← Book details Masifaffen Namiji Part 1 Complete Hausa Novel Local reading mode
READING PART 37 OF 91

Sashe 37

Masifaffen Namiji Part 1 Complete Hausa Novel · about 8 min read

Siririn Gilashin Fuskarta ta zare Tana Bin gidan da kallo Ta Madubin Motarta Cikin mamaki Tace"Lariya gida nan ya Sauyamin Sosai in ni kadai nazo ban iya ganewa.."

Hajiya Lariya tace"Eh gaskiya kam Yaya ai Shekarun fa da yawa ba gidan ba Duka anguwanma an samu Sauyin Yanayi Ballatana ma Gidan gaskiya ko bayan Rasuwar megidan bai Lalace ba Yayannasu ya tsaya akan gidan Sosai.."Kai kawai Sa"a ta kada kafin ta Daidaita parking a kofar Gidansu Abdullahi.

Firfitowa sukayi Lokaci Daya Hajiya sa"a na gyara zaman mayafin kanta Tana sanye ne da wani leshi mai ubansu kyau da Tsada ta Saka mayafi har kanta sai wani takalmi mai Tudu Hannayenta suna sanye da zabban Zinare harda Wuyanta da Awarwaro,Fuskarta kuma tana Sanye da wani medicated Glass dan karami na karin karfin gani ko na gayu ne bansani ba,Sai karamar jakarta mai kama da pos dake rike hannunta wanda wayarta ke Ciki sai key din Motarta makale a Yatsanta na Hagu.

Area din take bi da kallo,ba yalwar Mutane saboda Safe ne ma"aikata Duk sun Tafi aiki Yara na makaranta magidanta kuma sun Fita neman Abun bama iyalai Hajiya sa"a Ba fara bace ammh Tana da kyau daidai misali yar kimanin Shekara 46 aduniya ce kallo Daya zaka mata ka Fahimci ta goge a Duniyanci da kuma Bariki idanuwanta suna Bude ne sosai Daga ganinta tayi Shige Shige Sosai Domin Hancinta yana Dauke da Huji ne,sai bakinta dake Jere da Hakoran Makka Har guda Biyu,ita kanta Hajiya Lariyan Shigar alfarma tayi Sosai in ka gansu zaka Fahinci Yaya da kanwa ne saboda suna Tsantsan kama da juna.

*****

Mama na Cikin Daki Tun da tagama Sallar Walha ta Zauna tana addu'o'inta bata Tashi ba,gidan ba kowa Daga ita sai Jidda sai Auwal dake dakinsa yana Barcin asara Mama tayi Tashin Duniyan nan ya tashi ya Tafi Shago Tunda yau bazashi Makaranta ba ammh yaki Fitowa ko Karyawa bai yi ba Sai kawai ta Fita batunshi Mariya kuma Ta tafi asibiti Tun safe in aka Turata.

Jidda na Tsakar gida tana Wanke wanke yan kwanukan da suka Bata ne da kayan karin safe,Taji sallama kamar Daga saama Da Farko bataji ba sai da Hajiya Lariya ta Daga murya ta kara Maimaita Sallaman,kana Jidda taji ta Dago da kanta Daga saman yar Kujeran Tsakar gidan Data ke kai sai kawai taga taci karo da Lariya Baki ta Bude harda Hanci Tana Bin ta da kallo Cikin kayattacen Mirmishi Hajiya Lariya tace"Jidda..."

Da Sauri Jidda ta mike Tana Fadin"La.! Anty Lariya kice...? Tafada Cikin murna tana Rufe bakinta kafin ta Zura da gudu ta Fada Jikinta Tana murnan ganinta Hajiya Sa"a Dake bayan Lariya Hawaye suka Cika kwarmim Idanuwanta,na ganin Tilon yarta wacce Rabon ta da ita Tun Tana da Shekara Biyu da wani Abu aduniya,Jidda Dake Rumgume da Lariya idanuwanta suka kai kan Hajiya Sa"a Dake baya Tana Binsu da kallon Sha'awa,Da Sauri Jidda ta Saki Hajiya Lariya Ta matsa Gaba Tana kallon Hajiya Sa"a Cikin Bugawar Zuciya,Idanuwanta kamar zasu Fado kasa,Kamar Mommy ta take gani,wacce bata taba ganinta ba sai dai a hoto Lariya ce Taga yadda suke kallon Juna Dukkansu yasa Ta Rike ma Jidda Hannu ta Jata har gaban Hajiya Sa"a Ta Dauki Hannuwansu ta Hada waje Daya Tana Fadin"Jidda kin gane ta..?

Bakin Jidda ya kasa Mgana kawai sai Hawaye sharr Hajiya Sa"a ta kasa Hakuri kawai sai ta jawo Jidda ta Rumgumeta tana Fadin"Kinga ne ni Hauwa"u..?nice Mahaifiyarki Nice Ummanki.."Tafada Cikin wani matsanancin kuka itama Jiddan Rumgumeta tayi Lokaci Daya ta Fashe da kuka Cikin Shakakiyar murya take Fadin"Mommy...!!!!

