← Book details Rumbun Qaya Book 1 Complete Hausa Novel Local reading mode
READING PART 49 OF 108

Sashe 49

Rumbun Qaya Book 1 Complete Hausa Novel · about 7 min read

Da sauri suka kalle shi a tare, duk da maganar bata fito sosai ba amma tabbas magana yayi, girgiza kansa yayi hawayen na cigaba da sakkowa daga idon sa, yayi nadamar rusa gidan sa, da farin cikin sa da farin cikin matar sa me tsananin so da kaunar sa, yaci amanar aminin sa sannan ya ci amanar yayan sa. Kukan da yake na dauke da manufofi masu yawan gaske, yana sane yaki magana saboda bashi da karfin zuciyar da zai iya bud'e baki yayi musu magana, yace musu me toh? Kuyi hakuri ko me?

"Daddy me kace? Magana kayi daddy?" Suka rufa akansa suna tambayar sa

"Eh, magana nayi."

"Alhamdulillah!" Suka hada baki wajen fada.

"Kira doctor Aryan." Ya Nabeela tace tana murmushi hade da dariyar farin ciki.

"Baki fushi dani ba Nabeela?" Ya tambaya bayan Aryan din ya fita duk da yasan dama ko a da din bata taba ketare maganar sa ba, bata kuma taba nuna masa ba daidai yake yi ba, hasalima a kullum nuna masa take yayi daidai saboda tsananin biyayyar ta. Da sauri ta hau girgiza kanta tana share hawayen fuskar ta

"Babu abinda kayi min daddy, da zan yi fushi dakai."

"Allah yayi muku albark."

"Amin Daddy."

Shigowar Dr da Aryan yasa ta matsawa baya ta basu waje, ta dauki wayarta ta fita waje dan kiran Mijinta ta sanar dashi daddy ya dawo daidai.
Kallon Aryan Daddyn yake tayi yana so yasa idanun sa a cikin nasa amma sam Aryan din yaki kallon sa, har Dr ya gama abinda zai ya fita Aryan din yabi bayan sa jim kadan ya dawo ciki ya tsaya daga saitin kafafun Daddyn yace

"Yau aka fara shari'ar Hajiya Zeenat, an dage sauraron karar zuwa sati biyu, ina fatan ban yi laifi ba, ina kuma fatan zaka saka min albarka sannan kayi min fatan nasara."

"Allah ya taimaka ya baka sa'a, ina jiran bincike yazo kaina, domin nima me laifi ne Aryan, nayi muku laifi ku da mahaifiyar ku."

Kin kallon sa Aryan yayi dan yadda zuciyar sa ta karye da maganganun Daddyn zai iya fashewa da kuka, amma baya so ko kad'an yaji d'ar wajen tabbatar da gaskiya,duk da deep down baya fatan wani abu ya shafi Daddyn amma kuma ya zai yi? Idan har kotu ta kama shi da laifi dole ta hukuntashi daidai da laifin da ya aikata.

_*RQ*_

           Page 34

_*©®HRano*_

***Turo kofar akayi aka shigo, Adam ne ya karaso da sauri ganin idon Daddyn a bud'e, kujerar da Aryan ya tashi daga kai ya zauna yana kallon Daddyn cike da farin ciki. Juyawa Aryan yayi ya fice ya rufe musu kofar dan baya son ganin abinda zai bata masa rai, duk da ya yarda da soyayyar da Adam din yake wa Daddyn ganin yadda ya damu sosai akan rashin lafiyar. Be san wani a matsayin uba ba, face Daddyn kuma shine kadai gatan sa. Shi ma Daddyn yana yi masa soyayya irin ta d'a ne da mahaifi yana jin shi sosai.

"Ya ka fito?" Ya Nabeela tace tana mikewa daga wajen da take zaune

"Adam ne yazo."

"Ban ga shigewar sa ba kuma, ko lokacin muna waya da Daddyn su Amna ne."

"Eh may be, bari na wuce idan Baba Rabi'un ya dawo sai kuyi maganar, zan yi kokarin fara processing tafiyar ina hadawa da sauran aikin."

"Ok, nima tafiya zan naga dare ya fara, yace zai biyo sai mu tafi."

"Ok, Baba Rabi'un shi kadai zai kwana yau?"

"Eh ina jin tunda jikin da sauki. Kaje gida ka huta, kayi bacci sosai please."

"Baccin ne ma baya yiwuwa ai, akwai ayyuka a gabana masu yawa."

"Still dai, ka huta yau dai, kayi tafiya kana bukatar hutu."

"Zan gwada."

"Yawwa, ya labarin Kamal?"

"Muna magana a chat,yana sane ya kyale ni sanda nake matukar bukatar sa."

"Yayi min daidai ai, da ace kana da matarka ba zaka yi wani missing dinsa sosai ba, yanzu haka da yadda ka gajin nan kana komawa za'a tare ka a kula mun da kai."

"Zan gudu, sai gobe."

"Baka son gaskiya dai." Tasa dariya

"Inaso mana, kawai maganar kara min pressure zatayi, amma dai I'm planning something, hoping yayi muku yadda kuke so."

"Akan wannan maganar?"

"Eh." Ya daga mata kansa

"Good, haka muke son ji, Allah ya bada sa'a ya taimaka."

"Amin, goodnight."

"Goodnight,." Ta daga masa ya fice cikin takun sa me cike da nutsuwa.

