Sashe 25
Rumbun Qaya Book 1 Complete Hausa Novel · about 8 min read
"Yanzu ina sauri ne, abubuwan sun fara sauya salo dan haka ne ma nake ganin kai ne zaka jagoranci wannan tafiyar a matsayin team captain din, dan na tabbatar zaka iya."
"Ok sir!"
"Ga record din komai, name, address and phone number, da duk finding dina yana ciki."
"An gama sir."
"Yawwa, thank you."
Fita yayi ya barshi a ciki, ya karasa abinda zai yi sannan ya fito ya nufi office din ogan sa, ya dan dade a ciki kafin ya fito ya tafi ba tare da ya koma office din nasa ba.
A mota ya bar wayar sa da yake amfani da ita a gari dan dama ka'idar aikin kenan dan a kashe ma take sai da ya fito gaba daya daga lungun sannan ya kunna ta. Kamar Aryan yana jira sai ga kiran sa ya shigo
"Wai kana ina ne?"
"Gani nan na taho."
"Me ya samu wayarka a kashe?"
"A aljihu na turata, ashe na danne power button din ban sani ba."
"Ok sai ka karaso."
Yace ya kashe wayar. Ajiye wayar yayi ya jawo dashboard dinsa ya d'aga wasu tarkace ya tura I'd card din sa.
***Kamar wadda ta shekara rabon ta da gida haka taji, wato dai da gaske kowa ya bar gida, gida ya barsh. Ji tayi baki daya ta tsani Kano da duk mutanen da suke cikin ta. Dama zata koma baya da sai ta goge haduwar su da Hajiya Zeenat shikenan da bata shiga wannan masifar ba, da kuma bata hadu da Aryan da Kamal ba. Baki ne suka dinga tuttulowa gidan nasu zuwa yiwa Abby barka da fitowa dan haka sai gidan ya zama ya cika sosai. Dakin ta, ta gudu taje ta kwanta dan har lokacin jikinta be gama yi mata daidai ba, gashi da ta zauna sai tunanin abinda ya faru ya shiga dawo mata. Dadah ce ta biyo ta dakin ganin ta baro falon kuma duk sai taga bata yarda da yanayin Raihanan ba. Zama tayi a gefen gadon tana duban ta.
"Lafiya?" Tace mata dan fuskarta ta nuna ba lafiyar ba.
"Zazzabi nake yi,Amma nasha magani."
"Tun yaushe? Ko dai akwai wata damuwar bayan ta zazzabin Raihana?"
Girgiza mata kai tayi, dan bata san ta in da zata fara yi mata bayanin abinda ya faru ba, musamman a yanzu da duk suke cikin farin ciki mara misaltuwa.
"Ba komai Dadah na, da na sake hutawa shikenan."
"Kayya, babu karyar da zaki yi min na yarda dake Raihanatu, ki sanar dani damuwar ki, na sanki kamar yunwar cikina dan haka kar nake kallon ki."
Zamewa tayi daga kwanciyar da tayi da nufin zama sosai sai wayar ta, ta hau ringing, kurawa number dake kira ido tayi dan bata taba kawo kiran nasa ba.
"Ko dai sabon saurayi kikayi a Kanon Raihana?"
Dadah tace tana rike baki, da sauri tace
" A ah wallahi, ni banyi komai ba."
"Toh waye yake kiranki? Kika zubawa waya ido kuma baki dauka ba? Ko fada kukayi da saurayin?"
"Kai Dadah kinji ki, ni wallahi ba wani saurayi, kawata ce ma take kira na."
"Kawa? Yaushe kikayi kawar bamu da labari."
"Shikenan bani da kawa a duniyar nan Dadah?"
"Baki da ita gaskia, sai abokan arziki."
"Ni me aka maida ni a gidan nan ne? Dole ma nayi sabuwar kawa."
"Oho, kamar gaske. Idan kin gama wayar ki fito cikin mutane bana son kina darere kanki ke kadai."
"Tohm." Tace ta rakata da ido har ta fice. Wayar ta riga ta katse, haka kawai sai taji babu dadin rashin dagawar da batayi ba. Jujjuya wayar ta dinga yi a tunanin ta zai sake kira amma shiru, yunkurawa tayi ta tashi tayi hanyar fita sai ga kiran ya sake shigowa, da sauri ta dawo baya ta rufe kofar kar Dadah ta dawo tayi wata maganar da zai ji, sannan ta daga tayi sallama a hankali chan kasa. Maimakon ya amsa sallamar sai yayi shiru ya fara tunanin dalilin da yasa shi kiran ta
"Ya jikin naki?" Ya tattaro kalmar da k'yar ya fada yana ciccijewa
"Ina wuni?" Ta gaishe shi a maimakon amsa tambayar da yayi mata
"Lafiya, sai anjima."
