← Book details Masifaffen Namiji Part 1 Complete Hausa Novel Local reading mode
READING PART 70 OF 91

Sashe 70

Masifaffen Namiji Part 1 Complete Hausa Novel · about 8 min read

"Hafsah na Ciki Tana Jinsu Duk Mganar da sukayi da Subai Tana Jinsa yana Tambayanta da amsan da Subai ta bashi Dama Tana Zaune Gefen gado ne, da Katon Cikinta agaba kwata kwata bata da karfin gwiwan kallon Abdullahi cikin kayan Angwanci Kuma wai da sunan zai mata Sallama zuwa Dakin Amarya Zuciyarta bazata Dauka ba,Tana Jin Tahowarsa zuwa Cikin Bedroom din Tayi Zumbur ta kwanta ta lumshe ido kamar mai Barci nan kuwa Zuciyarta ne da Kirjinta ke wani Lugude wanda wannan Abun Shi ake Kira Kishi kumallon Mata.

Yana Shigowa Cikin Bedroom Din da Sallama ya Hangeta kwance Tunda Akwai Wutar Nepa Lokacin,Mamaki ya kamashi Ganinta kwance acikin yanayi na kamar bata Shirya kwanciyar ba Har gabanta ya karisa yana kallonta,Dukawa yayi a Gabanta yana Kiran Sunanta Cikin Rada Rada Ammh Hafsah Taki Ko Motsi Kura mata Ido Yayi sai ya Fahimci gashin Idanuwanta na Motsi Sai lokacin ya Fahimci ba Barci take ba kawai Shine bata san gani ko kuma Haduwa Dashi,Dama ko na Kiran Waya Jikinsa ya bashi Tana ganin Kiran Nashi Ra"ayin Dauka ne batayi ba kuma Tsakani ga Allah Ranshi ya baci kawai ya Danne ne ganin Halin da ake Ciki yanzu yana Mgana sai ta Fassarashi ta wata Hanyar,Na Biyu kuma Tana da Lalura Ko bakomai Tana Bukatar a Daga mata kafa Ta samu Allah ya Sauketa lafiya.

Mikewa yayi Lokaci Daya yana Sakin Ajiyar Zuciya Zaman Babban Rigansa ya gyara Lokaci Daya ya Saka Hannunsa Guda Daya ya gyara mata zaman kanta Saman Filo da bata kwanta Daidai ba Yaja Blanket Dake Gefenta ya Rufe mata kafarta,Kana ya Shafi Fuskarta yana Fadin"Wai Hafsatun Abdullahi Da kanta Take gudun ganin Mijinta Abdullahi..? Ina Fatan Kiyi Barci Cikin kwanciyar Hankali mai Cike da mafarkina Matata.."!

Sanda ya Fadi haka sai da Bakinta ya Tura Hawaye suka kara Cika mata Ido Wato Tayi mafarkinsa Gata yar iska Shi yana chan yana Holewa da amaryansa,juyawa yayi ya kama Hanyar Fita kafin ya Fita sai da ya Rage mata Gudun Fanka kana ya Fice Daga Bedroom din Idanuwanta ta Ware tana Bin Bayansa da kallo kafin Hawayen Datake ta Dannewa su Zubo Wani kuka Taji yana Kokarin Fitowa Daga kasan Ranta yasa ta Danne Bakinta Jin Har yanzu bata ji Ficewarsa Daga Dakin nata ba.

Yana Fitowa Falo ya Shiga kwalama Subai Kira Waya Take da Mahmud ta yanke da Sauri ta Fito Tana Saka Dankwalin kanta,Dayar ledan Dake Hannunsa ya mika mata yana Fadin"Ki Diba kici in kina Bukata Sauran kuma ki sakama Hafsah da yara a Fridge Zuwa gobe kar ya Lalace.."Subai bata ja wata mgana tace toh Ta karba Ya juya yana Cema ta sai da Safe tace Allah tashesu lafiya sai da ya Fice kana ta Bude ledan kaji ne guda Biyu sai Madaran Hollandian masu Sanyi manyan guda Biyu baki Tatabe kawai batare da Tayi mgana Ba Fita Tayi Waje Lokaci Daya tana kai Duba zuwa ga Dakin Barkat din Taji Abdullahi Bayan ya Shiga yana saka ma Kofar key,Baki ta Rike aranta tana Fadin Shagali,Kafin ta wuce Kitchen ledan gabadaya ta Saka Cikin Fridge,Ta Rufe tana kara Bin Kitchen din da Kallo Tana Tabe baki ganin yadda yan"uwan Barkat sukayi Ta salo Wajen Danka kayan Kitchen din kamar sun Samu wani Falo..

