← Book details Masifaffen Namiji Part 1 Complete Hausa Novel Local reading mode
READING PART 60 OF 91

Sashe 60

Masifaffen Namiji Part 1 Complete Hausa Novel · about 8 min read

Har Zuwa Washegari da Shagwaban Jidda tatashi Shidai Nazifi sai aikin Lallashi yake yana Saka mata albarka Tunda shi ya Kira Ruwan yana gidan bai iya Fita ba sai Bayan La"asar da su Zannira suka zo da su Hafsah kawo mata Sauran akwatunanta da wasu kayan sai kayan Su Cincin da Sauransu sai Lokacin ya samu Fita,Kowa yaga Jidda sai ya Fahimci dai Taji maza Domin abun ba Sauki Sai wani Sunne kai Take tana wani Sanyin jiki ba wanda ya Nuna mata wani abu sai dai sun kara bata Wasu Shawarwarin da zasu Taimaka mata Sosai kan zamanta kewarta.

Sai Dare suka bar gidan chan suka bar Mariya da Rumana su kuma da su Goggo Habiba zasu Tafi suka Bisu Subai"a tace kada a kuma irin na Jiya,suma su Mariya basu Dade ba suka Tafi Su Hajiya Lariya suka bi suka Rage musu Hanya sukabar Jidda ita kadai Tana yan kananan kuka Nazifi kuma Suna tare da Abdullahi Ana idar da Sallar mangriba suka Rabu Abdullahi ya Shiga Gidan Mama Shi kuma ya Wuce gidansa wajen yar Shagwabansa ai kuwa koda yaje ya sameta Tana ta kukan an barta ita kadai Sai da ya zauna yana ta aikin Lallashi yau dai Babu Abunda yayi mata Suna Jinya ne ammh ya Nannadeta Cikin Jikinsa Sunyi Barcinsu Cike da Soyayayyah da kauna.

Ranar Monday kuma yan biki duk sunWatse Domin Tun Safe Zannira ta koma Kaduna ita da yaranta Mijinta ya Turo Direba ya Dauketa Goggo Habiba ma Ta koma Dama ya"yanta Tun Jiya suka Tafi Jamila ce kadai ta Tsaya zasu koma Tare,Su Inna Talatu ma Duk sun koma Umman Sadiq ne kadai ta Tsaya sai Zuwa Laraba ammh Tuni abokiyar zamanta ta koma jiya ita da Zahra,Gidan ya Rage sai su Hausi da Subai"atu Sun Share kafa sun Zauna wai sai Gobe zasu koma Su suka Taya aka Gyara gidan aka Kankanta inda ya kamata Dayan Dakin Suka koma Suka Dasa Hira Suna Shewa Hafsah da Ciki Gaba Subai kuma Tana karkace sai Zuba Take Suna Dariya.

Abdullahi Shi Duk azatonsa Hafsah ta koma Gida Ranar yaje aiki,Daya Dawo ya Biyo ta gidan Mama da Su Amira da Su Muhsina ya Fara cin karo Daganan ya gane basu koma Gida ba mamaki ya kamashi yana Bayyana Rashin Hankalin Yaranan subai da hafsah bai Shiga gidan ba sai Bayan Sallar mangariba bayan ya Fito Daga masallaci Nazifi dai ko ganinsa Ranar ba wanda yayi yana Gida Duka Salollinsa acikin Gida yake yi Toh ina ma Zashi Jidda bazata barshi ba Duk inda ya saka kafa zata saka Tana Nannade dashi kamar wani zai kwace mata Abun fa nama Nazifi Dadi Domin Shidai bai samu haka ba sai Shima Abun ya zamarmai kamar Farkon Farinsa.

Yana Shiga Gidan Direct Dakin Mama ya Shiga kuma ya wuce su Hafsah a Dayan Dakin Suna Sallah Su Amira na Biye dashi Da su Muhsina Suna mai oyoyo yana Rike da Hannayensu ya Shiga Dakin Mama Ya samu Daya Daga Cikin kujerun Falon ya zauna da Mama suka Fara gaisawa suna ma Juna Barka da Watsewa Taro Lafiya Umman Sadiq na sallah ne Shiyasa ya kalli Mama yana Fadin"Mama naga gidan Shuru Ba kowa ne..?

