BABI NA SHIDA 6
Zayyana Part 1 Complete Hausa Novel · about 30 min read
Nayi zaton zamu kai magariba ashe da wuri ma zaki
fito direban yace da mama sa'ar data fito daga gurin
bokan ta shiga gidan baya.
To ko tsayawa zamuyi mu kwana anan? Mama ta
tambaye shi cikin gatse.
Wani tattausan murmushi ya subuce daga bakin
direban sa'ar daya sawa motar giya suka fara tafiya.
Ni bance ba ranki yadade Allah yabaki hakuri
Da Hakurin ta mutu nawa ka bayar kudin sadaka?
Mama ta sake mayar da martani cikin tsiwa. Direban
yayi shiru daga wannan bai sake cewa da ita kala ba
har sa'ar daya ajeta a kofar gidanta.
Mama na fitowa daga cikin motart bata jira sun sake
sabon ciniki ba saita kirgo kudin data tabbata sun
lunka kudin da sau biyu ta mika masa
Jiki na rawa direban ya karba.
Nagode ranki yadade yace da ita cikin murmushi Ga
mamakinsa sai yaga mama ta sassauta fuska ta
haskake shi da murmushi tace.
Nima nagode suka danyi shiru na dan lokaci shi bai
tafi ba ita kuma bata juya ba.
Bani lambar wayarka kodon gaba idan kana da lokaci
sai in kiraka kana kaini unguwa
to ranki yadade direban yace yana rawar jiki lokaci
guda kuma ya fadawa mama lambar wayarsa ta
shigar atata wayar.
To shikenan sai na kira mama tace sannan ta juya
cikin sauri ta nufi kofar gidan.
Adaidai lokacin ne tayi Turus. Sa'ar data hangi
Mubarak saurayin da take mutuwar kauna tsaye
ajikin wani dan kanti na katako dake dab da kofar
gidan mama taji zuciyarta ta harba atsakankanin
hakarkarinta numfashinta ya dauke yawun bakinta ya
kafe tun da take aduniya bata taba kamuwa da ciwon
son wani 'Da namiji ba sai Mubakar agurin mama
maza tamkar kasuwa ne kashige su a lokacin dakaga
dama ka sayi abinda kake so ka fice. Ayanzu data kalli
mubarak sai mama ta gane kuskurenta a fili ashe dai
maza sun wuce kasuwa saidai Gidan kwana.
Sannunku mama tace dasu Mubarak da kuma mai
tsawon kantin sannan saita dubi cikin kantin tace
Kanada kwan wuta ne? Mama ta tambaya tana kallon
kayan kantin lokaci guda kuma tana satar kallon
Mubarak ta gefen ido
Akwai naira hamsin. Mai tsaron kantin yace
Ba musu ballamtana ta nemi ragi mama ta biya
sannan saita kuya kamar zata tafi saita tsaya agaban
Mubarak tace dashi a tausashe.
Mubarak ko gaisuwa babu? Mubarak ya dubeta
shekeke sannan ya shafi kwanjinsa yace
Kin Ajeni anan ne domin kullum ina gaisheki?
Mama taji kamar ya watsa mata wuta kunyar daya
saurayin mai tsaron kantin ta lullubeta.
Allah baka hakuri.... Ina kwana to ni na gaisheka
Lafiya lau mubarak yace sannan cikin sauri sai yabar
gurin ya nufi bakin titi.
Mama ta bishi da kallo cikin kunan rai har saida ya
bace sannan saita matsa jakarta daidai inda laya nan
da boka ya bata kana tayi murmushin yake.
Sai hakuri Mubarak dole ne saika aure ni tace da
kanta sannan saita dada matsa layarta cikin jaka.
** ** ** **
Duk wannan al'amura sun faru ne kwanaki bakwai
kafin honorabil sabo ya kori bebi daga gidansa.
Awannan ranar yan yansandan ciki suka sa bebi cikin
wata katuwar mota jeep kirar kamfanin Fodi bakikitin
da ita kamar shuni suka nufi kanon dabo daga abuja
su biyar ne acikin motar baya mutum uku ne babi da
wasu karti biyu sanye da bakaken kwat da bakaken
tabarau sun sata a tsakiya gaba kuma direba ne da
wani katon shima sanye da bakin tabarau da shudiyar
kwat.
Motar nata kwarara gudu bebi na tsakiyar kartin tayi
zuru da ita bata ko kwakkwaran numfashi da motsi
domin ta lura suma mutanen dake zaune akusa da ita
kyam suke basa motsi kamar busassun itatuwa
abinda yafi damun bebi shine da bata iya ganin
kwayar idanunsu.
Suna nan tafe zuciyar bebi nata sake sake na gargadi
mama. Bebi tace cikin zuciyarta tayi imani da cewa
mama bazata taba iya kashe mutum ba bera ma
tsoronsa takeyi ballantana har ta huda cikin mutum
kuma ma me zaisa ta kashe honorabil jatau? Bebi ta
tambayi kanta Yau da ace kudi sun bata adakin to da
sai ace ko kudin tazo sata yakamata ai ta ya kuma ta
kashe shi.... Kai bazaiyiyu ba ai mama ko kamata yayi
tana satar kudinsa babazata iya marinsa ma ba
ballantana har ta kasheshi to saidai kuma me yasa
har tsawon wannan lokaci mama bata yi waya ba?
Wadannan tarin tambayoyi su suke cunkushe
kwakwalwar Bebi.
.
Ance ki kwantar da hankalinki. Daya daga cikin kartin
yace da ita batareda ya dubi fuskarta ba. Babu laifin
da kikayi mana so muke kawai ki kaimu gidan da take
shikenan sai sai mu sallame ki.
.
Bebi tayi ajiyar zuciya sannan jikinta ya dauki rawa
kamar wacce zazzabi ke shirin hawa.
Ka... Kama ta zakuyi? Ta tambaye su cikin karfin hali
Yan tambayoyi kawai zamuyi mata daya daga cikin
karyin yace a takaice. Har yanzun nan bai jiyo ba
ballantana ma ya dubeta akwai wani abu a tattare da
yanayin mutanen dake baiwa bebi tsoro tabbas
ayanzu tasan ya zama dole ta gargadi mama halin da
ake cikin shin wai da tun farko ma meyasa batayi
tunanin tayi kiranta ba.
Kibar kaza acikin gashinta ki kaddara aranki cewa
bakima taba haduwa da mama ba kada ki kirata idan
kuma ita ta kira kice da ita kada ta sake ta dawo
Abuja.
Bebi ta tuna maganar honorabil sabo lokacin dayake
fatan Allah yasa wani bai lura da shigarsu gidan
honorabil jatau ba. Ashe ya maka masu gadi sun
lura.
Bebi ta muskuta abayan motar sannan ta takura
lokaci guda ta dubi daya daga cikin kartin tace a
tsorace.
Zaku iya tsayawa nayi fitsari?
Kwarai da gaske
ki saki ranki dan Allah duk kinbi kin rude ba wani abu
zamuyi miki ba.
Bebi ta dubi mai maganar da wani busashshen
murmushi sa'ar da direban motar ya tsaya dasu
acikin dajin.
Tsallaka can kiyi ga wata duhuwa can amma kada kiyi
nisa kinsan dajin da macizai
Bebi ta nufi bayan wasu dogayen ciyayi dake gefen
kwaltar amma daga can ciki ta tsugunna abayan
ciyawar. Saida ta tabbata babu mai ganinta Jiki na
rawa ta bude jakarta ta dauko waya tafara daddanna
lambobi wayar ta kwace ta fadi a kasa saboda rawar
da hannunta keyi cikin sauri bebi ta sake rarumar
wayar ta daddanna sannan ta kara a kunne tsahon
dakiku masu kamar sa'o'i uku agun bebi sai mama ta
dauki wayar acan daya bangaren.
Mama.... Bebi ce..... Saurara da kyau ki ji bamuda
lokacin gaisuwa.........
*** *** *** ***
FADILA ta dubi kan wayar tana mai shakkar abinda
taji daga bakin mahaifiyar tata duk da an bata izini ta
dauki wayar batayi hakan ba harda da tabbatar
mahaifiyarta ta gama fita daga dakin ta kuma rufe
kofar abayanta.
Hannunta tareda duk wani bangare na jikinta na rawa
fadila ta ganna abin amsa wayar sannan saita lumshe
idanu ta kara a kunnenta.
Fadila... Fadila ce? Don Allah kiyimin magana faisal
yace acan daya bangaren bakinsa na rawa kamar zai
fashe da kuka.
Faisal.. Fadila ta kira sunansa da wata rarraunar
murya.
Acan daya bangaren faisal yaji kamar an kwarawa
ruhinsa ruwan sanyi sa'ar dayaji muryar fadila.
Yanzu kam ya tabbata duk duniya babu wanda ya isa
ya rabashi da Fadilarsa domin yanzu ne yake
kaunarta fiyeda lokacin daya aureta ma.
Na'am fadilata kina ina? Ya tambaya cikin wata
tattausar murya.
Ina gida Faisal.
Me kike yi?
Azaune nake ni kadai ina kuka ina tunaninka....
Muryar fadila ta karye ta fara sheshshekar kuka.
Daina kuka dan Allah fadila kada kisa jinina ya hau.
Toh faisal.... Na daina fadila tace a raunane haryanzu
akwai alamu sheshshekar kuka a muryarta sukayi
shiru na yan dakiku.
Hello Fadila... Kina jina?
Ina jinka Faisal.
Kiyi hakuri don Allah ki yafemin abinda nayi miki.
Fadila ta danyi shiru acan daya bangaren.
Bazaki yafemin ba fadila? Aka sake shiru na dan
lokaci.
Na yafe maka faisal... Kaima kayi hakuri kaji?
Bakiyi min komai ba fadila Ilove you... Kinji?
Fadila ta dada lumshe idanunta acan daya bangaren
cikin wani irin farin ciki da bata taba jin irinsa ba.
Ina kewarka faisal... Yaushe zan ganka.
Gani nan zuwa yanzu. Adaidai wannan lokaci sai kofar
dakin Fadila ta bude mahaifiyarta ta shigo
idan kun gama hirar saiki fito falo su malam sunzo
zasu karasa miki addu'ar ki.
Faidla ta gyada kai lokaci guda kuma tace da faisal
acan daya bangaren.
Kabari sai nan da awa biyu
Tayi min tsayi faisal yace.
Zan dai zo saina jiraki a kofar gida har sai lokacin ya
cika.
** ** ** ** ** **
Dayake haryanzu fadila bata sa ko kashi daya daga
cikin takwas na kayan lefenta ba sa'ar data fita daga
wanka ta gama kwalliya saita kasa zaben irin kayan da
zata tari tsohon mijin nata dashi saida ta shafe sama
da rabin sa'a kafin daga karshe dai ta samu ta zabo
wani bakin siliki siliki mai sheki wanda akayiwa dinkin
riga da siket matsatstsu irin na wannan zamani tasa
Tuni Faisal ya dade adakin shakatawa na musamman
da aka ware dan manyan baki abokan mahaifinta.
Fadila ta gama feshe feshen turare kenan sai
mahaifiyarta ta shigo dakin sannan ta dubi irin kayan
da fadila ta sa sannan ta girgiza kai tace.
Oh Ya'yan zamani to daman yaya za'ayi ma ku rabu
da aljanu? Saiki nemi gyale mai fadi ki yafa karki kije
masa ahaka sinki sinkin kamar doya.
Fadila ta fashe da dariya wannan itace dariyarta ta
farko cikin wata uku rabonta da dariya tun yammacin
da sukayi sallama da faisal dinta yatafi yiwa abokansa
ban gajiya.
