← Book details Rumbun Qaya Book 1 Complete Hausa Novel Local reading mode
READING PART 97 OF 108

Sashe 97

Rumbun Qaya Book 1 Complete Hausa Novel · about 8 min read

“Yes of course, zaka iya sosai, in dai kana jin karfin jikij naka zaka iya tashi, but sai ka kula wajen kan kar ka jika shi...”

“Ko da yake, ga amarya ma she can help you.” Ya karashe yana dariya. Taji wannan dai, amma sai ta fuske tayi kamar bata ji ba, ta hau dudduba abubuwan cikin ledar gabanta.

“Shikenan, idan akwai wani abu just call the nurses, sai da safe.”

“Ok, sai da safe.” Aryan yace

“Let me walk you to the door.” Kamal yace suka jera tare, dan dama akwai maganar da yake son tambayar sa amma baya so yayi a gaban aryan din. Suna fita yace

“Come here.”

Ta kowa tayi zuwa gabansa, nauyi da kunyar abinda Muhd yayi ya hanata kallon sa. Ya sani sarai abun sai ya dameta, shi kuma ko kadan be ji komai ba, domin a yanzu baya jin akwai wani abu da zai faru dashi da zai bashi mamaki, komai aka ce mutum zai aikata toh fa zai aikata shi ne.
Yunkurawa yayi ya zauna ta gyara masa pillow ya jingina sosai, sannan yace ta zauna a kusa dashi akan gadon, zama tayi ya dora kanta a saman kafadarshi yace

“Kar kiji komai akan abinda Kamal yace, babu wani new abu a wajena akan halin mutanen duniyar nan, kowa zai iya komai akan selfish interest dinsa, so ki manta komai kinji? So nake mu manta da komai da kowa mu fara sabuwar rayuwar mu, away from everything.”

“Duniyar nan kamar rumbu ne da kayan abinci, sai dai an cika shi da kayoyi wanda zaka sha wuya kafin ka kai kasan har ka mori wannan kayan, duk in da kasa kafarka k’aya ce zata soke ka..”

“Haka ne.” Tace a sanyaye tana jan kukan da yake ta neman cin karfinta

“So ki daina damuwa, na daina nima from the moment da nasan ina dake, I have someone in my life that needs me, tun daga lokacin na watsar da komai.”

“Yanzu ya kake ji? Kan ya daina ciwo.”

“Alhamdulillah. But it feels so heavy, kamar an dora wani babban dutse akan”

“Sannu, Allah ya kara sauki.”

“Amin. Zaki taimaka min? Nayi wankan?”

“Um.” Ta gid’a kanta.

“Thank you.” Yace yana murmushi

Tashi tayi ta sauka daga gadon ta nufi toilet din. Wayar sa ce tayi yar kara kdan saboda baya son karar.

“Na wuce sai da safe.” Kamal yace yana dagawa

“Ok, night.” Ya kashe ya ajiye, sai ma ya kashe ta gaba daya ya sakata kasan pillow.

Ruwan ta hada me dan dumi sannan ta fito

“Saka key a kofar kamal ba zai dawo ba.”

“Ok.” Tace ta je ta saka key din sannan ta dawo. Da hannu ya nuna mata botir din rigar, ta matso ta taimaka masa ta bude su sannan ta zare masa rigar.

“Thank you.”

“Zaki ya sauka.”

“Um um ba zan iya ba.”

