← Book details Rumbun Qaya Book 1 Complete Hausa Novel Local reading mode
READING PART 60 OF 108

Sashe 60

Rumbun Qaya Book 1 Complete Hausa Novel · about 8 min read

_*Zafafan alkaluman haziqan maruban zafafa biyar kowa yasan na daban ne,wannan karon ma sunzo da sababbin salo me kama zuciya.*_
_*ZAFAFAN MARUBUTAN SUNZO DA SABABBIN LITATTAFANSU NA 2023 Kamar haka,*_

1 _*IDON NERA*_
Mamuhgee

2 _*DAUDAR GORA*_ ciki ka shata
Billyn Abdul

3 _*RUMBUN QAYA*_
Hafsat Rano

4 _*KI KULANI*_ mallakin zuciyata
Hafsat Miss Xoxo

5 _*A RUBUCE TAKE*_ qaddarata
Safiya Huguma

_DUKA GUDA BIYAR DIN ZAKA SAMESU A FARASHIN 1200_

Guda 5 1200
Guda 4 1000
Guda 3 800
Guda 2 600
Guda 1 400

_*zaku saka kudin a wannan account din👇*_

_*0022419171 Access Bank Maryam sani*_

Saiku tura shedar ta👇

_*09033181070*_

Idan kuma katin Waya ne zaku tura katin MTN ta wannan layin👇

09166221261

TEAM ZAFAFA BIYAR🔥🔥
MUNGODE🙏🙏❤️

_*RQ*_

     Page 41

Wani irin k'amewa Lamido yayi saboda yadda maganar ta bige shi, aure kuma? Aure a sati daya? Juyawa yayi da sauri ya kalli wajen da Raihanan take zaune, ta chusa kanta a tsakanin kafafunta, tana kuka sosai duk da ba'a jin sautin kukan nata. Sake maida da kallon sa kan Abbyn yayi sai ya hangi tsananin tashin hankali da damuwa cike a idon sa. Yanayin sa ya nuna irin na wanda yake tsoron wani abu wanda ya sha matukar wahalar sa. Sauke kansa kasa yayi dan be kuma san me zai ce ba.

"Ku tashi ku bani waje." Yace yana zama cikin kujerun falon. Muhd ne ya fara ficewa da sauri, sai Lamido da ya kama hannun Raihana ya mikar da ita dan ko motsi ta kasa yi. Suka fita a tare Abbyn ya bishi da kallo. Me yasa soyayya zatayi masa haka? Me yasa a duk fadin duniyan nan zata rasa wanda zata so sai dan gidan mutumin da yake jin baya burin zama inuwa daya dashi balle har wani abu ya hada su. Mutumin da ya ruguza masa rayuwa ya lalata komai. Ya gwammace yayi mata auren yasan dole dole zata hakura ta zauna wataran tunda shi ma Muhd din bashi da makusa ko kad'an, sannan a kalla shi na gida ne. Duk da a k'asan zuciyar sa yana cike ds tausayin ta amma kuma ba zai bari ta cutar da kanta ba, dama musulunci shi ya bawa damar zaba mata miji a yanzu, dan haka zai yi iyakar kokarin sa wajen ganin be barta ta cutar da kanta ba.
  Dadah na zaune suka shigo, ta mike da sauri dan dama tunda taji kiran nan tasan na lafiya ba.

"Menene ya faru?"

"Hmm, ita da Abby ne."

"Laifin me tayi masa?"

"Maganar Aryan ce dai, yace ba zai bashi ba, har ma ya sanar da Muhd ya shirya sati me zuwa za'a daura musu hannu."

Salati Daadah ta rakfa tana rike Raihanan da take kuka wiwi.

"Anya wannan hukuncin kuwa? Anya Ibrahim?"

"Sai hakuri, nasan ba lallai ya sakko ba tunda yayi wannan hawan."

"Kowa yasan ba'a kyauta masa ba, kuma yana da duk right din da zai yi fushi, amma ya za'a yi da hukuncin Allah? Rabo ba kisa yake fa, wallahi har lahira."