Baba kenan kuma dan nasa wannan sai aljanu su fara
bina.
Keda Allah can rufe min baki har zaki fara kaudi dan
kinga yazo.
Kinga mama ni dai ki daina janyo min su Fadila tace
cikin shagwaba
Dazan janyo miki su ai da ban sa anyi miki addu'ar
rabaki dasu ba mahaifiyarta tace sannanDa zan janyo miki su ai da ban sa anyi miki addu'ar
rabaki dasu ba Mahaifiyarta tace sannan saita matsa
kusa da yar tata tace a tausashe.
Ina fatan dai yanzu kin warware babu matsala?
Fadila ta gyada kai.
Har yan gane ganenma yanzu bakyayi ko? Fadila
takuma gyada kai mahaifiyarta tayi ajiyar zuciya
sannan tace ai saikije yana jiranki.
.
A dakin karbar baki na musamman faisal ya mike
tsaye cikin tsananin farin ciki sa'ar da masoyiyarsa
tsohuwar matarsa fadila ta shigo dakin.
Masoyan biyu suka zauna lokaci guda akan kujera
guda sannan suka fuskanci juna da wani narkakken
murmushi.
Fadila daga yau babu wanda ya isa ya rabani dake
Fadila ta lumshe ido cikin jin dadi tace kaidai fadi
gaskiya.
Gaskiyar kenan fadila ko Aljanin nan ne zai sake
dawowa bai isa ya rabani dake ba.
Fadila ta dube shi cikin mamaki tace kana nufin yanzu
ka yarda da abinda nafada wancan karon?
Cikin murmushi faisal yace ai bake kika fada min ba
agida na sami labarin a gurin MAMA
Masoyan biyu sukayi shiru suna kallon juna cikin
shauki na tsawon dakiku can sai faisal yayi ajiyar
zuciya a tausashe yace Matata.
Fadila ta lumshe idanu ta kuma bude su lokaci guda.
Umhm Mijin
Faisal ya mika hannu zai tabata sai fadila ta janye
jikinta cikin sauri tana dariya tace.
Kada ka manta ada nake matarka yanzu allura cikin
ruwa ce mai rabo ka dauka.
Faisal ya hade fuskarsa cikin wasa yace
Dan Allah ki bari kada kisa jinina ya hau yanzu yaushe
za'a mayar da auren namu?
Fadila ta dube shi ido da ido tace
Najisu mama suna cewa sai nan da shekara biyar.
Faisal ya kai mata duka suka fashe da dariya cikin
farin ciki.
** ** ** **
MAMA Tayi mika akan gadon sannan ta harba
kafafunta har sau biyu kamar mai hawan bori sannan
saita mike zaune a hankali ta dubi agogo karfe uku da
minti ashirin na yamma.
Tun karfe goma na safe data tashi ta wanke bakinta
tayi karin kumallo saita koma ta kwanta abinta bata
farka ba sai yanzu to me ya dameta? Daman aljanin
nan ne gashi kuma yau kwanaki bakwa da bokan nan
ya daukar mata sun cika.
Dan Haka mama ta gama imani da cewa daga yau ta
rabu da shegen aljanin nan.
Cikin murmushi saita lalubi kanta tsakanin kitso ta
shafi layar da bokan ya bata sannan ta fara tunanin ta
inda zata bullowa Mubarak idan anjima.
Idan har abinda bokan yafada mata ya kasance
gaskiya babu abinda zai hanata auren Mubarak
mama tagama yanke shawarar kawai ta auri Mubarak
tun dai tana kaunarsa tuni ta gama yanke kauna da
wannan harka ta karuwanci badon komai ba sai dan
kawai tana kaunar mubarak hakanan kuma tasan in
har ba garin kano zata bari ba cigaba da karuwanci
zai yi wuya tunda dai labarinta ya watsa ko ina gashi
wani abin kara tonon silili har masu sayar da hotuna
da kalandu ne ke yawo da hotunanta a kalanda da
kuma na likawa a kasan hoton an rubuta MATAR
ALJAN.
Zuciyar mama cike da wannan sake sake ta shiga
bandaki ta fesa wanka kana ta dawo ta zauna agaban
dogon madubin dake dakinta ajikin bango ta fara
goge goge da shafe shafe irin na kwararriyar yar
duniya bayan tsayin mintina tagama sannan ta kalli
surarta ajikin madubi mama tayiwa kanta murmushi
danjin dadin abinda tagani haryanzu nan ashe dai
fuskarta na nan dauke da TSOHON ALKAWARI kyawu
nan nata duk da yake dai yawan bilicin datake yafara
samun tasirin sauya launin kudukukinta amma
fararen idanunta da dan bakinta faffada gwanin iya
shan (Ice Cream) Madarar kankara su suka kara mata
kwarin gwiwa tabbas babu abinda zai hana Mubarak
kamuwa da sona idan ya ganni. Mama ta fada cikin
sauri dauke da nishadi sai mama ta nufi bakar
akwatinta mai kaya ta fara lalube laluben irin kayanda
yakamata tasa. Ta bude can ta leka can ta bincika can
daga karshe dai hannunta yakai kan wata bingilalliyar
riga tsawonta baifi iya cibiya ba shudiya ce kusan
rabin kirjin rigar duk a wawake yake hakanan rigar
tana da doguwar siket wacce idan mamatasa har
kasa take ja.
Mama tayi murmushi sannan ta dauki rigar.
Har ta fara sa rigar saikuma ta tsaya kai da wahala
mubarak yaso rigar nan dan naga ustazu ustazu ne
mama tace da kanta cikin murmushi. Duk da yake dai
tasan takadiri ne wasu ma nayi masa kallon dan daba
amma mama nada yakinin baya harka da mata.
Mintina ashirin suka shude daga karshe dai da kyar
mama ta zabo wata doguwar riga launin zuma da
dishi dishin fari kamar fatar damisa rigar na da
wando me dauke da wata beza beza ta farin leshi
daga can kasa kamar kafar namijin tattabara.
Karfe biyar saura yan mintuna mama ta gama
shirinta tsaf sai kamshi take yi tun daga sama har
kasa domin ta feshe jikinta da turare sama da kala
biyar mama tayiwa kanta kallon tsaf na karshe ajikin
madubi sannan saita dauki farar jakarta ta nufi kofar
gida inda Dabar su Mubarak take.
.
Mubarak na zaune shi kadai akan wani benci
karyayye agindin wata bishiyar darbejiya saiyaji
kamshi ya buhi hancinsa kamshin ya dadada masa
hanci matuka cikin sauri ya dago kai ahankali domin
yaga daga ina kamshin ke tashi dago idanunsa keda
wuya sai sukayi ido biyu.
Sannu da hutawa mubarak dama
Sannu da hutawa mubarak dama gurinka nazo.
.
Mubarak zuciyarsa ta harzuka wai shin dan uban
karuwar nan meyasa ta rainani ne? Mubarak ya
tambayi kansa rashin duka ne shaidaniyar zuciyar ta
shawarceshi nan da nan kamshin turaren dake tashi
yakoma kamar warin mushe agurin mubarak domin
aduk matan duniya babu wacce ya tsana irin mama
duk da yake dai daman shi mata basu dame shi ba
abinda ke gabansa shine kallon kwallo da yawon
farauta idan ta samu.
.
Kikazo kiyi min me?
Mubarak ya tambaya yana kallonta a fusace yana
ciccije baki.
Mama taji zuciyarta ta harba tsakanin hakarkarinta
bata tsammaci irin wannan daga bakinsa ba dan haka
saita sa hannu kamar zatayi susa ta shafo layar dake
tsakanin kitsonta awayance sannan ta dubi Mubarak
ido da ido
Gani nayi kamar gurin babu kowa shiyasa nazo in
tayaka zama.
Mubarak yaji zuciya ta tuke shi.
.
Kebace kar in barar dake an fada miki ni abokin
kazamai ne irinki?
Wannan kalma itace mafi muni da mama ta taba ji
arayuwarta abinda ya harzukata mama bata bari ya
bayyana a fuskarta ba.
Maimakon hakan sai mama ta dada shafar layar a
karo na biyu sannan babu zato babu tsammani sai ta
matsa inda mubarak yake ta zauna akan bencin bata
kura dacewa bencin gurgu bane tana zama sai
nauyinta ya rinjayesu nan da nan suka fadi da baya.
Wasu yara acan gefe na wasa suka fashe da dariya
harda sowa.
Mubarak ne yafara tashi a fusace sannan ya zare
bakin BELT
din dake kugunsa.
Kayi hakuri mubarak bansan a..... Kafin ta karasa
mubarak ya hauta da duka da farko mama ta dauka
abun wasa ne daga karshe kuma saitaga Mubarak
yasa kafa yayi bal da ita harsada ta fada KWATA.
Wayyo na shiga uku mama tasa ihu sannan ta mike ta
ruga aguje Mubarak ya rakata yana duka sai saida ya
rakata har kofar gida.
Akace bakya jin duka wai kina da aljani yanzu uban
wa na daka?
Mubarak yace yan ciccije baki sannann saiya juya
yana bubbudawa lokaci guda kuma yana mayar da
belt dinsa cikin wandonsa ya nufi inda mai dan kantin
nan na kusa da gidansu Mama yake.
Bani sigari yace da mai kantin yana muzurai.
Acan cikin gida mama tafada cikin daki tayi rub da
ciki akan gado ta fara rusa kuka. Ba kukan zafin dukan
da mubarak yayi mata ba takeyi ba kukan wulakanci
da nuna mata kyamarta da yayi takeyi. Mama ta tashi
zaune akan gadon hawaye sharaf shafar ta lalubi
kanta tsakanin kitson da niyyar ta dauko layar nan da
boka ya bata tayi jifa da ita adai wannan lokaci sai
wayar tafi da gidanka dake gefenta ta katse mata
hanzari sakamakon ruri data fara.
Da farko mama batayi niyyar amsa wayar ba dan
haka saita dauki wayar a fusace da niyyar ta kashe sai
kuma tayi turus sa'ar da taga sunan kawarta BEBI ya
bayyana a fuskar wayar. Nan da nan mama taji duk
damuwar dake tattare da ita ahalin yanzu an zare
mata ita kamar cirar kaya sannan alokaci guda wata
sabuwar damuwa ta maye gurbin wanccan. Cikin
sauri mama ta share hawaye sannan ta danna abin
amsa waya tace cikin wata malalaciyar murya.
Hello.
Mama bebice saurara da kyau kinsan bamuda lokacin
gaisuwa..... Ki tattara naki ya naki kibar kano kafin mu
karaso nan da awa biyu zamuzo da yan sanda wai
zasuyi miki tambayoyi akan mutuwar honorabil....
Dan Allah mama fadamin gaskiya ke kika kashe shi?
Mama taji wani zazzafan gumi ya fara sartu akan
gashinta tuni dama kukan dukan da tasha ya wanke
kwalliyar data shafe sama da sa'a guda tanayi.
Haba Bebi.... Wallahi bani na kashe shi ba...
Ke kinfi kowa sani na
Nida bera ma tsoroyake bani tayaya zan iya kashe
mutum..... Amma dai nasan ta yadda...mama ta danyi
shiru.
Kinsan me? Bebi tace acan daya bangaren cikin
kaduwa,
bani na kashe shi ba.... Amma akwai labari dai me
tsayi akan..... Kinga mama saurara bebi takatse ta
acan daya bangaren.
