BABI NA BIYU
Goga Sha Fama Book 1 Complete Hausa Novel · about 89 min read
Littafin yaki
Rubuta Labari
MANSUR USMAN SUFI
Sarkin Marubutan Yaki
Free book
Ba wasu ba ne face sarauniya Nuwairat tare da boka Jadwar dake farautar Budurwa Nihla domin su hallaka ta,
Domin Nuwairat ɗin ta samu nasarar kasance mace ta farko da Hibairu zai fara gani a rayuwar sa kuma ta samu soyayyar sa.
Nan fa sabon kallon kallo ya fara guda na tsakanin sarauniya Nuwairat da budurwar Nihla dake tsaye hannun ta riƙe da takobi,
Bisa mamaki a wannan karon sai sarauniya Nuwairat taga Nihla ta ƙura mata idanu babu tsaro ko fargaba a tare da ita duk kuwa da irin kwarjinin ta,
Abangaren jaruma Husnaila kuwa koda ta gama faɗin hakan sai yar uwar ta gimbiya Hushriba ta zare waɗansu tagwayen takubba guda biyu a gadon bayan ta ta falfala da azababban gudu izuwa kan ta, tana mai ihu da kururuwa mai firgitar wa, Koda ganin hakan sai sunaila ta falfala da gudun izuwa kan ta riƙe da takobi domin tarar juna,
Tamakar haɗin baki a lokaci guda jaruman kowane bangare sukayi kukan kura domin yin karon battar karfe,
Sarki shazwan da boka Dargas suka ruga izuwa kan saurayi Hizmal, Sarauniya Nuwairat da boka Jadwar suka ruga izuwa kan Budurwa Nihla,
Aljani Marhutul-Azab da aljani Darmanu suka tari juna,
Sarki uslaim da boka ƙarzum kuwa sai suka tari tawagar sarki uslaim domin ganin sun tseratar da yaro Humair domin shine abin buƙatar su.
Lokacin da aka ruguntsume da azababban yaƙi tsakanin jaruma sunaila da Hushriba,
Sarauniya Nuwairat,boka Jadwar da budurwa Nihla,
Saurayi Hizmal, boka Dargas, da sarki shazwan,
Aljani Marhutul-Azab da aljani Darmanu, sarki
Sarki uslaim, boka ƙarzum da tawagar sarki shazwan,
A gabar shiga dajin Baitul-shamshan,
Sai yakin yazamo abin tsoro kuma tashin hankali ga kowa ne bangare.
Jaruman suka wanzu suna kaiwa juna sara da suka cikin matuƙar zafin nama juriya da bajinta tagaban kwatance,
Ƙarar karafniyar ƙarafa haɗe da ihun mazaje ta cika dodon kunne, ƙura ta turnuƙe sararin samaniya,
A bangaren jaruma sunaila da yar Uwar ta Hushriba kuwa,
Sun wanzu suna ɗauki ba daɗi ta hanyar kaiwa juna sara da takubban su,
Cikin ɓakin zafin mama juriya da nacin tsiya,
Duk sa'adda takubban su suka haɗu da juna sai kaga tartsatsin wuta ya tashi gami da kara marar daɗin sauraro,
Babu abinda zai burge ka ga zaratan matan biyu sama da yadda suke kaiwa juna sara da suka tamkar jikkunnan su ba su kasance na jini da tsoka ba,
Abangaren sarki shazwan,boka Dargas da saurayi Hizmal labari yasha bamban,
Domin duk karfin damtsen zaratan sarakunan biyu sai yazamo ya tashi a banza.
Domin kuwa sun kasa koda lakutar jikin saurayi Hizmal da makaman yakin su.
Sai dai ga wanda yake kallon yadda artabun ke wakana zai iya fahimtar cewa ƙarfin damtsen Sarki shazwan da boka Dargas ya nun ka na Hizmal sau goma,
Saboda wasu lokutan idan su ka kai masa hari da takobin sa,
Idan ya sanya takobin sa ya kare sai kaga har durkushewa ƙasa yake yi,
Amma saboda da juriya da bajinta irin ta JARUMAN DUNIYA sai kaga ya taso sama ya mayar da martani.
Duk wannan fafatawa da akeyi tsakanin su Hizmal, yaro Humair makaho dake goye a gadon bayan sa yana jin duk irin fafatawar da akeyi,
A bangaren manyan aljanu biyu kuwa aljani Darmanu da Marhutul-Azab,
Sun wanzu suna ba wa hammata iska yazamana cewa,
Suna yin ragas idan Darmanu ya samu nasarar kaftawa Marhutul-Azab sara a hannu sai kaga shi ma ya mayar da martani ,
Ko iya hargagin su ma ya isa ya firgita lahittun
Dake wajen ,
Amma a bangaren sarki uslaim da boka ƙarzum da tawagar sarki shazwan kuwa,
Sun wanzu suna ɗauki ba daɗi,
Duk inda sarki uslaim ya sanya gaba sai kaga dakaru na zubewa ƙasa magashiyan ,
Ita kuwa budurwa Nihla ta zamo tamkar wata shaiɗaniya a tsakanin sarauniya Nuwairat da boka Jadwar,
Domin sun kasa samun nasarar murƙusheta
Al'amarin daya fusata sarauniya Nuwairat da boka Jadwar kenan, zukatan su suka kama tafarfasa tamkar zasu ƙone
Abu na farko da ya dugunzuma hankalin su shine yaushe Nihla ta samu wannan gagarumin karfin damtse,
Har su gaza samun nasara akan ta a matsayin su na zaratan Jarumai masu juriya da bajinta,
Sannan idan har aka cigaba da wannan artabu a haka zasu iya yin biyu babu,
Domin abinda zai faru shi ne dazarar ɗaya daga cikin abokan gaba ya samu nasarar kashe a bikin faɗan sa zai iya rigasu saduwa da SARKIN SADAUKAI,
Kai ga kenan sunyi aikin banza, kura da shan bugu gardi da kwace kuɗi,
Sa'adda suka zo nan a tunanin su sai suka canza salon faɗan su.
Wohoho haƙiƙa masu iya magana sunyi gaskiya da suka ce idan kiɗa ya canza dole ne rawa ta canza.
Faruwar hakan keda wuya sai yazmana cewa a wannan karon su boka Jadwar suna haɗawa da bugu da kafa da kai sara da takobi,
Nan fa suka fara haɗawa Nihla jini da majina,
A cikin wannan fafatawa ne Nihla ta kai musu wani sara da takobin ta a kirjin su,
Adai dai lokacin ne sarauniya Nuwairat da boka Jadwar suka kai mata duka da ƙafafuwan su ɗia ɗin,
Bisa Sa'a sai suka dake ta a kirji da dukkan karfin su,
Saboda karfin dukan sai da Nihla tayi katantanwa a sama sau uku sannan ya kife ƙasa da ruf da ciki,
Kawai sai sarauniya Nuwairat ta zare takobin ta ta durfafi inda take tana mai yi mata murmushi mugun ta,
Tana isa ta ɗaya takobin ta domin ta sare mata wuya.
Dai dai lokacin da jini ke kwaranya daga bakin. Budurwa Nihla kuma numfashin ta na sarkewa.
Kwatsam ! Bazato babu tsammani sai sarauniya Nuwairat taji an dankara mata wawan naushi a dagon bayan ta saboda karfin naushin sai Nuwairat ta tayi gundumbala sau uku sannan ta kife a ƙasa,
Amma sai ta miƙe tsaye zumbur cikin matuƙar fushi da zafin nama,
Ta wai ga bayan ta domin taga wane ne ya dake ta ɗin,
Ai kuwa koda juyawar ta sai tayi Turus, bawa Ni ta gani ba face,
Wata tsaleliyar kyakkyawar budurwa zaune a bisa kan wani tsuntsun tsafi tare da wani zabgegen kyakkyawan saurayi,
Ba wata ba ce wannan budurwa ba face sarauniya Abidatul-auliya ta birnin Tehran tare da matsafi shubairu,
Nan fa aka fara kallon-kallo tsakanin sarauniya Nuwairat da sarauniya Abidatul-auliya,
Tsawon wani lokaci sai daga bisani Abidatul-auliya ta a dubi Nuwairat ta daka mata tsawa sannan ta buɗi baki cikin kakkausar murya tace"yake tsohuwar azzaluma kuma abokiyar gaba tun iyaye da kakanni ina fatan a halin yanzu kin shaida Ni ko?
Dajin wannan tambaya sai Nuwairat ta bushe da dariyar ƙarfin hali sannan tace "Ai kuwa ni na gane domin na sanki fiye da yunwar ciki na,
Abidatul-auliya bintu shafwaz ta birnin Tehran,
Ban taɓa tsammani cewa akwai sauran zuri'ar mahaifin ki a doran ƙasa ba,
Abidatul-auliya ta ce"Idan barci kike sai ki farka a yanzu ne zuri'ar mahaifi na take gab da yaɗuwa a duniya,
Hakika ke da zuri'ar gidan ku kun dade kuna aiwatar da mulkin zalunci,
Amma ina so ki sani cewa a waje zan hallaka ki na tsira kokon kan ki,na tsire sa da mashi na ajiye sa a fada ta domin ya zamo inza ga sarakunan azzalumai,
Kuma ina mai tabbatar miki dacewa bazaki taɓa burin ki na saduwa da SARKIN SADAUKAI,
Ballantana ki cika burin ki, na sarrafa sa yadda kike so har ki sanya duniya a cikin musiba,
Koda jin wannan batu daga bakin Abidatul-auliya sai Nuwairat ta bushe da dariyar mugun ta sannan tace"Fiye da shekaru ashirin baya mahaifin ki yayi wannan furuci amma sai da Abba na yaga bayan sa don haka,
Wannan bayani naki tamkar a zuba ruwa a faifai,
Ina mai tabbatar miki dacewa a yanzu zan hallaka na zare ruhin ki daga gangar jiki,
Kuma na hallaka budurwa Nihla da kika ceci rayuwar ta a halin yanzu,
A bangaren matsafi shubairu da boka Jadwar kuwa koda suka yi kallon kallo
Sai boka Jadwar ya dubi matsafi shubairu yace"yakai shubairu kayi sani cewa zuwa wannan waje domin saduwa da SARKIN SADAUKAI Hibairu domin ya tafi izuwa fadar Sarkin bokaye ya ɗebo maka Tsumin tsafi
Kayi maganin lalurar tsagin jikin da ta addabe ka,
Ka sani ya tashi a banza domin kuwa matsawar ina numfashi a doran ƙasa bazaka taɓa cika wannan buri maka ba Ballantana ka zama dodon bokaye na wannan nahiya,
Koda jin wannan batu sai matsafi shubairu yayi murmushi ya dubi boka Jadwar cikin kaskanci yace "Ai kuwa ina da tabbacin cewa zan cika wannan buri na wa domin dai masu iya magana na cewa
In da rai da rabo! Kuma tabbatar mai nema yana tare da samu,
Kuma ita karya fure take bata yaya tabbas rana dubu ta barawo ce rana ɗaya ta kai kaya
Na tabbata cewa da ace sarauniya Nuwairat tasan cewa ka shafe tsawon shekaru kana cin amanar ta da ta daɗe da sheƙaka barzahu,
Na sani cewa a duniya baka da burin da ya huce kaga ka mallake ta a matsayin abokiyar rayuwar ka domin a halin yanzu a duniya samun wata ya mace mai kyawun sura kamar ta abu ne mai wahala,
Baka san cewa hatta mafarkin da sarauniya Nuwairat tayi ba akan dole ne ta fara arba da SARKIN SADAUKAI domin tazamo mace ta Farko da zai gani yaji yana kaunar ta ba,
Duk kai ne. Ka shirya sa domin kawai ka yi amfani da ita wajen mallakar ta dashi kansa SARKIN SADAUKAI, domin ka kwashe sirrikan tsafin dake jikin ZOBEN SHIRIN sa domin ka zama Sarkin bokaye na wannan nahiya,
Hatta zaluncin da sarauniya Nuwairat ke aiwatar wa kai ne ke sarrafa ta ta hanyar wani bakin aljani,
Na sani cewa Nuwairat ba zata taɓa gano wannan sirri ba face an karya sirihin dake tsakanin ta da masarautar su,
Abinda ba ka sani ba shine babban kuskuren da kayi shine,
Matsawar Nuwairat tayi arba da SARKIN SADAUKAI take dukkanin sirrikan tsafin dake jikin ta zasu lalace su daina aiki,
Domin bisa tsarin sirrikan tsafin dake jikin ZOBEN SHIRIN Hibairu duk wanda yafara arba da shi sai ya rasa nasa sirrikan tsafin,
Wannan shi ne fa abin da masu iya magana ke cewa karyar ƙasa wai malamin duba ya dubo ranar mutuwar sa,
Kuma idan za ka gina ramin mutunta to gina sa gajere,
Sa'adda matsafi shubairu yazo nan azancen sa sai idanun boka Jadwar suka kaɗa sukayi jajur har wani irin tiririn bakin hayaƙi na fita kai da gani kasan aiki ne na sihirin tsafi,
Kawai ya buɗi baki yace"Na rantse da kushewar mahaifina boka sahibul -ƙarnas sai na mai sheka gawa domin a halin yanzu kai ne kadai kasan sirri na,
Koda gama faɗin sai boka Jadwar ya ɗaya daga hannun sa izuwa sama,.sai ga wani narkeken Gatari ta bayyana a hannun sa mai matukar kaifi tamkar takobi,
Tamkar hadin baki a lokaci guda jaruman huɗu sukayi kukan kura suka afkawa juna ta hanyar ɗaga makaman yaƙin su,
Wato sarauniya Nuwairat ta afkawa sarauniya Abidatul-auliya,
Boka Jadwar kuwa ya afkawa matsafi shubairu,
Aka ruguntsume da azababban yaƙi mai matukar kwarjini daban tsoro,
A dai dai lokacin ne akaga sararin samaniya tayi duhu dunɗum,
Kwatsam sai wata runduna ta bayyana mai ɗauke da dakarun bil'adama da aljanu haɗe da miyagun dabbobi.
Ba wata bace wannan runduna ba face rundunar Sarki Baddadul-ulkas na birnin Rum,
Daga cikin dajin Baitul-shamshan kuwa sai kaji wani kara ya cika wajen kuma wata irin guguwar iska ta bayyana ta dunga sanyawa bishiyoyi na karairayewa suna zubewa ƙasa,
Duwatsu suna karo da juna suna yin bindiga,
Wata irin walkiya na bayyana a sararin samaniya tamkar hadari ne ya hadu ake shirin ɓarkewa da ruwan sama,
Alamun dake nuna cewa HUBAIRU SARKIN SADAUKAI na gab da bayyana Daga cikin dakin Baitul-shamshan .
Kwatsam bazato babu tsammani sai akaji wani irin gurnani na fitowa daga dajin haɗe da waɗansu irin sauti ka da kunnawa ba su taɓa jin su ba,
Al'amarin daya sanya budurwa Nihla dake kwance a ƙasa ta ɗimauce kenan,
Bata san sa'adda ta kama rarrafe ba ta shiga izuwa dajin Baitul-shamshan saboda da ɗimauce wa,
Tsaye tayi arba dashi sanye da kayan fata riga da bante iya kaurin sa,
Kyakkyawan saurayi ne nagaban kwatance wanda kallon farko zai ɗimauta zuciyar duk wata ya mace mai hankali,
A gadon bayan sa yana rataye da wata rantsattsiyar kwari da baka hannun sa riƙe da wani dogon mashi mai baki biyu,
A gefen sa na dama wani irin tsuntsun tsafi ne mai ɗauke da siffar mikiya da girman sa bai huce na jakin dawa ba,
A gefen daman sa kuwa wani murgujejen zaki ne mai kwarjini daban tsoro,
Tsaye a bayan sa kuwa nau'ikan miyagun halittun daji ne gasu nan birjik har da ma waɗanda idanu basu taɓa gani ba,
Ba wani bane wannan saurayi ba face jarumi Hibairu SARKIN SADAUKAI,
Sa'adda budurwar Nihla ta yi arba dashi sai ta sake ɗimauce wa bata san sa'adda jikin ta Yakamata tsuma yana kyarma ba,
Saboda tsananin tsoro, shi kuwa jarumi Hibairu sai ya ƙura mata idanu ko ƙiftawa baya yi,
Abu na farko da ya daɗo masa arai shine shin dama akwai wata halitta a wannan sararin dake ɗauke da halitta irin ta sa,
Sannan mene ne abin da ya kawo wannan halitta izuwa cikin dajin Baitul-shamshan,
Amsar tambayoyin da Hibairu ya kasa bawa kansa kenan a karon farko kawai yaji ya kamu da ƙaunar halittar wato Nihla,
Har yaji yana son yaga yaksance da ita a rayuwar sa har abada,
To amma mene ne ya janyo yaji ya damu da wannan halitta a cikin ran sa,
Koda wannan murgujen zaki dake tsaye a hannun sa na dama ya hango sunaila sai kawai ya dako wawan tsalle domin ya turmushe ta ya hallaka ta,
Kafin ya kai ga aiwatar da hakan Hibairu SARKIN SADAUKAI ya daka masa tsawa tayi yin wani furuci cikin wani irin yare,
Kawai sai zakin ya dawo da baya ya tsaya cikin ladabi,
Al'amarin daya sanya Nihla ta sake faɗuwa ƙasa a sume,
Cikin hanzari Hibairu SARKIN SADAUKAI ya riga izuwa inda take kwance ya busa mata wata iska daga cikin bakin sa,
Jim kaɗan sai Nihla ta fara buɗe idanuwan ta ,
Sai gashi ta mike tsaye zumbur cikin koshin lafiya tamkar Banu wani abu daya faru gare ta,
Kuma ta ƙurawa Hibairu idanu,
A karon farko taji Ta kamu da matsananciyar kaunar HUBAIRU,
Kuma dukkan tsoro da fargaba sun fita daga zuciyar ta,
Hakika so na da matukar tasiri wajen canza zuriyar bil'adama cikin kankanin lokaci,
A can bakin shiga dajin Baitul-shamshan kuwa,
Yaƙi yayi tsamari tsakanin kowa ne bangare,
Bangaren sunaila da yar uwar ta Hushriba kuwa,
Sun wanzu suna kaiwa juna hare - hare cikin zafin nama nagaban kwatance tamkar waɗansu ifritai,
Sai dai a wannan karon labari yasha bambam domin kuwa idan Sunaila ta kaiwa Hushriba hari da takobi idan ta yanke ta sai ka wajen ya dare jini ya zuba,
Sai kaga ita ma Hushriba ta mayar da martanin,
Kafin cikar daƙiƙa hamsin sun yiwa juna raunuka fiye da goma kuma kowanne na zubar da jini,
Har jiri yana ɗibar su suna faɗuwa ƙasa amma saboda nacin tsiya sai su miƙe tsaye zumbur su sake afkawa juna,
Kaji faɗan MAZAN JIYA masu tarwatsa maza a filin daga,
A bangaren sarki shazwan,boka Dargas da saurayi Hizmal kuwa,
Sun wanzu suna ɗauki ba daɗi a wannan karon sai yazamana cewa dakyar saurayi Hizmal ke iya kare hare haren da su ke kawo masa,
A wasu lokutan har faɗuwa ƙasa yake amma sai ya miƙe tsaye zumbur kuma bai taɓa yarda yaro Humair makaho ya daɗo daga gadon bayan sa ba,
Haƙiƙa inda ace mutum ya tsaye a wajen lokacin da ake wannan artabu Dole ne ya jinjina wa Hizmal ya tabbatar da cewa ya cika gwarzon sadaukai,
Amma a bangaren boka Jadwar da matsafi shubairu kuwa ba a cewa komai domin komai kallon ƙurillar mutum bazai iya gane wane gwani a cikin artabun ba domin kowannen su yana yaƙin ne cikin baƙin zafin nama tamkar jikin sa bai kasance na jini da tsoka ba,
Lokacin da sarki Baddadul-ulƙas da rundunar mayakan sa suka ja daga suna masu kallon fafatawar da ake yi tsakanin sarakuna bokaye da matsafa da suka kafa sansani a dajin Baitul-shamshan,
Sai Baddadul-ulƙas ya bushe da wata irin mahaukaciyar dariya mai kama da kukan jaki,
Daga bisani ya murtuke fuska tamkar an aiko masa wasikar mutuwa ya dubi wani hadimin sa dake tsaye a hannun sa na dama yace dashi cikin kakkausar murya
"Yakai zawatu ban taɓa sanin cewa wadancan sarakuna, bokaye da matsafa da suka fafatawa yaƙi su na da taɓin hankali ba sai a yau domin in ban da rashin tunani yanzu idan suka hallaka kawunan su wane zai iya saduwa da SARKIN SADAUKAI Hibairu,
Da ace sun haɗa kansu kowa ya ajiye buƙatar sa a gefe sai kaga kowannen su ya samu nasara dazarar an samu haɗin kai.
Jira nake yi su kammala kashe kawunan su sannan na ni kuma na mallaki Hibairu cikin ruwan sanyi,
Koda jin wannan batu daga bakin sarki Baddadul-ulkas sai hadimi zawatu ya jinjina kai yace tabbas maganar ka haka take yakai sarkin sarakuna mai duniya,
Ana cikin wannan fafatawa ne kwatsam bazato babu tsammani sai a kaga Hibairu SARKIN SADAUKAI ya Bayyana a bisa kan tsuntsun tsafin sa hannun sa riƙe da wani dogon mashi,
Abangaren hannun sa na dama budurwa Nihla ce zaune a bisa wani murgujejen zaki
Sauran tawagar dabbobi da aljanu na take masa baya,
Wani irin koren haske na fita daga jikin ZOBEN SHIRIn dake hannun sa,
Lokacin da duka ɓangarorin sarakuna, jarumai, bokaye,da matsafa suka yi arba da SARKIN SADAUKAI Hibairu sai kowa ya tsaya cak da yakin da yake yi da abokin gwamin sa,
A kayi cirko cirko aka rasa wanda zai fara tunkarar sa yayi masa wata magana,
Ita kuwa sarauniya Nuwairat Sa'adda ta yi arba da budurwa Nihla tare da SARKIN SADAUKAI sai takaici da baƙin ciki suka mamaye zuciyar ta domin kuwa,
Ta tabbatar dacewa bazata taɓa samun soyayyar Hibairu tun da har Nihla ta fara arba dashi kuma a yadda alamu suka nuna sun kamu da soyayyar juna tun da gashi har ya ɗora ta a bisa kan ɗaya daga cikin dabbobin sa,
Koda Nuwairat tazo dai dai nan a tunanin ta
Sai hawaye suka kwaranyo daga idanun ta ,
Kuma a sannanne tsananin kyawun diri da sura na jarumi Hibairu ya sake bayyana a gare ta, nan take taji ta sake kamuwa da matukar begen sa,
Hibairu ya cigaba da bin jama'ar dake wajen da kallo yana mamakin yadda ake yi a kasa samu halittu masu siffa irin tasa,
Wai shin dama akwai wata halitta mai irin sura ta a wannan duniya,
Amsar tambayar da Hibairu ya kasa bawa kan sa kenan,
Kawai daga bisani sai ya juya ya dubi budurwa Nihla da wani irin kallo mai ɗauke da tsnatsar so da kauna,
Kuma ya buɗi baki da wata irin magana wacce shi kaɗai ce ke fahimtar abinda yake cewa,
Koda jin wannan batu daga bakin Hibairu, sai budurwa Nihla ta yiwa su saurayi Hizmal nuni da su gaba to da yaro Humair makaho izuwa gare ta,
Cikin matukar farin ciki maral misaltuwa jaruma sunaila da Hizmal goye da Humair suka taka sannu a hankali suka durfafi inda SARKIN SADAUKAI ke tsaye,
Ko da ya rage saura kamar taku goma a tsakanin su
Sai suka ja suka tsaya Nihla ta sauko daga kan zakin da take akai,
Bayan Hizmal ya sauke yaro Humair daga gadon bayan sa sai taja hannun sa har izuwa daf da inda SARKIN SADAUKAI yake,
Har a wannan lokaci namun dajin dake take wa Hibairu baya suna ta hargagi jira kawai suke a basu umarni suka afkawa sarakunan,
Hibairu ya ƙurawa yaro Humair makaho idanu ko ƙiftawa baya yi,
A karo na farko yaji ya kamu da matukar tausayin sa bisa ganin cewa yakasance karamin yaro kuma makaho wanda baya gani,
Nan take ya tuna sa'adda wani daga cikin halittun dake dajin Baitul-shamshan ya makan ce, ya shaƙu matuka ainun da halittar gami da jin tausayin ta,
Nan take Hibairu yaji cewa a ransa tamakar wannan halitta ne ke tare da shi,
Hibairu ya sake buɗar baki a karo na biyu ya dubi Nihla yayi mata magana da Yaren sa,
Bisa mamaki caraf sai suka ji yaro Humair makaho ya mayar wa da Hibairu amsar maganar da irin Yaren na sa,
Al'marin da yayi matukar bawa Hibairu mamaki kenan kuma ya ɗaure masa kai bisa makahon Yaron na magana da irin Yaren,
Su kansu su jaruma sunaila sun cika da matukar mamakin Bisa jin yaro Humair makaho na magana da Yaren Hibairu,
Bata de wani bata lokaci ba yaro Humair makaho ya zayyane wa SARKIN SADAUKAI Hibairu dukkan abinda ke tafe dasu saurayi Hizmal izuwa gare sa dama bukatar da suke nema
Koda jin wannan batu daga bakin Yaro Humair sai Hibairu ya yi shiru yana mai dogon nazari,
Daga bisani ya dubi Nihla, sunaila da Hizmal sannan ya dawo da duban sa ga Humair makaho yayi masa bayani abinda zai faɗa
Sannan Humair makaho ya juya ya dubi su sunaila yace
"Ya abokan tafiya ne kuyi sani cewa abinda sarkin sadaukai yace a cikin bayanin sa shine ya amince da dukkanin bukatun ki kuma zai biya muku su,
Amma bisa sharadi guda ɗaya sharaɗin kuwa shine bazaku taɓa cutar da wata dabba ba,
Kuma zaku taimaka masa wajen kare martabar su da kuma zaku masa wajen yaƙar dukkanin bil'adama dake doran ƙasa,
Koda jin wannan batu daga bakin Yaro Humair makaho sai hankalin kowa ya dugunzuma ainun,
Kuma cikin su ya ɗuri ruwa , tsawon daƙiƙa goma babu wanda ya ce ƙala a cikin su,
Sai daga bisani ne,
Jaruma sunaila tayi gyaran murya sannan tace"yakai Hizmal kayi sani cewa a halin yanzu ba lokaci ne da zamu tilasta Hibairu ya janye ƙudirin sa na yakar bil'adama ba tare da shafe su daga doran ƙasa ba,
Domin kada ka manta cewa akan hakan ya rayu, bai san cewa akai wasu bil'adama ba,
A can gaba za mu samu nasarar canza masa ɗabi'un sa ta hanyar Budurwa Nihla da a halin
Yanzu ya kamu da matukar kaunar ta,
Tare da yaro Humair makaho da shi kadai ne ke iya jin Yaren sa a halin yanzu,
Sannan wani abu da baka sani ba shine,
A lokacin da Hibairu ya fito daga dajin Baitul-shamshan na fara arba dashi naga ɗumbin tausayi da jin kai a tattare da fuskar sa,
Wanda hakan ya tabbatar mini dacewa mahaifan sa sun kasance mutanen kirki masu adalci,
Haƙiƙa dole ne Hibairu ya kasance yana tare da wannan dabi'u kyawawa nasu domin kuwa masu iya magana na cewa,
"kyan ɗa ya gaji uban sa
Koda jin wannan batu daga bakin sunaila sai Hizmal ya cika da farin ciki yace "yanzu zai mu ce masa mun amince ko
Koda jin hakan sai Humair makaho ya juya ya dubi Sarkin sadaukai Hibairu yace "yan uwa na sun amince da sharaɗin ka sannnan dukkanin wadancan mutane da ka gani,
Su ma sun zo gare ka ne domin bayyana maka nasu bukatun,
Kafin yaro Humair makaho ya gama rufe bakin sa sai kawai gani akayi a suri yaro Humair anyi sama dashi,
Sai ga zaune a daf da keken dokin da sarki Baddadul-ulƙas ke zaune,
Sarki Baddadul-ulƙas ya bushe da dariya mugun ta,
Sannan bisani ya murtuke fuska tamkar an aiko masa da wasikar mutuwa yace
"ya ku masu jiran gawar shanu kuyi sani ceqa a halin yanzu gashi na mallaki yaro Humair,
Tare wani abu da gaba ɗayan ku baku dashi,
Wanda yazama dole saboda shi
HIBAIRU ya zamo mai biyayya a gare Ni,
Sa'adda sarkin sadaukai Hibairu yaga cewa sarki Baddadul-ulƙas ya kwace yaro Humair makaho,
Sai ya fusata ainun kawai sai ya zare kwarin dake gadon bayan sa,
Ya ciro kibiya ɗaya daga cikin kwanson ya saka a cikin bakan sa ya taɓe take ya harba kibiyar izuwa kan dakarun sarki Baddadul-ulƙas,
Kibiyar ta tafi cikin matsanancin gudu a iska,. Ya yin da ta sauka akan dakarun take wata irin guguwar Wuta ta bayyana
Kafin dakarun suyi wani yunkuri wutar ta hallaka dakaru dubu biyu cikin abin da bai gaza daƙiƙa Ɗari ba sun ƙone ƙurmus,
Al'amarin daya fusata sarki Baddadul-ulƙas kenan ya takarkare ya kwarara wawan ihu irin na hamshakan sarakai da suka saba gwagwarmaya da maza a filin daga,
Ya nuna yaro Humair makaho da ɗan yatsan sa na hagu,
Take wadansu irin sarkokin tsafi suka ɗaure sa tamau hannu da ƙasa a jikin keken dokin Da yake akan sa
Kawai sai ya dako tsalle daga kan keken dokin sa tamkar an janye sa kungiya, yana tafiya a cikin iska ya durfafi inda SARKIN SADAUKAI
Yana saman ya saman ya zare wata sharbebiyar adda a damtsen sa,
Koda ganin hakan sai Hibairu ya zunguri cikin tsuntsun tsafin sa da kafafun sa biyu,
Take tsuntsun ya kaɗa fuka -fukan ya durfafi Sarki Baddadul-ulƙas domin tarar juna yana aman wuta daga bakin sa,
***
Lokacin da SARKIN SADAUKAI Hibairu da da sarki Baddadul-ulƙas suka ruga izuwa kan juna suna ihu da kururuwa mai firgitar wa,
Lokacin da suka haɗu da juna sai suka kacame da azababban yaƙi mai matukar kwarjini, muni ban tsoro da tashin hankali,
Ga dukkan mai kallo.
Wohoho haƙiƙa idan BABBAR GIWA ta fito filin fama babu wanda ke tunkarar ta face GOGA SHA FAMA da ya saba gwagwarmaya a DUNIYAR MAYAKA
Tabbas faɗa yan MAZAN JIYA na JARUMAN DUNIYA ne,
Ana fara wannan artabu ne fa kallo ya koma sama,
Domin du ka bangarorin sarakuna bokaye da matsafan da suka hallara a wajen sun zuba idanu domin su ga abinda zai wakana,
Duk sa'adda sarkin sadaukai ya kaiwa sarki Baddadul-ulƙas hari da kashin sa idan Baddadul-ulƙas ya zillewa harin sai kaga duk inda mashin ya sauka a ƙasa wajen ya rufta idan bishiya ce ko duwatsu sai su kama da wuta
Idan kuwa makaman nasu suka haɗu da juna sai kaga wata irin tartsatsin wuta yana tashi haɗe da walkiya,
Nan fa dawakai suka firgice suka dunga jefar da mahayan su suna nausawa izuwa cikin daji saboda firgita,
Sa'adda da halittun dake bayan Hibairu suka ga cewa shugaban su ya garƙame da azababban yaƙi da sarki Baddadul-ulƙas sai kawai su kayi kukan kura suka afkawa dakarun sarki Baddadul-ulƙas,
Nan fa waje ya sake rincaɓewa da ɗauki ba daɗi,
Nan fa halittun suka zamo tamkar guguwar annoba a tsakiyar dakarun,
Cikin Abinda bai gaza daƙiƙa hamsin ba gawarwakin dakarun sun watsu a ko ina,
Waɗansu kuma na faɗa wa izuwa cikin wannan rami ka dake faruwa sakamakon nutsewar makamin Sarkin sadaukai,
Lokacin da sarki Baddadul-ulƙas yaga cewa an shafe tsawon Sa'a Arba'in ana wannan fafatawa batare da ya samu nasarar lakutar koda jikin sarkin sadaukai da takobin sa ba,
Sai takaici ya turnuƙe sa ya faɗa izuwa kogin tunani,
Abu na farko da ya faɗo masa arai shine mene ne dalilin daya sanya ya kasa samun nasara akan Hibairu,bayan cewa a kaf jinsin sarakunan duniya babu sarki mai karfin damtse kamar sa gami da karfin sihirin tsafi,
Sannan idan har a ka cigaba da wannan artabu miyagun halittun dake fafatawa yaƙi da dakarun sa zasu iya samun nasarar hallaka Barde Shabbaru mahaifin Hibairu
Don haka dole ya samu mafita
Koda kammala tunanin hakan sai sarki Baddadul-ulƙas ya yi yuf ya kaiwa HUBAIRU wani nagartaccen sara da kafaɗa,
Cikin zafin nama Hibairu ya zille tare da mayar da martani Cikin zafin nama,
Bisa Sa'a sai gashi ya soke Baddadul-ulƙas a cinyarsa saboda karfin sukar sai mashin ya fasa sulken yaƙin dake jikin sa ya jini yayi tsayuwa
Baddadul-ulƙas yayi taga taga zai fadi amma sai ya turje,
Kawai sai ya shafi wani gurun tsafi a damtsen sa kawai sai riƙiɗa izuwa wata baƙar guguwa, guguwar ta tashi izuwa sama ta nufi keken dokin dake tsakiyar dakarun yaƙi,
Daga bisani guguwa ta bayyana a daf da inda SARKIN SADAUKAI ke tsaye sai ta riƙida izuwa sarki Baddadul-ulƙas tare da wani dattijo ya ɗora kaifin takobin sa akan wuyan dattijon yana mai yi Hibairu murmushin mugunta,
Sa'adda HIBAIRU yayi arba da Dattijon sai ya tsaya cak yana mai ƙura masa idanu ko ƙiftawa baya yi,
Bakomai yagani ba face yadda kamannin sa dana dattijon suka zo iri ɗaya sai tamakar an tsaga ƙara,
Nan take yayi tausayin Dattijon yakama sa bisa ganin yadda aka ɗaure dattijon da sarkokin tsafi kuma Baddadul-ulƙas ya ɗora kaifin takobin sa akan wuyan sa,
Abangaren su jaruma sunaila,sarki uslaim,sarki shazwan, sarauniya Abidatul-auliya, Nuwairat da su aljani Marhutul-Azab kuwa,
Sa'adda da suka yi arba da wannan dattijo mai matukar kama da sarkin sadaukai sai suka cika da ɗumbin al'ajabi da mamaki,
Su na masu cewa a cikin ran su an ya kuwa wannan dattijo bashi ne mahaifin Hibairu ba lallai tsananin kamannin surar su yayi yawa!
Idan kuwa har haka ne tabbas wannan baƙon sarki da ya bayyana zai iya samun nasarar mallakar HUBAIRU cikin ruwan sanyi
Shin wane ne wannan sarki, menene alaƙar sa da Hibairu?
Amsar tambayoyin da su ka kasa ba wa kansu kenan,
Kawai su ka zuba idanu suna kallon abin da zai wakana
Kallo ne ya wakana tsakanin sarkin sadaukai da dattijo na tsawon daƙiƙa talatin daga bisani sai hawaye suka zubo daga idanuwan dattijon yana mai sakarwa Hibairu murmushi mai taushi
Bisa mamaki HUBAIRU bai san sa'adda da ya mayar masa da martanin murmushin ba,
Sarki Baddadul-ulƙas ya katse shirun daya wanzu ta hanyar buɗar baki cikin kakkausar murya mai kama da haniniyar doki ya dubi dattijon a lokacin da kara rikon wuƙar dake kan maƙogaron sa yace
"Ya kai Barde Shabbaru bin sha'asanul-haibar kayi sani cewa ban kawo ka nan ba sai domin na nuna maka ɗan ka na cikin ka tsawon shekaru ashirin kenan yau
Wato Hibairu nasan cewa ko ba'ayi maka bayanin komai ba
A halin yanzu gaji a jikin ka cewa HUBAIRU ɗan ka ne wanda matar ka layizat ta haifa wannan daji mai ban al'ajabi,
Ka sani cewa ban fito dakai daga kurkukun Darul-barzak ba sai domin na yan taka daga KANGIN BAUTA a karkashi tsahon shekaru masu yawa,
Amma fa hakan bazai tabbata ba face ka amince ka biya mini wata buƙata guda biyu
Kamar haka.