Fitowa tayi ta Rufeshi bata saka makulli ba Domin ya bace ba"a ganshi ba yara sun Dauka Sunyi Wani Wuri Dashi Dakin Hafsah ta koma Lokaci Daya ta Rufeshi da makulli Bedroom din ta Shiga Tana Kiran Sunan Hafsah Wacce Taji Kiran Daga sama Tayi Zumbur ta mike Daga kukan Data Zauna Dirshan saman Gado Tanayi Galala Subai tayi Tana kallonta Kafin ta samu Zarafin mgana kawai Hafsah Tayi Saurin Wuceta Ta Bude Kofar Tailet ta Shige Tana Fito da kukanta Sarari ko ta samu Saukin Abunda Take Ji acikin Zuciyarta Kofar Bayin Ta Sulale ta Jingina da Kofa Kawai ta Saki baki Tana kuka kuka mai Tsuma Zuciyar Dukkan wani mai Sauraro Subai Dake Cikin Bedroom din ta iya jiyota kai kawai ta Girgiza kafin ta Karisa Kofar Tiolet din Tana Fadin"Bazan Hanaki Kuka ba Hafsah.Domin Abun kuka ne ya sameki..Hakika naga Kokarinki kina ma da karfin Hali..Sai dai ki Tuna da Abu Daya yayinda ki ke Zaune Cikin Bayi kina wannan kukan Da Daddare gaki da Tsohon Ciki Toh ki Fa Tuna Shi Ya Abdullahi yana Dakin Amaryansa kuma na Tabbata kinsan ba kuka zai kwana yi ba ko..? Ya kamata ki ma kanki Fada kiyi Kukan nan Kadan ki Share Hawayenki kodomin Tsira da lafiyarki.."Subai ta Fada Lokaci Daya Tana barin Wajen Kara Rushewa da kuka Hafsah tayi Alokacin bazata iya Contolling din kanta ba sai tayi kukan Da Tadade Tana Rikeshi acikin Zuciyarta.

Gadon Subai ta gyara musu,Akwatinta da Tazo Dashi ta Bude ta Sauya kaya zuwa Rigar Barci ta koma ta kwanta,Tun tana Saka Ran Fitowar Hafsah Shuru sai ta Tsorata Tana kokarin Saukowa Daga kan Gadon ne sai ga Hafsah ta Fito Tana Goge Ruwan Fuskanta Daure Take da Towel,Wanka tayi bayan Tagama kukan ajiyar Zuciya Subai ta Sauke kafin tace"Thank god..Na zata kin Suma ne a bayi saboda ya Abdullahi wanda ke chan da Amaryansa Suna Soyewa.."Wani kallo Hafsah tayi mata batayi mgana ba Subai bata kara bi ta kanta ba ta koma ta kwanta Tana Fadin"Ni bake nake ji ba..Abun ke Cikin ki nake ji Hafsah Don Allah ki Tsausayama kanki da wannan Damuwar kada Wata Cuta ta kamaki na Tabbata ko mai kawo mana Dauki kafin mu samu ansha Wuya Domin na Tabbatta Mijinki yadda yake wannan angwancewan yau ko Mama bata isa ta Fito Dashi Daga Dakin Chan ba.."Tafada Cikin Jin Haushin Hafsah din Lokaci Daya Tana Juya mata Baya.

Bayanta Hafsah tabi da kallo Tana Dauke Hawayen Idanuwanta acikin Ranta kuma tana Fadin na Daina Damuwa da kuka Insha Allahu Subai,Rigar Barcinta Doguwa ta Sanya Dama Tayo alwala ta Shinfida sallaya ta Saka Hijabi ta zauna Dakyar Domin bayanta ya kage bata iya Sallah a tsaye Raka"a Hudu tayi,ta Hada da addu"an samun Sassauci kana ta nade Abun Sallan tazo ta kwanta ganin Har Subai Tayi Barci Tana Shirin Tashi ta kashe Wutar Dakin Nepa ma Suka Dauke Wuta sai kawai ta Bude Labulen window Saboda iska ya Shigo Taji garin da Dan Zafi zafi,Kwanciya kawai Tayi ba Domin Tana Jin Barci ba Domin Data Runtse ido Sai ta Hangi Abdullahi Cikin wani yanayin da ita kadai ce Tasan yana Shiga sai Tayi Sauri ta Bude tana Kiran Sunan Allah Mirgina mirgina kawai Take ba Domin Tana jin Dadin kwanciyar ba.

****

Bangaran Abdullahi kuwa da makullin Hannunsa ya Bude Dakin Barkat ya Shiga,Ya kuma maida kofar ya kulle Falon yabi da kallo yadda komai yayi kyau Neat Falon kalan Pick and Ash,Kamshin Turaran Wuta sai Tashi yake,Masha Allah kawai yace acikin Ransa ya Taka da Takalminsa Zuwa Cikin Bedroom din Barkat.

