← Book details Rumbun Qaya Book 1 Complete Hausa Novel Local reading mode
READING PART 94 OF 108

Sashe 94

Rumbun Qaya Book 1 Complete Hausa Novel · about 8 min read

Share hawayen tayi da bayan hannun ta Amma still wani yana sakè zubowa, tsoron ta daya kar wani abu ya same shi, bata san yadda zatayi da rayuwar ta ba. Ko da suka isa asibitin tsoronta karuwa yayi har sai suka shiga dakin da yake, drip ne a hannun sa yana kwance sambal sai dan jinin da ya bata masa jikin rigar sa kadan sai ciwon dake kansa. A baya ta tsaya tana cigaba da kukan har suka gama duba shi suka fita zuwa wajen Dr. Karasawa tayi gaban kujerar dake gaban gadon ta zauna tana kallon fuskar sa da tayi ja sosai, hannun ta tasa ta gyara masa hannun da drip din yake jiki yadda zai dinga shiga sosai kamar ya dan taba shi, sannan ta goge masa gefen bakin sa tana cigaba da hawayen. Tana zaune suka dawo dakin ta tashi ta matsa gefe Dr Mahfouz ya sake duba shi sannan yace zai tashi zuwa safiya Amma dole sai an zauna an kula dashi da duk moves dinsa kafin safiyar idan an ga wani unusual abu a kira nurse.

“Tunda ga amarya ma ai nasan zata kula dashi sosai.”

Ya kara she maganar da sigar tsokana tana kallon raihanan

“Ko Hydar ya zauna.”

Lamido yace,

“No a bar matar sa, zata kula dashi ai.”

Abby yace yana matsawa wajen kofa,

“Toh amarya sai d safe, ki kula dashi sosai please, duk da dai nasan va ma sai an fada va.”

“Muma tafiyar zamuyi, sai da safe Kanwata, Allah ya bashi lafiya.”

Lamido yace sannan ya fita, sallama Abby sukayi mata da Hamma hydar Abby yace tasa Key a kofar karta barta a bude sannan suka tafi.
Locking kofar tayi ta dawo ta zauna a gabansa tana kallon sa, ta dade a zaune sai ta mike ta shiga toilet din dake jikin dakin tayo alwala ta hau kan dan madaidacin carpet din dake dakin ta dora dan kwalin ta akai ta tada sallah, isha tayi sannan tayi shafai da wutri tayi masa addua sosai sannan ta zauna jigum tana kallon sa daga in da take zaunen.
Yadda taga rana haka ta kusan ganin daren domin ko bacci barawo be iya sace ta ba, sau biyu yana motsa wa idan ta rike hannun sa sai ya sauke ajiyar zuciya ya cigaba da baccin. Daf da za’a kira asubah ta sakè yo alwala tazo tayi raka’atanul fajri sannan ta hau saman sofa din ta dan kwanta tana facing din gadon nasa.
Da safe gateman ya fito sai yaga karamar waya a kasa, hannu yasa Ya dauka ya kunna ta, sai wani tunani yazo masa, ko dai wayar wanda ya kwala wa Aryan abu ne? Ciki ya koma ya dauki wayar sa ya kira Kamal lokacin har ya dauko hanya ma, ya sanar dashi abinda ya cinta, ajiye ta yace yayi sannan sukayi sallama.
Wajen bakwai da rabi Ya nabeela ta iso hankalin ta a tashe, sai a lokacin Kamal ya fada mata aikuwa tasha kuka tun kafin ta karaso tana zuwa ta rungume Raihana kafin ta karasa tana kallon yadda ya sauya a lokaci daya

“Ba zai yiwu ba, kuzo ku bar kasar nan raihana, rayuwar shi suke nema gwara ku tafi, zan kira Daddyyanzu,nasan Ya samu sauki sosai gwara ya dawo kawai, ayi muku Emergency Visa ku tafi, wannan masifar har ina?”

“Su waye suka yi masa hakan ?”

“Ban sani ba Raihana, amma Kamal yana hanya, zai kuma binciko ko su waye, kuma sai sun fuskanci hukunci. Amma tabbas ba zaku zauna ba, gwara ku tafi kafin su kassara shi, gashi da naci da kafiya idan ba tafiya yayi ba Shima ba hakura zai ba.”

