← Book details Masifaffen Namiji Part 1 Complete Hausa Novel Local reading mode
READING PART 35 OF 91

Sashe 35

Masifaffen Namiji Part 1 Complete Hausa Novel · about 8 min read

Ganin Kallon Datake mata ne yasa Hafsah tace"Kallon fa..? Nanawa ne..? Subai tace"Ke zan Tambaya naga kingama Chart da Yayanmu kina ta Sauke Numfashi kodai kodai..?Cikin Sauri Hafsah tace"Kodai me..? Subai na Dariya tace"Kodai ana Bukatar Yayan Namu ne..? Wani Duka Hafsah ta Dakama Subai tana Fadin"Kefa yar iska ce. ? Mugun saka idonki yayi yawa kina waya da naki mijin ammh hankalin na wajena ko..? Sai na Fada masa Allah."

Subai na Dariya Tana Fadin"Yo yau naga ikon Allah Ina Laifina gani nayi kuna gama Mgana kin Hau Nurfafashi Dole na maganta.."Tafada tana kashema Hafsah ido Daya,Kafin Hafsah ta Bude Baki tayi mgana Wayarta ta Shiga kara Da Sauri Subai ta Saka Hannu ta Dauki Wayar ganin An Saka *HUBBY*❤️ yasa Tagane Abdullahi ne,Mirmishi ya kwace mata da Dariya tace Tana Kallon Hafsah.."Lalle Su ya Abdullahi manja...Ahe Hubby ne kuma.."Tsaki Hafsah tayi ta Fizge wayar Tana Fadin"Bai kai a kirasa da Hubbyn bane.? Ko me kika maidashi Yar rainin Hankali.."Ta karishe fada Tana Hararanta Dariya ta kama Subai tanayi Har tana kara kwanciya kan Katifar ita kuma Hafsah sai ta Juya mata baya ta Daga Kiran Kafin tayi mgana Taji Abdullahinta ya Saki kakkarfan Ajiyan zuciya Cikin Rudewa tace"Abban Amira me ya Faru..?

Shagwabemata yayi yana Fadin"Umh.Uhm bake bace..! Itama Cikin Tabaran tace mai"Ni kuma.?me nayi..? Ta fada tana wani karya wuya Kamar wata karamar yarinya,Baki kawai Subai ta saki Tana kallonta,Dagachan Bangaran Abdullahi yace"Ina ta Kiranki baki Daga ba...Zuciyata har ta Fara Zafi Hafsatuna.."Karya wuya Hafsah ta sake yi kafin tace"Afuwan Megidana..na dan Fita ne Shiyasa.."Cikin Kaguwa Abdullahi yace"Ina kika je kuma da wannan Daran..? Da sauri Tace"Ba fita nayi ba..Tsakar gida na Fita naje nayo Fitsari Kafin mu kwanta.."Ajiyar Zuciya ya Sauke yana Fadin"Kina ina ne..? Gidan goggo..?

Hafsah tace"A"a muna makotansu inda muka kwana Jiya..Chan ba wajen kwana Don ma yau an ragu wasu sun Bi amarya.."Abdullahi yace"Eh yanzu Muka gama waya da Umma take Fadamin ita da Inna Abu sun raka Amarya Malumfashi.."Hafsah tace"ai kam mu sai gobe zamu je mu ga Daki in Allah ya kaimu.."Yace Allah ya kaimu Plz Hafsatuna ki Dawo Goben Allah gidan yayi min Girma Ina jin kewarki Sosai.."

Hafsah tace"Insha Allahu ko bamu Dawo gobe ba Jibi Tun Safe muna Tafe.."Ba haka yaso ba Dayake Goggo Habiba ne sai yace"Ok Allah ya kaimu ina Yaran nan ne..? Subai da Zannira..?

Hafsah tace"Ga Subai nan Zannira kuma Tana Ciki mu muna Falo ne.."Baki ya Tabe yana Fadin"Sai da safe...Ki kularmin da kanki kinji ko..? Hafsah tace"Insha Allah..kaima haka.."Dagahaka suka yanke Kiran Sai ji kawai Hafsah tayi Subai ta Fado mata tana Fadin"Ke daman Haka ya Abdullahi ya iya Rage murya yana Shagwaba..? Ashe dai ba Masifa kadai ya iya ba.."

