BABI NA DAYA
Farin Ciki Sau Daya Part 1 Complete Hausa Novel · about 25 min read
*
*
An haifi Ilham a cikin birnin Katsina a unguwar Filin samji. Mahaifinta Alh. Ayuba Tsohon ma'aikacin gwamnati ne wanda ya dade da yin ritaya ya dawo ana hada-hadar siyasa tare da shi.
.
Ilham ba ta girma tare da mahaifiyarta ba tun tana qarama 'yar shekara uku mahaifinta ya rabu da mahaifiyarta, kuma ya hanata tafiya da ita. Ilham ta taso kamar marainiya a gidan su tare da yayyenta su takwas uku maza biyar mata, wadanda duk mahaifiyarsu daya wato Haj. Kubra.
.
Faraira ita ce mahaifiyar Ilham. wata bafillatanar jihar nassarawa ce a cikin garin Lafiya. Wacce Alh. Ayuba mahaifin Ilham ya hadu da ita a wajen yawace-yawacen canjin aikin da aka sha yi masa, bashi a wannan gari bashi a wancan.
.
Ilham ta dauko kamannin mahaifiyarta sak, bata bar komai ba." wankan tarwada ce wacce take da kafar gashi a jikin ta...gashin idanunta da girarta da kuma yalwataccen gashin kanta, da wasu baqaqe sirara wadanda suka fito mata a hannuwanta, sun isa su sa kowa ya fahimci akwai wani jinsi dake tattare da ita na wasu mutane ko wata qabila, wacce ta sha banban da na mahaifin ta Alh. Ayuba.
.
Ilham tana da kyakkyawan jiki, ba ramammiya ba ce, duk da yake ba zai yiwu a sakata a layin masu qiba ba." lkcn da tana makarantar firamare a unguwarsu mutane da yawa sun ce idanunta sun fi komai basu sha'awa. Duk sanda aka tashe su tara idan Ilham tana wasa da yara ko in zasu dawo gida, wani mai tireda dake a layin su wanda yake da budurwar xuciya ya kan kirata ita kadai ya bata kyautar cingam ko alawar tsotso don kawai ta kalleshi ya ga idanunta.
.
Amma da Ilham ta je makarantar kwana gashin kanta da qananun gashin da suke fito mata a haanu yafi burge qawayenta wadanda suke daki daya. Idan Ilham ta fito wanka kafin ta bushe ta kan sa hannunta ta riqa kwantar da gashin kanta ya kwanta ya yi ta sheqi a bayan. Qawayenta suna kallo daga kan dagajensu suna ji ina ma sune suke da gashin Ilham
.
Da Ilham ta gama karatun sakandire ta dawo gida ta zama cikakkiyar budurwa komai dake tattare da ita yana burge mutane. Shigarta, maganarta' fara'arta, dabi'unta da kuma uwa uba kamun kanta da jan ajinta, sbd a duk fadin unguwarsu ba za a samu maza uku wadanda take yiwa magana ba." idan ma har za a samu to sai dai wadanda take mutunci dasu. Ko dai inda take sayen katin waya ta bayar da caji. Ko kuma wani matashi dake sayar da kankana da lemu a bakin qofar gidan su." Ilham bata kula mutane barkatai. Ba maza ba, hatta 'yan mata yawanci sai wadanda ta san sun yi karatu tare. Duk fadin unguwarsu bata da qawa ko daya.
.
Mahaifin Ilham yana sonta sosai, kuma hakan shi ya jawo mata baqin jini da tsana a wajen sauran 'yan uwanta. Duk lkcn da Alh. Ayuba zai yi wa Ilham wani abu, to qura ta taso kenan a cikin gidansa. Mahaifiyar manyan 'ya'yansa wato Haj. Kubra, ata taso ita da 'ya'yanta su nuna atafau!! Basu yarda ba." idan kuma wani abu ne wanda za a yiwa kowa da kowa, to sai 'yan uwanta sun san yadda suka yi mata kutunguila da bi-ta-qulli suka karkatar da ra'ayin mahaifinta ya fasa yi mata nata abin da take so.
:
Tun a wajen makarantun da Ilham ta yi ta ke samun matsala da 'yan uwanta. Lkcn da zata je sakandire aji daya, makarantar 'yanmata ta Gwamnatin tarayya (Federal Government Girls College) da ke Funtuwa Ilham ta ce da mahaifinta tana so ta je. Kafin ya nemar mata makarantar ne, sai ya kira yayyenta su uku maza wadanda suka gama karatu suke zaune a gida ba aikin yi ya fada masu abin da da Ilham ta ce tana so.
.
Babban yayansu Auwal ya ce da mahaifinsu.
.
"Baba ai Ilham ta yi qanqanta da xuwa (Boarding school) a dai samu wata (Day) nan kusa dake a gida a kaita."
.
Yayansu na biyu wanda ke bin Auwal mai suna Mustafa ya ce da mahaifinsu.
.
"kuma ga nisa baba. Ko hutu aka yi sai an sha wahala kafin a je a dawo da ita."
.
Qaramin yayanta a maza wato Jamilu ya ce....'
.
"Bayan nan kuma kaga ba wani qoqari gareta ba Baba. Yawancin yaran da ake dauka a irin wadann makarantun masu qoqari ne....! Amma gsky Ilham ba zata iya ba."
.
Suka rushe maganar xuwan Ilham makarantar da ta ce tana so. Mahaifinta don a zauna lfy a gidan don kada Haj. Kubra ta ce an fi son Ilham akan 'ya'yanta sai ya bi shawarar da su Auwal suka bashi. Aka sa Ilham a wata qarammar makarantar sikandire jeka-ka-dawo dake a layinsu. A haka ta yi karatun tsawon shekaru uku cikin fushin rashin cimma buri.
.
Da ta kammala aji ukun farko zata je babbar sakandire a nan ma sai da aka kai ruwa rana. Ilham ta yi sha'awar xuwa makarantar kudi ta 'yanmata. Amma Auwal ya yi ruwa ya yi tsaki akan dole sai sai dai idan makarantar kwana take so ta za6i wata amma ba dai wacce take so ba." a qarshe Ilham ta je makarantar kwana dake a Kabomo, qaramar hukumar Bakori. Anan ta gama karatunta na sakandire. Ta dawo gida cike da burin zana jarrabawar share fagen shiga jami''a.
.
Duk sauran 'yanmatan da suka taso yayyen Ilham da suka yi aure. Babu wacce ta wuce sikandire. maza ne kawai su Auwal da Mustafa da Jamilu suka yi difloma, suma babu wanda ya je jami'a a cikin su." Da labari ya riskesu cewa Ilham tana so a biya mata jarrabawar share fagen shiga jami'a (jamb) sai duk suka yo mata caaa!!
.
Auwal ya ce da mahaifinsu.
.
"Me Ilham zata iya yi a jami'a Baba? Muma da muke maza kuma yayyenta mun haqura mun yi diploma ita sai ta ce dole sai ta yi digiri....?"
.
Mustafa ya qara da cewa.
.
"kamata yayi kawai ta fito da miji a yi mata aure Baba, ba wani karatu da zata iya yi a jami'a."
.
Jamilu ya ce a qarshe.
.
"To yaushe ma zata gama karatun, abin da Kodayaushe ba a rabuwa da yajin aiki a jami'o'in qasar nan? Gsky Baba ka qyale maganar jami'ar nan a dai nemo mata wani abin..."
.
Mahaifinsu ya dauki shawarar 'yan uwan Ilham duk da yake cewar ya san ya hana Ilham abin da take so fiye da komai a rayuwarta. Daga baya ya kirata ya ce da ita ta yi haquri ta shiga (FCE) TUNDA 'YAN UWANTA Basu goyu bayan xuwanta jami'a ba." Ilham ta ce da mahaifinta ta haqura da karatun baki daya, Ta tashi ta koma dakinta tana kukan baqin cikin wannan qiyayya da tsana da 'yan uwanta suke nuna mata.
.
Gashi kuma mahaifiyarta wata irin mace ce wacce Ilham ta kasa gane ta. Sai ta shekara uku cur bata zo taga ilham ba a Katsina. Tunda suka rabu da Alh. Ayuba ta koma jihar Nassarawa, ta mance da Ilham kamar ba ita ta haifeta ba." bata ta6a niqo gari takanas-ta-kano ta zo don ta ga Ilham ba, sai dai idan wani abu ya kawota Katsina ta biyo ta ganta a gurguje ta tafi ta ce sauri take yi.
.
Ilham tana so duk sanda mahaifiyarta ta zo su zauna ta fada mata inda danginta suke. Tana so ta sansu ta riqa xuwa inda suke komai nisan garuruwansu, sbd da su kadai ne zata yi alfahari, tunda dai 'yan uwanta da suke uba daya basu damu da ita ba, kuma sun tsane ta...tun
.
Furaira ba ta ta6a fadawa Ilham inda wasu 'yan uwanta suke ba." da Ilham ta tambayeta to wa take aure ynx bayan rabuwarta da mahaifinsu? Sai ta ce da Ilham har ynx bata sake yin wani auren ba. Ilham ta fahimci mahaifiyarta zaman kanta kawai take yi. Sb ko a wani xuwa da ta yi Katsina wani qaton baqin mutum mai kudi ya kawota a mota, wai sun zo wajen wani taron siyasa da ake yi na jam'iyyarsu.