Kit ya kashe wayar, saroro tayi da waya a hannu cike da madaukakin mamakin sa, wannan wacce irin waya ce? Dariya abin ma yaso bata ganin yadda yayi maganar kamar wanda aka saka a gaba akayi masa dole ya kirata, saukin ta ma shine ya kira da ita ta kira yayi mata haka da tasha dan banzan kunya. Samun kanta tayi da dariya sosai daga karshe da ta gama tunanin abun, sam bata taba ganin irin sa ba, wai sai anjima, shikenan? Ta dauka ma wani abun ya rasa a office ya kira ta, bata ga amfanin kiran nata ba gaba daya. Toh ko dai kira yayi kawai ya duba ta tunda har yace mata ya jiki a farko. Ajiye wayar tayi kawai a dakin ta fice dan idan ta zauna tunanin son gano dalilin kiran nasa zata iya kaiwa dare a dakin bata fito ba.
****Dukkan wani kokari da Yaron Hajiya Zeenat zai yi mata akan Matawalle ya gaza, tun tana ganin abun wasa ne sai kuma jikinta ya fara bata lallai ya shirya mata, shirin da kuma ta gaza gane in da ya dosa, tasan shirun sa ba alkhairi bane a gareta, dan a sanin da tayi masa tasan tabbas da tuni ya neme ta ya kirata ya tabbatar mata da fitowar sa, dan ko a karshen zuwa ganin sa da tayi a prison ta lura da wata halayya daban da ta Matawallen da ta sani dan har ta dinga tunanin dalilin shi na share ta da kin yarda ya biye mata ba kamar a baya ba, idan taje ganin sa ya kan jaddada mata sai ya kaita k'asa in dai yana numfashi a doran k'asa.
Raihana ce ta fado mata, tabbas ita kadai ce a yanzu zata zame mata garkuwa da kuma tsani wajen samun lagon mahaifin ta, da ita zatayi amfani ta sake kaishi kasa wanda zai fi masa ciwo fiye da kaiwar da tayi masa a shekarun baya dan wannan sai yafi jin zafin ace yar cikin sa ce zata aikata masa hakan.
Wannan tunanin ya dan bata hope har ta kara samun kwarin guiwa sosai duk kuwa da chan kasan zuciyar ta, tana cike da tsoron abinda zai biyo baya idan komai a fallasa, amma duk da hakan ba zata karaya ba, dan ita din ba raguwar mace bace ba, tun zamanin kuruciya kuwa ballantana yanzu da ta kai matakin kuloluwa a matakan nasarar da ta tsarawa kanta cimmawa a tsawon rayuwarta. Gida ta koma kawai dan tun fitar safen da tayi bata komo ba, sai dai tayi matukar tsurewa ganin Adam har lokacin yana gidan a dakin sa yana ta sharar baccin asara. Wani wawan duka ta kai masa a gadon baya wanda hatta takalmin kafarsa be samu cirewa ba dashi ya kwanta ruf da ciki ya dage kafafun sama. Dabiar da ya fara kenan chan baya ta shiga ta fita ta samu nasarar hanashi tun Daddyn be farga ba, sai yanzu da kusan komai yazo hannu shine zai dawo ruwa kenan, ya barta da komai ta ina zata fara bayan ba aikin ta bane ba, wa zai cigaba da kula da komai kenan? Idan haka ne karshe fa kenan sai dai komai ya dawo karkashin Aryan abinda ba kuma zata taba amincewa ba dan duk wata dukiya da Daddyn ya tara kusan tare da ita aka tarata dan ita ta taimaka masa matuka har ya kawo wannan matakin da yake kai shine kuma dan rashin alkawari har ya maida komai da sunan yaransa biyu ita da Adam sun tashi a tutar babu. Bata da plan din yiwa daddy komai dan ta gama sakankancewa zai damka wa Adam kusan komai, rana daya ta ji shi yana waya da lauyan sa, daga ranar komai ya chanja ta shiga neman rayuwar sa tun kafin ya nemi ta ta.