Hafsah tace"Allah zan gayamai kina mishi Labe in yana Waya da Matarsa.."Da Sauri Subai tace"Rufamin Asiri Don Allah..Kada ki kara jamin wani Fadan Bayan wanda dazu nasha.."Dariya ta kama Hafsah itama Subai din Tana Tayata Kwanciya suka gyara Lokaci Daya Suna Cigaba da Hira Cikin Hiran ne Hafsah ke tambayan Subai Labarin yayar Mijinta nan take Fadamata Tunda Ummi tazo ta bata Hakuri kuma tace zata jama Uwanin kunni Shikenan Daga Lokacin ko Haduwa sukayi Sai dai Harara Daga nesa Hafsah ta gyada kai tana Fadin hakan yafi Gwara kowa ya zauna iya matsayinsa,Suna Cikin Hirar ne Barci ya kama Hafsah ganin haka yasa Itama Subai din tayi addu"ar Barci ta kwanta.

Washegari Tun  wajen 10am na Safe su Hafsah da Zannira da Subai sai Jamila da wasu Jama"ar suka Tafi malumfashi,Wajen azahar suka isa Dama anyi Danki wasu kaya ne suka Tafi dashi na kitchen sai akwatunan amarya da Sauran Kayan amfani Sun iske Su Umman Sadiq sunyi wanka suna ma Ta Shirin dawowa ne,Nan suka Hadu suka kara gyaran gidan Amarya Bayan sun gama Manyan su Umman Sadiq da Wasu Daga Cikin Dangin Babanta suka mikata gidan Surukanta Dayake ba Nisa da Gidan Da yaron ya gina chan suka Barta Daganan Tashar Mota suka kara samu zuwa Danja,sai Dare suka iso Goggo Habiba sai Hamdala take tana kuma Fatan Yadda komai ya gamu Lafiya yasa Baki su koma Gida Lafiya.

Washegari Tun 11pm na safe yan Zaria suka taso wajen 1saura na Rana suka iso Gidan Mama suka yada Zango Daman nan ne Daba,Yara suna ma iyayensu oyoyo,Sun Sauka ba Dadewa Zannira Auwal ya Rakata Tasha tayi Tashan Golf zuwa Kaduna taso ta bari sai gobe ammh Mijinta ya Hana Dole ta koma aranar,subai da Hafsah ne suka kai Dare,Inna Abu kuma Suna Sauka ta karisa Gida.

Da daddare Bayan Abdullahi ya Taso Daga wajen aiki ya Biyo,akuma Lokacin ne yace Mama ya yanke Hukunci aure zai yi ma Jidda sai Lokacin ya gayamata Abunda ya Faru Ranar da sukaje Daurin Aure,Jin Haka yasa Mama ta goyi Bayansa Umman Sadiq ne kadai tace A"a kada ayi gaggawa abari ta ida karatunta,jidda na Jin haka ta Fara kuka tana bama Abdullahi Hakuri sai da aka kai Ruwa Rana da Taimakon Umman Sadiq ya yarda zai barta ta Zana WEAC DA NECO dinta wanda sun kusa Farawa ammh da Sharadin in ya kara ganinta da wani Saurayi batare da Wa'adin Daya Dibarmata ya Cika ba wlh ko Shawaran su Mama bazai Nema ba sai dai taji Ya bada ita Sadaka ga koma waye kuwa Jin haka yasa ta Tsorata sanin Halinsa kaifi Daya ne, in yayi mgana baya Chanzata kuma in yace Eh toh eh din ne Har Abada.

Subai ta Fara Tafiya Gida Mijinta yazo ya Dauketa ita da yara Hafsah kuwa sai wajen 11pm na Dare Abdullahi ya kwasheta ita da yara zuwa Gida,Duk da Ranar ta gaji gata gajiyan tafiya gata Zirga zirga ammh Abdullahi bai Daga mata kafa ba sai da ya nuna mata yadda yayi kewarta kamar yadda yake Fadi,Washegari kuma Goggo Habiba ta kira kowa tamai Bangajiyan Biki tace kuma Tana nan zuwa Tamusu Bangajiya Dama kuma sun zo da Sakon Su Cincin dasu Dubalim wanda tace abama Mama ta Rabama wanda ya dace.

******

*After 3 Month..*

"Zuwa Lokacin Dai haka Abubuwa sukayi ta Gudana Da Dadi ba Dadi,Bangaran Hafsah da Abdullahi kuwa komai yana Tafiya Daidai Kusan dai yanayin na Abdullahi Watarana Dadi Watarana kuma Madaci Dayake Hafsah Ta Riga ta gama Saninsa Bata Biyemai ta Riga ta san Halin mijinta Baya son Raini yana son abashi Girmansa Shiyasa ta zama mai Biyayyah da Sadda kai,komai Cikin Taka TsanTsan take bata kaunar Taga tayi Abunda zai batamai Rai Ballatana Har wani Fada ko karafinsa ya Shiga Tsakaninsu.