.
Tun daga lkcn Ilham ta tsinke da lamarin mahaifiyarta ta daina xumudin ganinta. Don kuwa ta fahimci bata kama kanta ba. Ta riqa jin kunyar yadda mahaifiyarta take gudanar da irin wannan rayuwar ba aure.
.
.
.
Lp=6%%% FARIN CIKI SAU DAYA %%%
Page 6
.
Daga alqalamin
Shafi'u Dauda Giwa
.
.
Tare da ni
Abu ihsan Bn ishak
(Madugun Taska)
.
"TASKAR GIDAN LITTAFI" bata amince da daukar shafin ba."
.
Tun daga lkcn Ilham ta katsa da lamarin mahaifiyarta. ta daina xumudin ganinta domin kuwa ta san bata kama kanta ba." ta riqa jin kunyar yadda mahaifiyarta take gudanar da irin wannan rayuwar ba aure. Kuma bata damu da kowa ba sai kanta kawai, da abubuwan da take so a rayuwar ta...tun
.
Ilham ta rasa da wa zata zzauna ta ji dadi a duniya? Ba tare da mahaifiyarta. mahaifinta kuma yana tsoron ya nuna mata so. Sbd kada matarsa uwar manyan 'ya'yansu ta ji haushi. Su kuma yayyenta sun tsaneta, gashi kuma ita kadai mahaifiyarta ta haifa a gidan, ta tafi ta barta.
.
Ilham ta fasa karatun ta zauna a gida tare da sakamakonta na sakandire kadai...tare da kyakkyawar surar jikinta wanda a Kodayaushe yake jawo mutane ta ko'ina xuwa gareta suna kawo mata farmakin soyayya ita kuma Ilham tana gocewa makamin soyayyar namiji. Bai ta6a fadawa kanta ba. Ba ta ta6a yin soyayya da kowa ba."
.
A zamanta haka nan a gida ma bata tsira ba." mahaifin ta ya ce da yayyenta ya kamata a samarwa Ilham da sana'ar da zata riqa yi kafin tayi aure, tunda dai babu karatun. Sanda Alh. Ayuba ya kira 'yan uwanta zasu yi wannan shawarar, ba a kira Ilham ba, ta dai zo wucewa ta falon mahaifin su ta ji suna magannar. Alh Ayuba ya c masu. Zai saya mata babban injin saqar kaya ta koyi saqa don idan tayi aure ta dogara da kanta.
.
Auwal ya ce da mahaifinsu cikin damuwa.
.
"Gskyr magana Baba Ilham ba zata iya yin saqa ba." wannan san'a ce ta masu kazar-kazar, ba san'aa ce ta masu son jiki irin Ilham ba, 6arnar kudi kawai za'ayi ko an sayo mata injin don kuwa ba zata iya ba."
.
Mustafa ya ce....'
.
"in haka ake so ai yafi ma a saya mata keken dinki, amma yaushe Ilham zata iya yin wani saqa?"
.
Jamilu ya ce....'
.
"irin wadannan kayan ma Baba ko an saye su ba dadewa suke yi ba, nan da nan suke lalacewa. Kawai ka barta tunda dai ba ita ta ce tana so ba."
.
Ilham ta girgiza kai ta yi tafiyarta. Ta bar 'yan uwanta a falon tare da mahaifinsu suna ta kushe abin alherin da mahaifinsu ke son yi mata. Shi kuma ya riga ya saba' bai ta6a yi mata wani abu ba sai ya kira su yayi shawara dasu' matsayin manyan 'ya'yansa.
.
A haka rayuwar ta ci gaba da xuwar wa Ilhamm ta yi haquri ta ci gaba da zama tare da 'yan uwanta wadanda suka dora mata karan tsana, akwai abubuwa da yawa da ta rasa a rayuwarta. Akwai abubuwa da yawa da take so, amma da yake ta san ko ta tambaya ba zata samu ba, sai ta riqa yin haquri tana barin abin a xuciyarta. Kuma da yake Ilham tana da haquri da zurfin ciki, bata ta6a fitowa waje ta fada ba." kadan ne daga cikin mutanen da suke makwabtaka dasu suka san abin da yake faruwa da irin zaman da Ilham take yi a gidansu tare da 'yan uwanta wadanda ba mahaifiyarsu daya ba."
.
A ranar wata alhamis...tabbas ranar alhamis ce da yamma, Ilham ba zata ta6a mancewa da wannan rannar ba mai dumbin tarihi a rayuwarta. A ranar ne Ma'aruf ya fado cikin rayuwarta ba zato ba tsamman.
.
Ilham ta fito kenan daga gida tazo shagon sayar da katin wayar dake kusa da gidan su a kan layin nasu. Ta iske samari kusan biyar a zazzaune a kan benci tare da mai shagon suna labarin qwallon qafa. Ilham ta yi sallama ta ce da Khalid mai sayar da katin ya bata (MIN) na dari biyu. Ta miqa kudin. A sanda tazo wajen kowa yayi shiru a cikin matasan da suke zaune a bakin shagon. Ilham bata daga kai ta kallesu ba, ta san ita suke kallo. Ta hadefuskarta har lkcn da Khalid ya ciro latin ya bata. Da ta juya ta tafi ne ta nufi gidansu ta ji wani a cikin samarin ya ce da Khalid mai shagon.
.
"wannan kuma wace ce a nan layin Khalid? Kune 'yan gari mu baqi ne....! Don Allah wace ce?"
.
Ilham ta ji Khalid ya yi dariya amma bai cewa wanda ya yi masa tambaya komai ba akanta.
.
A sannan ne Ilham ta tabbatarwa kannta duk da bata waigo ba, babu shakka wani a cikin samarin ya kamu da sonta....a nan take daga kawai ta zo sayen kati.
.
Kamar yadda mutane da yawa suka sha kamuwa da sonta amma har ynx bata hadu da wanda ya ji ya yi mata ba ranta.
.
.
.
***
.
.
Da qarfe takwas na dare bayan ann idar da sallar Isha'i ya zo har ggidansu ya aiki yaro ya kai mata wasiqa har gida. Ilham tana kwance a katifarta yaron yayi sallama ya miqa mata takardar.
.
"Gashi in ji wani ya ce wai a baki."
.
Ilham ta kalli takardar cikin rashin kulawa.
.
"wane ne ya baka ya ce ka kawo min?"
.
Yaron ya ce....'
.
"nima ban sanshi ba, yana nann a tsaye a waje."
.
Ilham ta amshi takardar, a yayin da yaron ya fita ya bata wuri. Ta warware taga rubutu ne bai wuce layi hudu ba bashi da yawa, ta fara karanta.
.
.
Assalamu alaikum.
Ilham suna na Ma'aruf. Daxu na ganki da yamma a sanda kika zo sayen kati a shagon Khalid ina so ne in fadi maki wata magana, ina so ki fito ina qofar gidanku ina jiranki ynxn nan.
na gode.
.
.
Ilham ta dubi takardar bayan ta gama karanta ta. Ta sha cin karo da irin wadannan saqonniin ba sau daya ko sau biyu ba. Ta sa hannu biyu ta keta takardar, ta watsa ta a kwandon shara dake bayan qofar dakinta.
.
A lkcn ne ta sa qafa ta tura qofar ta rufe, ta jawo mayafinta ta rufa sbd ana sanyi. Ta rufe idanunta. Bata yi minti ashirin a baka ba ta fara barci.
.
A daren sai da Ma'aruf ya kai awa uku a zaune yana jiran fitowarta. Da ya tabbatar ba zata fito bane ya tafi ya rabu da ita.
.
A rana ta biyu tun da safe ya zo gidansu don ya ganta su sake yin ido da ido. Ya nemi lambar wayarta kamar gwal a ruwa amma duk fadin layin bai samu wanda yake da lambar Ilham ba. Shi kanshi Khalid mai sayar da kati duk da yana mutunci da Ilham bata ta6a bashi lambarta ba." shi yasa tun farko bai ba Ma'aruf qwarin guiwar xuwa ya sameta ba." don ya san da wahala ta amince masa. Ilham ba kamar sauran mata ba ce.
.
Da fitowarta zata shiga gidan dake hade da nasu kenan sai Ma'aruf ya taso sameta yana fara'a. Ilham ta samu kanta tana fuskantar wani farin saurayi dan kimanin shekaru talatin da haihuwa. Sanye da baqin wando da rigar masu bautar qasa. Ilham ta tambayeshi da taga ya tsaya mata a hanyar wucewa.
.
"Lfy malam..?"
.
Ma'aruf ya ce da ita.
.
"ni ne Ma'aruf din da na aiko miki da takarda jiya da daddare ki qi fitowa. Shi ne na sake dawowa ynx da safe, sbd na qosa mu hadu in fada miki abin da yake raina."
.
Ilham ta ce dashi cikin fushi.
.
"Dakata malam, kaga bana son irin wannan, kada ka sake biyoni gidan mu. Kaga kai ba qaramin yaro ba ne, bana so in yi maka wani abu ka ce nayi maka rashin kunya. Don Allah ka rabu da ni bana so, kawai ka rabu da ni, na gode.
.
Ma'aruf ya rage fara'ar dake a fuskarshi ya ce da Ilham
.