Soshe soshe Adam din ya hau yi wajen da ta dake shi, ya tashi yana kumbura fuska ya wuce toilet ya wanko fuskar sa da bakin sa ya dawo ya tarar da ita a tsaye tana jiran sa
"Yanzu tun da na fita kake baccin asara Adam? Ina chan ina kokarin gina maka rayuwa amma shine zaka zo ka kwanta office din ma ka daina zuwa kenan Aryan ya mallake komai."
"Ni bana son komai idan har ba zan samu Raihana ba."
"Raihana kuma? Wai dama wannan maganar bata mutu ba?"
"Wallahi bata mutu ba, kuma son ta nake auren ta zan."
"Tirkashi, akan hakan kake son maida kanka wani na daban?"
"Lallai baka da hankali ma wallahi, idan ma zaka hakura tun wuri gwara ka hakura, mahaifin ta ko mutuwa zakayi ka dawo ba zai baka yarsa ba wallahi,."
"Akan me yasa ba zai bani ba?*
"Saboda baka san waye uban nata ba ai shiyasa zaka tsaya tambaya, toh yar Barrister Matawalle ce, ina fatan yanzu zaka saita hankalin ka waje daya ka dawo hayyacin ka, kasan in da yake maka ciwo."
Fuuu ta fice tana bambamin fada. Shiru yayi bayan ya fita, tabbas ya san waye Matawalle a wajen mahaifiyar sa, sannan yasan duk wata harkalla da ta ke tsakanin su, babban abinda yake damuwan sa shine yadda yaga Aryan ya damu matuka da al'amarin yarinyar, tunda ko last akan ta sukayi fada sosai ya kuma hangi wani abu a chan cikin idon Aryan din.
"Ba zai yiwu ba, sai dai dukkan mu, muyi biyu babu wallahi." Yace yana yin hanyar barin dakin. Dakin Hajiya Zeenat ya nufa ya tarar bata ciki sai wayar ta, dama abinda yazo nema kenan, da sauri ya bud'e wayar ya shiga wajen audios din dukkan wayar da sukayi da Raihana, yayi copying komai akan wayarsa sannan ya ajiye mata wayar ya juya ya bar dakin. Da wannan zai yi amfani yasa Aryan ya tsane ta, tsanar ta har abadah, shikenan kowa ya rasa dan zuciyar sa ba zata iya daukar nasarar Aryan din ba.
"Ok sir!"
"Ga record din komai, name, address and phone number, da duk finding dina yana ciki."
"An gama sir."
"Yawwa, thank you."
Fita yayi ya barshi a ciki, ya karasa abinda zai yi sannan ya fito ya nufi office din ogan sa, ya dan dade a ciki kafin ya fito ya tafi ba tare da ya koma office din nasa ba.
A mota ya bar wayar sa da yake amfani da ita a gari dan dama ka'idar aikin kenan dan a kashe ma take sai da ya fito gaba daya daga lungun sannan ya kunna ta. Kamar Aryan yana jira sai ga kiran sa ya shigo
"Wai kana ina ne?"
"Gani nan na taho."
"Me ya samu wayarka a kashe?"
"A aljihu na turata, ashe na danne power button din ban sani ba."
"Ok sai ka karaso."
Yace ya kashe wayar. Ajiye wayar yayi ya jawo dashboard dinsa ya d'aga wasu tarkace ya tura I'd card din sa.
***Kamar wadda ta shekara rabon ta da gida haka taji, wato dai da gaske kowa ya bar gida, gida ya barsh. Ji tayi baki daya ta tsani Kano da duk mutanen da suke cikin ta. Dama zata koma baya da sai ta goge haduwar su da Hajiya Zeenat shikenan da bata shiga wannan masifar ba, da kuma bata hadu da Aryan da Kamal ba. Baki ne suka dinga tuttulowa gidan nasu zuwa yiwa Abby barka da fitowa dan haka sai gidan ya zama ya cika sosai. Dakin ta, ta gudu taje ta kwanta dan har lokacin jikinta be gama yi mata daidai ba, gashi da ta zauna sai tunanin abinda ya faru ya shiga dawo mata. Dadah ce ta biyo ta dakin ganin ta baro falon kuma duk sai taga bata yarda da yanayin Raihanan ba. Zama tayi a gefen gadon tana duban ta.
"Lafiya?" Tace mata dan fuskarta ta nuna ba lafiyar ba.
"Zazzabi nake yi,Amma nasha magani."