Bangaran Sakina kuwa da Nazifi Babu Chanji sai Abunda ma yayi Gaban Nazifi ya Riga ya gama Fita Sha"anin Sakina ya ijiyeta a onesite,Ya kama Harkan gabansa ,Mganar neman Auransa kuwa Tunda sukeje Gidan Salisu Engr,bai kara komawa wani waje ba,Bawai ya hakura Da karin Auren bane a'a yana so sai zuwa gaba in yaga wacce zata iya Rikesa Ba kamar sakina Datayi ma Rayuwarsa Rikon Sakainar kashi ba,Yana son in zai kara Aure yayi Shi Don Allah da kuma yarda sunnar Manzo ta tanadar Baya son ya kara Tafka irin kuskuran Daya Tafka a Baya.

Ganin Ginin Abdullahi nata Nisa yasa Shima Nazifin ya Fara Gina Filinsa na Gaskiya tare da Taimakon Shawaran Abdullahi Data Baba wada,Sai kuma sukayi Tunanin gwara su koma Masters dinsu,kafin abubuwa su sake yi musu yawa Abdullahi dama Tun Tuni ya Turama Office dinsu Takardan yana so ya karo karatu kuma An Riga anyi approving din Requesting nashi shi bai maida kai ba,ammh mganar Nazifi yasa ya maida kai kan Karatun Dukkansu atare suka yanke Shawaran zasuyi,Tunda Dama Shi karatun Masters ba kamar Digiri bane ba koda yaushe kake Shiga makaranta ba,Wani Lokacin ma sai kayi Sati baka Shiga ba, Tunda Daman ga ayyukansu da kuma iyalansu,Abdullahi ABU Zaria ya nema Shi kuma Nazifi sai ya nemi Kasu Kaduna State University kuma Cikin ikon Allah Dukkansu suka samu kowa kuma abangaran Daya karanta kafin kace me har sun kamallah Registration sun Fara Karatu.

Cikin wannan Lokacin ne Jidda tayi Candy dinta Sai jiran Sakamako,Yanzu Zuwa gidan Mama sama sama ne Abdullahi baya samun Wani Lokacin kansa gana office ga na makaranta Shiyasa Wani Lokacin sai ya kwana Biyu bai je gidan Mama ba in ma zai je a gurguje yake zuwa ya Fito Shi kanshi Nazifin Sai yayi Sati Biyu Zuwa Hudu bai Shigo Zaria ba,wani Lokacin sai yazo Duba gininsa,ko kuma yazo gaida su Baba wada,Dukkansu yanzu basu samun Lokacin kansu Ballatana na iyalansu gwara ma Abdullahi yana Bama Hafsah da Iyalansa Kulawa daidai gwargwado,Nazifi kuwa Bai Damu ba Sakina na Abuja sai tayi Sati uku bata Lekosa ba Shima bai damu ba yana ta karatunsa ya maida kansa Busy,In Sakinar bata zo ba,baya Damuwa kamar baya Ita kanta ta sani Domin ko Masters din Daya Dora bai Gayamata ba sai da tazo Tagani tayi mamaki Sosai ganin yanzu Nazifi ya Daina Damuwa da Lamarinta kamar baya Shi kuma ya maida kansa Busy ne saboda samun Saukin wasu abubuwan kuma ya samu Yanzu bai Cika Son Damuwa da wata Sakina ba Azumi yake Litini da alhamis,in tazo ta bashi ya karbi Hakkinsa in bata bashi ba baya Matsama kansa wajen nema,Ganin haka yasa Sakinar ta Fara Shiga Taitayinta ta kan dawo Bayan Sati Biyu ta kwana uku Zuwa Hudu kafin ta koma Ammh Duk da Haka Bata Dada Nazifi da kasa Da zuwanta da Rashin Zuwanta Duk Daya yake Daukansu saboda bata da kunya Har da Complain ta Faramai da Zargin Cewa ko ya Fara neman mata ne Ranar yayi Dariya kamar zai kwanta a kasa Abun ya Bashi mamaki bai iya ce mata Komai ba kawai ya Fita batunsa aransa kuma ya Jinjina Rashin kunyar Sakina yaTabbatar ma kansa Duk Iskancin Datakeyi Shine ya sakarmata Shiyasa ammh Daya Fahimci Fita Batunta Shine Matsala sai ya nuna mata Shi yama Fi son tayi Rayuwar Yancinta Domin Cikar Burinta ba Damuwa Tun Sakina na Mamakin Nazifi har ta Daina Har Bincike ta saka akayi mata ko yana Bin mata ne..? Ko kuma Aure zai kara ammh bata sameshi da Ko Daya ba sai tayi Tunanin Kila Shima ya Fara gane Abunda Ta Dade tana nuna mai ne.

****
Chapter 35 · 0% Book details