Koda bake kika kashe shi ba idan kinsa bakida gaskiya
kigudu kawai kuma amatsayin kawa domin na rama
irin mutuncin da kika nuna min lokacin dana fara
zuwa kano
ke kika fara bani sababbin kaya kyauta.... Sai wataran
kawata.
.
Layin ya katse daga can daya bangaren cikin tsananin
firgici zuciyar mama ta kankame gawar wayar a
kirjinta domin numfashinta ya fara daukewa tsahon
mintina tana nan azaune kwakwalwarta ta kasa
tunanin komai sai bayan mintina goma sannan ta
fuskanci halin da take ciki ta riga tasan har kullum
daman wannan al'amari kandarsu acikin ranta amma
matsalar wannan aljani dake addabarta su suka
dauke tunaninta daga kan duk wani hadari dake iya
samunta a sakamakon katuwar honorabil jatau. Da
farko mama ta yanke shawarar tayi zamanta kawai ta
jira zuwansu bebi tunda dai ai ba ita ta kashe shi ba
Jimawa kadan kuma sai wata zuciya tace da ita idan
suunzo kuma kuma kice dasu me? Kice dasu wani
aljani ne yafito atsakiyar dare ya kashe shi kina
kwance?
Mama tayi ajiyar zuciya tasan wannan zance ba mai
yiwuwa bane duk duniya wanene zai yarda da
wannan tatsuniya? Mama tasan tana fadin haka zata
fada hannun hukuma domin har yau din nan ita kanta
gani takeyi kamar mafarki.
Jikinta na rawa mama ta mike tsaye cikin zafin nama
naban mamaki ta hada duk suturarta cikin jakankuna
guda biyu sannan ta nufi bandaki ta wanke fuskarta
tana dawowa saitaci gaba da laluben sauran
abubuwan da take tsammanin zasuyi mata amfani
agaba da wannan karon mama bata damu da ta shafa
koda farar hoda ba ballantana ta tsaya doguwar
kwalliya tuni tagama yanke shawarar inda zata gudu
garin da aka dade ana bata labari aka kuma dade ana
shawarartar ta data tafi tun lokacin da aka kaddamar
da shari'ar musulunci a kano.
Ai saikiyi ta zama baki gaji da wahala bane kullum
ana binki ana takura rayuwarki kamar barauniya ance
kizo mu tafi inda zamu fantama babu mai rakura
mana.
Wata kawarta ce ke bata wannan shawara.
Wai wane gari ne wannan? Mama ta tambayi kawar.
Wani garine tsakanin bodar najeriya da nijar harka
agarin ba magana kizo kawai muyi tafiyarmu can inda
babu tsangwama.
Ayanzu da mama ta dauki jakankunan ta cikin sauri
can ta yanke shawarar guduwa babu abinda mama ta
tsana irin karuwancin kauye to amma yanzu batada
zabi akalla dai zan bace na dan lokaci kafin kura ta
lafa waya sani ma ko aljanu basa iya tsallaka boda
ballantana su dameni. Mama ta fadawa kanta domin
ta dada samun kwarin gwiwa abinda yafi damunta
ayanzu shine kudadenta dake banki kodayake tuni
mama tasan idan ta kwashe kudinta gaba daya daga
bankin zata iya damkasu a hannun wani dan canji a
wafa wanda take canjin kudin kasashen ketare
agurinsa tasan duk inda take zai iya tura mata da
kudinta.
Mama ta dubi agogo sa'ar data fito kofar gidan karfe
biyar saura tasan idan tayi sauri zata iya samun banki
ba'a rufe ba.
Mutane suka zuba mata idanu sa'ar da sukaga ta fito
da jakankuna a tunaninsu dukan da mubarak yayi
mata ne yasa zata tafi.
Mama ta isa bakin titi kafin ta tsayar da dan tasi sai ta
dandanna wasu lambobi awayarta. Sannan ta kara a
kunne tace
Hello.. Mu'azu... Nice mama dan Allah mu hadu
yanzun nan a OCEANIC BANK zan baka wasu kudi da
zakayi min sako dasu ta danyi shiru sannan saitace.
To shikenan amma kayi sauri don tafiya zanyi.
.
Wani da adaidaita sahu ya tsaya akusa da ita da
mashin mai kafa uku mama ta jefa jakankunanta biyu
aciki sannan ta shiga tace da direban
Oceanic bank zaka kaini daga nan kuma zamu wuce
tasha kofar ruwa.
Direban yaja mashin din ahankali.
Koda suka fara tafiya sai mama ta hangi mubarak
tsaye abakin titi kusa da wasu sayar da bakin Mai.
Batasan abinda yasa ba sai kawai ji tayi bakinta ya
subuce Yace. Mubarak
Mubarak ya juyo sai yaga mama tana daga masa
hannu cikin mashin mai taya uku.
Kai yau na hadu da mayya mubarak yace sannan ya
tsartar da yawu.
.
FARIDA
Dakin shakatawar yayi shiru bakajin motsin komai
kamar anyi ruwa an dauke.
Alhaji Ilyasu ne yafara magana cikin karfin hali yana
kallon kyakkyawan sauri me kafar Kofato.
Bawan Allah daga ina kake?
Farida acan gefe guda a takure ta dada runtse
idanunta da kunnuwanta bata son ji ko ganin abinda
ke faruwa idan su basu san kowanene saurayin ba ita
tasan shi.
NINE MIJIN FARIDA. Kyakkyawan saurayin yace dasu
sannan sai ya fashe da wata kakkausar dariya mai
kamar aradu wata iska mai karfi da sanyin gaske ta
fara fifita cikin dakin sannan sai wani farin hayaki ya
turnuke dakin.
Mahaifiyar Farida ta dauki satali a razane nan da nan
taji kafafunta bazasu iya daukar nauyinta ba cikin
sauri ta lalubi daya daga cikin kujerun ta lume aciki
domin bata iya ganin komai sai farin hayaki.
Tsahon lokaci kafin hayakin ya washe
.
Na shiga uku..... Yau mun hadu da jaraba Alhaji kaga
abinda nake fada ma ko? Mahaifiyar farida ce ke
magana
Alhaji Ilyasi yayi kasake na tsahon mintuna cikin
tsananin mamaki da fargaba yan mici micin idanunsa
suna kallon bangon dakin da wani yabashi labarin
abinda yafaru yanzun nan agabansa da babu abinda
zai hana ya karyatashi yanzu ma ganin abin yake
kamar ruda ido.
Farida ya kira sunan yarsa a sanyaye akwai alamun
nadama karara a fuskarsa
Farida ta dago kai daga inda take ta share hawaye
sannan ta fuskanci mahaifinta.
Kin tabbata duk labarin nan da kika fadawa
mahaifiyarki gaskiyane?
Farida ta gyada kai batareda tayi magana ba.
Gashi nan anyi ma agabanka Mahaifiyar farida ta
fada bakinta na rawa.
Na fadama tun farko baka saurareni ba dolene sai
mun tashi tsaye akan yarinyar nan in bahaka ba
wallahi da kyar zata auru.
Alhaji ilyasu ya sunkuyar da kai kasa na tsahon lokaci
yana tunani can saiya dago kai ya dubi farida yace da
ita a tausashe.
Ki shirya gobe zamu tafi kauye.
Mahaifiyar farida ta kalleshi a rude.
Akwai wani tsohon malamin mahaifinmu wai shi
MALAM NA KOGO Waliyi ne nasan in Allah ya yarda
ko ifiritu ne akan yarinyar nan sai ya barta Insha
Allahu ai ita addu'a tafi karfin komai. Yadanyi shiru
sannan saiya ci gaba da cewa.
To daman in banda lalacewar zamani ma yanzu ace
wai zanen kunshi ya wuce tafin hannu da sawu yatafi
har zuwa kan tsaraici wannan wacce irin masifa ce
yaushe za'a ace wai mace ta bude tsaraicinta agaban
wani kato yayi tayi mata zane zanen banza
.
Alhajin yasake yin shiru akaro na biyu sannan ya juya
inda farida take a takure yace.
Saurara da kyau kijini daga yau sai yau kada nakara
ganin kinsa wannan shegun kayan matsatstsu duk
kifito min dasu zansa a kone su idan kuma kika sake
na kara shigowa gidan nan natarar da gashinki awaje
saina sa wanzami ya aske kan ki Ja'ira.
Yana gama fadin haka sai ya dauki wayarsa ya
daddanna sannan yace.
Hello Alhaji Shu'aibu.... Nine dan Allah in anyi sallar
isha'i saimu hadu anan gidanka zamu tattauna
maganar auren yaran nan domin an sami wata yar
mishkila ina ganin dole sai mun kara watanni ya
danyi shiru yana sauraro.
Toh shikenan duk daya ne idan kai din ma kazo. Yana
ajiye wayar ne aka sake sallama akaro na biyu
Wannan Karon wani saurayi ne kyakkyawan gaske
yashigo dakin saidai shi anyi sa'a bashida kofato yana
shigowa sai yayi turus zai koma cikin jin kunya.
Ah...shigo...shigo mana Alhaji ilyasu yace lokaci guda
kuma ya dubi farida.
Farida ta dago kai ta dubi saurayin taji gabanta ya
fadi sa'ar dataga sunyi kama da kabir dinta. Ga
mamakinta saitaji tana addu'ar Allah ya rabata da
wannan masifa ta wannan Aljan indai har wannan
shine mijin da za'a bata to tayi dace ta fada acikin
zuciyarta sannan saita sunkuyar dakai kasa a kunyace
azuciyarta tana mai fatan Allah sa shima wannan
saurayin bazai koma gida karkataccen Baki ba.
.
MAMA
Motar kirar fijo tsohon yayi ta fito daga tashar ta nufi
arewa dauke da fasinjoji shida. Abayan motar a
zaune kusa da wani kyakkyawan saurayi mamace
idanunta sunyi jajur saboda kukan da taci da kuma
tashin hankali.
Ga alama mutum uku ne yakamata su zauna abayan
motar amma dayake kyakkyawan saurayin mai dogon
hanci ya biya kudin mutum biyu sai ya kasance daga
shi sai mama ne zaune aciki.
Mama ta dubi agogon dake jikin wayarta karfe shida
da yan mintina tuni hasken rana ya fara sallama
duhun dare yafara maye gurbinsa ahankali kamar
yadda suka saba akullum kwanan duniya.
Daga inda mama take zaune tana iya hangen yan
mata birjik abakin titin kurna asabe zuwa bachirawa
wasu na tafiya abinsu me yiwuwa unguwa zasu wasu
ko dauke da farantin talla wasu ko sanye da dogayen
riguna da hijabi sun taso daga islamiyyar yamma.
Mama taji wani bakin ciki marar misaltuwa ya
mamayi zuciyarta ga mamakinta saitaji tana mai
fatan inama ace tana daga daga cikin irin wadannan
yara inama ace itama agaban magabatanta take da
yanzu fa meyiwuwa tayi aure ko?
Me yiwuwa har da ya'yama da yanzu haka tana zaune
ita da mijinta lafiya cikin kwanciyar hankali babu
taraddadin wani aljani ko wasu jami'an tsaro akaro
na farko sai mama tafara Nadamar dukkan wani iya
shege data aikata adoron kasa yanzu ina ribar irin
wannan rayuwa mara manufa?
Mama ta tambayi kanta nan da nan sai hawayen
bakin ciki ya fara sartu akan fuskarta lokaci guda
kuma tana tunanin shin ko su bebi sun karaso gidan
tare da jami'an tsaron.
Ita kam ta riga tasan ta tafi zuwa duniyar da bata san
abinda zata tarar ba shin yaushe ne mai zai karewa
tsohuwar motar? Mama ta tambayi kanta a tsorace.