Da farko Wajibi ne ka janyo hankalin ɗan ka HUBAIRU akan lallai ya amince ya zai shiga gasar jarumtaka ta GOGA SHA FAMA,
Idan yayi nasara ne kawai zai sanya na yan taku kai da ɗan ka daga KANGIN BAUTA a karkashi na,
Sannan tilas ne ka sanya Hibairu ya zamo mai biyayya a gareni,
Yakai Shabbaru kayi sani cewa matsawar ka cika mini waɗannan to bayani ya zo karshe,
Koda jin wannan batu daga bakin sarki Baddadul-ulƙas sai fuskar Shabbaru ta canza daga walwala izuwa ɓacin rai,
Ya daga kai sannan ya buɗi baki cikin kakkausar murya mai ɗauke da karfin zuciya yace"ya kai Baddadul-ulƙas kayi cewa nafi kowa sanin wane ne kai,
Kai mutum ne maci amana kuma mayaudari nasan cewa ko da na cika maka waɗannan sharudda ko ban cika ba baza ka taɓa bari na da rai ba,
Kuka kuma tilas ne sai ka ci amanar ta shin ka manta da zaluncin da kayi mini,
Ka raba ni da kasar mu, yan uwana, sannan ka zo ka raba ni da mata ta da na fi kauna fiye da komai,
Ai har abada ba'a taɓa canzawa tuwo suna kuma mai hali ba ya canza halin Sa,
Koda jin wannan batu daga bakin Barde Shabbaru sai sarki Baddadul-ulƙas ya bushe da dariyar mugunta,
Daga bisani ya murtuke fuska tamkar an aiko masa wasikar mutuwa yace"shin yanzu ka zaɓi ka rasa rayuwar ka da ɗan ka guda ɗaya jal ai ko babu komai kaso zuri'ar ka su ci gaba da wanzu a doran ƙasa,
Kada ka manta cewa HUBAIRU shi kadai ne ya rage maka a cikin zuri'ar ka,
Koda jin wannan batu sai hawayen bakin ciki suka zubo daga idanun Shabbaru
Ya sake ƙurawa Hibairu idanu nan take yaji cewa tamakar matar kuwailat ce yake tare da ita ,
Sarki Baddadul-ulƙas ya yi nuni da hannun sa izuwa inda yaro Humair makaho yake nan take wata iska mai karfi ta jimimiyo sa ta kawo sa izuwa daf da inda SARKIN SADAUKAI Hibairu yake tsaye,
Sannan sarkin sadaukai Hibairu ya dubi yaro Humair ya buɗi baki ya fara yi masa Magana da irin nasa yaren,
In da yake cewa dashi "yakai wannan yaro ɗan baiwa shin wane ne wancan mutumin mai matukar kama da Ni,
Kuma me yasa wannan azzalumin sarki yake son hallaka sa
Haƙiƙa ina ji a zuciya ta cewa wannan mutumin wani ne na musamman a cikin rayuwata.
Koda jin waɗannan tambayoyi sai budurwa Nihla ta matsa daf da in da Humair makaho yake da ya ke taji dukkan abinda sarki Baddadul-ulƙas da Barde Shabbaru ke tattaunawa,
Nan take ta zayyane wa yaro Humair dukkan abinda ya wakana tsakanin su,
Shi kuma ya shiga yi wa HIBAIRU bayani tun daga farko har ƙarshe,
Sa'adda Hibairu yaji bayanin abinda yafaru tsakanin sarki Baddadul-ulƙas da dattijon,
Kuma dattijon ba wani bane face Mahaifin sa Barde Shabbaru
Da irin zalunci da cin amanar da yayi masa har ya yi sanadin mutuwar mahaifin sa,
Kawai sai a kaga Hibairu ya fashe da kuka mai tsuma zuciya,
Tsawon daƙiƙa goma yana zubar da hawayen,
Sai daga bisani ne ya sanya hannun sa na hagu ya murza zoben dake hannun sa sai ga wani irin koren haske ya fita daga zoben ya bayyanar da wani Hoto wanda dukkan wanda ke wajen yana iya gani,
Majigin wata mata ne ya bayyana ɗauke da juna biyu ya bayyana ta na cikin tafiya a dajin Baitul-shamshan ta yanke jiki ta fadi kasa
Kallo ɗaya zaka yi matar ta kamu da matukar tausayin ta har ka zubar mata da waye,
Saboda yadda raunukan dake jikin ta ke zubar da jini,
A wannan hali ne nakuda ta kamata tasha wahala sosai matuka kafin ta haife abin da ke cikin ta,
Bayan ta Haihu ne numfashin ta ya ɗauke ta mutu nan take sakamakon jinin ta da ya zuba a jikin ta
Jim kaɗan da faruwar hakan sai wani aljani ya bayyana a wajen a lokacin da jaririn da matar ta haifa ke tsala kuka,
Kukan na sa ya amsa amo izuwa cikin dajin
Aljanin ya sunkiya ƙasa ya ɗauki jaririn sannnan ya ɓace ɓat tamkar bai taɓa wanzuwa ba,
Haka dai Hoton ya cigaba da bayyana yadda Hibairu ya rayu a cikin dajin Baitul-shamshan tare da dabbobi da aljanu,
Daga farko har ƙarshe ya bayyana,
Sa'adda Barde Shabbaru yaga wannan al'amari sai ya sake fashe da kuka a karo na biyu, tamkar bazai daina ba,
Shi kuwa SARKIN SADAUKAI Hibairu yana zubar da hawaye ne bisa halin da yaga mahaifiyar sa da Yadda akayi ta rasa rayuwar ta
Kusan dukkan jama'ar dake wajen sai kwallar takaici da tausayi ta zubo musu,
Ina ban da boka Jadwar da aljani Darmanu
Da Hushriba,
Ita kan ta sarauniya Nuwairat da ta kasance azzalumi tagaban kwatance sai taji tausayin ya kamata,
Tsawon daƙiƙa hamsin ana cikin wannan hali sai daga bisani ne,
Sarki shazwan katse shirun da ya wanzu ta hanyar duban yaro Humair makaho ya ce" yakai Hibairu matsawar kana son ka tsira da mahaifin ka wanda a halin yanzu shi kaɗai ne ya rage maka a duniya to ya zama wajibi ka bi dukkan sharuddan dana bayyana wa mahaifinka na shiga gasar jarumtaka ta GOGA SHA FAMA.
Da kuma bin umarnin dukkan abinda nake da buƙata,
Koda jin wannan batu daga bakin sarki Baddadul-ulƙas sai yaro Humair ya dubi Sarkin sadaukai ya bayyana masa abinda sarki Baddadul-ulƙas yake nufi da irin nasa yaren,
Dajin wannan batu sai hawaye suka sake zubowa HUBAIRU,
Sannan ya dubi Humair makaho yayi masa magana da irin nasa yaren shi kuma ya juya ya dubi Baddadul-ulƙas yace "A bin da Hibairu yake nufi shine zai bi dukkan umarnin ka matsawar zaka bar mahaifin sa a raye,
Amma bisa sharaɗin cewa bazaki yaudare sa ba, matsawar hakan ya faru zai yaƙe ka,
Sa'adda sarki Baddadul-ulƙas yaji wannan batu sai ya bushe da dariyar farin ciki maral misaltuwa
HUBAIRU ya tako da kafafun sa har izuwa inda mahaifin sa yake yazmana tazarar dake tsakanin su bata huce ta ku ɗaya ba,
Sa'adda suka ƙurawa juna idanu sai Hibairu yaji wani irin abu ya roki zuciyar sa,
A karon farko yaji gaba ɗaya yanayin ɗabi'ar sa ta sauya,
Nan fa ya cika da mutukar mamaki da al'ajabi
Abin da Hibairu bai sani ba shine wannan abu daya ji a zuciyar sa bakomai ba ne face
Akwai wani sirrin tsafi na musamman dkaek da ke ɗauke a cikin idanun Shabbaru wanda ya gada tun iyaye da kakanni,
Bisa tsarin tsafin Dazarar mutum ya kai Shekaru hamsin shafin zai rabu dashi ya tafi izuwa jinin sa,
Sinadarin tsafin na ɗauke da dukkanin sirrikan nasara, adalci, tausayi da sauya al'amura,
Wani abu da Hibairu bai sani ba shine a halin yanzu yana dauke da dukkanin yaren mutanen duniya na kowa ne jinsi ,
Bisa mamaki koda Hibairu ya buɗi baki da nufin yace wani abu sai yaji yana magana da Yaren irin na jama'ar dake wajen,
In da ya dubi mahaifin da Barde Shabbaru Yace"ya abbana kayi sani matsawar ina numfashi a doran ƙasa bazan taɓa bari na rasa ka ba kamar yadda na rasa ummana,
Zan bi dukkan umarnin da sarki Baddadul-ulƙas yake buƙata,
Koda jin wannan batu daga bakin Hibairu sai Barde Shabbaru yayi murmushin karfin hali,
Sannan yace "ya ɗana abin alfahari kayi a halin yanzu kana ɗauke da dukkan sirrikan tsafin mu na gado,
Don haka ina da tabbacin zaka samu nasara akan dukkan abin da ka sanya a gaba,
Yanzu abin da kawai nake bukata a gare ka shine.
Dukkanin waɗancan mutane dake wannan waje sun zo gare ka ne domin ka share musu hawaye,
Don haka dukkanin su zaka cika musu burikan su bayan ka samu nasarar cinye gasar jarumtaka ta GOGA SHA FAMA,
Domin kuwa cika burikan nasu tamkar shafe duk wani zalunci ne da azzalumai a doran ƙasa,.
Wanda ke bukatar ya bi ka izuwa birnin madinatul-shaja'a zai iya yi,
Wanda kuma zai koma izuwa birnin sa ya jira har izuwa lokacin da zaka dawo daga gasar jarumtaka ta GOGA SHA FAMA to ,
Koda jin wannan batu daga bakin Shabbaru sai Sarkin sadaukai yace "An gama ya abbana dukkan abinda ka faɗa shi za'ayi.
Dajin hakan sai Barde Shabbaru ya cika farin ciki jin Hibairu ya kira da Abban sa,
Hibairu ya juya izuwa inda sarakuna bokaye da matsafa suka yi cincirindo suna kallon abin da ke wakana,
Ya buɗi baki cikin kakkausar murya yace"ya ku jama'ar dake wannan waje kuyi sani nasan cewa dukkanin ku kun taru ne anan domin na cika muku burikan ku,
To na amince zan biya kowannen ku buƙatar sa, amma sai bayan na dawo daga birnin madinatul-shaja'a,
Duk wanda zai biyo ni zai iya wanda kuma zai jira na dawo shi ma zai iya,
Koda jin wannan batu daga bakin Sarkin sadaukai sai kowa dake wajen ya cika da matukar mamaki Bisa jin Hibairu na magana da Irin Yaren su,
Shin Yaushe Hibairu ya iya wannan Yaren
Amsar tambayar da dukkanin su suka kasa bawa kansu kenan.
Nan take kowannen su ya amince cewa zai bi Hibairu izuwa birnin madinatul-shaja'a domin yaga irin wainar da ake toya wa,
Domin idan suka bari sarki Baddadul-ulƙas ya tafi da SARKIN SADAUKAI yaushe suke da tabbacin zai dawo gare su bayan cewa dukkanin su sun shaida azzalumi ne nagaban kwatance bayan dukkanin su sun amince da hakan sai sarki Baddadul-ulƙas ya sake nuna Barde Shabbaru da ɗan yatsan sa na hagu nan take ya dawo izuwa cikin wannan keken doki
Sannan sarkin sadaukai yaje inda tsuntsun tsafin sa yake yakama ya hau,
Tare da goya yaro Humair makaho akai cikin hanzari ya bi bayan Sarki Baddadul-ulƙas a lokacin da tawagar su suka fara cigaba da tafiya,
Koda ganin hakan sai budurwa Nihla zaune bisa kan wannan zaki, tare da tawagar namun dajin Baitul-shamshan suka mara masa baya,
Saurayi Hizmal da sunaila suka hau bisa kan Aljani Marhutul-Azab,take kowa ya hau bisa kan abin hawan sa aka karawa sarki Baddadul-ulƙas baya a ka fara tafiya , domin durfafar hanyar da zata Sada su da birnin madinatul-shaja'a,
Mu haɗu a littafin GOGA SHA FAMA na uku domin jin cigaban wannan ƙayataccen labarin.
Dagaa mai ɗebe maku kewa a kullum da koyaushe.
Mansur Usman Sufi
Goga Sha Fama 3
Littafin yaki
Rubuta Labari
MANSUR USMAN SUFI
Sarkin Marubutan Hausa
Wthapp Number
08137237071
Lokacin da sarki Baddadul-ulƙas,ya jagoranci tawagar matsafa,sarakuna bokaye da jarumai,
Tare da SARKIN SADAUKAI Hibairu,
Domin isa izuwa birnin madinatul-shaja'a don halartar gasar jarumtaka ta GOGA SHA FAMA,
Sai aka wanzu ana ratsa dazuka da tsaunuka
Babu sassauci,
Kai idan kaga yadda tawagar suke tafiya sai kayi tsammanin cewa gaba ɗaya sarkaunan duniya ne suka taru waje guda suke shirin yakar duniya baki ɗaya,
Ana cikin wannan tafiya ne sarauniya Abidatul-auliya ta dubi matsafi shubairu cikin alamun matukar damuwa tace "ya amini na shin yanzu mene ne makomar mu a wannan tafiya,
Yanzu muna ji muna gani haka sarki Baddadul-ulƙas zai dunga sarrafa musu kamar yadda zai sarrafa Hibairu,?
Wai shin ma Wane ne a cikin mu yake da tabbacin cewa Baddadul-ulƙas bazai ci amanar Hibairu ba?
Ko da jin wannan batu daga bakin SARAUNIYA ABIDATUL-AULIYA sai matsafi shubairu yayi murmushin karfin hali sannan ya kawo gwaron numfashi ya ajiye yace"ya sarauniyar kyawawan duniya kiyi sani cewa Ni kai na na yiwa kai na waɗannan tambayoyi sai dai ban iya bawa kai na amma sa ba,
A halin yanzu bamu da wani zaɓi da ya huce mu bi sarki Baddadul-ulƙas domin ta wannan hanya ne zamu samu nasarar bayyana cika burin mu,
Domin a halin yanzu Hibairu tamkar farin ingarman doki ne a tsakiyar bakaken dawakai,
Abin nufi anan shi ne farautar sa abu ne mai matukar wahala da rabo,
Saboda kowa muradin mallakar sa yake a
Kawai dai abin da zamu yi riƙe a wannan tafiya domin samun nasara shine
Rike amana,gaskiya da tausaya wa ga wanda muka sani da ma wanda ba mu sani ba,
Sannan ƙoƙarin mu yakasance kullum cikin taimakon Hibairu,
Waɗannan abubuwan sune tabbatar nasarar mu idan mun riƙe su.
Lokacin da matsafi shubairu yazo nan azancen sai sarauniya Abidatul-auliya ta cika da matukar farin ciki,
Daga wannan batu kowannen su yayi shiru suka shiga hirar da ta shafi rayuwa,
Kamar yadda ya wakana tsakanin su shubairu haka al'amarin yaksance,
Abangaren jaruma sunaila da saurayi Hizmal a in da sunaila ta dubi Hizmal tace"yakai Hizmal har yanzu kayi sani cewa har yanzu ina ji a jikina cewa tabbas zamu samu nasara a wannan tafiya,
Domin dai babu wani mahaluki da zai iya zuwa fadar Sarkin bokaye face yana ɗauke da taswirar dake hannun aljani Marhutul-Azab,
Duk da cewa a halin yanzu Ban San mene ne abin da zai kasance a birnin madinatul-shaja'a ba,
Shin Hibairu SARKIN SARAKAI zai iya cika sharaɗin da sarki Baddadul-ulƙas ya ginda ya masa ya cinye gasar jarumtaka,
Har ya yan mahaifin sa Barde Shabbaru Daga KANGIN BAUTA,
Koda jin wannan batu daga bakin sunaila sai Hizmal ya ce "Naji a jiki na cewa HUBAIRU zaiyi nasara a gasar jarumtaka
Hujja ta na faɗin hakan shi ne kada fa ki manta cewa HUBAIRU shine SARKIN SADAUKAI na duniya a halin yanzu babu wani jarumi mai karfin gaske kamar sa,
Sunaila ta ce"Ko da hakan amma kasan cewa Sa'a da rabo ake bukata a Kowa ne al'amari ba wai tarin karfi ko sihiri ba,
Komai karfin damtsen ka idan baka da Sa'a da rabo kenan kayi aikin banza,
Hizmal yace"Tabbas zancen ki dutse yake sunaila,
Amma ai Sa'a da rabo na tare da gaskiya da adalci,
Sunaila"tabbas zancen ka haƙƙun ne yakai Hizmal.
Amma a ɓangare sarauniya Nuwairat da boka Jadwar kuwa,
Nuwairat ce ta dubi boka Jadwar cikin damuwa da ɓacin rai tace "yakai abin dogaro yanzu gashi dukkanin shirin mu ya tarwatse yanzu ina amfanin tafiyar mu tare da tawagar sarki Baddadul-ulƙas,
Tun da budurwa Nihla ta samu nasarar fara yin arba da SARKIN SARAKAI,
Kuma a yadda alamu suka nuna tuni ya kamu da matukar kaunar ta,
Koda jin wannan batu daga bakin Nuwairat sai boka Jadwar yayi ya mai sunkiyar da kan sa ƙasa daga bisani ya ɗago da kansa ya dube ta cikin girmamawa, da kakkausar murya yace
"Ya sarauniya kyawawan mataye kiyi sani cewa har yanzu kina da damar mallakar HUBAIRU har ma ki sarrafa shi yadda kike so
Matsawar kina bukatar hakan to wajibi ne ki mallaki zoben sihirin dake hannun jarumi Hibairu ki sanya shi a hannun ki,
Domin duka sirrin zuciyar sa ya tattara a cikin wannan zobe,
Daga nan har izuwa lokacin da za'a kammala gasar jarumtaka a birnin madinatul-shaja'a,
Dole kisan hanyar da zaki bi domin ki ga kin raba Hibairu da zoben,
Ko da wasa kada kiyi yunkurin cewa za ki hallaka Nihla domin hakan zai iya kawo miki cikas wajen mallakar zoben,.
Sannan dole ne mu kasance a cikin shiri domin tayi a cikin abokanan gabar mu akwai masu muradun zoben.
Musamman abokiyar gaɓar ki sarauniya Abidatul-auliya,
Nan gaba zan sanar dake waɗansu muhimman abubuwa game da zoben.
Sa'adda boka Jadwar yazo nan azancen sa sai sarauniya Nuwairat ta cika matukar farin ciki maral misaltuwa
Har bata san sa'adda murmushi mai taushi ya suɓuce mata ba,
Amma a bangaren sarki shazwan kuwa ya shiga tattaunawa tsakanin sa da gimbiya Hushriba da sarkin bokaye Dargas akan hanyar da zasu ba wajen mallakar sarkin sadaukai a wannan tafiya,
Haka dai tafiya taci gaba da wakana kwanaki banin kwanaki, Mako banin mako,
Sai a wuni cire ana tafiya batare an yada zango ba,
A iya tsawon wannan tafiya soyayya da shaƙuwa ta kara shiga tsakanin sarkin sadaukai Hibairu da jaruma Nihla, sarauniya Abidatul-auliya da matsafi shubairu,
Sunaila da saurayi Hizmal,
Kuma ba a haɗu da waɗansu abubuwa masu cutar wa,
Koda yan fashi da darun sunane da miyagun dabbobi,
Domin tsananin yawa da kwarjinin tawagar kafin su haɗu da su suke cika wandon su da iska,
Kuma a wannan tafiya ne dukkan sarakunan suka samu nasarar bayyana bukatar su ta hanyar kamun ƙafa da yaro Humair makaho
In da kusan dukan bukatun sarakunan ya dogara akan tafiya izuwa fadar Sarkin bokaye,
Sarki uslaim domin ceto yar sa gimbiya zarifa,
Jaruma Sunaila, Hushriba, sarauniya Abidatul-auliya da matsafi shubairu dake buƙatar su shine mallakar tsumin tsafi domin samun waraka,
Aljani Marhutul-Azab kuwa domin ta ceto ruhikan kabilar su dake ajiye a cikin akwatin baƙin ƙarfe dake hannun Sarkin bokaye.
Lokacin da sarki Baddadul-ulƙas ya cigaba da jagorantar tawagar sarakuna,bokaye,jarumai haɗe da matsafa domin halartar bikin gasar jarumtaka ta GOGA SHA FAMA da za'a gudanar a birnin madinatul-shaja'a,
Sai yazamana cewa ana tafiya dare da rana Babu sassauci da yake harka ce ta gawurtattun matsafa cewa tafiyar da za'a iya a cikin kwana ashirin, an yi ta a cikin kwana shida kacal,
A ranar kwana na sha takwas ne da la'asar sakaliya aka iso kofar birnin madinatul-shaja'a
Nan fa kowa ya cika da matukar mamaki,
Abin da ya ba su mamakin shine yadda kofar shiga birnin madinatul-shaja'a takasance cike da zaratan dakarun tsaro na jinsin mutum da aljan, ɗauke da miyagun makamai.
Saboda da kwarjinin su bazaka iya tantance dakarun mutum da aljan a cikin su ba,
Duk inda Mutum ya kalla daga saman kofar da katangun birnin dakarun birjik Babu adadi,
Nan take wani gabjejen kato mai tsawo da kwarjini tamkar toran Giwa ya dako da kafafun sa izuwa inda suke.
A lokacin da sarki Baddadul-ulƙas ya fito daga cikin keken dokin sa,
Ya dube sa cikin ladabi kansa a sunkuya yace"marhaban da zuwa BIRNIN MAZAN JIYA ya
Dodon sarakai, hadari ma'anar duniya,
GOGA SHA YAƘI"gagarau uban kan garau,
Ka ci dubu sai ceto , ANNOBA DARI mai saukar da GOBARAR DAJI,
FARGABAR SADAUKAI,
Lokacin da badakaren yazo nan a kirarin sai sarki Baddadul-ulƙas ya sake jin izza gami da ƙasaita ta ƙara shiga cikin ƙoƙon kan sa,
Har jikin sa na tsuma
Ya dubi badakaren yace"An gaisheka yakai
Himaru haƙiƙa ka cancanci kyauta mai tsoka,
Bayan na samu nasarar lashe gasar jarumtaka ta GOGA SHA FAMA.
A wannan karon zaka samu adadin dinaren da baka taɓa samun kamar su ba,
Koda Gama faɗin hakan sai Baddadul-ulƙas ya yiwa wani badakare inkiya ta wutsiyar idanu.
Badakaren ya gabato da wata jakar fata,
Ya risina a gare shi,
Sarki ya umarce sa ya miƙa wa badakare Himaru ya karɓa ya buɗe jakar, aikuwa sai yayj arba da dinare masu yawa a ciki,
Nan take ya sakarwa sarki Baddadul-ulƙas wani ƙeƙashasshan murmushi wanda babu abinda ya ƙarawa fuskar sa face muni,
Kuma ya zube ƙasa ya kwashi gaisuwa ga Baddadul-ulƙas.
Daga bisani ya ɗago da kan ya dubi waɗansu dakaru yayi musu inkiya da sannu,
Take zaratan dakarun su hamsin suka shiga wangane kofar birnin,
Sannu a hankali sai kofar ta buɗe aka kunna kai izuwa ciki, ana shiga nan fa kowa yakara cika da mamaki, yakama kalle kalle,
Bakomai ne ya bawa Kowa mamaki ba sai bisa ganin yadda birnin madinatul-shaja'a yakasance kasaitacce tamkar aljannar duniya,
Gine - ginen birni anyi su bisa tsari mai kayatarwa, gwanin ban sha.awa kowace unguwa kalar tsarin ta daban iri ɗaya sai !
Ko ina a tsaftace yake a birnin babu wajen da ake zuba shara ko kazanta,
Hatta manyan sarakuna dake cikin tawagar wato sarki uslaim,shazwan, sarauniya Nuwairat da Abidatul-auliya sai da suka re na kan su,
Domin sun tabbatar da cewa gaba da gaban ta aljani ya taka wuta.
A dai dai lokacin ne aka hango tawagar wani mutum ma'abocin sarauta ya durfafo inda ake tsaye,
Tun da ga nesa mutumin ya ƙura wa Hibairu SARKIN SADAUKAI idanu ko ƙiftawa baya yi,
Lokacin da ya karaso sai tari sarki Baddadul-ulƙas suka rungume juna daga bisani mutum ya janye jikin shi daga na sarki Baddadul-ulƙas suka fuskanci juna
Cikin kakkausar murya mutumin yace "Lale marhaban da zuwan sarkin sarakuna, baban attajirai da matsafa,
Sarki Baddadul-ulƙas ya dube sa yace"yakai Abu - Ɗariƙ ina Fatan
A tanadar mana dukkanin abinda muke da buƙata da ya danganci masauki,
Abin kalaci har izuwa lokacin da za'a kammala gasar jarumataka,
Koda jin wannan tambaya sai Abu-Ɗariƙ yayi gyaran murya yace"An tanadar komai ya shugaba na yadda ka bukata,
Sai dai a wannan karon tsarin gudanarwar gasar ya canza,
Ina da a wannan karon dole ne dukkan wanda zai shiga kallon gasar ya bayar da bayanan sa,
Sannan ya shugaba nayi mamakin yadda kake tafe da wannan tawagar haka,
Koda jin wannan batu sai Baddadul-ulƙas ya bushe da yar karamar dariya yace
"Wannan ai ba abin damuwa ba ne ya Abu-Ɗariƙ
Game da tambayarka akan tawagar da nake tafe da ni wannan bayani mai girma,
Nasan dai abinda kake muradi shine kana so kasan wane ne GOGA SHA FAMA da nake tafe dashi ko,
Ya Abu-Ɗariƙ kayi sani cewa haƙiƙa a wannan karon nazo da jarumin da babu kamar sa a duniya a halin yanzu
Ba wani bane jarumi na ba face HIBAIRU SARKIN SADAUKAI na duniya,
Ɗa ga Barde Shabbaru tsowon GOGA SHA FAMA na shekaru ashirin da suka gabata,
Koda jin wannan batu sai Abu-Ɗariƙ ya sake ƙura wa Hibairu idanu,
A wannan karon sai yaji kirjin da ya buga da karfi tsoro ya kama shi,
Don haka sai ya kawar da duban sa daga hubairu izuwa ga Baddadul-ulƙas cikin ladabi yace dashi
"Haƙiƙa kyan ɗa ya gaji Uban sa ya shugabana kayi sani cewa tun sa'adda da na hango nake yiwa wannan baƙon jarumi kallon sani,
Nasan cewa Barde Shabbaru bashi da aure ballantana nace ɗan sa ne na cikin sa domin tsananin kamannin su ya ɓaci tamkar an tsaga ƙara,
Amma ya shugaba na dama Shabbaru ya na da ɗa ne a boye ban sani ba?.
Koda jin wannan tambaya sai Baddadul-ulƙas ya yayi murmushin mugunta yace "Mu ƙara sa izuwa masauki za ki dukkan yadda al'ummarin yaksance,
Abu-Ɗariƙ ya risina yace an gama ya shugaba na yana Gama faɗin hakan sai sarki Baddadul-ulƙas ya koma izuwa cikin keken dokin sa ya hakimce,
Abu-Ɗariƙ ya shige gaba take aka sakarwa dawakai linzmai aka cigaba da tafiya.
Nan fa jama'a suka dinga bin tawagar sarki Baddadul-ulƙas da kallo cike da matukar mamaki da al'ajabi,
Abu na farko da ya basu mamakin shine yadda tawagar Baddadul-ulƙas takasance mai tsananin yawa, da ta haɗar da aljanu da miyagun dabbobin daji,
Abu na biyu da ya fi basu mamakin yadda suka ga fuskokin baƙin sarakuna waɗanda ba'a taɓa ganin fusakun su a halartar gasar ba,
Haka dai tsoho Abu-Ɗariƙ ya cigaba da jagorantar tawagar sarki Baddadul-ulƙas suka wanzu suna masu ratsa unguwanni gami da saƙo da lungu na birnin,
Tafiyar daƙiƙa saba'in a kayi aka iso wata ƙasaitacciyar unguwa,
Unguwar an jima ta manyan gine gine benaye Masu tsawon ainun,
Idan mutum ya ɗaga kansa sama sai yaga cewa tamkar benayen sun shige cikin gajimare saboda Tsawon su,
Hatta kayan ƙawa da zanen tambarin gidaddajin irin ɗaya ne sak gwanin ban sha'awa,
Duk inda Mutum ya kalla dakaru ne shirye shirye cikin gagarumar shigar yaƙi mai matukar kwarjini daban daban ɗauke da miyagun makamai suna ta kai komo domin tabbatar da tsaro,
A ta dai wannan unguwa ana kiran ta da suna
Manazil-tijjar
Bisa wani katafaren gida aka ɗauke su sarki Baddadul-ulƙa,
Tun kafin su karaso waɗansu samudawan dakaru suka wangame musu kofar birnin ana zuwa aka kunna kai izuwa ciki,
Duk inda Baddadul-ulƙas ya gifta da tawagar sa sai dai kaga dakaru, kuyangi,da bayi na zubewa ƙasa suna kwasar gaisuwa Cikin ladabi,
Bayan an shiga ne sai a Kowa aka basa nasa masaukin,
Saurayi Hizmal, yaro Humair makaho da sunaila a bangare guda kowa da turakar sa,
Sarki shazwan, boka Dargas , sarkin yaƙi da tawagar bokaye a bangare guda,
Hushriba ,sarauniya Abidatul-auliya da sarauniya Nuwairat a sauki guda,
Sarki uslaim da tawagar sa,
Aljani Marhutul-Azab da boka Jadwar da matsafi shubairu da aljani Darmanu
Hibairu SARKIN SADAUKAI da budurwa Nihla,
Tare da tawagar dabbobi da aljanu da sukayi masa rakiya a masauki ɗaya ,
Sauki Baddadul-ulƙas kuwa masaukin sa daban,
Sai dai masaukin kowa yana bisa saman benayen ma bambanta,
Jim kaɗan sai ga waɗansu irin tsaka-tsalan kyawawan yan mata sun shiga rarraba abin kalaci da abubuwan sha da tanɗe -tanɗe a Kowa ne masauki.
Sai da aka shafe tsawon kwanaki huɗu ana gudanar da shirye - shiryen tunkarar gasar jarumtaka ta GOGA SHA FAMA,
A iya tsawon waɗannan kwanaki soyayya mai karfi ta ƙullu tsakanin HUBAIRU Sarkin sadaukai da budurwa Nihla,
Kuma Hibairu ya fahimci Yaren sauran mutane ainun, sai dai a Kowa ce rana sau ɗaya kacal sarki Baddadul-ulƙas yake yadda Hibairu ya gana da mahaifin sa Barde Shabbaru,
Tun a daren ranar da za'a gudanar da gasar jarumtaka,
Birin madinatul-shaja'a ya cika ya batse da al'umma manyan sarakai, attajirai, jarumai da bokaye sukayi cincirindo,
Kuka kuma a daren wannan rana ne aka aika da sunan dukkan tawagar dake tare da sarki Baddadul-ulƙas zuwa ga sarkin yakin birnin wanda shine ke kula da harkokin gudanar da gasar,
Lokacin da sarkin yaƙi abu-Damraz yaga jerin sunayen tawagar sarki Baddadul-ulƙas tare da jarumin da zai kasance wakilin sarki Baddadul-ulƙas wato SARKIN SADAUKAI Hibairu.
Sai ya shafe tsawon daƙiƙa goma yana nazarin sunayen,
Sa'adda ya ɗora idanun sa akan sunan hubairu sai yaji zuciyar sa ta buga da karfi, tsoro ya ɗari su a cikin ta.
Al'amarin da yayi matukar ba shi mamaki kenan yace a cikin ran sa,
Shin wane ne wannan baƙon jarumi Hibairu mene ne yasanya dukkan binciken da na gudanar bisa halarar tsafi bai bayyana mini shi ba.
Mene ne yasanya zuciya ta buga da na yi arba da sunan sa,
An ya kuwa wannan jarumi ba shi ne abin farauta ta ba?.
Amsar tambayar da ya ka sa bawa kan sa kenan,
Kawai sai ya dubi wani hadimi dake tsaye a gefen sa a durƙushe ƙasa bisa gwiwar sa cikin kakkausar murya yace dashi "yakai amirul-bait shin wane ne wannan jarumi kuma daga wace nahiya a ka taho dashi.
Ko da jin wannan tambaya sai Amirul-bait ya buɗi baki cikin ladabi yace"ya shugabana wannan jarumi da ake kira da suna Hibairu nayi leken a siri akan sa,
Abin da binciken ya tabbatar mini shi ne jarumin ya rayu ne a cikin daji tun yana jariri har ya cika saurayi,
Mutun ne mai ɗauke da abubuwan al'ajabi da jarumtaka,
Domin bokaye da matsafa haɗe da sarakai na yi ma shi laƙabi da SARKIN SADAUKAI
Domin bincike ya tabbatar da cewa a halin yanzu babu GWARZON MAYAKI kamar sa
Kuma dukkanninsu waɗannan sarakuna da ka gani da Jarumai sun biyo shi ne izuwa gasar jarumtaka domin ya cika burikan su,
Wani abu na mamaki da na gano ga me da wannan jarumi shi ne yakasance ɗa ne a wajen Barde Shabbaru wadda a duk shekarun da aka shafe ana gudanar da gasar jarumtaka ba'a taɓa samun gwarzo tamkar shi ba.
Ko da jin sunan Barde Shabbaru sai Sarkin yaƙi abu-Damraz ya miƙe tsaye zumbur daga kan kujerar sa a dubi amirul-bait yace dashi
Shin ya kayi Shabbaru ya kasance a raye har ya samu Haihuwar ɗa namiji,
Bayan cewa a sani na ya daɗe da mutuwa,
Tabbas wannan fa shi ake cewa ana wata sai ga wata,
Tabbas ba'a rabu da bukar ba an haifi habu yakai amirul-bait kayi sani cewa fiye da shekaru talatin barde Shabbaru ya cinye mai girma shaibat a gasar jarumtaka ta GOGA SHA FAMA,
Sarki yayi kukan baƙin wanda sai da ya kamu da rashin lafiya
Tsawon shekaru domin ya ɗaukar wa mahaifin sa alkawarin cewa sai ya zamo GWARZON MAYAKI na gasar jarumtaka,
Bisa hakan ya sanya ya bani wani sinadarin tsafi na sanyawa Barde Shabbaru a cikin barasa a lokacin da ake gudanar da shagalin nadin sarautar GOGA SHA FAMA,
Nayi mamaki da ka ce mini Shabbaru na raye Tabbas koda wani ya canza sinadarin dana sanya masa a cikin barasar ko kuwa waɗanda na umarta ne da aikin su ka ci amana ta,
Cikin biyun nan dole ɗaya ya faru.
Tsawon shekarun da aka shafe da faruwar wannan al'amari
Mai girma shaibat bai manta da wannan abu a zuciyar sa ba,
Bisa wannan dalili yasanya yasha alwashin cewa yar sa gimbiya haya'ul-nur
Ta sha alwashin sai ta cika wa sarki wannan buri na sa,
Yakai Amirul-bait kayi sani cewa ahalin yanzu gimbiya haya'ul-nur na cikin jerin sunayen jaruman da zasu fafata a gasar GOGA SHA FAMA,
Tabbas a halin yanzu a cikin tarko guda biyu,
Na farko shine yayin da sarki ya gano cewa HUBAIRU ɗa ne ga Barde Shabbaru zai tuhume ni akan aikin da ya bani na hallaka Shabbaru ya akayi ya rayu,
Abu na karshe shine tsoro na kada gimbiya haya'ul-nur ta faɗi a wannan gasa
Tabbas a tsakanin waɗannan abubuwa da na lissafa faruwar ɗayan su dai dai yake da na rayuwa ta
Haƙiƙa zama bai same ni ba matsawar Hibairu na numfashi a doran ƙasa,
Sa'adda sarkin yaƙi abu-Damraz yazo nan azancen sa sai hankalin sa ya sake dugunzuma fiye da ko Yaushe ya dubi hadimi Amirul-bait yace dashi ina so ka ɗebi dakarun leƙen asiri guda dubu su bazama ko ina a wannan birni kuma su saka idanu akan duk wani motsi na sadauki Hibairu,
Koda jin wannan umarni sai Amirul-bait ya miƙa tsaye ya fice daga cikin harabar.