Yace mata a shagwabe ta kalle shi da sauri ya sake marairace fuska, hannun sa ta rike ta taimaka masa ya sakko a hankali, suka nufi toilet din yana dan cijewa saboda kan nasa da yayi masa kamar zai fado. A toilet din ma kin yi komai yayi, komai tace sai yace ba zai iya ba, haka da daure ta cije tana gogocewa daga kallon sa yana kokarin sakata dole sai ta kalle shin, haka aka gama suke fito yace ta kashe ac dakin saboda ji yayi yana jin sanyi, da sauri ta kashe ta bashi duvet ya rufa, ya dan dauki some minutes sannan ya dawo daidai, ya saka wasu kayan sannan ya zauna akan carpet din yayi sallah a zaune. Yana sallar ta koma toilet din ta gyara shi sannan tayo alwalar tazo ta dauki doguwar rigarta ta saka ta cire na jikinta da suke jike ta kai toilet din, duk in da tayi yana kallon ta har tazo tayi sallar a gefen sa ta idar. Matsowa yayi ya dora knsa a saman cinyar ta, ya rufe idon sa yana jin babu dadi jikin sa.
Sun dade a haka shiru babu wanda yayi magana, kowa da abinda yake tunani, ta kasa cire abinda ya farun a ranta, ya adda maimuna zata ji idan taji abun da ya faru? Kowa yasan Dss basu dagawa kowa kafa dan haka tasan dole zasu sha wahala sosai, bata tausaya masa ba ko kadan, saboda abinda yayi ma Aryan din ya chanchanci hukunci me tsauri.

“Tunanin me kike?”

Yace yana kallon fuskar ta yana daga kwancen, ya dan dade da bude idon sa yaga tana tunani.

“Emm, ba komai.”

“Menene date din yau?”

“30th.”

“Yaushe zaki je clearance?”

“On 2nd.”

“Ok Allah ya kaimu.”

“Amin ya Allah.”

“Abinci?”

“Umm, zanci kadan.”

“Ok.” Kallon kansa tayi, yaji dadin kwanciyar bata so tace ya tashi,

“Na tashi ko?”

“Un.” Tace tana murmushi

“Dan kara ko 5min ne sai ki bani abinci.”

“Toh.” Tace ta zauna suka sakè yin shiru, yana rike da hannun ta daya yana wasa dashi, sai da aka kusan mintuna biyar din sannan ya tashi a hankali ya jingina da kujarar ta tashi ta je ta zuba masa abincin tazo ta zauna a gabansa ta tankwashe kafarta ta shiga bashi abincin a hankali. Yaci sosai har tayi mamaki, sannan ta kwashe plate din ta je ta ajiye ta dawo tace ya koma gadon.

“Um um, nan ya ishe mu. Bani pillow kiga.”

“A kasa?”

“Um, carpet din ai yana da girma, kuma yana da laushi.”

“A ah ni dai, please ka koma saman, ba zaka ji dadin kwanciya anan ba.”

“Kiyi hakuri ki barni anan,pleasee.”

Tsayawa tayi shiru, bashi da alamar tasowar

“Miko min pillow din kizo mu kwanta.”

Zuwa tayi ta dauko ta kawo masa, ya kwanta a hankali sannan ya mika mata hannu, ta tako ta zauna a gefen sa tana jin kamar be kamata ya kwanta a kasan ba.

“Oya kwanta.” Yace yana kulle idon sa. Hijab din jikinta da tayi sallah ta zare ta dora a saman kujerar sannan ta kwanta a gefensa, hannu ya saka ya matso da ita sosai jikinsa ya maida idon sa ya rufe saboda baya son buden idon sosai.
Cikin bacci taji alamun yana ta jujjuya wa, bude idon ta, tayi da yayi mata nauyi saboda baccin dake kanta ta kalle shi sai taga ya hada zufa sosai ya rike kan yana jujjuya shi.

“Subhanallahi, ciwo yake yi? Sannu.”

Ta tashi da sauri tana rike shi.

“Kai na zai cire Raihanaa.”

“Ba zai cire ba, bari na kira su, sannu, ba zai cire ba.”

Ta ce tana mikewa da sauri har ta soma kuka.

“No Karki kirasu, bani maganin a cikin drawer din chan, nasha.” Ya fada da kyar. Wajen su drawer ta yi da sauri ta dauko maganin, ta dauko ruwa ta kawo masa ta ballo ta bashi yasha, still yana rike da kan nasa. Tana durkushe a gaban sa har ya soma lafawa a hankali yana fitar da gumi sosai.

