa kafin rana ta faɗi..,"
Chief Onyx ya faɗa cikin murya mai sanyi...
"Idan kuma ka kasa zaɓa, to ni da kaina zan shigo Alhamra in ɗauki duk wacce idona ya nuna mun... Kuma ka sani, idan na shigo da kaina, ba zan fita hannu empty ba..."...
👍 Like
🔁 Share
💬 Comment
*👑 MASARAUTAR ALHAMRA 👑*
_🪄 Gidan Mulki, Iko da Sirrin Zuciya 🪄_
✍🏽 By ASMEETAH WRITER
~Hasken Jajirtattu~
💪 *JAJIRTATTU WRITER'S ASSOCIATION*💪 ✍️
```JARUMAI WRITERS TEAM```
⚠️ SANARWA⚠️
Wannan littafi dukiyata ce a matsayina na marubuciya.
⚖️ Ba a yarda wani ko wata ya:
kwafa
gyara
sauya
ko amfani da wani sashe na wannan labari
ba tare da izini na kai tsaye ba.
Duk wanda ya saɓa, alhaki yana kansa..
▶️ DON BIYO DAGA FARKO 👇
🔗 WhatsApp Channel:
https://whatsapp.com/channel/0029VbBCNlqJUM2RQwWncg43
📚 ArewaPen:
https://arewapen.com/u/asmeetahwriter
📖 Wattpad:
https://www.wattpad.com/user/asmeetahwriter
📲 Contact:
09065443871
📅 FARA TURA BOOK:
🔥 01 — 01 — 2026 🔥
📘 BOOK ONE
```MATAKIN FARKO```
Gari ya waye garau, hasken rana ya fito. Master Ibrahim yana tsaye a bakin kofar daƙin dawakai, fuskarsa a murtuƙe, idanunsa sun yi jawur saboda rashin baccin daren da ya yi yana neman Inuwa. Zuciyarsa tana tafasa yadda yake jin Inuwa a ransa ya wuce kima har ma yana mamakin yadda damuwar namiji ɗan uwansa take neman mayar da shi tamkar wanda ya rasa budurwa...
Yana nan tsaye, sai ya hango dokin Inuwa yana tunkaro fadar. Inuwa ya ƙaraso yana sauka daga kan dokin, ya sauke numfashi yayin da ta ci karo da firgittaccen kallon Master Ibrahim..
Ibrahim ya tako cikin sauri, ya tsaya a gabanta, muryarsa tana rawa tsakanin fushi da sauƙaƙawa..
"Inuwa! Daga ina kake? Tun jiya nake nemanka a kowane lungu na fadar nan! Na je har bakin kogi amma ban gan ka ba. Me ya faru da kai?"..
Ayat ta sunkuyar da kanta, tana ƙoƙarin saita muryarta ta Inuwa domin ta kare kanta. Ta san dole ne ta bayar da ƙwaƙƙwarar ƙarya..
"Gafara nake nema Master," ta faɗa cikin murya mai nuna gajiya. "A daren jiya lokacin da nake kan hanyata ta dawowa, na ci karo da wata mata wadda ta samu hatsari mai tsanani a kan titi. Jini yake zuba daga jikinta babu kowa a kusa. Dole ta sa na ɗauke ta zuwa asibitin gari dake wajen fada, na zauna a can ina jiran likitoci har na tabbatar ta farfaɗo. Shi ya sa na kwana a asibitin har gari ya waye."..
Jin kalmar Na kwana a wurinta, sai Master Ibrahim ya ji wani abu ya soke shi a ƙirji. Wani irin azababben kishi ne ya turnuƙe shi, kodayake a zahiri yana kallon Inuwa ne a matsayin namiji, amma jin cewa ya sadaukar da daren sa ga wata mace ya sanya shi jin zafi..
Ibrahim ya haɗe rai, ya kawar da kansa gefe yana huci kafin ya sake duban Inuwa..
"Hatsari? Kuma sai ka kwana a wurinta? Inuwa, ashe kai jarumi ne har a fagen soyayya da taimakon mata?". Ibrahim ya faɗa cikin sautin izgilanci dake nuna ɓacin ransa..
Inuwa ta ɗan firgita da yadda muryarsa ta sauya..
"A'a Master, taimako ne kawai na yi..."
Ibrahim ya katse ta, ya matso kusa da ita sosai har tana jin ɗumin numfashinsa...
"Kayi ƙoƙari, hakan yana da kyau. Amma daga yau, ko da tsuntsu ne ya samu hatsari, dole ka sanar da ni inda za ka je! Masarautar nan cike take da maƙiya, kuma ba zan iya jure rashin ganinka na tsawon sa'o'i biyar ba, balle har gari ya waye."