.
Kukan me kikeyi?
Wata tattausar murya ta tambayeta mama ta juyo
ahankali yayinda sukayi ido biyu da kyakkyawan
saurayin dake kusa da ita.
Ki daina kuka komai na duniya mai wucewa ne tunda
dai kina tare dani.
Saurayin yace sannan sai ya lalubi aljihunsa ya dauko
wani farin kyalle ya mika mata.
Goge fuskarki kada hawaye yabata miki kyawunki
Saurayin ya hasketa da murmushi.
Mama ta dubi kyakykyawan saurayin cikin mamaki
lokaci guda kuma taji zuciyarta na harbawa tsakanin
hakarkarinta
hakika kyakkyawa ne na gaske mama ta fara hasko
hotunan mazan data taba mu'amala dasu abaya ta
kasa tuna daya daga cikinsu daya kai koda rabin
kyawu na wannan dake kusa da ita.
Karbi mana ki goge.... Kada nima ki sani kuka.
Jikinta ta rawa mama ta karbi farin kyallen ta goge
fuskarta sannan ta mika masa.
Nagode. Tace da saurayin.
Nine da godiya ai da kika saurareni kika kuma karbi
kyallen dana baki.
Suka danyi shiru na yan mintina suna duban juna
direban motar ya dada kara gudu domin yagama fita
daga cikin gari.
Ina kika nufa?
Mai mujiya. Mama tace tana duban kyakkyawar
fuskarsa cikin shauki.
Kaifa ina zaka.
Guri daya muka nufa saurayin yace cikin murmushi.
Duk inda zaki muna tare don bana gajiya da ganinki.
Mama ta dube shi cikin mamaki.
Yanzu fa ka fara ganina.
Ke kike ganin haka ni na dade da saninki...... Ina kuma
kaunarki.
Mama taji kamar an watsa mata ruwan sanyi. Adaidai
wannan lokaci sai wani tattausan murmushi ya
subuce daga bakinta tayi murna da bata jefar da
layar dake makale akanta ba. Tabbas tasirin layar
bokance tafara aiki. Mama uwar gaggawar tare
mubarak tayiwu me yiwuwa alokacin layar ce bata
fara aiki ba babu mamaki ma da tabi ahankali har
gida mubarak zai sameta.
Mama ta haskake kyakkyawan saurayin dake zaune
kusa da ita lokaci guda kuma tana wasa da wayar tafi
da gidanka dake hannunta.
Tayaya daga ganina zaka fara..
.
Tayaya daga ganina zaka fara kaunata? Mama ta
bukata.
.
Haka daman abin yake kowa kinsan da irin abinda
yake so baki san ana kaunar mutum ba tun ma ba'a
ganin shi ba.
Mama ta lumshe idanu kana ta shafi layar dake kanta
awayance
Kaidai fadi gaskiya yanzu danace ka aureni guduwa
zakayi.
Saurayin ya matso dab da ita yace
Auren ki shine abu mafi soyuwa agareni gwada ni ki
gani in ban aureki ba.
Mama taji wani farin ciki ya lullubeta. Tabbas
maganin bokan yaci ta dada jaddadawa kanta gashi
ma nayi sa'a wannan yafi mubarak kyawun sura nesa
ba kusa ba.
Zaki Aureni? Saurayin ya tambayi mama a tausashe
kamar wanda yake tsoron kada na kujerar gabansu
suji.
Gwada ni ka gani mama tace lokaci guda suka fashe
da dariya me yiwa dariyar da takeyi ne yasa wayarta
subucewa daga hannunta ta fada kasa inda kafarta
take babu mamaki kuma wata gargada da motar ta
fada ne.
Oh wayarki ta fadi ko bari na dauko miki.
Cikin dariya mama ta girgiza kai sannan tayi masa far
far da idanu irin na kwararriyar yar duniya lokaci
guda kuma ta dafe hannayensa tace.
Bari na dauko kayata kada na baka wahala darling.
Tana gama fadin haka saita sunkuya domin ta dauko
wayar sannan ne to taga abinda ya tsayar da bugun
zuciyarta ya kafar da yawun dake bakinta sannan yasa
yasa tunaninta a rudani.
Da farko da mama taga abin ta dauka wanine daga
cikin fasinjoji ya ajje musu akuya akasa amma data
duba da kyau sai taga ba kafar akuya bace kafar
kyakkyawan saurayin da zata aura ne har da kofato
kamar kafar doki.
Mama ta dago kai a gigice ta kwalla ihu nan da nan
motar ta hade da farin hayaki.
.
FADILA
Da yamma misalin karfe saura yanayin garin ya sauya
nan da nan gashi dai lokacin sanyi ne amma sai garin
ya daure aka fara zafi.
A zaune cikin dakin shakatawa na alfarma masoyan
biyu ne zaune yau kwana uku kenan kacal da mayar
da aurensu. Tun da suke arayuwarsu basu taba shiga
farin ciki irin na wannan kwanaki ukun ba. Kullum
suna tare faisal yace ba zaifita nan da can ba sai nan
da sati biyu.
Don haka koda yaushe suna tare da amaryarsa fadila
ko dai suna tare da amaryarsa fadila kodai suna kallo
ko kuma wasan ludo ko kuma wasanninsu irin na
masoya masu sabon aure.
.
Kai ni fa nagaji da ludon nan.
Faisal yace lokaci guda kuma ya aje dan kofin ludon
akan faifan gilashin
Fadila ta dubeshi tayi far far da fararen idanunta tace
cikin shagwaba.
Me to zamuyi?
Faisal ya matso kusa da ita yace zauna kawai nayita
kallon ki my love
cikin farin ciki sai fadila ta karkace ta kwanta akan
cinyarsa tana fuskantarsa.
Sai kayi ta kallona har barci ya daukeni.
Faisal yasa hannu yaja dogon hancinta
Kada fa ka tsine min hanci don kaga yafi naka kyau
ko?
Ba wani nan ai wallahi nawa yafi naki kyau. Faisal
yace yana jan hancin.
Fadila ta tashi zaune firgigit cikin tsiwa ta wasa.
Allah ya sawwake ace kafini kyau kana kallon madubi
kuwa?
Faisal ya mike tsaye ya dubeta da murmushi yace In
ba tsoro ba ajje daki aduba madubin mana.
Fadila ta zunkuda kafada tace
Naki aduba dai anan ga madubi can.
Faisal ya girgiza kai ban yarda ba bayan wancan
madubin zo muje daki agani yana gama fadin haka
sai ya ruga da gudu ya shiga daki daga cikin dakunan
kwanansu na alfarma.
Faisal na shiga dakin sai yayi turus cikin tsananin
kaduwa. A kwance akan gadon kwanansu wata
santaleliyar budurwa ce sanye da wata irin doguwar
riga ta bakin gashi. Faisal bai taba ganin irin rigar ba.
Innalillahi Wa Inna Ilaihi Raji'un.
Faisal yace a fili sannan saiya dubi budurwar cikin
hali yace.
Ta Ina kika shigo mana daki kuma me ya kawo ki?
Budurwar ta mike zaune akan gadon ta kashewa
faisal idanu tace.
Yar zaman daki ce aka kawo muku amma tun da naga
baka farin ciki da zuwana bari inyi tafiyata kada ku
isheni da surutu. Tana gama fadin haka saita zama
farin hayaki.
Adaidai lokacin ne fadila ta shigo dakin a guje tana
zuwa saita rungume mijinta faisal tana dariya tace.
Ilove You Faisal.
Nima ina kaunar ki fadila tsahon dakiku suna tsaye
ahaka can sai fadila ta dada kankame shi tace.
Faisal ina son kayi min alkawari.
Faisal ya dubi fuskar amaryarsa a rude yace
alkawarin me?
Fadila ta lumshe idanu tace Alkawarin bazamu sake
rabuwa ba har abada kaga wancan karon saki biyu
kayimin yanzu saura daya.
Faisal ya dada janyoya jikinsa idanunsa na kan farin
hayakin dake bayansu yace a tausashe.
Nayi miki alkawarin ba zamu sake rabuwa ba.
Fadila tayi ajiyar zuciya cikin farin ciki sannan ta kalli
fuskarsa tace.
Kishiya fa ita ma ka dauki alkawarin bazakayi min ba?
Faisal ya kuma kallon amaryarsa ido da ido sannan
ya kalli dan sauran farin hayakin da har yanzu yake
makale a sararin samaniyar dakin yace da
murmushin Yake.
BANSANI BA ME YIWUWA NAN GABA IN AURO MIKI
ALJANA.
Masoyan biyu suka fashe da dariya.
.
KARSHE.
.
NAZIR ADAM SALIH
Abinda Nayi kuskure a gafarceni masu karatu
Mutum Ne Ni Ajizi
A Aiko Min Da Gyaran Kura Kurai Na.
.
NAGODE SAI MUN SAKE HADUWA IN ALLAH YA
NUFA.
ZAYYANA 1 and 2
Littafin Nazir Adam salih
(c) Nazir Adam Salih
Created and design by :- Shuraih Usman
.
Publish:- http://shuraih.xtgem.com
.
This Ebook is available in our website just click here and download it , http://shuraih.waphall.com
An dauko wannan littafi daga shafin https://taskarnovels.com.ng ku ziyarci shafin na https://taskarnovels.com.ng domin samun kayatattun littatafan hausa kama daga kan na yake yake dana soyayya
Marubuci ko marubuciya zasu iya turo mana da littatafansu mu dora masu a shafinmu kyauta don masoyansu su rika Downloading a online,
Sannan marubuta zasu iya turo mana da tarihin rahuwarsu da tarihin rubutunsu, dama sharhin littatafansu don masoyansu su gani kuma su karu da hakan
Domin turo mana da littafi ko tarihin rayuwar marubuci ko marubuciya sai ayi mana magana ta whatssap da wannan nambar +2348140419490
A lura dakyau - kyauta muke saka littafi a shafinmu bama amsan ko sisin marubuci, duk wanda ya amshi kudinku da sunanmu babu ruwanmu,
Alura dakyau - manazarta bama tura littafi ta private ku dena binmu private kuna neman mu tura maku littafi, duk mai bukatar littafi yaje website namu
Alura da kyau - Littatfanmu suna fitowa cikin manhajoji uku ne PDF,TXT da DOC amman munfi amfani da PDF da TXT masu amfani da wayar android ko tablet ko computer zai fi kyau ku riga dauko PDF da DOC
Masu amfani da kananan wayoyi java ko mara java TXT zakuna zaba don shine daidai wayarku
This hausa novel was uploaded and downloaded from https://taskarnovels.com.ng
You can download more hausa novels there
Also you can send us your novel to upload it in our website for your fans to download it online
It is free we do not charge for uploading novel
Also if you are an Author be it online or Non online you can send us your biography including your book summary,commentary and others via this number +2348140419490 its free we do not charge for our services
Note that - we do not charge for our services we uploaded novels and posted biography free, any person that collect your money in our name is your fault do not blame us
Note that - pls readers stop calling us and be asking us to send you a novels we are not sending novels through whatssap or private our novels is public at any day, any time you can visits our site and download it
Note that - our ebooks came as PDF,TXT or DOC format but the popular format are PDF or TXT, those with android or tablet or pc we suggest you to download PDF or DOC
those with java phone or non-java phone we recommend you to download TXT
This Novel is downloaded from https://taskarnovels.com.ng
to download more hausa novels visits our site at www.taskarnovels.com.ng
For feedback and support
Facebook : https://facebook.com/taskarnovels
Twitter : https://twitter.com/taskarnovels
Telegram : https://t.me/taskarnovels
fito direban yace da mama sa'ar data fito daga gurin
bokan ta shiga gidan baya.