Kashe gari tun da duku-dukun safiya ciki da waje na birnin madinatul-shaja'a ya cika ya batse da baƙi daga sassan duniya,
Domin halartar bikin gasar jarumtaka ta GOGA SHA FAMA.
Tun ketowar alfijir jama'a suka fara cincirindo shiga filin gasa domin samun wajen zama,
Nan fa yazamana cewa duk inda Mutum ya kalla a wajen gasar dakaru ne shirye cikin gagarumar shigar yaƙi hannayen su riƙe da miyagun makamai suna ta kai komo domin tabbatar da cikekken tsaro,
Kuma duk wanda zan shiga filin gasar sai an buga masa wani hatimi a tafin hannun sa
Idan kuwa mutum guda ne yake ɗauke da tawagar mutane a bayan sa zai bayyana takardar shaidar halartar sa gasar,
Daga cikin wajen gasar kuwa tuni an tsara komai yadda ya kamata wajen zaman sarakuna daban,jaruman gasa, attajirai da sauran su.
Kowa dai an tanadar masa wajen zaman sa dai dai da matsayin sa,
A cikin wannan hali ne aka hango tawagar wani basarake ta shigo filin gasar,
BASARAKEN yakasance gabjejen kato mai kirar samudawan farko,
Kallo ɗaya za ka yi masa ka fahimci cewa yana da karfi na Allah ya isa,
Sanye yake cikin ado na sarauta a gefen hannun sa na hagu wata irin tsaleliyar kyakkyawar budurwa ta gaban kwatance kai kace ita ce ta tsara kanta yadda take bukata domin tsayawa masalta kyawun ta ya huce hankali.
Tana sanye cikin gagarumar shigar yaƙi ta baƙin sulke, tun daga ƙasa har sama.
A gadon bayan ta ta rataya waɗansu zaratan takubba,
A gefen hagu da dama dakaru ne gami da hadimai ke take musu baya
Ba waɗansu ba ne waɗannan sarakai ba face
Sarki shuraih ibn shaslam na birin Iskandar tare da yar sa gimbiya Rumaisat,
Fiye da shekaru goma sha biyar sarki shuraih ya shafe yana sanya ana bawa yar sa gimbiya Rumaisat rohon yaƙi a can birin Kisra domin dai jiran wannan rana da zata shiga gasar jarumtaka ta GOGA SHA FAMA domin ta kafa tarihi a can nahiyar su ta gabashin duniya.
A lokacin da gimbiya Rumaisat ke karɓar horon yaƙin sai da yazamana cewa ta zarce kowa ne jarumi karfin damtse gami da sanin dabarun yaƙi,
Har yazamana an bata lambar girma mawa ta gwarzon mayaƙi,
Lokacin da mahalarta gasar su kayi arba da sarki shuraih ta tawagar sa fadar ta ruɗe da shewa masoyan sa nayi masa jinjina.
Waɗansu ma tsananin kwayun surar gimbiya Rumaisat ne ya ruɗe su.
Har sa sarki shuraih da tawagar su ka je suka zauna abisa kujerun da aka tanadar musu sannan fadar ta ɗan samu nutsuwa,
Haka dai tawagar sarakuna suka dunga shigowa fadar rukuni-rukuni kafin wani lokaci filin ya kammala cika maƙil,
Ana cikin wannan hali ne aka hango tawagar sarki Baddadul-ulƙas ta shigo filin gasar nan take fadar ta ruɗe fiye da ko yaushe kuma mutane suka cika da matukar al'ajabi bisa ganin yadda a wannan karon tawagar ta sa har da miyagun dabbobi su ma sun samu halartar gasar.
A wannan lokaci sarkin sadaukai Hibairu ya rufe fuskar sa da rawani idanun sa kaɗai ake gani don haka babu wanda ya shaida cewa wane ne gwarzon mayaƙi acikin tawagar sarki Baddadul-ulƙas,
Bayan Baddadul-ulƙas sun zauna bisa kujerun zaman su,
Sai mai girma shaibat ya miƙe tsaye ta hanyar ɗaga hannun sa sama fadar tayi tsit tamkar mutuwa ta gifta
A wannan lokaci yana sanye cikin shigar alfarma ta hamshakan sarakai,
Sannan daga bisani ya buɗi baki yayi gyaran murya yace
"Da farko ina yiwa dukkan mahalarta wannan GASAR jarumataka Barka da zuwa wannan birni mai albarka.
Nayi matuƙar farin cikin yadda manyan sarakuna, bokaye, attajirai,sadaukai haɗe da talakawa,
Su ka fito kwan su da kwarkwatar daga ko ina a sannan duniya domin halartar wannan gasa mai ɗumbin tarihi da ake gudanarwa tsawon shekaru,
Da wannan nake yiwa dukkanin mahalarta Barka da zuwa tare da fatan ayi taro lafiya a tashi lafiya,
Yanzu sai a samu nutsuwa a saurari sauran bayanin yadda gasar zata kasance daga bakunan alƙalan gasa.
Koda Gama faɗin hakan sai sarki shaibat ya koma bisa kan karagar sa ya hakimce,
Kawai sai sarkin yaƙi abu-Damraz ya miƙe tsaye yayi gyaran yace
"Bayan jawabin mai martaba yanzu abinda ke gaban mu shine gabatar da dokokin gasa ga dukkan jaruman da zasu fafata,
Amma kafin hakan yanzu za'a kira wo sunayen jaruman domin su wajen wajen zaman su dake daf da filin fama.
Gama faɗin hakan ke da wuya sai Sarkin yaƙi abu-Damraz ya sanya hannun sa na dama ya ɗauki wata jimammiyar fata dake ajiye a bisa teburin dake gaban sa,
Ya ɗora idanun sa akan ta sannan ya fara karanto sunayen jaruman kamar haka
Gimbiya haya'ul-nur yar mai girma shaibat
Koda jin an ambaci sunan yar mai girma shaibat sai fadar ta ruɗe da shewa,
Lokaci guda ta sauko daga kan karagar ta ta durfafi wajen zaman alkalan gasar,
Nan da wasu da ya wa daga cikin mazaje suka ɗimauce bisa ganin tsananin kyawun sura da diri nata,
Haka dai sarkin yaƙi ya cigaba da kiran sunayen sadaukan ɗaya bayan ɗaya
Jama'a nayi musu jinjina,
Har yazamana an ambaci sunan Jarumi Hibairu SARKIN SADAUKAI
Koda jama'a suka yi arba da Hibairu sai fadar ta kaure da ihu da shewa fiye da ko yaushe,
Zukatan al'umma cike da matukar mamaki da al'ajabi suna masu cewa wai shin dama Barde Shabbaru yana raye bai mutu ba,
Amma kuma ai Shabbaru ai a halin yanzu dattijo ne kuma ma labarin mutuwar sa ya watsa ko ina a duniya
Haka dai hubairu ya cigaba da tafiya har ya zamana ya zaune a bisa kujerar sa,
Koda ya zauna sai ya hangi wata tsaleliyar kyakkyawar budurwa ta ƙura masa idanu ko ƙiftawa baya yi,
Ba wata ce wannan kyakkywar budurwa ba face gimbiya Rumaisat yar sarki shuraih,
Koda gimbiya haya'ul-nur yar mai girma shaibat taga yadda Rumaisat ke ƙuruwa hubairu idanu sai ta daka mata harara kuma tace a cikin ran ta tabbas idan kin kamu da soyayyar Hibairu ne to kin so gawa mara amfani,
Domin na rantse da darajar iyaye na sai na hulakanta hubairu kamar yadda mahaifin sa ya wulakanta Abbana.
Kuma tabbas Ni ce zan zamo ajalin sa bayan na cinye wannan gasa ta GOGA SHA FAMA.
Sarkin yaƙi ya kira sunan jaruma ta karshe wacce ake kira Amirat bintu Hamza ta birnin madinatul-barnawiy.
Koda fitowar jarumar sai kowa ya cika da mamaki Bisa ganin jarumar bata ɗauke da alamar SADAUKANTAKA,
Kuma fuskar ta rufe take da rawani Nan fa daya wa daga cikin jihar jama'a suka kama yi mata dariya wasu kuma tausayin ta ne ya kamu bisa ganin cewa ita da bata kasance Basadaukiya ba amma ta shiga gasar mai haɗarin gaske da zata iya rasa rayuwar ta.
Bayan dukkanin jaruman gasa sun zauna a bisa kujerun da aka tanadar musu,
Sai sarkin yaƙi abu-Damraz ya cigaba dacewa
"Kafin mu kai ga shiga cikin shagalin yana dakyau dukkan jarumai su san da wadannan dokoki na gasar jarumtaka,
Doka farko ita ce Ba'a yarda ayi amfani da sihirin tsafi ba
Wajen samun nasara, koda mutum ya aikata acikin alƙalan gasa akwai bokaye dasu gane cewa yayi tsafin,
Dukkan jaruman da aka haɗa ku faɗa dashi babu damar a canza.
Kuma kamar yadda aka sani cewa dukkanin jaruman zasu dunga gwagwarmaya a tsakanin su har sai an fitar da gwarzo wanda shi ne babu wanda yakasance a saman shi.
Dukkan wanda yayi kisa za'a haramta masa shiga gasa na tsawon shekaru goma tare da tara mai tsauri,
Idan kuwa ya lashe gasar to za'a bawa yan uwan wanda ya kashe dukkan kyautuka da za'a ba shi,
Lokacin da sarkin yaƙi abu-Damraz yazo nan a jawabin sa sai ya koma kan kujerar sa a ya zauna,
Kawai sai wani garjejen kato mai sanye da jajayen tufafi masu yalwa ma'abocin tarin ƙasumba da gemu baƙaƙe siɗik
Ya miƙe daga cikin alƙalan gasar ya buɗi baki cikin kakkausar murya yace
"Yanzu dukkan jaruman gasa zasu hallara a Filin fafatawa dake tsakiya bayan ambaci sunayen su,
Da farko akwai mai girma gimbiya haya'ul-nur yar mai girma shaibat
Tare da gimbiya Rumaisat yar sarki shuraih
Sannan sadaukai Hibairu ibn Shabbaru
Tare da jaruma Amirat bintu Hamza ta birnin madinatul-barnawiy
Sadauki lazwas ibn shaslam na birnin Laufas
Da Jarumi nazwar ibn gaurus na birnin shasrad.
Koda kammala karanto sunayen sai filin gasar ya sake kaurewa da shewa da ihu fiye da ko yaushe,
Ɗaya bayan ɗaya jaruman suka dunga tashi suna isa zuwa filin,
Jim kaɗan sun kammala hallara.
Nan take kowa ya shiga kallon abokin gwamin sa kuma suna masu gazaye juna,
Dai dai lokacin da waɗansu dakaru ke buga waɗansu tambura da ganguna dake ziga dukkan mazaje da tsuma zukatan su a filin fama,
A bangaren gimbiya haya'ul-nur tsananin takaici ya turnuƙe zuciyar ta da a karon farko na gasar ba'a haɗa ta da hubairu sarkin sadaukai ba,
Ita kuwa gimbiya Rumaisat tsananin farin ciki ne ya kamata bisa ganin cewa ba'a haɗa saurayin da ta kamu da kaunar sa da abokiyar gabar ta gimbiya haya'ul-nur ba.
Daga can sai wani garjejen kato na daban ya ɗauki wani zunguren ƙaho a jikin sa ya kafa a bakinsa ya busa shi da ƙarfi,
Tamkar haɗin baki a lokaci guda jaruman kowanne bangare suka yi ɗauki kan abokanan gwamin su,
Suna masu ihu da kururuwa mai firgita DANDAZON MAYAKA a filin daga,
In da a ce mutum yana tsaye a wannan waje zai ga yadda jaruman takwas suka yi ɗauki kan junan su dole abin ya firgita shi domin yasan ko ba'a ce komai ba haƙiƙa za'ayi KARON MAZA,Kuma za'a sha ɗauki ba daɗi.
Yayin da aka haɗu da juna sai aka ruguntsume da azababban yaƙi mai matukar kwarjini muni,tashin hankali da ban tsoro,
Wohoho haƙiƙa idan kaji ƙidan farauta sai GWARAZAN JIYA ke amsa gayyata,
Idan garken zakuna suna fito fagen artabu babu masu tarar su ayi gaba da gaba face manyan giwaye,
Nan fa ɓangarorin suka shiga kaiwa juna sara da suka cikin matuƙar zafin nama juriya da bajinta tagaban kwatance tamkar jikkunan su basu kasance na jini da tsoka ba
Abangaren mahalarta taron gasa kuwa, lokacin da jaruma Nihla, Sunaila,saurayi Hizmal, sarauniya Abidatul-auliya,Nuwairat da yaro Humair makaho suka ga an kacame da azababban yaƙi tsakanin sarkin sadaukai Hibairu tare da jaruma Amirat bintu Hamza sai hankalin su ya dugunzuma ainun,
Duk da cewa a zahiri sun san cewa HUBAIRU ya nunka Amirat fiye da arba'in a SADAUKANTAKA da ƙirar jarumtaka,
Amma bisa ganin yadda Amirat ɗin ke yakar Hibairu cikin zafin nama juriya na ɓacin tsiya tamkar wata shaiɗaniya sai hankulansu suka dugunzuma ainun,
Domin dai matsawar Hibairu ya faɗi wannan gasa,
Tamkar rushewar cikar burikan su na duniya ne baki ɗaya,
Abangaren sarki Baddadul-ulƙas kuwa zuciyarsa babu yabo babu fallasa,
Domin yana ganin cewa tamkar Hibairu ya samu nasara ne akan jaruma Amirat,
Sai dai inda kizo ke saƙar shi ne don HUBAIRU ya samu nasara akan Amirat to lalle bane yakai ga nasara akan sauran jaruman,
Wani ɓangare a zuciyar kuma a zuciyar sa kuma yace dashi kada ka manta cewa nasara da Sa'a a jinin Hibairu take haƙiƙa sai ya samu nasara a wannan gasa,
Domin a halin yanzu babu gwarzon mayaƙi kamar shi a faɗin duniya,
Koda sarki Baddadul-ulƙas yazo nan a tunanin sa sai ya bushe da dariyar farin ciki,
Al'amarin da ya sanya sarki shuraih dake zaune daf dashi ya murtuke fuska tamkar an aiko masa da SAƘON MUTUWA,
ya dubi Baddadul-ulƙas da wani irin kallo mai ɗauke da alamar tamabaya,
A bangaren mai girma shaibat kuwa ya zuba idanu ya kallon yadda gasar ke gudana,
Zuciyar sa na dukan uku-uku,
Domin yana ganin cewa haƙiƙa koda yar sa gimbiya haya'ul-nur ta samu nasara gimbiya Rumaisat bai zama tilas ta samu nasara akan Hibairu ɗan Barde Shabbaru ba,
Abangaren teburin alƙalan gasa, al'marin sarkin yaƙi abu-Damraz kuwa ana fara wannan fafatawa tsananin jaruman sai hankalin sa ya dugunzuma ainun ya kasa samun nutsuwa, domin a halin yanzu yana cikin tsaka mai wuya,
Idan sarkin sadaukai Hibairu ya cinye wannan gasa,
Gimbiya haya'ul-nur ta faɗi, dai dai yake da ya rasa rayuwar sa,
A Ɓangaren dabbobin dajin da suka yi Hibairu rakiya izuwa Filin gasa,
Sa'adda suka ga yadda shugaban su Hibairu ya kacame da azababban yaƙi da jaruma Amirat sai suka dunga yin gurnani suna hargagi,
Dake nuna fatan nasara ga sarkin sadaukai Hibairu,
Nan fa mamaki Yakamata jama'ar dake filin gasar bisa ganin yadda dabbobin ke nuna alamun fatan alkairi ga Hibairu,
Abin tambaya anan shine mene ne alaƙar HUBAIRU da waɗannan miyagun dabbobi,
Me ne ne alaƙar dake tsakanin HUBAIRU da Barde Shabbaru tabbas a yadda alamu suka nuna lokacin da aka ambaci sunayen jaruman ya tabbatar dace wa Hibairu ɗan Barde Shabbaru.
Tabbas kyan ɗa ya gaji uban sa,. Nanfa jama'a suka dunga yiwa gwanayen su jinjina,
Amma sai ya zamana fiye da rabin jama'a hubairu suke ɗagawa hannu suna yi masa kirari, masu wake nayi masu shewa nayi.
Nan fa zuciyar sarki shaibat ta kama tafarfasa tamkar zasu ƙone,
Bisa ganin yadda jama'a ke nuna goyon baya ga Hibairu,
A tsakiyar filin gasar kuwa jaruman sun wanzu suna kaiwa junan su sara da suka cikin ɓakin zafin nama juriya da jarumtaka irin ta JARUMAN DUNIYA,
Duk wanda ya gaɓzawa ɗan uwan sa nashi sai kaga shi ma ya mayar da martani Cikin zafin nama tamkar suna casar hatsi.
Kai kace wata na'ura ce ke sarrafa su ba da jini da tsoka ke gudana a jikkunan su ba.
Lokacin da zaratan Jaruman gasar GOGA SHA FAMA suka wanzu suna kaiwa Juna naushi da bugu cikin matukar zafin nama juriya da jarumtaka ta gaban kwatance,
Sai aka shafe tsawon daƙiƙa arba'in ana wannan fafatawa babu sassauci,
Nan fa wani abun mamaki ya fara wakana,
Domin bangarorin jaruman ana samu ragas ma'ana karfi yazo ɗaya,
Duk sa'adda ɗayan su ya gaɓzawa abokin faɗa sa naushi sai kaga ya shanye dukan,
Shi ma ya taƙarkare ya mayar da martani Cikin gwanin ta da zafin nama.
Nan fa jama'a suka shiga yin shewa da tafi bisa ganin cewa har yanzu babu alamun nasara ga dukkan bangarorin jaruman,
Wannan fa shine abinda masu iya magana ke cewa kyan faɗa akwana ana yi.
A ɓangaren Jarumi Hibairu da jaruma Amirat kuwa sun wanzu suna bawa hammata iska,
Suna kai wa juna hari ta ƙasa da sama,
Wasu lokutan har daka tsalle sama suna kaiwa juna harin.
Lokacin da Hibairu sarkin sadaukai yaga cewa an shafe tsawon Sa'a sittin batare da ya samu nasarar kai Amirat ƙasa ba,
Sai ya cika da matukar al'ajabi da mamaki, kuma hankalinshi ya dugunzuma ainun,
Abin da ya bashi mamaki shine yadda akayi ya kasa samun nasara akan Amirat bayan cewa a zahiri ya nunka a karfin damtse da ƙirar jarumtaka,
Abin da Ya dugunzuma hankalin sa kuwa shine matsawar ya faɗi wannan gasa shi kenan bazai taɓa samun nasarar fansar rayuwar mahaifinshi daga hannun sarki Baddadul-ulƙas ba,
Sa'adda sarkin sadaukai yazo dai-dai nan sai kawai ya sake zage damtse yana cigaba da kaiwa Amirat naushi da bugu da wani irin salo na musamman.
A ɓangaren gimbiya haya'ul-nur yar mai girma shaibat da gimbiya Rumaisat yar sarki shuraih kuwa
Labari yasha bambam domin sun fara haɗawa junan su jini da majina suna rangaji jiri na ɗibar su amma saboda juriya da bajinta irin ta JARUMAN DUNIYA sai suka ƙi yarda su faɗi ƙasa,
Su ka cigaba da faɗan a haka kawai,
Abangaren sadauki lazwas ibn shaslam da Jarumi nazwar kuwa,
Sun tara zufa sun jiƙe sharkaf saboda yadda suke naushi da bugun juna cikin gwaninta da salon yaƙi mai matukar kwarjini,
Domin idan lazwas ya gabzawa nazwar naushi a fuska ya kife ƙasa,
Sai ya ɗan huta na yan daƙiƙa sannan ya taso sama ya mayar da martani,
Lokacin da Sa'a ɗaya ta cika da fara wannan artabu sai salon yaƙin ya canza salo,
Kasancewar rana tayi tsananin zafi ainun sai sadaukan suka fara galabaitar da juna,
Ana cikin wannan artabu ne sadauki lazwas ya kaiwa jarumi nazwar naushi a wuya a lokacin da shi ma yakai mishi harin a kirji,
Cikin nasara kowanne su ya samu nasarar samun ɗan uwan sa nan take suka kurma wawan ihu suka sulale ƙasa
Babu alamun rai a tare dasu,
Al'amarin da ya sanya fadar ta kaure da shewa da tafi kenan kuma ya dugunzuma hankalin attajiran da su ke ɗauke da alhakin sanya jaruman a cikin gasar
Shin yanzu jaruman nasu sun rasa rayukansu ne ko kuwa doguwar suma su kayi
Cikin hanzari waɗansu zaratan dakaru suka shigo filin Ɗauke da keken doki suka ɗauki jaruman biyu suka ɗora su akai,
Suka fice daga filin gasar domin basu taimakon gaggawa a ceto rayuwar su,
Ana cikin wannan fafatawa sarkin sadaukai Hibairu tare da jaruma Amirat suka kaiwa juna naushi a fuska,
A lokacin da suka Daka tsalle izuwa sama,
Cikin Sa'a kowanne ya gabzawa ɗan uwan sa naushi a fuska,
Take suka hantsilo suka rikoto ƙasa, amma saboda gwanin ta kafin su kai ƙasan sai kowanne su ya ware kafafunsa biyu ya turje a cikin ƙasa,
Sannan suka kaiwa juna karo da kawunan su jika ke gau,
Amma a wannan karon sai suka kife a ƙasa suna haki tamkar waɗansu zakaru,
Koda ganin irin gwanintar da sadaukan ke yi sai filin fadar ya kaure da shewa da jinjina haɗe da ihu,
Al'amarin gimbiya haya'ul-nur da Rumaisat kuwa,
An cigaba da yin kare jini biri jini babu alamu dake nuna cewa ga gwanar dake da nasara a cikin su,
Lokacin da alƙalan gasa suka cewa an shafe tsawon Sa'a uku ana wannan artabu babu alamun nasara ga dukkan bangarorin sai wannan badakare daya busa ƙahon yaƙi ya sake ɗauko wannan ƙaho ya busa da karfi,
Take kowanne jarumi yaja ya tsaya cak yana haki da hararar abokin gwamin sa.
Sarkin yaƙi abu-Damraz ya sake miƙewa tsaye a karo na biyu yayi gyaran murya ya fuskanci jama'a yace"yaku mahalarta wannan gasa mai albarka kuyi sani cewa duba da yadda har sa'o'i uku suka shuɗe babu alamun nasara ga dukkan bangarorin,
Bisa tsarin wannan gasa za'a tafi hutu na rabin Sa'a domin jarumai su sake kimtsa wa suyi sabon shiri domin yin karon batta ta biyu wacce a cikin ta ne muke sa ran za'a ƙarƙare wannan gasa domin fitar da gwarzon mayaƙi,
Koda jin wannan jawabi daga bakin Sarkin yaƙi abu-Damraz sai fadar ta sake ruɗewa da shewa cikin Hanzari dukkan jaruman huɗu suka fice daga filin gasar,
Kai tsaye sarki Baddadul-ulƙas ya sanya hadiamn sa suka shiga duba lafiyar jarumi Hibairu domin ya samu wartsakewa kafin a koma zagayen gasa ta biyu,
Shi kuwa sarki shuraih cikin tashin hankali ya tari yarsa gimbiya Rumaisat tare da duba halin da take ciki koda yaga cewa ta galabaita ainun sai hankalinsa ya dugunzuma ya umarci wadansu kwararrun likitoci suka shiga duba lafiyar ta,
Abangaren mai girma shaibat kuwa da kansa ya a shiga gasawa yarsa gimbiya haya'ul-nur fuskan ta ta ruwan ɗumi domin kumburin dake fuskantar ya sabe,
Sakamakon jinin da ya taru a fuskar saboda naushin da gimbiya Rumaisat yar sarki shuraih tayi mata,
Kuma duk bayan daƙiƙa uku ya tambaye ta shin ya a bar alfaharina a wane hali kike jin jikin ki yana sauƙi kuwa,
Al'amarin jaruma nihla, sunaila, Hizmal,yaro Humair makaho, sarauniya Abidatul-auliya, Nuwairat da matsafi shubairu kuwa,
Lokacin da suka ga yadda sarkin sadaukai Hibairu ya jigata ainun,
Sai hankulan suka dugunzuma ainun, suka dunga kai komo a bakin ɗakin da ake duba lafiyar Hibairu.
Kamar yadda sarkin yaƙi abu-Damraz ya faɗa haka al'amarin yakasance,
Wato rabin Sa'a na kammala cika sai dukkan jaruman gasa gami da sauran jama'a suka sake hallara a karo na biyu,
A lokaci guda jaruman gasa suka shiga izuwa Filin fama suna masu zagaye juna,
Amma a wannan karon babu jarumai biyu, wato sadauki lazwas da jarumi shazwas,
Har a wannan lokaci fuskar jaruma Amirat na sanye cikin rawani idanuwan ta kaɗai ake gani,
Koda ganin cewa Jaruman suna shirin fafatawa,
Sai wannan badakare ya sake ɗauko wannan gabgegen ƙaho ya kafa a bakinshi ya busa da karfi
Wohoho haƙiƙa masu iya magana sunyi gaskiya da suka ce idan babu ƙasa nanne ake gardamar kokawa.
Kuma ranar bikin sarakai babu e fitowa ya taka rawa face wacce da wane,
Kafin sautin ƙahon ya kammala mamaye fadar
Sarkin sadaukai Hibairu yayi ɗauki izuwa kan jaruma Amirat,
Gimbiya haya'ul-nur kuwa ya ruga izuwa kan gimbiya Rumaisat,
Su dukan ukun suna ihu da kururuwa mai firgitar wa,
Jaruma Amirat na ambaton sunayen Ubangiji a cikin ran ta,
Lokacin da aka haɗu da juna sai aka ruguntsume da azababban yaƙi mai matukar kwarjini daban sha'awa,
Jaruman huɗu suka wanzu suna kaiwa juna naushi da bugu hannu da ƙafa,
Cikin matukar zafin nama juriya da jarumtaka irin ta zaratan Jarumai
Nan fa ƙura ta turnuƙe, sautin naushi da ihun mazaje ya cika filin baki ɗaya
Ana fara wannan artabu ne wani abin mamaki ya fara gudana domin kuwa a wannan karon jarumi Hibairu da jaruma Amirat na tashi izuwa sararin samaniya suna yaƙar junan su,
Tamkar sun kasance masu fuka-fukai,
Nan fa filin gasar ya ruɗe da shewa masoyan Hibairu da jaruma Amirat nayi musu tafi,ihu da jinjina,
Al'amarin da ya harzuƙa zuciyar mai girma shaibat kenan,
Zuciyar ta kama tafarfasa tamkar zata faso kirjinshi ta fito waje,
Ya dubi Sarkin matsafan masarauta yace dashi a cikin raɗa a fusace "shin mene ne amfanin alƙalancin da aka baku,
Shin bakwa ganin anyi amfani da karfin sihirin tsafi ga wadancan jarumai biyu,
Koda jin wannan tuhuma sai sarkin matsafa ya risina ya dubi sarki cikin ladabi da girmamawa yace"ya shugabana ai tuni dukkan tawagar alƙalanci sun gudanar da bincike bisa abinda ke wakana tsakanin jarumi Hibairu da jaruma Amirat,
Kuka kuma abin da Binciken ya tabbatar mana cewa sam wannan tashin saman da suke yi babu aikin sihiri a cikin shi.
Ni kaina al'marin ya firgita ni kuma ya ɗimauta domin ko da a tarihi ban taɓa ganin wanda yayi wannnan aikin almara ba batare da yayi amfani da sihiri ba,
Sai dai irin mutanen nan da ake wa lakabi da ma'abota addinin Musulunci,
Ka da jin wannan bayani daga bakin Sarkin matsafa,
Sai takaici ya sake turnuƙe sarki shaibat yaji tamkar ya zare takobin sa ya afkawa hubairu sarkin sadaukai ya hallaka shi,
Kuma ya tambayi kanshi a cikin ranshi yana mai cewa
Shin tsakanin HUBAIRU da Amirat wane ne yakasance ma'abocin addinin musulunci?
Amma kuma yadda sunan ya nuna Amirat suna ne Musulmi,
Amma shi hubairu ya ƙarbi addinin ne ko kuwa,
Taya ya yake yin wannan abin bajinta batare da yayi amfani da sihiri ba,
Haƙiƙa idan har ɗaya daga cikin su yakasance
Musulmi abune mai matukar wahala bazasu samu nasarar lashe wannan gasa ba,
Koda ya sake zuwa Nan a tunaninshi sai yaji tamkar ya kwala ihu
Abangaren sarki Baddadul-ulƙas kuwa sa'adda yaga yadda jaruma Amirat take yaƙar hubairu cikin gwanin ta da kwarewar yaƙi,
Kuma babu alamun dake nuna cewa HUBAIRU zai samu nasara akan ta.
Sai hankalin sa ya dugunzuma ainun kuma ya fusata
Abinda ya dugunzuma hankalin shi shi ne yadda alamu ke nuna cewa abu ne mai matukar wahala hubairu ya lashe wannan gasar jarumtaka,
Shin ko kuwa hubairu baya tare da zoben sihirin sa ne,
Abin da ya fusata shi shine shin wace wannan boyayyen jaruma Amirat dake ƙoƙarin ganin ta tozarta shi,
A wannan gasa ta sanya yayi muguwar asarar dukiya mai tarin yawa wacce ban taɓa yin kamar ta ba.
Me ne ne dalilin daya sanya halarar tsafi na bata bayyana mini jaruma Amirat ba,
Haƙiƙa matsawar jaruma Amirat ta lashe wannan gasa sai na shafe Birnin su daga doran ƙasa koda kuwa kiyashin birnin su bazan bari a raye ba.
Lokacin da sarki Baddadul-ulƙas yazo nan a tunaninshi sai ya sake murtuke fuska tamkar an aiko masa da SAƘON MUTUWA.
A binda sarki shaibat da sauran jama'a basu sani ba shine
Bakomai yasanya Amirat take samun nasarar tashi sama batare da fuska fukai ba.
Sai domin ta na yin hakan ne bisa iko da karfin buwayar Ubangiji
Shi kuwa jarumi Hibairu yana samun nasarar tashi saman ne bisa sirrin tsafin dake jikin ZOBEN SHIRIN sa,
Abinda yasanya alƙalan gasar basu gane sihirin tsafin ba,
Sai domin bisa tsarin sirrikan tsafin dake jikin ZOBEN sune makarin dukkan sirrikan tsafin duniya,
Duk wani sirrin tsafi da ya haɗu da na jikin ZOBEN SHIRIN
Sai ya lalata sirrikan tsafin gaba ɗaya koda kuwa sun kai guda miliyan guda,
A tsakiyar filin fama kuwa an cigaba da yin ɗauki ba daɗi,
Jaruman sun wanzu suna kaiwa juna naushi da bugu cikin matukar zafin nama juriya da bajinta tagaban kwatance,
Ana cikin wannan fafatawa ne Hibairu da jaruma Amirat suka kaiwa juna wawan naushi a ciki,
A lokaci guda bisa Sa'a sai kowannen su ya samu ɗan uwan sa nan take su duka biyun suka sulale ƙasa,
Babu alamun rai a tare dasu har idanuwan su sun fara ƙafewa.
Lokacin da jama'a suka ga halin da manyan gwanayen biyun ke ciki,
Sai hankulan su suka dugunzuma ainun.
Har wasu daga cikinsu suka fara zubar da hawayen baƙin ciki.
Domin fargabar kada ace gwanayen su sun rasa rayukansu a wannan gumurzu.
A wannan karon ne gimbiya haya'ul-nur da Rumaisat suka baje a ƙasa suna haki, gami da hararar juna tamkar waɗansu zakaru,
Abangaren tawagar sarki Baddadul-ulƙas kuwa,
Wato dukkan sarakuna da jaruman da sukayi masa rakiya su ka ga halin da gwanin su SARKIN SADAUKAI Hibairu ke ciki sai kwallar takaici ta
A dai dai wannan lokaci shugaban alƙalan gasa wato sarkin yaƙi abu-Damraz ya lura cewa lokacin da aka ɗibarwa gasar ya kusa ƙarewa gashi babu alamun nasara ga dukkan bangarorin,
Sai kawai ya miƙe tsaye tsam daga kan karagar sa da nufin yace wani abu sai kawai ya jiyo gimbiya haya'ul-nur da Rumaisat daga filin gasar,
Ai kuwa yana dubawa sai ya ga ashe dukkan su san sake zubewa ƙasa ne babu alamun nasara,
Daga can sai kawai akaga HUBAIRU da Amirat sun miƙe tsaye zumbur tamkar haɗin baki gami da kaiwa juna bugu da naushi,
Tamkar babu wani abu da ya sameshi,
Koda ganin hakan sai gaba ɗaya jama'ar dake wajen suka ruɗe da shewar murna.
Jaruma nihla masoyiyar hubairu bata san sa'adda ta miƙe tsaye ba ta kama yiwa masoyin ta jinjina,
Sarki Baddadul-ulƙas da dukkan tawagar murna ce ta kama su ainun,
Ana fara wannan sabon artabu ne sai Hibairu ya shiga ambaton waɗannan kalmomi da yaji ameerat na ambata a duk lokacin da suka fara gumurzu wato Allahu Akbar!
Domin ya tabbatar dacewa tunda har nasara da jarumtakarsa bata sanya yayi galaba akan Amirat ba,
To lallai kalmomin da amirat ke amfani dasu zasu iya bashi nasara,
Domin dai ya samu nasara akan Amirat ɗin,
Amma wani abu daya fahimta shine tabbas jaruma Amirat Bata niyyar taga ta cinye shi a wannan gasa,
Domin sau arba'in tana samun damar da zata illatashi kada yayi nasara amma taƙi aiwatar da hakan,
Faruwar hakan keda wuya sai hubairu yaga cewa a halin yanzu yana samun nasarar kai Amirat ƙasa,
Har takai bata iya mayar da martani, ana cikin wannan hali ne hubairu ya shammaci ta ya gabza mata wawan naushi a gadon bayan ta.
Saboda da karfin naushi,
Sai da amirat tayi sama tamakar an janye ta da ƙugiya,
Sannan daga bisani ta faɗo ƙasa tim! Hancinta da bakinta na yoyon jini,
Numfashin ta na fita sama-sama, adai dai lokacin ne gimbiya haya'ul-nur da Rumaisat suka suka bajewa a ƙasa wanwar sakamakon naushin juna da sukayi a cikin su,
Sai da aka shafe tsawon daƙiƙa hamsin acikin wannan hali batare da an ga ɗaya daga cikin jaruman uku ya miƙa tsaye ba domin cigaba da artabu,
Har sai da badakaren dake busa ƙahon gasa ya ɗauko ƙahon ya busa sau uku amma babu wanda yayi yunkurin miƙewa.
Nan fa magoya bayan jaruma Amirat, gimbiya haya'ul-nur,da gimbiya Rumaisat suka shiga kiran sunayen gwanayen su domin su miƙe kafin wa'adin busa ƙahon ya cika.
Shi kansa sarki shaibat bai sa'adda ya shiga kwallawa yar shi gimbiya haya'ul-nur kira amma shiru kake ji.
Amma sai badakaren a kammala busa ƙahon gasar,
Abin da ya tabbatar dacewa sarkin sadaukai Hibairu shine ya zamo gwarzon daya lashe gasar GOGA SHA FAMA,
Nan fa fadar ta ruɗe da shewa, kide-kide da raye-raye kamar za'ayi shagalin nadin sarautar,
Saboda da murna,
Jaruma sunaila, Hizmal, Abidatul-auliya, Nuwairat,yaro Humair, matsafi shubairu,sarki shazwan da tawagar sa, aljani Marhutul-Azab da sauran dabbobi tawagar sarkin sadaukai basu san sa'adda suka shiga tiƙar rawa ba suna shewa da murna tamkar waɗanda suka zautu.
Sarki Baddadul-ulƙas kuwa kururuwar murna ya shiga yi tamkar wani tsohon mahaukaci,
Bisa ganin jarumin sa ya lashe gasar GOGA SHA FAMA ta sabuwar Shekara,.
Cikin hanzari dakaru na musamman suka shiga izuwa Filin yakin suka ɗauki
Jaruma Amirat, gimbiya haya'ul-nur da gimbiya Rumaisat abisa keken doki aka fice dasu daga filin gasar, domin duba lafiyar su,
Mu haɗu a littafi na 5 domin jin cigaban wannan ƙayataccen labari.