Ya sake jaddada maganar cikin nuna iko
"Karka sake kwana a wajen masarauta ba tare da izinina ba. Yanzu maza ka je ka huta, ka wanke jikinka. Amma ka sani, wannan matar da ka taimaka, kada hakan ya zama silar shagala daga ayyukanka."..
Ibrahim ya juya ya fice daga wurin cikin takun fushi, ya bar Ayat a tsaye tana mamakin irin wannan damuwar da Master Ibrahim yake nuna mata. Ba ta sani ba cewa, a cikin zuciyar Master, rami ne aka haƙa wanda ba na abota ba ne kaɗai...
Tana isa ɗakinta, ta tarar da shi tsit, sai ƙamshin turare dake tashi...
Ta garzaya zuwa gaban madubin da aka mayar mata da sabo, ta cire sajen da gemun fuskarta, sannan ta cire rawanin dake kanta...
Gashinta ya zubo ya rufe mata baya.
Ta tsaya tana kallon kanta. Duk da cewa Master Ibrahim ya nuna mata damuwa da kishi, amma ba ta ko tuna maganarsa ba. Abin da yake dawo mata a kunne shi ne muryar King Diamond dake cewa.
"Ni naki ne, ke tawa ce."
Ta ɗaga hannunta ta kalli tafin hannunta inda sumbatar nan ta warkar da shi. Babu ko alamar ciwo, amma tana jin wani irin ɗumi dake yawo a jikinta, ɗumin da ya samo asali daga wannan sumbatar da ta canza mata rayuwa...
"Mugu..." ta raɗa a hankali, tana shafar leɓunanta..
"Ta yaya ya shiga rayuwata haka? Ta yaya kaddararmu ta sarƙe a cikin dare ɗaya?"
Wani irin tsoro mai haɗe da shauƙi ya ziyarce ta. Ta tuna yadda ya amshi sharaɗan ta. Ko da yake ta tsane shi a farko, amma yanzu tana jin wani irin haɗi dake tsakaninsu wanda ko da tana so, ba za ta iya tsinkewa ba...
Ta matsa kusa da madubin tana kallon kwayar idonta. Tana neman ko za ta ga inuwar King Diamond a ciki, kamar yadda ya ce yana tare da ita..
"Karka ɗauka kayi nasara...."
Ta maimaita maganar da ta gaya masa, amma a ranta tana jin cewa ita kanta ba ta san waye ya yi nasara a tsakaninsu ba...
Tana cikin wannan tunanin sai ta ji an buga ƙofar ɗakin..
"Gimbiya! Gimbiya Ayat kina ciki?!" Muryar Saratu ce ta katse mata tunani.
Ayat ta firgita, ta goge fuskarta da sauri. Dole ne ta saita kanta, ta dawo Gimbiya Ayat mai natsuwa, ko da kuwa zuciyarta tana can bakin kogi tare da sarkin aljanu...
✨✨✨
A yau ba tare da kowa ya sani ba..
Da misalin ƙarfe huɗun asuba, lokacin da kowa yake nannaɗe cikin bargo, Sarki Nourdeen ya fito sanye da manyan kayan sarauta fuskarsa cike da damuwa..
Baya son gimbiyoyinsa su sani, don haka ya ba da umarnin a shirya babbar Helicopter ɗinsa ta alfarma a filin jirgi na sirri dake bayan fada...
Koda Master Ibrahim bai san da wannan tafiyar ba har sai da aka buga musu ƙofa. Sarki ya zaɓi dakarun tsaro guda biyar kacal, waɗanda ya amince da su, ciki har da jami’an tsaro na musamman da za su raka shi...
"Ba ma neman yaƙi," sarki ya faɗa wa shugaban masu tsaron nasa. "Zamu je ne don mu cika alƙawarin da aka daɗe da yi. Amma ku kasance a shirye da kowane irin yanayi."..
Ƙarar injin Helicopter ta mamaye sararin samaniyar fadar.
Sarki Nourdeen ya shiga ciki, ya zauna a mazauninsa na alfarma ya zuba wa masarautar Alhamra ido ta taga yayin da jirgin yake shawagi sama...
A ransa yana addu'ar wannan tafiyar ta zama silar zaman lafiya, ba silar rugujewar mulkinsa ba..
Tafiyar ba ta da tsawo sosai ta sama, amma ga sarki, kowane minti ɗaya tamkar shekara yake...