"na gode sosai da kika fada min gsky tun ynx. Ban san cewar na takurawa rayuwarki ba a dalilin biyoki da nayi har gida ba. Li yi haquri Ilham."
.
Ta kauce ta bashi wuri ta shiga cikin gidan da zata shiga ta barshi a tsaye a waje cikin damuwa.
.
.
.
Lp=7%%% FARIN CIKI SAU DAYA %%%
Page 7
.
Daga alqalamin
Shafi'u Dauda Giwa
.
.
Tare da ni
Abu ihsan Bn ishak
(Madugun Taska)
.
"TASKAR GIDAN LITTAFI" bata amince da daukar shafin ba."
.
Ta kauce ta bashi wuri, ta shiga cikin gidan da zata shiga ta barshi a tsaye cikin damuwa. Da yake Ilham ta san Khalid ne ya fadawa mutumin ko ita wace ce? Ba a dade da yin haka ba da rana ta taka ta je har shagon wayarsa ta same shi babu kowa yana zaune yana gyara wata waya akan teburi. Ilham ta ce da Khalid a fusace.
.
"wajen ka nazo Khalid."
.
Ya dago kai ya kalle ta...tun
.
"ya aka yi ne Ilham?"
.
Ta ce dashi
.
"Kaga ina jin kunyarka Khalid, na daukeka kamar yayana a layin nan, amma shi ne zaka je ka na fadawa mutane suna na da gidanmu suna biyoni suna takura mani tunda sassafe? Gsky ban ji dadi ba, don in banda kai ne har ga Allah sai an jimu. Idan mutum ya yi min haka. Gsky bana so Khalid kada ka qara yi min haka."
.
Khalid ya tsaya da gyaran wayar ya tattara hankalinsa waje guda ya ce da Ilham
.
"da farko zan fara da baki haquri Ilham, ki gafarceni don ban san haka abin zai kasance ba da ban fada masa ba. Kin san kin zo nan jiya kin sayi kati. To a sannan ne ya ganki. Baqo ne yazo (service) dakinsa na can gaban 'Yaryara. Shima dan nan jihar ne, a Matazu yake. Ya ci sa'a ne an turo shi nan Katsina, duka-duka yau kwanansa shida da xuwa. To kin san halin Baqo musamman in aka ce mutum yayi karatu, zaki ga yana qoqarin shiga mutane a san shi, ni kaina ban so na fadiwa Ma'aruf sunanki ba' to ya matsa mani ne, yana sonki sosai Ilham, tunda ya ganki jiya ya rude, amma ki bari idan yazo anjima zan fada masa ya bari, kin ce bakya so."
.
Ilham ta dan sauko daga fushin kadan. Ta ce da Khalid
.
"shi kenan ya wuce."
.
Ta koma gida tana tunanin...sai yaushe irin wadannan samarin masu nacin tsiya zasu barta ta huta da fushi? A ranar da yamma wani yaro ya shigo ya kawo mata wani faffadan katin saka muhimman saqonnin soyayya da gaisuwa wanda aka yiwa rubutu a samansa kamar haka:-)
.
Please forgive me.
.
Ma'aruf ne ya aiko mata da saqo yana roqonta tayi haquri. ta bude cikin katin ta ga qaramar takarda a nannade ta cirota ta warware. Ta ga ya rubuta mata qaramar wasiqa kamar haka.
.
Ilham
Ki yi haquri da abin da ya faru a tsakanina da ke. A wani lkc da dadewa na ta6a jin wani ya ce, duk wanda ciwon so ya kama baya iya ganin komai. Na dauka ba gsky bane, amma ynx na yarda da maganar a dalilin haduwata da ke. Ki yi haquri....
Na gode, daga masoyinki Ma'aruf.
.
Ilham ta kekketa wasiqar ta xubar da ita a waje. Ta kira wata yarinya wacce tazo gidansu 'yar wata yayarsu ta miqa mata katin ta ce da ita.
.
"gashi idan kina so basira ki yi wasa da shi."
.
Yarinya ta amsa tana murna ta fita waje dashi. Awa daya bayan haka har Basira ta fara wasan qasa da katin ita da yara a qofar gida.
.
Bayan kwana biyu Ma'aruf ya sake aiko mata da wani katin wanda yafi na farko kyau da ban sha'awa jikinsa an rubuta.
.
I hope I'm forgiven.
.
Wato yana fatan ta yi haquri ta yi masa afuwa bisa fushin da take yi dashi sbd kawai ya ce yana sonta. Sai dai a wannan karon bai sako wani saqo a rubuce ba." ya dai hado mata da wani zobe ne na azurfa wanda zai burge Ilham da ace tana son Ma'aruf
.
Ilham ta rasa me yake yi mata dadi. Ta cire zoben ta sake ba yara katin ta ce su yi wasa idan suna so. A ranar ta ba wani almajiri zoben kyauta. Wanda yake debo masu ruwa a gidan. Ta ce a xuciyarta.
.
"idan har bana son mutum to kayansa ma bana so."
.
Tun daga ranar, kusan Kodayaushe sai Ma'aruf ya aiko mata da kyaututtuka irin su kayan kwalliya, sarqoqi da turaruka masu tsada. Ilham bata ta6a yin amfani da ko daya ba a cikin su." a ranar da suka zo itama a ranar take kyautar dasu. Ta san idan ya gaji wata rana zai bari don kanshi, zai rabu da ita... Indai ba shi ne sarkin marasa xuciya ba."
.
Wata rana Ilham ta je sayen katin waya wajen Khalid maqwabcinsu, sai ya ce da ita.
.
"Ilham duk da dai baki son ayi maki zancen mutumin nan, yau dai ya cika mani fuska ya bar min saqo wai in kin zo in baki.
.
KHALID YA miqo mata wani abu a cikin leda. Ilham ta amsa ta duba ta ga wani hadadden takalmi ne a cikin kwalinsa dake kama da gilashi. Takalmin ya burgeta, sai dai kuma wanda ya aiko mata da takalmin ne bai ta6a burgeta ba, kuma tana zaton ba zai ta6a burgeta ba." ta ce a xuciyarta.
.
"lkc ya yi da ya kamata in dakatar da wannan shashashan."
.
"ka ce dashi na gode, kuma idan ya zo ka ce ina son ganin sa anjima da daddare a gidanmu. Ya zo da qarfe takwas."
.
Khalid YA amsa mata cikin murna.
.
"zan fada masa Ilham. zan je ynxn nan in fada masa. Na san tukuicina mai tsoka ne."
.
Ya yi dariya. Ilham ta tafi gida da takalmin a cikin baqar leda. Da xuwanta dakin ta ta jefar dashi ya hadu da bango.
.
Bata sake waiwayen inda yake ba."
.
Da qarfe takwas daidai na daren ranar ko minti daya Ma'aruf bai qara ba." ya zo gidan su Ilham. ya aiki yaro ya ce, ya shiga ya fada mata Ma'aruf yana kiranta.
.
Yaron ya fito ya ce dashi.
.
"ta ce tana xuwa."
.
Ma'aruf ya tsaya cike da farin ciki, ya qosa Ilham ta fito. Sbd tana sa ran haqarsa ta cimma ruwa. Ilham ta amshi soyayyarsa da hannu biyu. Yarinyar da yake so fiye da komai. Wacce yake kwana yake tashi da radadin begenta, tun ranar da ya fara ganinta.
.
Ilham ta fito dauke da takalmin da ya aiko mata dashi a hannu ba ma a cikin ledar da ya sako takalmin ba."
Ma'aruf ya fara yi mata fara'a, kafin yayi mata magana ne ta watso masa takalmin suka fada a jikinsa suka xube a qasa.......
.
.
.
Lp=8%%% FARIN CIKI SAU DAYA %%%
Page 8
.
Daga alqalamin
Shafi'u dauda Giwa
.
.
TAre da ni
Abu ihsan Bn ishak
(Madugun Taska)
.
"TASKAR GIDAN LITTAFI" bata amince da daukar shafin ba."
.
Kafin ya yi mata magana ne ta watso masa takalmin suka fada a jikinsa suka xube a qasa..akan qafafuwansa. Ma'aruf ya bude baki cikin razana yana kallon abin da tayi masa. Ilham ta nuna masa yatsa ta ce dashi cikin kakkausar murya.
.
"ina so wannan ya zama gargadi na qarshe a tsakanina da kai.... Kada ka sake aiko min da komai, bana buqata, kamar yadda bana son ka sake xuwa inda nake. Ina fatan zaka kiyaye, idan har kana so ka karewa kanka mutunci."
.
Ilham ta juya zata shiga gida kenan sai Ma'aruf ya kira sunanta.
.
Ilham dakata."
.
Kamar ba zata tsaya ba, sai kuma ta juya ta ce dashi.
.
"na tsaya' mene ne kuma?"
.
Ma'aruf ya dan sake matsawa inda take, da yake akwai haske a qofar gidan, Ilham ta ga yadda fuskarsa ta koma, akwai alamun qunci da nadama a ko'ina a fuskarsa. Duk da haka sai ya yi mata murmushi ya ce....'
.
"laifina ne duk abin da ya faru Ilham. Baki da laifi sbd na san ba a soyayya dole. To amma ba yadda zan iya yi, ni kaina na san abin da nayi bai cancanta ba, ba zan iya hana kaina sonki ba." ban san yadda zan yi in hana kaina sonki ba. Ba zan iya dakatar da xuciya ta ga barinn begenki ba."
