← Book details Masifaffen Namiji Part 1 Complete Hausa Novel Local reading mode
READING PART 82 OF 91

Sashe 82

Masifaffen Namiji Part 1 Complete Hausa Novel · about 7 min read

Tafada Cikin kwantar da Murya Sai Abdullahi yaji kamar Jiri na Neman kadashi Saboda kalaman Hafsah Cikin Wani Fushi mai Tsanani yace"Ita tace Haka..? Kai Hafsah ta Sunkuyar kafin ta Ture Filet din gabanta ta Mike Sai da ta Shimfidar da Noor kan kujera ta Dago Tana Fadin"Nidai ina kara baka Hakuri Abb..."Bata idasa ba Taji ya Damki Dankon Hannayenta Da karfi ya Girgizata yana Fadin"Tambayanki nake ki gayamin ita tace haka..? Yafada Cikin Tsanani Fushi sai da Hafsah ta Tsorata Domin Duk Fushin Abdullahi bata taba ganinsa Cikin wannan Fushin ba.

Cikin Rawan Murya tace"E..eh ita tace min haka.."Ido ya Runtse kafin yace"Wani Abu ya Faru bayan Bana nan ko..? Yafada yana kureta da ido Girgizamai kai Tayi Tana Fadin"Bafa Abunda ya Faru Abban Amira.."Karya kike..Wani Abu ya Faru..? Ya katseta Cikin Daka mata Tsawa kafin ya Cigaba da Fadin"Zaki Fadamin Abunda ya Faru ko kema sai Ranki ya baci..?

Yafada yana Sakarmata Jajayen Idanuwansa Numfashi ta Sauke ta karya Wuya tana Fadin"Abban Ami.."Ashe ke ba Wakiliya ta bace in bana gida..? Kice makwafina in bana Gida Hafsah Saboda Haka ki Fadamin Abunda ya Faru yanzu Ina Jiranki.."

Hafsah ta Runtse ido ta Bude Zatayi mgana kawai ya saketa yana Fadin"In baki Fadamin ba.Ban yafe miki ba Hafsah kuma bazan Taba yafe miki ba indai baki Sanar dani Abunda ya Faru ba bayan bana nan.."Yafada yana Kokarin Controlling Din Fushinsa Ido Hafsah ta Zaro Tana Fadin"Baka yafemin ba Abban Amira..?

Cikin kakkausan Murya yace"EH BAN YAFE MIKI BA HAFSAH MATUKAR BAKI SANAR DANI BA.."jin haka yasa Hafsah bata da Zabi Tiryan Tiryan ta Shiga Zayyanamai komai Har karshe ta Karishe da Fadin"Plz Abban Amira karka ce zaka yi wani Abu..Ka bari ka wuce yanzu kana Cikin Fushi ne plz.."Ko Sauraranta bai yi ba ya saka kai zai Fice ta Bishi Ta Riko Hannunsa Tana Fadin"A"a Abban Amira ina zaka..? In kayi mata wani Zarginta zai Tabbata akaina tace na Hada mata Gulma Na Shiga Tsakaninta da Mijinta Don Allah ka kyaleta Ni Tayi mawa kuma Wlh komai ya wuce..'"

Fizge Hannunsa yayi yana Haki yake Fadin"Wlh karya take Hafsah..Ita Wacece..? Ita din Banza da Wofi Ita Har ta isa ina Auranta Tana Karkashina tace zata zo Gidana ta Raina ni ta kuma Raina min mata..? Me take Takama dashi...? Wlh sai ta gane bata da wayau matukar bazata Darajani ba Kuma bazata Girmamaki kamar yadda Ni da Sauran yan"uwana muke Girmamiki ba Wlh sai dai ta bar Min Gida Bazan Dau iskanci ba Kinjima na Rantse.."Hankalin Hafsah ya Tashi ta Dafe Kirji ko kafin tayi wani yunkuri ya fice ta Bishi da Gudu Tana Fadin"A"a Abban Amira karkayi haka.."