Suna isa ƙasar da suka nufa, daga sama ya fara hango wani babban birni dake kewaye da baƙaƙen ganuwa da hasken fitilu masu launin purple...
Wannan ita ce daular Pavilion...
Ganin tsarin gine-ginen wurin kaɗai ya isa ya nuna maka cewa wannan ƙasa ce dake da ƙarfin da ya zarce na kowace masarauta...
Yayin da Helicopter ɗin take neman gurbin sauƙa a katafaren filin jirgin Pavilion, sarki ya hango dakarun Pavilion sanye da baƙaƙen kaya sun jera layi tamkar bango. Babu wani rurrusunawa, babu wata gaisuwa ta girma sai kallo mai cike da kwarjini...
Sarki Nourdeen ya ja numfashi, ya gyara kambunsa...
"Lokaci ya yi," ya raɗa wa kansa yayin da matattalar jirgin ta sauƙa..
Sarki Nourdeen ya fito daga helicopter ɗin, kansa a ɗage amma zuciyarsa tana bugawa. Innalillahi wa inna’ilaihi raju’un! Abin da ya gani ya wuce misali...
Girman gine-ginen Pavilion kawai ya isa ya sanyaya wa mutum jiki. Ko’ina ka kalla dakarun Pavilion ne sanye da baƙaƙen kaya, tsaye daram ba sa motsi tamkar gumaka, idanunsu ƙafe a kan kowane taku na baƙin..
Sauran jami’an tsaron sarki da suka biyo shi, suka tsaya a tsakiyar katafaren harabar fadar, fuskokinsu cike da tsoro da mamaki. Sun ji kansu ƙanana a cikin wannan makeken fili wanda aka ƙawata da dutsen marmara mai sheƙi.
Wani babban jami'in Pavilion wanda kwarjininsa ya kusan zarce na sarki kansa, ya tako a hankali ya yi wa sarki nuni da hannu...
Ya fara yi wa sarki jagora ta cikin sashe-sashe mabanbanta..
Sarki ya ga jerin motocin yaƙi da na alfarma waɗanda ba a taɓa ƙera irinsu ba a duniya..
Dawakai ne baƙaƙe, manya masu sheƙin fata, waɗanda kowane ɗaya ana masa hidima ta musamman...
Kowace kusurwa akwai jami'ai, wasu a sama wasu a ƙasa, dukansu idanunsu ba ya kiftawa.
Sarki Nourdeen yana tafiya ne kamar a mafarki. Wurin ya kasu Part part, kowane sashe da abin da ake gudanarwa a ciki, tun daga tsaro har zuwa na'urorin zamani da suke ta faman aiki...
Daga ƙarshe, jami'in ya kai sarki zuwa wani babban falo da ya fi kowane falo da sarki ya taɓa gani a rayuwarsa. Kujerun wurin an ƙera su da wani irin fata mai taushi da launin zinare..
Suka zaunar da sarki a can, aka bar shi shi kaɗai a cikin wannan faffaɗan ɗakin..
Ba a daɗe ba, wasu ma'aikata mata waɗanda kyan fuskarsu kaɗai ya isa ya saka mutum cikin damuwa, suka shigo ɗauke da tire-tire na zinare. Suka shimfiɗa masa kayan ciye-ciye da abubuwan sha na alfarma, waɗanda ƙamshinsu kaɗai ya isa ya nuna tsadar su.
Sai dai waɗannan ƴan mata ma'aikata duk ba mutane bane, su ɗin robots ne masu amfani da na'ura...
Sarki ya zauna a kan kujerar, amma ya kasa ko taɓa ruwan dake gabansa. Idanunsa suna ta kai-komo, kowane motsin labule ko ƙofa sai ya tsorata shi. Yana nan zaune yana jiran jin takun tafiyar da zata sanar da isowar mutumin da ya sanya shi barin masarautarsa a lokaci guda...
Falon ya yi shiru sai ƙarar sanyin na'urorin sanyaya ɗaki kawai ke tashi. Sarki ya duƙar da kansa, yana tambayar kansa..
"Me zai faru idan wannan mutumin ya fito? Shin yarjejeniyar da muka yi tsawon shekaru da suka wuce, yau ce ranar da zan biya ta?"..
Sarki Nourdeen yana tsaka da fargabar jiran abin da zai faru, sai ya ji iskar falon ta canza launi. Ba tare da an ji takun tafiya ba, da motsin ƙofa ba, kawai sai ga Chief Onyx ya bayyana a tsakiyar falon tamkar iska ce ta huro shi...