.
Ya dan saurara sannan ya ce da ita.
.
"Amma tunda baki sona, nayi maki alqawarin daga yau ba zan sake xuwa inda kike ba, kuma ba zan sake aiko miki da komai ba." ina fatan zaki gafarceni a bisa 6ata miki ran da nayi na saki fushi, a yayin da kike zaune cikin kwanciyar hankali tare da iyayenki da 'yan uwanki. Ki yi haquri Ilham na shiga rayuwarki."
.
Ma'aruf ya sake mayar da numfashi kafin ya sake cewa.
.
"kafin muyi bankwanan qarshe, zan so ki ara min minti daya domin in fada miki dalilin da yasa har kika ga na nace akan sonki naqi yin fushi akan abin da kike yi min.
.
"Ilham a rayuwata ni maraya ne....! Na taso cikin rashin kula. Babu wanda yake sona. Iyayena sun rabu tun ina jariri dan wata uku, mahaiffiyata ta barni a wajen mahaifina a sakamakon zazzafar rabuwar da suka yi. Mahaifiyata ta tsaneni sbd irin wulaqancin da mahaifina ya yi mata. Haka shima mahaifina ya tsaneni a cikin 'ya'yansa, sbd tsanar da yayi wa mahaifiyata. Bai barni a gidansa ba, da na rayu ban mutu ba tun ina jariri, mahaifiyata ta barni a tsumma ta yi tafiyarta, sai ya kaini Matazu wajen mahaifiyarsa wato kakata. A hannunta na girma, cikin rashin kula da quncin rayuwa.
.
Ilham ta bi Ma'aruf da kallo tana saurarenshi, jikinta a sanyaye. Tarihin rayuwarsa da yake fada mata, kamar yana tuno mata da kwatankwacin nata Tarihin rayuwar ne. Itama da irin wannan azabar rashin kulawar ta taso a rayuwarta.
.
Ma'aruf ya ce da ita.
.
"mahaifiyata ta dade da rasuwa, ni kaina sai daga baya na samu labari. A lkcn ina a makarantar firamare, bana iya xuwa garin da take, ita kuma bata iya xuwa wajen kakata don ta ganni."
.
Ilham ta tuno yadda take damuwa idan mahaifiyarta ta dade bata zo ba." ta tuno irin maganganu da take fada mata.
.
"Mama me yasa baki son xuwa Katsina in ganki? Gashi kin qi nuna min 'yan uwanki, ban san kowa ba a danginki mama."
.
Ma'aruf ya ci gaba da cewa Ilham
.
"mahaifina yana da 'ya'ya da yawa. Amma ganin bai damu da ni ba." suma basu damu da ni ba. Basu kulawa da ni, suna daukata kamar wani bare ba dan gidansu ba."
.
"Baba Ilham ta yi qanqanta da xuwa makarantar kwana. A rabu da ita kawai a samu wata (Day) a nan kusa..."
.
Ma'aruf ya ci gaba da fada mata cewa.
.
"ina da qoqari a makaranta Ilham. Dana gama sakandire a MATAZU naso in je jami'a, amma aka hana mahaifina ya biya mini. Dole sai dai nayi ta fadi-tashi na samu kudin da na shiga (Federal polytechnic) dake a KADUNA. A can nayi (HND) na gama. Duk da haka sauran 'yan uwana dake tare da mahaifina a halin ynxn basu ta6a yi mani fatan alheri ba. Ban ta6a yin wani abu da na burgesu a duniya ba."
.
"me Ilham zata iya yi a jami'a baba..?"
.
Ma'aruf ya sake cewa.
.
Xuwa da nayi garin nan nazo bautar qasa ne....! Na hadu da mutanen arziqi wadanda suka nuna mani qauna. Kuma na gode. Ina son a nuna min qauna sbd ita ce abin da na dade ina nema ban samu ba." na taso cikin wata irin rayuwa mai wahala Ilham. Mutanen duniya kadai suke ganin mutuncina da darajata. Amma mahaifina da 'yan uwana basu yarda zan iya zama wani abu ba a duniya."
.
"gaskiyar magana Ilham ba zata iya yin saqa ba, ba sana'a ba ce ta masu son jiki irin ta..."
.
Ma'aruf ya sake cewa Ilham
.
"ganinki sa na n a karo na farko, sai naji haka kawai Allah Ya sa min sonki a xuciyata Ilham. Da ace na samu kulawa a rayuwata, na san ba zan yi ta binki ina roqonki ki soni ba." to amma kiyi haquri daga yau nayi miki alqawarin ba zan qara takurawa rayuwarki ba. Dama wannan shi ne dalilin da yasa kika ga na qwallafa raina a kanki, na san ynx ba zaki ga laifina ba, kuma zaki daina daukata a matsayin mahaukaci, na gode Ilham, ina yi maki fatan alheri a rayuwarki."
.
Ma'aruf ya juya zai tafi, ya duqa zai kwashe takalman da ta watso masa a jiki.
.
Ilham ta ji xuciyarta ta sosu sosai. Bata ta6a haduwa da namijin da ya yarda da ita ba, ya dauketa da muhimmanci har ya fada mata gskyr rayuwarsa babu yaudara irin Ma''
.
Ta ji ma' ya zama kamar dan uwanta a nan take. Sbd duk wani abu da ya fada mata a cikin Tarihin rayuwarsa irin qalubalen nata rayuwar ne....!
.
.
Lp=9%%% FARIN CIKI SAU DAYA %%%
Page 9.
.
Daga alqalamin
Shafi'u Dauda Giwa
.
.
Tare da ni
Abu ihsan Bn ishak
(Madugun Taska)
.
"TASKAR GIDAN LITTAFI" bata amince da daukar shafin ba."
.
Ta ji Ma'aruf ya zama kamar dan uwanta a nan take. Sbd duk wani abu da ya fada mata kwatankwacin abin da itama take fusksnta ne a rayuwar ta. Ba wani dalili dama da yasa Ilham take qin amsar soyayyar samarin da suke sintirin sonta ba, sai kawai don kawai don taga rayuwar ta cike take da damuwar rashin kulawar da ake nuna mata, tana jira ne har sai ta samu saurayin da zai fahimci rayuwarta ya riqe ta amana domin idan har ba ta samu miji na-gari ba wanda zai riqe ta amana ba, to tabbas rayuwarta da ta 'ya'yanta da zata haifa tana cikin garari.
.
Ilham ta ji Ma'aruf ya zama kamar dan uwanta, kamar wani babban amininta. Ta ji xuciyarta ta gamsu dashi sbd shi ma yana cikin irin rayuwar ta. Shi kadai ne namijin da ta fara haduwa dashi wanda ya dandani abin da ta dandana a rayuwarta. Shi kadai ne zai tausaya mata yayi mata adalci akan duk wata mu'amulla da zasu yi, sbd ya san irin matsalar da ta sani a rayuwarta.
.
Bayan Ma'aruf ya duqa ya dauke takalmin da ta watso masa ne kafin ya tafi sai ta ce dashi.
.
"Ina zaka tafi min da takalmina da naga ka duqa ka dauka Ma'aruf, ko ka fasa yi min kyautar ne?"
.
Ma'aruf ya dubeta cikin kaduwa da mamaki ya ce....'
.
"ke ce fa kika watso min su kika ce baki son kyautar da nayi miki. Nima kuma baki sona."
.
Ilham ta ce dashi cikin nadama.
.
"ka yi haquri Ma'aruf, na san nayi maka abubuwan da basu dace ba." amma ka gafarceni ynx komai ya wuce."
.
"kada ki damu Ilham, baki yi min laifin komai ba."
.
Ilham ta matso
Inda yake ta miqa hannuwanta ta ce dashi.
.
"ynx dai fara bani takalmana tukuna kada in mance dasu."
.
Suka yi dariya tare ita da Ma'aruf. ya miqa mata takalman ta amsa cikin ladabi.
.
"na gode da kyautar da kayi min, da kuma duk sauran kyaututtukan da kayi min a baya Ma'aruf. Allah Ya saka da alkhairi."
.
Ma'aruf ya kasa magana sbd farin ciki, abin yazo masa a ba-zata. Bai san yadda akayi Ilham ta canza ra'ayin ta ba a cikin lkc qanqani. Duk qiyayyar da ta nuna masa kwana da kwanaki, ynx ta rikide ta zama gagarumar soyayya. Ma'aruf ya tambayi Ilham cikin wasi-wasi.
.
"ynx kina nufin kenan kin dawo kin amshi soyayyata Ilham? kin amince da ni in zama masoyinki?"
.
Ilham ta kalleshi har cikin idanunsa ta ce
.
"wacce soyayya kuma zamu fara yi, ai har mun yi ta mun gama a cikin dan abin da ka fada mini na minti biyun da suka wuce. Ynx ina so gobe kazo mu je wajen Babana ya ganka. Tun yau zan fada masa na samu mijin da zan aura."
.
Ma'aruf ya rufe idanunsa ya sake budesu. Bai ta6a yarda ba mafarki yake yi ba, sai da ya bude idanunsa yaga Ilham a gabansa tana yi masa murmushin soyayya riqe da takalmin da ya bata a hannunta.