"Bari na je masallaci, naji ana kiran sallah."

Ya juya ya fita. Rike da hannun Raihanan suka wuce dakin ta, tana zuwa ta kwanta a gadon ruf sa ciki tana cigaba da gursheken kuka.

"Wallahi Daadah bana son shi, wallahi bana son shi ko kad'an zan mutu idan aka daura min aure dashi."

"Rufe bakin ki, kiyi shiru. Zan tursasa Lamido lallai ya hanashi abinda yake niyya, idan kuma yaki ni nasan ta in da Zan bullo masa, itama Maimunan zan kirata zan ce ta bawa Muhd hakuri, yayi hakuri dan ba'a aure haka, ba zai yiwu ba."

"Dan Allah dadah karki bari yayi min auren dole, wallahi bana son shi."

"Daina kukan toh, ba sati daya yace ba? Barni da su."

Share hawayen take kokarin yi amma sam yaki tsayawa, da ta share sai wani ya hau zubowa.

***Ana kiran sallar magriba suka shigo unguwar, basu karaso gidan ba suka tsaya a masallacin kan layin suka fara yin sallah sannan suka nufi gidan. A kofar gidan suka tsaya kamal ya kira Lamido yace masa sun karaso Amma be daga ba, suna nan a tsaye sai gasu sun dawo daga masjid din tare da Abby, da Babbo Sadeeq da shima dawowar sa kenan ya tsaya sallar. Abby be lura dasu ba ya shige gidan sai Lamido da Sadeeq suka karaso wajen su, suka gaisa da Sadeeq din sannan Lamido yace su shigo gidan. Duk da yana cike da tsoro da taraddadin irin karbar da Abbyn zai musu amma kuma ba zai ce kar su shigo ba, dole dai zasu shigo din su ganshi tunda suna tafe da sakon Daddyn.
   Ya zauna kenan yana son kiran mijin Adda Maimunan sai gasu sun shigo da sallama Lamidon na jagorantar su, suka zube a tsakiyar falon nasa cikin girmamawa suka gaishe shi. Ajiye wayar yayi ya fasa kiran ya amsa gaisuwar tasu babu yabo babu fallasa. Kamal ne ya dan sake russunawa ya mika masa envelope din da Daddyn ya basu sannan yace

"Daddy ne yace mu kawo maka wannan sakon, jibi zasu tashi idan ya dawo in sha Allahu zaizo takanas har gida kuyi magana."

"Menene a ciki?"

"Sako ne dai, yace idan Ka duba zaka gani."

"Ok, karbi Lamido, ka mika min shi cikin daki ka saka shi kasan drawer."

"Ko na bud'e maka ka gani?"

"A ah, kayi abinda nace kawai."

"Ok." Ya tashi ya shiga ya kai masa ya saka a inda yace sannan ya dawo. Still dai Kamal din ne ya sake yin magana akan abinda ya kawo su na biyu, Abbyn na jinsa sarai sai da ya gama sannan yace

"Sai dai kuyi hakuri Raihanan dai na riga nayi mata miji, sati daya ya rage a daura auren. Sai kuma me yake tafe daku?"

Shiru sukayi gaba daya tamkar ruwa ya cinye su, Aryan da ya rasa a wacce duniyar yake saboda yadda yaji tana juyawa dashi ga wani irin abu da ya zo nan da nan ya tokare masa makoshi. Zufa ce ta shiga karyo masa ta ko ina da wani irin faduwar gaba.

"Akwai wani abun ne kuma?"

"Babu komai Alhaji, mun gode Allah ya kara girma."

"Amin, na shiga ciki idan kun gama ku gaida gida." Ya mike yayi shigewar sa ya bar su a wajen.