Tsayuwar sa kawai ta isa ta nuna cewa shi ba mutum ba ne irin na wannan zamanin, ƙirar jikinsa irin ta magabata ne, samudawan farko masu girman jiki da ƙasusuwa ƙusassu...
Tsayinsa ya zarce tunanin mai kallo, faffaɗen ƙirjinsa kuma ya nuna irin ƙarfin dake ɓoye a jikinsa...
Sanyi ya ratsa falon kamar wani abu mai rai ya shigo, fitilun suka ɗan fara rawa..
Kamar yadda iska ke bayyana ba tare da izini ba haka Chief Onyx ya bayyano a tsakiyar falon...
Dogon baƙin rigarsa tana ja har ƙasi, amma rigar ta gaba a buɗe take tana bayyana faɗaɗen farin ƙirjinsa kamar an sassaƙa shi da ƙarfe...
Farin ƙirjinsa, wanda ya yi fari ƙal tamkar madara ya fito fili, tare da wasu kwantattun gashi dake kwance a kan faffaɗen ƙirjin nasa, wanda ya ƙara fito da jarumtarsa...
Manyan nonuwansa sun tsaya daram, irin ƙirar namiji tsantsa wanda kallo ɗaya zai sa zuciya ta manta bugawa...
Wasu sarƙoƙi na musamman masu tsada na azurfa sun zubo daga wuyansa har zuwa kan faffaden ƙirjinsa, suna walkiya a ƙarƙashin hasken fitilun falon...
Dogon baƙin gashinsa mai santsi da sheƙi yana sauƙa har kafaɗunsa, yana kaɗawa a hankali cikin sanyin AC...
Gefen fuskarsa guda na rufe da wani ƙarfen azurfa mai sarƙaƙƙiyar ƙira, wanda ya ƙara wa idanunsa kwarjini..
Idan ka kalle shi, ba wai ka ga kyau kawai bane har da tsantsar barazana...
Idan ka tsinci kanka kana kallonsa tsawon daƙiƙu to jikinka zai daskare.
Zuciyarka zata buga da sauri ba tare da dalili ba..
Takalmansa baƙaƙe, masu nauyi kamar na soja suna sauƙa ƙasa da ƙasa ba tare da amo ba, amma kowane taku yana da nauyin da yake sa ƙasa ta tuna da shi...
Kana kallonsa zaka ce..
“Wannan ba musulmi bane.”
Amma shi musulmi ne cikakke mai bautar Allah cikin sirri, mai tsananin tsoronSa, kuma mai tsananin hukunci ga wanda ya karya doka...
A bayansa, tana taku cikin natsuwa da izza tamkar ɗawisu, wata zafaffiyar budurwa ce kyakkyawa dake sanye da baƙaƙen kaya matsattsu. Gashinta a kwance yake har gadon bayanta, idanunta kuwa suna fitar da wani irin haske na musamman...
Wannan budurwa ba mutum ba ce, ita ce ƙololuwar fasahar Pavilion. Robot ce ta musamman, wacce aka ƙera ta don kariya da aiwatar da ayyukan da mutum ba zai iya ba. Ita ce babban makamin Chief Onyx...
Halitta ce da aka ƙera domin yaƙi, tsaro, da aiwatar da umarni ba tare da tambaya ba.
Ita ce hannun damar Chief Onyx.
Ita ce garkuwarsa da takobinsa...
Chief Onyx ya zauna a kan kujerarsa ta alfarma, ya ɗora hannuwansa a kan madafan kujerar, idanunsa suka sarƙe da na Sarki Nourdeen. Robot ɗinsa tana tsaye a gefensa tamkar mutum, idanunta suna nazarin kowane motsi na baƙon da yake gabansu...
Sarki Nourdeen ya tsinci kansa da kasa magana. Duk wani iko da yake takama da shi a Alhamra, ya neme shi ya rasa a gaban Chief Onyx..
Muryar Chief Onyx ta fito da zurfi da amo tamkar ana hura busa..
"Barka da zuwa, Sarki Nourdeen. Na san ka daɗe kana jiran wannan ranar. Amma tambayar ita ce... shin kana shirye da farashin da za ka biya?"...
Chief Onyx ya karkata kansa gefe guda, yana kallon Sarki Nourdeen da idanunsa dake fitar da wani irin kwarjini na daban..
Robot ɗinsa dake tsaye a gefe ta lura da yadda bugun zuciyar sarki ya tsananta..
"Nourdeen," Chief Onyx ya ƙira sunansa ba tare da lakabin sarauta ba, muryarsa tana amo a cikin falon.