Mama Dake Daki Taji kamar Mgana Sama sama da kuka ko Hijabin Jikinta Bata Cire ba ta Fito Tsarkar gidan Tana Kiran Jidda sai kuma tayi Turus ganin Jidda Rumgume Jikin wata mata Dukkansu suna kuka Cikin mamaki tatako gabansu Tana Fadin"Subnallahi Jidda lafiya..? Wacece wannan.?

Hajiya Lariyace ta Waigo Suka Hada Ido Cikim Mamaki Mama tace"A"a Hajiya lariya ce.."?Lariya tayi Mirmishi Tana Fadin"Eh mune karima."Tafada tana kallon Jidda da Hajiya Sa"a wanda suka saki juna Lokaci Daya suka Bi Juna da kallo Cikin Shauki da Soyayyar Uwa da yarta Mama Ta bisu da kallo Cikin mamaki kafin ta samu Zarafin mgana Hajiya lariya tace"Karima kin gane wacece wannan kuwa..?

Mama tabi Hajiya Sa"a da kallon Mamaki wacce ta kara Rumgume jidda kamar ta maidata Ciki saboda So da kauna Cikin Girgiza kai tace"Ban gane ba gaskiya."Ta fada tana kara Kallon Hajiya Sa"an Tana so ta Tuna inda ta san Fuskarta ammh sam ta kasa Tunawa Hajiya Sa"a ne da kanta ta Dago Jidda Daga Jikinta Ta kalli Mama Tana Fadin"Karima baki ganeni bako..? Sa"adatu ce Sa"a mahaifiyar Hauwa"u."

Ido Mama ta zaro kafin tace"Sa"a.?kice haka.? Ikon Allah Ba Shakka sai yanzu na ganeki ina ta kallonki Araina ina cewa kamar Sa"a kamar ba ita ba.."Hajiya Sa"a tayi Mirmishi Tana Fadin"Nice karima..Ai Shekarun da yawa ne.."

Mama tace"Duk da haka dai kin Chanza Sa"a kin kara kiba kamar bake ba Wlh ku Shigo Ciki kwa Tsaya Daga waje ke Jidda Shigo Dasu Ciki mana Tsiyana Dake wauta wani zubin.."Tafada tana Wucewa Daki da Sauri Hajiya Sa"a Tayi Mirmishi Lokaci Daya Tana Riko Hannun Jidda wacce Bakinta yaki Rufuwa saboda Murna,gefedaya kuma Hawaye Duk ya gama wanke mata Fuska.

Dakin suka Shiga suka samu waje suka zauna kan Daya Daga Cikim kujerun Falon,Jidda na nanike da Hajiya Sa"a kamar zata koma Cikinta sai kallonta take tana jin wani Farinciki acikin Ranta na yau gata ga mahaifiyarta wacce ta Haifeta,Mama kuma kitchen ta koma ta Dauko,musu Ruwa da Lemo,ta sako Cikin wani Babban Faranti ta Hado da kofuna ta kawo musu kana ta zauna suka kara gaisuwa.

Mama tace"Ikon Allah Sa"a yaushe agari..? Tun lokacin akace kin Tafi Saudiya..? Hajiya Sa"a tace"Eh Wlh Last week na dawo..Abubuwa ne sukamin yawa yasa ban samu zuwa ba sai yanzu.."Mama tace"Ikon Allah Ai kinsha na Saudiya wajen Shekaru ashirin fa.."Mama tace"Gaskiya kam.Bayan Tafiyata naji Labarin Rasuwar Mahaifin su Hauwa"u ya karin hakuri karima.?

Mama tace"Umh kedai bari..Hakuri da godiya kafin Rasuwarsa har gidanku yaje nemanki akace kin Tafi Saudiya..'Hajiya Sa"a tace""Eh wlh Haka Lariya take Fadamin..Allah ya jikansa da Rahma ya yara..? Yaran daya bari su nawa ne ma..?

Mama tace"Ameen Ameen..Su Shida ne,gasunan duk sun Girma.."Hajiya Sa"a tace"Allah sarki...Allah ya baki ladan Rikonsu kema..'Mama tace"Ameen bakomai..Kusha Ruwa mana Lariya.."Hajiya Lariya tamurmusa taDauki kofi ta Tsiyaya Ruwa tasha Kadan ta ijiye Mama kuwa sai kallon Hajiya Sa'a take Cikin mamaki da ganin yadda ta chanza Daga gani kudin sungama zauna mata Cikin sakin Fuska Mama tace"Kin dawo gabadaya ne ko zaki koma chan Sa"a..? Kamar naji an ce Kin yi aure achan ne ko Lariya kema kika Fadamin kuwa..'"