.
.
.
*** *** **
.
.
.
*
An haifi Ilham a cikin birnin Katsina a unguwar Filin samji. Mahaifinta Alh. Ayuba Tsohon ma'aikacin gwamnati ne wanda ya dade da yin ritaya ya dawo ana hada-hadar siyasa tare da shi.
.
Ilham ba ta girma tare da mahaifiyarta ba tun tana qarama 'yar shekara uku mahaifinta ya rabu da mahaifiyarta, kuma ya hanata tafiya da ita. Ilham ta taso kamar marainiya a gidan su tare da yayyenta su takwas uku maza biyar mata, wadanda duk mahaifiyarsu daya wato Haj. Kubra.
.
Faraira ita ce mahaifiyar Ilham. wata bafillatanar jihar nassarawa ce a cikin garin Lafiya. Wacce Alh. Ayuba mahaifin Ilham ya hadu da ita a wajen yawace-yawacen canjin aikin da aka sha yi masa, bashi a wannan gari bashi a wancan.
.
Ilham ta dauko kamannin mahaifiyarta sak, bata bar komai ba." wankan tarwada ce wacce take da kafar gashi a jikin ta...gashin idanunta da girarta da kuma yalwataccen gashin kanta, da wasu baqaqe sirara wadanda suka fito mata a hannuwanta, sun isa su sa kowa ya fahimci akwai wani jinsi dake tattare da ita na wasu mutane ko wata qabila, wacce ta sha banban da na mahaifin ta Alh. Ayuba.
.
Ilham tana da kyakkyawan jiki, ba ramammiya ba ce, duk da yake ba zai yiwu a sakata a layin masu qiba ba." lkcn da tana makarantar firamare a unguwarsu mutane da yawa sun ce idanunta sun fi komai basu sha'awa. Duk sanda aka tashe su tara idan Ilham tana wasa da yara ko in zasu dawo gida, wani mai tireda dake a layin su wanda yake da budurwar xuciya ya kan kirata ita kadai ya bata kyautar cingam ko alawar tsotso don kawai ta kalleshi ya ga idanunta.
.
Amma da Ilham ta je makarantar kwana gashin kanta da qananun gashin da suke fito mata a haanu yafi burge qawayenta wadanda suke daki daya. Idan Ilham ta fito wanka kafin ta bushe ta kan sa hannunta ta riqa kwantar da gashin kanta ya kwanta ya yi ta sheqi a bayan. Qawayenta suna kallo daga kan dagajensu suna ji ina ma sune suke da gashin Ilham
.
Da Ilham ta gama karatun sakandire ta dawo gida ta zama cikakkiyar budurwa komai dake tattare da ita yana burge mutane. Shigarta, maganarta' fara'arta, dabi'unta da kuma uwa uba kamun kanta da jan ajinta, sbd a duk fadin unguwarsu ba za a samu maza uku wadanda take yiwa magana ba." idan ma har za a samu to sai dai wadanda take mutunci dasu. Ko dai inda take sayen katin waya ta bayar da caji. Ko kuma wani matashi dake sayar da kankana da lemu a bakin qofar gidan su." Ilham bata kula mutane barkatai. Ba maza ba, hatta 'yan mata yawanci sai wadanda ta san sun yi karatu tare. Duk fadin unguwarsu bata da qawa ko daya.
.
Mahaifin Ilham yana sonta sosai, kuma hakan shi ya jawo mata baqin jini da tsana a wajen sauran 'yan uwanta. Duk lkcn da Alh. Ayuba zai yi wa Ilham wani abu, to qura ta taso kenan a cikin gidansa. Mahaifiyar manyan 'ya'yansa wato Haj. Kubra, ata taso ita da 'ya'yanta su nuna atafau!! Basu yarda ba." idan kuma wani abu ne wanda za a yiwa kowa da kowa, to sai 'yan uwanta sun san yadda suka yi mata kutunguila da bi-ta-qulli suka karkatar da ra'ayin mahaifinta ya fasa yi mata nata abin da take so.
:
Tun a wajen makarantun da Ilham ta yi ta ke samun matsala da 'yan uwanta. Lkcn da zata je sakandire aji daya, makarantar 'yanmata ta Gwamnatin tarayya (Federal Government Girls College) da ke Funtuwa Ilham ta ce da mahaifinta tana so ta je. Kafin ya nemar mata makarantar ne, sai ya kira yayyenta su uku maza wadanda suka gama karatu suke zaune a gida ba aikin yi ya fada masu abin da da Ilham ta ce tana so.
.
Babban yayansu Auwal ya ce da mahaifinsu.
.
"Baba ai Ilham ta yi qanqanta da xuwa (Boarding school) a dai samu wata (Day) nan kusa dake a gida a kaita."
.
Yayansu na biyu wanda ke bin Auwal mai suna Mustafa ya ce da mahaifinsu.
.
"kuma ga nisa baba. Ko hutu aka yi sai an sha wahala kafin a je a dawo da ita."
.
Qaramin yayanta a maza wato Jamilu ya ce....'
.
"Bayan nan kuma kaga ba wani qoqari gareta ba Baba. Yawancin yaran da ake dauka a irin wadann makarantun masu qoqari ne....! Amma gsky Ilham ba zata iya ba."
.
Suka rushe maganar xuwan Ilham makarantar da ta ce tana so. Mahaifinta don a zauna lfy a gidan don kada Haj. Kubra ta ce an fi son Ilham akan 'ya'yanta sai ya bi shawarar da su Auwal suka bashi. Aka sa Ilham a wata qarammar makarantar sikandire jeka-ka-dawo dake a layinsu. A haka ta yi karatun tsawon shekaru uku cikin fushin rashin cimma buri.
.
Da ta kammala aji ukun farko zata je babbar sakandire a nan ma sai da aka kai ruwa rana. Ilham ta yi sha'awar xuwa makarantar kudi ta 'yanmata. Amma Auwal ya yi ruwa ya yi tsaki akan dole sai sai dai idan makarantar kwana take so ta za6i wata amma ba dai wacce take so ba." a qarshe Ilham ta je makarantar kwana dake a Kabomo, qaramar hukumar Bakori. Anan ta gama karatunta na sakandire. Ta dawo gida cike da burin zana jarrabawar share fagen shiga jami''a.
.
Duk sauran 'yanmatan da suka taso yayyen Ilham da suka yi aure. Babu wacce ta wuce sikandire. maza ne kawai su Auwal da Mustafa da Jamilu suka yi difloma, suma babu wanda ya je jami'a a cikin su." Da labari ya riskesu cewa Ilham tana so a biya mata jarrabawar share fagen shiga jami'a (jamb) sai duk suka yo mata caaa!!
.
Auwal ya ce da mahaifinsu.
.
"Me Ilham zata iya yi a jami'a Baba? Muma da muke maza kuma yayyenta mun haqura mun yi diploma ita sai ta ce dole sai ta yi digiri....?"
.
Mustafa ya qara da cewa.
.
"kamata yayi kawai ta fito da miji a yi mata aure Baba, ba wani karatu da zata iya yi a jami'a."
.
Jamilu ya ce a qarshe.
.
"To yaushe ma zata gama karatun, abin da Kodayaushe ba a rabuwa da yajin aiki a jami'o'in qasar nan? Gsky Baba ka qyale maganar jami'ar nan a dai nemo mata wani abin..."
.
Mahaifinsu ya dauki shawarar 'yan uwan Ilham duk da yake cewar ya san ya hana Ilham abin da take so fiye da komai a rayuwarta. Daga baya ya kirata ya ce da ita ta yi haquri ta shiga (FCE) TUNDA 'YAN UWANTA Basu goyu bayan xuwanta jami'a ba." Ilham ta ce da mahaifinta ta haqura da karatun baki daya, Ta tashi ta koma dakinta tana kukan baqin cikin wannan qiyayya da tsana da 'yan uwanta suke nuna mata.
.
Gashi kuma mahaifiyarta wata irin mace ce wacce Ilham ta kasa gane ta. Sai ta shekara uku cur bata zo taga ilham ba a Katsina. Tunda suka rabu da Alh. Ayuba ta koma jihar Nassarawa, ta mance da Ilham kamar ba ita ta haifeta ba." bata ta6a niqo gari takanas-ta-kano ta zo don ta ga Ilham ba, sai dai idan wani abu ya kawota Katsina ta biyo ta ganta a gurguje ta tafi ta ce sauri take yi.
.
Ilham tana so duk sanda mahaifiyarta ta zo su zauna ta fada mata inda danginta suke. Tana so ta sansu ta riqa xuwa inda suke komai nisan garuruwansu, sbd da su kadai ne zata yi alfahari, tunda dai 'yan uwanta da suke uba daya basu damu da ita ba, kuma sun tsane ta...tun
.
Furaira ba ta ta6a fadawa Ilham inda wasu 'yan uwanta suke ba." da Ilham ta tambayeta to wa take aure ynx bayan rabuwarta da mahaifinsu? Sai ta ce da Ilham har ynx bata sake yin wani auren ba. Ilham ta fahimci mahaifiyarta zaman kanta kawai take yi. Sb ko a wani xuwa da ta yi Katsina wani qaton baqin mutum mai kudi ya kawota a mota, wai sun zo wajen wani taron siyasa da ake yi na jam'iyyarsu.