To ko tsayawa zamuyi mu kwana anan? Mama ta
tambaye shi cikin gatse.
Wani tattausan murmushi ya subuce daga bakin
direban sa'ar daya sawa motar giya suka fara tafiya.
Ni bance ba ranki yadade Allah yabaki hakuri
Da Hakurin ta mutu nawa ka bayar kudin sadaka?
Mama ta sake mayar da martani cikin tsiwa. Direban
yayi shiru daga wannan bai sake cewa da ita kala ba
har sa'ar daya ajeta a kofar gidanta.
Mama na fitowa daga cikin motart bata jira sun sake
sabon ciniki ba saita kirgo kudin data tabbata sun
lunka kudin da sau biyu ta mika masa
Jiki na rawa direban ya karba.
Nagode ranki yadade yace da ita cikin murmushi Ga
mamakinsa sai yaga mama ta sassauta fuska ta
haskake shi da murmushi tace.
Nima nagode suka danyi shiru na dan lokaci shi bai
tafi ba ita kuma bata juya ba.
Bani lambar wayarka kodon gaba idan kana da lokaci
sai in kiraka kana kaini unguwa
to ranki yadade direban yace yana rawar jiki lokaci
guda kuma ya fadawa mama lambar wayarsa ta
shigar atata wayar.
To shikenan sai na kira mama tace sannan ta juya
cikin sauri ta nufi kofar gidan.
Adaidai lokacin ne tayi Turus. Sa'ar data hangi
Mubarak saurayin da take mutuwar kauna tsaye
ajikin wani dan kanti na katako dake dab da kofar
gidan mama taji zuciyarta ta harba atsakankanin
hakarkarinta numfashinta ya dauke yawun bakinta ya
kafe tun da take aduniya bata taba kamuwa da ciwon
son wani 'Da namiji ba sai Mubakar agurin mama
maza tamkar kasuwa ne kashige su a lokacin dakaga
dama ka sayi abinda kake so ka fice. Ayanzu data kalli
mubarak sai mama ta gane kuskurenta a fili ashe dai
maza sun wuce kasuwa saidai Gidan kwana.
Sannunku mama tace dasu Mubarak da kuma mai
tsawon kantin sannan saita dubi cikin kantin tace
Kanada kwan wuta ne? Mama ta tambaya tana kallon
kayan kantin lokaci guda kuma tana satar kallon
Mubarak ta gefen ido
Akwai naira hamsin. Mai tsaron kantin yace
Ba musu ballamtana ta nemi ragi mama ta biya
sannan saita kuya kamar zata tafi saita tsaya agaban
Mubarak tace dashi a tausashe.
Mubarak ko gaisuwa babu? Mubarak ya dubeta
shekeke sannan ya shafi kwanjinsa yace
Kin Ajeni anan ne domin kullum ina gaisheki?
Mama taji kamar ya watsa mata wuta kunyar daya
saurayin mai tsaron kantin ta lullubeta.
Allah baka hakuri.... Ina kwana to ni na gaisheka
Lafiya lau mubarak yace sannan cikin sauri sai yabar
gurin ya nufi bakin titi.
Mama ta bishi da kallo cikin kunan rai har saida ya
bace sannan saita matsa jakarta daidai inda laya nan
da boka ya bata kana tayi murmushin yake.
Sai hakuri Mubarak dole ne saika aure ni tace da
kanta sannan saita dada matsa layarta cikin jaka.
** ** ** **
Duk wannan al'amura sun faru ne kwanaki bakwai
kafin honorabil sabo ya kori bebi daga gidansa.
Awannan ranar yan yansandan ciki suka sa bebi cikin
wata katuwar mota jeep kirar kamfanin Fodi bakikitin
da ita kamar shuni suka nufi kanon dabo daga abuja
su biyar ne acikin motar baya mutum uku ne babi da
wasu karti biyu sanye da bakaken kwat da bakaken
tabarau sun sata a tsakiya gaba kuma direba ne da
wani katon shima sanye da bakin tabarau da shudiyar
kwat.
Motar nata kwarara gudu bebi na tsakiyar kartin tayi
zuru da ita bata ko kwakkwaran numfashi da motsi
domin ta lura suma mutanen dake zaune akusa da ita
kyam suke basa motsi kamar busassun itatuwa
abinda yafi damun bebi shine da bata iya ganin
kwayar idanunsu.
Suna nan tafe zuciyar bebi nata sake sake na gargadi
mama. Bebi tace cikin zuciyarta tayi imani da cewa
mama bazata taba iya kashe mutum ba bera ma
tsoronsa takeyi ballantana har ta huda cikin mutum
kuma ma me zaisa ta kashe honorabil jatau? Bebi ta
tambayi kanta Yau da ace kudi sun bata adakin to da
sai ace ko kudin tazo sata yakamata ai ta ya kuma ta
kashe shi.... Kai bazaiyiyu ba ai mama ko kamata yayi
tana satar kudinsa babazata iya marinsa ma ba
ballantana har ta kasheshi to saidai kuma me yasa
har tsawon wannan lokaci mama bata yi waya ba?
Wadannan tarin tambayoyi su suke cunkushe
kwakwalwar Bebi.
.
Ance ki kwantar da hankalinki. Daya daga cikin kartin
yace da ita batareda ya dubi fuskarta ba. Babu laifin
da kikayi mana so muke kawai ki kaimu gidan da take
shikenan sai sai mu sallame ki.
.
Bebi tayi ajiyar zuciya sannan jikinta ya dauki rawa
kamar wacce zazzabi ke shirin hawa.
Ka... Kama ta zakuyi? Ta tambaye su cikin karfin hali
Yan tambayoyi kawai zamuyi mata daya daga cikin
karyin yace a takaice. Har yanzun nan bai jiyo ba
ballantana ma ya dubeta akwai wani abu a tattare da
yanayin mutanen dake baiwa bebi tsoro tabbas
ayanzu tasan ya zama dole ta gargadi mama halin da
ake cikin shin wai da tun farko ma meyasa batayi
tunanin tayi kiranta ba.
Kibar kaza acikin gashinta ki kaddara aranki cewa
bakima taba haduwa da mama ba kada ki kirata idan
kuma ita ta kira kice da ita kada ta sake ta dawo
Abuja.
Bebi ta tuna maganar honorabil sabo lokacin dayake
fatan Allah yasa wani bai lura da shigarsu gidan
honorabil jatau ba. Ashe ya maka masu gadi sun
lura.
Bebi ta muskuta abayan motar sannan ta takura
lokaci guda ta dubi daya daga cikin kartin tace a
tsorace.
Zaku iya tsayawa nayi fitsari?
Kwarai da gaske
ki saki ranki dan Allah duk kinbi kin rude ba wani abu
zamuyi miki ba.
Bebi ta dubi mai maganar da wani busashshen
murmushi sa'ar da direban motar ya tsaya dasu
acikin dajin.
Tsallaka can kiyi ga wata duhuwa can amma kada kiyi
nisa kinsan dajin da macizai
Bebi ta nufi bayan wasu dogayen ciyayi dake gefen
kwaltar amma daga can ciki ta tsugunna abayan
ciyawar. Saida ta tabbata babu mai ganinta Jiki na
rawa ta bude jakarta ta dauko waya tafara daddanna
lambobi wayar ta kwace ta fadi a kasa saboda rawar
da hannunta keyi cikin sauri bebi ta sake rarumar
wayar ta daddanna sannan ta kara a kunne tsahon
dakiku masu kamar sa'o'i uku agun bebi sai mama ta
dauki wayar acan daya bangaren.
Mama.... Bebi ce..... Saurara da kyau ki ji bamuda
lokacin gaisuwa.........
*** *** *** ***
FADILA ta dubi kan wayar tana mai shakkar abinda
taji daga bakin mahaifiyar tata duk da an bata izini ta
dauki wayar batayi hakan ba harda da tabbatar
mahaifiyarta ta gama fita daga dakin ta kuma rufe
kofar abayanta.
Hannunta tareda duk wani bangare na jikinta na rawa
fadila ta ganna abin amsa wayar sannan saita lumshe
idanu ta kara a kunnenta.
Fadila... Fadila ce? Don Allah kiyimin magana faisal
yace acan daya bangaren bakinsa na rawa kamar zai
fashe da kuka.
Faisal.. Fadila ta kira sunansa da wata rarraunar
murya.
Acan daya bangaren faisal yaji kamar an kwarawa
ruhinsa ruwan sanyi sa'ar dayaji muryar fadila.
Yanzu kam ya tabbata duk duniya babu wanda ya isa
ya rabashi da Fadilarsa domin yanzu ne yake
kaunarta fiyeda lokacin daya aureta ma.
Na'am fadilata kina ina? Ya tambaya cikin wata
tattausar murya.
Ina gida Faisal.
Me kike yi?
Azaune nake ni kadai ina kuka ina tunaninka....
Muryar fadila ta karye ta fara sheshshekar kuka.
Daina kuka dan Allah fadila kada kisa jinina ya hau.
Toh faisal.... Na daina fadila tace a raunane haryanzu
akwai alamu sheshshekar kuka a muryarta sukayi
shiru na yan dakiku.
Hello Fadila... Kina jina?
Ina jinka Faisal.
Kiyi hakuri don Allah ki yafemin abinda nayi miki.
Fadila ta danyi shiru acan daya bangaren.
Bazaki yafemin ba fadila? Aka sake shiru na dan
lokaci.
Na yafe maka faisal... Kaima kayi hakuri kaji?
Bakiyi min komai ba fadila Ilove you... Kinji?
Fadila ta dada lumshe idanunta acan daya bangaren
cikin wani irin farin ciki da bata taba jin irinsa ba.
Ina kewarka faisal... Yaushe zan ganka.
Gani nan zuwa yanzu. Adaidai wannan lokaci sai kofar
dakin Fadila ta bude mahaifiyarta ta shigo
idan kun gama hirar saiki fito falo su malam sunzo
zasu karasa miki addu'ar ki.
Faidla ta gyada kai lokaci guda kuma tace da faisal
acan daya bangaren.
Kabari sai nan da awa biyu
Tayi min tsayi faisal yace.
Zan dai zo saina jiraki a kofar gida har sai lokacin ya
cika.
** ** ** ** ** **
Dayake haryanzu fadila bata sa ko kashi daya daga
cikin takwas na kayan lefenta ba sa'ar data fita daga
wanka ta gama kwalliya saita kasa zaben irin kayan da
zata tari tsohon mijin nata dashi saida ta shafe sama
da rabin sa'a kafin daga karshe dai ta samu ta zabo
wani bakin siliki siliki mai sheki wanda akayiwa dinkin
riga da siket matsatstsu irin na wannan zamani tasa
Tuni Faisal ya dade adakin shakatawa na musamman
da aka ware dan manyan baki abokan mahaifinta.
Fadila ta gama feshe feshen turare kenan sai
mahaifiyarta ta shigo dakin sannan ta dubi irin kayan
da fadila ta sa sannan ta girgiza kai tace.
Oh Ya'yan zamani to daman yaya za'ayi ma ku rabu
da aljanu? Saiki nemi gyale mai fadi ki yafa karki kije
masa ahaka sinki sinkin kamar doya.
Fadila ta fashe da dariya wannan itace dariyarta ta
farko cikin wata uku rabonta da dariya tun yammacin
da sukayi sallama da faisal dinta yatafi yiwa abokansa
ban gajiya.