“Allah ya bashi lafiya.”

“Amin Amin, Dr din sun shigo?”

“Wata nurse ta shigo da asubah, tace Dr Mahfouz zai shigo anjima kadan.”

“Ok.”

Ta zauna akan sofa din tana ciro wayar ta dan kiran Daddy din.

.

*
*RUMBUN QAYA🔥

*DAUDAR GORA*🔥

*IDON NERA*🔥

*A RUBUCE TAKE*🔥

*KI KULANI*🔥

*_uhmmmm_*😊😊😊😊😊😊😊😊😊😊

*Nasan zakuce ya da murmushi haka?*

*Wanda bai shigo ba bazai gane ba*

*Sai kin shigo daga ciki zaki gane me nake nufi*☺️☺️

*KE DAGA JIN SUNAYEN LITATTAFAN MA KADAI KASAN CEWA AKWAI WANI BABBAN ABU MAI MATUQAR JAN HAKALI TATTARE DASU*

*KINA NEMAN INDA ZAKI HUTAR DA KWANYARKI?*

*KI SAMU ZUNZURUTUN NISHADI DA ILIMI?*

Littafi daya---400
Biyu---600
Uku----800
Hudu-----1k
Biyar din duka----1200

*ZOKI BIYA KUDINKI TA WANNAN ACCOUNT DIN KI ANTAYA JIRGIN FITON ZAFAFA BIYAR*🔥🔥🔥🔥🔥

0022419171
Maryam sani
Access bank

*MTN CARD KO VTU ZASU SAKA TA NAN*

09166221261

🇳🇪🇳🇪🇳🇪🇳🇪🇳🇪🇳🇪🇳🇪
*Ina yan uwa 'yan nijer?*
*Zaku saka katin AIRTEL ta wannan number sannan ku tuntubeta*

+227 90 16 59 91

Littafi daya---450CFA
biyu---650CFA
uku----850CFA
hudu----1050 CFA
Biyar----1250CFA

*A DADE ANAYI SAI GASKIYA!*

*SIYAN NA GARI KUMA MAIDA KUDI GIDA!*

*Thanks for choosing us*🔥

🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾🙏🏾😂😂😂

***RQ***

65

***Ta jikin tagar dakin Ladi ta zura kanta ta leka, tana tsaye a tsakiyar dakin duk ta yaga kayan jikinta kanta a barbaje tana ta jansa da karfi sai ta cizge shi, gwalalo ido Ladi tayi cikin tsoro ta juya ta samu Lawwali a dakin zaure zaune yayi tsuru dan baya jin zasu samu damar yin bacci a ranar.

“Gashin kanta take cizgewa fa.”

Tace masa tana rike hab’a cikin alajabi

“Akwai matsala ,Allah yasa ba abinda ta dade tana aikatawa bane ba ya dawo kanta.”

“Shi din ne ma, karshen shegiya ne yazo, mummunan karshe dan daga gani haukan nata babban ne, Allah yasa ba na yawo bane tsirara Innalillah.”

“Yanzu ya zamuyi? Na kira shi dai yace zai shigo da safe.”

Kafin ta bada amsa sai ihun balle kofar suka ji, sannan suka ji har ta fito tsakar gidan. Kusan gware sukayi da Ladi da Lawwali wajen fita daga gidan gaba daya, dan sun tabbatar ta zo ta cimmasu zata iya lahanta su. Suna fita ta karaso zauren a guje tana ife ife, tayo waje duk da duhun da garin yayi, ta yi gaba kawai tana tafe tana ihu da surutai tana jan gashin kanta, kusan minti goma suna labe jikin wata danga, sai da suka ji shiru suka fito zuwa lokacin tayi nisa ma, dan kamar iska haka suke kada ta, hanyar suka dan bi Lawwali na haska musu touch light dinsa amma babu alamun ta, dawowa sukayi kawai suka koma cikin gidan suka kulle cike da tsoron kar ta dawo musu cikin dare.
Gajeren bacci suka yi a daren ranar da sun ji motsi sai su fito. Da gari yayi shaa suka dan sake fita neman ta tare da Malam sani Amma babu wani alamun ta ko in da tayi, dan ko sahun kafafunta babu a hanyar sam.