.
Tun daga lkcn Ilham ta tsinke da lamarin mahaifiyarta ta daina xumudin ganinta. Don kuwa ta fahimci bata kama kanta ba. Ta riqa jin kunyar yadda mahaifiyarta take gudanar da irin wannan rayuwar ba aure.
.
.
.
Lp=6%%% FARIN CIKI SAU DAYA %%%
Page 6
.
Daga alqalamin
Shafi'u Dauda Giwa
.
.
Tare da ni
Abu ihsan Bn ishak
(Madugun Taska)
.
"TASKAR GIDAN LITTAFI" bata amince da daukar shafin ba."
.
Tun daga lkcn Ilham ta katsa da lamarin mahaifiyarta. ta daina xumudin ganinta domin kuwa ta san bata kama kanta ba." ta riqa jin kunyar yadda mahaifiyarta take gudanar da irin wannan rayuwar ba aure. Kuma bata damu da kowa ba sai kanta kawai, da abubuwan da take so a rayuwar ta...tun
.
Ilham ta rasa da wa zata zzauna ta ji dadi a duniya? Ba tare da mahaifiyarta. mahaifinta kuma yana tsoron ya nuna mata so. Sbd kada matarsa uwar manyan 'ya'yansu ta ji haushi. Su kuma yayyenta sun tsaneta, gashi kuma ita kadai mahaifiyarta ta haifa a gidan, ta tafi ta barta.
.
Ilham ta fasa karatun ta zauna a gida tare da sakamakonta na sakandire kadai...tare da kyakkyawar surar jikinta wanda a Kodayaushe yake jawo mutane ta ko'ina xuwa gareta suna kawo mata farmakin soyayya ita kuma Ilham tana gocewa makamin soyayyar namiji. Bai ta6a fadawa kanta ba. Ba ta ta6a yin soyayya da kowa ba."
.
A zamanta haka nan a gida ma bata tsira ba." mahaifin ta ya ce da yayyenta ya kamata a samarwa Ilham da sana'ar da zata riqa yi kafin tayi aure, tunda dai babu karatun. Sanda Alh. Ayuba ya kira 'yan uwanta zasu yi wannan shawarar, ba a kira Ilham ba, ta dai zo wucewa ta falon mahaifin su ta ji suna magannar. Alh Ayuba ya c masu. Zai saya mata babban injin saqar kaya ta koyi saqa don idan tayi aure ta dogara da kanta.
.
Auwal ya ce da mahaifinsu cikin damuwa.
.
"Gskyr magana Baba Ilham ba zata iya yin saqa ba." wannan san'a ce ta masu kazar-kazar, ba san'aa ce ta masu son jiki irin Ilham ba, 6arnar kudi kawai za'ayi ko an sayo mata injin don kuwa ba zata iya ba."
.
Mustafa ya ce....'
.
"in haka ake so ai yafi ma a saya mata keken dinki, amma yaushe Ilham zata iya yin wani saqa?"
.
Jamilu ya ce....'
.
"irin wadannan kayan ma Baba ko an saye su ba dadewa suke yi ba, nan da nan suke lalacewa. Kawai ka barta tunda dai ba ita ta ce tana so ba."
.
Ilham ta girgiza kai ta yi tafiyarta. Ta bar 'yan uwanta a falon tare da mahaifinsu suna ta kushe abin alherin da mahaifinsu ke son yi mata. Shi kuma ya riga ya saba' bai ta6a yi mata wani abu ba sai ya kira su yayi shawara dasu' matsayin manyan 'ya'yansa.
.
A haka rayuwar ta ci gaba da xuwar wa Ilhamm ta yi haquri ta ci gaba da zama tare da 'yan uwanta wadanda suka dora mata karan tsana, akwai abubuwa da yawa da ta rasa a rayuwarta. Akwai abubuwa da yawa da take so, amma da yake ta san ko ta tambaya ba zata samu ba, sai ta riqa yin haquri tana barin abin a xuciyarta. Kuma da yake Ilham tana da haquri da zurfin ciki, bata ta6a fitowa waje ta fada ba." kadan ne daga cikin mutanen da suke makwabtaka dasu suka san abin da yake faruwa da irin zaman da Ilham take yi a gidansu tare da 'yan uwanta wadanda ba mahaifiyarsu daya ba."
.
A ranar wata alhamis...tabbas ranar alhamis ce da yamma, Ilham ba zata ta6a mancewa da wannan rannar ba mai dumbin tarihi a rayuwarta. A ranar ne Ma'aruf ya fado cikin rayuwarta ba zato ba tsamman.
.
Ilham ta fito kenan daga gida tazo shagon sayar da katin wayar dake kusa da gidan su a kan layin nasu. Ta iske samari kusan biyar a zazzaune a kan benci tare da mai shagon suna labarin qwallon qafa. Ilham ta yi sallama ta ce da Khalid mai sayar da katin ya bata (MIN) na dari biyu. Ta miqa kudin. A sanda tazo wajen kowa yayi shiru a cikin matasan da suke zaune a bakin shagon. Ilham bata daga kai ta kallesu ba, ta san ita suke kallo. Ta hadefuskarta har lkcn da Khalid ya ciro latin ya bata. Da ta juya ta tafi ne ta nufi gidansu ta ji wani a cikin samarin ya ce da Khalid mai shagon.
.
"wannan kuma wace ce a nan layin Khalid? Kune 'yan gari mu baqi ne....! Don Allah wace ce?"
.
Ilham ta ji Khalid ya yi dariya amma bai cewa wanda ya yi masa tambaya komai ba akanta.
.
A sannan ne Ilham ta tabbatarwa kannta duk da bata waigo ba, babu shakka wani a cikin samarin ya kamu da sonta....a nan take daga kawai ta zo sayen kati.
.
Kamar yadda mutane da yawa suka sha kamuwa da sonta amma har ynx bata hadu da wanda ya ji ya yi mata ba ranta.
.
.
.
***
.
.
Da qarfe takwas na dare bayan ann idar da sallar Isha'i ya zo har ggidansu ya aiki yaro ya kai mata wasiqa har gida. Ilham tana kwance a katifarta yaron yayi sallama ya miqa mata takardar.
.
"Gashi in ji wani ya ce wai a baki."
.
Ilham ta kalli takardar cikin rashin kulawa.
.
"wane ne ya baka ya ce ka kawo min?"
.
Yaron ya ce....'
.
"nima ban sanshi ba, yana nann a tsaye a waje."
.
Ilham ta amshi takardar, a yayin da yaron ya fita ya bata wuri. Ta warware taga rubutu ne bai wuce layi hudu ba bashi da yawa, ta fara karanta.
.
.
Assalamu alaikum.
Ilham suna na Ma'aruf. Daxu na ganki da yamma a sanda kika zo sayen kati a shagon Khalid ina so ne in fadi maki wata magana, ina so ki fito ina qofar gidanku ina jiranki ynxn nan.
na gode.
.
.
Ilham ta dubi takardar bayan ta gama karanta ta. Ta sha cin karo da irin wadannan saqonniin ba sau daya ko sau biyu ba. Ta sa hannu biyu ta keta takardar, ta watsa ta a kwandon shara dake bayan qofar dakinta.
.
A lkcn ne ta sa qafa ta tura qofar ta rufe, ta jawo mayafinta ta rufa sbd ana sanyi. Ta rufe idanunta. Bata yi minti ashirin a baka ba ta fara barci.
.
A daren sai da Ma'aruf ya kai awa uku a zaune yana jiran fitowarta. Da ya tabbatar ba zata fito bane ya tafi ya rabu da ita.
.
A rana ta biyu tun da safe ya zo gidansu don ya ganta su sake yin ido da ido. Ya nemi lambar wayarta kamar gwal a ruwa amma duk fadin layin bai samu wanda yake da lambar Ilham ba. Shi kanshi Khalid mai sayar da kati duk da yana mutunci da Ilham bata ta6a bashi lambarta ba." shi yasa tun farko bai ba Ma'aruf qwarin guiwar xuwa ya sameta ba." don ya san da wahala ta amince masa. Ilham ba kamar sauran mata ba ce.
.
Da fitowarta zata shiga gidan dake hade da nasu kenan sai Ma'aruf ya taso sameta yana fara'a. Ilham ta samu kanta tana fuskantar wani farin saurayi dan kimanin shekaru talatin da haihuwa. Sanye da baqin wando da rigar masu bautar qasa. Ilham ta tambayeshi da taga ya tsaya mata a hanyar wucewa.
.
"Lfy malam..?"
.
Ma'aruf ya ce da ita.
.
"ni ne Ma'aruf din da na aiko miki da takarda jiya da daddare ki qi fitowa. Shi ne na sake dawowa ynx da safe, sbd na qosa mu hadu in fada miki abin da yake raina."
.
Ilham ta ce dashi cikin fushi.
.
"Dakata malam, kaga bana son irin wannan, kada ka sake biyoni gidan mu. Kaga kai ba qaramin yaro ba ne, bana so in yi maka wani abu ka ce nayi maka rashin kunya. Don Allah ka rabu da ni bana so, kawai ka rabu da ni, na gode.
.
Ma'aruf ya rage fara'ar dake a fuskarshi ya ce da Ilham
.