Baba kenan kuma dan nasa wannan sai aljanu su fara
bina.
Keda Allah can rufe min baki har zaki fara kaudi dan
kinga yazo.
Kinga mama ni dai ki daina janyo min su Fadila tace
cikin shagwaba
Dazan janyo miki su ai da ban sa anyi miki addu'ar
rabaki dasu ba mahaifiyarta tace sannanDa zan janyo miki su ai da ban sa anyi miki addu'ar
rabaki dasu ba Mahaifiyarta tace sannan saita matsa
kusa da yar tata tace a tausashe.
Ina fatan dai yanzu kin warware babu matsala?
Fadila ta gyada kai.
Har yan gane ganenma yanzu bakyayi ko? Fadila
takuma gyada kai mahaifiyarta tayi ajiyar zuciya
sannan tace ai saikije yana jiranki.
.
A dakin karbar baki na musamman faisal ya mike
tsaye cikin tsananin farin ciki sa'ar da masoyiyarsa
tsohuwar matarsa fadila ta shigo dakin.
Masoyan biyu suka zauna lokaci guda akan kujera
guda sannan suka fuskanci juna da wani narkakken
murmushi.
Fadila daga yau babu wanda ya isa ya rabani dake
Fadila ta lumshe ido cikin jin dadi tace kaidai fadi
gaskiya.
Gaskiyar kenan fadila ko Aljanin nan ne zai sake
dawowa bai isa ya rabani dake ba.
Fadila ta dube shi cikin mamaki tace kana nufin yanzu
ka yarda da abinda nafada wancan karon?
Cikin murmushi faisal yace ai bake kika fada min ba
agida na sami labarin a gurin MAMA
Masoyan biyu sukayi shiru suna kallon juna cikin
shauki na tsawon dakiku can sai faisal yayi ajiyar
zuciya a tausashe yace Matata.
Fadila ta lumshe idanu ta kuma bude su lokaci guda.
Umhm Mijin
Faisal ya mika hannu zai tabata sai fadila ta janye
jikinta cikin sauri tana dariya tace.
Kada ka manta ada nake matarka yanzu allura cikin
ruwa ce mai rabo ka dauka.
Faisal ya hade fuskarsa cikin wasa yace
Dan Allah ki bari kada kisa jinina ya hau yanzu yaushe
za'a mayar da auren namu?
Fadila ta dube shi ido da ido tace
Najisu mama suna cewa sai nan da shekara biyar.
Faisal ya kai mata duka suka fashe da dariya cikin
farin ciki.
** ** ** **
MAMA Tayi mika akan gadon sannan ta harba
kafafunta har sau biyu kamar mai hawan bori sannan
saita mike zaune a hankali ta dubi agogo karfe uku da
minti ashirin na yamma.
Tun karfe goma na safe data tashi ta wanke bakinta
tayi karin kumallo saita koma ta kwanta abinta bata
farka ba sai yanzu to me ya dameta? Daman aljanin
nan ne gashi kuma yau kwanaki bakwa da bokan nan
ya daukar mata sun cika.
Dan Haka mama ta gama imani da cewa daga yau ta
rabu da shegen aljanin nan.
Cikin murmushi saita lalubi kanta tsakanin kitso ta
shafi layar da bokan ya bata sannan ta fara tunanin ta
inda zata bullowa Mubarak idan anjima.
Idan har abinda bokan yafada mata ya kasance
gaskiya babu abinda zai hanata auren Mubarak
mama tagama yanke shawarar kawai ta auri Mubarak
tun dai tana kaunarsa tuni ta gama yanke kauna da
wannan harka ta karuwanci badon komai ba sai dan
kawai tana kaunar mubarak hakanan kuma tasan in
har ba garin kano zata bari ba cigaba da karuwanci
zai yi wuya tunda dai labarinta ya watsa ko ina gashi
wani abin kara tonon silili har masu sayar da hotuna
da kalandu ne ke yawo da hotunanta a kalanda da
kuma na likawa a kasan hoton an rubuta MATAR
ALJAN.
Zuciyar mama cike da wannan sake sake ta shiga
bandaki ta fesa wanka kana ta dawo ta zauna agaban
dogon madubin dake dakinta ajikin bango ta fara
goge goge da shafe shafe irin na kwararriyar yar
duniya bayan tsayin mintina tagama sannan ta kalli
surarta ajikin madubi mama tayiwa kanta murmushi
danjin dadin abinda tagani haryanzu nan ashe dai
fuskarta na nan dauke da TSOHON ALKAWARI kyawu
nan nata duk da yake dai yawan bilicin datake yafara
samun tasirin sauya launin kudukukinta amma
fararen idanunta da dan bakinta faffada gwanin iya
shan (Ice Cream) Madarar kankara su suka kara mata
kwarin gwiwa tabbas babu abinda zai hana Mubarak
kamuwa da sona idan ya ganni. Mama ta fada cikin
sauri dauke da nishadi sai mama ta nufi bakar
akwatinta mai kaya ta fara lalube laluben irin kayanda
yakamata tasa. Ta bude can ta leka can ta bincika can
daga karshe dai hannunta yakai kan wata bingilalliyar
riga tsawonta baifi iya cibiya ba shudiya ce kusan
rabin kirjin rigar duk a wawake yake hakanan rigar
tana da doguwar siket wacce idan mamatasa har
kasa take ja.
Mama tayi murmushi sannan ta dauki rigar.
Har ta fara sa rigar saikuma ta tsaya kai da wahala
mubarak yaso rigar nan dan naga ustazu ustazu ne
mama tace da kanta cikin murmushi. Duk da yake dai
tasan takadiri ne wasu ma nayi masa kallon dan daba
amma mama nada yakinin baya harka da mata.
Mintina ashirin suka shude daga karshe dai da kyar
mama ta zabo wata doguwar riga launin zuma da
dishi dishin fari kamar fatar damisa rigar na da
wando me dauke da wata beza beza ta farin leshi
daga can kasa kamar kafar namijin tattabara.
Karfe biyar saura yan mintuna mama ta gama
shirinta tsaf sai kamshi take yi tun daga sama har
kasa domin ta feshe jikinta da turare sama da kala
biyar mama tayiwa kanta kallon tsaf na karshe ajikin
madubi sannan saita dauki farar jakarta ta nufi kofar
gida inda Dabar su Mubarak take.
.
Mubarak na zaune shi kadai akan wani benci
karyayye agindin wata bishiyar darbejiya saiyaji
kamshi ya buhi hancinsa kamshin ya dadada masa
hanci matuka cikin sauri ya dago kai ahankali domin
yaga daga ina kamshin ke tashi dago idanunsa keda
wuya sai sukayi ido biyu.
Sannu da hutawa mubarak dama
Sannu da hutawa mubarak dama gurinka nazo.
.
Mubarak zuciyarsa ta harzuka wai shin dan uban
karuwar nan meyasa ta rainani ne? Mubarak ya
tambayi kansa rashin duka ne shaidaniyar zuciyar ta
shawarceshi nan da nan kamshin turaren dake tashi
yakoma kamar warin mushe agurin mubarak domin
aduk matan duniya babu wacce ya tsana irin mama
duk da yake dai daman shi mata basu dame shi ba
abinda ke gabansa shine kallon kwallo da yawon
farauta idan ta samu.
.
Kikazo kiyi min me?
Mubarak ya tambaya yana kallonta a fusace yana
ciccije baki.
Mama taji zuciyarta ta harba tsakanin hakarkarinta
bata tsammaci irin wannan daga bakinsa ba dan haka
saita sa hannu kamar zatayi susa ta shafo layar dake
tsakanin kitsonta awayance sannan ta dubi Mubarak
ido da ido
Gani nayi kamar gurin babu kowa shiyasa nazo in
tayaka zama.
Mubarak yaji zuciya ta tuke shi.
.
Kebace kar in barar dake an fada miki ni abokin
kazamai ne irinki?
Wannan kalma itace mafi muni da mama ta taba ji
arayuwarta abinda ya harzukata mama bata bari ya
bayyana a fuskarta ba.
Maimakon hakan sai mama ta dada shafar layar a
karo na biyu sannan babu zato babu tsammani sai ta
matsa inda mubarak yake ta zauna akan bencin bata
kura dacewa bencin gurgu bane tana zama sai
nauyinta ya rinjayesu nan da nan suka fadi da baya.
Wasu yara acan gefe na wasa suka fashe da dariya
harda sowa.
Mubarak ne yafara tashi a fusace sannan ya zare
bakin BELT
din dake kugunsa.
Kayi hakuri mubarak bansan a..... Kafin ta karasa
mubarak ya hauta da duka da farko mama ta dauka
abun wasa ne daga karshe kuma saitaga Mubarak
yasa kafa yayi bal da ita harsada ta fada KWATA.
Wayyo na shiga uku mama tasa ihu sannan ta mike ta
ruga aguje Mubarak ya rakata yana duka sai saida ya
rakata har kofar gida.
Akace bakya jin duka wai kina da aljani yanzu uban
wa na daka?
Mubarak yace yan ciccije baki sannann saiya juya
yana bubbudawa lokaci guda kuma yana mayar da
belt dinsa cikin wandonsa ya nufi inda mai dan kantin
nan na kusa da gidansu Mama yake.
Bani sigari yace da mai kantin yana muzurai.
Acan cikin gida mama tafada cikin daki tayi rub da
ciki akan gado ta fara rusa kuka. Ba kukan zafin dukan
da mubarak yayi mata ba takeyi ba kukan wulakanci
da nuna mata kyamarta da yayi takeyi. Mama ta tashi
zaune akan gadon hawaye sharaf shafar ta lalubi
kanta tsakanin kitson da niyyar ta dauko layar nan da
boka ya bata tayi jifa da ita adai wannan lokaci sai
wayar tafi da gidanka dake gefenta ta katse mata
hanzari sakamakon ruri data fara.
Da farko mama batayi niyyar amsa wayar ba dan
haka saita dauki wayar a fusace da niyyar ta kashe sai
kuma tayi turus sa'ar da taga sunan kawarta BEBI ya
bayyana a fuskar wayar. Nan da nan mama taji duk
damuwar dake tattare da ita ahalin yanzu an zare
mata ita kamar cirar kaya sannan alokaci guda wata
sabuwar damuwa ta maye gurbin wanccan. Cikin
sauri mama ta share hawaye sannan ta danna abin
amsa waya tace cikin wata malalaciyar murya.
Hello.
Mama bebice saurara da kyau kinsan bamuda lokacin
gaisuwa..... Ki tattara naki ya naki kibar kano kafin mu
karaso nan da awa biyu zamuzo da yan sanda wai
zasuyi miki tambayoyi akan mutuwar honorabil....
Dan Allah mama fadamin gaskiya ke kika kashe shi?
Mama taji wani zazzafan gumi ya fara sartu akan
gashinta tuni dama kukan dukan da tasha ya wanke
kwalliyar data shafe sama da sa'a guda tanayi.
Haba Bebi.... Wallahi bani na kashe shi ba...
Ke kinfi kowa sani na
Nida bera ma tsoroyake bani tayaya zan iya kashe
mutum..... Amma dai nasan ta yadda...mama ta danyi
shiru.
Kinsan me? Bebi tace acan daya bangaren cikin
kaduwa,
bani na kashe shi ba.... Amma akwai labari dai me
tsayi akan..... Kinga mama saurara bebi takatse ta
acan daya bangaren.
Koda bake kika kashe shi ba idan kinsa bakida gaskiya
kigudu kawai kuma amatsayin kawa domin na rama
irin mutuncin da kika nuna min lokacin dana fara
zuwa kano
ke kika fara bani sababbin kaya kyauta.... Sai wataran
kawata.