Mama tace"Umh kadai bari yanzu Hajara ke fadin Mutane Rahma ne...Jiya da Shekaran jiya Gidnan Cike ammh yanzu Babu kowa...kowa ya watse.."Abdullahi yace"Daman haka ne Mama..Dazu ma Goggo Ta Kirani tace a Shaida muku Ta isa gida lafiya.."Mama tace"Alhamdullillahi Barkanmu..
angode Allah ya bar zumunci.."

Abdullahi ya amsa da Ameen kafin ya waiga yana Fadin"Mama ina Mariya..? Banganta ba..? Mama tace"Ta fita yanzu..Taje Raka wata abokiyar karatunta Da bata samu zuwa mata biki ba sai yau yanzu Taje rakata.."Kada kai yayi yana Fadin"Shine Daga Rako har yanzu...? Bata da Hankali ne bata ganin Duhun mangariba ta kawo ne..?
Mama tace"Nima nace karta Tsaya fa..."kyafci yayi kawai ya Kada kai Wayarsa ya Fito Dashi yana Dannawa su Amira kuma nata Mugun waasa Mama na Faman Bari Bari Dagowa Abdullahi yayi ya Daga musu Tsawa Duk sai Suka Natsu kallon Mama yayi yana Fadin"Mama ina iyayen yaran nan suke ne..?

Mama Tace"Suna Dakin Farko..Ka wucesu ma."Karamin Tsaki Yaja yana Fadin"Wato Su Shaffafu da mai kowa ya koma Gidansa Su Uban me ya zaunar dasu..?Mama tayi Dariya tace"Naji Suna Fadin sai gobe zasu koma...Duk su suka gyara gidan nan Wlh ni Hafsah ma Nake ji ga Ciki kada Bayanta ya kage.."Mikewa yayi yana Saka Wayarsa a Gaban aljihunsa Lokaci Daya yana Fadin"A"a Mama Kowacce tazo ta wuce ta koma Gidan Mijinta an gama Biki Dai kowa ya watse Suma su Tafi Gidajensu an gode Allah ya bar Zumunci.."Mama dai Batayi mgana ba sai Dariya take Umman Sadiq kuma na Sallah ba Halin Tayi mgana.

Ficewa Yayi Daga Dakin yana Fita Suka ci karo da Mariya Baya Taja tana Sosa kai,kallonta yayi Daga sama Har kasa ita kuma sai Gabanta ke Fadi Domin gyale ne ajikinta Saurin rankwafa tayi Tana gaisheshi bai amsa ba ya Jefa mata Tambayar"Ke Daga ina kike..? Cikin Sarkewar murya tace"Naje Raka wata Qawata ce..."Harara ya Zabgamata yana Fadin"Hala gidansu kika kaita ne...?

Ta Bude Baki Zatayi mgana kenan ya Dakatar da ita yana Fadin"Wuce ki bani Waje....Kar in kara ganin kin Fita Da Mangriba kuma in na Sake ganinki da wannan mayafin sai kin Raina kanki.."Da gudu Mariya ta Shige Dakin Mama ya Bita da Karamin Tsaki kafin ya Daga Labulan Dakin da su Hafsah suke Daidai Lokacin Nepa suka maido Wuta Haske ya Gauraye Dakin,Hafsah na Zaune a kasa Ta Mike kafafunta Saboda ta Dan kumbura Saboda Zirga Zirga,Subai kuma tana kan karamar katifar Dake Dakin Tana bama Saleem Nono ganin Lekowar Abdullahi yasa Dole Subai Tayi Shuru da Labarin Datake bata ta maida alaqan gaisuwanta ga Abdullahi.

Bai amsa ba kai tsaye yace"Ku kuma Shafaffu da mai..Zaman me kuma kuke yi..? Subai tace"Mun idar da sallah ne muna Zantawa ya Abdullahi ko Hafsah Tazo kana Kiranta ne.? Harara ya zabgamata kafin yace"Baki da kunya ko..?Sunne kai tayi tana Rike Dariyarta Hafsah ma sai da ta Dara,Karamin Tsaki yaja kafin yace"Ke mai ba ma D'a Nono da ke Mai Ciki da kika wani yi Rashe Rashe gidan Mutane kowacce Tatashi ta Shirya ta kwashi ya"yanta ta koma Gidan Mijinta Banga zaman me kukeyi ba Bayan Tun Jiya aka gama Biki.."