“Kana jin zafi ne?”

Da ido ya amsa mata ta karo ac ta dawo gabansa ta durkusa tana jera masa sannu. Bayan ya lafa gaba daya ta taimaka masa ya koma gadon ta dan rufa masa duvet a kafarsa zuwa cinyar sa, bacci ya dauke shi nan take. Haka suka karasa daren wajen shida na safe nurse din da zata tafi ta shigo ta duba shi ta mayar masa da drip din sannan tace idan ya tashi ga maganin da zai sha sannan ta fita. Sallah tayi dan ta dan makara sannan ta gyara dakin dan kafin masu sharar su zo ta share idan suka zo moping kawai suke su wanke toilet.

***Gaba daya hankalin Adda Maimuna da na abban su Aminan Ya tashi matuka, musamman da suka samu labarin tafiya da Muhd din a bakin wani abokin sa da suke a tare a lokacin yana daga gefe sai dai shi, duk kiran da zasuyi sunyi amma shiru baa san su waye suka tafi dasu ba. Yanke shawarar sanar da Ammy sukayi da Dadah a kalla idan aka sanar da Lamido zai iya yin wani kokarin tunda an ce SS ne suka dauke shi.
Tun jiyan jikin ammyn ba wani dadi sosai shiyasa ko fitowa batayi daga dakin ba, tana kwance kawai dama karfin hali ne kawai amma tana jin jiki ba laifi. Dakin da suke kwana Adda Maimunan ta shigo jiki a mace ta zauna ta gaida Dadah sannan ta duba jikin ammyn.

“Ya akayi Maimunatu? Na ganki haka jiki a mace.”

“Wallahi Dadah, wai muhd ne jiya Wasu da ake zargin yan sanda ne na farin kaya suka zo suka tafi dashi, toh tun jiyan muke saurare amma shiru gashi har an kwana.”

“Innalillah, yaushe? Me yayi musu?”

“Wallhi Dadah muma bamu sani ba.”

“Kai Subhanallahi, toh! Allah yasa ba wani babban abun bane ba.”

Ammy tace tana mikewa daga kwanciyar da tayi

“Toh Allah yasa, amma su DSS ai basa kwansu sai da zakara, dole akwai dalili, amma dai, bari na kira Lamido naji, ko zai iya wani abu akai duk da ba lallai ba Kinsan suna da tsari.”

Dadah tace. Shiru sukayi gaba daya ta dauki waya ta kira Lamido sannan ta saka a handfree

“Tsohuwa me ran karfe, daga tahowa ta har kin fara missing dina ne?”

“Toh ba dole ba, miji baya kusa. Ya hanya ka koma kalou?”

“Alhamdulillah wallahi, ya jikin ammyn?”

“Da sauki Alhamdulillah.”

“Allah ya kara sauki, na kira jiya da daddare inaga kunyi bacci time din.”

“Watakila kam. Yar Matsala ce aka samu, muhd kanin ka ne aka ce jamian tsaro na farin kaya…”

“Sun tafi dashi ko? Na sani Dadah.”

“Toh! Me ya faru?”

Tashi yayi daga in da yake zaune ya fita sannan yace

“An kama shi ne da laifin abinda ya faru da Aryan.”

“Naam!?”

“Akwai yarinyar da suke tare a Office din su Aryan din, to kamar tana son Aryan din ne, shine sukayi irin abun nan da ake cewa tunda bamu samu ba kowa ma ya rasa, Allah ma ya takaita abun ya zo da dan sauki babu asarar rai.”

“Turkashi! Shi muhdun?”

“Wallahi, toh kinga ai babu abun cewa, zasu bincika shi idan har bashi da laifi zasu sallame shi, amma idan har yana da laifi toh fa dole zasu hukunta shi.”
Chapter 97 · 0% Book details