"na gode sosai da kika fada min gsky tun ynx. Ban san cewar na takurawa rayuwarki ba a dalilin biyoki da nayi har gida ba. Li yi haquri Ilham."
.
Ta kauce ta bashi wuri ta shiga cikin gidan da zata shiga ta barshi a tsaye a waje cikin damuwa.
.
.
.
Lp=7%%% FARIN CIKI SAU DAYA %%%
Page 7
.
Daga alqalamin
Shafi'u Dauda Giwa
.
.
Tare da ni
Abu ihsan Bn ishak
(Madugun Taska)
.
"TASKAR GIDAN LITTAFI" bata amince da daukar shafin ba."
.
Ta kauce ta bashi wuri, ta shiga cikin gidan da zata shiga ta barshi a tsaye cikin damuwa. Da yake Ilham ta san Khalid ne ya fadawa mutumin ko ita wace ce? Ba a dade da yin haka ba da rana ta taka ta je har shagon wayarsa ta same shi babu kowa yana zaune yana gyara wata waya akan teburi. Ilham ta ce da Khalid a fusace.
.
"wajen ka nazo Khalid."
.
Ya dago kai ya kalle ta...tun
.
"ya aka yi ne Ilham?"
.
Ta ce dashi
.
"Kaga ina jin kunyarka Khalid, na daukeka kamar yayana a layin nan, amma shi ne zaka je ka na fadawa mutane suna na da gidanmu suna biyoni suna takura mani tunda sassafe? Gsky ban ji dadi ba, don in banda kai ne har ga Allah sai an jimu. Idan mutum ya yi min haka. Gsky bana so Khalid kada ka qara yi min haka."
.
Khalid ya tsaya da gyaran wayar ya tattara hankalinsa waje guda ya ce da Ilham
.
"da farko zan fara da baki haquri Ilham, ki gafarceni don ban san haka abin zai kasance ba da ban fada masa ba. Kin san kin zo nan jiya kin sayi kati. To a sannan ne ya ganki. Baqo ne yazo (service) dakinsa na can gaban 'Yaryara. Shima dan nan jihar ne, a Matazu yake. Ya ci sa'a ne an turo shi nan Katsina, duka-duka yau kwanansa shida da xuwa. To kin san halin Baqo musamman in aka ce mutum yayi karatu, zaki ga yana qoqarin shiga mutane a san shi, ni kaina ban so na fadiwa Ma'aruf sunanki ba' to ya matsa mani ne, yana sonki sosai Ilham, tunda ya ganki jiya ya rude, amma ki bari idan yazo anjima zan fada masa ya bari, kin ce bakya so."
.
Ilham ta dan sauko daga fushin kadan. Ta ce da Khalid
.
"shi kenan ya wuce."
.
Ta koma gida tana tunanin...sai yaushe irin wadannan samarin masu nacin tsiya zasu barta ta huta da fushi? A ranar da yamma wani yaro ya shigo ya kawo mata wani faffadan katin saka muhimman saqonnin soyayya da gaisuwa wanda aka yiwa rubutu a samansa kamar haka:-)
.
Please forgive me.
.
Ma'aruf ne ya aiko mata da saqo yana roqonta tayi haquri. ta bude cikin katin ta ga qaramar takarda a nannade ta cirota ta warware. Ta ga ya rubuta mata qaramar wasiqa kamar haka.
.
Ilham
Ki yi haquri da abin da ya faru a tsakanina da ke. A wani lkc da dadewa na ta6a jin wani ya ce, duk wanda ciwon so ya kama baya iya ganin komai. Na dauka ba gsky bane, amma ynx na yarda da maganar a dalilin haduwata da ke. Ki yi haquri....
Na gode, daga masoyinki Ma'aruf.
.
Ilham ta kekketa wasiqar ta xubar da ita a waje. Ta kira wata yarinya wacce tazo gidansu 'yar wata yayarsu ta miqa mata katin ta ce da ita.
.
"gashi idan kina so basira ki yi wasa da shi."
.
Yarinya ta amsa tana murna ta fita waje dashi. Awa daya bayan haka har Basira ta fara wasan qasa da katin ita da yara a qofar gida.
.
Bayan kwana biyu Ma'aruf ya sake aiko mata da wani katin wanda yafi na farko kyau da ban sha'awa jikinsa an rubuta.
.
I hope I'm forgiven.
.
Wato yana fatan ta yi haquri ta yi masa afuwa bisa fushin da take yi dashi sbd kawai ya ce yana sonta. Sai dai a wannan karon bai sako wani saqo a rubuce ba." ya dai hado mata da wani zobe ne na azurfa wanda zai burge Ilham da ace tana son Ma'aruf
.
Ilham ta rasa me yake yi mata dadi. Ta cire zoben ta sake ba yara katin ta ce su yi wasa idan suna so. A ranar ta ba wani almajiri zoben kyauta. Wanda yake debo masu ruwa a gidan. Ta ce a xuciyarta.
.
"idan har bana son mutum to kayansa ma bana so."
.
Tun daga ranar, kusan Kodayaushe sai Ma'aruf ya aiko mata da kyaututtuka irin su kayan kwalliya, sarqoqi da turaruka masu tsada. Ilham bata ta6a yin amfani da ko daya ba a cikin su." a ranar da suka zo itama a ranar take kyautar dasu. Ta san idan ya gaji wata rana zai bari don kanshi, zai rabu da ita... Indai ba shi ne sarkin marasa xuciya ba."
.
Wata rana Ilham ta je sayen katin waya wajen Khalid maqwabcinsu, sai ya ce da ita.
.
"Ilham duk da dai baki son ayi maki zancen mutumin nan, yau dai ya cika mani fuska ya bar min saqo wai in kin zo in baki.
.
KHALID YA miqo mata wani abu a cikin leda. Ilham ta amsa ta duba ta ga wani hadadden takalmi ne a cikin kwalinsa dake kama da gilashi. Takalmin ya burgeta, sai dai kuma wanda ya aiko mata da takalmin ne bai ta6a burgeta ba, kuma tana zaton ba zai ta6a burgeta ba." ta ce a xuciyarta.
.
"lkc ya yi da ya kamata in dakatar da wannan shashashan."
.
"ka ce dashi na gode, kuma idan ya zo ka ce ina son ganin sa anjima da daddare a gidanmu. Ya zo da qarfe takwas."
.
Khalid YA amsa mata cikin murna.
.
"zan fada masa Ilham. zan je ynxn nan in fada masa. Na san tukuicina mai tsoka ne."
.
Ya yi dariya. Ilham ta tafi gida da takalmin a cikin baqar leda. Da xuwanta dakin ta ta jefar dashi ya hadu da bango.
.
Bata sake waiwayen inda yake ba."
.
Da qarfe takwas daidai na daren ranar ko minti daya Ma'aruf bai qara ba." ya zo gidan su Ilham. ya aiki yaro ya ce, ya shiga ya fada mata Ma'aruf yana kiranta.
.
Yaron ya fito ya ce dashi.
.
"ta ce tana xuwa."
.
Ma'aruf ya tsaya cike da farin ciki, ya qosa Ilham ta fito. Sbd tana sa ran haqarsa ta cimma ruwa. Ilham ta amshi soyayyarsa da hannu biyu. Yarinyar da yake so fiye da komai. Wacce yake kwana yake tashi da radadin begenta, tun ranar da ya fara ganinta.
.
Ilham ta fito dauke da takalmin da ya aiko mata dashi a hannu ba ma a cikin ledar da ya sako takalmin ba."
Ma'aruf ya fara yi mata fara'a, kafin yayi mata magana ne ta watso masa takalmin suka fada a jikinsa suka xube a qasa.......
.
.
.
Lp=8%%% FARIN CIKI SAU DAYA %%%
Page 8
.
Daga alqalamin
Shafi'u dauda Giwa
.
.
TAre da ni
Abu ihsan Bn ishak
(Madugun Taska)
.
"TASKAR GIDAN LITTAFI" bata amince da daukar shafin ba."
.
Kafin ya yi mata magana ne ta watso masa takalmin suka fada a jikinsa suka xube a qasa..akan qafafuwansa. Ma'aruf ya bude baki cikin razana yana kallon abin da tayi masa. Ilham ta nuna masa yatsa ta ce dashi cikin kakkausar murya.
.
"ina so wannan ya zama gargadi na qarshe a tsakanina da kai.... Kada ka sake aiko min da komai, bana buqata, kamar yadda bana son ka sake xuwa inda nake. Ina fatan zaka kiyaye, idan har kana so ka karewa kanka mutunci."
.
Ilham ta juya zata shiga gida kenan sai Ma'aruf ya kira sunanta.
.
Ilham dakata."
.
Kamar ba zata tsaya ba, sai kuma ta juya ta ce dashi.
.
"na tsaya' mene ne kuma?"
.
Ma'aruf ya dan sake matsawa inda take, da yake akwai haske a qofar gidan, Ilham ta ga yadda fuskarsa ta koma, akwai alamun qunci da nadama a ko'ina a fuskarsa. Duk da haka sai ya yi mata murmushi ya ce....'
.
"laifina ne duk abin da ya faru Ilham. Baki da laifi sbd na san ba a soyayya dole. To amma ba yadda zan iya yi, ni kaina na san abin da nayi bai cancanta ba, ba zan iya hana kaina sonki ba." ban san yadda zan yi in hana kaina sonki ba. Ba zan iya dakatar da xuciya ta ga barinn begenki ba."