"Tun yaushe? Ko dai akwai wata damuwar bayan ta zazzabin Raihana?"
Girgiza mata kai tayi, dan bata san ta in da zata fara yi mata bayanin abinda ya faru ba, musamman a yanzu da duk suke cikin farin ciki mara misaltuwa.
"Ba komai Dadah na, da na sake hutawa shikenan."
"Kayya, babu karyar da zaki yi min na yarda dake Raihanatu, ki sanar dani damuwar ki, na sanki kamar yunwar cikina dan haka kar nake kallon ki."
Zamewa tayi daga kwanciyar da tayi da nufin zama sosai sai wayar ta, ta hau ringing, kurawa number dake kira ido tayi dan bata taba kawo kiran nasa ba.
"Ko dai sabon saurayi kikayi a Kanon Raihana?"
Dadah tace tana rike baki, da sauri tace
" A ah wallahi, ni banyi komai ba."
"Toh waye yake kiranki? Kika zubawa waya ido kuma baki dauka ba? Ko fada kukayi da saurayin?"
"Kai Dadah kinji ki, ni wallahi ba wani saurayi, kawata ce ma take kira na."
"Kawa? Yaushe kikayi kawar bamu da labari."
"Shikenan bani da kawa a duniyar nan Dadah?"
"Baki da ita gaskia, sai abokan arziki."
"Ni me aka maida ni a gidan nan ne? Dole ma nayi sabuwar kawa."
"Oho, kamar gaske. Idan kin gama wayar ki fito cikin mutane bana son kina darere kanki ke kadai."
"Tohm." Tace ta rakata da ido har ta fice. Wayar ta riga ta katse, haka kawai sai taji babu dadin rashin dagawar da batayi ba. Jujjuya wayar ta dinga yi a tunanin ta zai sake kira amma shiru, yunkurawa tayi ta tashi tayi hanyar fita sai ga kiran ya sake shigowa, da sauri ta dawo baya ta rufe kofar kar Dadah ta dawo tayi wata maganar da zai ji, sannan ta daga tayi sallama a hankali chan kasa. Maimakon ya amsa sallamar sai yayi shiru ya fara tunanin dalilin da yasa shi kiran ta
"Ya jikin naki?" Ya tattaro kalmar da k'yar ya fada yana ciccijewa
"Ina wuni?" Ta gaishe shi a maimakon amsa tambayar da yayi mata
"Lafiya, sai anjima."
Kit ya kashe wayar, saroro tayi da waya a hannu cike da madaukakin mamakin sa, wannan wacce irin waya ce? Dariya abin ma yaso bata ganin yadda yayi maganar kamar wanda aka saka a gaba akayi masa dole ya kirata, saukin ta ma shine ya kira da ita ta kira yayi mata haka da tasha dan banzan kunya. Samun kanta tayi da dariya sosai daga karshe da ta gama tunanin abun, sam bata taba ganin irin sa ba, wai sai anjima, shikenan? Ta dauka ma wani abun ya rasa a office ya kira ta, bata ga amfanin kiran nata ba gaba daya. Toh ko dai kira yayi kawai ya duba ta tunda har yace mata ya jiki a farko. Ajiye wayar tayi kawai a dakin ta fice dan idan ta zauna tunanin son gano dalilin kiran nasa zata iya kaiwa dare a dakin bata fito ba.
****Dukkan wani kokari da Yaron Hajiya Zeenat zai yi mata akan Matawalle ya gaza, tun tana ganin abun wasa ne sai kuma jikinta ya fara bata lallai ya shirya mata, shirin da kuma ta gaza gane in da ya dosa, tasan shirun sa ba alkhairi bane a gareta, dan a sanin da tayi masa tasan tabbas da tuni ya neme ta ya kirata ya tabbatar mata da fitowar sa, dan ko a karshen zuwa ganin sa da tayi a prison ta lura da wata halayya daban da ta Matawallen da ta sani dan har ta dinga tunanin dalilin shi na share ta da kin yarda ya biye mata ba kamar a baya ba, idan taje ganin sa ya kan jaddada mata sai ya kaita k'asa in dai yana numfashi a doran k'asa.
Raihana ce ta fado mata, tabbas ita kadai ce a yanzu zata zame mata garkuwa da kuma tsani wajen samun lagon mahaifin ta, da ita zatayi amfani ta sake kaishi kasa wanda zai fi masa ciwo fiye da kaiwar da tayi masa a shekarun baya dan wannan sai yafi jin zafin ace yar cikin sa ce zata aikata masa hakan.