.
Layin ya katse daga can daya bangaren cikin tsananin
firgici zuciyar mama ta kankame gawar wayar a
kirjinta domin numfashinta ya fara daukewa tsahon
mintina tana nan azaune kwakwalwarta ta kasa
tunanin komai sai bayan mintina goma sannan ta
fuskanci halin da take ciki ta riga tasan har kullum
daman wannan al'amari kandarsu acikin ranta amma
matsalar wannan aljani dake addabarta su suka
dauke tunaninta daga kan duk wani hadari dake iya
samunta a sakamakon katuwar honorabil jatau. Da
farko mama ta yanke shawarar tayi zamanta kawai ta
jira zuwansu bebi tunda dai ai ba ita ta kashe shi ba
Jimawa kadan kuma sai wata zuciya tace da ita idan
suunzo kuma kuma kice dasu me? Kice dasu wani
aljani ne yafito atsakiyar dare ya kashe shi kina
kwance?
Mama tayi ajiyar zuciya tasan wannan zance ba mai
yiwuwa bane duk duniya wanene zai yarda da
wannan tatsuniya? Mama tasan tana fadin haka zata
fada hannun hukuma domin har yau din nan ita kanta
gani takeyi kamar mafarki.
Jikinta na rawa mama ta mike tsaye cikin zafin nama
naban mamaki ta hada duk suturarta cikin jakankuna
guda biyu sannan ta nufi bandaki ta wanke fuskarta
tana dawowa saitaci gaba da laluben sauran
abubuwan da take tsammanin zasuyi mata amfani
agaba da wannan karon mama bata damu da ta shafa
koda farar hoda ba ballantana ta tsaya doguwar
kwalliya tuni tagama yanke shawarar inda zata gudu
garin da aka dade ana bata labari aka kuma dade ana
shawarartar ta data tafi tun lokacin da aka kaddamar
da shari'ar musulunci a kano.
Ai saikiyi ta zama baki gaji da wahala bane kullum
ana binki ana takura rayuwarki kamar barauniya ance
kizo mu tafi inda zamu fantama babu mai rakura
mana.
Wata kawarta ce ke bata wannan shawara.
Wai wane gari ne wannan? Mama ta tambayi kawar.
Wani garine tsakanin bodar najeriya da nijar harka
agarin ba magana kizo kawai muyi tafiyarmu can inda
babu tsangwama.
Ayanzu da mama ta dauki jakankunan ta cikin sauri
can ta yanke shawarar guduwa babu abinda mama ta
tsana irin karuwancin kauye to amma yanzu batada
zabi akalla dai zan bace na dan lokaci kafin kura ta
lafa waya sani ma ko aljanu basa iya tsallaka boda
ballantana su dameni. Mama ta fadawa kanta domin
ta dada samun kwarin gwiwa abinda yafi damunta
ayanzu shine kudadenta dake banki kodayake tuni
mama tasan idan ta kwashe kudinta gaba daya daga
bankin zata iya damkasu a hannun wani dan canji a
wafa wanda take canjin kudin kasashen ketare
agurinsa tasan duk inda take zai iya tura mata da
kudinta.
Mama ta dubi agogo sa'ar data fito kofar gidan karfe
biyar saura tasan idan tayi sauri zata iya samun banki
ba'a rufe ba.
Mutane suka zuba mata idanu sa'ar da sukaga ta fito
da jakankuna a tunaninsu dukan da mubarak yayi
mata ne yasa zata tafi.
Mama ta isa bakin titi kafin ta tsayar da dan tasi sai ta
dandanna wasu lambobi awayarta. Sannan ta kara a
kunne tace
Hello.. Mu'azu... Nice mama dan Allah mu hadu
yanzun nan a OCEANIC BANK zan baka wasu kudi da
zakayi min sako dasu ta danyi shiru sannan saitace.
To shikenan amma kayi sauri don tafiya zanyi.
.
Wani da adaidaita sahu ya tsaya akusa da ita da
mashin mai kafa uku mama ta jefa jakankunanta biyu
aciki sannan ta shiga tace da direban
Oceanic bank zaka kaini daga nan kuma zamu wuce
tasha kofar ruwa.
Direban yaja mashin din ahankali.
Koda suka fara tafiya sai mama ta hangi mubarak
tsaye abakin titi kusa da wasu sayar da bakin Mai.
Batasan abinda yasa ba sai kawai ji tayi bakinta ya
subuce Yace. Mubarak
Mubarak ya juyo sai yaga mama tana daga masa
hannu cikin mashin mai taya uku.
Kai yau na hadu da mayya mubarak yace sannan ya
tsartar da yawu.
.
FARIDA
Dakin shakatawar yayi shiru bakajin motsin komai
kamar anyi ruwa an dauke.
Alhaji Ilyasu ne yafara magana cikin karfin hali yana
kallon kyakkyawan sauri me kafar Kofato.
Bawan Allah daga ina kake?
Farida acan gefe guda a takure ta dada runtse
idanunta da kunnuwanta bata son ji ko ganin abinda
ke faruwa idan su basu san kowanene saurayin ba ita
tasan shi.
NINE MIJIN FARIDA. Kyakkyawan saurayin yace dasu
sannan sai ya fashe da wata kakkausar dariya mai
kamar aradu wata iska mai karfi da sanyin gaske ta
fara fifita cikin dakin sannan sai wani farin hayaki ya
turnuke dakin.
Mahaifiyar Farida ta dauki satali a razane nan da nan
taji kafafunta bazasu iya daukar nauyinta ba cikin
sauri ta lalubi daya daga cikin kujerun ta lume aciki
domin bata iya ganin komai sai farin hayaki.
Tsahon lokaci kafin hayakin ya washe
.
Na shiga uku..... Yau mun hadu da jaraba Alhaji kaga
abinda nake fada ma ko? Mahaifiyar farida ce ke
magana
Alhaji Ilyasi yayi kasake na tsahon mintuna cikin
tsananin mamaki da fargaba yan mici micin idanunsa
suna kallon bangon dakin da wani yabashi labarin
abinda yafaru yanzun nan agabansa da babu abinda
zai hana ya karyatashi yanzu ma ganin abin yake
kamar ruda ido.
Farida ya kira sunan yarsa a sanyaye akwai alamun
nadama karara a fuskarsa
Farida ta dago kai daga inda take ta share hawaye
sannan ta fuskanci mahaifinta.
Kin tabbata duk labarin nan da kika fadawa
mahaifiyarki gaskiyane?
Farida ta gyada kai batareda tayi magana ba.
Gashi nan anyi ma agabanka Mahaifiyar farida ta
fada bakinta na rawa.
Na fadama tun farko baka saurareni ba dolene sai
mun tashi tsaye akan yarinyar nan in bahaka ba
wallahi da kyar zata auru.
Alhaji ilyasu ya sunkuyar da kai kasa na tsahon lokaci
yana tunani can saiya dago kai ya dubi farida yace da
ita a tausashe.
Ki shirya gobe zamu tafi kauye.
Mahaifiyar farida ta kalleshi a rude.
Akwai wani tsohon malamin mahaifinmu wai shi
MALAM NA KOGO Waliyi ne nasan in Allah ya yarda
ko ifiritu ne akan yarinyar nan sai ya barta Insha
Allahu ai ita addu'a tafi karfin komai. Yadanyi shiru
sannan saiya ci gaba da cewa.
To daman in banda lalacewar zamani ma yanzu ace
wai zanen kunshi ya wuce tafin hannu da sawu yatafi
har zuwa kan tsaraici wannan wacce irin masifa ce
yaushe za'a ace wai mace ta bude tsaraicinta agaban
wani kato yayi tayi mata zane zanen banza
.
Alhajin yasake yin shiru akaro na biyu sannan ya juya
inda farida take a takure yace.
Saurara da kyau kijini daga yau sai yau kada nakara
ganin kinsa wannan shegun kayan matsatstsu duk
kifito min dasu zansa a kone su idan kuma kika sake
na kara shigowa gidan nan natarar da gashinki awaje
saina sa wanzami ya aske kan ki Ja'ira.
Yana gama fadin haka sai ya dauki wayarsa ya
daddanna sannan yace.
Hello Alhaji Shu'aibu.... Nine dan Allah in anyi sallar
isha'i saimu hadu anan gidanka zamu tattauna
maganar auren yaran nan domin an sami wata yar
mishkila ina ganin dole sai mun kara watanni ya
danyi shiru yana sauraro.
Toh shikenan duk daya ne idan kai din ma kazo. Yana
ajiye wayar ne aka sake sallama akaro na biyu
Wannan Karon wani saurayi ne kyakkyawan gaske
yashigo dakin saidai shi anyi sa'a bashida kofato yana
shigowa sai yayi turus zai koma cikin jin kunya.
Ah...shigo...shigo mana Alhaji ilyasu yace lokaci guda
kuma ya dubi farida.
Farida ta dago kai ta dubi saurayin taji gabanta ya
fadi sa'ar dataga sunyi kama da kabir dinta. Ga
mamakinta saitaji tana addu'ar Allah ya rabata da
wannan masifa ta wannan Aljan indai har wannan
shine mijin da za'a bata to tayi dace ta fada acikin
zuciyarta sannan saita sunkuyar dakai kasa a kunyace
azuciyarta tana mai fatan Allah sa shima wannan
saurayin bazai koma gida karkataccen Baki ba.
.
MAMA
Motar kirar fijo tsohon yayi ta fito daga tashar ta nufi
arewa dauke da fasinjoji shida. Abayan motar a
zaune kusa da wani kyakkyawan saurayi mamace
idanunta sunyi jajur saboda kukan da taci da kuma
tashin hankali.
Ga alama mutum uku ne yakamata su zauna abayan
motar amma dayake kyakkyawan saurayin mai dogon
hanci ya biya kudin mutum biyu sai ya kasance daga
shi sai mama ne zaune aciki.
Mama ta dubi agogon dake jikin wayarta karfe shida
da yan mintina tuni hasken rana ya fara sallama
duhun dare yafara maye gurbinsa ahankali kamar
yadda suka saba akullum kwanan duniya.
Daga inda mama take zaune tana iya hangen yan
mata birjik abakin titin kurna asabe zuwa bachirawa
wasu na tafiya abinsu me yiwuwa unguwa zasu wasu
ko dauke da farantin talla wasu ko sanye da dogayen
riguna da hijabi sun taso daga islamiyyar yamma.
Mama taji wani bakin ciki marar misaltuwa ya
mamayi zuciyarta ga mamakinta saitaji tana mai
fatan inama ace tana daga daga cikin irin wadannan
yara inama ace itama agaban magabatanta take da
yanzu fa meyiwuwa tayi aure ko?
Me yiwuwa har da ya'yama da yanzu haka tana zaune
ita da mijinta lafiya cikin kwanciyar hankali babu
taraddadin wani aljani ko wasu jami'an tsaro akaro
na farko sai mama tafara Nadamar dukkan wani iya
shege data aikata adoron kasa yanzu ina ribar irin
wannan rayuwa mara manufa?
Mama ta tambayi kanta nan da nan sai hawayen
bakin ciki ya fara sartu akan fuskarta lokaci guda
kuma tana tunanin shin ko su bebi sun karaso gidan
tare da jami'an tsaron.
Ita kam ta riga tasan ta tafi zuwa duniyar da bata san
abinda zata tarar ba shin yaushe ne mai zai karewa
tsohuwar motar? Mama ta tambayi kanta a tsorace.
.