.
Ya dan saurara sannan ya ce da ita.
.
"Amma tunda baki sona, nayi maki alqawarin daga yau ba zan sake xuwa inda kike ba, kuma ba zan sake aiko miki da komai ba." ina fatan zaki gafarceni a bisa 6ata miki ran da nayi na saki fushi, a yayin da kike zaune cikin kwanciyar hankali tare da iyayenki da 'yan uwanki. Ki yi haquri Ilham na shiga rayuwarki."
.
Ma'aruf ya sake mayar da numfashi kafin ya sake cewa.
.
"kafin muyi bankwanan qarshe, zan so ki ara min minti daya domin in fada miki dalilin da yasa har kika ga na nace akan sonki naqi yin fushi akan abin da kike yi min.
.
"Ilham a rayuwata ni maraya ne....! Na taso cikin rashin kula. Babu wanda yake sona. Iyayena sun rabu tun ina jariri dan wata uku, mahaiffiyata ta barni a wajen mahaifina a sakamakon zazzafar rabuwar da suka yi. Mahaifiyata ta tsaneni sbd irin wulaqancin da mahaifina ya yi mata. Haka shima mahaifina ya tsaneni a cikin 'ya'yansa, sbd tsanar da yayi wa mahaifiyata. Bai barni a gidansa ba, da na rayu ban mutu ba tun ina jariri, mahaifiyata ta barni a tsumma ta yi tafiyarta, sai ya kaini Matazu wajen mahaifiyarsa wato kakata. A hannunta na girma, cikin rashin kula da quncin rayuwa.
.
Ilham ta bi Ma'aruf da kallo tana saurarenshi, jikinta a sanyaye. Tarihin rayuwarsa da yake fada mata, kamar yana tuno mata da kwatankwacin nata Tarihin rayuwar ne. Itama da irin wannan azabar rashin kulawar ta taso a rayuwarta.
.
Ma'aruf ya ce da ita.
.
"mahaifiyata ta dade da rasuwa, ni kaina sai daga baya na samu labari. A lkcn ina a makarantar firamare, bana iya xuwa garin da take, ita kuma bata iya xuwa wajen kakata don ta ganni."
.
Ilham ta tuno yadda take damuwa idan mahaifiyarta ta dade bata zo ba." ta tuno irin maganganu da take fada mata.
.
"Mama me yasa baki son xuwa Katsina in ganki? Gashi kin qi nuna min 'yan uwanki, ban san kowa ba a danginki mama."
.
Ma'aruf ya ci gaba da cewa Ilham
.
"mahaifina yana da 'ya'ya da yawa. Amma ganin bai damu da ni ba." suma basu damu da ni ba. Basu kulawa da ni, suna daukata kamar wani bare ba dan gidansu ba."
.
"Baba Ilham ta yi qanqanta da xuwa makarantar kwana. A rabu da ita kawai a samu wata (Day) a nan kusa..."
.
Ma'aruf ya ci gaba da fada mata cewa.
.
"ina da qoqari a makaranta Ilham. Dana gama sakandire a MATAZU naso in je jami'a, amma aka hana mahaifina ya biya mini. Dole sai dai nayi ta fadi-tashi na samu kudin da na shiga (Federal polytechnic) dake a KADUNA. A can nayi (HND) na gama. Duk da haka sauran 'yan uwana dake tare da mahaifina a halin ynxn basu ta6a yi mani fatan alheri ba. Ban ta6a yin wani abu da na burgesu a duniya ba."
.
"me Ilham zata iya yi a jami'a baba..?"
.
Ma'aruf ya sake cewa.
.
Xuwa da nayi garin nan nazo bautar qasa ne....! Na hadu da mutanen arziqi wadanda suka nuna mani qauna. Kuma na gode. Ina son a nuna min qauna sbd ita ce abin da na dade ina nema ban samu ba." na taso cikin wata irin rayuwa mai wahala Ilham. Mutanen duniya kadai suke ganin mutuncina da darajata. Amma mahaifina da 'yan uwana basu yarda zan iya zama wani abu ba a duniya."
.
"gaskiyar magana Ilham ba zata iya yin saqa ba, ba sana'a ba ce ta masu son jiki irin ta..."
.
Ma'aruf ya sake cewa Ilham
.
"ganinki sa na n a karo na farko, sai naji haka kawai Allah Ya sa min sonki a xuciyata Ilham. Da ace na samu kulawa a rayuwata, na san ba zan yi ta binki ina roqonki ki soni ba." to amma kiyi haquri daga yau nayi miki alqawarin ba zan qara takurawa rayuwarki ba. Dama wannan shi ne dalilin da yasa kika ga na qwallafa raina a kanki, na san ynx ba zaki ga laifina ba, kuma zaki daina daukata a matsayin mahaukaci, na gode Ilham, ina yi maki fatan alheri a rayuwarki."
.
Ma'aruf ya juya zai tafi, ya duqa zai kwashe takalman da ta watso masa a jiki.
.
Ilham ta ji xuciyarta ta sosu sosai. Bata ta6a haduwa da namijin da ya yarda da ita ba, ya dauketa da muhimmanci har ya fada mata gskyr rayuwarsa babu yaudara irin Ma''
.
Ta ji ma' ya zama kamar dan uwanta a nan take. Sbd duk wani abu da ya fada mata a cikin Tarihin rayuwarsa irin qalubalen nata rayuwar ne....!
.
.
Lp=9%%% FARIN CIKI SAU DAYA %%%
Page 9.
.
Daga alqalamin
Shafi'u Dauda Giwa
.
.
Tare da ni
Abu ihsan Bn ishak
(Madugun Taska)
.
"TASKAR GIDAN LITTAFI" bata amince da daukar shafin ba."
.
Ta ji Ma'aruf ya zama kamar dan uwanta a nan take. Sbd duk wani abu da ya fada mata kwatankwacin abin da itama take fusksnta ne a rayuwar ta. Ba wani dalili dama da yasa Ilham take qin amsar soyayyar samarin da suke sintirin sonta ba, sai kawai don kawai don taga rayuwar ta cike take da damuwar rashin kulawar da ake nuna mata, tana jira ne har sai ta samu saurayin da zai fahimci rayuwarta ya riqe ta amana domin idan har ba ta samu miji na-gari ba wanda zai riqe ta amana ba, to tabbas rayuwarta da ta 'ya'yanta da zata haifa tana cikin garari.
.
Ilham ta ji Ma'aruf ya zama kamar dan uwanta, kamar wani babban amininta. Ta ji xuciyarta ta gamsu dashi sbd shi ma yana cikin irin rayuwar ta. Shi kadai ne namijin da ta fara haduwa dashi wanda ya dandani abin da ta dandana a rayuwarta. Shi kadai ne zai tausaya mata yayi mata adalci akan duk wata mu'amulla da zasu yi, sbd ya san irin matsalar da ta sani a rayuwarta.
.
Bayan Ma'aruf ya duqa ya dauke takalmin da ta watso masa ne kafin ya tafi sai ta ce dashi.
.
"Ina zaka tafi min da takalmina da naga ka duqa ka dauka Ma'aruf, ko ka fasa yi min kyautar ne?"
.
Ma'aruf ya dubeta cikin kaduwa da mamaki ya ce....'
.
"ke ce fa kika watso min su kika ce baki son kyautar da nayi miki. Nima kuma baki sona."
.
Ilham ta ce dashi cikin nadama.
.
"ka yi haquri Ma'aruf, na san nayi maka abubuwan da basu dace ba." amma ka gafarceni ynx komai ya wuce."
.
"kada ki damu Ilham, baki yi min laifin komai ba."
.
Ilham ta matso
Inda yake ta miqa hannuwanta ta ce dashi.
.
"ynx dai fara bani takalmana tukuna kada in mance dasu."
.
Suka yi dariya tare ita da Ma'aruf. ya miqa mata takalman ta amsa cikin ladabi.
.
"na gode da kyautar da kayi min, da kuma duk sauran kyaututtukan da kayi min a baya Ma'aruf. Allah Ya saka da alkhairi."
.
Ma'aruf ya kasa magana sbd farin ciki, abin yazo masa a ba-zata. Bai san yadda akayi Ilham ta canza ra'ayin ta ba a cikin lkc qanqani. Duk qiyayyar da ta nuna masa kwana da kwanaki, ynx ta rikide ta zama gagarumar soyayya. Ma'aruf ya tambayi Ilham cikin wasi-wasi.
.
"ynx kina nufin kenan kin dawo kin amshi soyayyata Ilham? kin amince da ni in zama masoyinki?"
.
Ilham ta kalleshi har cikin idanunsa ta ce
.
"wacce soyayya kuma zamu fara yi, ai har mun yi ta mun gama a cikin dan abin da ka fada mini na minti biyun da suka wuce. Ynx ina so gobe kazo mu je wajen Babana ya ganka. Tun yau zan fada masa na samu mijin da zan aura."
.
Ma'aruf ya rufe idanunsa ya sake budesu. Bai ta6a yarda ba mafarki yake yi ba, sai da ya bude idanunsa yaga Ilham a gabansa tana yi masa murmushin soyayya riqe da takalmin da ya bata a hannunta.
.
.
.
*** *** **
.
.
.