Waigowa yayi yana Fadin"Ki koma Daki Hafsah.."Taki komawa tsawa ya Dakamata wanda Harta Barkat Dake Dakinta sai da tajita Cikin Kakkausan Murya yana Nuna mata Hanyar Dakinta yana Fadin"Ki koma Dakinki ki Zauna...Babu Abunda zaki iya yi, awannan al"amarin saboda Haka Babu Ruwanki.."Daga haka ya Barta nan tsaye ya Banga Labulan Dakin Barkat ya Shiga Cikin Fusata.

Baya Hafsah taja ta Dafe Kirji Tana Fadin"Innalillahi Wa'inna illaihirraju"un.."Domin a yanayin Abdullahi kadai ta Tabbarta da kalamsa Tsoronta kuma Tasan baza"ayi mai kyau ba kasa komawa Daki Tayi Taja ta Tsaya Cikin Zullumi.

Barkat na Tsaye Tun Bayan Jin Tsawan da Abdullahi yayi ta Mike Tana Tunanin ko lafiya..? Bata gama Tunani ba taga ya Fado gabanta kamar wani Zaki Cikin Hargowa ya Nuna ta da yatsa yana Fadin"Me kika Fadama Hafsah dazu..? Wasu irin mganganu kika Fadamata Dazu Data Shigo Dakinki ta Dubaki ko kina lafiya...?ya fada yana Huci kamar wani mayunwancin zaki.

Barkat Ta saki baki tana kallonshi kafin tayi wani Munafukin Mirmishi Tana Fadin"Ba Shakka ashe harta Gaya maka..? Oho na gane ta Zugo ka ne kazo kamin Tijara Saboda an Taba yar gwal..? toh bude kunninka Ba komai nace mata sai Munafuka mai Fuska biyu mai kuma Kokarin Raba mata da Miji..."Bam..! Abdullahi ya saka Hannu ya make mata baki yana Huci Cikin mamaki ta Dafe bakinta Tana Bin Abdullahi da kallo kafin tabi Hannunta da kallo ganin Jini yasa ta Saki Kuka Tana Fadin"Kambu kan Na Fadi gaskiya ka Fasa  min baki..?

Abdullahi yace"Kadan kika gani..In kika kara Zagin Hafsah sai Na zabga miki mari Wlh Sakarya kawai mara Tunani.Karya akayi bata Fiki komai bane..? Ke Uban me kika iya..? Ina ce a zaman Aure Ginshiki Shine Hakuri ladabi da Biyayyah ga Abokin Rayuwarka ke ki Fadamin in kina Kare Guda Daya Baki iya komai ba sai Girman kai kishi mara amfani Kina Kishi da wacce tafiki Komai..na fada na kara fada Hafsah Tafiki Komai Barkat maimaikon Kiyi Kishi Da ita wajen kwaikwayom kyawawan Hallayarta sai kike kishi da ita Wajen Kokarin ki Wargazamin Zaman Gidana kina zagin Uwar ya"yana mata ta Farko matar Rufin Asiri na ko..? Toh baki isa ba Wlh Kin kuma yi karya Wlh ni Abdullahi komun son da nake ma mace bata isa tazo gidana ta kawomin wani iskanci ba Cikin biyu za"ayi Daya ko Ta Sauya Halinta mu zauna Daya ko kuma ga Hanya nan ta kama Gabanta ba Lalle ba Dole.."Ya karishe Fada yana nuna mata Hanyar Fita.