Wannan tunanin ya dan bata hope har ta kara samun kwarin guiwa sosai duk kuwa da chan kasan zuciyar ta, tana cike da tsoron abinda zai biyo baya idan komai a fallasa, amma duk da hakan ba zata karaya ba, dan ita din ba raguwar mace bace ba, tun zamanin kuruciya kuwa ballantana yanzu da ta kai matakin kuloluwa a matakan nasarar da ta tsarawa kanta cimmawa a tsawon rayuwarta. Gida ta koma kawai dan tun fitar safen da tayi bata komo ba, sai dai tayi matukar tsurewa ganin Adam har lokacin yana gidan a dakin sa yana ta sharar baccin asara. Wani wawan duka ta kai masa a gadon baya wanda hatta takalmin kafarsa be samu cirewa ba dashi ya kwanta ruf da ciki ya dage kafafun sama. Dabiar da ya fara kenan chan baya ta shiga ta fita ta samu nasarar hanashi tun Daddyn be farga ba, sai yanzu da kusan komai yazo hannu shine zai dawo ruwa kenan, ya barta da komai ta ina zata fara bayan ba aikin ta bane ba, wa zai cigaba da kula da komai kenan? Idan haka ne karshe fa kenan sai dai komai ya dawo karkashin Aryan abinda ba kuma zata taba amincewa ba dan duk wata dukiya da Daddyn ya tara kusan tare da ita aka tarata dan ita ta taimaka masa matuka har ya kawo wannan matakin da yake kai shine kuma dan rashin alkawari har ya maida komai da sunan yaransa biyu ita da Adam sun tashi a tutar babu. Bata da plan din yiwa daddy komai dan ta gama sakankancewa zai damka wa Adam kusan komai, rana daya ta ji shi yana waya da lauyan sa, daga ranar komai ya chanja ta shiga neman rayuwar sa tun kafin ya nemi ta ta.
Soshe soshe Adam din ya hau yi wajen da ta dake shi, ya tashi yana kumbura fuska ya wuce toilet ya wanko fuskar sa da bakin sa ya dawo ya tarar da ita a tsaye tana jiran sa
"Yanzu tun da na fita kake baccin asara Adam? Ina chan ina kokarin gina maka rayuwa amma shine zaka zo ka kwanta office din ma ka daina zuwa kenan Aryan ya mallake komai."
"Ni bana son komai idan har ba zan samu Raihana ba."
"Raihana kuma? Wai dama wannan maganar bata mutu ba?"
"Wallahi bata mutu ba, kuma son ta nake auren ta zan."
"Tirkashi, akan hakan kake son maida kanka wani na daban?"
"Lallai baka da hankali ma wallahi, idan ma zaka hakura tun wuri gwara ka hakura, mahaifin ta ko mutuwa zakayi ka dawo ba zai baka yarsa ba wallahi,."
"Akan me yasa ba zai bani ba?*
"Saboda baka san waye uban nata ba ai shiyasa zaka tsaya tambaya, toh yar Barrister Matawalle ce, ina fatan yanzu zaka saita hankalin ka waje daya ka dawo hayyacin ka, kasan in da yake maka ciwo."
Fuuu ta fice tana bambamin fada. Shiru yayi bayan ya fita, tabbas ya san waye Matawalle a wajen mahaifiyar sa, sannan yasan duk wata harkalla da ta ke tsakanin su, babban abinda yake damuwan sa shine yadda yaga Aryan ya damu matuka da al'amarin yarinyar, tunda ko last akan ta sukayi fada sosai ya kuma hangi wani abu a chan cikin idon Aryan din.
"Ba zai yiwu ba, sai dai dukkan mu, muyi biyu babu wallahi." Yace yana yin hanyar barin dakin. Dakin Hajiya Zeenat ya nufa ya tarar bata ciki sai wayar ta, dama abinda yazo nema kenan, da sauri ya bud'e wayar ya shiga wajen audios din dukkan wayar da sukayi da Raihana, yayi copying komai akan wayarsa sannan ya ajiye mata wayar ya juya ya bar dakin. Da wannan zai yi amfani yasa Aryan ya tsane ta, tsanar ta har abadah, shikenan kowa ya rasa dan zuciyar sa ba zata iya daukar nasarar Aryan din ba.