Daga Alkalamin
Mansur Usman Sufi
Sarkin Marubutan yaki
08137237071
GOGA SHA FAMA
End book
Writing by
MANSUR USMAN SUFI
Cikin kaɗuwa da matukar fushi da sarki shaibat bai taɓa yin kamar sa ba,
A wannan lokaci in da ace mutum yana tsaye a wannan waje sai ya rantse yace "garwashin wuta aka watsa masa akan fuskar tashi saboda yadda ya murtuke ta tamkar bai taɓa dariya ba.
Kawai ya miƙa tsaye zumbur daga kan karagar shi ya yabi bayan keken dokin da gimbiya haya'ul-nur ke ciki da sauri,
Dakarun shi na biye dashi cikin tashin hankali,
Sarkin yaƙi abu-Damraz kuwa saboda tashin hankali dakyar ya samu dama yayi wa mutane bayanin cewa
A gobe ne za'a gabatar da bikin naɗin Jarumi Hibairu a matsayin GOGA SHA FAMA,
Tare miƙa kyautuka gareshi da bawa wakilin daya sakashi a cikin gasar dukkanin dukiyar sauran sarakunan da jaruman su sukayi rashin nasara a cikin gasar.
Yana kammala jawabin ya miƙe zumbur yaja tawagar dakarun shi suka fiye daga fadar,
Shi kuwa jarumi Hibairu koda yaga an fice da jaruma Amirat cikin halin dake tsakanin Rayuwa da mutuwa sai ya tsinci kanshi cikin alamun tsananin damuwa da tausayin halin da take ciki,
Nan fa jama'a suka fara darewa suna ficewa daga filin gasar,
Gaba ɗaya tawagar sarki Baddadul-ulƙas suka dunguma suka tari sarkin sadaukai Hibairu suna masu yi masa jinjina.
Kai tsaye suka dunguma suka fice daga filin gasar domin komawa izuwa masaukin su.
Lokacin da tawagar sarakuna da jarumai suka yiwa da suka yiwa Sarkin sadaukai Hibairu rakiya izuwa Filin Garsar goga sha fama,
Sai suka ci-gaba da tafiya acikin saƙo da lungu na birnin madinatul-shaja'a.
Duk inda suka zo giftawa sai kaga jama'a suna yiwa Hibairu jinjina suna ɗaga mashi hannu.
Haka dai suka shiga da tafiya acikin birin har suka iso izuwa masaukin su.
Kai tsaye aka dunguma izuwa ciki, bayan dakarun dake tsaron kofa sun wangame kofar shiga masaukin.
Da yake a wannan lokaci duhun magari ba ya kawo kai sai sarki Baddadul-ulƙas yayi Umarni aka kunna dukkan fitulun dake gidan ya kaure da haske ɗau!.
Lokacin da hubairu ya shiga izuwa masaukin shi sai ya kasa zaune ya kasa tsaye ya wanzu yana kai komo.
Bakomai na sanya shi a cikin wannan hali ba sai tunanin halin da jaruma Amirat ke ciki.
Nan take ya raya a ranshi cewa haƙiƙa komai tsananin duhun dare kafin wayewar gari sai ya ziyarci jaruma Amirat a sirran ce batare da wani ya sani ba.
Yana cikin wannan hali ne yaji an kwankwasa kofar turakar.
Kawai sai yayi gyaran murya da nuna bayar da umarnin shigowa.
Kofar tayi ƙara tana kammala buɗe wa sai yayi arba da ita ba wata bace face jaruma
Nihla,
Sannu a hankali ta iso daf dashi, tana sakarmashi ƙaytaccen murmushi,
Shima martanin murmushin ya shiga mayarta.
Fuskar ta cike da annuri ta dubeshi
tace "ya masoyiyina ina fatan kana cikin ƙoshin lafiya, hankali yakasa kwanciya, shi yasa ya yanke shawarar cewa dole sai nayi arba dakai sannan zan iya samun runtsawa.
Murmushi ya sakar mata bisa jin daɗin furucin nata, ya buɗi baki yayi gyaran murya.
Yace "ina matuƙar alfahari dake ya farin cikin zuciyata, haƙiƙa ina cikin ƙoshin lafiya.
Nihla cikin mamaki.
"Amma ina dalilin rashin barcinka a lokacin daya kamata ace ka kwanta domin warware gajiyar dake tare dakai, domin a gobe da safe ka tashi da kwarin jiki, a lokacin da za'a baka lambar girmamawa ta Zakaran GOGA SHA FAMA.
Koda jin wannan batu daga bakin masoyiyarshi sai hankalin shi ya dugunzuma bisa tsoron kada ta fahımcı akwai wata damuwa a tare dashi.
Sai yayi gyaran murya yace "ya rabin raina haƙika bakomai ne ya hanani rintsawa ba sai bisa ga dalilai guda biyu.
Na farko shine tunanin a wane hali mahaifina yake ciki a hannun sarki Baddadul-ulƙas.
Dalili na biyu tsaron kada sarki Baddadul-ulƙas yaci amanata ya yaudareni, a kowa ne hali dakarun sumame zasu iya kawo mini farmaki akoda yaushe.
Koda dai na mai girma shaibat ko na sarki shuraihu domin su hallakani.bisa jin haushi da baƙin cikin faɗuwar su gasar GOGA SHA FAMA.
Da jin wannan bayani sai Nihla ta gyaɗa kai alamar gamsuwa gami da tausaya wa.
Tace "tabbas maganar ka gaskiya ce amma baka ganin cewa duka gidan nan cike yake da dakarun tsaro, bana tunanin akwai hanyar da wani zai kawo farmaki.
Hibairu yayi murmushi yace "Zancen ki dutse ne amma kada ki manta masu iya magana na cewa.
"Komai sammakonka wani a hanaya ya kwana ".
"Kuma idan kana dakyau ka ƙara da wanka".
"Zance ka dutse ya sarkin sadaukai.
Nihla ta faɗa tana mai juyawa domin ficewa daga turakar gami da sakar mashi ƙayataccen murmushi.
Koda ficewar ta daga turakar sai ya shiga sanya waɗansu kayatattun tufafi baƙaƙ, ya rufe fuskar sa da rawani ya rataya wata zabgegiyar takobi a gadon bayanshi.
Yana kammala hakan sai ya kawai ya murza zoben sihirin dake hannunshi, take ya ɓace ɓat tamkar bai taɓa wanzuwa ba.
Ko da ɓacewarshi da kamar daƙiƙa goma ba sai ga waɗansu miyagun halittu ya ketowa daga jikin bangwayen turkar, tamkar yadda danshi ke tsattsafowa daga ƙasa.
Sannu a hankali suka dunga bayyana suna fitar da wani irin gurnani mai ban tsoro.
Yayin da suka kammala bayyana sai suka bincike turakar saƙo da lungu.
Al'amarin jarumai Hibairu kuwa, lokacin da ya ɓace daga turakarshi bai bayyana a ko ina ba, sai a nesa ƙaɗan da masaukin su.
Sannan ya cigaba da tafiya cikin ɗarɗar yana mai waige-waige, domin yana ganin cewa a kowa ne lokaci za'a iya kawo mashi farmaki.
Yana cikin wannan tafiya ne kwatsam bazato babu tsammani sai yaga waɗansu irin zaratan dakaru marasa adadi na fitowa daga cikin kowace kusurwar dake unguwar.
Kafin yayi wani yunkuri sunyi mashi ƙawanya suna gurnani da hargagi tamkar zasu ci babu.
Dakarun suna shirye cikin gagarumar shigar yaƙi mai matukar kwarjini daban tsoro, suna ɗauke da makamai na ƙare dangi.
Komai dakewar zuciyar mutum idan yayi arba dasu dole ya ɗimauce saboda kwarjininsu.
Cikin matuƙar zafin nama HUBAIRU ya zare takobinshi aka fara kallon-kallo tsakanin su, na tsawon daƙiƙa arba'in.
Daga bisani wani garjejen ƙato,wanda da alama shine shugaban su ya buɗi baki cikin kakkausar murya tamkar saukar aradu yace.
"Yakai Hubairu ina so yanzu take ka miƙo mini zoben sihirin dake hannunka cikin ruwan sanyi,domin na yanke maka kisa mafi sauƙi ta hanyar tsinke maka wuya.
Idan kuwa kayi taurin kai, yanzu zan umarci tawagata ta gididdiba sassan jikinka, ta yadda kowa tsuntsaye basu damar tsatstsagar namanka ba.
Koda jin wannan batu daga bakin katon, sai hubairu ya bushe da dariyar mugunta, daga bisani ya murtuke fuska tamkar an aiko masa wasikar ajali, ya dube sa yace "yakai wannan katon banza kayi sani cewa ka tafka babban kuskure da kake bani umarni.
Nine yafi cancanta na baku umarnin, yanzu kafin na zare ruhikan ku daga gangar jikkunan ku ina so ku sanar dani shin wane mai ɓatar basirar ne ya turoku domin ku hallakani?.
Kafin Hubairu ya gama rufe bakinshi, ƙaton ya tari numfashin shi yana mai daka masa tsawa yace"tabbas yanzu zan ganar dakai kuren ka zan hallaka kuma na tafi da ZOBEN SHIRI, domin sanin wane ne ya aiko mu gareka ya huce tunanin ka.
Kafin ya gama furucinshi, dakarun sun zare makamansu sunyi ɗauki izuwa kan hubairu, suna ihu da kururuwa mai firgitar DANDAZON MAYAKA a filin daga,
Shi kuwa ya tare su aka fara ɗauki badaɗi, duka ɓangarorin biyu suka wanzu suna kaiwa juna sara da suka cikin matuƙar zafin nama juriya da bajinta tagaban kwatance.
Wohoho! Maza gumbar dutse, haƙika inda babu ƙasa nan ne ake gardamar komowa.
Nan fa ƙarar karafniyar ƙarafa, ihun mazaje haɗe hargagi ya cika dodon kunne.
Sai da aka shafe tsawon rabin Sa'a da daƙiƙa talatin ana wannan artabu babu sassauci.
Nanfa dukkan bangarorin biyu suka fara gane kuren su, shi hubairu ya cika da mamakin yadda dakarun ke da zafin naman sa yakasa samun nasarar hallaka su.
Su kuwa suna al'ajabi ne bisa ganin cewa duk yawan su ya tashi a banza, halitta ɗaya ta zamemusu alaƙaƙai.
Lokacin da Sa'a ɗaya ta shuɗe ne ana wannan fafatawa,wani daga cikin mayakan ya sulala ta bayan hubairu ya makashi ƙoatar takobin sa, saboda raɗaɗin da hubairu yaji, bai san sa'adda ya kurma ihu ba.
Kafin yayi wani yunƙuri badakaren ya sake dankara mashi wawan sara a gadon bayan shi,take in da ya sareshin ya haddasa wani lafcecen rauni jini ya kama feshi yana tsartuwa.
Hubairu ya sake kurma ihu karo na biyu ya sulale ƙasa magashiyan yana nishin wahala,
Kawai sai wannan garjejen kato ya zare wani zabgeegen al'amudi a damtsen shi ya taka da kafafunshi har izuwa in da yake kwance, sannan ya ɗaya ɗaga al'amudin domin ya tarwatsa ƙoƙon kan Hubairu.
Kwatsam bazato babu tsammani sai sauran dakarun suka ji shugaban su ya tsandara ihu, ya sulale ƙasa matacce ko shurawa bai yi ba.
Al'amarin daya firgita su kenan suka ja da baya domin suga wane ne yayi kisan, ai kuwa sai suka akayi arba da wata bakuwar jaruma
Sanye da fararen tufafi masu yalwa, ta rufe fuskar ta da siɗin rawani, hannunta rike da wata ƙasaitacciyar kwari da baka.
A sannanne dakarun suka fahimci cewa Jarumar tayi amfani da kibiyoyin ta wajen hallaka shugaban nasu, don Allah sai jikinsu Yakama tsuma yana kyarma saboda matuƙar fushi sukayi jarumar ƙawanya,
Wani daga cikin jaruman ya kurma wawan ihu yayi ɗauki kan jarumar yakaimata wani wawan sara a wuya, Cikin wani irin baƙin zafin nama ta sanya bakanta ta kare harin sannan ta daki badakaren a kirji.
Take ya faɗi ƙasa matacce ko shurawa bai yi ba, cikin zafin nama jarumar ta buɗe baki ta karanti waɗansu kalmomi da ita kaɗai tasan me take furtawa , ta tsugunna ƙasa ta tofa a bisa raunin dake gadon bayan Jarumi Hibairu,
Take raunin ya warke sumul, adai dai lokacin da hubairu ya miƙe tsaye cikin ƙoshin lafiya, yana mai ƙura wa ɓakuwar jarumar idanu ko ƙiftawa ba yayi.
Yana mai tambayar kansa a cikin ranshi yana cewa shin wacece wannan bakuwar jaruma, kuma mene ne dalilin daya sanya ta ceci rayuwata, shin ko kuwa jaruma Amirat ce tayi badda-kama, amma kuma ai Amirat na cikin jinyar rashin lafiya yaushe ta samu lafiya.
Amsar tambayar da hubairu yakasa bawa kanshi kenan, adai-dai da dakarun suka kammala yi musu ƙawanya.
A na cikin wannan hali ne kwatsam sai aka hango wadansu dakaru na daban kuma mabanbanta na fitowa daga kowace kusurwa a birnin,waɗansu akan dakwai wasu a ƙafa.
Lokacin da suka kammala bayyana asannanne hubairu ya lura dacewa ba wasu bane ke jagorancin mayaƙan ba face Sarki shaibat da sarkin yaƙi abu-Damraz.
Yayin da dakarun suka yi arba da mai girma shaibat sai suka dare a tsakiyarsu suka bayar da wata hanya da mutum zai iya hucewa.
Sannu a hankali Sarki shaibat na ratsa tsakanin kafaɗun dakarun har ya bayyana daf inda Hibairu da baƙuwar jaruma take.
Tsawon daƙiƙa hamsin ana cikin wannan hali sai daga bisani ne sarki shaibat ya dubi hubairu yayi gyaran murya cikin matukar fushi fuskar shi har gyatsine take yi yace"yakai Babban abokin gaba na har abada hubairu ibn Shabbaru kayi sani cewa haƙiƙa kana da tsanin sa'a da rabo da har ka iya tsalle ke tarkona, ka sani cewa a halin yanzu bazaka tsira da rayuwarka ba, domin ka maimaita laifin da mahaifinka Barde Shabbaru yayi mini.
Yanzu abinda nake bukata kawai shine ka miƙo mini zoben sihirin cikin ruwan sanyi, kafin sarki shaibat ya gama rufe bakin shi sai akaji wata murya taɓa cewa "Haƙika nine nafi cancanta daya mallaki zoben sihiri face domin kuwa sai a yanzu ne na gano cewa ashe ma aikin banza nake yi dana ɓata lokaci wajen mallakar dukiyar gasar GOGA SHA FAMA.
Cike da matuƙar al'ajabi sarki shaibat, hubairu,baƙuwar jaruma suka waiga domin suga wanda yake wannan furuci, yayin da suka yi arba dashi sai suka yi turus!.
Ba wani ne bane face Sarki Baddadul-ulƙas shirye cikin gagarumar shigar yaƙi mai matukar kwarjini daban tsoro tamkar wani ifritu,hannun shi na hagu rike da wani irin makami na haske, na hagun kuwa rike da sarƙa ta wuta, wani dattijo ne ɗauke da jikin sarƙar ta ɗaure sassan jikinshi, ba wani ba ne dattijon ba face Barde Shabbaru mahaifin sarkin sadaukai Hibairu.
Sa'adda hubairu yayi arba da halin da mahaifishi ke ciki, bai san sa'adda kwalla ta cika Mashi idanu.
Sarki Baddadul-ulƙas ya bushe da dariyar mugunta sannan ya murtuke fuska ya ɗorawa dacewa "Binciken dana gudanar bisa halarar tsafina ya tabbatar mini dacewa duk wanda yake tare da zoben sihiri zai mulki duniya, domin, zai iya lalata dukkan sirrikan tsafin dake duniya, domin dukkan makarin tsafin dake duniya na jikinshi, yakai Hubairu kayi sani cewa, a halin yanzu mallaka mini zoben sihiri domin kuwa hakan ne zai sanya na cire mahaifin ka daga wannan kangin bauta, idan kuwa kayi kunnen uwar shegu dani yanzu zan hallakashi a gaban idanun ka kuma na kashe na mallaki zoben cikin ruwan sanyi.
Koda jin wannan batu daga bakin sarki Baddadul-ulƙas sai hawaye suka zubo daga idanun hubairu yaji tausayin mahaifin shi ya sake kama shi, kawai sai ya sanya hannu na dama akwai na hagu zai cire zoben sihiri ya
Da nufin ya miƙa wa Baddadul-ulƙas, amma sai baƙuwar jarumar ya dakatar dashi ta hanyar buɗar baki ta fara magana a karo na farko cikin Daddaɗar Murya tace"yakai sarkin sadaukai kayi sani cewa a yau ne zaka tabbata jarumi Ɗan baiwa, amma hakan bazai cika ba face ka rushe zaluncin wadannan sarakuna biyu, Baddadul-ulƙas da shaibat
Da ma dukkan zaluncin dake ɗoran ƙasa,
Ta hanyar amfani da wannan zobe.
Ka sani cewa damƙa shi ga sarki Baddadul-ulƙas tamakar ka damƙa rayuwarka da sauran al'ummar duniya cikin rayuwa da mutuwa, shin yanzu kana da tabbacin cewa sarki Baddadul-ulƙas bazai ci amanar ka ba idan ka mallaka ma shi zoben?.
Koda jin wannan jawabi haɗi da tambaya daga bakin baƙuwar budurwar sai Hibairu ya mayar da zoben bisa ɗan yatsanshi,
Shi kuwa sarki Baddadul-ulƙas sai ya bushe da dariyar mugunta ya dubi baƙuwar jarumar cikin tsakanin fushi yace"yake wannan jarumar ɓoye haƙiƙa kin tafka babban kuskure da kika shiga gonar da ba taki ba.
Yanzu nan zan ganar dake kuren ki, yana gama faɗin hakan sai kawai cilla sarƙar da dake hannun sa izuwa sama,take Barde Shabbaru dake ɗaure da sarƙar yayi sama tamkar an janye shi da ƙugiya ya tsaya a cikin iska, sannan Baddadul-ulƙas ya ɗaga wannan makami na haske dake hannun shi ya ruga izuwa kan baƙuwar jarumar yana ihu da kururuwar mai firgitarwa
Koda ganin hakan sai mai girma shaibat ya zare wata sharbebiyar takobi a damtsen shi ya kurma Wawan ihu yayi ɗauki kan Hubairu sarkin sadaukai.
Ana haɗuwa akayi karon batta ƙarfe, nan fa GWARAZAN JIYAn suka wanzu suna kaiwa juna sara da suka cikin matuƙar zafin nama juriya da jarumtaka irin ta zaratan Jarumai.
Lokacin da GWARAZAN JIYA huɗu, sarkin sadaukai,mai girma shaibat, Baddadul-ulƙas da baƙuwar jaruma suka ruguntsume da azababban yaƙi.
Sai suka wanzu suna kaiwa juna miyagun hare- hare cikin matuƙar zafin nama juriya da jarumtaka irin ta zaratan Jarumai.
Wohoho haƙiƙa masu iya magana sunyi gaskiya da suka ce idan Manyan giwaye suka fito filin daga, dole kananan dabbobi su zamo yan kallo, hakan ya faru ga sauran dakarun koda sukaga shuwagabannin su sun kacame da azababban yaƙi sai suka zamo yan kallo.
Kyan faɗa akwana ana yi inji masu iya magana, sai ɓangarorin huɗu suka shafe tsawon rabin Sa'a da daƙiƙa talatin Suna ɗauki ba daɗi ta hanyar kaiwa juna miyagun hare-hare tamkar waɗansu ifritai.
Duk sa'adda sarki Baddadul-ulƙas ya kaiwa naƙuwar jaruma sara da makamin dake hannun sa idan ya haɗu da takobin ta sai kaji sun fitar da sautin ƙara ƙal! Ƙal, kuma tartsatsin wuta ya tashi,
Sa'adda Baddadul-ulƙas yaga cewa ya kasa samun nasara akan baƙiwar jaruma sai ya fusata ainun kuma ya faɗa izuwa kogin tunani,
Abu na farko daya faɗo mashi a rai shine, shin mene ne dalilin da yasa sanya ya kasa samun nasara akan jarumar duk da cewar a zahiri ya fita karfin damtse da salon yaƙi, abu na biyu shine haƙiƙa idan yayi jinkirin kawar da ita sarki shaibat ya samu nasara akan Hibairu to zai riga shi mallakar zoben sihiri
Lokacin da Baddadul-ulƙas yazo nan a tunanin shi sai kawai ya zage damtse yana cigaba da kaiwa naƙuwar jaruma sara da suka cikin ɓakin zafin nama, amma sai wani tunanin da ya faɗo mashi shine anya kuwa wannan ba jaruma Amirat ba da ta fafata yaƙi da hubairu a gasar GOGA SHA FAMA ba, amma idan kuwa har ita ce ɗin akwai babbar damuwa domin kuwa komai zai iya kasance, domin binciken da na gudanar bisa halarar tsafina ya tabbatar mini dacewa da sani Amirat ta faɗi wannan gasa domin hubairu ya samu nasara.
Lokacin da ya sake zuwa nan azancenshi sai zuciyar shi ta buga da karfi, amma saboda ƙi faɗi irin ta hamshakan sarakai sai ya bar abin a ranshi.
Abangaren mai girma shaibat da sarkin sadaukai kuwa sun wanzu suna kaiwa juna sara da suka babu sassauci. Ga duk wanda ke kallon yadda artabun ke wakana zai fahimci cewa mai girma shaibat ya nunkashi a karfin damtse sau huɗu.
Abinda ke ceton hubairu shine naci da zafin nama, amma badan hakan ba da tuni shaibat ya samu nasara akan shi.
Lokacin da kowannen su yaga cewa yakasa samun nasara sai ya faɗa izuwa kogin tunani domin samun mafita.
Abu na farko daya faɗo sarki shaibat shin yaza'ayi ace gwarzon mayaƙi kamar shi ya kasa samun nasara akan Hibairu, yaushe aka samu wani hatsabibin jarumi a wannan nahiya dazai fishi karfin damtse, ko kuwa zarginshi ya tabbata na cewa hubairu ya ƙarɓi addinin Musulunci ne ,haƙiƙa idan kuwa haka ne akwai baban matsala akoda yaushe zan iya kunyata domin ma'abota addinin Musulunci hatsabiban mutane ne da babu su a wannan duniya baki ɗaya, haƙiƙa wajibi ne na ƙara zage damtse.
Aɓangaren hubairu kuwa abinda ya faɗo mashi a rai shine shin ya akayi yana tare da zoben sihirin shi amma ya gaza samun nasara akan shaibat, abu na biyu daya faɗo mashi a rai ne matsawar kana son kayi nasara, wajibi ne ka kayi amfani da waɗannan kalmomi na jaruma Amirat waɗanda ka karanta su har ka samu nasarar lashe gasar GOGA SHA FAMA.
Lokacin da dukkan suka zo nan a tunanin su sai suka canza salon faɗansu, sarki shaibat na karanta muhimman sirrikan tsafi a ranshi,
Hubairu kuma ambaton sunayen Ubangijin jaruma Amirat a cikin ranshi.
Gaskiyar masu iya magana da suka ce idan kiɗa ya canza dole rawa ma ta canza, faruwar hakan keda wuya sai hubairu ya fara samun nasara akan shaibat, duk sa'adda sarki shaibat ya kai mashi hari idan ya kare kafin ya sake mayar da martani, hubairu ya soka mashi mashinshi a wani ɓari a jikinshi jini ya kwatanta.
Abinda shaibat bai sani ba shine bakomai ya sanya sihirin shi yaƙi yin tasiri ba sai domin zoben sihirin hubairu bazai bari nashi na yayi tasiri ba.
Kamar yadda ya wakana abangaren su hubairu,haka al'amarin yakasance ga su Baddadul-ulƙas, a inda baƙuwar jaruma ta fara samun nasara akan shi har takai ga cewa baya iya mayar da martani ya shiga yin amfani da sihiri amma sai ya zamana ya tashi abanza domin kuwa duk sihirin daya turawa jarumar da ya doshi inda take sai su zama hayaƙi su ɓace ɓat.
Ana cikin wannan yaƙi ne mai girma shaibat ya shammaci hubairu ya gabza mashi naushi a ciki, saboda karfin naushin sai da ya yayi sama tamkar an jashi da ƙugiya amma ya daɗo ƙasa yana mai amai na jini lokacin daya dunga birgima aƙasa yana mai dafe cikinshi saboda yadda yake murɗamshi.
Koda samun wannan nasara sai shaibat ya suri mashin hubairu daya faɗi can gefe guda ya taka dakyar har izuwa inda yake ya ɗaga Mashin domin ya caka akan saitin zuciyar hubairu, yana mai yi mashi murmushin mugunta.
Al'amarin daya sanya hankalin baƙuwar jaruma ya dugunzuma ainun kenan ta juya domin kaiwa hubairu ɗauki, kafin tayi taku biyu Baddadul-ulƙas ya sammace ta ya maka mata wani makami a tsakiyar kanta, take ta sulale ƙasa sumammiya babu alamun numfashi a tare da ita.
Kwatsam bazato babu tsammani sai a kaga waɗansu zaratan kibbau sun dira akan gadon bayan sarki shaibat sun faso ta ƙirjinshi jini ya dunga kwaranya yana tsartuwa tamkar an buɗe kan fanfo.
Al'amarin daya sanya shaibat ya saki makamin dake hannun shi kenan, ya kurma wawan ihu yana mai durkushewa ƙasa domin yaga wanda ya harbeshin.
Ai kuwa sai ya yi arba da ita ba wata bace face jaruma Amirat zaune a bisa kan wani matashin aljani,zaune a gefen ta na dama wata tsaleliyar kyakkyawar budurwa tagaban kwatance, waɗansu tawagar aljanu marasa adadi na biye da ita cikin shigar yaƙi tamkar masu shirin yaƙar duniya, suna saukowa daga sararin samaniya.
Nan fa kowa dake wajen ya shiga da matukar al'ajabi, musamman jarumi Hibairu SARKIN SADAUKAI dake kwance a ƙasa magashiyan
Shi kuwa sarki Baddadul-ulƙas saboda ya matuƙar al'ajabin ya manta da baƙuwar jaruma da ya sumar ya ɗaga kanshi sama yana ƙarewa Jaruma Amira kallo cikin tashin hankali,yana mai tambayar kanshi a cikin ranshi yana mai cewa "shin kenan baƙuwar jarumar da nake fafatawa da ita ba ita ce Amirat ba, yaushe Amirat ta samu lafiya, sannan a ina ta ɗauko wannan tawagar aljanu da idanu basu taɓa ganin irin su ba.
Amsar tambayayin daya kasa bawa kanshi kenan.
Kwatsam bazato babu tsammani sai aka ga sarkin sadaukai Hibairu ya miƙe tsaye zumbur cikin koshin lafiya ya suri waɗansu takubba biyu ya ɗora akan wuyan sarkin shaibat ya tsinke mashi kai, kan yayi fitar burgu,jini ya dunga feshi yana kwaranya, ganagar jikin ta faɗi ƙasa rikici! .
Kaico! Haƙiƙa kafirci rayuwar banza ce, ina da ace mutum yana tsaye a wannan waje zai ga yadda gawar mai girma shaibat ta wulakanta kwance a ƙasa, dole yayiwa Allah godiya bisa ganin yadda Allah ya kawo karshen azzalumi.
Cikin wani irin baƙin zafin nama HUBAIRU ya daga tsalle sama, sai gashi yana taka kawunan dakarun dake tsaye a wajen tamkar yana tafiya a turba, cikin abinda bai gaza daƙiƙa goma ya dira a dai-dai saitin in da sarki Baddadul-ulƙas ke tsaye tun a saman ya kai mashi wani wawan sara a kafaɗar shi.
Bisa sa'a sai gashi ya sare hannun shi ɗaya, Baddadul-ulƙas ya kurma ihu lokacin da jini ke feshi daga dungulmin hanuun.
Cikin ɓakar zuciya Baddadul-ulƙas ya sanya hannun sa ɗayan ya kaiwa hubairu naushi a fuska.
Cikin zafin nama HUBAIRU ya wurƙila ya zamewa harin ya sake sanya takobin shi ya sare ɗayan hannun, Baddadul-ulƙas ya sake kurma ihu ya durkusa kasa bisa gwiwoyinshi, haka dai hubairu ya shiga sare gaɓoɓin Baddadul-ulƙas ɗaya bayan ɗaya, duk sa'adda ya sarewa wata gaɓar sai sarkar tsafin data ɗaure mahaifinshi Barde Shabbaru ta ɓace ɓat.
Lokacin da yazamana cewa kai ne kawai ya rage da gangar jiki a tare da Baddadul-ulƙas sai Barde Shabbaru ya faɗo ƙasa daga sararin samaniya babu komai na sarkar tsafin a tare dashi, kuma a dai-dai wannan lokaci ne tawagar su saurayi Hizmal suka iso wajen filin fafatawar tare da dabbobin hubairu, kuma jaruma Amirat da tawagar aljanun dake biye da ita suka sauka a turba.
Sa'adda su Hizmal suka ga gawar mai girma shaibat a ƙasa, kuma suka yi arba da sarki Baddadul-ulƙas cikin mummunan yanayin dake tsakanin Rayuwa da mutuwa, sai suka cika da matukar mamaki da farin ciki.
A bangaren Dabbobin hubairu kuwa koda sukayi arbda da Baddadul-ulƙas sai kawai suka afka masa suka shiga yaga sassan jikin shi kafin wani lokaci babu wani abu na jikinshi da basu cinye ba face kans hi.
Kaico! Haƙiƙa mutuwar azzalumai ba ta da daɗin kallo, yanzu dai gashi duk kasaita da dukiya, sihiri gami da jarumtaka da sarki Baddadul-ulƙas ke takama dashi sun zamo a banza yayi mutuwar wulakanci, wacce dabbobi ne ma marasa daraja suka kashe shi wanda shi bai ɗauki rai na ɗan adam a bakin komai ba.
Cikin matukar kwaɗuwa hubairu ya durƙusa a gaban baƙuwar jaruma domin yaga a wane hali take ciki, amma sai yaji taja dogon Gwauron numfashi ta miƙe tsaye cikin koshin lafiya, dai dai lokacin da jaruma Amirat ta iso inda take tsaye suka rungume juna cikin matuƙar farin ciki, koda ganin sai hubairu ya riga izuwa inda mahaifinshi yake tsaye suka rungume juna suna masu fashewa da kukan farin ciki.
A sannanne gumbiya Zarifa dake tare Amirat ta hango mahaifinta sarki uslaim don haka sai ta ruga gareshi suka rungume juna suna masu zubar da hawayen farin cikin sake saduwa da juna,
Ashe shi ma aljani Marhutul-Azab ya lura cewa wanɗannan tawagar aljanu da ke tare da Amirat ba wasu ba ne face zuri'arshi dake bukatar jarumi Hibairu ya ceto su daga fadar sarkin bokayen Duniya, kawai sai ya ruga garesu cikin farin cikin saduwa da juna.
Bayan komai ya samu lafawa kuma jama'ar gari sun taru a wajen lokacin alfijir ya keto sai jaruma Amirat ta shiga yiwa jama'a bayanin yadda akayi ta samu nasarar zuwa fadar sarkin bokayen Duniya a cikin sa'o'i kaɗan har ta ceto rayuwar gimbiya Zarifa yar sarki uslaim tare da zuri'ar aljani Marhutul-Azab da ruhukansu dake ajiye a cikin akwatun shiri, tun daga farko har ƙarshe ta zayyanewa jama'a.
Sa'adda jama'a suka ji wannan bajinta gami da karfin Ubangijin halitta sai suka kara cika da mamaki da imani da Allah (SWT).
Jarumi Hibairu da mahaifinshi Shabbaru ne suka fara ƙarbar kalmar shahada a hannun Amirat, sannan jaruma sunaila, Hizmal, Abidatul-auliya,Nuwairat,yaro Humair makaho, matsafi shubairu, budurwa Nihla,sarki shazwan da tawagar bokayen shi,gimbiya, boka ƙarzum, aljani Darmanu tare da tawagar aljani Marhutul-Azab sai dukkan jama'ar gari da suka bayyana a wajen,
A wannan waje ne wani abu ya faru domin kuwa bayan sarauniya Abidatul-auliya da masoyinta matsafi shubairu sun faɗi kalmar shahada nan take suka ji wannan cutar kuturta dake tsagin jikin su ta daina yi musu ciwo yayin da suka duba kuwa sai suka ga babu komai tamkar cutar bata taɓa wanzuwa ba, yaro Humair makaho kuwa shi sai yaga idanunshi yana iya ganin kowa alamar ya samu lafiya.
Nan fa suka ji sun ƙara imani da ubangijin musulunci.
Kashe gari tun da duku-dukun safiya fadar margayi shaibat ta cika ta batse da jama'a babu masaka tsinke domin yin naɗin sarautar hubairu sarkin sadaukai tare da ɗaurin aurenshi da Budurwa Nihla, sarauniya Nuwairat, jaruma Amirat da gimbiya haya'ul-nur yar mai girma shaibat tare gumbiya Rumaisat yar sarki shuraih,tare naɗin wazirin shi sarkin yaƙi abu-Damraz bayan shima ya karbi addinin Musulunci,
Saurayi Hizmal suka zai auri jaruma sunaila da baƙuwar jaruma ba wata bace wannan baƙuwar jaruma ba face amrita wacce suka kasance Hassana da Husaini ga jaruma Amirat, lokacin da fuskar ta ta bayyana a fili sai da kowa ya cika matuƙar al'ajabi bisa ganin yadda kamannin baƙuwar suka zo ɗaya sak da na Amirat tamkar an tsaga kara.
Sarki shazwan kuwa zai auri gimbiya yar uwa ga jaruma sunaila,
Sarauniya Abidatul-auliya kuwa da matsafi shubairu masoyin ta.
Sarki Hamza mahaifin jaruma Amirat ne ya zamo waliyin amaren, wani hadimin shi mai suna Salman kuwa ya zamo waliyin angwaye.
Bayan anyi shagin ɗaurin aure da naɗin sarauta dukiyar da za'a bawa hubairu ta nasarar cinye gasar GOGA SHA FAMA kuwa sai yayi umarni aka dunga rabawa talakawan gari tare bawa dukkanin bayin kurkuku da aka 'yan tasu.
Haƙiƙa anyi gagarumin shagalin da ba'a taɓa yin kamar shi ba iya Tsawon wanzuwar birnin madinatul-shaja'a, domin kowa ya wadata da arziki mai tarin yawa.
Bayan mako guda ne da faruwar hakan sai sarki Hubairu yayi umarni ga waɗannan aljanu yan uwan aljani Marhutul-Azab suka ɗauki Sarauniya Abidatul-auliya da angwanto, sunaila da nata aka kai su izuwa kasashen su,
A inda matsafi shubairu yazama sabon Sarkin birin Tehran,saurayi Hizmal kuwa yazamo sabon sarkin birin Baitul-mausul, bayan ya warkar da sarki ishwar mahaifin jaruma sunaila daga lalurar dake damunshi bisa ikon Ubangijin musulmi batare da anyi amfani da tsumin tsafin dake fadar sarki bokayen Duniya ba , yarima ubaiyu ya zama wazirinshi, yarima zaiyum kuwa ya zama shugaban majalissar sarki bayan sun karɓi addinin Musulunci, kuma suka janye gabar dake tsakanin su da yar uwar su jaruma sunaila.
Sarki shazwan da amaryar shi Gimbiya Hushriba yar uwata ga sunaila suka kasance cikin aminci,
Lokacin da aljani Darmanu ya ɗauki sarki uslaim, boka ƙarzum da gimbiya Zarifa bai zame ko ina sai tsakiyar birnin baharen ya sauka a turba,
Nan fa farin ciki ya kama jama'ar bisa dawowar gimbiya Zarifa da sarki, kuma a wannan rana aka ɗaura auren boka ƙarzum da gimbiya Zarifa
Sarki Hamza mahaifin jaruma Amirat ya koma izuwa birnin madinatul-salam bayan ya aika da malaman addini izuwa dukkan kasashen daban-daban.
Yaro Humair makaho ya ci gaba da kasance tare da sarki Hubairu, daga wannan rana hasken musulmi ya mamaye ko ina a duniya, a kawo KARSHEN ZALUNCI da azzalumai, adalci ya cigaba da wanzuwa.