"Allah ya tallafi rayuwar ka Aryan ya hada ka da abokiyar zama me son ka." Ta daga hannu tayi addu'a sannan ta koma ciki.

•••••••Raihana bata tashi tunawa da sakon Hamma Muhd ba sai da safe bayan tayi breakfast ma tana kitchen tana wanke kwanukan da aka bata abun ya fado mata, da sauri ta dauraye hannun ta, ta goge da kitchen towel ta dauki wayar ta bud'e whatsapp din ta shiga kan chat din nasa. Saura kasan wayar da subce daga hannun ta, ta fadi kasa saboda abinda ta karanta.

_"Ni kuma? Soyayya?"

Ta furta tana sake kallon tsararren sakon wanda ya tsaro da kalaman kokarin kafa kai. Ko kad'an bata ji son sa a zuciyar ta ba, hasalima baya cikin jerin mazajen da take jin zata iya zaman aure dasu kwata-kwata, ya tsaya dai a iya yan uwantakar amma ita dai a'ah, bata shirya ba sai ta kara wayo da hankali. Rasa me zata ce masa tayi, ba zata iya ce masa a ah kai tsaye ba, babu dadi duk tsiya wanda yace yana son Ka yafi makiyinka ai, ba kuma zata iya amsa goron gayyatar soyayyar tasa ba, dan ita gaba daya ba abinda ma yake gabanta ba kenan, Kar taje tana zaman zaman ta a hada bikin ta da na su Hamman ta, tafi so ta fara rakashewa a bikin su daidai gwargwado kafin a fara maganar ta. Jin ta take har lokacin yar karamar yarinya ce ita, bata isa aure ba, dan bata san ta yadda zata fara kula da garjejen saurayi ace ita zata masa kusan komai ita din da ba'a wani dade sosai da su Hamman ta suka daina goya ta ba.
Fita tayi daga kan chat din sai tayi nazarin me zata ce sannan zatayi masa reply kar tayi a take ta kwafsa. Cikin chat din Aryan ta shiga kamar munafuka dan dama tunda ta tashi take son budewa amma ta kasa. Murmushi tayi ta tura masa hi a kasan hello din da yace mata, sannan ta dora da waye? A gaban sakon. Tana sane tayi hakan ta ajiye wayar tana murmushi ta cigaba da aikin da take yi. Sai da ta gama tas ta gyara kitchen din ta fito ta koma daki ta zauna a saman gadon ta sannan ta sake shiga whatspp din. Blue tick din da ta gani akan chat din Aryan yasa ta tabbatar ya karanta sakon ta, typing taga yanayi ta yi baya ta kwanta akan pillow tana jiran amsar sa.

"Ghost ne!" Ya yi reply ya sauka a take ya kira wayar ta. Wani irin harbawa zuciyar ta, tayi da karfi ganin shine yake kira, ta rasa dalilin da yasa take jin hakan game dashi da duk wani abu da ya shafe shi. Kamar ba zata daga ba, amma kuma bata da wannan karfin zuciyar, sakata tayi a kunnen ta bayan ta daga tace hello. Ajiyar zuciya ya sauke me dan karfi, ya tashi zaune daga kwanciyar da yayi sannan yace

"Baki da number na?"

"Na'am, mmm.. eh bani dashi."

"Oh okh, baki saving bane ba?"

"Eh."

"Ok, do it now, please."

"Why?"

"Just. Kiyi saving bana so na kira mutum ko nayi masa magana yace be gane ba."

"Ok zanyi."

"Good, how was your night?"

Gwalalo ido tayi waje, how was your night Yake tambayar ta? Lallai

"Alhamdulillah." Tace

"Masha Allah, me kike yi yanzu?"

"Ba komai, just laying down."

"Can i join you?"

Ya fada kamar me rada, kame wa tayi a wajen cike da mamakin sa. Ta jishi sarai amma sai ta nuna bata ji me yace ba.

"Na'am?"

"Baki ji ba?"

"Umm, banji ba."

"Ok, yaushe zaki dawo, we need you here,."

"Ka manta? Kaine kace na tafi,baka son sake gani na, you hate me!"

"Shhhhh!!!" Ya dakatar da ita da karfi

"Please Raihaana." Yayi lowering voice dinsa sosai sannan yace

" Duk abinda na fada ba har zuciya na bane, and I said I'm sorry, I'm sorry kiyi hakuri."

Bata ce komai ba,

"Kinji? I'm sorry, kuma nayi regretting duk abinda nace."

"Ok." Tace da k'yar

"Kin hakura? Kin yafe min?"

"Umm."

"Serious?"

"Umm..."

"Thank you so much, nagode."

"Uhum."

"Are you coming back?"

"A ah."

"Pleasee dan Allah ki dawo, Kamal ya tafi, kema kin tafi I'm so lonely, please come back."

"Hamma na ba zasu yarda ba."

"Why? Me nayi musu ne har haka?"

"Ban sani ba nima."

"Shikenan, bari nayi clearing abubuwan da suke gabana, zanzo har nan din, sai muyi magana naji, menene laifi na."

"Okh."

"Na gaji, aiki yayi min yawa kwanan nan bana samun enough sleep."

"Ayya sannu, it's not easy."

"Thank you, bari na shirya na fita, sai anjima."

"Ok sai anjima."
Chapter 49 · 0% Book details