← Book details Omrii Hayatii Part 1 Complete Hausa Novel Local reading mode
READING PART 24 OF 25

Sashe 24

Omrii Hayatii Part 1 Complete Hausa Novel · about 4 min read

##SALEEM TALBA
(The Devil's Heir of Mafia)
Babu wani motsi da ake iya ji a koina. Komai yayi tsit, alamar cewa dare ya riga ya gama rabawa da duniya ya barta cikin wani irin natsuwa mai ban mamaki.
A wannan lokacin ne wata baƙar mota ta shigo cikin harabar wani katafaren gida, duplex home, wanda aka zuba dukiya wajen gina shi da kawata shi. Tun daga ƙofar shiga har zuwa cikin harabar gidan, komai yana nuna irin arziƙin wanda ya mallake shi.
Saleem Talba ya fito daga motarsa, bai tsaya ko’ina ba. Kai tsaye ya nufi babban part dinsa dake cikin gidan Wanda yafi
kowane part girma da tsaruwa.
Yana shiga, sai ya cire baƙaƙen kayan da ke jikinsa, ya ajiye su a gefe. Daga nan ya nufi wata babban wandrobe da aka aza a bangon dakin hannu yasa ya turata
Sai ga wata kofa ta bayyana.
Ya sanya hannunsa a kan wata na’ura, sannan ya shigar da wasu lambobi. Bada daɗewa ba, sai aka ji wani ƙaramin ƙara, ƙofar ta buɗe a hankali.
Amma abin da ke ciki ba kayan ado ko kuɗi ba ne.
Wata ɓoyayyar ƙofa ce da ta buɗe zuwa wani ɗaki na musamman, wanda ba kowa ne ya san da wanzuwarsa ba. A cikin ɗakin ne dukkan sirrinsa da abubuwan da suka shafi rayuwarsa ta Mafia suke ajiye. Har ma da wani wuri na musamman da yake amfani da shi wajen tattaunawa da babban shugaban Mafia idan bukatar hakan ta taso.
A taƙaice, wannan ɗakin shi ne ofishinsa na sirri a cikin gidansa—wurin da babu wanda zai yi tunanin yana nan, ko da kuwa ya shafe shekaru yana zuwa gidan.
Saleem ya shiga, ya duba wasu daga cikin kayansa, sannan ya mayar da duk abin da ya ɗauko cikin wata jaka. Bayan ya gama, ya fito ya rufe ƙofar a hankali, ya mayar da komai yadda yake.
idan xaka kalli bangon xaka iya   rantsewa babu wata ƙofa da aka taɓa sakawa a wurin.
Kai tsaye ya nufi bathroom
Ya cire kayan da ke jikinsa, ya kunna ruwan shower. Ruwan ya fara sauka a kansa, yana ratsawa ta cikin baƙin sumar kansa zuwa fuskar da ta saba kasancewa cikin tsauri.
Amma a wannan lokacin, Saleem bai yi kama da mutumin da yasa wasu ke tsoron sunansa ba.
Ya rufe idanunsa.
Wani irin zafi ya turnuke ƙirjinsa, yayin da tunanin abubuwan da suka faru a rayuwarsa ya fara dawowa masa ɗaya bayan ɗaya.
Ya tuna da yarintarsa.
Ya tuna da lokacin da ya kasance yaro marar wani iko, yaron da aka zalunta a cikin gidan da ya kamata ya kasance mafakarsa.
Ya tuna da fuskar kishiyar mahaifiyarsa—matar da ta mayar da rayuwarsa tamkar wani irin hukunci, har ta kai shi ga shiga wata rayuwa da bai taɓa mafarkin kasancewa cikinta ba.
A hankali ya buɗe idanunsa.
Kallon da ya yi wa madubin da ke gabansa ya nuna masa mutumin da ya zama a yau. Amma a bayan wannan fuska mai tsauri, a
Lebɓansa suka motsa kaɗan, ya furta wata magana cikin sanyin murya
“Kin yi kuskure ɗaya ne a rayuwarki…”
Ya dakata, yana kallon fuskarsa a cikin madubi.
“Kin ɗauka cewa abin da kika yi mini zai ƙare dani."
Sai ya yi wani irin murmushi mai sanyi.
Na zama abunda kikeso na xama din
kudi kikeso nayi kota wace hanya
ko ba hanya mai kyau bace
ko haramtacciyyar hanya ce
wani murmushin da babu farin ciki ko digo ya sauke acikin fuskarsa.nayi kudi
nayi kudin da na baki farin ciki da natsuwa
nayi kudin da kika fara nuna mun soyayya
kika bani farin cikin da koda Ina yaro
ban samesa ba.burinki ya cika duniya
ta sanni Hajjaaah  duniya tasan karfin iko da power da kudin talba's group
duk ta haramtacciyyar hanya
a haka farin ciki kikeyi?"ya fada Yana Kara kallon mirror idonsa na juyewa a hankali zuwa wata kalar.yana komawa asalin
fuskar the Devil's hair dinsa na mafia
A daren Saleem Talba bai manta da abin da ya faru a baya ba.
Domin duk da cewa duniya ta san shi a matsayin wani matashi maiji da kudi da kurciyya
a bangaren dayan rayuwarsa .Yana jiran lokacin da duniya Xata sansa a matsayin cikakken dan mafia.

#ASMY B ALIYU
#Saleem Talba(the Devil's hair
#malaak farook Rano
#mafia /love/money
#love/fate
#Omrihayatii
#08086207764...
[11/9, 3:47 PM] Asmy B Aliyu: OMRI HAYATII

By
Asmy b Aliyu

24......
Chapter 24 · 0% Book details