ƘARSHE
Alhamdulillah
Daga mai ɗebe maku kewa a kullum da Koyaushe
Sarkin marubuta littattafan Yaƙi
MANSUR USMAN SUFI
08137237071
Downloaded From https://tknovels.com.ng
Rubuta Labari
MANSUR USMAN SUFI
Sarkin Marubutan Yaki
Free book
Ba wasu ba ne face sarauniya Nuwairat tare da boka Jadwar dake farautar Budurwa Nihla domin su hallaka ta,
Domin Nuwairat ɗin ta samu nasarar kasance mace ta farko da Hibairu zai fara gani a rayuwar sa kuma ta samu soyayyar sa.
Nan fa sabon kallon kallo ya fara guda na tsakanin sarauniya Nuwairat da budurwar Nihla dake tsaye hannun ta riƙe da takobi,
Bisa mamaki a wannan karon sai sarauniya Nuwairat taga Nihla ta ƙura mata idanu babu tsaro ko fargaba a tare da ita duk kuwa da irin kwarjinin ta,
Abangaren jaruma Husnaila kuwa koda ta gama faɗin hakan sai yar uwar ta gimbiya Hushriba ta zare waɗansu tagwayen takubba guda biyu a gadon bayan ta ta falfala da azababban gudu izuwa kan ta, tana mai ihu da kururuwa mai firgitar wa, Koda ganin hakan sai sunaila ta falfala da gudun izuwa kan ta riƙe da takobi domin tarar juna,
Tamakar haɗin baki a lokaci guda jaruman kowane bangare sukayi kukan kura domin yin karon battar karfe,
Sarki shazwan da boka Dargas suka ruga izuwa kan saurayi Hizmal, Sarauniya Nuwairat da boka Jadwar suka ruga izuwa kan Budurwa Nihla,
Aljani Marhutul-Azab da aljani Darmanu suka tari juna,
Sarki uslaim da boka ƙarzum kuwa sai suka tari tawagar sarki uslaim domin ganin sun tseratar da yaro Humair domin shine abin buƙatar su.
Lokacin da aka ruguntsume da azababban yaƙi tsakanin jaruma sunaila da Hushriba,
Sarauniya Nuwairat,boka Jadwar da budurwa Nihla,
Saurayi Hizmal, boka Dargas, da sarki shazwan,
Aljani Marhutul-Azab da aljani Darmanu, sarki
Sarki uslaim, boka ƙarzum da tawagar sarki shazwan,
A gabar shiga dajin Baitul-shamshan,
Sai yakin yazamo abin tsoro kuma tashin hankali ga kowa ne bangare.
Jaruman suka wanzu suna kaiwa juna sara da suka cikin matuƙar zafin nama juriya da bajinta tagaban kwatance,
Ƙarar karafniyar ƙarafa haɗe da ihun mazaje ta cika dodon kunne, ƙura ta turnuƙe sararin samaniya,
A bangaren jaruma sunaila da yar Uwar ta Hushriba kuwa,
Sun wanzu suna ɗauki ba daɗi ta hanyar kaiwa juna sara da takubban su,
Cikin ɓakin zafin mama juriya da nacin tsiya,
Duk sa'adda takubban su suka haɗu da juna sai kaga tartsatsin wuta ya tashi gami da kara marar daɗin sauraro,
Babu abinda zai burge ka ga zaratan matan biyu sama da yadda suke kaiwa juna sara da suka tamkar jikkunnan su ba su kasance na jini da tsoka ba,
Abangaren sarki shazwan,boka Dargas da saurayi Hizmal labari yasha bamban,
Domin duk karfin damtsen zaratan sarakunan biyu sai yazamo ya tashi a banza.
Domin kuwa sun kasa koda lakutar jikin saurayi Hizmal da makaman yakin su.
Sai dai ga wanda yake kallon yadda artabun ke wakana zai iya fahimtar cewa ƙarfin damtsen Sarki shazwan da boka Dargas ya nun ka na Hizmal sau goma,
Saboda wasu lokutan idan su ka kai masa hari da takobin sa,
Idan ya sanya takobin sa ya kare sai kaga har durkushewa ƙasa yake yi,
Amma saboda da juriya da bajinta irin ta JARUMAN DUNIYA sai kaga ya taso sama ya mayar da martani.
Duk wannan fafatawa da akeyi tsakanin su Hizmal, yaro Humair makaho dake goye a gadon bayan sa yana jin duk irin fafatawar da akeyi,
A bangaren manyan aljanu biyu kuwa aljani Darmanu da Marhutul-Azab,
Sun wanzu suna ba wa hammata iska yazamana cewa,
Suna yin ragas idan Darmanu ya samu nasarar kaftawa Marhutul-Azab sara a hannu sai kaga shi ma ya mayar da martani ,
Ko iya hargagin su ma ya isa ya firgita lahittun
Dake wajen ,
Amma a bangaren sarki uslaim da boka ƙarzum da tawagar sarki shazwan kuwa,
Sun wanzu suna ɗauki ba daɗi,
Duk inda sarki uslaim ya sanya gaba sai kaga dakaru na zubewa ƙasa magashiyan ,
Ita kuwa budurwa Nihla ta zamo tamkar wata shaiɗaniya a tsakanin sarauniya Nuwairat da boka Jadwar,
Domin sun kasa samun nasarar murƙusheta
Al'amarin daya fusata sarauniya Nuwairat da boka Jadwar kenan, zukatan su suka kama tafarfasa tamkar zasu ƙone
Abu na farko da ya dugunzuma hankalin su shine yaushe Nihla ta samu wannan gagarumin karfin damtse,
Har su gaza samun nasara akan ta a matsayin su na zaratan Jarumai masu juriya da bajinta,
Sannan idan har aka cigaba da wannan artabu a haka zasu iya yin biyu babu,
Domin abinda zai faru shi ne dazarar ɗaya daga cikin abokan gaba ya samu nasarar kashe a bikin faɗan sa zai iya rigasu saduwa da SARKIN SADAUKAI,
Kai ga kenan sunyi aikin banza, kura da shan bugu gardi da kwace kuɗi,
Sa'adda suka zo nan a tunanin su sai suka canza salon faɗan su.
Wohoho haƙiƙa masu iya magana sunyi gaskiya da suka ce idan kiɗa ya canza dole ne rawa ta canza.
Faruwar hakan keda wuya sai yazmana cewa a wannan karon su boka Jadwar suna haɗawa da bugu da kafa da kai sara da takobi,
Nan fa suka fara haɗawa Nihla jini da majina,
A cikin wannan fafatawa ne Nihla ta kai musu wani sara da takobin ta a kirjin su,
Adai dai lokacin ne sarauniya Nuwairat da boka Jadwar suka kai mata duka da ƙafafuwan su ɗia ɗin,
Bisa Sa'a sai suka dake ta a kirji da dukkan karfin su,
Saboda karfin dukan sai da Nihla tayi katantanwa a sama sau uku sannan ya kife ƙasa da ruf da ciki,
Kawai sai sarauniya Nuwairat ta zare takobin ta ta durfafi inda take tana mai yi mata murmushi mugun ta,
Tana isa ta ɗaya takobin ta domin ta sare mata wuya.
Dai dai lokacin da jini ke kwaranya daga bakin. Budurwa Nihla kuma numfashin ta na sarkewa.
Kwatsam ! Bazato babu tsammani sai sarauniya Nuwairat taji an dankara mata wawan naushi a dagon bayan ta saboda karfin naushin sai Nuwairat ta tayi gundumbala sau uku sannan ta kife a ƙasa,
Amma sai ta miƙe tsaye zumbur cikin matuƙar fushi da zafin nama,
Ta wai ga bayan ta domin taga wane ne ya dake ta ɗin,
Ai kuwa koda juyawar ta sai tayi Turus, bawa Ni ta gani ba face,
Wata tsaleliyar kyakkyawar budurwa zaune a bisa kan wani tsuntsun tsafi tare da wani zabgegen kyakkyawan saurayi,
Ba wata ba ce wannan budurwa ba face sarauniya Abidatul-auliya ta birnin Tehran tare da matsafi shubairu,
Nan fa aka fara kallon-kallo tsakanin sarauniya Nuwairat da sarauniya Abidatul-auliya,
Tsawon wani lokaci sai daga bisani Abidatul-auliya ta a dubi Nuwairat ta daka mata tsawa sannan ta buɗi baki cikin kakkausar murya tace"yake tsohuwar azzaluma kuma abokiyar gaba tun iyaye da kakanni ina fatan a halin yanzu kin shaida Ni ko?
Dajin wannan tambaya sai Nuwairat ta bushe da dariyar ƙarfin hali sannan tace "Ai kuwa ni na gane domin na sanki fiye da yunwar ciki na,
Abidatul-auliya bintu shafwaz ta birnin Tehran,
Ban taɓa tsammani cewa akwai sauran zuri'ar mahaifin ki a doran ƙasa ba,
Abidatul-auliya ta ce"Idan barci kike sai ki farka a yanzu ne zuri'ar mahaifi na take gab da yaɗuwa a duniya,
Hakika ke da zuri'ar gidan ku kun dade kuna aiwatar da mulkin zalunci,
Amma ina so ki sani cewa a waje zan hallaka ki na tsira kokon kan ki,na tsire sa da mashi na ajiye sa a fada ta domin ya zamo inza ga sarakunan azzalumai,
Kuma ina mai tabbatar miki dacewa bazaki taɓa burin ki na saduwa da SARKIN SADAUKAI,
Ballantana ki cika burin ki, na sarrafa sa yadda kike so har ki sanya duniya a cikin musiba,
Koda jin wannan batu daga bakin Abidatul-auliya sai Nuwairat ta bushe da dariyar mugun ta sannan tace"Fiye da shekaru ashirin baya mahaifin ki yayi wannan furuci amma sai da Abba na yaga bayan sa don haka,
Wannan bayani naki tamkar a zuba ruwa a faifai,
Ina mai tabbatar miki dacewa a yanzu zan hallaka na zare ruhin ki daga gangar jiki,
Kuma na hallaka budurwa Nihla da kika ceci rayuwar ta a halin yanzu,
A bangaren matsafi shubairu da boka Jadwar kuwa koda suka yi kallon kallo
Sai boka Jadwar ya dubi matsafi shubairu yace"yakai shubairu kayi sani cewa zuwa wannan waje domin saduwa da SARKIN SADAUKAI Hibairu domin ya tafi izuwa fadar Sarkin bokaye ya ɗebo maka Tsumin tsafi
Kayi maganin lalurar tsagin jikin da ta addabe ka,
Ka sani ya tashi a banza domin kuwa matsawar ina numfashi a doran ƙasa bazaka taɓa cika wannan buri maka ba Ballantana ka zama dodon bokaye na wannan nahiya,
Koda jin wannan batu sai matsafi shubairu yayi murmushi ya dubi boka Jadwar cikin kaskanci yace "Ai kuwa ina da tabbacin cewa zan cika wannan buri na wa domin dai masu iya magana na cewa
In da rai da rabo! Kuma tabbatar mai nema yana tare da samu,
Kuma ita karya fure take bata yaya tabbas rana dubu ta barawo ce rana ɗaya ta kai kaya
Na tabbata cewa da ace sarauniya Nuwairat tasan cewa ka shafe tsawon shekaru kana cin amanar ta da ta daɗe da sheƙaka barzahu,
Na sani cewa a duniya baka da burin da ya huce kaga ka mallake ta a matsayin abokiyar rayuwar ka domin a halin yanzu a duniya samun wata ya mace mai kyawun sura kamar ta abu ne mai wahala,
Baka san cewa hatta mafarkin da sarauniya Nuwairat tayi ba akan dole ne ta fara arba da SARKIN SADAUKAI domin tazamo mace ta Farko da zai gani yaji yana kaunar ta ba,
Duk kai ne. Ka shirya sa domin kawai ka yi amfani da ita wajen mallakar ta dashi kansa SARKIN SADAUKAI, domin ka kwashe sirrikan tsafin dake jikin ZOBEN SHIRIN sa domin ka zama Sarkin bokaye na wannan nahiya,
Hatta zaluncin da sarauniya Nuwairat ke aiwatar wa kai ne ke sarrafa ta ta hanyar wani bakin aljani,
Na sani cewa Nuwairat ba zata taɓa gano wannan sirri ba face an karya sirihin dake tsakanin ta da masarautar su,
Abinda ba ka sani ba shine babban kuskuren da kayi shine,
Matsawar Nuwairat tayi arba da SARKIN SADAUKAI take dukkanin sirrikan tsafin dake jikin ta zasu lalace su daina aiki,
Domin bisa tsarin sirrikan tsafin dake jikin ZOBEN SHIRIN Hibairu duk wanda yafara arba da shi sai ya rasa nasa sirrikan tsafin,
Wannan shi ne fa abin da masu iya magana ke cewa karyar ƙasa wai malamin duba ya dubo ranar mutuwar sa,
Kuma idan za ka gina ramin mutunta to gina sa gajere,
Sa'adda matsafi shubairu yazo nan azancen sa sai idanun boka Jadwar suka kaɗa sukayi jajur har wani irin tiririn bakin hayaƙi na fita kai da gani kasan aiki ne na sihirin tsafi,
Kawai ya buɗi baki yace"Na rantse da kushewar mahaifina boka sahibul -ƙarnas sai na mai sheka gawa domin a halin yanzu kai ne kadai kasan sirri na,
Koda gama faɗin sai boka Jadwar ya ɗaya daga hannun sa izuwa sama,.sai ga wani narkeken Gatari ta bayyana a hannun sa mai matukar kaifi tamkar takobi,
Tamkar hadin baki a lokaci guda jaruman huɗu sukayi kukan kura suka afkawa juna ta hanyar ɗaga makaman yaƙin su,
Wato sarauniya Nuwairat ta afkawa sarauniya Abidatul-auliya,
Boka Jadwar kuwa ya afkawa matsafi shubairu,
Aka ruguntsume da azababban yaƙi mai matukar kwarjini daban tsoro,
A dai dai lokacin ne akaga sararin samaniya tayi duhu dunɗum,
Kwatsam sai wata runduna ta bayyana mai ɗauke da dakarun bil'adama da aljanu haɗe da miyagun dabbobi.
Ba wata bace wannan runduna ba face rundunar Sarki Baddadul-ulkas na birnin Rum,
Daga cikin dajin Baitul-shamshan kuwa sai kaji wani kara ya cika wajen kuma wata irin guguwar iska ta bayyana ta dunga sanyawa bishiyoyi na karairayewa suna zubewa ƙasa,
Duwatsu suna karo da juna suna yin bindiga,
Wata irin walkiya na bayyana a sararin samaniya tamkar hadari ne ya hadu ake shirin ɓarkewa da ruwan sama,
Alamun dake nuna cewa HUBAIRU SARKIN SADAUKAI na gab da bayyana Daga cikin dakin Baitul-shamshan .
Kwatsam bazato babu tsammani sai akaji wani irin gurnani na fitowa daga dajin haɗe da waɗansu irin sauti ka da kunnawa ba su taɓa jin su ba,
Al'amarin daya sanya budurwa Nihla dake kwance a ƙasa ta ɗimauce kenan,
Bata san sa'adda ta kama rarrafe ba ta shiga izuwa dajin Baitul-shamshan saboda da ɗimauce wa,
Tsaye tayi arba dashi sanye da kayan fata riga da bante iya kaurin sa,
Kyakkyawan saurayi ne nagaban kwatance wanda kallon farko zai ɗimauta zuciyar duk wata ya mace mai hankali,
A gadon bayan sa yana rataye da wata rantsattsiyar kwari da baka hannun sa riƙe da wani dogon mashi mai baki biyu,
A gefen sa na dama wani irin tsuntsun tsafi ne mai ɗauke da siffar mikiya da girman sa bai huce na jakin dawa ba,
A gefen daman sa kuwa wani murgujejen zaki ne mai kwarjini daban tsoro,
Tsaye a bayan sa kuwa nau'ikan miyagun halittun daji ne gasu nan birjik har da ma waɗanda idanu basu taɓa gani ba,
Ba wani bane wannan saurayi ba face jarumi Hibairu SARKIN SADAUKAI,
Sa'adda budurwar Nihla ta yi arba dashi sai ta sake ɗimauce wa bata san sa'adda jikin ta Yakamata tsuma yana kyarma ba,
Saboda tsananin tsoro, shi kuwa jarumi Hibairu sai ya ƙura mata idanu ko ƙiftawa baya yi,
Abu na farko da ya daɗo masa arai shine shin dama akwai wata halitta a wannan sararin dake ɗauke da halitta irin ta sa,
Sannan mene ne abin da ya kawo wannan halitta izuwa cikin dajin Baitul-shamshan,
Amsar tambayoyin da Hibairu ya kasa bawa kansa kenan a karon farko kawai yaji ya kamu da ƙaunar halittar wato Nihla,
Har yaji yana son yaga yaksance da ita a rayuwar sa har abada,
To amma mene ne ya janyo yaji ya damu da wannan halitta a cikin ran sa,
Koda wannan murgujen zaki dake tsaye a hannun sa na dama ya hango sunaila sai kawai ya dako wawan tsalle domin ya turmushe ta ya hallaka ta,
Kafin ya kai ga aiwatar da hakan Hibairu SARKIN SADAUKAI ya daka masa tsawa tayi yin wani furuci cikin wani irin yare,
Kawai sai zakin ya dawo da baya ya tsaya cikin ladabi,
Al'amarin daya sanya Nihla ta sake faɗuwa ƙasa a sume,
Cikin hanzari Hibairu SARKIN SADAUKAI ya riga izuwa inda take kwance ya busa mata wata iska daga cikin bakin sa,
Jim kaɗan sai Nihla ta fara buɗe idanuwan ta ,
Sai gashi ta mike tsaye zumbur cikin koshin lafiya tamkar Banu wani abu daya faru gare ta,
Kuma ta ƙurawa Hibairu idanu,
A karon farko taji Ta kamu da matsananciyar kaunar HUBAIRU,
Kuma dukkan tsoro da fargaba sun fita daga zuciyar ta,
Hakika so na da matukar tasiri wajen canza zuriyar bil'adama cikin kankanin lokaci,
A can bakin shiga dajin Baitul-shamshan kuwa,
Yaƙi yayi tsamari tsakanin kowa ne bangare,
Bangaren sunaila da yar uwar ta Hushriba kuwa,
Sun wanzu suna kaiwa juna hare - hare cikin zafin nama nagaban kwatance tamkar waɗansu ifritai,
Sai dai a wannan karon labari yasha bambam domin kuwa idan Sunaila ta kaiwa Hushriba hari da takobi idan ta yanke ta sai ka wajen ya dare jini ya zuba,
Sai kaga ita ma Hushriba ta mayar da martanin,
Kafin cikar daƙiƙa hamsin sun yiwa juna raunuka fiye da goma kuma kowanne na zubar da jini,
Har jiri yana ɗibar su suna faɗuwa ƙasa amma saboda nacin tsiya sai su miƙe tsaye zumbur su sake afkawa juna,
Kaji faɗan MAZAN JIYA masu tarwatsa maza a filin daga,
A bangaren sarki shazwan,boka Dargas da saurayi Hizmal kuwa,
Sun wanzu suna ɗauki ba daɗi a wannan karon sai yazamana cewa dakyar saurayi Hizmal ke iya kare hare haren da su ke kawo masa,
A wasu lokutan har faɗuwa ƙasa yake amma sai ya miƙe tsaye zumbur kuma bai taɓa yarda yaro Humair makaho ya daɗo daga gadon bayan sa ba,
Haƙiƙa inda ace mutum ya tsaye a wajen lokacin da ake wannan artabu Dole ne ya jinjina wa Hizmal ya tabbatar da cewa ya cika gwarzon sadaukai,
Amma a bangaren boka Jadwar da matsafi shubairu kuwa ba a cewa komai domin komai kallon ƙurillar mutum bazai iya gane wane gwani a cikin artabun ba domin kowannen su yana yaƙin ne cikin baƙin zafin nama tamkar jikin sa bai kasance na jini da tsoka ba,
Lokacin da sarki Baddadul-ulƙas da rundunar mayakan sa suka ja daga suna masu kallon fafatawar da ake yi tsakanin sarakuna bokaye da matsafa da suka kafa sansani a dajin Baitul-shamshan,
Sai Baddadul-ulƙas ya bushe da wata irin mahaukaciyar dariya mai kama da kukan jaki,
Daga bisani ya murtuke fuska tamkar an aiko masa wasikar mutuwa ya dubi wani hadimin sa dake tsaye a hannun sa na dama yace dashi cikin kakkausar murya
"Yakai zawatu ban taɓa sanin cewa wadancan sarakuna, bokaye da matsafa da suka fafatawa yaƙi su na da taɓin hankali ba sai a yau domin in ban da rashin tunani yanzu idan suka hallaka kawunan su wane zai iya saduwa da SARKIN SADAUKAI Hibairu,
Da ace sun haɗa kansu kowa ya ajiye buƙatar sa a gefe sai kaga kowannen su ya samu nasara dazarar an samu haɗin kai.
Jira nake yi su kammala kashe kawunan su sannan na ni kuma na mallaki Hibairu cikin ruwan sanyi,
Koda jin wannan batu daga bakin sarki Baddadul-ulkas sai hadimi zawatu ya jinjina kai yace tabbas maganar ka haka take yakai sarkin sarakuna mai duniya,
Ana cikin wannan fafatawa ne kwatsam bazato babu tsammani sai a kaga Hibairu SARKIN SADAUKAI ya Bayyana a bisa kan tsuntsun tsafin sa hannun sa riƙe da wani dogon mashi,
Abangaren hannun sa na dama budurwa Nihla ce zaune a bisa wani murgujejen zaki
Sauran tawagar dabbobi da aljanu na take masa baya,
Wani irin koren haske na fita daga jikin ZOBEN SHIRIn dake hannun sa,
Lokacin da duka ɓangarorin sarakuna, jarumai, bokaye,da matsafa suka yi arba da SARKIN SADAUKAI Hibairu sai kowa ya tsaya cak da yakin da yake yi da abokin gwamin sa,
A kayi cirko cirko aka rasa wanda zai fara tunkarar sa yayi masa wata magana,
Ita kuwa sarauniya Nuwairat Sa'adda ta yi arba da budurwa Nihla tare da SARKIN SADAUKAI sai takaici da baƙin ciki suka mamaye zuciyar ta domin kuwa,
Ta tabbatar dacewa bazata taɓa samun soyayyar Hibairu tun da har Nihla ta fara arba dashi kuma a yadda alamu suka nuna sun kamu da soyayyar juna tun da gashi har ya ɗora ta a bisa kan ɗaya daga cikin dabbobin sa,
Koda Nuwairat tazo dai dai nan a tunanin ta
Sai hawaye suka kwaranyo daga idanun ta ,
Kuma a sannanne tsananin kyawun diri da sura na jarumi Hibairu ya sake bayyana a gare ta, nan take taji ta sake kamuwa da matukar begen sa,
Hibairu ya cigaba da bin jama'ar dake wajen da kallo yana mamakin yadda ake yi a kasa samu halittu masu siffa irin tasa,
Wai shin dama akwai wata halitta mai irin sura ta a wannan duniya,
Amsar tambayar da Hibairu ya kasa bawa kan sa kenan,
Kawai daga bisani sai ya juya ya dubi budurwa Nihla da wani irin kallo mai ɗauke da tsnatsar so da kauna,
Kuma ya buɗi baki da wata irin magana wacce shi kaɗai ce ke fahimtar abinda yake cewa,
Koda jin wannan batu daga bakin Hibairu, sai budurwa Nihla ta yiwa su saurayi Hizmal nuni da su gaba to da yaro Humair makaho izuwa gare ta,
Cikin matukar farin ciki maral misaltuwa jaruma sunaila da Hizmal goye da Humair suka taka sannu a hankali suka durfafi inda SARKIN SADAUKAI ke tsaye,
Ko da ya rage saura kamar taku goma a tsakanin su
Sai suka ja suka tsaya Nihla ta sauko daga kan zakin da take akai,
Bayan Hizmal ya sauke yaro Humair daga gadon bayan sa sai taja hannun sa har izuwa daf da inda SARKIN SADAUKAI yake,
Har a wannan lokaci namun dajin dake take wa Hibairu baya suna ta hargagi jira kawai suke a basu umarni suka afkawa sarakunan,
Hibairu ya ƙurawa yaro Humair makaho idanu ko ƙiftawa baya yi,
A karo na farko yaji ya kamu da matukar tausayin sa bisa ganin cewa yakasance karamin yaro kuma makaho wanda baya gani,
Nan take ya tuna sa'adda wani daga cikin halittun dake dajin Baitul-shamshan ya makan ce, ya shaƙu matuka ainun da halittar gami da jin tausayin ta,
Nan take Hibairu yaji cewa a ransa tamakar wannan halitta ne ke tare da shi,
Hibairu ya sake buɗar baki a karo na biyu ya dubi Nihla yayi mata magana da Yaren sa,
Bisa mamaki caraf sai suka ji yaro Humair makaho ya mayar wa da Hibairu amsar maganar da irin Yaren na sa,
Al'marin da yayi matukar bawa Hibairu mamaki kenan kuma ya ɗaure masa kai bisa makahon Yaron na magana da irin Yaren,
Su kansu su jaruma sunaila sun cika da matukar mamakin Bisa jin yaro Humair makaho na magana da Yaren Hibairu,
Bata de wani bata lokaci ba yaro Humair makaho ya zayyane wa SARKIN SADAUKAI Hibairu dukkan abinda ke tafe dasu saurayi Hizmal izuwa gare sa dama bukatar da suke nema
Koda jin wannan batu daga bakin Yaro Humair sai Hibairu ya yi shiru yana mai dogon nazari,
Daga bisani ya dubi Nihla, sunaila da Hizmal sannan ya dawo da duban sa ga Humair makaho yayi masa bayani abinda zai faɗa
Sannan Humair makaho ya juya ya dubi su sunaila yace
"Ya abokan tafiya ne kuyi sani cewa abinda sarkin sadaukai yace a cikin bayanin sa shine ya amince da dukkanin bukatun ki kuma zai biya muku su,
Amma bisa sharadi guda ɗaya sharaɗin kuwa shine bazaku taɓa cutar da wata dabba ba,
Kuma zaku taimaka masa wajen kare martabar su da kuma zaku masa wajen yaƙar dukkanin bil'adama dake doran ƙasa,
Koda jin wannan batu daga bakin Yaro Humair makaho sai hankalin kowa ya dugunzuma ainun,
Kuma cikin su ya ɗuri ruwa , tsawon daƙiƙa goma babu wanda ya ce ƙala a cikin su,
Sai daga bisani ne,
Jaruma sunaila tayi gyaran murya sannan tace"yakai Hizmal kayi sani cewa a halin yanzu ba lokaci ne da zamu tilasta Hibairu ya janye ƙudirin sa na yakar bil'adama ba tare da shafe su daga doran ƙasa ba,
Domin kada ka manta cewa akan hakan ya rayu, bai san cewa akai wasu bil'adama ba,
A can gaba za mu samu nasarar canza masa ɗabi'un sa ta hanyar Budurwa Nihla da a halin
Yanzu ya kamu da matukar kaunar ta,
Tare da yaro Humair makaho da shi kadai ne ke iya jin Yaren sa a halin yanzu,
Sannan wani abu da baka sani ba shine,
A lokacin da Hibairu ya fito daga dajin Baitul-shamshan na fara arba dashi naga ɗumbin tausayi da jin kai a tattare da fuskar sa,
Wanda hakan ya tabbatar mini dacewa mahaifan sa sun kasance mutanen kirki masu adalci,
Haƙiƙa dole ne Hibairu ya kasance yana tare da wannan dabi'u kyawawa nasu domin kuwa masu iya magana na cewa,
"kyan ɗa ya gaji uban sa
Koda jin wannan batu daga bakin sunaila sai Hizmal ya cika da farin ciki yace "yanzu zai mu ce masa mun amince ko
Koda jin hakan sai Humair makaho ya juya ya dubi Sarkin sadaukai Hibairu yace "yan uwa na sun amince da sharaɗin ka sannnan dukkanin wadancan mutane da ka gani,
Su ma sun zo gare ka ne domin bayyana maka nasu bukatun,
Kafin yaro Humair makaho ya gama rufe bakin sa sai kawai gani akayi a suri yaro Humair anyi sama dashi,
Sai ga zaune a daf da keken dokin da sarki Baddadul-ulƙas ke zaune,
Sarki Baddadul-ulƙas ya bushe da dariya mugun ta,
Sannan bisani ya murtuke fuska tamkar an aiko masa da wasikar mutuwa yace
"ya ku masu jiran gawar shanu kuyi sani ceqa a halin yanzu gashi na mallaki yaro Humair,
Tare wani abu da gaba ɗayan ku baku dashi,
Wanda yazama dole saboda shi
HIBAIRU ya zamo mai biyayya a gare Ni,
Sa'adda sarkin sadaukai Hibairu yaga cewa sarki Baddadul-ulƙas ya kwace yaro Humair makaho,
Sai ya fusata ainun kawai sai ya zare kwarin dake gadon bayan sa,
Ya ciro kibiya ɗaya daga cikin kwanson ya saka a cikin bakan sa ya taɓe take ya harba kibiyar izuwa kan dakarun sarki Baddadul-ulƙas,
Kibiyar ta tafi cikin matsanancin gudu a iska,. Ya yin da ta sauka akan dakarun take wata irin guguwar Wuta ta bayyana
Kafin dakarun suyi wani yunkuri wutar ta hallaka dakaru dubu biyu cikin abin da bai gaza daƙiƙa Ɗari ba sun ƙone ƙurmus,
Al'amarin daya fusata sarki Baddadul-ulƙas kenan ya takarkare ya kwarara wawan ihu irin na hamshakan sarakai da suka saba gwagwarmaya da maza a filin daga,
Ya nuna yaro Humair makaho da ɗan yatsan sa na hagu,
Take wadansu irin sarkokin tsafi suka ɗaure sa tamau hannu da ƙasa a jikin keken dokin Da yake akan sa
Kawai sai ya dako tsalle daga kan keken dokin sa tamkar an janye sa kungiya, yana tafiya a cikin iska ya durfafi inda SARKIN SADAUKAI
Yana saman ya saman ya zare wata sharbebiyar adda a damtsen sa,
Koda ganin hakan sai Hibairu ya zunguri cikin tsuntsun tsafin sa da kafafun sa biyu,
Take tsuntsun ya kaɗa fuka -fukan ya durfafi Sarki Baddadul-ulƙas domin tarar juna yana aman wuta daga bakin sa,
***
Lokacin da SARKIN SADAUKAI Hibairu da da sarki Baddadul-ulƙas suka ruga izuwa kan juna suna ihu da kururuwa mai firgitar wa,
Lokacin da suka haɗu da juna sai suka kacame da azababban yaƙi mai matukar kwarjini, muni ban tsoro da tashin hankali,
Ga dukkan mai kallo.
Wohoho haƙiƙa idan BABBAR GIWA ta fito filin fama babu wanda ke tunkarar ta face GOGA SHA FAMA da ya saba gwagwarmaya a DUNIYAR MAYAKA
Tabbas faɗa yan MAZAN JIYA na JARUMAN DUNIYA ne,
Ana fara wannan artabu ne fa kallo ya koma sama,
Domin du ka bangarorin sarakuna bokaye da matsafan da suka hallara a wajen sun zuba idanu domin su ga abinda zai wakana,
Duk sa'adda sarkin sadaukai ya kaiwa sarki Baddadul-ulƙas hari da kashin sa idan Baddadul-ulƙas ya zillewa harin sai kaga duk inda mashin ya sauka a ƙasa wajen ya rufta idan bishiya ce ko duwatsu sai su kama da wuta
Idan kuwa makaman nasu suka haɗu da juna sai kaga wata irin tartsatsin wuta yana tashi haɗe da walkiya,
Nan fa dawakai suka firgice suka dunga jefar da mahayan su suna nausawa izuwa cikin daji saboda firgita,
Sa'adda da halittun dake bayan Hibairu suka ga cewa shugaban su ya garƙame da azababban yaƙi da sarki Baddadul-ulƙas sai kawai su kayi kukan kura suka afkawa dakarun sarki Baddadul-ulƙas,
Nan fa waje ya sake rincaɓewa da ɗauki ba daɗi,
Nan fa halittun suka zamo tamkar guguwar annoba a tsakiyar dakarun,
Cikin Abinda bai gaza daƙiƙa hamsin ba gawarwakin dakarun sun watsu a ko ina,
Waɗansu kuma na faɗa wa izuwa cikin wannan rami ka dake faruwa sakamakon nutsewar makamin Sarkin sadaukai,
Lokacin da sarki Baddadul-ulƙas yaga cewa an shafe tsawon Sa'a Arba'in ana wannan fafatawa batare da ya samu nasarar lakutar koda jikin sarkin sadaukai da takobin sa ba,
Sai takaici ya turnuƙe sa ya faɗa izuwa kogin tunani,
Abu na farko da ya faɗo masa arai shine mene ne dalilin daya sanya ya kasa samun nasara akan Hibairu,bayan cewa a kaf jinsin sarakunan duniya babu sarki mai karfin damtse kamar sa gami da karfin sihirin tsafi,
Sannan idan har a ka cigaba da wannan artabu miyagun halittun dake fafatawa yaƙi da dakarun sa zasu iya samun nasarar hallaka Barde Shabbaru mahaifin Hibairu
Don haka dole ya samu mafita
Koda kammala tunanin hakan sai sarki Baddadul-ulƙas ya yi yuf ya kaiwa HUBAIRU wani nagartaccen sara da kafaɗa,
Cikin zafin nama Hibairu ya zille tare da mayar da martani Cikin zafin nama,
Bisa Sa'a sai gashi ya soke Baddadul-ulƙas a cinyarsa saboda karfin sukar sai mashin ya fasa sulken yaƙin dake jikin sa ya jini yayi tsayuwa
Baddadul-ulƙas yayi taga taga zai fadi amma sai ya turje,
Kawai sai ya shafi wani gurun tsafi a damtsen sa kawai sai riƙiɗa izuwa wata baƙar guguwa, guguwar ta tashi izuwa sama ta nufi keken dokin dake tsakiyar dakarun yaƙi,
Daga bisani guguwa ta bayyana a daf da inda SARKIN SADAUKAI ke tsaye sai ta riƙida izuwa sarki Baddadul-ulƙas tare da wani dattijo ya ɗora kaifin takobin sa akan wuyan dattijon yana mai yi Hibairu murmushin mugunta,
Sa'adda HIBAIRU yayi arba da Dattijon sai ya tsaya cak yana mai ƙura masa idanu ko ƙiftawa baya yi,
Bakomai yagani ba face yadda kamannin sa dana dattijon suka zo iri ɗaya sai tamakar an tsaga ƙara,
Nan take yayi tausayin Dattijon yakama sa bisa ganin yadda aka ɗaure dattijon da sarkokin tsafi kuma Baddadul-ulƙas ya ɗora kaifin takobin sa akan wuyan sa,
Abangaren su jaruma sunaila,sarki uslaim,sarki shazwan, sarauniya Abidatul-auliya, Nuwairat da su aljani Marhutul-Azab kuwa,
Sa'adda da suka yi arba da wannan dattijo mai matukar kama da sarkin sadaukai sai suka cika da ɗumbin al'ajabi da mamaki,
Su na masu cewa a cikin ran su an ya kuwa wannan dattijo bashi ne mahaifin Hibairu ba lallai tsananin kamannin surar su yayi yawa!
Idan kuwa har haka ne tabbas wannan baƙon sarki da ya bayyana zai iya samun nasarar mallakar HUBAIRU cikin ruwan sanyi
Shin wane ne wannan sarki, menene alaƙar sa da Hibairu?
Amsar tambayoyin da su ka kasa ba wa kansu kenan,
Kawai su ka zuba idanu suna kallon abin da zai wakana
Kallo ne ya wakana tsakanin sarkin sadaukai da dattijo na tsawon daƙiƙa talatin daga bisani sai hawaye suka zubo daga idanuwan dattijon yana mai sakarwa Hibairu murmushi mai taushi
Bisa mamaki HUBAIRU bai san sa'adda da ya mayar masa da martanin murmushin ba,
Sarki Baddadul-ulƙas ya katse shirun daya wanzu ta hanyar buɗar baki cikin kakkausar murya mai kama da haniniyar doki ya dubi dattijon a lokacin da kara rikon wuƙar dake kan maƙogaron sa yace
"Ya kai Barde Shabbaru bin sha'asanul-haibar kayi sani cewa ban kawo ka nan ba sai domin na nuna maka ɗan ka na cikin ka tsawon shekaru ashirin kenan yau
Wato Hibairu nasan cewa ko ba'ayi maka bayanin komai ba
A halin yanzu gaji a jikin ka cewa HUBAIRU ɗan ka ne wanda matar ka layizat ta haifa wannan daji mai ban al'ajabi,
Ka sani cewa ban fito dakai daga kurkukun Darul-barzak ba sai domin na yan taka daga KANGIN BAUTA a karkashi tsahon shekaru masu yawa,
Amma fa hakan bazai tabbata ba face ka amince ka biya mini wata buƙata guda biyu
Kamar haka.
