← Book details Masifaffen Namiji Part 1 Complete Hausa Novel Local reading mode
READING PART 61 OF 91

Sashe 61

Masifaffen Namiji Part 1 Complete Hausa Novel · about 8 min read

Ranar asabar ya Dauketa a Mota suka Fara Zuwa Hajiya Lariya suka Mata Sallama Taji Dadi Tayi ta saka musu albarka sun Dade kafin su mata sallama Ta bama Jidda Kyautan Su Gumba da kuma Hadin kwakumentin Mata Da yawa Bayan ta mata Nasiha da kuma wasu Shawarwarim zamantakewa Daganan gidan Hajiya Sa"a suka yada zango Daman ta san da Zuwansu anyi musu Girke girke sai wanda ya gani,Hajiya sa"a sai wani Sunne kai Take ita mai Suruki Taji Dadin ganin yadda Jidda ta samu Jin Dadin Rayuwa kuma Hakika sai yanzu Zuciyarta ta samu Natsuwa Ita ta Rikesu sai gabda mangariba suka Fito Daga Gidan Bayan tayi musu Nasiha kuma ta saka musu albarka Gefe Daya kuma ta Jadaddama Nazifi karya manta da Cigaban karatun Jidda yace mata Da sun koma Abunda zai Fara Neman mata kenan Tunda Jarabawarta Duka sunyi kyau.

Ana mangariba suka Shigo Gidan Inna Abu Tana ta maraba dasu,Nan yabarta yayi alwala ya Fita Zuwa masallaci,bayan an idar suka Shigo da Baba wada nan ma Basu Jima ba sallama ne da yan Nasihohi suka Biyo Baya Daganan sai Gidan Mama nan din ma Ko Minti Talatin Basu yi ba suka musu Sallama Jidda Har da kuka ta Rumgume Mama da Mariya Auwal na gefe nayi musu Dariya Daga gidan Mama gidan Subai"a sukaje sai dai ta gansu kwatsam Itama Sallaman suka mata Subai taja Jidda Ciki ta kara mata wasu Shawaran kuma ta Tabbatar mata tanayin yadda suka Koyarda ita Subai Taji Dadi ta kara Nuna mata karta wani Damu ko da Sun koma Kaduna Sakina ta Dawo karta Fasa Abunda ta saba tace Insha Allahu.

Gidan Abdullahi ne karshe Suna Shiga Gidan ana ta Kiraye Kirayen Sallar Isha"i Abdullahi baya Gida bai Dawo Daga Wajen aiki ba Kila ya Tsaya a Shago ne,Nan Nazifi ya barta ya Fita masallacin Layinsu Hafsah yayi sallah Isha"i Sun so Tafiya Hafsah tace su bari Abdullahi ya Dawo sai Tara Saura ya Shigo Gidan Daya gansu Fada ya kama yi Sun yi Dare sama sama Sukayi sallama ya kara Ja ma Jidda kunne sosai kana sukayi musu Sallama Suka Tafi Har Waje Hafsah da Abdullahi sukayi musu Rakiya suna Daga musu Hannu.

Da suka koma Gida Kayansu Suka Shirya kawai..Shi Daman bai da wasu kaya Jidda ce..Kayan sawa kawai yace ta Dauka Komai na Bukata akwai akwatunanta Biyu ta Cika da kaya Sai Daya na kayan Kwalliya Da kayan amfaninta Sun gaji Wanka kawai Sukayi Suka Kwanta Washegari Tun karfe 6am da wani Abu na Safe suka Dauki Hanya bayan sun Biya Sun bar ma Mama key din Gidan Daya kawai suka Tafi Dashi Koda wani Abu zai Taso.

Sun isa Wajen Misalin Goma na Safe,Jidda Tana ta mamakin Girman Gidan,Domin Taga ya kara mata Girma akan zuwan da suka Taba yi,Dakinsa ya Sauketa,Daga ganin gidan Sakina bata Lekosa ba Tun Bayan Tafiyarsa Zagewa yayi ya Taya Jidda suka Taftace ko"ina kana ya Sake Wanka ya Dau key din Mota ya Fice Da cewa zai Je wajen aiki Dagachan zai Biya ya yomusu Takeaway Kada tayi Girki ta amsa mai Da Tom ammh Ranta ba Dadi zai barta ita kadai agidan Tunda Daga Dukkan Alamu Sakinar Bata garin.

*******

Zaune yake a Office ya Tsurama waje Daya ido yana Tunani Hausawa Sunce ka gaida mai Gaisheka,Kimanin Wajen Wata Daya kenan kullum sai Barkat tayi mai Sakon Fatan alheri na Safe Dabam na Rana Dabam Tun Baya maida kai Hardai ya Fara maida mata Reply din Godiya Koda ba Kullum ba Lokaci Bayan Lokaci.