Tana Zaune Bisa gadonta Jikinta Nannade da Lifaya kanta ma ta Shigar dashi Ciki,Daga Kofar Bedroom din ya Tsaya yana kare mata kallo Ita kuma tana Jin Motsin Dama Bude kofarsa da Rufewarsa Tana Jin Takun Shigowarsa ta Jikin Mayafinta Take karemai kallo acikin Ranta tana Jin kamar ta zarce Sauran mata.

Sai da ya gama More ma kallonta kana ya kariso Tsakiyar Dakin,Ledan Hannunsa ya ijiye kan gado kana ya Duka ya Cire Takalmin kafarsa ya Haye gadon Har Zuwa Inda Barkat ke zaune ya Zauna agefenta Har kafadunsu na Gogan na Juna,Dukkansu sai da sukaji Wani yanayi Domin Tunda suke ko Hannunta Abdullahi bai Tana yarda ya Taba ba ya bari sai ta zama Halilinsa Tukunnah.

Ajiyar Zuciya ya Sauke yana Shakan kamshin Dake tashi a Dakin da kuma Wanda ke Tashi Daga Jikin Barkat,Rankwafowa yayi Zuwa Jikinta yana Fadin"Amarya kin sha kamshi...! Yafada Cikin Wani Salo noke kafada tayi batayi mgana ba,Yar Dariya yayi yana Fadin"Nifa in ma Siyan baki kike jira nayi gwara ki ma Bude kimin mgana na Riga na gama Siyan bakinki Tuni Tunda na Mika Sadaki aka Daura mana Aure"Yafada yana leken Fuskanta kokarin nokewa take ya Riketa yana yar Dariya da kansa yasa Hannu ya Cire mata Lifayan daga kanta Zuwa Wuyanta Lokaci Daya yana Fadin"Masha Allah.."

Kurama Juna Ido Sukayi na wani Lokaci kafin Abdullahi ya Lumshe ido yana Fadin"Bari na kara..Alhamdulillahi ya Allah.."Mirmishi ta sakarmai Lokaci Daya tana karya wuya itama Tace"Alhamdulillah..Allah ne Abun godiya.."Kallon Sha"awa yake Binta da ita ita kuma Duk sai Jikinta ya Saki Ta yunkura ta gyara zama kawai ya kwanto mata Bisa Kafadanta yana Fadin"Amarya Bakya laifi ko kin kashe Dan masu Gida..Finale ga ki a Gidana amatsayin matata sai kume me ya Rage..?

War ta mai ido kafin tace"My Man...!Saurin Dagowa yayi yana Fadin"Sai Shagali ko..? Yafada yana Dariya kunya ya kamata ta Suke kai tana yar Dariya Shima Dariyan yake Tashi yayi Daga kan Kafadanta ya Sauka Daga kan gadon Ledan kazan ya Dauka ya Tura gabanta yana Fadin"Bari na Fara Ciyar da Amaryata Kamar yadda Annabin Rahma Salallahu alaihi wasallan ya koyar damu Daga nan koma menene sai ya Biyo baya.."Yafada yana Kokarin Cire Babban Rigan Dake Jikinsa da kallon kasa kasa Take Binshi Har ya sake Hayowa kan Gadon yaja ledan ya Bude ya Cire Madaran Hollandian din guda Biyu ya Bude Kazan a Babbar Takardan yana Fadin"Sai fa kinyi Hakuri Amarya..Na Riga na kulle ko"ina kuma bana Tunanin akwai Filet nan Ciki ko..?

Girgiza kai Tayi Kafin tace"Anya..? kamar Duka Suna Kitchen.."Kai ya jinjina kafin yace"Mu barsa...Ni zan cinyar dake da kaina Amaryata.."Shagwabewa tayi zatayi mgana Daidai ta Bude baki ya yako naman ya Saka mata abaki Wani Zaro ido Tayi Tana kallonsa Shi kuma sai ya Sakamata Dariya Cikin Wani Salo ta Harareshi Tana Tauna Naman Lokaci Daya tana Fadin"my man Sai fa na Rama..naki wayon nan naka.."Yana Kara Sakamata Cikin baki yana Fadin"Ina son irin Wannan Ramuwar Baby.."Yafada yana Kashe mata ido Daya Hannu ta saka ta yago Wani katon Naman ta Nufi Bakinshi dashi Kansa ya kauda gefe Yana Fadin"Kai kai..Baby wannan yama bakina yawa fa..?
Chapter 70 · 0% Book details