Kukan me kikeyi?
Wata tattausar murya ta tambayeta mama ta juyo
ahankali yayinda sukayi ido biyu da kyakkyawan
saurayin dake kusa da ita.
Ki daina kuka komai na duniya mai wucewa ne tunda
dai kina tare dani.
Saurayin yace sannan sai ya lalubi aljihunsa ya dauko
wani farin kyalle ya mika mata.
Goge fuskarki kada hawaye yabata miki kyawunki
Saurayin ya hasketa da murmushi.
Mama ta dubi kyakykyawan saurayin cikin mamaki
lokaci guda kuma taji zuciyarta na harbawa tsakanin
hakarkarinta
hakika kyakkyawa ne na gaske mama ta fara hasko
hotunan mazan data taba mu'amala dasu abaya ta
kasa tuna daya daga cikinsu daya kai koda rabin
kyawu na wannan dake kusa da ita.
Karbi mana ki goge.... Kada nima ki sani kuka.
Jikinta ta rawa mama ta karbi farin kyallen ta goge
fuskarta sannan ta mika masa.
Nagode. Tace da saurayin.
Nine da godiya ai da kika saurareni kika kuma karbi
kyallen dana baki.
Suka danyi shiru na yan mintina suna duban juna
direban motar ya dada kara gudu domin yagama fita
daga cikin gari.
Ina kika nufa?
Mai mujiya. Mama tace tana duban kyakkyawar
fuskarsa cikin shauki.
Kaifa ina zaka.
Guri daya muka nufa saurayin yace cikin murmushi.
Duk inda zaki muna tare don bana gajiya da ganinki.
Mama ta dube shi cikin mamaki.
Yanzu fa ka fara ganina.
Ke kike ganin haka ni na dade da saninki...... Ina kuma
kaunarki.
Mama taji kamar an watsa mata ruwan sanyi. Adaidai
wannan lokaci sai wani tattausan murmushi ya
subuce daga bakinta tayi murna da bata jefar da
layar dake makale akanta ba. Tabbas tasirin layar
bokance tafara aiki. Mama uwar gaggawar tare
mubarak tayiwu me yiwuwa alokacin layar ce bata
fara aiki ba babu mamaki ma da tabi ahankali har
gida mubarak zai sameta.
Mama ta haskake kyakkyawan saurayin dake zaune
kusa da ita lokaci guda kuma tana wasa da wayar tafi
da gidanka dake hannunta.
Tayaya daga ganina zaka fara..
.
Tayaya daga ganina zaka fara kaunata? Mama ta
bukata.
.
Haka daman abin yake kowa kinsan da irin abinda
yake so baki san ana kaunar mutum ba tun ma ba'a
ganin shi ba.
Mama ta lumshe idanu kana ta shafi layar dake kanta
awayance
Kaidai fadi gaskiya yanzu danace ka aureni guduwa
zakayi.
Saurayin ya matso dab da ita yace
Auren ki shine abu mafi soyuwa agareni gwada ni ki
gani in ban aureki ba.
Mama taji wani farin ciki ya lullubeta. Tabbas
maganin bokan yaci ta dada jaddadawa kanta gashi
ma nayi sa'a wannan yafi mubarak kyawun sura nesa
ba kusa ba.
Zaki Aureni? Saurayin ya tambayi mama a tausashe
kamar wanda yake tsoron kada na kujerar gabansu
suji.
Gwada ni ka gani mama tace lokaci guda suka fashe
da dariya me yiwa dariyar da takeyi ne yasa wayarta
subucewa daga hannunta ta fada kasa inda kafarta
take babu mamaki kuma wata gargada da motar ta
fada ne.
Oh wayarki ta fadi ko bari na dauko miki.
Cikin dariya mama ta girgiza kai sannan tayi masa far
far da idanu irin na kwararriyar yar duniya lokaci
guda kuma ta dafe hannayensa tace.
Bari na dauko kayata kada na baka wahala darling.
Tana gama fadin haka saita sunkuya domin ta dauko
wayar sannan ne to taga abinda ya tsayar da bugun
zuciyarta ya kafar da yawun dake bakinta sannan yasa
yasa tunaninta a rudani.
Da farko da mama taga abin ta dauka wanine daga
cikin fasinjoji ya ajje musu akuya akasa amma data
duba da kyau sai taga ba kafar akuya bace kafar
kyakkyawan saurayin da zata aura ne har da kofato
kamar kafar doki.
Mama ta dago kai a gigice ta kwalla ihu nan da nan
motar ta hade da farin hayaki.
.
FADILA
Da yamma misalin karfe saura yanayin garin ya sauya
nan da nan gashi dai lokacin sanyi ne amma sai garin
ya daure aka fara zafi.
A zaune cikin dakin shakatawa na alfarma masoyan
biyu ne zaune yau kwana uku kenan kacal da mayar
da aurensu. Tun da suke arayuwarsu basu taba shiga
farin ciki irin na wannan kwanaki ukun ba. Kullum
suna tare faisal yace ba zaifita nan da can ba sai nan
da sati biyu.
Don haka koda yaushe suna tare da amaryarsa fadila
ko dai suna tare da amaryarsa fadila kodai suna kallo
ko kuma wasan ludo ko kuma wasanninsu irin na
masoya masu sabon aure.
.
Kai ni fa nagaji da ludon nan.
Faisal yace lokaci guda kuma ya aje dan kofin ludon
akan faifan gilashin
Fadila ta dubeshi tayi far far da fararen idanunta tace
cikin shagwaba.
Me to zamuyi?
Faisal ya matso kusa da ita yace zauna kawai nayita
kallon ki my love
cikin farin ciki sai fadila ta karkace ta kwanta akan
cinyarsa tana fuskantarsa.
Sai kayi ta kallona har barci ya daukeni.
Faisal yasa hannu yaja dogon hancinta
Kada fa ka tsine min hanci don kaga yafi naka kyau
ko?
Ba wani nan ai wallahi nawa yafi naki kyau. Faisal
yace yana jan hancin.
Fadila ta tashi zaune firgigit cikin tsiwa ta wasa.
Allah ya sawwake ace kafini kyau kana kallon madubi
kuwa?
Faisal ya mike tsaye ya dubeta da murmushi yace In
ba tsoro ba ajje daki aduba madubin mana.
Fadila ta zunkuda kafada tace
Naki aduba dai anan ga madubi can.
Faisal ya girgiza kai ban yarda ba bayan wancan
madubin zo muje daki agani yana gama fadin haka
sai ya ruga da gudu ya shiga daki daga cikin dakunan
kwanansu na alfarma.
Faisal na shiga dakin sai yayi turus cikin tsananin
kaduwa. A kwance akan gadon kwanansu wata
santaleliyar budurwa ce sanye da wata irin doguwar
riga ta bakin gashi. Faisal bai taba ganin irin rigar ba.
Innalillahi Wa Inna Ilaihi Raji'un.
Faisal yace a fili sannan saiya dubi budurwar cikin
hali yace.
Ta Ina kika shigo mana daki kuma me ya kawo ki?
Budurwar ta mike zaune akan gadon ta kashewa
faisal idanu tace.
Yar zaman daki ce aka kawo muku amma tun da naga
baka farin ciki da zuwana bari inyi tafiyata kada ku
isheni da surutu. Tana gama fadin haka saita zama
farin hayaki.
Adaidai lokacin ne fadila ta shigo dakin a guje tana
zuwa saita rungume mijinta faisal tana dariya tace.
Ilove You Faisal.
Nima ina kaunar ki fadila tsahon dakiku suna tsaye
ahaka can sai fadila ta dada kankame shi tace.
Faisal ina son kayi min alkawari.
Faisal ya dubi fuskar amaryarsa a rude yace
alkawarin me?
Fadila ta lumshe idanu tace Alkawarin bazamu sake
rabuwa ba har abada kaga wancan karon saki biyu
kayimin yanzu saura daya.
Faisal ya dada janyoya jikinsa idanunsa na kan farin
hayakin dake bayansu yace a tausashe.
Nayi miki alkawarin ba zamu sake rabuwa ba.
Fadila tayi ajiyar zuciya cikin farin ciki sannan ta kalli
fuskarsa tace.
Kishiya fa ita ma ka dauki alkawarin bazakayi min ba?
Faisal ya kuma kallon amaryarsa ido da ido sannan
ya kalli dan sauran farin hayakin da har yanzu yake
makale a sararin samaniyar dakin yace da
murmushin Yake.
BANSANI BA ME YIWUWA NAN GABA IN AURO MIKI
ALJANA.
Masoyan biyu suka fashe da dariya.
.
KARSHE.
.
NAZIR ADAM SALIH
Abinda Nayi kuskure a gafarceni masu karatu
Mutum Ne Ni Ajizi
A Aiko Min Da Gyaran Kura Kurai Na.
.
NAGODE SAI MUN SAKE HADUWA IN ALLAH YA
NUFA.
ZAYYANA 1 and 2
Littafin Nazir Adam salih
(c) Nazir Adam Salih
Created and design by :- Shuraih Usman
.
Publish:- http://shuraih.xtgem.com
.
This Ebook is available in our website just click here and download it , http://shuraih.waphall.com
An dauko wannan littafi daga shafin https://taskarnovels.com.ng ku ziyarci shafin na https://taskarnovels.com.ng domin samun kayatattun littatafan hausa kama daga kan na yake yake dana soyayya
Marubuci ko marubuciya zasu iya turo mana da littatafansu mu dora masu a shafinmu kyauta don masoyansu su rika Downloading a online,
Sannan marubuta zasu iya turo mana da tarihin rahuwarsu da tarihin rubutunsu, dama sharhin littatafansu don masoyansu su gani kuma su karu da hakan
Domin turo mana da littafi ko tarihin rayuwar marubuci ko marubuciya sai ayi mana magana ta whatssap da wannan nambar +2348140419490
A lura dakyau - kyauta muke saka littafi a shafinmu bama amsan ko sisin marubuci, duk wanda ya amshi kudinku da sunanmu babu ruwanmu,
Alura dakyau - manazarta bama tura littafi ta private ku dena binmu private kuna neman mu tura maku littafi, duk mai bukatar littafi yaje website namu
Alura da kyau - Littatfanmu suna fitowa cikin manhajoji uku ne PDF,TXT da DOC amman munfi amfani da PDF da TXT masu amfani da wayar android ko tablet ko computer zai fi kyau ku riga dauko PDF da DOC
Masu amfani da kananan wayoyi java ko mara java TXT zakuna zaba don shine daidai wayarku
This hausa novel was uploaded and downloaded from https://taskarnovels.com.ng
You can download more hausa novels there
Also you can send us your novel to upload it in our website for your fans to download it online
It is free we do not charge for uploading novel
Also if you are an Author be it online or Non online you can send us your biography including your book summary,commentary and others via this number +2348140419490 its free we do not charge for our services
Note that - we do not charge for our services we uploaded novels and posted biography free, any person that collect your money in our name is your fault do not blame us
Note that - pls readers stop calling us and be asking us to send you a novels we are not sending novels through whatssap or private our novels is public at any day, any time you can visits our site and download it
Note that - our ebooks came as PDF,TXT or DOC format but the popular format are PDF or TXT, those with android or tablet or pc we suggest you to download PDF or DOC
those with java phone or non-java phone we recommend you to download TXT
This Novel is downloaded from https://taskarnovels.com.ng
to download more hausa novels visits our site at www.taskarnovels.com.ng
For feedback and support
Facebook : https://facebook.com/taskarnovels
Twitter : https://twitter.com/taskarnovels
Telegram : https://t.me/taskarnovels