Acikin Ranshi Bai kawo komai ba...Hankalinsa ba"a kwance yake ba Shiyasa bai Fahimci kwana Biyu bai ga Sakonta ba,Domin Tun Bayan Hidimar Bikinan Dayayi Kudadensa Duka Suka kare Shagoma ba kaya Ga Bankinsa ba wani kudi Sosai 30k ne ya bari aciki na Siyan kayan Abinci Tunda Wata tayi Nisa ga Hidimar gininsa Dama Shi ya Tsaya Cak An gama komai Interlock din Farfijiyan gidan ne ba"a saka ba sai Fenti da kuma kayan Furnitures Domin Komai Sabo yake so ya Zuba Gashi bashi da kudi ga Haihuwan Hafsah bai Tanadi komai ba Ko Biyar bai bata na Ajiyar Haihuwa ba,Gabadaya Baya Cikin Natsuwarsa,kuma Shi ba Mutum bane mai Neman Bashi ba Gwarama ya Nemi loan a wajen aikinasu Allah barshi Duk Wata sai a Dinga Cirewa Cikin albashinsa Daya je nema awaje sai an gama jin Sirrinka Daga karshe ace Babu Cikin Tunanin Mafitan ne ta Fadomai arai Wayarsa ya zaro ya Shiga Wajen ma"ajiyar sako yana Duba Sakonta na Karshe wajen kwana Biyu kenan Tun Sakon Datayimai Da Daddare Sakonta bai kara Shigowa ba.

Sai ya Fara Tunanin anya Lafiya..? Bata Taba Tsallake Rana ba Tun Bayan Data Fara Turamai Sakon gaisuwa Sai wannan karon Tuni wata Zuciyar tace mishi ba Lafiya Tabbas Da Farko yaso ya Kira Layin nata Duk da bai Ma Adanata acikin Wayarsa ba Domin Abun bai Dadashi Da kasa ba Duk da Yafara Tunanin inda yarinyar ta Dosa a kanshi ammh Baya Tunanin zai bata Fuska basar da wannan Batun yayi ya Cigaba da aikinsa ammh sai me Zuciyarsa ta kasa Natsuwa yana ji kamar bai kyauta ba ko Bakomai ka Damu da wanda ya Damu dakai.

Tuna Haka yaasa ya Dauko Lambar Nata Daga ma"ajiyar Sakonninsa ya Kirata Tayi Ringing Harta Gama ba"a Daga ba Saiya kara Kira nan ma Ba"a Daga ba Tabe baki kawai yayi ya Shareta Daganan ya Tatattara Zencenta ya watsar Ya Cigaba da aikinsa Ya ma manta da ya Kira sai Da yana gabda Tashi Daga Office yaji wayarsa na Ringing Ya Dauko ya Duba baima Gane lambarba Domin ba Lamban wayarta ya Rike ba ya Daga Kiran da Sallama.

Dagachan Bangaran Bahiya Dake Haraban Asibitin Muslim Specialist Hospital Danmagaji ta amsa Sallaman Nashi Cikin mamaki Domin Ita ta zata Ko yar"ajinsu Anty Barkat din ne Duk da Taga Wani @ haka ta Sanya ma Lambar,Lokacin Daya Kira Wayar tana Jaka ita kuma Taje Siyo magani a pharmacy,Koda ta Dawo kuma Bata samu Duba wayar ba Baki Suna ta Zuwa kuma Suna Tare da Hajiya ne Yanzu ma ta Fito Rakasu ne sun Koma Gida ita da Bahijjat,Hajiya bazata Dawo ba Bahijjat ce zata Dawo kawo mu Abinci Tunda Tun Shekaran Jiya aka kawo Barkat din Ulcer dinta ayatashi kamar baza ta Rayu ba,suka kwasota zuwa Asibiti.

Cikin Mamaki Bahiya tace"An wuni lafiya..? Abdullahi ya amsa Shima Cikin mamaki bai Samu Zarafin mgana ba Bahiya tace"Amh..Mai Wayar Anty Barkat bata da lafiya Tun Shekaranjiya muna Asibitin musulmi an bata gado.."

Abdullahi yace"Subhanallahi...Meya sameta..? Bahiya tace"Wlh Ulcer dinta ce tatashin mata..Ammh da Sauki.."Abdullahi yace"Ayyah....Allah ya bata lafiya.."Ta amsa da Ameen da Haka Tayi mai sallama ta kashe Wayar,Abdullahi yayi Jim yana wani Tunanin kafin ya kada Kai Karamar Jakarsa ya Dauka da Key din Mashinsa ya Fice yana Tunanin in ya koma gida yayi Wanka kila yaje asibitin ya Dubata.