"Muje falon chan muyi magana Kamal." Lamido yace bayan tashin Abbyn. Aryan ne ya fara mikewa ya fice da sauri, sai suka bi bayan sa suma. Zuciyar sa ce tayi zafin gaske, irin wadda bata taba yi masa ba, ga wani irin ciwo da take masa irin wanda yake fama a duk lokacin da ya tuna ya rasa abu me muhimmanci a rayuwar sa. Niyyar sa kawai ya fice daga gidan, ya bar garin ma baki daya a daren dan a yadda yake ji komai zai iya faruwa. Amma sai Kamal yayi saurin tare shi, yace su tsaya suyi maganar dan Allah. Be iya bud'e baki ya amsa ba, sai bin su kawai da yayi ciki wanda ya tabbatar sai dai ya zauna kawai ba dan zai gane abinda suke cewa ba. A tsaye ya tsaya bayan duk sun zauna Lamido ya kira Sadeeq a waya yace ya zo sannan yace da Aryan din ya zauna dan Allah. Be magana ba yaje ya zauna ya dafe kansa kawai. Sadeeq din ne ya shigo ya zauna a gefen Kamal yana kallon Lamidon

"Me yake faruwa ne? Yanzu nake samun labari a cikin gida wajen Daadah, ga Raihana chan kuka kawai take wallahi."

Da sauri Aryan ya dago, dan be yi tunani ace masa tana kuka ba, ya dauka ma abinda ya faru da izinin ta ne, ko kuma da yardar ta. Kenan auren dole zai mata? Saboda kawai laifin da Shi bashi ne ya aikata ba, idan aka duba ma yana cikin wanda abun ya shafa.

"Wallahi Sadeeq issue din ne babba ne, kasan haka kawai Abby baya fushi kuma ko yayi ma baya lasting, amma akan maganar nan wallahi baka ga ni kaina yadda yayi min kacha-kacha ba, sannan ya yanke hukuncin nan."

"Subhanallah, abun yayi tsamari gaskiya, ni wallahi kasan rashin zaman da banayi ba komai nake sani ba, amma yanzu ya za'a yi? Baka ganin mu sake samun sa dai da maganar"

"A yanzu dai ba zai yarda ba wallahi."

"Ina ganin mu bari zuwa da safe,ko?" Kamal yace

"Eh hakan dole za'a yi, amma please Aryan ka kwantar da hankalin ka, in sha Allah komai zai wuce, shaanin aure dole ne sai anyi irin wannan."

"No ba komai." Yace kamar har zuciyar sa haka ne, nan kuwa abinda yake ji yayi tsanani sosai.

"Oga bari mu wuce, zamuyi waya kawai."

A tare suka tashi zasu fita, Lamido ya tsayar dasu ta hanyar kiran Aryan.

"Please ina zuwa."

Tsayawa sukayi, ya bi kofar cikin gidan ya shiga ciki, ya wuce kai tsaye dakin Raihana. Har a sannan bata daina kuka ba, ita kadai tasan abinda take ji idan har ta tuna aure za'a mata auren ma na dole, da k'yar tayo alwala tayi sallar magriba shine take zaune har lokacin akan sallamar tana cigaba da kukan bakin ciki. Tsayawa yayi daga kofar yana kallon ta, kallo me cike da tausayawa, baya son duk abinda zai bata mata rai, yana jin kamar idan suka sakata kuka be rike kalaman karshe da Ammy ta fada masa ba, akan yan uwansa da kula dasu, shiyasa be taba bari tayi kuka dashi ba, ba ya jin kuma zai iya zuba ido ta cigaba da zubar da hawayen.

"Taso." Yace mata, sai a lokacin tasan yana tsaye a wajen. Dagowa tayi tana kallon sa yayi mata alamar ta tashi, ta mike da k'yar, ta karaso wajen da yake tsaye.

"Please ki daina kukan nan kinji?"

"Hamma Abby baya so na."

"Yana sanki mana, duk abinda yake yi a yanzu saboda son naki ne."

"Toh ni bana son Hamma Muhd, wallahi bana son shi."

"Aryan kike so?"

Da sauri ta daga mishi kanta

"Toh kiyi shiru ki daina kukan nan kar kanki yayi ciwo." Goge hawayen tayi da bayan tafin hannun ta, sannan yace

"Zo muje."
Chapter 60 · 0% Book details