Hajiya Lariya Tace"Eh Tayi aure achan mijin ya rasu ne..Shine ta Dawo gida gabadaya."Mama Tace"Ayyah Allah Sarki..Allah yaJikansa da gafara kin dawo kenan gabadaya..? Da yaranki kika Dawo ko suna chan wajen Dangin Ubansu.."?

Hajiya Sa"a tayi Dariya Tana Fadin"A"a ai ban haihu ba..."Zaro ido Mama Tayi Tana Fadin"Baki Haihu ba.? Kai Sa"a kodai kin Tsaida Haihuwan ne..?

Hajiya Sa"a Tace"a"a ...kawai Allah ne bai kawo ba."Tafada tana Dariya Mama tace"Hakane kuma..Komai dama na Allah ne kice sai jidda kadai ta Fari kuma Auta Dama ga Jidda da son Jiki yau dai an ga Mama an manta Dani.."Tafada tana kallon Jidda,Wacce tayi Dariya ta Sinne jikin Hajiya Sa"a Lariya ce tace"Haba dai...Aiko Taga Mama ke uwartace Har Abada.."Hajiya Sa"a Ta karbe da Fadin"Sosai ma wanda zai Rike maka yaronka Tun yana karami ai Abun ka godemai ne,..Angode Sosai Allah ya saka da alheri.."Mama tace"Ameen bakomai wlh..Ai ni nawa kawai kula dasu ne duk wani Dawainiyarsu yayansu ke yi Ci da shansu makarantarsu,Tarbiyansu da kuma kula da komai namu Wlh Shine Tunda yaronan ya kawo karfi yake Wahala Damu,Sai dai kawai muyi Fatan Allah ya Biyashi ga Tamu laluran gata Iyalansa ammh bai Taba gazawa ba."

Hajiya Sa"a tace"Allah Sarki..Allah ya Biyashi bangane yayan nasu ba Shine Babban su ko..? Mama tace"Eh bazaki ganesa ba gasakiya Domin sai bayan Barinki gidan ne Marigayi ya karbo sa Yaron wajen Hajara ce ta gusai matarsa ta Farko.."Hajiya Sa"a tace"Oh Allah Sarki...Na ji labarinta kuwa.."Mama tace"Wlh kuwa Shine komai namu Shiyasa Lokacin da Lariya ta kawoma Jidda Sako Tace in jiki Taga na maido mata Wlh shi ya Hana Akarba Shiyasa nasan kuma ta gayamiki ko..?

Hajiya Sa"a zatayi mgana kenan Auwal ya Bude labulen dakin ya Shigo yana mutsuke ido Dukkansu suka Dago suna kallonsa Mama takallesa Tana Fadin"Akwana a hantse sai dan Hutu.Sai yanzu aka tashi kenan Alhaji Auwal.?

Dariya ta kama Auwal ya Sosa Kansa yana Fadin"Kai Mama..? Banfa wani Dade ina barcin ba..kuma Yaushe ma nake samun Lokacin barcin in ba yau ba.."Mama ta Harareshi Tana Fadin"Kana fa samu..Baka ga baki bane..,? Mahaifiyar Jidda ce da kanwarta.."

Sai Lokacin ya Dago yana kallonsu Cikin mamaki gaishesu yayi suka amsa suna kallonsa Jidda ya kallah yana wani Tabe baki kafin yace"ji ta kamar wata karamar yarinya sai wani Shagwaba take."Baki ta Tura tana Kallon Mama tace"Mama kinganshi ko..?

Mama tace"Rabu dashi Babban Banza ne,Dole kiyi Shagwaba gaki auta gaki kuma mai uwaye Har Biyu.."Hajiya lariya tayi Dariya Tana Fadin"Ai kuwa ita yar gata ce gaba da gaba.."Auwal ya kada kai yana Fadin"Yar gata ko Shagwabbabiya duk Mama ta bata yarinyar nan da son Jiki...Ni Malama ki Fito ki bani Abun kari.."

Mama tace"A"a tana gaisawa da Mamarta yau sai dai kayi ma kanka kaji Abunda ake maka kana ma mutane fada.."Baki ya Bude zai yi mgana Mama tace"Ka wuce kaje yana kitchen ka Dauka.."Bai da yarda zai yi ya Fice yana kunkuni Jidda kuma sai Dariya take tana Fadin"Mama kin Gano ya Auwal ko..? Baya son aiki Wlh.."Tafada tana Dariya Mama na tayata,Tana Fadin'"kyalesa Yau yaji Abunda ake ji.."

Hajiya Sa"a sai kallon Jidda Take Cikin Sha"awa,Da kauna mai Tsanani kafin Mama tace"Ina jinki Sa"a sha"anin Auwal da jidda kullum Cikin sakani mgana suke Don ma mariya tana Asibiti.' Hajiya Sa"a tace'"Allah sarki Dama haka ne...Shine yayan nasu..?
Chapter 37 · 0% Book details