Barkat da Kuka yaci karfinta ta Dage iya karfinta ta kurman Ihu wanda ya Tsorata Hafsah ta Fada Dakin da Gudu a Tunaninta Abunda Abdullahi bai Saba bane yake yi wato Duka,Sai kuma Taga sabanin haka Tsayawa kawai Tayi Cikin Damuwa,Barkat kuwa Data ganta sai Tayi kukan kura tayi kanta Abdullahi ya Shiga Tsakani Ya Daga Hannu zai mareta Hafsah ta Tare tana Fadin"A"a karka Fara Abunda ka kyamata Abban Amira.."Fadin Haka yasa ya maida Hannunsa yana Jifan Barkat din da wani banzan kallo.

Ita kuwa Baya Taja Cikin kuka Tana Fadin"Lalle kin Ciru Tuta..Tunda kika yi Sanadiyar da Aurena ko Wata uku bai Cika ba,Ammh kin Saka Mijina yana Cemin zan iya karawa gaba bai Damu ba..Zan Tafi Domin Shi ya Bukaci Haka ammh Ki sani yadda kikayi Sanadiyar Wannan rashin Jituwar da mijina kema.."Bata karisa ba Abdullahi yaja hannunta keeee.sai Kofar Dakinta ya Wurgata sai gata Waje tama kusa Fadi Nuna Mata yatsa yayi yana Fadin"Na baki Minti Goma kachal ki Kama gabanki..Gidan Abdullahi ba wajen zaman irinku bane...Kije Gida Akara baki Tarbiya Domin kwata kwata baki Dashi Sannan Abu na karshe ina kara gargadanki Kada ki kara kuskura Bakinki ya Bude ki kara aibata matata Im kuma kika ji Wlh bakya ki gani ba...Wawiya kawai Jahila wacce iliminta bai amfaneta da komai ba.."Daga Haka yaja Hannun Hafsah Datake ta Faman bashi Hakuri Suka Shige Dakinta Lokaci Daya da Bango kofa.

Da kallo Barkat ta Bisu kafin ta Sulale nan tana kuka mai Cin Rai kamar zatayi Hauka,Gefe Daya tsanar Hafsah na kara Shiga Ranta Tuna kalaman Abdullahi yasa ta Mike ta Share Hawayenta ta koma Cikin Dakinta ta Hada kayanta Cikin karamin akwati ta Dauki Wayarta da karamar Jakarta sai Littafan karatunta na makaranta Domin sun kusa komawa makaranta tafito ta Rufe Kofarta da Makulli lokaci Daya Tana Duba agogon  wayarta 10:10pm na Dare  ba ta kara kallon Barayin Dakin Hafsah ba ta Ja akwatinta taje ta Bude Gida ta Fice tana Tsiyayan Hawaye.

Hafsah Dake Zaune gefen gado Ta kalli Abdullahi Dake kwance ya Juya mata baya tace"Abban Amira ta Fita fa..? Don Allah kaje ka Dakatar da ita ka dawo da ita Don Allah.."

Ta Fada kamar tayi kuka,Cikin Fushi Abdullahi ya juyo Lokaci Daya da mikewa yana Fadin"Bazan Dakatar da ita ba Hafsah ammh in kin Damu da ita kije ke ki Dakatar da ita.."Yafada yana sakarmata ido Mikewa tayi Cikin Farinciki Zata Fita Taji ya kira Sunanta ta waigo Tana kallonsa Cikin kakkkausan murya yace"ammh da Sharadi..Sai dai indan kin Fita kin Dawo da ita Badai Gidana ba kema ki bita ku Tafi Gidanku Gabadaya.."Ya fada yana Kallonta Lokaci Daya yana mikewa ya Tura Kofar Tailet ya Shiga Cikin Fushi.

Ajiyar Zuciya Hafsah ta Sauke ta Dawo ta ZAUNA gefen gado kusa da Noor Tana Fadin"Ya illahi..Allah ka saussauta Wannan Zuciyar ta Abban Amira..Allah ya Daidaita tsakaninsa da Matarsa kada Auran nan ya kare  kowa ya Doramin laifi.."Tafada tana Share Hawayen idanuwanta.
Chapter 82 · 0% Book details