“Ko dauke ta sukayi?”

Ladi tace

“Wa ya sani ne,lallai sharri dan aike ne, kuma komai daren dadewa sai ya dawo duk kuwa in da ka aike shi, ji sakayyar Allah.”

“Yanzu menene abun yi?”

“Mu jira zuwan sa, duk abinda ma ya kamata ayi idan yazo din sai ayi.”

“Toh, Allah yasa ma ta tafi kenan, shegiyar mata jiya da ta shake ni wallahi na hango lahira, kai nasha azaba ba kadan ba.”

“Ai karfi ne dasu.”

“Naga alama.”

Juyawa sukayi suka koma gidan suna tattauna abinda ya farun.

*****Tashi tayi ta fita bayan sun yi magana da Daddy, tayi dana sanin fada masa abinda ya faru da Aryan din dan ya rikice sosai sai da ta kwantar da hankalin sa sannan ya hakura yace ta hada shi da Mahfouz din, a office ta same shi yana dora labcoat dinsa akan kayan sa, zai taho dakin Aryan din. Gaisawa sukayi ya tambaye ta me jiki sannan tace

“Daddy ne zakuyi magana , bari na kirashi.”

“Ok.” Ya zauna akan kujerar sa ta kira Daddy din ta bashi sukayi magana,yayi masa bayanin abinda ya faru.

“Muna tunanin going for MRI or CT scan muga ko akwai internal injury ko bleeding.”

Ya karkare bayanin

“Wanne zaifi?”

“CT scan is faster that MRI, but za dai mu duba tare da colleagues dina muga abinda zaifi.”

“Please just do the needful Dr, zan fara ganin yadda za’a yi processing komai within a week, sai su wuce, na dade dama Ina binsa yazo ya samu doctors anan musamman akan severe headache din nan nasa.”

“In sha Allah zamuyi iya kokarin mu kafin su wuce din.”

“Nagode Dr, thank you very much.”

“You are welcome sir.”

“He’s so worried, naji a muryar sa.”

Yace ma Ya Nabeela yana mika mata wayar

“Nayi regretting sanar dashi nima.”

“No dole ne ai, but in sha Allah ba wani serious case bane da zai fi karfin mu, dan dai yana so su tafi din ne kawai, but anan ma we can handle it.”

“Dama da akwai plan din tafiyar tasu, suje ya huta sosai abubuwan sun yi yawa.”

“Haka ne, nasha fada masa nima yana bukatar hutu, ko maganin sa baya samu yana sha yadda ya kamata, Shiyasa har bugun ma ya samu tasiri sosai akan sa.”

“Yanzu tunda yana da mata dole ta sashi ya sha ko baya so.”

“Yes zata sashi, bari na ga Dr Fredrick sai mu shigo dakin nasa.”

“Ok Dr, mun gode.”

Ta tashi ta fita. Ammy da Dadah sun karaso asibitin sun duba shi sai suka fito waje suka zauna duk da dakin babba ne kuma vip ne, zuwa Ya nabeela tayi suka gaisa suka yi mata ya mai jiki sannan ta shiga dakin. Raihana na zaune a gabansa, hannun sa cikin nata ya rike ta kam tun dazu tana so ta tashi amma bata so ta zare hannun sai ta hakura kawai ta zauna a gaban gadon tana gadin sa. Ya nabeela na shigowa tayi saurin cewa

“Ya rike min hannun ya hanani tashi.”

“Me Ya faru Raihana? Kunya ta kike ji ko? Karki ji komai Aryan yana bukatar kulawar ki fiye da kowa a yanzu, take good care of your husband kinji? don’t be shy.”

Nodding kanta tayi tana sakè yin kasa da kanta

“Tafiya zakuyi, za’a yi masa scan aga komai daga nan zaku bi daddy New Zealand.”

“Ok.” Tace a hankali

“Bari naje wajen su Ammy.”

Juyawa tayi suka yi kichibis da su Dr Mahfouz, ta matsa musu hanyar suka shigo ta fice ita kuma

“Madam ya patient dina?”

Dr Mahfouz ya tambaye ta yana kallon drip din hannun Aryan din
Chapter 94 · 0% Book details