Da farko Wajibi ne ka janyo hankalin ɗan ka HUBAIRU akan lallai ya amince ya zai shiga gasar jarumtaka ta GOGA SHA FAMA,
Idan yayi nasara ne kawai zai sanya na yan taku kai da ɗan ka daga KANGIN BAUTA a karkashi na,
Sannan tilas ne ka sanya Hibairu ya zamo mai biyayya a gareni,
Yakai Shabbaru kayi sani cewa matsawar ka cika mini waɗannan to bayani ya zo karshe,
Koda jin wannan batu daga bakin sarki Baddadul-ulƙas sai fuskar Shabbaru ta canza daga walwala izuwa ɓacin rai,
Ya daga kai sannan ya buɗi baki cikin kakkausar murya mai ɗauke da karfin zuciya yace"ya kai Baddadul-ulƙas kayi cewa nafi kowa sanin wane ne kai,
Kai mutum ne maci amana kuma mayaudari nasan cewa ko da na cika maka waɗannan sharudda ko ban cika ba baza ka taɓa bari na da rai ba,
Kuka kuma tilas ne sai ka ci amanar ta shin ka manta da zaluncin da kayi mini,
Ka raba ni da kasar mu, yan uwana, sannan ka zo ka raba ni da mata ta da na fi kauna fiye da komai,
Ai har abada ba'a taɓa canzawa tuwo suna kuma mai hali ba ya canza halin Sa,
Koda jin wannan batu daga bakin Barde Shabbaru sai sarki Baddadul-ulƙas ya bushe da dariyar mugunta,
Daga bisani ya murtuke fuska tamkar an aiko masa wasikar mutuwa yace"shin yanzu ka zaɓi ka rasa rayuwar ka da ɗan ka guda ɗaya jal ai ko babu komai kaso zuri'ar ka su ci gaba da wanzu a doran ƙasa,
Kada ka manta cewa HUBAIRU shi kadai ne ya rage maka a cikin zuri'ar ka,
Koda jin wannan batu sai hawayen bakin ciki suka zubo daga idanun Shabbaru
Ya sake ƙurawa Hibairu idanu nan take yaji cewa tamakar matar kuwailat ce yake tare da ita ,
Sarki Baddadul-ulƙas ya yi nuni da hannun sa izuwa inda yaro Humair makaho yake nan take wata iska mai karfi ta jimimiyo sa ta kawo sa izuwa daf da inda SARKIN SADAUKAI Hibairu yake tsaye,
Sannan sarkin sadaukai Hibairu ya dubi yaro Humair ya buɗi baki ya fara yi masa Magana da irin nasa yaren,
In da yake cewa dashi "yakai wannan yaro ɗan baiwa shin wane ne wancan mutumin mai matukar kama da Ni,
Kuma me yasa wannan azzalumin sarki yake son hallaka sa
Haƙiƙa ina ji a zuciya ta cewa wannan mutumin wani ne na musamman a cikin rayuwata.
Koda jin waɗannan tambayoyi sai budurwa Nihla ta matsa daf da in da Humair makaho yake da ya ke taji dukkan abinda sarki Baddadul-ulƙas da Barde Shabbaru ke tattaunawa,
Nan take ta zayyane wa yaro Humair dukkan abinda ya wakana tsakanin su,
Shi kuma ya shiga yi wa HIBAIRU bayani tun daga farko har ƙarshe,
Sa'adda Hibairu yaji bayanin abinda yafaru tsakanin sarki Baddadul-ulƙas da dattijon,
Kuma dattijon ba wani bane face Mahaifin sa Barde Shabbaru
Da irin zalunci da cin amanar da yayi masa har ya yi sanadin mutuwar mahaifin sa,
Kawai sai a kaga Hibairu ya fashe da kuka mai tsuma zuciya,
Tsawon daƙiƙa goma yana zubar da hawayen,
Sai daga bisani ne ya sanya hannun sa na hagu ya murza zoben dake hannun sa sai ga wani irin koren haske ya fita daga zoben ya bayyanar da wani Hoto wanda dukkan wanda ke wajen yana iya gani,
Majigin wata mata ne ya bayyana ɗauke da juna biyu ya bayyana ta na cikin tafiya a dajin Baitul-shamshan ta yanke jiki ta fadi kasa
Kallo ɗaya zaka yi matar ta kamu da matukar tausayin ta har ka zubar mata da waye,
Saboda yadda raunukan dake jikin ta ke zubar da jini,
A wannan hali ne nakuda ta kamata tasha wahala sosai matuka kafin ta haife abin da ke cikin ta,
Bayan ta Haihu ne numfashin ta ya ɗauke ta mutu nan take sakamakon jinin ta da ya zuba a jikin ta
Jim kaɗan da faruwar hakan sai wani aljani ya bayyana a wajen a lokacin da jaririn da matar ta haifa ke tsala kuka,
Kukan na sa ya amsa amo izuwa cikin dajin
Aljanin ya sunkiya ƙasa ya ɗauki jaririn sannnan ya ɓace ɓat tamkar bai taɓa wanzuwa ba,
Haka dai Hoton ya cigaba da bayyana yadda Hibairu ya rayu a cikin dajin Baitul-shamshan tare da dabbobi da aljanu,
Daga farko har ƙarshe ya bayyana,
Sa'adda Barde Shabbaru yaga wannan al'amari sai ya sake fashe da kuka a karo na biyu, tamkar bazai daina ba,
Shi kuwa SARKIN SADAUKAI Hibairu yana zubar da hawaye ne bisa halin da yaga mahaifiyar sa da Yadda akayi ta rasa rayuwar ta
Kusan dukkan jama'ar dake wajen sai kwallar takaici da tausayi ta zubo musu,
Ina ban da boka Jadwar da aljani Darmanu
Da Hushriba,
Ita kan ta sarauniya Nuwairat da ta kasance azzalumi tagaban kwatance sai taji tausayin ya kamata,
Tsawon daƙiƙa hamsin ana cikin wannan hali sai daga bisani ne,
Sarki shazwan katse shirun da ya wanzu ta hanyar duban yaro Humair makaho ya ce" yakai Hibairu matsawar kana son ka tsira da mahaifin ka wanda a halin yanzu shi kaɗai ne ya rage maka a duniya to ya zama wajibi ka bi dukkan sharuddan dana bayyana wa mahaifinka na shiga gasar jarumtaka ta GOGA SHA FAMA.
Da kuma bin umarnin dukkan abinda nake da buƙata,
Koda jin wannan batu daga bakin sarki Baddadul-ulƙas sai yaro Humair ya dubi Sarkin sadaukai ya bayyana masa abinda sarki Baddadul-ulƙas yake nufi da irin nasa yaren,
Dajin wannan batu sai hawaye suka sake zubowa HUBAIRU,
Sannan ya dubi Humair makaho yayi masa magana da irin nasa yaren shi kuma ya juya ya dubi Baddadul-ulƙas yace "A bin da Hibairu yake nufi shine zai bi dukkan umarnin ka matsawar zaka bar mahaifin sa a raye,
Amma bisa sharaɗin cewa bazaki yaudare sa ba, matsawar hakan ya faru zai yaƙe ka,
Sa'adda sarki Baddadul-ulƙas yaji wannan batu sai ya bushe da dariyar farin ciki maral misaltuwa
HUBAIRU ya tako da kafafun sa har izuwa inda mahaifin sa yake yazmana tazarar dake tsakanin su bata huce ta ku ɗaya ba,
Sa'adda suka ƙurawa juna idanu sai Hibairu yaji wani irin abu ya roki zuciyar sa,
A karon farko yaji gaba ɗaya yanayin ɗabi'ar sa ta sauya,
Nan fa ya cika da mutukar mamaki da al'ajabi
Abin da Hibairu bai sani ba shine wannan abu daya ji a zuciyar sa bakomai ba ne face
Akwai wani sirrin tsafi na musamman dkaek da ke ɗauke a cikin idanun Shabbaru wanda ya gada tun iyaye da kakanni,
Bisa tsarin tsafin Dazarar mutum ya kai Shekaru hamsin shafin zai rabu dashi ya tafi izuwa jinin sa,
Sinadarin tsafin na ɗauke da dukkanin sirrikan nasara, adalci, tausayi da sauya al'amura,
Wani abu da Hibairu bai sani ba shine a halin yanzu yana dauke da dukkanin yaren mutanen duniya na kowa ne jinsi ,
Bisa mamaki koda Hibairu ya buɗi baki da nufin yace wani abu sai yaji yana magana da Yaren irin na jama'ar dake wajen,
In da ya dubi mahaifin da Barde Shabbaru Yace"ya abbana kayi sani matsawar ina numfashi a doran ƙasa bazan taɓa bari na rasa ka ba kamar yadda na rasa ummana,
Zan bi dukkan umarnin da sarki Baddadul-ulƙas yake buƙata,
Koda jin wannan batu daga bakin Hibairu sai Barde Shabbaru yayi murmushin karfin hali,
Sannan yace "ya ɗana abin alfahari kayi a halin yanzu kana ɗauke da dukkan sirrikan tsafin mu na gado,
Don haka ina da tabbacin zaka samu nasara akan dukkan abin da ka sanya a gaba,
Yanzu abin da kawai nake bukata a gare ka shine.
Dukkanin waɗancan mutane dake wannan waje sun zo gare ka ne domin ka share musu hawaye,
Don haka dukkanin su zaka cika musu burikan su bayan ka samu nasarar cinye gasar jarumtaka ta GOGA SHA FAMA,
Domin kuwa cika burikan nasu tamkar shafe duk wani zalunci ne da azzalumai a doran ƙasa,.
Wanda ke bukatar ya bi ka izuwa birnin madinatul-shaja'a zai iya yi,
Wanda kuma zai koma izuwa birnin sa ya jira har izuwa lokacin da zaka dawo daga gasar jarumtaka ta GOGA SHA FAMA to ,
Koda jin wannan batu daga bakin Shabbaru sai Sarkin sadaukai yace "An gama ya abbana dukkan abinda ka faɗa shi za'ayi.
Dajin hakan sai Barde Shabbaru ya cika farin ciki jin Hibairu ya kira da Abban sa,
Hibairu ya juya izuwa inda sarakuna bokaye da matsafa suka yi cincirindo suna kallon abin da ke wakana,
Ya buɗi baki cikin kakkausar murya yace"ya ku jama'ar dake wannan waje kuyi sani nasan cewa dukkanin ku kun taru ne anan domin na cika muku burikan ku,
To na amince zan biya kowannen ku buƙatar sa, amma sai bayan na dawo daga birnin madinatul-shaja'a,
Duk wanda zai biyo ni zai iya wanda kuma zai jira na dawo shi ma zai iya,
Koda jin wannan batu daga bakin Sarkin sadaukai sai kowa dake wajen ya cika da matukar mamaki Bisa jin Hibairu na magana da Irin Yaren su,
Shin Yaushe Hibairu ya iya wannan Yaren
Amsar tambayar da dukkanin su suka kasa bawa kansu kenan.
Nan take kowannen su ya amince cewa zai bi Hibairu izuwa birnin madinatul-shaja'a domin yaga irin wainar da ake toya wa,
Domin idan suka bari sarki Baddadul-ulƙas ya tafi da SARKIN SADAUKAI yaushe suke da tabbacin zai dawo gare su bayan cewa dukkanin su sun shaida azzalumi ne nagaban kwatance bayan dukkanin su sun amince da hakan sai sarki Baddadul-ulƙas ya sake nuna Barde Shabbaru da ɗan yatsan sa na hagu nan take ya dawo izuwa cikin wannan keken doki
Sannan sarkin sadaukai yaje inda tsuntsun tsafin sa yake yakama ya hau,
Tare da goya yaro Humair makaho akai cikin hanzari ya bi bayan Sarki Baddadul-ulƙas a lokacin da tawagar su suka fara cigaba da tafiya,
Koda ganin hakan sai budurwa Nihla zaune bisa kan wannan zaki, tare da tawagar namun dajin Baitul-shamshan suka mara masa baya,
Saurayi Hizmal da sunaila suka hau bisa kan Aljani Marhutul-Azab,take kowa ya hau bisa kan abin hawan sa aka karawa sarki Baddadul-ulƙas baya a ka fara tafiya , domin durfafar hanyar da zata Sada su da birnin madinatul-shaja'a,
Mu haɗu a littafin GOGA SHA FAMA na uku domin jin cigaban wannan ƙayataccen labarin.
Dagaa mai ɗebe maku kewa a kullum da koyaushe.
Mansur Usman Sufi
Goga Sha Fama 3
Littafin yaki
Rubuta Labari
MANSUR USMAN SUFI
Sarkin Marubutan Hausa
Wthapp Number
08137237071
Lokacin da sarki Baddadul-ulƙas,ya jagoranci tawagar matsafa,sarakuna bokaye da jarumai,
Tare da SARKIN SADAUKAI Hibairu,
Domin isa izuwa birnin madinatul-shaja'a don halartar gasar jarumtaka ta GOGA SHA FAMA,
Sai aka wanzu ana ratsa dazuka da tsaunuka
Babu sassauci,
Kai idan kaga yadda tawagar suke tafiya sai kayi tsammanin cewa gaba ɗaya sarkaunan duniya ne suka taru waje guda suke shirin yakar duniya baki ɗaya,
Ana cikin wannan tafiya ne sarauniya Abidatul-auliya ta dubi matsafi shubairu cikin alamun matukar damuwa tace "ya amini na shin yanzu mene ne makomar mu a wannan tafiya,
Yanzu muna ji muna gani haka sarki Baddadul-ulƙas zai dunga sarrafa musu kamar yadda zai sarrafa Hibairu,?
Wai shin ma Wane ne a cikin mu yake da tabbacin cewa Baddadul-ulƙas bazai ci amanar Hibairu ba?
Ko da jin wannan batu daga bakin SARAUNIYA ABIDATUL-AULIYA sai matsafi shubairu yayi murmushin karfin hali sannan ya kawo gwaron numfashi ya ajiye yace"ya sarauniyar kyawawan duniya kiyi sani cewa Ni kai na na yiwa kai na waɗannan tambayoyi sai dai ban iya bawa kai na amma sa ba,
A halin yanzu bamu da wani zaɓi da ya huce mu bi sarki Baddadul-ulƙas domin ta wannan hanya ne zamu samu nasarar bayyana cika burin mu,
Domin a halin yanzu Hibairu tamkar farin ingarman doki ne a tsakiyar bakaken dawakai,
Abin nufi anan shi ne farautar sa abu ne mai matukar wahala da rabo,
Saboda kowa muradin mallakar sa yake a
Kawai dai abin da zamu yi riƙe a wannan tafiya domin samun nasara shine
Rike amana,gaskiya da tausaya wa ga wanda muka sani da ma wanda ba mu sani ba,
Sannan ƙoƙarin mu yakasance kullum cikin taimakon Hibairu,
Waɗannan abubuwan sune tabbatar nasarar mu idan mun riƙe su.
Lokacin da matsafi shubairu yazo nan azancen sai sarauniya Abidatul-auliya ta cika da matukar farin ciki,
Daga wannan batu kowannen su yayi shiru suka shiga hirar da ta shafi rayuwa,
Kamar yadda ya wakana tsakanin su shubairu haka al'amarin yaksance,
Abangaren jaruma sunaila da saurayi Hizmal a in da sunaila ta dubi Hizmal tace"yakai Hizmal har yanzu kayi sani cewa har yanzu ina ji a jikina cewa tabbas zamu samu nasara a wannan tafiya,
Domin dai babu wani mahaluki da zai iya zuwa fadar Sarkin bokaye face yana ɗauke da taswirar dake hannun aljani Marhutul-Azab,
Duk da cewa a halin yanzu Ban San mene ne abin da zai kasance a birnin madinatul-shaja'a ba,
Shin Hibairu SARKIN SARAKAI zai iya cika sharaɗin da sarki Baddadul-ulƙas ya ginda ya masa ya cinye gasar jarumtaka,
Har ya yan mahaifin sa Barde Shabbaru Daga KANGIN BAUTA,
Koda jin wannan batu daga bakin sunaila sai Hizmal ya ce "Naji a jiki na cewa HUBAIRU zaiyi nasara a gasar jarumtaka
Hujja ta na faɗin hakan shi ne kada fa ki manta cewa HUBAIRU shine SARKIN SADAUKAI na duniya a halin yanzu babu wani jarumi mai karfin gaske kamar sa,
Sunaila ta ce"Ko da hakan amma kasan cewa Sa'a da rabo ake bukata a Kowa ne al'amari ba wai tarin karfi ko sihiri ba,
Komai karfin damtsen ka idan baka da Sa'a da rabo kenan kayi aikin banza,
Hizmal yace"Tabbas zancen ki dutse yake sunaila,
Amma ai Sa'a da rabo na tare da gaskiya da adalci,
Sunaila"tabbas zancen ka haƙƙun ne yakai Hizmal.
Amma a ɓangare sarauniya Nuwairat da boka Jadwar kuwa,
Nuwairat ce ta dubi boka Jadwar cikin damuwa da ɓacin rai tace "yakai abin dogaro yanzu gashi dukkanin shirin mu ya tarwatse yanzu ina amfanin tafiyar mu tare da tawagar sarki Baddadul-ulƙas,
Tun da budurwa Nihla ta samu nasarar fara yin arba da SARKIN SARAKAI,
Kuma a yadda alamu suka nuna tuni ya kamu da matukar kaunar ta,
Koda jin wannan batu daga bakin Nuwairat sai boka Jadwar yayi ya mai sunkiyar da kan sa ƙasa daga bisani ya ɗago da kansa ya dube ta cikin girmamawa, da kakkausar murya yace
"Ya sarauniya kyawawan mataye kiyi sani cewa har yanzu kina da damar mallakar HUBAIRU har ma ki sarrafa shi yadda kike so
Matsawar kina bukatar hakan to wajibi ne ki mallaki zoben sihirin dake hannun jarumi Hibairu ki sanya shi a hannun ki,
Domin duka sirrin zuciyar sa ya tattara a cikin wannan zobe,
Daga nan har izuwa lokacin da za'a kammala gasar jarumtaka a birnin madinatul-shaja'a,
Dole kisan hanyar da zaki bi domin ki ga kin raba Hibairu da zoben,
Ko da wasa kada kiyi yunkurin cewa za ki hallaka Nihla domin hakan zai iya kawo miki cikas wajen mallakar zoben,.
Sannan dole ne mu kasance a cikin shiri domin tayi a cikin abokanan gabar mu akwai masu muradun zoben.
Musamman abokiyar gaɓar ki sarauniya Abidatul-auliya,
Nan gaba zan sanar dake waɗansu muhimman abubuwa game da zoben.
Sa'adda boka Jadwar yazo nan azancen sa sai sarauniya Nuwairat ta cika matukar farin ciki maral misaltuwa
Har bata san sa'adda murmushi mai taushi ya suɓuce mata ba,
Amma a bangaren sarki shazwan kuwa ya shiga tattaunawa tsakanin sa da gimbiya Hushriba da sarkin bokaye Dargas akan hanyar da zasu ba wajen mallakar sarkin sadaukai a wannan tafiya,
Haka dai tafiya taci gaba da wakana kwanaki banin kwanaki, Mako banin mako,
Sai a wuni cire ana tafiya batare an yada zango ba,
A iya tsawon wannan tafiya soyayya da shaƙuwa ta kara shiga tsakanin sarkin sadaukai Hibairu da jaruma Nihla, sarauniya Abidatul-auliya da matsafi shubairu,
Sunaila da saurayi Hizmal,
Kuma ba a haɗu da waɗansu abubuwa masu cutar wa,
Koda yan fashi da darun sunane da miyagun dabbobi,
Domin tsananin yawa da kwarjinin tawagar kafin su haɗu da su suke cika wandon su da iska,
Kuma a wannan tafiya ne dukkan sarakunan suka samu nasarar bayyana bukatar su ta hanyar kamun ƙafa da yaro Humair makaho
In da kusan dukan bukatun sarakunan ya dogara akan tafiya izuwa fadar Sarkin bokaye,
Sarki uslaim domin ceto yar sa gimbiya zarifa,
Jaruma Sunaila, Hushriba, sarauniya Abidatul-auliya da matsafi shubairu dake buƙatar su shine mallakar tsumin tsafi domin samun waraka,
Aljani Marhutul-Azab kuwa domin ta ceto ruhikan kabilar su dake ajiye a cikin akwatin baƙin ƙarfe dake hannun Sarkin bokaye.
Lokacin da sarki Baddadul-ulƙas ya cigaba da jagorantar tawagar sarakuna,bokaye,jarumai haɗe da matsafa domin halartar bikin gasar jarumtaka ta GOGA SHA FAMA da za'a gudanar a birnin madinatul-shaja'a,
Sai yazamana cewa ana tafiya dare da rana Babu sassauci da yake harka ce ta gawurtattun matsafa cewa tafiyar da za'a iya a cikin kwana ashirin, an yi ta a cikin kwana shida kacal,
A ranar kwana na sha takwas ne da la'asar sakaliya aka iso kofar birnin madinatul-shaja'a
Nan fa kowa ya cika da matukar mamaki,
Abin da ya ba su mamakin shine yadda kofar shiga birnin madinatul-shaja'a takasance cike da zaratan dakarun tsaro na jinsin mutum da aljan, ɗauke da miyagun makamai.
Saboda da kwarjinin su bazaka iya tantance dakarun mutum da aljan a cikin su ba,
Duk inda Mutum ya kalla daga saman kofar da katangun birnin dakarun birjik Babu adadi,
Nan take wani gabjejen kato mai tsawo da kwarjini tamkar toran Giwa ya dako da kafafun sa izuwa inda suke.
A lokacin da sarki Baddadul-ulƙas ya fito daga cikin keken dokin sa,
Ya dube sa cikin ladabi kansa a sunkuya yace"marhaban da zuwa BIRNIN MAZAN JIYA ya
Dodon sarakai, hadari ma'anar duniya,
GOGA SHA YAƘI"gagarau uban kan garau,
Ka ci dubu sai ceto , ANNOBA DARI mai saukar da GOBARAR DAJI,
FARGABAR SADAUKAI,
Lokacin da badakaren yazo nan a kirarin sai sarki Baddadul-ulƙas ya sake jin izza gami da ƙasaita ta ƙara shiga cikin ƙoƙon kan sa,
Har jikin sa na tsuma
Ya dubi badakaren yace"An gaisheka yakai
Himaru haƙiƙa ka cancanci kyauta mai tsoka,
Bayan na samu nasarar lashe gasar jarumtaka ta GOGA SHA FAMA.
A wannan karon zaka samu adadin dinaren da baka taɓa samun kamar su ba,
Koda Gama faɗin hakan sai Baddadul-ulƙas ya yiwa wani badakare inkiya ta wutsiyar idanu.
Badakaren ya gabato da wata jakar fata,
Ya risina a gare shi,
Sarki ya umarce sa ya miƙa wa badakare Himaru ya karɓa ya buɗe jakar, aikuwa sai yayj arba da dinare masu yawa a ciki,
Nan take ya sakarwa sarki Baddadul-ulƙas wani ƙeƙashasshan murmushi wanda babu abinda ya ƙarawa fuskar sa face muni,
Kuma ya zube ƙasa ya kwashi gaisuwa ga Baddadul-ulƙas.
Daga bisani ya ɗago da kan ya dubi waɗansu dakaru yayi musu inkiya da sannu,
Take zaratan dakarun su hamsin suka shiga wangane kofar birnin,
Sannu a hankali sai kofar ta buɗe aka kunna kai izuwa ciki, ana shiga nan fa kowa yakara cika da mamaki, yakama kalle kalle,
Bakomai ne ya bawa Kowa mamaki ba sai bisa ganin yadda birnin madinatul-shaja'a yakasance kasaitacce tamkar aljannar duniya,
Gine - ginen birni anyi su bisa tsari mai kayatarwa, gwanin ban sha.awa kowace unguwa kalar tsarin ta daban iri ɗaya sai !
Ko ina a tsaftace yake a birnin babu wajen da ake zuba shara ko kazanta,
Hatta manyan sarakuna dake cikin tawagar wato sarki uslaim,shazwan, sarauniya Nuwairat da Abidatul-auliya sai da suka re na kan su,
Domin sun tabbatar da cewa gaba da gaban ta aljani ya taka wuta.
A dai dai lokacin ne aka hango tawagar wani mutum ma'abocin sarauta ya durfafo inda ake tsaye,
Tun da ga nesa mutumin ya ƙura wa Hibairu SARKIN SADAUKAI idanu ko ƙiftawa baya yi,
Lokacin da ya karaso sai tari sarki Baddadul-ulƙas suka rungume juna daga bisani mutum ya janye jikin shi daga na sarki Baddadul-ulƙas suka fuskanci juna
Cikin kakkausar murya mutumin yace "Lale marhaban da zuwan sarkin sarakuna, baban attajirai da matsafa,
Sarki Baddadul-ulƙas ya dube sa yace"yakai Abu - Ɗariƙ ina Fatan
A tanadar mana dukkanin abinda muke da buƙata da ya danganci masauki,
Abin kalaci har izuwa lokacin da za'a kammala gasar jarumataka,
Koda jin wannan tambaya sai Abu-Ɗariƙ yayi gyaran murya yace"An tanadar komai ya shugaba na yadda ka bukata,
Sai dai a wannan karon tsarin gudanarwar gasar ya canza,
Ina da a wannan karon dole ne dukkan wanda zai shiga kallon gasar ya bayar da bayanan sa,
Sannan ya shugaba nayi mamakin yadda kake tafe da wannan tawagar haka,
Koda jin wannan batu sai Baddadul-ulƙas ya bushe da yar karamar dariya yace
"Wannan ai ba abin damuwa ba ne ya Abu-Ɗariƙ
Game da tambayarka akan tawagar da nake tafe da ni wannan bayani mai girma,
Nasan dai abinda kake muradi shine kana so kasan wane ne GOGA SHA FAMA da nake tafe dashi ko,
Ya Abu-Ɗariƙ kayi sani cewa haƙiƙa a wannan karon nazo da jarumin da babu kamar sa a duniya a halin yanzu
Ba wani bane jarumi na ba face HIBAIRU SARKIN SADAUKAI na duniya,
Ɗa ga Barde Shabbaru tsowon GOGA SHA FAMA na shekaru ashirin da suka gabata,
Koda jin wannan batu sai Abu-Ɗariƙ ya sake ƙura wa Hibairu idanu,
A wannan karon sai yaji kirjin da ya buga da karfi tsoro ya kama shi,
Don haka sai ya kawar da duban sa daga hubairu izuwa ga Baddadul-ulƙas cikin ladabi yace dashi
"Haƙiƙa kyan ɗa ya gaji Uban sa ya shugabana kayi sani cewa tun sa'adda da na hango nake yiwa wannan baƙon jarumi kallon sani,
Nasan cewa Barde Shabbaru bashi da aure ballantana nace ɗan sa ne na cikin sa domin tsananin kamannin su ya ɓaci tamkar an tsaga ƙara,
Amma ya shugaba na dama Shabbaru ya na da ɗa ne a boye ban sani ba?.
Koda jin wannan tambaya sai Baddadul-ulƙas ya yayi murmushin mugunta yace "Mu ƙara sa izuwa masauki za ki dukkan yadda al'ummarin yaksance,
Abu-Ɗariƙ ya risina yace an gama ya shugaba na yana Gama faɗin hakan sai sarki Baddadul-ulƙas ya koma izuwa cikin keken dokin sa ya hakimce,
Abu-Ɗariƙ ya shige gaba take aka sakarwa dawakai linzmai aka cigaba da tafiya.
Nan fa jama'a suka dinga bin tawagar sarki Baddadul-ulƙas da kallo cike da matukar mamaki da al'ajabi,
Abu na farko da ya basu mamakin shine yadda tawagar Baddadul-ulƙas takasance mai tsananin yawa, da ta haɗar da aljanu da miyagun dabbobin daji,
Abu na biyu da ya fi basu mamakin yadda suka ga fuskokin baƙin sarakuna waɗanda ba'a taɓa ganin fusakun su a halartar gasar ba,
Haka dai tsoho Abu-Ɗariƙ ya cigaba da jagorantar tawagar sarki Baddadul-ulƙas suka wanzu suna masu ratsa unguwanni gami da saƙo da lungu na birnin,
Tafiyar daƙiƙa saba'in a kayi aka iso wata ƙasaitacciyar unguwa,
Unguwar an jima ta manyan gine gine benaye Masu tsawon ainun,
Idan mutum ya ɗaga kansa sama sai yaga cewa tamkar benayen sun shige cikin gajimare saboda Tsawon su,
Hatta kayan ƙawa da zanen tambarin gidaddajin irin ɗaya ne sak gwanin ban sha'awa,
Duk inda Mutum ya kalla dakaru ne shirye shirye cikin gagarumar shigar yaƙi mai matukar kwarjini daban daban ɗauke da miyagun makamai suna ta kai komo domin tabbatar da tsaro,
A ta dai wannan unguwa ana kiran ta da suna
Manazil-tijjar
Bisa wani katafaren gida aka ɗauke su sarki Baddadul-ulƙa,
Tun kafin su karaso waɗansu samudawan dakaru suka wangame musu kofar birnin ana zuwa aka kunna kai izuwa ciki,
Duk inda Baddadul-ulƙas ya gifta da tawagar sa sai dai kaga dakaru, kuyangi,da bayi na zubewa ƙasa suna kwasar gaisuwa Cikin ladabi,
Bayan an shiga ne sai a Kowa aka basa nasa masaukin,
Saurayi Hizmal, yaro Humair makaho da sunaila a bangare guda kowa da turakar sa,
Sarki shazwan, boka Dargas , sarkin yaƙi da tawagar bokaye a bangare guda,
Hushriba ,sarauniya Abidatul-auliya da sarauniya Nuwairat a sauki guda,
Sarki uslaim da tawagar sa,
Aljani Marhutul-Azab da boka Jadwar da matsafi shubairu da aljani Darmanu
Hibairu SARKIN SADAUKAI da budurwa Nihla,
Tare da tawagar dabbobi da aljanu da sukayi masa rakiya a masauki ɗaya ,
Sauki Baddadul-ulƙas kuwa masaukin sa daban,
Sai dai masaukin kowa yana bisa saman benayen ma bambanta,
Jim kaɗan sai ga waɗansu irin tsaka-tsalan kyawawan yan mata sun shiga rarraba abin kalaci da abubuwan sha da tanɗe -tanɗe a Kowa ne masauki.
Sai da aka shafe tsawon kwanaki huɗu ana gudanar da shirye - shiryen tunkarar gasar jarumtaka ta GOGA SHA FAMA,
A iya tsawon waɗannan kwanaki soyayya mai karfi ta ƙullu tsakanin HUBAIRU Sarkin sadaukai da budurwa Nihla,
Kuma Hibairu ya fahimci Yaren sauran mutane ainun, sai dai a Kowa ce rana sau ɗaya kacal sarki Baddadul-ulƙas yake yadda Hibairu ya gana da mahaifin sa Barde Shabbaru,
Tun a daren ranar da za'a gudanar da gasar jarumtaka,
Birin madinatul-shaja'a ya cika ya batse da al'umma manyan sarakai, attajirai, jarumai da bokaye sukayi cincirindo,
Kuka kuma a daren wannan rana ne aka aika da sunan dukkan tawagar dake tare da sarki Baddadul-ulƙas zuwa ga sarkin yakin birnin wanda shine ke kula da harkokin gudanar da gasar,
Lokacin da sarkin yaƙi abu-Damraz yaga jerin sunayen tawagar sarki Baddadul-ulƙas tare da jarumin da zai kasance wakilin sarki Baddadul-ulƙas wato SARKIN SADAUKAI Hibairu.
Sai ya shafe tsawon daƙiƙa goma yana nazarin sunayen,
Sa'adda ya ɗora idanun sa akan sunan hubairu sai yaji zuciyar sa ta buga da karfi, tsoro ya ɗari su a cikin ta.
Al'amarin da yayi matukar ba shi mamaki kenan yace a cikin ran sa,
Shin wane ne wannan baƙon jarumi Hibairu mene ne yasanya dukkan binciken da na gudanar bisa halarar tsafi bai bayyana mini shi ba.
Mene ne yasanya zuciya ta buga da na yi arba da sunan sa,
An ya kuwa wannan jarumi ba shi ne abin farauta ta ba?.
Amsar tambayar da ya ka sa bawa kan sa kenan,
Kawai sai ya dubi wani hadimi dake tsaye a gefen sa a durƙushe ƙasa bisa gwiwar sa cikin kakkausar murya yace dashi "yakai amirul-bait shin wane ne wannan jarumi kuma daga wace nahiya a ka taho dashi.
Ko da jin wannan tambaya sai Amirul-bait ya buɗi baki cikin ladabi yace"ya shugabana wannan jarumi da ake kira da suna Hibairu nayi leken a siri akan sa,
Abin da binciken ya tabbatar mini shi ne jarumin ya rayu ne a cikin daji tun yana jariri har ya cika saurayi,
Mutun ne mai ɗauke da abubuwan al'ajabi da jarumtaka,
Domin bokaye da matsafa haɗe da sarakai na yi ma shi laƙabi da SARKIN SADAUKAI
Domin bincike ya tabbatar da cewa a halin yanzu babu GWARZON MAYAKI kamar sa
Kuma dukkanninsu waɗannan sarakuna da ka gani da Jarumai sun biyo shi ne izuwa gasar jarumtaka domin ya cika burikan su,
Wani abu na mamaki da na gano ga me da wannan jarumi shi ne yakasance ɗa ne a wajen Barde Shabbaru wadda a duk shekarun da aka shafe ana gudanar da gasar jarumtaka ba'a taɓa samun gwarzo tamkar shi ba.
Ko da jin sunan Barde Shabbaru sai Sarkin yaƙi abu-Damraz ya miƙe tsaye zumbur daga kan kujerar sa a dubi amirul-bait yace dashi
Shin ya kayi Shabbaru ya kasance a raye har ya samu Haihuwar ɗa namiji,
Bayan cewa a sani na ya daɗe da mutuwa,
Tabbas wannan fa shi ake cewa ana wata sai ga wata,
Tabbas ba'a rabu da bukar ba an haifi habu yakai amirul-bait kayi sani cewa fiye da shekaru talatin barde Shabbaru ya cinye mai girma shaibat a gasar jarumtaka ta GOGA SHA FAMA,
Sarki yayi kukan baƙin wanda sai da ya kamu da rashin lafiya
Tsawon shekaru domin ya ɗaukar wa mahaifin sa alkawarin cewa sai ya zamo GWARZON MAYAKI na gasar jarumtaka,
Bisa hakan ya sanya ya bani wani sinadarin tsafi na sanyawa Barde Shabbaru a cikin barasa a lokacin da ake gudanar da shagalin nadin sarautar GOGA SHA FAMA,
Nayi mamaki da ka ce mini Shabbaru na raye Tabbas koda wani ya canza sinadarin dana sanya masa a cikin barasar ko kuwa waɗanda na umarta ne da aikin su ka ci amana ta,
Cikin biyun nan dole ɗaya ya faru.
Tsawon shekarun da aka shafe da faruwar wannan al'amari
Mai girma shaibat bai manta da wannan abu a zuciyar sa ba,
Bisa wannan dalili yasanya yasha alwashin cewa yar sa gimbiya haya'ul-nur
Ta sha alwashin sai ta cika wa sarki wannan buri na sa,
Yakai Amirul-bait kayi sani cewa ahalin yanzu gimbiya haya'ul-nur na cikin jerin sunayen jaruman da zasu fafata a gasar GOGA SHA FAMA,
Tabbas a halin yanzu a cikin tarko guda biyu,
Na farko shine yayin da sarki ya gano cewa HUBAIRU ɗa ne ga Barde Shabbaru zai tuhume ni akan aikin da ya bani na hallaka Shabbaru ya akayi ya rayu,
Abu na karshe shine tsoro na kada gimbiya haya'ul-nur ta faɗi a wannan gasa
Tabbas a tsakanin waɗannan abubuwa da na lissafa faruwar ɗayan su dai dai yake da na rayuwa ta
Haƙiƙa zama bai same ni ba matsawar Hibairu na numfashi a doran ƙasa,
Sa'adda sarkin yaƙi abu-Damraz yazo nan azancen sa sai hankalin sa ya sake dugunzuma fiye da ko Yaushe ya dubi hadimi Amirul-bait yace dashi ina so ka ɗebi dakarun leƙen asiri guda dubu su bazama ko ina a wannan birni kuma su saka idanu akan duk wani motsi na sadauki Hibairu,
Koda jin wannan umarni sai Amirul-bait ya miƙa tsaye ya fice daga cikin harabar.