*Domin Biyan Kudin Karatu akan Littafin Ra"ayi ne ko Buri..? Zaku iya Tura kudin karatunku ₦200 Kachal akan wannan asusun bankin 0552179550...JAMILA UMAR GTB,Sai a turo Shedar Biya ta wannan layin wayar 09069067488,In kuma Katin Waya ne zaku iya Turowa ta wannan Layin 09027767783 kai Tsaye Bayan Mutum ya Dauki Hoton katin...Ga masu Bukatar VIP zasu Biya ₦500 ne ta Lambar asusun Dana bada a sama....! Mutanenmu na Niger kuma Zaku iya Tuntumbar My Jika aglan Nissa ta wannan Layin +22794131747....Sai kunzo Masoyana*
Y

*Shakira...*
*MASIFAFFAN NAMIJI..!*

*Wattpad:JamilaUmar351*
*Mallakar:Janafty💞*

*Dedicated To:My Habibaty💞 Aisha Idris Abdullahi..*!

*031*

"Bai Shigo Gida ba sai da ya Tsaya Masallacin kan Hanya yayi Sallar mangariba kana ya kariso Gidan,abinci kawai yaci Sama sama yayi Wanka Hafsah Tana Falo Tana Tattara Kololin Da Sukaci abinci Su Amira kuma nata Waasa ita da Amir.

Kwashe komai Tayi takai Kitchen,Ta Rufe Kitchen din kana ta Dawo Daki Bedroom dinsu ta Wuce kai Tsaye Abunda ya bata mamaki ganin Abdullahi Tsaye yana Saka Links din Hannayen Rigan Yadin Dake jikinsa mai Ruwan Golden Cikin mamaki Tace"Abban Amira Fita zaka sake yi..?

Fuskarsa ba Walwala yace"Eh..! mamaki ya Kamata ganin indai Ya Shigo gida bai Cika Fita ba ko wani Waje zashi kafin ya Shigo Gida yake zuwa uzurinsa in kuma ya Shigo Da Wuya ya sake Fita sai kuma Gobe,Kallonsa ta karayi Ganin ya isa Gaban Madubi yana Yin Cubbing din kansa Kafin ya Dauki Hulansa Kalan kayansa Ya Saka yana Duba kansa a madubi.

Kasa Hakuri Tayi ta Sake Tambayanshi"Ina Zaka Abban Amira..? Naga Dare yayi kuma baka Fita in ka Riga ka Shigo Gida.."Dagowa yayi yana kallonta Cikin Mamakin yadda ta Damu da Fitarsa bai Saki Fuska ba Yace"Eh ta kama ne...Zanje asibiti ne Duba Mara lafiya.."Daga Haka kawai ya Wuceta Zuwa Falo Ta kada kai Tabiyo bayansa Key din Mashinsa ya Dauka yana Ma su Amira Tsawa kan su Daina Mugun Wasa,Dole suka Natsu kallon Hafsah yayi yana Fadin"Sai na Dawo.."Jikinta a Sanyaye Tace adawo lafiya Tana kallonsa ya Fice Kamshin Turaransa kuma ya Samu Wajen zama afalon.

Kasan Cafet ta koma Ta Zauna ta Mike Kafa,Ammh acikin Ranta Haka kurum Take ji ba Dadi Wani Tunani naso ya Shiga Ranta Game da Fitar da Abdullahi Sai Tayi Saurin Kauda Wannan Tunanin ta Kira Amira tace ta Dauko Sch Bag dinta ita da Amir Suzo in an Basu Homework suyi Da Gudu kuwa suka Shiga Dakinsu Amir na Fadin Shi zai Dauko Jakarsa da kansa da Kallo Hafsah ta Bisu Domin Daga Fuskarta Bata da Walwala.

Awajen Kofar kibo ya Tsaya ya Siya ayaba da Lemo,sai Kankana da kuma Maltina Guda Goma,ya Hada Dashi,kana ya Wuce yana Zuwa Cikin Asibitin ya Faka Mashin Dinsa kana ya Kira Wayar Barkat din sai Bahiya ta Dauka yace mata gashi yazo wani Daki suke tace suna Wajen Female ward a Aminity 2 Kashe Wayarsa kawai yayi ya Dauki Ledansa Dake Gaban Mashin ya Wuce Dayake Asibitin ba Bakonsa Bane yasan Dakunan.
Chapter 61 · 0% Book details