"Shekaru goma sha biyar sun shuɗe tun ranar da kuka kawo min yaƙi tare da taimakon dakarun turawan matar ka Ruma. Ranar da kuka so ku raba ni da gadon mahaifina. Na bar maka Alhamra ba don tsoro ba, sai don umarnin kotun duniya da kuma buƙatar kwanciyar hankali."..
Chief Onyx ya miƙe tsaye, tsayinsa ya sa sarki ya ji tamkar shi wani ƙaramin yaro ne. Ya fara takawa a hankali yana zagaye Sarki Nourdeen, yayin da takalmansa suke bada sauti a kan lallausar carpet..
"Na bar maka Alhamra a matsayin aro, amma da sharaɗi guda ɗaya. Ka amince za ka mallaka min ɗaya daga cikin 'ya'yanka don ta zama Personal Maid ɗina wato ƴar aikina. Ka yarda da hakan don kawai ka riƙe mulkin da ba naka ba. To yanzu lokaci ya yi. Na zo karɓar abin da yake nawa ne."..
Cikin Ruɗani Da Takaici
Sarki Nourdeen ya duƙar da kansa, gumi na keto masa. Ya tuna lokacin da ya yi wannan yarjejeniyar, a ransa ya ɗauka lokacin ba zai taɓa zuwa ba. Amma yau, ga Chief Onyx nan a raye cikin ƙarfi da mulki fiye da kowane lokaci...
"Ina buƙatar mace mai tarbiyya, jajirtacciya, kuma wacce za ta san darajar Pavilion,"
Chief Onyx ya ci gaba da magana yayin da ya tsaya a gaban sarki..
"Ban san ko su wane ne 'ya'yanka ba, kuma hakan bai dame ni ba. Abin da nake so shi ne ɗaya daga cikinsu ta zama ƴar aikin pavilion kingdom."..
A idon Sarki Nourdeen, fuskokin 'ya'yansa suka fara giftawa...
Zayana wacce take jinin Ruma ce, matar da ta janyo wannan yaƙin. Shin zai iya bayar da ita? Amma kuma Ruma ta kasance mata mai ƙarfin iko fiye da tunanin mutum, kuma jinin turawa wacce a yanzu take mulkan ƙasar Canberra babban birnin Australia...
Aayat wacce take amintacciyarsa kuma take kare shi?
Ya girgiza kai alamun rashin amincewa..
Maayah wacce take cikin jinya yanzu?...
Chingching wacce ba ta san zafin rayuwa ba?
Duk wadda ya bayar ya sani cewa ya tura ta ne zuwa bauta a gidan mutumin da yake ƙin jinin mahaifinsu.. Amma idan bai bayar ba, ya san Chief Onyx zai iya murƙushe Alhamra a cikin sa'o'i kalilan...
Chief Onyx ya yi wa Robot ɗinsa nuni da hannu. Robot ɗin ta matso kusa da sarki, ta miƙa masa wata na'ura mai nuna hotuna..
"Zaka ba ni sunan wadda ka zaɓa kafin rana ta faɗi..,"
Chief Onyx ya faɗa cikin murya mai sanyi...
"Idan kuma ka kasa zaɓa, to ni da kaina zan shigo Alhamra in ɗauki duk wacce idona ya nuna mun... Kuma ka sani, idan na shigo da kaina, ba zan fita hannu empty ba..."...
👍 Like
🔁 Share
💬 Comment
*👑 MASARAUTAR ALHAMRA 👑*
_🪄 Gidan Mulki, Iko da Sirrin Zuciya 🪄_
✍🏽 By ASMEETAH WRITER
~Hasken Jajirtattu~
💪 *JAJIRTATTU WRITER'S ASSOCIATION*💪 ✍️
```JARUMAI WRITERS TEAM```
⚠️ SANARWA⚠️
Wannan littafi dukiyata ce a matsayina na marubuciya.
⚖️ Ba a yarda wani ko wata ya:
kwafa
gyara
sauya
ko amfani da wani sashe na wannan labari
ba tare da izini na kai tsaye ba.
Duk wanda ya saɓa, alhaki yana kansa..
▶️ DON BIYO DAGA FARKO 👇
🔗 WhatsApp Channel:
https://whatsapp.com/channel/0029VbBCNlqJUM2RQwWncg43
📚 ArewaPen:
https://arewapen.com/u/asmeetahwriter
📖 Wattpad:
https://www.wattpad.com/user/asmeetahwriter
📲 Contact:
09065443871
📅 FARA TURA BOOK:
🔥 01 — 01 — 2026 🔥
📘 BOOK ONE
```MATAKIN FARKO```