Kashe gari tun da duku-dukun safiya ciki da waje na birnin madinatul-shaja'a ya cika ya batse da baƙi daga sassan duniya,
Domin halartar bikin gasar jarumtaka ta GOGA SHA FAMA.
Tun ketowar alfijir jama'a suka fara cincirindo shiga filin gasa domin samun wajen zama,
Nan fa yazamana cewa duk inda Mutum ya kalla a wajen gasar dakaru ne shirye cikin gagarumar shigar yaƙi hannayen su riƙe da miyagun makamai suna ta kai komo domin tabbatar da cikekken tsaro,
Kuma duk wanda zan shiga filin gasar sai an buga masa wani hatimi a tafin hannun sa
Idan kuwa mutum guda ne yake ɗauke da tawagar mutane a bayan sa zai bayyana takardar shaidar halartar sa gasar,
Daga cikin wajen gasar kuwa tuni an tsara komai yadda ya kamata wajen zaman sarakuna daban,jaruman gasa, attajirai da sauran su.
Kowa dai an tanadar masa wajen zaman sa dai dai da matsayin sa,
A cikin wannan hali ne aka hango tawagar wani basarake ta shigo filin gasar,
BASARAKEN yakasance gabjejen kato mai kirar samudawan farko,
Kallo ɗaya za ka yi masa ka fahimci cewa yana da karfi na Allah ya isa,
Sanye yake cikin ado na sarauta a gefen hannun sa na hagu wata irin tsaleliyar kyakkyawar budurwa ta gaban kwatance kai kace ita ce ta tsara kanta yadda take bukata domin tsayawa masalta kyawun ta ya huce hankali.
Tana sanye cikin gagarumar shigar yaƙi ta baƙin sulke, tun daga ƙasa har sama.
A gadon bayan ta ta rataya waɗansu zaratan takubba,
A gefen hagu da dama dakaru ne gami da hadimai ke take musu baya
Ba waɗansu ba ne waɗannan sarakai ba face
Sarki shuraih ibn shaslam na birin Iskandar tare da yar sa gimbiya Rumaisat,
Fiye da shekaru goma sha biyar sarki shuraih ya shafe yana sanya ana bawa yar sa gimbiya Rumaisat rohon yaƙi a can birin Kisra domin dai jiran wannan rana da zata shiga gasar jarumtaka ta GOGA SHA FAMA domin ta kafa tarihi a can nahiyar su ta gabashin duniya.
A lokacin da gimbiya Rumaisat ke karɓar horon yaƙin sai da yazamana cewa ta zarce kowa ne jarumi karfin damtse gami da sanin dabarun yaƙi,
Har yazamana an bata lambar girma mawa ta gwarzon mayaƙi,
Lokacin da mahalarta gasar su kayi arba da sarki shuraih ta tawagar sa fadar ta ruɗe da shewa masoyan sa nayi masa jinjina.
Waɗansu ma tsananin kwayun surar gimbiya Rumaisat ne ya ruɗe su.
Har sa sarki shuraih da tawagar su ka je suka zauna abisa kujerun da aka tanadar musu sannan fadar ta ɗan samu nutsuwa,
Haka dai tawagar sarakuna suka dunga shigowa fadar rukuni-rukuni kafin wani lokaci filin ya kammala cika maƙil,
Ana cikin wannan hali ne aka hango tawagar sarki Baddadul-ulƙas ta shigo filin gasar nan take fadar ta ruɗe fiye da ko yaushe kuma mutane suka cika da matukar al'ajabi bisa ganin yadda a wannan karon tawagar ta sa har da miyagun dabbobi su ma sun samu halartar gasar.
A wannan lokaci sarkin sadaukai Hibairu ya rufe fuskar sa da rawani idanun sa kaɗai ake gani don haka babu wanda ya shaida cewa wane ne gwarzon mayaƙi acikin tawagar sarki Baddadul-ulƙas,
Bayan Baddadul-ulƙas sun zauna bisa kujerun zaman su,
Sai mai girma shaibat ya miƙe tsaye ta hanyar ɗaga hannun sa sama fadar tayi tsit tamkar mutuwa ta gifta
A wannan lokaci yana sanye cikin shigar alfarma ta hamshakan sarakai,
Sannan daga bisani ya buɗi baki yayi gyaran murya yace
"Da farko ina yiwa dukkan mahalarta wannan GASAR jarumataka Barka da zuwa wannan birni mai albarka.
Nayi matuƙar farin cikin yadda manyan sarakuna, bokaye, attajirai,sadaukai haɗe da talakawa,
Su ka fito kwan su da kwarkwatar daga ko ina a sannan duniya domin halartar wannan gasa mai ɗumbin tarihi da ake gudanarwa tsawon shekaru,
Da wannan nake yiwa dukkanin mahalarta Barka da zuwa tare da fatan ayi taro lafiya a tashi lafiya,
Yanzu sai a samu nutsuwa a saurari sauran bayanin yadda gasar zata kasance daga bakunan alƙalan gasa.
Koda Gama faɗin hakan sai sarki shaibat ya koma bisa kan karagar sa ya hakimce,
Kawai sai sarkin yaƙi abu-Damraz ya miƙe tsaye yayi gyaran yace
"Bayan jawabin mai martaba yanzu abinda ke gaban mu shine gabatar da dokokin gasa ga dukkan jaruman da zasu fafata,
Amma kafin hakan yanzu za'a kira wo sunayen jaruman domin su wajen wajen zaman su dake daf da filin fama.
Gama faɗin hakan ke da wuya sai Sarkin yaƙi abu-Damraz ya sanya hannun sa na dama ya ɗauki wata jimammiyar fata dake ajiye a bisa teburin dake gaban sa,
Ya ɗora idanun sa akan ta sannan ya fara karanto sunayen jaruman kamar haka
Gimbiya haya'ul-nur yar mai girma shaibat
Koda jin an ambaci sunan yar mai girma shaibat sai fadar ta ruɗe da shewa,
Lokaci guda ta sauko daga kan karagar ta ta durfafi wajen zaman alkalan gasar,
Nan da wasu da ya wa daga cikin mazaje suka ɗimauce bisa ganin tsananin kyawun sura da diri nata,
Haka dai sarkin yaƙi ya cigaba da kiran sunayen sadaukan ɗaya bayan ɗaya
Jama'a nayi musu jinjina,
Har yazamana an ambaci sunan Jarumi Hibairu SARKIN SADAUKAI
Koda jama'a suka yi arba da Hibairu sai fadar ta kaure da ihu da shewa fiye da ko yaushe,
Zukatan al'umma cike da matukar mamaki da al'ajabi suna masu cewa wai shin dama Barde Shabbaru yana raye bai mutu ba,
Amma kuma ai Shabbaru ai a halin yanzu dattijo ne kuma ma labarin mutuwar sa ya watsa ko ina a duniya
Haka dai hubairu ya cigaba da tafiya har ya zamana ya zaune a bisa kujerar sa,
Koda ya zauna sai ya hangi wata tsaleliyar kyakkyawar budurwa ta ƙura masa idanu ko ƙiftawa baya yi,
Ba wata ce wannan kyakkywar budurwa ba face gimbiya Rumaisat yar sarki shuraih,
Koda gimbiya haya'ul-nur yar mai girma shaibat taga yadda Rumaisat ke ƙuruwa hubairu idanu sai ta daka mata harara kuma tace a cikin ran ta tabbas idan kin kamu da soyayyar Hibairu ne to kin so gawa mara amfani,
Domin na rantse da darajar iyaye na sai na hulakanta hubairu kamar yadda mahaifin sa ya wulakanta Abbana.
Kuma tabbas Ni ce zan zamo ajalin sa bayan na cinye wannan gasa ta GOGA SHA FAMA.
Sarkin yaƙi ya kira sunan jaruma ta karshe wacce ake kira Amirat bintu Hamza ta birnin madinatul-barnawiy.
Koda fitowar jarumar sai kowa ya cika da mamaki Bisa ganin jarumar bata ɗauke da alamar SADAUKANTAKA,
Kuma fuskar ta rufe take da rawani Nan fa daya wa daga cikin jihar jama'a suka kama yi mata dariya wasu kuma tausayin ta ne ya kamu bisa ganin cewa ita da bata kasance Basadaukiya ba amma ta shiga gasar mai haɗarin gaske da zata iya rasa rayuwar ta.
Bayan dukkanin jaruman gasa sun zauna a bisa kujerun da aka tanadar musu,
Sai sarkin yaƙi abu-Damraz ya cigaba dacewa
"Kafin mu kai ga shiga cikin shagalin yana dakyau dukkan jarumai su san da wadannan dokoki na gasar jarumtaka,
Doka farko ita ce Ba'a yarda ayi amfani da sihirin tsafi ba
Wajen samun nasara, koda mutum ya aikata acikin alƙalan gasa akwai bokaye dasu gane cewa yayi tsafin,
Dukkan jaruman da aka haɗa ku faɗa dashi babu damar a canza.
Kuma kamar yadda aka sani cewa dukkanin jaruman zasu dunga gwagwarmaya a tsakanin su har sai an fitar da gwarzo wanda shi ne babu wanda yakasance a saman shi.
Dukkan wanda yayi kisa za'a haramta masa shiga gasa na tsawon shekaru goma tare da tara mai tsauri,
Idan kuwa ya lashe gasar to za'a bawa yan uwan wanda ya kashe dukkan kyautuka da za'a ba shi,
Lokacin da sarkin yaƙi abu-Damraz yazo nan a jawabin sa sai ya koma kan kujerar sa a ya zauna,
Kawai sai wani garjejen kato mai sanye da jajayen tufafi masu yalwa ma'abocin tarin ƙasumba da gemu baƙaƙe siɗik
Ya miƙe daga cikin alƙalan gasar ya buɗi baki cikin kakkausar murya yace
"Yanzu dukkan jaruman gasa zasu hallara a Filin fafatawa dake tsakiya bayan ambaci sunayen su,
Da farko akwai mai girma gimbiya haya'ul-nur yar mai girma shaibat
Tare da gimbiya Rumaisat yar sarki shuraih
Sannan sadaukai Hibairu ibn Shabbaru
Tare da jaruma Amirat bintu Hamza ta birnin madinatul-barnawiy
Sadauki lazwas ibn shaslam na birnin Laufas
Da Jarumi nazwar ibn gaurus na birnin shasrad.
Koda kammala karanto sunayen sai filin gasar ya sake kaurewa da shewa da ihu fiye da ko yaushe,
Ɗaya bayan ɗaya jaruman suka dunga tashi suna isa zuwa filin,
Jim kaɗan sun kammala hallara.
Nan take kowa ya shiga kallon abokin gwamin sa kuma suna masu gazaye juna,
Dai dai lokacin da waɗansu dakaru ke buga waɗansu tambura da ganguna dake ziga dukkan mazaje da tsuma zukatan su a filin fama,
A bangaren gimbiya haya'ul-nur tsananin takaici ya turnuƙe zuciyar ta da a karon farko na gasar ba'a haɗa ta da hubairu sarkin sadaukai ba,
Ita kuwa gimbiya Rumaisat tsananin farin ciki ne ya kamata bisa ganin cewa ba'a haɗa saurayin da ta kamu da kaunar sa da abokiyar gabar ta gimbiya haya'ul-nur ba.
Daga can sai wani garjejen kato na daban ya ɗauki wani zunguren ƙaho a jikin sa ya kafa a bakinsa ya busa shi da ƙarfi,
Tamkar haɗin baki a lokaci guda jaruman kowanne bangare suka yi ɗauki kan abokanan gwamin su,
Suna masu ihu da kururuwa mai firgita DANDAZON MAYAKA a filin daga,
In da a ce mutum yana tsaye a wannan waje zai ga yadda jaruman takwas suka yi ɗauki kan junan su dole abin ya firgita shi domin yasan ko ba'a ce komai ba haƙiƙa za'ayi KARON MAZA,Kuma za'a sha ɗauki ba daɗi.
Yayin da aka haɗu da juna sai aka ruguntsume da azababban yaƙi mai matukar kwarjini muni,tashin hankali da ban tsoro,
Wohoho haƙiƙa idan kaji ƙidan farauta sai GWARAZAN JIYA ke amsa gayyata,
Idan garken zakuna suna fito fagen artabu babu masu tarar su ayi gaba da gaba face manyan giwaye,
Nan fa ɓangarorin suka shiga kaiwa juna sara da suka cikin matuƙar zafin nama juriya da bajinta tagaban kwatance tamkar jikkunan su basu kasance na jini da tsoka ba
Abangaren mahalarta taron gasa kuwa, lokacin da jaruma Nihla, Sunaila,saurayi Hizmal, sarauniya Abidatul-auliya,Nuwairat da yaro Humair makaho suka ga an kacame da azababban yaƙi tsakanin sarkin sadaukai Hibairu tare da jaruma Amirat bintu Hamza sai hankalin su ya dugunzuma ainun,
Duk da cewa a zahiri sun san cewa HUBAIRU ya nunka Amirat fiye da arba'in a SADAUKANTAKA da ƙirar jarumtaka,
Amma bisa ganin yadda Amirat ɗin ke yakar Hibairu cikin zafin nama juriya na ɓacin tsiya tamkar wata shaiɗaniya sai hankulansu suka dugunzuma ainun,
Domin dai matsawar Hibairu ya faɗi wannan gasa,
Tamkar rushewar cikar burikan su na duniya ne baki ɗaya,
Abangaren sarki Baddadul-ulƙas kuwa zuciyarsa babu yabo babu fallasa,
Domin yana ganin cewa tamkar Hibairu ya samu nasara ne akan jaruma Amirat,
Sai dai inda kizo ke saƙar shi ne don HUBAIRU ya samu nasara akan Amirat to lalle bane yakai ga nasara akan sauran jaruman,
Wani ɓangare a zuciyar kuma a zuciyar sa kuma yace dashi kada ka manta cewa nasara da Sa'a a jinin Hibairu take haƙiƙa sai ya samu nasara a wannan gasa,
Domin a halin yanzu babu gwarzon mayaƙi kamar shi a faɗin duniya,
Koda sarki Baddadul-ulƙas yazo nan a tunanin sa sai ya bushe da dariyar farin ciki,
Al'amarin da ya sanya sarki shuraih dake zaune daf dashi ya murtuke fuska tamkar an aiko masa da SAƘON MUTUWA,
ya dubi Baddadul-ulƙas da wani irin kallo mai ɗauke da alamar tamabaya,
A bangaren mai girma shaibat kuwa ya zuba idanu ya kallon yadda gasar ke gudana,
Zuciyar sa na dukan uku-uku,
Domin yana ganin cewa haƙiƙa koda yar sa gimbiya haya'ul-nur ta samu nasara gimbiya Rumaisat bai zama tilas ta samu nasara akan Hibairu ɗan Barde Shabbaru ba,
Abangaren teburin alƙalan gasa, al'marin sarkin yaƙi abu-Damraz kuwa ana fara wannan fafatawa tsananin jaruman sai hankalin sa ya dugunzuma ainun ya kasa samun nutsuwa, domin a halin yanzu yana cikin tsaka mai wuya,
Idan sarkin sadaukai Hibairu ya cinye wannan gasa,
Gimbiya haya'ul-nur ta faɗi, dai dai yake da ya rasa rayuwar sa,
A Ɓangaren dabbobin dajin da suka yi Hibairu rakiya izuwa Filin gasa,
Sa'adda suka ga yadda shugaban su Hibairu ya kacame da azababban yaƙi da jaruma Amirat sai suka dunga yin gurnani suna hargagi,
Dake nuna fatan nasara ga sarkin sadaukai Hibairu,
Nan fa mamaki Yakamata jama'ar dake filin gasar bisa ganin yadda dabbobin ke nuna alamun fatan alkairi ga Hibairu,
Abin tambaya anan shine mene ne alaƙar HUBAIRU da waɗannan miyagun dabbobi,
Me ne ne alaƙar dake tsakanin HUBAIRU da Barde Shabbaru tabbas a yadda alamu suka nuna lokacin da aka ambaci sunayen jaruman ya tabbatar dace wa Hibairu ɗan Barde Shabbaru.
Tabbas kyan ɗa ya gaji uban sa,. Nanfa jama'a suka dunga yiwa gwanayen su jinjina,
Amma sai ya zamana fiye da rabin jama'a hubairu suke ɗagawa hannu suna yi masa kirari, masu wake nayi masu shewa nayi.
Nan fa zuciyar sarki shaibat ta kama tafarfasa tamkar zasu ƙone,
Bisa ganin yadda jama'a ke nuna goyon baya ga Hibairu,
A tsakiyar filin gasar kuwa jaruman sun wanzu suna kaiwa junan su sara da suka cikin ɓakin zafin nama juriya da jarumtaka irin ta JARUMAN DUNIYA,
Duk wanda ya gaɓzawa ɗan uwan sa nashi sai kaga shi ma ya mayar da martani Cikin zafin nama tamkar suna casar hatsi.
Kai kace wata na'ura ce ke sarrafa su ba da jini da tsoka ke gudana a jikkunan su ba.
Lokacin da zaratan Jaruman gasar GOGA SHA FAMA suka wanzu suna kaiwa Juna naushi da bugu cikin matukar zafin nama juriya da jarumtaka ta gaban kwatance,
Sai aka shafe tsawon daƙiƙa arba'in ana wannan fafatawa babu sassauci,
Nan fa wani abun mamaki ya fara wakana,
Domin bangarorin jaruman ana samu ragas ma'ana karfi yazo ɗaya,
Duk sa'adda ɗayan su ya gaɓzawa abokin faɗa sa naushi sai kaga ya shanye dukan,
Shi ma ya taƙarkare ya mayar da martani Cikin gwanin ta da zafin nama.
Nan fa jama'a suka shiga yin shewa da tafi bisa ganin cewa har yanzu babu alamun nasara ga dukkan bangarorin jaruman,
Wannan fa shine abinda masu iya magana ke cewa kyan faɗa akwana ana yi.
A ɓangaren Jarumi Hibairu da jaruma Amirat kuwa sun wanzu suna bawa hammata iska,
Suna kai wa juna hari ta ƙasa da sama,
Wasu lokutan har daka tsalle sama suna kaiwa juna harin.
Lokacin da Hibairu sarkin sadaukai yaga cewa an shafe tsawon Sa'a sittin batare da ya samu nasarar kai Amirat ƙasa ba,
Sai ya cika da matukar al'ajabi da mamaki, kuma hankalinshi ya dugunzuma ainun,
Abin da ya bashi mamaki shine yadda akayi ya kasa samun nasara akan Amirat bayan cewa a zahiri ya nunka a karfin damtse da ƙirar jarumtaka,
Abin da Ya dugunzuma hankalin sa kuwa shine matsawar ya faɗi wannan gasa shi kenan bazai taɓa samun nasarar fansar rayuwar mahaifinshi daga hannun sarki Baddadul-ulƙas ba,
Sa'adda sarkin sadaukai yazo dai-dai nan sai kawai ya sake zage damtse yana cigaba da kaiwa Amirat naushi da bugu da wani irin salo na musamman.
A ɓangaren gimbiya haya'ul-nur yar mai girma shaibat da gimbiya Rumaisat yar sarki shuraih kuwa
Labari yasha bambam domin sun fara haɗawa junan su jini da majina suna rangaji jiri na ɗibar su amma saboda juriya da bajinta irin ta JARUMAN DUNIYA sai suka ƙi yarda su faɗi ƙasa,
Su ka cigaba da faɗan a haka kawai,
Abangaren sadauki lazwas ibn shaslam da Jarumi nazwar kuwa,
Sun tara zufa sun jiƙe sharkaf saboda yadda suke naushi da bugun juna cikin gwaninta da salon yaƙi mai matukar kwarjini,
Domin idan lazwas ya gabzawa nazwar naushi a fuska ya kife ƙasa,
Sai ya ɗan huta na yan daƙiƙa sannan ya taso sama ya mayar da martani,
Lokacin da Sa'a ɗaya ta cika da fara wannan artabu sai salon yaƙin ya canza salo,
Kasancewar rana tayi tsananin zafi ainun sai sadaukan suka fara galabaitar da juna,
Ana cikin wannan artabu ne sadauki lazwas ya kaiwa jarumi nazwar naushi a wuya a lokacin da shi ma yakai mishi harin a kirji,
Cikin nasara kowanne su ya samu nasarar samun ɗan uwan sa nan take suka kurma wawan ihu suka sulale ƙasa
Babu alamun rai a tare dasu,
Al'amarin da ya sanya fadar ta kaure da shewa da tafi kenan kuma ya dugunzuma hankalin attajiran da su ke ɗauke da alhakin sanya jaruman a cikin gasar
Shin yanzu jaruman nasu sun rasa rayukansu ne ko kuwa doguwar suma su kayi
Cikin hanzari waɗansu zaratan dakaru suka shigo filin Ɗauke da keken doki suka ɗauki jaruman biyu suka ɗora su akai,
Suka fice daga filin gasar domin basu taimakon gaggawa a ceto rayuwar su,
Ana cikin wannan fafatawa sarkin sadaukai Hibairu tare da jaruma Amirat suka kaiwa juna naushi a fuska,
A lokacin da suka Daka tsalle izuwa sama,
Cikin Sa'a kowanne ya gabzawa ɗan uwan sa naushi a fuska,
Take suka hantsilo suka rikoto ƙasa, amma saboda gwanin ta kafin su kai ƙasan sai kowanne su ya ware kafafunsa biyu ya turje a cikin ƙasa,
Sannan suka kaiwa juna karo da kawunan su jika ke gau,
Amma a wannan karon sai suka kife a ƙasa suna haki tamkar waɗansu zakaru,
Koda ganin irin gwanintar da sadaukan ke yi sai filin fadar ya kaure da shewa da jinjina haɗe da ihu,
Al'amarin gimbiya haya'ul-nur da Rumaisat kuwa,
An cigaba da yin kare jini biri jini babu alamu dake nuna cewa ga gwanar dake da nasara a cikin su,
Lokacin da alƙalan gasa suka cewa an shafe tsawon Sa'a uku ana wannan artabu babu alamun nasara ga dukkan bangarorin sai wannan badakare daya busa ƙahon yaƙi ya sake ɗauko wannan ƙaho ya busa da karfi,
Take kowanne jarumi yaja ya tsaya cak yana haki da hararar abokin gwamin sa.
Sarkin yaƙi abu-Damraz ya sake miƙewa tsaye a karo na biyu yayi gyaran murya ya fuskanci jama'a yace"yaku mahalarta wannan gasa mai albarka kuyi sani cewa duba da yadda har sa'o'i uku suka shuɗe babu alamun nasara ga dukkan bangarorin,
Bisa tsarin wannan gasa za'a tafi hutu na rabin Sa'a domin jarumai su sake kimtsa wa suyi sabon shiri domin yin karon batta ta biyu wacce a cikin ta ne muke sa ran za'a ƙarƙare wannan gasa domin fitar da gwarzon mayaƙi,
Koda jin wannan jawabi daga bakin Sarkin yaƙi abu-Damraz sai fadar ta sake ruɗewa da shewa cikin Hanzari dukkan jaruman huɗu suka fice daga filin gasar,
Kai tsaye sarki Baddadul-ulƙas ya sanya hadiamn sa suka shiga duba lafiyar jarumi Hibairu domin ya samu wartsakewa kafin a koma zagayen gasa ta biyu,
Shi kuwa sarki shuraih cikin tashin hankali ya tari yarsa gimbiya Rumaisat tare da duba halin da take ciki koda yaga cewa ta galabaita ainun sai hankalinsa ya dugunzuma ya umarci wadansu kwararrun likitoci suka shiga duba lafiyar ta,
Abangaren mai girma shaibat kuwa da kansa ya a shiga gasawa yarsa gimbiya haya'ul-nur fuskan ta ta ruwan ɗumi domin kumburin dake fuskantar ya sabe,
Sakamakon jinin da ya taru a fuskar saboda naushin da gimbiya Rumaisat yar sarki shuraih tayi mata,
Kuma duk bayan daƙiƙa uku ya tambaye ta shin ya a bar alfaharina a wane hali kike jin jikin ki yana sauƙi kuwa,
Al'amarin jaruma nihla, sunaila, Hizmal,yaro Humair makaho, sarauniya Abidatul-auliya, Nuwairat da matsafi shubairu kuwa,
Lokacin da suka ga yadda sarkin sadaukai Hibairu ya jigata ainun,
Sai hankulan suka dugunzuma ainun, suka dunga kai komo a bakin ɗakin da ake duba lafiyar Hibairu.
Kamar yadda sarkin yaƙi abu-Damraz ya faɗa haka al'amarin yakasance,
Wato rabin Sa'a na kammala cika sai dukkan jaruman gasa gami da sauran jama'a suka sake hallara a karo na biyu,
A lokaci guda jaruman gasa suka shiga izuwa Filin fama suna masu zagaye juna,
Amma a wannan karon babu jarumai biyu, wato sadauki lazwas da jarumi shazwas,
Har a wannan lokaci fuskar jaruma Amirat na sanye cikin rawani idanuwan ta kaɗai ake gani,
Koda ganin cewa Jaruman suna shirin fafatawa,
Sai wannan badakare ya sake ɗauko wannan gabgegen ƙaho ya kafa a bakinshi ya busa da karfi
Wohoho haƙiƙa masu iya magana sunyi gaskiya da suka ce idan babu ƙasa nanne ake gardamar kokawa.
Kuma ranar bikin sarakai babu e fitowa ya taka rawa face wacce da wane,
Kafin sautin ƙahon ya kammala mamaye fadar
Sarkin sadaukai Hibairu yayi ɗauki izuwa kan jaruma Amirat,
Gimbiya haya'ul-nur kuwa ya ruga izuwa kan gimbiya Rumaisat,
Su dukan ukun suna ihu da kururuwa mai firgitar wa,
Jaruma Amirat na ambaton sunayen Ubangiji a cikin ran ta,
Lokacin da aka haɗu da juna sai aka ruguntsume da azababban yaƙi mai matukar kwarjini daban sha'awa,
Jaruman huɗu suka wanzu suna kaiwa juna naushi da bugu hannu da ƙafa,
Cikin matukar zafin nama juriya da jarumtaka irin ta zaratan Jarumai
Nan fa ƙura ta turnuƙe, sautin naushi da ihun mazaje ya cika filin baki ɗaya
Ana fara wannan artabu ne wani abin mamaki ya fara gudana domin kuwa a wannan karon jarumi Hibairu da jaruma Amirat na tashi izuwa sararin samaniya suna yaƙar junan su,
Tamkar sun kasance masu fuka-fukai,
Nan fa filin gasar ya ruɗe da shewa masoyan Hibairu da jaruma Amirat nayi musu tafi,ihu da jinjina,
Al'amarin da ya harzuƙa zuciyar mai girma shaibat kenan,
Zuciyar ta kama tafarfasa tamkar zata faso kirjinshi ta fito waje,
Ya dubi Sarkin matsafan masarauta yace dashi a cikin raɗa a fusace "shin mene ne amfanin alƙalancin da aka baku,
Shin bakwa ganin anyi amfani da karfin sihirin tsafi ga wadancan jarumai biyu,
Koda jin wannan tuhuma sai sarkin matsafa ya risina ya dubi sarki cikin ladabi da girmamawa yace"ya shugabana ai tuni dukkan tawagar alƙalanci sun gudanar da bincike bisa abinda ke wakana tsakanin jarumi Hibairu da jaruma Amirat,
Kuka kuma abin da Binciken ya tabbatar mana cewa sam wannan tashin saman da suke yi babu aikin sihiri a cikin shi.
Ni kaina al'marin ya firgita ni kuma ya ɗimauta domin ko da a tarihi ban taɓa ganin wanda yayi wannnan aikin almara ba batare da yayi amfani da sihiri ba,
Sai dai irin mutanen nan da ake wa lakabi da ma'abota addinin Musulunci,
Ka da jin wannan bayani daga bakin Sarkin matsafa,
Sai takaici ya sake turnuƙe sarki shaibat yaji tamkar ya zare takobin sa ya afkawa hubairu sarkin sadaukai ya hallaka shi,
Kuma ya tambayi kanshi a cikin ranshi yana mai cewa
Shin tsakanin HUBAIRU da Amirat wane ne yakasance ma'abocin addinin musulunci?
Amma kuma yadda sunan ya nuna Amirat suna ne Musulmi,
Amma shi hubairu ya ƙarbi addinin ne ko kuwa,
Taya ya yake yin wannan abin bajinta batare da yayi amfani da sihiri ba,
Haƙiƙa idan har ɗaya daga cikin su yakasance
Musulmi abune mai matukar wahala bazasu samu nasarar lashe wannan gasa ba,
Koda ya sake zuwa Nan a tunaninshi sai yaji tamkar ya kwala ihu
Abangaren sarki Baddadul-ulƙas kuwa sa'adda yaga yadda jaruma Amirat take yaƙar hubairu cikin gwanin ta da kwarewar yaƙi,
Kuma babu alamun dake nuna cewa HUBAIRU zai samu nasara akan ta.
Sai hankalin sa ya dugunzuma ainun kuma ya fusata
Abinda ya dugunzuma hankalin shi shi ne yadda alamu ke nuna cewa abu ne mai matukar wahala hubairu ya lashe wannan gasar jarumtaka,
Shin ko kuwa hubairu baya tare da zoben sihirin sa ne,
Abin da ya fusata shi shine shin wace wannan boyayyen jaruma Amirat dake ƙoƙarin ganin ta tozarta shi,
A wannan gasa ta sanya yayi muguwar asarar dukiya mai tarin yawa wacce ban taɓa yin kamar ta ba.
Me ne ne dalilin daya sanya halarar tsafi na bata bayyana mini jaruma Amirat ba,
Haƙiƙa matsawar jaruma Amirat ta lashe wannan gasa sai na shafe Birnin su daga doran ƙasa koda kuwa kiyashin birnin su bazan bari a raye ba.
Lokacin da sarki Baddadul-ulƙas yazo nan a tunaninshi sai ya sake murtuke fuska tamkar an aiko masa da SAƘON MUTUWA.
A binda sarki shaibat da sauran jama'a basu sani ba shine
Bakomai yasanya Amirat take samun nasarar tashi sama batare da fuska fukai ba.
Sai domin ta na yin hakan ne bisa iko da karfin buwayar Ubangiji
Shi kuwa jarumi Hibairu yana samun nasarar tashi saman ne bisa sirrin tsafin dake jikin ZOBEN SHIRIN sa,
Abinda yasanya alƙalan gasar basu gane sihirin tsafin ba,
Sai domin bisa tsarin sirrikan tsafin dake jikin ZOBEN sune makarin dukkan sirrikan tsafin duniya,
Duk wani sirrin tsafi da ya haɗu da na jikin ZOBEN SHIRIN
Sai ya lalata sirrikan tsafin gaba ɗaya koda kuwa sun kai guda miliyan guda,
A tsakiyar filin fama kuwa an cigaba da yin ɗauki ba daɗi,
Jaruman sun wanzu suna kaiwa juna naushi da bugu cikin matukar zafin nama juriya da bajinta tagaban kwatance,
Ana cikin wannan fafatawa ne Hibairu da jaruma Amirat suka kaiwa juna wawan naushi a ciki,
A lokaci guda bisa Sa'a sai kowannen su ya samu ɗan uwan sa nan take su duka biyun suka sulale ƙasa,
Babu alamun rai a tare dasu har idanuwan su sun fara ƙafewa.
Lokacin da jama'a suka ga halin da manyan gwanayen biyun ke ciki,
Sai hankulan su suka dugunzuma ainun.
Har wasu daga cikinsu suka fara zubar da hawayen baƙin ciki.
Domin fargabar kada ace gwanayen su sun rasa rayukansu a wannan gumurzu.
A wannan karon ne gimbiya haya'ul-nur da Rumaisat suka baje a ƙasa suna haki, gami da hararar juna tamkar waɗansu zakaru,
Abangaren tawagar sarki Baddadul-ulƙas kuwa,
Wato dukkan sarakuna da jaruman da sukayi masa rakiya su ka ga halin da gwanin su SARKIN SADAUKAI Hibairu ke ciki sai kwallar takaici ta
A dai dai wannan lokaci shugaban alƙalan gasa wato sarkin yaƙi abu-Damraz ya lura cewa lokacin da aka ɗibarwa gasar ya kusa ƙarewa gashi babu alamun nasara ga dukkan bangarorin,
Sai kawai ya miƙe tsaye tsam daga kan karagar sa da nufin yace wani abu sai kawai ya jiyo gimbiya haya'ul-nur da Rumaisat daga filin gasar,
Ai kuwa yana dubawa sai ya ga ashe dukkan su san sake zubewa ƙasa ne babu alamun nasara,
Daga can sai kawai akaga HUBAIRU da Amirat sun miƙe tsaye zumbur tamkar haɗin baki gami da kaiwa juna bugu da naushi,
Tamkar babu wani abu da ya sameshi,
Koda ganin hakan sai gaba ɗaya jama'ar dake wajen suka ruɗe da shewar murna.
Jaruma nihla masoyiyar hubairu bata san sa'adda ta miƙe tsaye ba ta kama yiwa masoyin ta jinjina,
Sarki Baddadul-ulƙas da dukkan tawagar murna ce ta kama su ainun,
Ana fara wannan sabon artabu ne sai Hibairu ya shiga ambaton waɗannan kalmomi da yaji ameerat na ambata a duk lokacin da suka fara gumurzu wato Allahu Akbar!
Domin ya tabbatar dacewa tunda har nasara da jarumtakarsa bata sanya yayi galaba akan Amirat ba,
To lallai kalmomin da amirat ke amfani dasu zasu iya bashi nasara,
Domin dai ya samu nasara akan Amirat ɗin,
Amma wani abu daya fahimta shine tabbas jaruma Amirat Bata niyyar taga ta cinye shi a wannan gasa,
Domin sau arba'in tana samun damar da zata illatashi kada yayi nasara amma taƙi aiwatar da hakan,
Faruwar hakan keda wuya sai hubairu yaga cewa a halin yanzu yana samun nasarar kai Amirat ƙasa,
Har takai bata iya mayar da martani, ana cikin wannan hali ne hubairu ya shammaci ta ya gabza mata wawan naushi a gadon bayan ta.
Saboda da karfin naushi,
Sai da amirat tayi sama tamakar an janye ta da ƙugiya,
Sannan daga bisani ta faɗo ƙasa tim! Hancinta da bakinta na yoyon jini,
Numfashin ta na fita sama-sama, adai dai lokacin ne gimbiya haya'ul-nur da Rumaisat suka suka bajewa a ƙasa wanwar sakamakon naushin juna da sukayi a cikin su,
Sai da aka shafe tsawon daƙiƙa hamsin acikin wannan hali batare da an ga ɗaya daga cikin jaruman uku ya miƙa tsaye ba domin cigaba da artabu,
Har sai da badakaren dake busa ƙahon gasa ya ɗauko ƙahon ya busa sau uku amma babu wanda yayi yunkurin miƙewa.
Nan fa magoya bayan jaruma Amirat, gimbiya haya'ul-nur,da gimbiya Rumaisat suka shiga kiran sunayen gwanayen su domin su miƙe kafin wa'adin busa ƙahon ya cika.
Shi kansa sarki shaibat bai sa'adda ya shiga kwallawa yar shi gimbiya haya'ul-nur kira amma shiru kake ji.
Amma sai badakaren a kammala busa ƙahon gasar,
Abin da ya tabbatar dacewa sarkin sadaukai Hibairu shine ya zamo gwarzon daya lashe gasar GOGA SHA FAMA,
Nan fa fadar ta ruɗe da shewa, kide-kide da raye-raye kamar za'ayi shagalin nadin sarautar,
Saboda da murna,
Jaruma sunaila, Hizmal, Abidatul-auliya, Nuwairat,yaro Humair, matsafi shubairu,sarki shazwan da tawagar sa, aljani Marhutul-Azab da sauran dabbobi tawagar sarkin sadaukai basu san sa'adda suka shiga tiƙar rawa ba suna shewa da murna tamkar waɗanda suka zautu.
Sarki Baddadul-ulƙas kuwa kururuwar murna ya shiga yi tamkar wani tsohon mahaukaci,
Bisa ganin jarumin sa ya lashe gasar GOGA SHA FAMA ta sabuwar Shekara,.
Cikin hanzari dakaru na musamman suka shiga izuwa Filin yakin suka ɗauki
Jaruma Amirat, gimbiya haya'ul-nur da gimbiya Rumaisat abisa keken doki aka fice dasu daga filin gasar, domin duba lafiyar su,
Mu haɗu a littafi na 5 domin jin cigaban wannan ƙayataccen labari.