Marairaice Fuska Subai Tayi Tana Fadim"Kai ya Abdullahi Yanzu kuma....? Bamu gama Shirya kayanmu ba da Munbari sai Gobe ne sai mu Watse.."Karisa Shigowa Dakin Yayi yana Fadin"Kinsan Allah yau din zaku watse...Bamai kara kwana agidanan nan...Ke Ki tashi yanzu mu Wuce gida ke kuma Bari na Fita nama Auwal mgana ya samo Miki mai adaidata ki kwashe ya"yanki ki koma gidan mijinki Bana son Rashin Hankali.."Zatayi mgana ya Dakatar da ita Cikin Bacin Rai yana Fadin"Wai ina Wasa Dake ne Subai"atu..? Kinfi kowa Sanina bana son Gaddama..Wlh Tunda na Rantse kowacce sai ta tafi..Gwara tun Wuri ku Shirya.."Daga haka ya Fice yana ta Fada Dole kanwar naki Kowacce ta mike Hafsah Dataji Tagaji hakanan ta Mike ta Fara Hada kayanta Subai sai Gunguni take tana Fadin"Kayi Aure ma Ya Abdullahi bazai bar iko akan ka Nifa Mijina sai Gobe yace na koma gida.."Hafsah na Dariya tace"Ba Dole zaki iya kwanciyarki sai Gobe.."Harara Subai ta sakarmata Hafsah kuma na Mata Dariya.

Subai Tace Mama ko Umman Sadiq su Rokeshi ya barsu su kwana Zuwa Gobe Umman Sadiq Data idar da Sallah Tace"A"a bazamu saka baki..Ba yafimu gaskiya..Gwara,ku koma Gidajen mazajenku Tunda dai an gama baki Babu amfanin zaman Allah ya bar zumunci.."Jin haka yasa kowacce ta Shirya Subai"a ta Fara Tafiya Auwal ya Abdullahi yama mgana ya Samo mai adaidaita suka Shiga ita da yaran da kayanta Auwal din ya Rakata Zuwa Gida Suna Tafiya Shima Abdullahi ya kwashesu Zuwa Gida Kayansu ne yace su bari sai Gobe Auwal zai kaimata Gida.

Koda Hafsah ta koma Sai Ciwon Baya da Ciwon Kugu babu Abunda ta iya Tsinanawa sai kwanciya Abdullahi sai Fada yake yana Shanshancin Banza kawai kinsan Halin da kike Ciki ba sai ki Zauna agida ba ammh sai Ki biyema Subai tana janki Waje waje kuna zuwa kamar wasu Sakarkaru ai gashinan ya gama Fadansa bata Tankaba,Shi yayi ma Yaran Shinfida ya kwantar dasu ita kuma ya sa Ruwan zafi ya mata Wanka ya gasa mata Jiki yazo ya Shafa mata man zafi ya Hada mata da Tausa Su Hafsah sai Barci Sai Lokacin Shima ya samu ya Shiga wanka yazo ya Sauya kayan Barci ya kwanta Shi kanshi yana Bukatar Tausan Domin a matuka agajiye yake Sosai.

*******

*Bayan Sati Biyu....*

Kimamin Sati Biyu da yin Bikin jidda da Nazifi Zuwa yanzu Sun Riga da sum zama Jini da Hanta amarci ne sukaci kamar ba Gobe In kuka ga Salon da Jidda ke ma Nazifi sai Kun Rike baki Dama gata da Rawan kai da karambani To yayi mata amfani Domin Tana gwadama Angonta kuma yana Yabawa Dakyar ya bata Hutun kwana uku Daganan kuma Tunda ya koma ba Daga kafa Zuwa yanzu in ka gansu sai kayi mamaki sunyi kiba sun kara Haske Daga gani Suna Cikin kwanciyar Hankali Sosai da kuma Jin Dadi.

Tundaga Ranar Lahadin Da su Hafsah sukaje ba wanda ya kara Komawa sai da ta Cika Sati Dayane Ranar Hajiya lariya taje ganinta Tare da kaimata wasu Turarankan Jiki dana Tsuggune kuma Taji Dadin ganin Jiddan taSaki Jikinta kamar ba ita ba Haka ta koma ma da Hajiya Sa"a Labari mai Dadi sai itama Hankalinta ya kwanta Mariya da Rumana ma sun koma Sai Ranar da Tacika kwana Takwaas ta matsamai sai yakawota gidan Mama Suka gaisa tayi ta Murna aikuwa da Abdullahi yaji labari yayita Fada yace karya kara kawota sai tazo Sallama in zasu koma Kaduna haka kuwa akayi Gobe Lahadi yake Saka Ran Su koma Kaduna Domin ya gama Cinye Hutunsa zai koma Bakin aiki.
Chapter 60 · 0% Book details