Daga Alkalamin
Mansur Usman Sufi
Sarkin Marubutan yaki
08137237071
GOGA SHA FAMA
End book
Writing by
MANSUR USMAN SUFI
Cikin kaɗuwa da matukar fushi da sarki shaibat bai taɓa yin kamar sa ba,
A wannan lokaci in da ace mutum yana tsaye a wannan waje sai ya rantse yace "garwashin wuta aka watsa masa akan fuskar tashi saboda yadda ya murtuke ta tamkar bai taɓa dariya ba.
Kawai ya miƙa tsaye zumbur daga kan karagar shi ya yabi bayan keken dokin da gimbiya haya'ul-nur ke ciki da sauri,
Dakarun shi na biye dashi cikin tashin hankali,
Sarkin yaƙi abu-Damraz kuwa saboda tashin hankali dakyar ya samu dama yayi wa mutane bayanin cewa
A gobe ne za'a gabatar da bikin naɗin Jarumi Hibairu a matsayin GOGA SHA FAMA,
Tare miƙa kyautuka gareshi da bawa wakilin daya sakashi a cikin gasar dukkanin dukiyar sauran sarakunan da jaruman su sukayi rashin nasara a cikin gasar.
Yana kammala jawabin ya miƙe zumbur yaja tawagar dakarun shi suka fiye daga fadar,
Shi kuwa jarumi Hibairu koda yaga an fice da jaruma Amirat cikin halin dake tsakanin Rayuwa da mutuwa sai ya tsinci kanshi cikin alamun tsananin damuwa da tausayin halin da take ciki,
Nan fa jama'a suka fara darewa suna ficewa daga filin gasar,
Gaba ɗaya tawagar sarki Baddadul-ulƙas suka dunguma suka tari sarkin sadaukai Hibairu suna masu yi masa jinjina.
Kai tsaye suka dunguma suka fice daga filin gasar domin komawa izuwa masaukin su.
Lokacin da tawagar sarakuna da jarumai suka yiwa da suka yiwa Sarkin sadaukai Hibairu rakiya izuwa Filin Garsar goga sha fama,
Sai suka ci-gaba da tafiya acikin saƙo da lungu na birnin madinatul-shaja'a.
Duk inda suka zo giftawa sai kaga jama'a suna yiwa Hibairu jinjina suna ɗaga mashi hannu.
Haka dai suka shiga da tafiya acikin birin har suka iso izuwa masaukin su.
Kai tsaye aka dunguma izuwa ciki, bayan dakarun dake tsaron kofa sun wangame kofar shiga masaukin.
Da yake a wannan lokaci duhun magari ba ya kawo kai sai sarki Baddadul-ulƙas yayi Umarni aka kunna dukkan fitulun dake gidan ya kaure da haske ɗau!.
Lokacin da hubairu ya shiga izuwa masaukin shi sai ya kasa zaune ya kasa tsaye ya wanzu yana kai komo.
Bakomai na sanya shi a cikin wannan hali ba sai tunanin halin da jaruma Amirat ke ciki.
Nan take ya raya a ranshi cewa haƙiƙa komai tsananin duhun dare kafin wayewar gari sai ya ziyarci jaruma Amirat a sirran ce batare da wani ya sani ba.
Yana cikin wannan hali ne yaji an kwankwasa kofar turakar.
Kawai sai yayi gyaran murya da nuna bayar da umarnin shigowa.
Kofar tayi ƙara tana kammala buɗe wa sai yayi arba da ita ba wata bace face jaruma
Nihla,
Sannu a hankali ta iso daf dashi, tana sakarmashi ƙaytaccen murmushi,
Shima martanin murmushin ya shiga mayarta.
Fuskar ta cike da annuri ta dubeshi
tace "ya masoyiyina ina fatan kana cikin ƙoshin lafiya, hankali yakasa kwanciya, shi yasa ya yanke shawarar cewa dole sai nayi arba dakai sannan zan iya samun runtsawa.
Murmushi ya sakar mata bisa jin daɗin furucin nata, ya buɗi baki yayi gyaran murya.
Yace "ina matuƙar alfahari dake ya farin cikin zuciyata, haƙiƙa ina cikin ƙoshin lafiya.
Nihla cikin mamaki.
"Amma ina dalilin rashin barcinka a lokacin daya kamata ace ka kwanta domin warware gajiyar dake tare dakai, domin a gobe da safe ka tashi da kwarin jiki, a lokacin da za'a baka lambar girmamawa ta Zakaran GOGA SHA FAMA.
Koda jin wannan batu daga bakin masoyiyarshi sai hankalin shi ya dugunzuma bisa tsoron kada ta fahımcı akwai wata damuwa a tare dashi.
Sai yayi gyaran murya yace "ya rabin raina haƙika bakomai ne ya hanani rintsawa ba sai bisa ga dalilai guda biyu.
Na farko shine tunanin a wane hali mahaifina yake ciki a hannun sarki Baddadul-ulƙas.
Dalili na biyu tsaron kada sarki Baddadul-ulƙas yaci amanata ya yaudareni, a kowa ne hali dakarun sumame zasu iya kawo mini farmaki akoda yaushe.
Koda dai na mai girma shaibat ko na sarki shuraihu domin su hallakani.bisa jin haushi da baƙin cikin faɗuwar su gasar GOGA SHA FAMA.
Da jin wannan bayani sai Nihla ta gyaɗa kai alamar gamsuwa gami da tausaya wa.
Tace "tabbas maganar ka gaskiya ce amma baka ganin cewa duka gidan nan cike yake da dakarun tsaro, bana tunanin akwai hanyar da wani zai kawo farmaki.
Hibairu yayi murmushi yace "Zancen ki dutse ne amma kada ki manta masu iya magana na cewa.
"Komai sammakonka wani a hanaya ya kwana ".
"Kuma idan kana dakyau ka ƙara da wanka".
"Zance ka dutse ya sarkin sadaukai.
Nihla ta faɗa tana mai juyawa domin ficewa daga turakar gami da sakar mashi ƙayataccen murmushi.
Koda ficewar ta daga turakar sai ya shiga sanya waɗansu kayatattun tufafi baƙaƙ, ya rufe fuskar sa da rawani ya rataya wata zabgegiyar takobi a gadon bayanshi.
Yana kammala hakan sai ya kawai ya murza zoben sihirin dake hannunshi, take ya ɓace ɓat tamkar bai taɓa wanzuwa ba.
Ko da ɓacewarshi da kamar daƙiƙa goma ba sai ga waɗansu miyagun halittu ya ketowa daga jikin bangwayen turkar, tamkar yadda danshi ke tsattsafowa daga ƙasa.
Sannu a hankali suka dunga bayyana suna fitar da wani irin gurnani mai ban tsoro.
Yayin da suka kammala bayyana sai suka bincike turakar saƙo da lungu.
Al'amarin jarumai Hibairu kuwa, lokacin da ya ɓace daga turakarshi bai bayyana a ko ina ba, sai a nesa ƙaɗan da masaukin su.
Sannan ya cigaba da tafiya cikin ɗarɗar yana mai waige-waige, domin yana ganin cewa a kowa ne lokaci za'a iya kawo mashi farmaki.
Yana cikin wannan tafiya ne kwatsam bazato babu tsammani sai yaga waɗansu irin zaratan dakaru marasa adadi na fitowa daga cikin kowace kusurwar dake unguwar.
Kafin yayi wani yunkuri sunyi mashi ƙawanya suna gurnani da hargagi tamkar zasu ci babu.
Dakarun suna shirye cikin gagarumar shigar yaƙi mai matukar kwarjini daban tsoro, suna ɗauke da makamai na ƙare dangi.
Komai dakewar zuciyar mutum idan yayi arba dasu dole ya ɗimauce saboda kwarjininsu.
Cikin matuƙar zafin nama HUBAIRU ya zare takobinshi aka fara kallon-kallo tsakanin su, na tsawon daƙiƙa arba'in.
Daga bisani wani garjejen ƙato,wanda da alama shine shugaban su ya buɗi baki cikin kakkausar murya tamkar saukar aradu yace.
"Yakai Hubairu ina so yanzu take ka miƙo mini zoben sihirin dake hannunka cikin ruwan sanyi,domin na yanke maka kisa mafi sauƙi ta hanyar tsinke maka wuya.
Idan kuwa kayi taurin kai, yanzu zan umarci tawagata ta gididdiba sassan jikinka, ta yadda kowa tsuntsaye basu damar tsatstsagar namanka ba.
Koda jin wannan batu daga bakin katon, sai hubairu ya bushe da dariyar mugunta, daga bisani ya murtuke fuska tamkar an aiko masa wasikar ajali, ya dube sa yace "yakai wannan katon banza kayi sani cewa ka tafka babban kuskure da kake bani umarni.
Nine yafi cancanta na baku umarnin, yanzu kafin na zare ruhikan ku daga gangar jikkunan ku ina so ku sanar dani shin wane mai ɓatar basirar ne ya turoku domin ku hallakani?.
Kafin Hubairu ya gama rufe bakinshi, ƙaton ya tari numfashin shi yana mai daka masa tsawa yace"tabbas yanzu zan ganar dakai kuren ka zan hallaka kuma na tafi da ZOBEN SHIRI, domin sanin wane ne ya aiko mu gareka ya huce tunanin ka.
Kafin ya gama furucinshi, dakarun sun zare makamansu sunyi ɗauki izuwa kan hubairu, suna ihu da kururuwa mai firgitar DANDAZON MAYAKA a filin daga,
Shi kuwa ya tare su aka fara ɗauki badaɗi, duka ɓangarorin biyu suka wanzu suna kaiwa juna sara da suka cikin matuƙar zafin nama juriya da bajinta tagaban kwatance.
Wohoho! Maza gumbar dutse, haƙika inda babu ƙasa nan ne ake gardamar komowa.
Nan fa ƙarar karafniyar ƙarafa, ihun mazaje haɗe hargagi ya cika dodon kunne.
Sai da aka shafe tsawon rabin Sa'a da daƙiƙa talatin ana wannan artabu babu sassauci.
Nanfa dukkan bangarorin biyu suka fara gane kuren su, shi hubairu ya cika da mamakin yadda dakarun ke da zafin naman sa yakasa samun nasarar hallaka su.
Su kuwa suna al'ajabi ne bisa ganin cewa duk yawan su ya tashi a banza, halitta ɗaya ta zamemusu alaƙaƙai.
Lokacin da Sa'a ɗaya ta shuɗe ne ana wannan fafatawa,wani daga cikin mayakan ya sulala ta bayan hubairu ya makashi ƙoatar takobin sa, saboda raɗaɗin da hubairu yaji, bai san sa'adda ya kurma ihu ba.
Kafin yayi wani yunƙuri badakaren ya sake dankara mashi wawan sara a gadon bayan shi,take in da ya sareshin ya haddasa wani lafcecen rauni jini ya kama feshi yana tsartuwa.
Hubairu ya sake kurma ihu karo na biyu ya sulale ƙasa magashiyan yana nishin wahala,
Kawai sai wannan garjejen kato ya zare wani zabgeegen al'amudi a damtsen shi ya taka da kafafunshi har izuwa in da yake kwance, sannan ya ɗaya ɗaga al'amudin domin ya tarwatsa ƙoƙon kan Hubairu.
Kwatsam bazato babu tsammani sai sauran dakarun suka ji shugaban su ya tsandara ihu, ya sulale ƙasa matacce ko shurawa bai yi ba.
Al'amarin daya firgita su kenan suka ja da baya domin suga wane ne yayi kisan, ai kuwa sai suka akayi arba da wata bakuwar jaruma
Sanye da fararen tufafi masu yalwa, ta rufe fuskar ta da siɗin rawani, hannunta rike da wata ƙasaitacciyar kwari da baka.
A sannanne dakarun suka fahimci cewa Jarumar tayi amfani da kibiyoyin ta wajen hallaka shugaban nasu, don Allah sai jikinsu Yakama tsuma yana kyarma saboda matuƙar fushi sukayi jarumar ƙawanya,
Wani daga cikin jaruman ya kurma wawan ihu yayi ɗauki kan jarumar yakaimata wani wawan sara a wuya, Cikin wani irin baƙin zafin nama ta sanya bakanta ta kare harin sannan ta daki badakaren a kirji.
Take ya faɗi ƙasa matacce ko shurawa bai yi ba, cikin zafin nama jarumar ta buɗe baki ta karanti waɗansu kalmomi da ita kaɗai tasan me take furtawa , ta tsugunna ƙasa ta tofa a bisa raunin dake gadon bayan Jarumi Hibairu,
Take raunin ya warke sumul, adai dai lokacin da hubairu ya miƙe tsaye cikin ƙoshin lafiya, yana mai ƙura wa ɓakuwar jarumar idanu ko ƙiftawa ba yayi.
Yana mai tambayar kansa a cikin ranshi yana cewa shin wacece wannan bakuwar jaruma, kuma mene ne dalilin daya sanya ta ceci rayuwata, shin ko kuwa jaruma Amirat ce tayi badda-kama, amma kuma ai Amirat na cikin jinyar rashin lafiya yaushe ta samu lafiya.
Amsar tambayar da hubairu yakasa bawa kanshi kenan, adai-dai da dakarun suka kammala yi musu ƙawanya.
A na cikin wannan hali ne kwatsam sai aka hango wadansu dakaru na daban kuma mabanbanta na fitowa daga kowace kusurwa a birnin,waɗansu akan dakwai wasu a ƙafa.
Lokacin da suka kammala bayyana asannanne hubairu ya lura dacewa ba wasu bane ke jagorancin mayaƙan ba face Sarki shaibat da sarkin yaƙi abu-Damraz.
Yayin da dakarun suka yi arba da mai girma shaibat sai suka dare a tsakiyarsu suka bayar da wata hanya da mutum zai iya hucewa.
Sannu a hankali Sarki shaibat na ratsa tsakanin kafaɗun dakarun har ya bayyana daf inda Hibairu da baƙuwar jaruma take.
Tsawon daƙiƙa hamsin ana cikin wannan hali sai daga bisani ne sarki shaibat ya dubi hubairu yayi gyaran murya cikin matukar fushi fuskar shi har gyatsine take yi yace"yakai Babban abokin gaba na har abada hubairu ibn Shabbaru kayi sani cewa haƙiƙa kana da tsanin sa'a da rabo da har ka iya tsalle ke tarkona, ka sani cewa a halin yanzu bazaka tsira da rayuwarka ba, domin ka maimaita laifin da mahaifinka Barde Shabbaru yayi mini.
Yanzu abinda nake bukata kawai shine ka miƙo mini zoben sihirin cikin ruwan sanyi, kafin sarki shaibat ya gama rufe bakin shi sai akaji wata murya taɓa cewa "Haƙika nine nafi cancanta daya mallaki zoben sihiri face domin kuwa sai a yanzu ne na gano cewa ashe ma aikin banza nake yi dana ɓata lokaci wajen mallakar dukiyar gasar GOGA SHA FAMA.
Cike da matuƙar al'ajabi sarki shaibat, hubairu,baƙuwar jaruma suka waiga domin suga wanda yake wannan furuci, yayin da suka yi arba dashi sai suka yi turus!.
Ba wani ne bane face Sarki Baddadul-ulƙas shirye cikin gagarumar shigar yaƙi mai matukar kwarjini daban tsoro tamkar wani ifritu,hannun shi na hagu rike da wani irin makami na haske, na hagun kuwa rike da sarƙa ta wuta, wani dattijo ne ɗauke da jikin sarƙar ta ɗaure sassan jikinshi, ba wani ba ne dattijon ba face Barde Shabbaru mahaifin sarkin sadaukai Hibairu.
Sa'adda hubairu yayi arba da halin da mahaifishi ke ciki, bai san sa'adda kwalla ta cika Mashi idanu.
Sarki Baddadul-ulƙas ya bushe da dariyar mugunta sannan ya murtuke fuska ya ɗorawa dacewa "Binciken dana gudanar bisa halarar tsafina ya tabbatar mini dacewa duk wanda yake tare da zoben sihiri zai mulki duniya, domin, zai iya lalata dukkan sirrikan tsafin dake duniya, domin dukkan makarin tsafin dake duniya na jikinshi, yakai Hubairu kayi sani cewa, a halin yanzu mallaka mini zoben sihiri domin kuwa hakan ne zai sanya na cire mahaifin ka daga wannan kangin bauta, idan kuwa kayi kunnen uwar shegu dani yanzu zan hallakashi a gaban idanun ka kuma na kashe na mallaki zoben cikin ruwan sanyi.
Koda jin wannan batu daga bakin sarki Baddadul-ulƙas sai hawaye suka zubo daga idanun hubairu yaji tausayin mahaifin shi ya sake kama shi, kawai sai ya sanya hannu na dama akwai na hagu zai cire zoben sihiri ya
Da nufin ya miƙa wa Baddadul-ulƙas, amma sai baƙuwar jarumar ya dakatar dashi ta hanyar buɗar baki ta fara magana a karo na farko cikin Daddaɗar Murya tace"yakai sarkin sadaukai kayi sani cewa a yau ne zaka tabbata jarumi Ɗan baiwa, amma hakan bazai cika ba face ka rushe zaluncin wadannan sarakuna biyu, Baddadul-ulƙas da shaibat
Da ma dukkan zaluncin dake ɗoran ƙasa,
Ta hanyar amfani da wannan zobe.
Ka sani cewa damƙa shi ga sarki Baddadul-ulƙas tamakar ka damƙa rayuwarka da sauran al'ummar duniya cikin rayuwa da mutuwa, shin yanzu kana da tabbacin cewa sarki Baddadul-ulƙas bazai ci amanar ka ba idan ka mallaka ma shi zoben?.
Koda jin wannan jawabi haɗi da tambaya daga bakin baƙuwar budurwar sai Hibairu ya mayar da zoben bisa ɗan yatsanshi,
Shi kuwa sarki Baddadul-ulƙas sai ya bushe da dariyar mugunta ya dubi baƙuwar jarumar cikin tsakanin fushi yace"yake wannan jarumar ɓoye haƙiƙa kin tafka babban kuskure da kika shiga gonar da ba taki ba.
Yanzu nan zan ganar dake kuren ki, yana gama faɗin hakan sai kawai cilla sarƙar da dake hannun sa izuwa sama,take Barde Shabbaru dake ɗaure da sarƙar yayi sama tamkar an janye shi da ƙugiya ya tsaya a cikin iska, sannan Baddadul-ulƙas ya ɗaga wannan makami na haske dake hannun shi ya ruga izuwa kan baƙuwar jarumar yana ihu da kururuwar mai firgitarwa
Koda ganin hakan sai mai girma shaibat ya zare wata sharbebiyar takobi a damtsen shi ya kurma Wawan ihu yayi ɗauki kan Hubairu sarkin sadaukai.
Ana haɗuwa akayi karon batta ƙarfe, nan fa GWARAZAN JIYAn suka wanzu suna kaiwa juna sara da suka cikin matuƙar zafin nama juriya da jarumtaka irin ta zaratan Jarumai.
Lokacin da GWARAZAN JIYA huɗu, sarkin sadaukai,mai girma shaibat, Baddadul-ulƙas da baƙuwar jaruma suka ruguntsume da azababban yaƙi.
Sai suka wanzu suna kaiwa juna miyagun hare- hare cikin matuƙar zafin nama juriya da jarumtaka irin ta zaratan Jarumai.
Wohoho haƙiƙa masu iya magana sunyi gaskiya da suka ce idan Manyan giwaye suka fito filin daga, dole kananan dabbobi su zamo yan kallo, hakan ya faru ga sauran dakarun koda sukaga shuwagabannin su sun kacame da azababban yaƙi sai suka zamo yan kallo.
Kyan faɗa akwana ana yi inji masu iya magana, sai ɓangarorin huɗu suka shafe tsawon rabin Sa'a da daƙiƙa talatin Suna ɗauki ba daɗi ta hanyar kaiwa juna miyagun hare-hare tamkar waɗansu ifritai.
Duk sa'adda sarki Baddadul-ulƙas ya kaiwa naƙuwar jaruma sara da makamin dake hannun sa idan ya haɗu da takobin ta sai kaji sun fitar da sautin ƙara ƙal! Ƙal, kuma tartsatsin wuta ya tashi,
Sa'adda Baddadul-ulƙas yaga cewa ya kasa samun nasara akan baƙiwar jaruma sai ya fusata ainun kuma ya faɗa izuwa kogin tunani,
Abu na farko daya faɗo mashi a rai shine, shin mene ne dalilin da yasa sanya ya kasa samun nasara akan jarumar duk da cewar a zahiri ya fita karfin damtse da salon yaƙi, abu na biyu shine haƙiƙa idan yayi jinkirin kawar da ita sarki shaibat ya samu nasara akan Hibairu to zai riga shi mallakar zoben sihiri
Lokacin da Baddadul-ulƙas yazo nan a tunanin shi sai kawai ya zage damtse yana cigaba da kaiwa naƙuwar jaruma sara da suka cikin ɓakin zafin nama, amma sai wani tunanin da ya faɗo mashi shine anya kuwa wannan ba jaruma Amirat ba da ta fafata yaƙi da hubairu a gasar GOGA SHA FAMA ba, amma idan kuwa har ita ce ɗin akwai babbar damuwa domin kuwa komai zai iya kasance, domin binciken da na gudanar bisa halarar tsafina ya tabbatar mini dacewa da sani Amirat ta faɗi wannan gasa domin hubairu ya samu nasara.
Lokacin da ya sake zuwa nan azancenshi sai zuciyar shi ta buga da karfi, amma saboda ƙi faɗi irin ta hamshakan sarakai sai ya bar abin a ranshi.
Abangaren mai girma shaibat da sarkin sadaukai kuwa sun wanzu suna kaiwa juna sara da suka babu sassauci. Ga duk wanda ke kallon yadda artabun ke wakana zai fahimci cewa mai girma shaibat ya nunkashi a karfin damtse sau huɗu.
Abinda ke ceton hubairu shine naci da zafin nama, amma badan hakan ba da tuni shaibat ya samu nasara akan shi.
Lokacin da kowannen su yaga cewa yakasa samun nasara sai ya faɗa izuwa kogin tunani domin samun mafita.
Abu na farko daya faɗo sarki shaibat shin yaza'ayi ace gwarzon mayaƙi kamar shi ya kasa samun nasara akan Hibairu, yaushe aka samu wani hatsabibin jarumi a wannan nahiya dazai fishi karfin damtse, ko kuwa zarginshi ya tabbata na cewa hubairu ya ƙarɓi addinin Musulunci ne ,haƙiƙa idan kuwa haka ne akwai baban matsala akoda yaushe zan iya kunyata domin ma'abota addinin Musulunci hatsabiban mutane ne da babu su a wannan duniya baki ɗaya, haƙiƙa wajibi ne na ƙara zage damtse.
Aɓangaren hubairu kuwa abinda ya faɗo mashi a rai shine shin ya akayi yana tare da zoben sihirin shi amma ya gaza samun nasara akan shaibat, abu na biyu daya faɗo mashi a rai ne matsawar kana son kayi nasara, wajibi ne ka kayi amfani da waɗannan kalmomi na jaruma Amirat waɗanda ka karanta su har ka samu nasarar lashe gasar GOGA SHA FAMA.
Lokacin da dukkan suka zo nan a tunanin su sai suka canza salon faɗansu, sarki shaibat na karanta muhimman sirrikan tsafi a ranshi,
Hubairu kuma ambaton sunayen Ubangijin jaruma Amirat a cikin ranshi.
Gaskiyar masu iya magana da suka ce idan kiɗa ya canza dole rawa ma ta canza, faruwar hakan keda wuya sai hubairu ya fara samun nasara akan shaibat, duk sa'adda sarki shaibat ya kai mashi hari idan ya kare kafin ya sake mayar da martani, hubairu ya soka mashi mashinshi a wani ɓari a jikinshi jini ya kwatanta.
Abinda shaibat bai sani ba shine bakomai ya sanya sihirin shi yaƙi yin tasiri ba sai domin zoben sihirin hubairu bazai bari nashi na yayi tasiri ba.
Kamar yadda ya wakana abangaren su hubairu,haka al'amarin yakasance ga su Baddadul-ulƙas, a inda baƙuwar jaruma ta fara samun nasara akan shi har takai ga cewa baya iya mayar da martani ya shiga yin amfani da sihiri amma sai ya zamana ya tashi abanza domin kuwa duk sihirin daya turawa jarumar da ya doshi inda take sai su zama hayaƙi su ɓace ɓat.
Ana cikin wannan yaƙi ne mai girma shaibat ya shammaci hubairu ya gabza mashi naushi a ciki, saboda karfin naushin sai da ya yayi sama tamkar an jashi da ƙugiya amma ya daɗo ƙasa yana mai amai na jini lokacin daya dunga birgima aƙasa yana mai dafe cikinshi saboda yadda yake murɗamshi.
Koda samun wannan nasara sai shaibat ya suri mashin hubairu daya faɗi can gefe guda ya taka dakyar har izuwa inda yake ya ɗaga Mashin domin ya caka akan saitin zuciyar hubairu, yana mai yi mashi murmushin mugunta.
Al'amarin daya sanya hankalin baƙuwar jaruma ya dugunzuma ainun kenan ta juya domin kaiwa hubairu ɗauki, kafin tayi taku biyu Baddadul-ulƙas ya sammace ta ya maka mata wani makami a tsakiyar kanta, take ta sulale ƙasa sumammiya babu alamun numfashi a tare da ita.
Kwatsam bazato babu tsammani sai a kaga waɗansu zaratan kibbau sun dira akan gadon bayan sarki shaibat sun faso ta ƙirjinshi jini ya dunga kwaranya yana tsartuwa tamkar an buɗe kan fanfo.
Al'amarin daya sanya shaibat ya saki makamin dake hannun shi kenan, ya kurma wawan ihu yana mai durkushewa ƙasa domin yaga wanda ya harbeshin.
Ai kuwa sai ya yi arba da ita ba wata bace face jaruma Amirat zaune a bisa kan wani matashin aljani,zaune a gefen ta na dama wata tsaleliyar kyakkyawar budurwa tagaban kwatance, waɗansu tawagar aljanu marasa adadi na biye da ita cikin shigar yaƙi tamkar masu shirin yaƙar duniya, suna saukowa daga sararin samaniya.
Nan fa kowa dake wajen ya shiga da matukar al'ajabi, musamman jarumi Hibairu SARKIN SADAUKAI dake kwance a ƙasa magashiyan
Shi kuwa sarki Baddadul-ulƙas saboda ya matuƙar al'ajabin ya manta da baƙuwar jaruma da ya sumar ya ɗaga kanshi sama yana ƙarewa Jaruma Amira kallo cikin tashin hankali,yana mai tambayar kanshi a cikin ranshi yana mai cewa "shin kenan baƙuwar jarumar da nake fafatawa da ita ba ita ce Amirat ba, yaushe Amirat ta samu lafiya, sannan a ina ta ɗauko wannan tawagar aljanu da idanu basu taɓa ganin irin su ba.
Amsar tambayayin daya kasa bawa kanshi kenan.
Kwatsam bazato babu tsammani sai aka ga sarkin sadaukai Hibairu ya miƙe tsaye zumbur cikin koshin lafiya ya suri waɗansu takubba biyu ya ɗora akan wuyan sarkin shaibat ya tsinke mashi kai, kan yayi fitar burgu,jini ya dunga feshi yana kwaranya, ganagar jikin ta faɗi ƙasa rikici! .
Kaico! Haƙiƙa kafirci rayuwar banza ce, ina da ace mutum yana tsaye a wannan waje zai ga yadda gawar mai girma shaibat ta wulakanta kwance a ƙasa, dole yayiwa Allah godiya bisa ganin yadda Allah ya kawo karshen azzalumi.
Cikin wani irin baƙin zafin nama HUBAIRU ya daga tsalle sama, sai gashi yana taka kawunan dakarun dake tsaye a wajen tamkar yana tafiya a turba, cikin abinda bai gaza daƙiƙa goma ya dira a dai-dai saitin in da sarki Baddadul-ulƙas ke tsaye tun a saman ya kai mashi wani wawan sara a kafaɗar shi.
Bisa sa'a sai gashi ya sare hannun shi ɗaya, Baddadul-ulƙas ya kurma ihu lokacin da jini ke feshi daga dungulmin hanuun.
Cikin ɓakar zuciya Baddadul-ulƙas ya sanya hannun sa ɗayan ya kaiwa hubairu naushi a fuska.
Cikin zafin nama HUBAIRU ya wurƙila ya zamewa harin ya sake sanya takobin shi ya sare ɗayan hannun, Baddadul-ulƙas ya sake kurma ihu ya durkusa kasa bisa gwiwoyinshi, haka dai hubairu ya shiga sare gaɓoɓin Baddadul-ulƙas ɗaya bayan ɗaya, duk sa'adda ya sarewa wata gaɓar sai sarkar tsafin data ɗaure mahaifinshi Barde Shabbaru ta ɓace ɓat.
Lokacin da yazamana cewa kai ne kawai ya rage da gangar jiki a tare da Baddadul-ulƙas sai Barde Shabbaru ya faɗo ƙasa daga sararin samaniya babu komai na sarkar tsafin a tare dashi, kuma a dai-dai wannan lokaci ne tawagar su saurayi Hizmal suka iso wajen filin fafatawar tare da dabbobin hubairu, kuma jaruma Amirat da tawagar aljanun dake biye da ita suka sauka a turba.
Sa'adda su Hizmal suka ga gawar mai girma shaibat a ƙasa, kuma suka yi arba da sarki Baddadul-ulƙas cikin mummunan yanayin dake tsakanin Rayuwa da mutuwa, sai suka cika da matukar mamaki da farin ciki.
A bangaren Dabbobin hubairu kuwa koda sukayi arbda da Baddadul-ulƙas sai kawai suka afka masa suka shiga yaga sassan jikin shi kafin wani lokaci babu wani abu na jikinshi da basu cinye ba face kans hi.
Kaico! Haƙiƙa mutuwar azzalumai ba ta da daɗin kallo, yanzu dai gashi duk kasaita da dukiya, sihiri gami da jarumtaka da sarki Baddadul-ulƙas ke takama dashi sun zamo a banza yayi mutuwar wulakanci, wacce dabbobi ne ma marasa daraja suka kashe shi wanda shi bai ɗauki rai na ɗan adam a bakin komai ba.
Cikin matukar kwaɗuwa hubairu ya durƙusa a gaban baƙuwar jaruma domin yaga a wane hali take ciki, amma sai yaji taja dogon Gwauron numfashi ta miƙe tsaye cikin koshin lafiya, dai dai lokacin da jaruma Amirat ta iso inda take tsaye suka rungume juna cikin matuƙar farin ciki, koda ganin sai hubairu ya riga izuwa inda mahaifinshi yake tsaye suka rungume juna suna masu fashewa da kukan farin ciki.
A sannanne gumbiya Zarifa dake tare Amirat ta hango mahaifinta sarki uslaim don haka sai ta ruga gareshi suka rungume juna suna masu zubar da hawayen farin cikin sake saduwa da juna,
Ashe shi ma aljani Marhutul-Azab ya lura cewa wanɗannan tawagar aljanu da ke tare da Amirat ba wasu ba ne face zuri'arshi dake bukatar jarumi Hibairu ya ceto su daga fadar sarkin bokayen Duniya, kawai sai ya ruga garesu cikin farin cikin saduwa da juna.
Bayan komai ya samu lafawa kuma jama'ar gari sun taru a wajen lokacin alfijir ya keto sai jaruma Amirat ta shiga yiwa jama'a bayanin yadda akayi ta samu nasarar zuwa fadar sarkin bokayen Duniya a cikin sa'o'i kaɗan har ta ceto rayuwar gimbiya Zarifa yar sarki uslaim tare da zuri'ar aljani Marhutul-Azab da ruhukansu dake ajiye a cikin akwatun shiri, tun daga farko har ƙarshe ta zayyanewa jama'a.
Sa'adda jama'a suka ji wannan bajinta gami da karfin Ubangijin halitta sai suka kara cika da mamaki da imani da Allah (SWT).
Jarumi Hibairu da mahaifinshi Shabbaru ne suka fara ƙarbar kalmar shahada a hannun Amirat, sannan jaruma sunaila, Hizmal, Abidatul-auliya,Nuwairat,yaro Humair makaho, matsafi shubairu, budurwa Nihla,sarki shazwan da tawagar bokayen shi,gimbiya, boka ƙarzum, aljani Darmanu tare da tawagar aljani Marhutul-Azab sai dukkan jama'ar gari da suka bayyana a wajen,
A wannan waje ne wani abu ya faru domin kuwa bayan sarauniya Abidatul-auliya da masoyinta matsafi shubairu sun faɗi kalmar shahada nan take suka ji wannan cutar kuturta dake tsagin jikin su ta daina yi musu ciwo yayin da suka duba kuwa sai suka ga babu komai tamkar cutar bata taɓa wanzuwa ba, yaro Humair makaho kuwa shi sai yaga idanunshi yana iya ganin kowa alamar ya samu lafiya.
Nan fa suka ji sun ƙara imani da ubangijin musulunci.
Kashe gari tun da duku-dukun safiya fadar margayi shaibat ta cika ta batse da jama'a babu masaka tsinke domin yin naɗin sarautar hubairu sarkin sadaukai tare da ɗaurin aurenshi da Budurwa Nihla, sarauniya Nuwairat, jaruma Amirat da gimbiya haya'ul-nur yar mai girma shaibat tare gumbiya Rumaisat yar sarki shuraih,tare naɗin wazirin shi sarkin yaƙi abu-Damraz bayan shima ya karbi addinin Musulunci,
Saurayi Hizmal suka zai auri jaruma sunaila da baƙuwar jaruma ba wata bace wannan baƙuwar jaruma ba face amrita wacce suka kasance Hassana da Husaini ga jaruma Amirat, lokacin da fuskar ta ta bayyana a fili sai da kowa ya cika matuƙar al'ajabi bisa ganin yadda kamannin baƙuwar suka zo ɗaya sak da na Amirat tamkar an tsaga kara.
Sarki shazwan kuwa zai auri gimbiya yar uwa ga jaruma sunaila,
Sarauniya Abidatul-auliya kuwa da matsafi shubairu masoyin ta.
Sarki Hamza mahaifin jaruma Amirat ne ya zamo waliyin amaren, wani hadimin shi mai suna Salman kuwa ya zamo waliyin angwaye.
Bayan anyi shagin ɗaurin aure da naɗin sarauta dukiyar da za'a bawa hubairu ta nasarar cinye gasar GOGA SHA FAMA kuwa sai yayi umarni aka dunga rabawa talakawan gari tare bawa dukkanin bayin kurkuku da aka 'yan tasu.
Haƙiƙa anyi gagarumin shagalin da ba'a taɓa yin kamar shi ba iya Tsawon wanzuwar birnin madinatul-shaja'a, domin kowa ya wadata da arziki mai tarin yawa.
Bayan mako guda ne da faruwar hakan sai sarki Hubairu yayi umarni ga waɗannan aljanu yan uwan aljani Marhutul-Azab suka ɗauki Sarauniya Abidatul-auliya da angwanto, sunaila da nata aka kai su izuwa kasashen su,
A inda matsafi shubairu yazama sabon Sarkin birin Tehran,saurayi Hizmal kuwa yazamo sabon sarkin birin Baitul-mausul, bayan ya warkar da sarki ishwar mahaifin jaruma sunaila daga lalurar dake damunshi bisa ikon Ubangijin musulmi batare da anyi amfani da tsumin tsafin dake fadar sarki bokayen Duniya ba , yarima ubaiyu ya zama wazirinshi, yarima zaiyum kuwa ya zama shugaban majalissar sarki bayan sun karɓi addinin Musulunci, kuma suka janye gabar dake tsakanin su da yar uwar su jaruma sunaila.
Sarki shazwan da amaryar shi Gimbiya Hushriba yar uwata ga sunaila suka kasance cikin aminci,
Lokacin da aljani Darmanu ya ɗauki sarki uslaim, boka ƙarzum da gimbiya Zarifa bai zame ko ina sai tsakiyar birnin baharen ya sauka a turba,
Nan fa farin ciki ya kama jama'ar bisa dawowar gimbiya Zarifa da sarki, kuma a wannan rana aka ɗaura auren boka ƙarzum da gimbiya Zarifa
Sarki Hamza mahaifin jaruma Amirat ya koma izuwa birnin madinatul-salam bayan ya aika da malaman addini izuwa dukkan kasashen daban-daban.
Yaro Humair makaho ya ci gaba da kasance tare da sarki Hubairu, daga wannan rana hasken musulmi ya mamaye ko ina a duniya, a kawo KARSHEN ZALUNCI da azzalumai, adalci ya cigaba da wanzuwa.
ƘARSHE
Alhamdulillah
Daga mai ɗebe maku kewa a kullum da Koyaushe
Sarkin marubuta littattafan Yaƙi
MANSUR USMAN SUFI
08137237071
Downloaded From https://tknovels.com.ng